ᱦᱤᱲᱤᱢᱵᱟ

ᱦᱤᱲᱤᱢᱵᱤ
ᱵᱷᱤᱢ ᱟᱨ ᱦᱤᱲᱤᱢᱵᱤ, ᱨᱟᱡᱟ ᱨᱟᱵᱤ ᱵᱟᱨᱢᱢᱟ ᱦᱚᱛᱮᱛᱮ ᱵᱮᱱᱟᱣ ᱟᱠᱟᱱᱟ᱾
Affiliation	ᱨᱟᱠᱷᱚᱥ, ᱫᱮᱵᱤ
ᱚᱲᱟᱜ	ᱠᱟᱢᱭᱟᱠᱟ ᱵᱤᱨ
Texts	ᱢᱟᱦᱟᱵᱷᱟᱨᱟᱛ
Personal information
Consort	ᱵᱷᱤᱢ
ᱜᱤᱫᱽᱨᱟᱹ ᱠᱚ	ᱜᱷᱟᱴᱚᱛᱠᱚᱪ
ᱵᱚᱭᱦᱟ ᱠᱚ	ᱦᱤᱲᱤᱢᱵᱟ

ᱦᱤᱲᱤᱢᱵᱟ ᱥᱮ ᱦᱤᱲᱤᱢᱵᱤ (ᱤᱝᱨᱟᱹᱡᱤ: Hiḍimbī/Hiḍimbā, ᱥᱟᱝᱥᱠᱨᱤᱛ: हिडिम्बी/हिडिम्बा) ᱫᱚ ᱯᱟᱱᱰᱟᱣ ᱨᱮᱱ ᱮᱨᱟ ᱟᱨ ᱢᱚᱦᱟᱵᱷᱟᱨᱚᱛ ᱨᱮᱱ ᱢᱟᱨᱟᱝ ᱵᱤᱨᱵᱟᱱᱴᱟ ᱜᱷᱟᱴᱟᱛᱠᱟᱪ ᱨᱮᱱ ᱮᱝᱜᱟᱛᱮ ᱛᱟᱦᱮᱸᱠᱟᱱᱟ᱾ ᱩᱱᱤ ᱟᱫᱤ ᱯᱟᱨᱵᱽ ᱨᱮᱭᱟᱜ ᱟᱨᱮ ᱦᱩᱰᱤᱧ ᱯᱟᱨᱵᱽ (ᱦᱤᱲᱤᱢᱵᱟ ᱜᱩᱨ ᱵᱩᱨᱩ) -ᱨᱮ ᱵᱷᱤᱢᱮ ᱧᱟᱢ ᱞᱮᱫᱮᱭᱟ᱾ ᱩᱱᱤ ᱫᱚ ᱵᱷᱩᱴᱚᱱ ᱫᱮᱣᱤ (ᱥᱟᱝᱥᱨᱤᱛ: भुटनदेवी) ᱥᱮ ᱯᱟᱞᱞᱟᱣᱤ ᱢᱮᱱᱛᱮ ᱦᱚᱸ ᱠᱚ ᱥᱚᱫᱚᱨ ᱟᱠᱟᱫᱮᱭᱟ᱾

ᱦᱤᱲᱤᱢ ᱟᱨ ᱵᱷᱤᱢ

ᱠᱟᱹᱦᱱᱤ ᱫᱚ ᱢᱟᱦᱟᱵᱷᱟᱨᱟᱛ ᱨᱮᱭᱟᱜ ᱞᱟᱠᱥᱭᱟ ᱚᱲᱟᱜ ᱠᱷᱚᱱ ᱮᱦᱚᱵᱚᱜ-ᱟ, ᱩᱱ ᱫᱚ ᱯᱟᱱᱰᱟᱵᱽᱠᱚ ᱢᱤᱫ ᱩᱨᱱᱤ ᱵᱤᱨ ᱨᱮᱠᱚ ᱨᱟᱠᱟᱵ ᱪᱟᱞᱟᱣ ᱞᱮᱱᱟ᱾ ᱥᱟᱝᱜᱷᱟᱨ ᱞᱟᱝᱜᱟ ᱠᱟᱛᱮ ᱡᱚᱛᱚ ᱧᱤᱱᱫᱟᱹ ᱠᱚ ᱡᱟᱹᱯᱫ ᱠᱮᱫᱟ ᱟᱨ ᱵᱷᱤᱢ ᱫᱚ ᱧᱮᱞ ᱛᱚᱫᱟᱨᱚᱛ ᱨᱮᱭᱟᱜ ᱫᱟᱭᱤᱠᱮ ᱦᱟᱛᱟᱣ ᱠᱮᱫᱟ᱾

ᱟᱨ ᱚᱱᱟ ᱢᱤᱫ ᱩᱨᱱᱤ ᱵᱤᱨ ᱨᱮᱜᱮ ᱦᱤᱲᱤᱢᱵᱟ ᱟᱨ ᱩᱱᱤ ᱨᱮ ᱵᱚᱭᱦᱟ ᱠᱤᱱ ᱛᱟᱦᱮᱸᱠᱟᱱ ᱛᱟᱦᱮᱸᱠᱟᱱᱟ ᱚᱠᱟ ᱫᱚ ᱟᱹᱰᱤ ᱫᱟᱲᱮ ᱨᱟᱠᱷᱚᱥᱮ ᱛᱟᱦᱮᱸᱠᱟᱱᱟ᱾ ᱩᱱᱤ ᱫᱚ ᱥᱟᱝᱜᱤᱧ ᱠᱷᱚᱱ ᱜᱮ ᱯᱟᱱᱰᱟᱵᱽ ᱠᱣᱟᱜ ᱥᱚᱭ ᱧᱟᱢ ᱞᱮᱫᱟ ᱟᱨ ᱵᱷᱤᱢ ᱵᱩᱞᱟᱹᱣᱮ ᱞᱟᱹᱜᱤᱫ ᱢᱤᱥᱨᱟᱛ ᱦᱤᱲᱤᱢᱵᱟᱭ ᱟᱹᱪᱩ ᱞᱮᱫᱮᱭᱟ, ᱡᱮᱢᱚᱱᱮ ᱡᱚᱢ ᱫᱟᱲᱮᱣᱟᱭ᱾ ᱵᱟᱨᱮᱛᱮᱫ ᱟᱜ ᱠᱟᱛᱷᱟ ᱞᱮᱠᱟ ᱦᱤᱲᱢᱵᱟ ᱫᱚ ᱵᱷᱤᱢ ᱵᱩᱞᱟᱹᱣᱮ ᱞᱟᱹᱜᱤᱫ-ᱮ ᱪᱟᱞᱟᱣ ᱮᱱᱟ ᱩᱱᱤ ᱥᱩᱨ ᱪᱟᱞᱟᱣ ᱠᱟᱛᱮ ᱵᱷᱩᱞᱟᱹᱣᱮ ᱵᱚᱫᱞ ᱛᱮ ᱩᱱᱤᱭᱟᱜ ᱫᱩᱞᱟᱹᱲ ᱨᱮ ᱟᱡ ᱜᱮᱭᱮ ᱡᱷᱟᱹᱞᱤᱭᱮᱱᱟ᱾ ᱩᱱᱤ ᱫᱚ ᱢᱤᱫᱴᱮᱱ ᱟᱹᱰᱤ ᱪᱮᱦᱨᱟ ᱠᱩᱲᱤᱭᱟᱜ ᱨᱩᱯᱮ ᱦᱟᱛᱟᱣ ᱞᱮᱫᱟ ᱟᱨ ᱟᱡᱟᱜ ᱥᱩᱛᱤ ᱩᱯᱨᱩᱢ ᱞᱟᱹᱭ ᱠᱟᱛᱮ ᱵᱟᱯᱞᱟᱜ ᱥᱟᱱᱟᱭᱮ ᱠᱟᱱᱟ ᱢᱮᱱᱛᱮ ᱥᱚᱫᱚᱨ ᱞᱮᱫᱟ, ᱥᱟᱶᱛᱮ ᱟᱡ ᱫᱟᱫᱟᱣᱟᱜ ᱡᱚᱥ ᱦᱚᱸᱭ ᱥᱚᱫᱚᱨ ᱞᱮᱫᱟ᱾ ᱦᱤᱲᱤᱢᱵᱤᱭᱟᱜ ᱜᱚᱲᱚ ᱛᱮ ᱦᱤᱲᱢᱵᱟ ᱩᱥᱟᱹᱨᱟ ᱜᱮᱭᱮ ᱦᱟᱨᱟᱣ ᱞᱮᱫᱮᱭᱟ᱾ ᱠᱩᱱᱛᱤ ᱟᱨ ᱟᱱᱰᱟᱵᱽ ᱠᱚ ᱫᱚ ᱥᱟᱝᱜᱤᱧ ᱠᱷᱚᱱ ᱠᱚ ᱧᱮᱧᱮᱞ ᱠᱟᱱ ᱛᱟᱦᱮᱸᱠᱟᱱᱟ᱾

ᱵᱟᱯᱞᱟ

ᱦᱤᱲᱤᱢᱟ ᱜᱚᱡ ᱛᱟᱭᱚᱢ ᱦᱤᱲᱤᱢᱵᱟᱭ ᱵᱟᱯᱞᱟ ᱠᱮᱫᱮᱭᱟ᱾