ᱦᱤᱦᱤᱲᱤ ᱯᱤᱯᱤᱲᱤ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ

ᱦᱤᱦᱤᱲᱤ ᱯᱤᱯᱤᱲᱤ

ᱚᱜᱚᱢ ᱫᱚᱨᱮᱭᱟ ᱫᱟᱜ ᱛᱟᱞᱟᱨᱮ ᱥᱤᱨᱟ.ᱢ ᱠᱟᱨᱟᱢ ᱫᱟᱨᱮ ᱪᱚᱴᱨᱮ ᱦᱟᱸᱥ ᱦᱟᱺᱥᱞᱤ ᱛᱩᱠᱟ.ᱨᱮ ᱵᱟᱨᱮᱭᱟ ᱢᱟ.ᱱᱢᱤ ᱠᱤᱱ ᱦᱚᱯᱚᱱ ᱮᱱ ᱛᱟᱭᱚᱢ ᱩᱱ ᱠᱤᱱ ᱦᱟᱨᱟ ᱵᱩᱨᱩ ᱠᱟᱛᱮ ᱞᱟᱛᱟᱨ ᱟᱬᱜᱚ ᱥᱟᱱᱟ ᱠᱮᱫ ᱠᱤᱱᱟ ᱾ ᱞᱟᱛᱟᱨ ᱨᱮ ᱫᱟᱜ ᱜᱮ ᱯᱮᱨᱮᱡ ᱪᱚᱲᱟᱝ ᱟᱠᱟᱱ ᱠᱷᱟ.ᱛᱤᱨ ᱚᱠᱟ ᱨᱮᱠᱤᱱ ᱟᱬᱜᱚᱱᱟ ᱩᱭᱦᱟ.ᱨ ᱠᱟᱛᱮ ᱦᱟᱸᱥ ᱦᱟᱺᱥᱞᱤ ᱟ.ᱰᱤ ᱡᱩᱨ ᱠᱤᱱ ᱵᱷᱟ.ᱵᱤᱛ ᱮᱱᱟ ᱾ ᱡᱟᱦᱟᱸ ᱠᱷᱟ.ᱛᱤᱨ ᱩᱱᱠᱤᱱ ᱫᱷᱚᱨᱢᱚ ᱴᱷᱮᱱ ᱠᱤᱱ ᱨᱟᱜ ᱦᱚᱢᱚᱨ ᱠᱮᱜᱼᱟ ᱾ ᱫᱷᱚᱨᱢᱚᱣᱟᱜ ᱛᱷᱩᱢ ᱛᱮ ᱫᱷᱟ.ᱨᱛᱤ ᱯᱩᱨᱤ ᱢᱟ ᱯᱷᱩᱴᱟ.ᱜ ᱨᱟᱠᱟᱵ ᱮᱱᱟ ᱤᱠᱷᱟ.ᱱ ᱜᱚᱴᱟᱯᱟᱲᱟ ᱠᱷᱟ.ᱞᱤ ᱜᱤᱛᱤᱞ ᱟᱨ ᱦᱟᱥᱟ ᱜᱮ ᱛᱟᱦᱮᱸ ᱠᱟᱱᱟ ᱾ ᱟᱨ ᱛᱟᱞᱟᱨᱮ ᱛᱟᱞᱟᱨᱮ ᱩᱥᱩᱞᱼᱩᱥᱩᱞ ᱵᱩᱨᱩ ᱠᱚ ᱛᱟᱦᱮᱸ ᱠᱟᱱᱟ ᱾ ᱟᱨ ᱱᱚᱝᱠᱟᱱ ᱚᱝᱪᱚᱞᱟ ᱠᱚᱜᱮ ᱦᱤᱦᱤᱲᱤ ᱯᱤᱯᱤᱲᱤ ᱠᱚ ᱢᱮᱛᱟᱫᱼᱟ ᱾

ᱤᱠᱷᱟ.ᱱ ᱱᱚᱝᱠᱟᱱ ᱫᱷᱤᱨᱤᱼᱫᱷᱩᱲᱤ ᱚᱛ ᱨᱮᱦᱚᱸ ᱚᱠᱟ ᱨᱮᱠᱤᱱ ᱛᱟᱦᱮᱸᱱᱟ ᱩᱭᱦᱟ.ᱨ ᱠᱟᱛᱮ ᱫᱷᱚᱨᱢᱚ ᱫᱚ ᱥᱮᱨᱢᱟ ᱠᱷᱚᱱ ᱫᱟᱜ ᱮ ᱡᱟ.ᱲᱤ ᱦᱚᱪᱚ ᱠᱮᱜᱼᱟ ᱾ ᱜᱮᱞ ᱥᱮᱨᱢᱟ ᱜᱮᱞ ᱵᱟᱨ ᱥᱮᱨᱢᱟ ᱟ.ᱰᱤ ᱩᱥᱛᱟ.ᱭ ᱮ ᱡᱟ.ᱲᱤ ᱠᱮᱜᱼᱟ ᱾ ᱚᱱᱟ ᱡᱟ.ᱲᱤ ᱫᱟᱜ ᱛᱮ ᱫᱷᱟ.ᱨᱛᱤ ᱯᱩᱨᱤ ᱨᱮ ᱟ.ᱰᱤ ᱞᱮᱠᱟᱱ ᱥᱟᱜᱟᱫ, ᱥᱟ.ᱣᱲᱤ ᱟᱨ ᱛᱟᱥᱟᱫ ᱵᱩᱫᱟ. ᱠᱚ ᱚᱢᱚᱱᱮᱱᱟ ᱾ ᱵᱩᱨᱩ ᱠᱚᱨᱮ ᱟ.ᱰᱤ ᱞᱮᱠᱟᱱ ᱫᱟᱨᱮ ᱠᱚ ᱡᱟᱱᱟᱢ ᱮᱱᱟ ᱾ ᱵᱤᱨ ᱞᱟᱴᱟ ᱜᱟᱡᱟᱲ ᱠᱚ ᱵᱮᱱᱟᱣ ᱯᱮᱨᱮᱡ ᱮᱱᱟ ᱾ ᱦᱟᱸᱥ ᱦᱟᱺᱥᱠᱤ ᱪᱮᱬᱮ ᱢᱟ.ᱱᱢᱤ ᱦᱚᱯᱚᱱ ᱠᱤᱱ ᱪᱮᱫ ᱞᱮᱠᱟ ᱛᱮᱠᱤᱱ ᱦᱟᱨᱟ ᱠᱤᱱᱟ ᱫᱤᱥᱟ.ᱵᱟ.ᱠᱤᱱ ᱠᱩᱲᱟ.ᱣ ᱞᱮᱫ ᱠᱷᱟᱱ ᱫᱷᱚᱨᱢᱚ ᱴᱷᱮᱱ ᱠᱤᱱ ᱨᱟᱜ ᱦᱚᱸᱢᱚᱨ ᱮᱱᱟ ᱾ ᱚᱱᱟᱛᱮ ᱫᱷᱚᱨᱢᱚ ᱜᱮ ᱫᱷᱟ.ᱨᱛᱤ ᱯᱩᱨᱤ ᱛᱮ ᱟᱬᱜᱚ ᱦᱮᱡ ᱠᱟᱛᱮ ᱢᱤᱫ ᱵᱤᱨ ᱫᱷᱟᱨᱮᱨᱮ ᱥᱟᱠᱟᱢ ᱛᱮ ᱠᱩᱸᱵᱟ. ᱵᱮᱱᱟᱣ ᱠᱟᱛᱮ ᱠᱚ ᱛᱟᱦᱮᱸᱭᱮᱱᱟ ᱾ ᱵᱟ.ᱭᱼᱵᱟ.ᱭ ᱛᱮᱠᱤᱱ ᱦᱟᱨᱟ ᱤᱫᱤᱭᱮᱱ ᱠᱷᱟᱱ ᱫᱷᱚᱨᱢᱚ ᱫᱚ ᱯᱤᱞᱪᱩ ᱛᱤᱠᱤᱱ ᱥᱟᱜᱟᱜ ᱛᱟᱥᱟᱫ ᱠᱚᱭ ᱤᱨ ᱟ.ᱜᱩ ᱦᱚᱪᱚ ᱠᱮᱫ ᱠᱤᱱᱟ ᱾ ᱟᱫᱚ ᱡᱟᱸᱜᱟᱛᱮ ᱢᱟᱸᱰᱟ ᱠᱟᱛᱮ ᱠᱚ ᱪᱟᱣᱞᱮ ᱛᱮ ᱢᱟᱺᱰᱤ ᱠᱟᱛᱮ ᱠᱚ ᱡᱚᱢᱟ ᱾ ᱩᱱ ᱡᱚᱦᱚᱜ ᱫᱚ ᱥᱟᱜᱟᱜ ᱪᱟᱣᱞᱮ ᱦᱚᱸ ᱱᱟᱦᱟᱜ ᱦᱳᱲᱳ ᱪᱟᱣᱞᱮ ᱞᱮᱠᱟ ᱜᱮ ᱛᱟᱦᱮᱸ ᱠᱟᱱᱟ ᱾ ᱤᱱᱟ. ᱛᱟᱭᱚᱢ ᱤᱲᱤ ᱜᱩᱸᱫᱽᱞᱤ ᱪᱟᱣᱞᱮ ᱦᱚᱸ ᱢᱟᱺᱰᱤ ᱠᱟᱛᱮ ᱠᱚ ᱡᱚᱢ ᱠᱮᱜᱼᱟ ᱾ ᱫᱤᱱ ᱦᱤᱞᱚᱜ ᱠᱟᱴᱟᱛᱮ ᱢᱟᱸᱰᱟ ᱠᱚ ᱟ.ᱲᱤᱥ ᱮᱱᱠᱷᱟᱱ ᱜᱟ.ᱭ/ᱠᱟᱰᱟ ᱱᱚᱶᱟ ᱠᱟ.ᱢᱤ ᱨᱮᱠᱚ ᱵᱮᱵᱷᱟᱨ ᱠᱮᱫ ᱠᱚᱣᱟ ᱾ ᱚᱱᱟ ᱥᱟᱶᱛᱮ ᱪᱟᱥᱼᱵᱟᱥ ᱦᱚᱸᱠᱚ ᱮᱭᱦᱚᱵᱟ ᱢᱮᱱ ᱠᱟᱛᱮ ᱫᱷᱚᱨᱢᱚ ᱫᱚ ᱥᱤᱧ ᱵᱤᱨ ᱛᱮ ᱠᱟᱴ ᱨᱮᱭᱟᱜ ᱢᱤᱫ ᱤᱥᱤ ᱱᱟᱦᱮᱞ ᱵᱮᱱᱟᱣ ᱞᱟ.ᱜᱤᱫ ᱮ ᱥᱮᱱ ᱮᱱᱟ ᱾ ᱟᱨ ᱟ.ᱣᱨᱤᱧ ᱵᱮᱱᱟᱣ ᱯᱩᱨᱟ.ᱣ ᱫᱷᱟ.ᱵᱤᱡ ᱟᱞᱚ ᱯᱮ ᱠᱷᱚᱡᱤᱧᱟ ᱢᱮᱱᱛᱮᱭ ᱢᱮᱛᱟᱦᱟᱫ ᱠᱚᱣᱟ ᱾ ᱟ.ᱰᱤ ᱫᱤᱱ ᱫᱷᱟ.ᱵᱤᱡ ᱦᱚᱸ ᱫᱷᱚᱨᱢᱚ ᱵᱟᱭ ᱨᱩᱣᱟ.ᱲ ᱞᱮᱱ ᱠᱷᱟᱱ ᱫᱷᱚᱨᱢᱚ ᱟᱭᱳ ᱫᱚ ᱵᱤᱨ ᱛᱮ ᱥᱮᱱ ᱠᱟᱛᱮ ᱧᱮᱞᱮᱭᱟᱭ ᱫᱚ ᱤᱥᱤ ᱱᱟᱦᱮᱞ ᱵᱮᱱᱟᱣ ᱮ ᱪᱷᱩᱴᱟ.ᱣ ᱟᱠᱟᱱ ᱜᱮᱭᱟ ᱾

ᱫᱷᱚᱨᱢᱚ ᱟᱭᱳ ᱫᱚ ᱥᱟᱺᱜᱤᱧ ᱠᱷᱚᱱ ᱜᱮᱭ ᱠᱩᱞᱤ ᱠᱮᱫᱮᱭᱟ, ᱤᱠᱷᱟ.ᱱ ᱠᱟ.ᱢᱤᱨᱮ ᱵᱟ.ᱭ ᱠᱷᱟ.ᱛᱤᱨ ᱵᱟᱭ ᱟᱸᱡᱚᱢ ᱞᱮᱜᱼᱟ ᱾ ᱟ.ᱲᱤᱥ ᱛᱮ ᱦᱚᱲᱢᱚ ᱨᱮᱭ ᱚᱡᱚᱜ ᱞᱮᱫ ᱢᱤᱛᱷᱤ ᱚᱪᱚᱜ ᱠᱟᱛᱮ ᱫᱷᱚᱨᱢᱚ ᱥᱮᱫ ᱮ ᱪᱟᱯᱟᱫ ᱠᱮᱫ ᱠᱷᱟᱱ ᱚᱱᱟ ᱢᱤᱛᱷᱤ ᱜᱮ ᱥᱤᱠᱬᱤᱡ ᱯᱟᱞᱴᱟᱣ ᱮᱱ ᱛᱮ ᱫᱷᱚᱨᱢᱚ ᱩᱥᱛᱟ.ᱭ ᱠᱚ ᱜᱮᱨ ᱠᱮᱫᱮᱭᱟ ᱾ ᱱᱚᱶᱟ ᱨᱮᱦᱚᱸ ᱫᱷᱚᱨᱢᱚᱣᱟᱜ ᱦᱮᱛᱟ ᱵᱟᱝ ᱠᱷᱟ.ᱛᱤᱨ ᱫᱷᱚᱨᱢᱚ ᱟᱭᱳ ᱫᱚ ᱟᱨ ᱦᱚᱸ ᱠᱩᱞ ᱮ ᱵᱮᱱᱟᱣ ᱠᱮᱫᱮ ᱛᱮ ᱫᱷᱚᱨᱢᱚᱭ ᱵᱚᱛᱚᱨ ᱦᱚᱪᱚᱭᱮ ᱞᱟ.ᱜᱤᱫ ᱩᱱᱤ ᱥᱮᱫ ᱮ ᱵᱷᱮᱡᱟ ᱠᱮᱫᱮᱭᱟ ᱾ ᱫᱷᱚᱨᱢᱚ ᱱᱩᱭ ᱠᱩᱞ ᱧᱮᱞᱛᱮ ᱟᱡ ᱥᱩᱨ ᱨᱮ ᱡᱟᱦᱟᱸ ᱜᱮ ᱪᱷᱟ.ᱭᱞᱟ.ᱜ ᱛᱟᱦᱮᱸ ᱠᱟᱱᱟ ᱚᱱᱟ ᱠᱚ ᱥᱟᱵ ᱠᱟᱛᱮ ᱢᱟᱱᱛᱟᱨ ᱠᱟᱛᱮ ᱠᱩᱞ ᱥᱮᱫ ᱮ ᱪᱟᱯᱟᱫ ᱜᱚᱫ ᱠᱟᱫᱼᱟ ᱾ ᱚᱱᱟ ᱪᱷᱟ.ᱭᱞᱟ.ᱜ ᱫᱚ ᱦᱩᱡᱽᱵᱤᱨ ᱥᱮ ᱠᱩᱭᱟ. ᱯᱟᱞᱴᱟᱣ ᱮᱱᱛᱮ ᱠᱩᱞ ᱠᱚ ᱡᱷᱟᱢᱯᱟ ᱯᱮᱨᱮᱡ ᱠᱮᱫᱮᱭᱟ ᱾ ᱱᱩᱠᱩ ᱵᱚᱛᱚᱨ ᱛᱮ ᱠᱩᱞ ᱦᱚᱸ ᱚᱸᱰᱮ ᱠᱷᱚᱱ ᱵᱤᱨᱤᱫ ᱵᱤᱛᱟ.ᱱᱮ ᱫᱟ.ᱲ ᱥᱟᱦᱟ ᱮᱱᱟ ᱾ ᱤᱱᱟ.ᱜ ᱠᱷᱟᱱ ᱜᱮ ᱫᱷᱚᱨᱢᱚ ᱟᱭᱳ ᱫᱚ ᱵᱷᱟᱜᱟᱣ ᱠᱟᱛᱮᱭ ᱨᱩᱣᱟ.ᱲ ᱦᱮᱡ ᱮᱱᱟ ᱾ ᱚᱱᱟ ᱠᱷᱚᱱ ᱛᱤᱱᱟ.ᱝ ᱫᱤᱱ ᱛᱟᱭᱚᱢ ᱠᱷᱟᱱ ᱜᱮ ᱫᱷᱚᱨᱢᱚ ᱫᱚ ᱢᱤᱫ ᱠᱟᱴ ᱨᱮᱭᱟᱜ ᱤᱥᱤ ᱱᱟᱦᱮᱞ ᱟᱨ ᱟᱨᱟᱬ ᱵᱮᱱᱟᱣ ᱠᱟᱛᱮ ᱠᱩᱸᱵᱟ. ᱛᱮ ᱱᱩᱠᱩ ᱴᱷᱮᱱ ᱮ ᱨᱩᱣᱟ.ᱲ ᱦᱮᱡ ᱮᱱᱟ ᱾ ᱵᱟᱨᱮᱭᱟ ᱰᱟᱸᱜᱽᱨᱟ ᱡᱚᱲᱟᱣ ᱠᱟᱛᱮ ᱥᱤᱭᱩᱜ ᱠᱚ ᱮᱭᱦᱚᱵ ᱠᱮᱜᱼᱟ ᱟᱨ ᱤᱱᱟ. ᱦᱤᱞᱚᱜ ᱠᱷᱚᱱ ᱪᱟᱥᱼᱵᱟᱥ ᱠᱚ ᱪᱷᱩᱴᱟ.ᱣ ᱮᱱᱟ ᱾

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]