ᱦᱤᱢᱞᱚᱛᱟ
ᱦᱤᱢᱞᱚᱛᱟ (ᱡᱟᱱᱟᱢ 16 ᱟᱜᱚᱥᱴ 1954) ᱫᱚ ᱦᱩᱭᱩᱜ ᱠᱟᱱᱟ ᱵᱚᱞᱤᱭᱩᱰ ᱨᱮᱱ ᱢᱤᱫ ᱵᱷᱟᱨᱚᱛᱤᱭᱚ ᱥᱟᱥᱛᱟᱹᱨᱤ ᱞᱮᱠᱟᱛᱮ ᱥᱮᱪᱮᱫ ᱟᱠᱟᱱ ᱥᱮᱨᱮᱧ ᱠᱟᱹᱨᱤᱜᱚᱞ 1970 ᱜᱮᱞᱟᱝ ᱨᱮᱭᱟᱜ ᱢᱩᱪᱟᱹᱫ ᱥᱮᱫ ᱟᱡᱟᱜ ᱥᱮᱨᱮᱧ ᱞᱟᱹᱜᱤᱫ ᱥᱚᱨᱮᱥᱮ ᱩᱯᱨᱩᱢ ᱞᱮᱱᱟ, ᱵᱤᱥᱮᱥ ᱠᱟᱛᱮ ᱚᱱᱠᱷᱤᱭᱳᱱ ᱠᱮ ᱡᱟᱨᱳᱠᱷᱳ ᱥᱮᱱ ᱥᱮᱨᱮᱧ ᱞᱟᱹᱜᱤᱫ ᱾[᱑][᱒]
ᱩᱱᱤᱟᱜ ᱚᱠᱛᱚ ᱨᱮ ᱢᱚᱬᱮ ᱫᱷᱟᱣ ᱯᱷᱤᱞᱢᱯᱷᱮᱭᱟᱨ ᱥᱚᱨᱮᱥ ᱛᱤᱨᱞᱟᱹ ᱥᱮᱨᱮᱧ ᱟᱱ ᱥᱤᱨᱯᱟᱹ ᱞᱟᱹᱜᱤᱫ ᱵᱟᱪᱷᱱᱟᱣ ᱞᱮᱱᱟᱭ ᱟᱨ 1977 ᱥᱟᱹᱦᱤᱛ ᱨᱮ ᱪᱤᱪᱪᱳᱨ ᱞᱟᱹᱜᱤᱫ "ᱴᱩ ᱡᱳ ᱢᱮᱨᱮ ᱥᱩᱨ ᱢᱮ" ᱼ ᱨᱮᱱᱟᱜ ᱥᱟᱥᱛᱚᱨ ᱥᱮᱨᱮᱧ ᱞᱟᱹᱜᱤᱫ ᱢᱤᱫ ᱫᱷᱟᱣ ᱡᱤᱛᱠᱟᱹᱨ ᱞᱮᱱᱟᱭ, ᱡᱟᱦᱟᱸ ᱫᱚ ᱛᱟᱦᱮᱸ ᱠᱟᱱᱟ ᱨᱮᱵᱤᱱᱫᱨᱚ ᱡᱳᱭᱤᱱ ᱫᱟᱨᱟᱭ ᱛᱮ ᱚᱞ ᱠᱮ ᱡᱮᱹᱡ ᱤᱭᱮᱥᱩᱫᱟᱥ ᱥᱟᱶᱛᱮ ᱰᱩᱭᱮᱴ ᱾
ᱮᱛᱚᱦᱚᱵ ᱡᱤᱭᱚᱱ ᱟᱨ ᱛᱟᱭᱚᱢ ᱫᱟᱨᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱦᱟᱭᱫᱨᱟᱵᱟᱫ ᱞᱚᱛᱟ ᱵᱚᱛᱛᱚ ᱧᱩᱛᱩᱢ ᱛᱮ ᱢᱤᱫᱴᱟᱝ ᱢᱟᱨᱳᱣᱟᱨᱤ ᱵᱨᱟᱢᱵᱷᱚᱱ ᱜᱷᱟᱨᱚᱸᱡᱽ ᱨᱮᱭ ᱡᱟᱱᱟᱢ ᱞᱮᱱᱟ ᱟᱨ ᱟᱭᱟᱜ ᱜᱤᱫᱽᱨᱟᱹ ᱫᱤᱱ ᱠᱚ ᱠᱚᱞᱠᱟᱛᱟ ᱨᱮᱭ ᱛᱟᱦᱮᱱ ᱠᱟᱱᱟ ᱾[᱓]
ᱩᱱᱤ ᱵᱷᱟᱨᱚᱛᱤᱭᱚ ᱪᱚᱞᱚᱛᱪᱤᱛᱟᱹᱨ ᱯᱟᱴᱷᱚᱠᱤᱭᱟᱹ ᱡᱳᱜᱤᱛᱟ ᱵᱟᱞᱤ ᱨᱮᱱ ᱵᱚᱭᱦᱟ ᱡᱳᱜᱮᱥ ᱵᱟᱞᱤ ᱥᱟᱶᱛᱮ ᱵᱟᱯᱞᱟ ᱞᱮᱱᱟᱭ ᱾[᱔]
ᱠᱟᱹᱢᱤᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱠᱟᱹᱢᱤ ᱡᱤᱭᱚᱱ ᱨᱮ ᱢᱩᱲᱩᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱨᱚᱵᱤᱱᱫᱨᱚ ᱡᱚᱭᱤᱱ ᱥᱟᱶ ᱩᱱᱤ ᱟᱨᱦᱚᱸ ᱟᱭᱢᱟ ᱥᱮᱨᱮᱧ ᱨᱮᱭ ᱠᱟᱹᱢᱤ ᱟᱠᱟᱫᱟ ᱾ ᱱᱚᱶᱟ ᱠᱚ ᱢᱩᱫᱽᱨᱮ ᱢᱮᱱᱟᱜᱼᱟ "ᱚᱱᱠᱷᱤᱣᱳ ᱠᱮ ᱡᱟᱨᱳᱠᱷᱳ ᱥᱮ" ᱾ ᱵᱤᱱᱟᱠᱟ ᱥᱮᱨᱮᱧ ᱢᱟᱞᱟ (ᱢᱤᱫᱴᱟᱝ ᱨᱮᱰᱤᱣᱳ ᱥᱳ ᱡᱟᱦᱟᱸ ᱮᱞᱵᱟᱢ ᱟᱹᱠᱷᱨᱤᱧ ᱨᱮᱭᱟᱜ ᱨᱮᱠᱚᱨᱰ ᱠᱚ ᱚᱞ ᱞᱮᱫᱟ) ᱞᱮᱠᱟᱛᱮ, ᱱᱚᱶᱟ 1978 ᱥᱟᱹᱦᱤᱛ ᱨᱮ ᱢᱤᱫ ᱱᱟᱢᱵᱟᱨ ᱥᱮᱨᱮᱧ ᱨᱮ ᱵᱮᱱᱟᱣ ᱞᱮᱱᱟ ᱾ ᱱᱚᱶᱟ ᱥᱮᱨᱮᱧ ᱞᱟᱹᱜᱤᱫ ᱥᱚᱨᱮᱥ ᱛᱤᱨᱞᱟᱹ ᱥᱮᱨᱮᱧ ᱠᱟᱹᱨᱤᱜᱚᱞ ᱞᱮᱠᱟᱛᱮ ᱯᱷᱤᱞᱢᱯᱷᱮᱭᱟᱨ ᱥᱤᱨᱯᱟᱹᱭ ᱵᱟᱪᱷᱱᱟᱣ ᱞᱮᱱᱟ ᱾ ᱱᱚᱶᱟ ᱫᱚ ᱤᱭᱩᱴᱤᱭᱩᱵ ᱨᱮ ᱞᱚᱠᱚᱱ ᱦᱚᱲ ᱠᱚ ᱧᱮᱞ ᱟᱠᱟᱫᱟ ᱾ [᱕] ᱡᱳᱭᱱᱚ ᱟᱜ ᱠᱮᱥᱮᱴ ᱮᱞᱵᱟᱢ ᱥᱟᱦᱚᱡ ᱫᱟᱨᱟ (1991) ᱨᱮ ᱥᱮᱨᱮᱧ ᱞᱮᱫᱟᱭ, ᱡᱟᱦᱟᱸ ᱫᱚ ᱥᱨᱤ ᱢᱟᱛᱟᱡᱤ ᱱᱤᱨᱢᱟᱞᱟ ᱫᱮᱵᱤᱭᱟᱜ ᱧᱩᱛᱩᱢ ᱛᱮ ᱮᱢ ᱦᱩᱭ ᱞᱮᱱᱟ ᱟᱨ 1992 ᱥᱟᱹᱦᱤᱛ ᱨᱮᱭᱟᱜ ᱡᱩᱞᱟᱭ ᱪᱟᱸᱫᱳᱨᱮ ᱵᱮᱞᱡᱤᱭᱟᱢ ᱨᱮᱭᱟᱜ ᱵᱨᱚᱥᱮᱞᱥ ᱨᱮ ᱵᱟᱨᱭᱟ ᱠᱚᱱᱥᱟᱨᱴ ᱨᱮ ᱱᱚᱶᱟ ᱮᱞᱵᱟᱢ ᱨᱮᱭᱟᱜ ᱥᱮᱨᱮᱧ ᱮ ᱥᱮᱨᱮᱧ ᱞᱮᱫᱟ ᱾[᱖][᱗]
1990 ᱜᱮᱞᱟᱝ ᱨᱮ,ᱰᱩᱨᱰᱟᱨᱥᱚᱱ ᱩᱱᱤ "ᱛᱤᱥᱟ ᱱᱟᱫᱤ ᱥᱤ ᱛᱩ ᱪᱚᱱᱪᱚᱞᱟ" ᱥᱮᱨᱮᱧ ᱠᱚᱨᱟᱣ ᱞᱟᱹᱜᱤᱫ ᱱᱩᱛᱚᱱᱟ ᱞᱮᱫᱮᱭᱟ [᱘]
ᱠᱟᱹᱢᱤ ᱡᱤᱭᱚᱱ ᱟᱨ ᱮᱞᱵᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱩᱱᱤ ᱫᱚ ᱨᱟᱢᱟᱱᱚᱱᱫᱚ ᱥᱟᱜᱟᱨᱟᱜ ᱢᱟᱦᱟᱠᱟᱵ ᱴᱤᱵᱷᱤ ᱥᱤᱨᱤᱭᱟᱞ ᱨᱟᱢᱟᱭᱚᱱ ᱞᱟᱹᱜᱤᱫ ᱟᱡᱟᱜ ᱥᱮᱨᱮᱧ ᱮ ᱥᱮᱨᱮᱧ ᱟᱠᱟᱫᱟ ᱾ (ᱩᱱᱤ ᱫᱚ ᱢᱤᱫᱴᱟᱝ ᱮᱯᱤᱥᱳᱰ ᱨᱮ ᱥᱮᱨᱣᱟ ᱟᱱᱟᱜ ᱢᱤᱨᱚ ᱵᱷᱚᱡᱟᱱ ᱯᱮᱣᱳᱡᱤ ᱢᱮᱭ ᱨᱟᱢ ᱨᱚᱛᱚᱱ ᱫᱟᱱ ᱯᱮᱣᱳᱡᱤᱨ ᱥᱟᱶ ᱥᱟᱶᱛᱮ ᱩᱛᱛᱚᱨ ᱨᱟᱢᱟᱭᱚᱱ (ᱞᱩᱵ ᱠᱩᱥᱚ ᱟᱨ ᱥᱨᱤ ᱠᱨᱤᱥᱚᱱ) ᱥᱮᱨᱮᱧ ᱞᱟᱹᱜᱤᱫ ᱮ ᱥᱮᱴᱮᱨ ᱞᱮᱱᱟ ᱾[᱙]
1992 ᱥᱟᱹᱦᱤᱛ ᱤᱥᱴᱨᱮ ᱨᱮ ᱥᱮᱨᱮᱧ ᱟᱠᱷᱲᱟ ᱨᱮ ᱩᱱᱤ ᱫᱚ ᱛᱚᱛᱮᱹᱞᱤ ᱥᱮᱨᱮᱧ "ᱳ ᱥᱳᱞ ᱢᱤᱭᱳ" ᱥᱮᱨᱮᱧ ᱞᱮᱫᱟᱭ ᱾[᱑᱐]
ᱯᱮᱭᱟ ᱮᱞᱵᱟᱢ ᱤᱫᱤ ᱠᱟᱛᱮ, ᱴᱤᱯᱥ ᱥᱩᱢᱩᱝ ᱥᱚᱨᱦᱟᱫᱤᱱ ᱩᱪᱷᱟᱹᱱ ᱞᱮᱫᱟᱭ ᱾[᱑᱑]
ᱩᱱᱤ ᱫᱚ ᱢᱤᱫᱴᱟᱝ ᱥᱩᱢᱩᱝ ᱵᱚᱞᱤᱭᱩᱰ ᱥᱮᱨᱮᱧ ᱠᱟᱹᱨᱤᱜᱚᱞ ᱮ ᱛᱟᱦᱮᱸᱠᱟᱱᱟ, ᱡᱟᱦᱟᱸᱭ ᱫᱚ ᱥᱤᱠᱷ ᱠᱚᱣᱟᱜ ᱡᱮᱜᱮᱫ ᱜᱟᱛᱟᱠ ᱟᱨ ᱯᱟᱧᱡᱟᱵᱽ ᱥᱚᱨᱠᱟᱨ ᱥᱟᱶ ᱥᱟᱶ ᱛᱮ ᱫᱷᱚᱨᱚᱢ ᱚᱠᱟᱞ ᱛᱚᱠᱛᱚ ᱫᱟᱨᱟᱭ ᱛᱮ 1999 ᱥᱟᱹᱦᱤᱛ ᱨᱮᱭᱟᱜ 13 ᱮᱯᱨᱤᱞ ᱥᱨᱤ ᱟᱱᱚᱱᱫᱚᱯᱩᱨ ᱥᱟᱦᱵ ᱚᱠᱟᱞ ᱛᱚᱛᱛᱚ ᱨᱮ ᱥᱤᱠᱷ ᱠᱷᱚᱞᱥᱟ ᱯᱟᱱᱛᱷ 300 ᱥᱮᱨᱢᱟ ᱢᱟᱱᱟᱣ ᱞᱟᱹᱜᱤᱫ ᱢᱩᱲᱩᱫ ᱨᱟᱜᱽ ᱨᱮ ᱚᱞ ᱜᱩᱨᱢᱚᱛ ᱥᱮᱨᱮᱧ ᱩᱫᱩᱜ ᱥᱚᱫᱚᱨ ᱞᱟᱹᱜᱤᱫ ᱵᱟᱪᱷᱱᱟᱣ ᱞᱮᱱᱟᱭ ᱾[᱑᱒] ᱠᱤᱱᱤ ᱛᱮᱨᱟ ᱚᱱᱛ ᱱᱟ ᱯᱮᱭᱟ ᱥᱤᱠᱷ ᱥᱮᱨᱮᱧ ᱨᱮᱭᱟᱜ ᱢᱤᱫᱴᱟᱝ ᱮᱞᱵᱟᱢ ᱛᱟᱦᱮᱸᱠᱟᱱᱟ ᱡᱟᱦᱟᱸ ᱫᱚ ᱵᱤᱥᱮᱥ ᱠᱟᱭᱛᱮ ᱩᱱᱤᱭᱟᱜ ᱥᱮᱨᱮᱧ ᱨᱮ ᱛᱟᱦᱮᱸ ᱠᱟᱱᱟ ᱟᱨ ᱯᱟᱱᱡᱟᱵ ᱨᱮᱱ ᱢᱟᱹᱱᱟᱱ ᱢᱩᱲᱩᱫ ᱢᱚᱱᱛᱨᱤ ᱥᱨᱤ ᱯᱨᱚᱠᱟᱥ ᱥᱤᱝ ᱵᱟᱫᱚᱞ ᱫᱟᱨᱟᱭ ᱛᱮ ᱥᱚᱫᱚᱨ ᱞᱮᱱᱟ ᱟᱨ ᱵᱷᱟᱨᱚᱛ ᱨᱮᱱ ᱢᱟᱹᱱᱟᱱ ᱢᱟᱨᱟᱝ ᱢᱚᱱᱛᱨᱤ ᱥᱨᱤ ᱚᱱᱛᱚᱞ ᱵᱤᱦᱟᱹᱨᱤ ᱵᱟᱡᱯᱮᱭᱤ ᱫᱟᱨᱟᱭ ᱛᱮ ᱥᱮᱞᱮᱫ ᱞᱮᱱᱟᱭ ᱟᱨ ᱩᱱᱤ ᱫᱚ ᱩᱱᱤ ᱫᱚ ᱟᱡᱮ ᱥᱟᱸᱫᱮᱥ ᱮ ᱮᱢ ᱞᱮᱫᱟ ᱾
ᱥᱤᱨᱯᱟᱹ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ Salam, Ziya Us (2012-11-08). "Ankhiyon ke Jharonkhon se". The Hindu (in Indian English). ISSN 0971-751X. Retrieved 2021-04-02.
- ↑ Ankhiyon Ke Jharokhon Se - Classic Romantic Song - Sachin & Ranjeeta - Old Hindi Songs
- ↑ "Hemlata – Interview". cineplot. Retrieved 2 October 2011.
- ↑ Ankhiyon ke Jharokhon Se - Hemlata. Cinemaazi.
- ↑ "Ankhiyon Ke Jharokhon Se". Rajshri Production. 19 December 2007. Retrieved 26 November 2011.
- ↑ "1992-0703 Sahaja Yoga public program, Brussels. Part 1: Music by Hemlata". 27 May 2012. Retrieved 1 January 2016.
- ↑ "1992-0704 Sahaja Yoga public program, Brussels. Music by Hemlata". 27 May 2012. Retrieved 1 January 2016.
- ↑ "Tista Nadi Si Tu Chanchala – Yasudas & Hemlata Nonfilmi Song Aired on Doordarshan". Atulinus. 2 July 2011.
- ↑ "Payoji Maine Ram Ratan Dhan payo-Hemlata". Atulinus. 30 July 2011.
- ↑ "1992-0418 Hemlata – Sardesai Sole Mio". 21 February 2013. Retrieved 1 January 2016.
- ↑ "Sarhadein". Ovi Music. January 2002. Archived from the original on 3 November 2011.
- ↑ "Yatra Camp Guests on celebration of 300 years of Khalsa Panth". Sikhnet. 14 April 1999.