ᱦᱮᱠᱤᱝ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
Hackker.jpg

ᱦᱮᱠᱤᱝ[᱑] ᱢᱮᱱᱞᱮᱠᱷᱟᱱ ᱫᱚ ᱯᱷᱮᱥᱵᱩᱠ, ᱤ-ᱢᱮᱞ ᱟᱨᱵᱟᱝ ᱣᱮᱵᱽᱥᱟᱭᱤᱴ ᱠᱚ ᱵᱤᱱ ᱫᱟᱱᱟᱝᱥᱟᱵᱟᱫᱽ ᱛᱮ ᱨᱟᱲᱟ ᱥᱩᱢᱩᱝ ᱫᱚ ᱵᱟᱝ ᱾ ᱢᱮᱱᱜᱟᱱᱚᱜ-ᱟ ᱱᱚᱣᱟ ᱫᱚ ᱥᱟᱭᱵᱚᱨ ᱨᱩᱠᱷᱭᱟᱹ ᱦᱚᱨᱟ ᱨᱮ ᱢᱮᱱᱟᱜ ᱦᱩᱲᱟᱹᱜ ᱠᱚ ᱥᱟᱞᱟ ᱚᱰᱚᱠ ᱜᱮ ᱱᱚᱣᱟ ᱨᱮᱱᱟᱜ ᱚᱥᱚᱞ ᱡᱚᱥ ᱫᱚ ᱾ [᱒] ᱱᱤᱛᱚᱜᱟᱜ ᱴᱮᱠᱱᱚᱞᱚᱡᱤ ᱡᱩᱜᱽ ᱨᱮ ᱵᱚᱫᱚᱞᱚᱜ ᱠᱟᱱ ᱥᱟᱱᱟᱢ ᱞᱮᱠᱟᱱ ᱠᱟᱛᱷᱟ ᱠᱚ ᱱᱟᱯᱟᱭ ᱥᱟᱺᱦᱤᱸᱡ ᱫᱷᱮᱭᱟᱱ ᱠᱟᱛᱮ ᱵᱟᱰᱟᱭ ᱟᱱ ᱦᱚᱲ ᱮᱱᱟᱝ ᱵᱷᱟᱹᱜᱤ ᱦᱮᱠᱚᱨ ᱫᱚᱭ ᱵᱮᱱᱟᱣ ᱫᱟᱲᱮᱭᱟᱜ-ᱟ ᱾

ᱱᱩᱠᱩ ᱦᱮᱠᱚᱨ ᱫᱚ ᱛᱤᱢᱤᱱ ᱜᱟᱱ ᱛᱷᱚᱠ ᱨᱮ ᱠᱚ ᱦᱟᱹᱴᱤᱧ ᱟᱠᱟᱫ ᱠᱚᱣᱟ ᱾ ᱚᱱᱟ ᱠᱚ ᱞᱟᱛᱟᱨ ᱨᱮ ᱚᱞ ᱮᱱᱟ ᱾

ᱥᱠᱨᱤᱯᱴ ᱠᱤᱰᱤᱡᱽ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱩᱠᱩ ᱦᱮᱠᱚᱨ ᱫᱚ ᱚᱥᱚᱞ ᱦᱮᱠᱚᱨ ᱵᱟᱝ ᱠᱟᱱᱟ ᱠᱚ, ᱢᱮᱱᱠᱷᱟᱱ ᱦᱮᱠᱤᱝ ᱠᱟᱹᱢᱤ ᱨ ᱠᱚ ᱫᱷᱩᱨᱟᱹᱣ ᱠᱚᱜ-ᱟ ᱾ [᱓] ᱚᱥᱚᱞ ᱦᱮᱠᱚᱨ ᱠᱚ ᱵᱮᱱᱟᱣ ᱟᱠᱟᱫ ᱡᱤᱱᱤᱥ ᱟᱨᱵᱟᱝ ᱦᱚᱨᱟ ᱠᱚ ᱵᱮᱵᱷᱟᱨ ᱠᱟᱛᱮ ᱱᱩᱠᱩ ᱫᱚ ᱠᱚ ᱦᱮᱠᱤᱝᱟ ᱾ ᱥᱤᱥᱴᱚᱢ ᱚᱠᱟ ᱞᱮᱠᱟᱭ ᱠᱟᱹᱢᱤᱭᱟ ᱚᱱᱟ ᱨᱮᱱᱟᱜ ᱜᱮᱭᱟᱱ ᱵᱟᱝ ᱵᱟᱰᱟᱭ ᱠᱟᱛᱮ ᱜᱮ, ᱦᱮᱠᱤᱝ ᱡᱤᱱᱤᱥ ᱨᱮᱟᱜ ᱜᱚᱲᱚ ᱛᱮ ᱟᱠᱚᱣᱟᱜ ᱡᱚᱥ ᱜᱚ ᱜᱮᱞᱮᱭᱟ ᱾ [᱔]

ᱦᱩᱣᱟᱭᱤᱴ ᱦᱮᱴ ᱦᱮᱠᱚᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱦᱩᱣᱟᱭᱤᱴ ᱦᱮᱴ ᱦᱮᱠᱚᱨ ᱜᱮ ᱚᱥᱚᱞ ᱦᱮᱠᱚᱨ ᱫᱚ ᱾ [᱕] ᱱᱩᱠᱩ ᱫᱚ ᱱᱟᱯᱟᱭ ᱡᱚᱥ ᱤᱫᱤ ᱠᱟᱛᱮ ᱜᱮ ᱥᱤᱥᱴᱚᱢ ᱨᱮ ᱢᱮᱱᱟᱜ ᱦᱩᱲᱟᱹᱜ ᱦᱚ ᱥᱟᱞᱟ ᱚᱰᱚᱠ ᱠᱟᱛᱮ ᱚᱱᱟ ᱛᱚ ᱥᱚᱞᱦᱮ ᱞᱟᱹᱜᱤᱫ ᱜᱚᱲᱚ ᱠᱚ ᱮᱢᱟ ᱾ [᱖] ᱱᱩᱠᱩ ᱫᱚ ᱦᱟᱱᱟ ᱱᱷᱟᱣᱟ ᱠᱚᱢᱯᱟᱹᱱᱤ ᱨᱤᱱ ᱠᱩᱲᱟᱹᱭ ᱧᱟᱢ ᱠᱟᱹᱢᱤᱭᱟᱹ ᱠᱟᱱᱟ ᱠᱚ ᱾ ᱟᱠᱚᱣᱟᱜ ᱫᱷᱤ ᱜᱮᱭᱟᱱ ᱛᱮ ᱠᱚᱢᱯᱟᱹᱱᱤ ᱨᱮᱱᱟᱜ ᱥᱚᱢᱯᱩᱛᱤ ᱠᱚ ᱥᱟᱭᱵᱚᱨ ᱟᱴᱟᱠ ᱠᱷᱚᱱ ᱵᱟᱧᱪᱟᱣ ᱫᱚᱦᱚ ᱜᱮ ᱱᱩᱠᱯᱣᱟᱜ ᱢᱩᱬ ᱠᱟᱹᱢᱤ ᱾ ᱛᱤᱢᱤᱱ ᱜᱟᱱ ᱦᱚᱲ ᱫᱚ ᱥᱟᱶᱛᱟ ᱥᱮᱪᱮᱫ ᱟᱨ ᱟᱯᱱᱟᱨᱟᱜ ᱟᱨᱡᱟᱣ ᱞᱟᱹᱜᱤᱫ ᱠᱚ ᱠᱟᱹᱢᱤᱭᱟ ᱾ ᱢᱮᱴᱟᱥᱯᱞᱚᱭᱮᱴ ᱧᱩᱛᱩᱢᱟᱱᱟᱜ ᱠᱚᱢᱯᱟᱹᱱᱤ ᱠᱮᱱᱟᱜ ᱥᱤᱥᱴᱚᱢ ᱨᱮ ᱢᱮᱱᱟᱜ ᱦᱩᱲᱟᱹᱜ ᱥᱟᱞᱟ ᱧᱟᱢ ᱞᱟᱹᱜᱤᱫ ᱞᱮᱛᱟᱲ ᱠᱚ ᱪᱷᱩᱴᱟᱹᱣ ᱟᱠᱟᱱᱟ ᱾ [᱗]

ᱵᱞᱟᱠ ᱦᱮᱴ ᱦᱮᱠᱚᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱩᱠᱩ ᱫᱚ ᱠᱚ ᱦᱩᱭᱩᱫ ᱠᱟᱱᱟ ᱵᱟᱹᱭᱨᱤ ᱾ ᱱᱩᱠᱩ ᱵᱚᱨᱡᱟᱛ ᱫᱚ ᱟᱠᱚᱣᱟᱜ ᱞᱟᱵᱽ ᱞᱟᱹᱜᱤᱫ ᱛᱮ ᱦᱮᱠᱤᱝ ᱠᱚ ᱵᱮᱵᱷᱟᱨᱟ ᱾ [᱘] ᱱᱩᱠᱩ ᱦᱮᱠᱚᱨ ᱫᱚ ᱚᱱᱞᱟᱭᱤᱱ ᱨᱮ ᱠᱟᱹᱣᱰᱤ ᱟᱨ ᱰᱟᱴᱟ ᱮᱢᱟᱱᱟᱜ ᱠᱚ ᱠᱩᱢᱵᱽᱲᱩ ᱭᱟ ᱾ ᱱᱩᱠᱩ ᱫᱚ ᱵᱷᱟᱭᱨᱚᱥ, ᱴᱨᱳᱡᱚᱱᱥ ᱟᱨ ᱢᱟᱞᱣᱮᱨ ᱮᱢᱟᱱ ᱠᱚ ᱨᱮᱱᱟᱜ ᱜᱚᱲᱚ ᱛᱮ ᱠᱚᱯᱩᱴᱚᱨ ᱥᱤᱥᱴᱚᱢ ᱠᱚ ᱠᱷᱟᱨᱟᱯᱟ ᱾ ᱥᱟᱭᱵᱚᱨ ᱯᱟᱹᱨᱥᱤ ᱛᱮ ᱱᱩᱠᱩ ᱫᱚ ᱠᱨᱮᱠᱚᱨ [᱙] ᱢᱮᱱᱛᱮ ᱠᱚ ᱢᱮᱛᱟ ᱠᱚ ᱠᱟᱱᱟ ᱾ ᱱᱩᱠᱩ ᱫᱚ ᱟᱠᱚᱣᱟᱜ ᱜᱮᱭᱟᱱ ᱵᱟᱹᱲᱤᱡ ᱠᱟᱹᱢᱤ ᱨᱮ ᱠᱚ ᱵᱮᱵᱷᱟᱨᱟ ᱾

ᱜᱨᱮ ᱦᱮᱴ ᱦᱮᱠᱚᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱚᱠᱛᱚ ᱟᱨ ᱚᱵᱚᱥᱛᱟ ᱤᱫᱤ ᱠᱟᱛᱮ ᱱᱩᱠᱩ ᱦᱮᱠᱚᱨ ᱫᱚ ᱟᱠᱚᱣᱟᱜ ᱫᱷᱤ ᱜᱮᱭᱟᱱ ᱠᱚ ᱵᱮᱵᱷᱟᱨᱟ ᱾ ᱚᱱᱟᱛᱮ ᱱᱩᱠᱩ ᱫᱚ ᱜᱨᱮ ᱦᱮᱴ ᱦᱮᱠᱚᱠ ᱠᱚ ᱢᱮᱛᱟ ᱠᱚ ᱠᱟᱱᱟ ᱾ ᱵᱟᱹᱲᱤᱡ ᱠᱟᱹᱢᱤ ᱨᱮᱱᱟᱜ ᱫᱤᱥᱟᱹ ᱵᱟᱠᱚ ᱫᱚᱦᱚᱭ ᱨᱮᱦᱚᱸ ᱨᱮᱦᱚᱸ ᱥᱟᱺᱜᱤᱧ ᱦᱚᱲᱟᱜ ᱫᱟᱣ ᱵᱟᱝ ᱠᱚᱭ ᱠᱟᱛᱮ ᱥᱤᱥᱴᱚᱢ ᱦᱩᱲᱟᱹᱜ ᱠᱚ ᱛᱮᱭᱟᱨ ᱠᱷᱟᱹᱛᱤᱨ ᱱᱩᱠᱩ ᱫᱚ ᱟᱫᱷᱟᱱ ᱵᱟᱠᱚ ᱠᱩᱥᱤ ᱟᱠᱚᱣᱟ ᱾ ᱟᱭᱢᱟ ᱚᱠᱛᱚ ᱨᱮ ᱥᱤᱥᱴᱚᱢ ᱨᱮᱱᱟᱜ ᱚᱵᱚᱥᱛᱟ ᱞᱟᱹᱭ ᱥᱟᱶᱛᱮ ᱟᱠᱚᱣᱟᱜ ᱡᱚᱥ ᱚᱢᱚᱱ ᱞᱟᱹᱜᱤᱫ ᱥᱤᱥᱴᱚᱢ ᱨᱮᱱᱟᱜ ᱦᱚᱸ ᱠᱚ ᱠᱷᱤᱛᱤ ᱛᱟᱨᱟᱭᱟ ᱾

ᱦᱮᱠᱴᱤᱵᱷᱤᱥᱴ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱝᱠᱟᱱ ᱦᱮᱠᱚᱨ ᱫᱚ [᱑᱐] ᱵᱟᱹᱲᱤᱡ ᱠᱟᱹᱢᱤ ᱡᱟᱸᱜᱮ ᱫᱟᱨᱟᱢ ᱞᱟᱹᱜᱤᱫ ᱣᱮᱵᱥᱟᱭᱤᱴ ᱨᱮ ᱡᱟᱦᱟᱸᱱ ᱠᱟᱛᱷᱟ ᱠᱚ ᱥᱚᱫᱚᱨ ᱥᱟᱢᱟᱝ ᱞᱟᱹᱜᱤᱫ ᱟᱠᱚᱣᱟᱜ ᱜᱮᱭᱟᱱ ᱠᱚ ᱵᱮᱵᱷᱟᱨᱟ ᱾ ᱦᱮᱠᱤᱝ ᱫᱩᱱᱤᱭᱟᱹ ᱨᱮ ᱱᱩᱠᱩ ᱫᱚ ᱚᱥᱚᱞ ᱠᱷᱮᱞᱚᱸᱰᱤᱭᱟᱹ ᱠᱟᱱᱟ ᱠᱚ ᱾ [᱑᱑] ᱱᱩᱠᱩ ᱫᱚ ᱫᱟᱱᱟᱝ ᱨᱮ ᱛᱟᱦᱮᱸ ᱠᱟᱛᱮ ᱟᱠᱚᱣᱟᱜ ᱠᱟᱹᱢᱤ ᱠᱚ ᱛᱚᱝᱜᱮ ᱠᱟᱜ-ᱟ ᱾ ᱱᱩᱠᱩ ᱫᱚ ᱟᱹᱰᱤ ᱪᱟᱞᱟᱠ ᱠᱟᱛᱮ ᱠᱚ ᱠᱟᱹᱢᱤ ᱠᱷᱟᱹᱛᱤᱨ ᱟᱠᱚᱣᱟᱜ ᱩᱯᱨᱩᱢ ᱫᱚ ᱩᱠᱩ ᱨᱮᱜᱮ ᱠᱚ ᱫᱚᱦᱚᱭᱟ ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. http://searchsecurity.techtarget.com/definition/hacker
  2. http://216.151.160.34/epaper/svww_index1.php
  3. http://www.pctools.com/security-news/script-kiddie/
  4. http://www.spywareguide.com/term_show.php?id=92
  5. https://www.techopedia.com/definition/10349/white-hat-hacker
  6. http://searchsecurity.techtarget.com/sDefinition/0,,sid14_gci550882,00.html |What is white hat? - a definition from Whatis.com
  7. http://www.correlsense.com/white-hat-hackers/%7Cwork=Metasploit
  8. book title=Cybercrime: Investigating High Technology Computer Crime|year=2005|publisher=Matthew Bender & Company|isbn=1-59345-303-5|page=258 Robert Moore
  9. http://searchsecurity.techtarget.com/definition/cracker%7C
  10. http://www.hacktivist.uk.com
  11. http://blog.trendmicro.com/whats-the-difference-between-a-hacker-and-a-cybercriminal/