ᱨᱚᱦᱛᱟᱥ ᱜᱟᱲ ᱦᱚᱱᱚᱛ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ

ᱨᱚᱦᱛᱟᱥ ᱜᱟᱲ ᱦᱚᱱᱚᱛ ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱭᱟᱜ ᱵᱤᱦᱟᱨ ᱯᱚᱱᱚᱛ ᱨᱮ ᱢᱮᱱᱟᱜ ᱟᱠᱟᱫ ᱢᱤᱫᱴᱟᱝ ᱥᱟᱜ-ᱥᱚᱱ ᱦᱚᱱᱚᱛ ᱠᱟᱱᱟ᱾ ᱱᱚᱣᱟ ᱦᱚᱱᱚᱛ ᱫᱚ ᱯᱟᱴᱱᱟ ᱰᱤᱵᱷᱤᱡᱚᱱ ᱨᱮ ᱯᱟᱲᱟᱣ ᱟᱠᱟᱱᱟ᱾ ᱦᱚᱱᱚᱛ ᱨᱮᱭᱟᱜ ᱫᱚᱵᱷᱟ.ᱴᱤᱭᱟ. ᱴᱷᱟ.ᱭ ᱫᱚ ᱥᱟᱥᱟᱨᱟᱢ ᱨᱮ ᱯᱟᱲᱟᱣ ᱟᱠᱟᱱᱟ᱾ ᱥᱟᱥᱟᱨᱟᱢ ᱦᱚᱱᱚᱛ ᱫᱚ ᱔,᱘᱓᱗.᱘᱒ ᱪᱟ.ᱣᱠᱟ. ᱠᱤᱞᱚ ᱢᱤᱴᱟᱨ ᱡᱟᱭᱜᱟ ᱛᱮ ᱴᱚᱯᱟᱨ ᱮᱥᱮᱫ ᱟᱠᱟᱱᱟ᱾ ᱒᱐᱐᱑ ᱥᱮᱨᱢᱟ ᱨᱮᱭᱟᱜ ᱦᱚᱲ ᱞᱮᱠᱷᱟ ᱞᱮᱠᱟ ᱛᱮ ᱱᱚᱣᱟ ᱦᱚᱱᱚᱛ ᱨᱮ ᱞᱮᱠᱷᱟ ᱜᱩᱴ ᱒,᱖᱙᱒,᱕᱙᱓ ᱡᱚᱱᱟ ᱦᱚᱲ ᱠᱚ ᱛᱟᱦᱮ ᱠᱟᱱᱟ᱾ᱱᱚᱣᱟ ᱦᱚᱱᱚᱛ ᱫᱚ ᱑᱙᱗᱒ ᱥᱮᱨᱢᱟ ᱨᱮ ᱥᱟᱦᱟᱵᱟᱫᱽ ᱦᱚᱱᱚᱛ ᱵᱟᱨ ᱴᱷᱮᱱ ᱦᱟ.ᱴᱤᱧ ᱠᱟᱛᱮ ᱨᱚᱦᱨᱟᱥ ᱜᱟᱲ ᱦᱚᱱᱚᱛ ᱟᱨ ᱵᱷᱚᱡᱽ ᱯᱩᱨ ᱧᱩᱛᱩᱢ ᱟᱱ ᱵᱟᱨᱭᱟ ᱦᱚᱱᱚᱛ ᱛᱮᱭᱟᱨ ᱦᱩᱭ ᱞᱮᱱᱟ᱾ ᱱᱚᱣᱟ ᱦᱚᱱᱚᱛ ᱨᱮᱭᱟᱜ ᱨᱚᱲᱚᱜᱚᱜ ᱯᱟ.ᱨᱥᱤ ᱫᱚ ᱵᱷᱡᱽ ᱯᱩᱨᱤ ᱟᱨ ᱦᱤᱱᱫᱤ ᱠᱟᱱᱟ᱾

ᱠᱟ.ᱣᱰᱤ ᱟ.ᱨᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱙᱘᱐ ᱥᱮᱨᱢᱟ ᱦᱟ.ᱵᱤᱡ, ᱫᱟᱞᱢᱤᱭᱟ ᱱᱟᱜᱟᱨ ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱭᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱵᱮᱨᱮᱛᱤᱭᱟ ᱱᱟᱝᱜᱽᱨᱟᱦᱟ ᱛᱟᱦᱮ ᱠᱟᱱᱟ᱾ ᱱᱚᱣᱟ ᱫᱚ ᱨᱟᱦᱮ ᱠᱟᱱᱟ ᱪᱤᱱᱤ ᱠᱟᱨᱠᱷᱟᱱᱟ, ᱩᱛᱩᱭ ᱡᱤᱱᱤᱥ ᱥᱩᱱᱩᱢ ᱠᱟᱨᱠᱷᱟᱱᱟ, ᱥᱤᱢᱮᱱᱴ ᱠᱟᱨᱠᱷᱟᱱᱟ, ᱢᱟ.ᱨᱤᱪ ᱠᱟᱨᱠᱷᱟᱱᱟ ᱟᱨ ᱠᱮᱢᱤᱠᱮᱞ ᱠᱟᱨᱠᱷᱟᱱᱟ (ᱨᱚᱦᱛᱟᱥ ᱵᱮᱨᱮᱛ) ᱢᱮᱱ ᱠᱷᱟᱱ ᱱᱟᱦᱟᱜ ᱚᱱᱟ ᱡᱚᱛᱚ ᱫᱚ ᱵᱚᱱᱫᱽ ᱟᱠᱟᱱᱟ᱾ ᱞᱚᱠᱟᱞ ᱢᱟᱯᱷᱤᱭᱟ ᱠᱚᱣᱟᱜ ᱫᱷᱚᱱ ᱫᱟ.ᱵᱤ, ᱫᱷᱚᱢᱠᱟᱣ, ᱵᱚᱛᱚᱨ ᱩᱫᱩᱜ ᱮᱢᱟᱱ ᱠᱟᱱ ᱜᱮᱭᱟ ᱱᱚᱣᱟ ᱠᱟᱨᱠᱷᱟᱱᱟ ᱵᱚᱱᱫᱚᱜ ᱨᱮᱭᱟᱜ ᱟᱥᱚᱞ ᱚᱡᱮ ᱫᱚ᱾ ᱒᱐᱐᱘ ᱥᱮᱨᱢᱟ ᱨᱮᱭᱟᱜ ᱵᱟᱡᱮᱴ ᱨᱮ, ᱫᱟᱞᱢᱤᱭᱟ ᱱᱟᱜᱟᱨ ᱨᱮ ᱨᱮᱭᱞ-ᱣᱮ ᱠᱟᱨᱠᱷᱟᱱᱟ ᱵᱮᱨᱮᱫ ᱨᱮᱭᱟᱜ ᱯᱚᱱᱛᱷᱟ ᱦᱟᱛᱟᱣ ᱞᱮᱱᱟ ᱟᱨ ᱫᱟᱞᱢᱤᱭᱟ ᱠᱟᱨᱠᱷᱟᱱᱟ ᱴᱟ.ᱱᱰᱤ ᱫᱚ ᱨᱮᱭᱞ-ᱣᱮ ᱠᱚ ᱦᱟᱛᱟᱣ ᱠᱮᱫᱟ᱾

ᱥᱚᱱᱮ ᱨᱮᱭᱟᱜ ᱰᱮᱦᱨᱤ ᱨᱮ ᱠᱚᱭᱞᱟ ᱠᱷᱟᱫᱟᱱ ᱫᱚ ᱟ.ᱰᱤ ᱱᱟᱢᱰᱟᱠ ᱜᱮᱭᱟ᱾ᱱᱚᱣᱟ ᱨᱮᱭᱟᱜ ᱵᱟᱡᱟᱨ ᱫᱚ ᱜᱚᱴᱟ ᱠᱚᱭᱮ ᱥᱤᱧᱚᱛ ᱠᱷᱚᱱ ᱜᱽᱨᱟᱦᱟᱠ ᱠᱚᱭ ᱟ.ᱜᱩ ᱠᱚᱣᱟ ᱠᱚᱭᱞᱟ ᱵᱮᱯᱟᱨ ᱞᱟ.ᱜᱤᱫ᱾ ᱚᱱᱰᱮ ᱟᱨᱦᱚ ᱢᱤᱫᱴᱟᱝ ᱫᱟᱜ ᱵᱤᱫᱽᱫᱩᱛ ᱯᱨᱚᱠᱚᱞᱯᱚ ᱢᱮᱱᱟᱜ-ᱟ, ᱚᱠᱟ ᱫᱚ ᱖.᱖ ᱢᱮᱜᱟ ᱣᱟᱴ ᱮᱞᱮᱠᱴᱨᱤ ᱥᱤᱨᱡᱟ.ᱣᱮᱫ ᱠᱟᱱ᱾ ᱰᱮᱦᱨᱤ ᱨᱮ ᱟᱨᱦᱚ ᱢᱤᱫᱴᱟᱝ ᱟ.ᱰᱤ ᱢᱟᱨᱟᱝ ᱜᱤᱛᱤᱞ ᱠᱷᱟᱫᱟᱱ ᱢᱮᱱᱟᱜ ᱟᱠᱟᱫᱟ ᱥᱚᱱᱮ ᱜᱟᱰᱟ ᱵᱮᱰᱟ ᱡᱟᱯᱟᱜ ᱨᱮ᱾

᱒᱐᱐᱖ ᱥᱮᱨᱢᱟ ᱨᱮ ᱥᱤᱧᱩᱛ ᱥᱚᱨᱠᱟᱨ ᱯᱚᱧᱪᱟᱪᱚᱛ ᱢᱚᱱᱛᱨᱟᱱᱟᱞᱚᱭ ᱫᱚ ᱒᱕0 ᱜᱚᱴᱟᱝ ᱦᱚᱱᱚᱛ ᱠᱚ ᱢᱩᱫᱽ ᱨᱮ ᱨᱚᱦᱛᱟᱥ ᱜᱟᱲ ᱦᱚᱱᱚᱛ ᱦᱚ ᱛᱟᱭᱚᱱ ᱦᱚᱱᱚᱛ ᱢᱮᱱ ᱛᱮ ᱞᱮᱠᱷᱟ ᱥᱮᱞᱮᱫ ᱞᱮᱫᱟ, ᱢᱩᱴ ᱖᱔᱐ ᱡᱤᱞᱟ. ᱢᱩᱫᱽ ᱨᱮ । ᱱᱚᱣᱟ ᱨᱚᱛᱟᱥ ᱜᱟᱲ ᱦᱚᱱᱚᱛ ᱫᱚ ᱵᱤᱦᱟᱨ ᱨᱮᱭᱟᱜ ᱯᱮ ᱜᱮᱞ ᱛᱩᱨᱩᱭ ᱜᱚᱴᱟᱝ ᱦᱚᱱᱚᱛ ᱠᱚ ᱨᱮ ᱱᱟᱦᱟᱜ Backward Region Grant Fund Programme (BRGF) ᱠᱷᱚᱱ ᱠᱟ.ᱣᱰᱤ ᱜᱚᱲᱚᱭ ᱦᱟᱛᱟᱣ ᱮᱫᱟ ।

ᱦᱚᱲ ᱞᱮᱠᱷᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱦᱚᱲ ᱞᱮᱠᱷᱟ ᱨᱮ ᱨᱚᱦᱛᱟᱥ ᱜᱟᱲ ᱦᱚᱱᱚᱛ ᱨᱮᱭᱟᱜ ᱞᱮᱠᱷᱟ ᱫᱚ ᱞᱮᱠᱷᱟ ᱜᱩᱴ ᱒,᱙᱖᱒,᱕᱙᱓ ᱡᱚᱱᱟ, ᱟᱢᱫᱟᱡᱽ ᱠᱚᱝᱜᱚ ᱟᱨᱢᱮᱱᱤᱭᱟ ᱫᱤᱥᱚᱢ ᱥᱚᱢᱟᱱ ᱦᱩᱭᱩᱜ-ᱟ ᱟᱨᱵᱟᱜᱴᱝ ᱟᱢᱮᱨᱤᱠᱟ ᱫᱤᱥᱚᱢ ᱨᱮᱭᱟᱜ ᱢᱤᱥᱤᱥᱤᱯᱤ ᱯᱚᱱᱚᱛ ᱩᱱᱟ.ᱜ ᱥᱚᱢᱟᱱ ᱦᱩᱭᱩᱜ-ᱟ᱾ ᱱᱤᱭᱟ. ᱦᱚᱱᱚᱛ ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱱᱟᱜ ᱖᱔᱐ ᱜᱚᱴᱟᱝ ᱦᱚᱱᱚᱛ ᱢᱩᱫᱽ ᱨᱮ ᱑᱒᱗ ᱮᱞᱟᱱ ᱦᱚᱱᱚᱛ ᱯᱟᱲᱟᱜ ᱠᱟᱱᱟ᱾ ᱱᱚᱣᱟ ᱦᱚᱱᱚᱛ ᱨᱮᱭᱟᱜ ᱢᱤᱫ ᱪᱟ.ᱣᱠᱟ. ᱠᱤᱞᱚ ᱢᱤᱴᱟᱨ ᱡᱟᱭᱜᱟ ᱨᱮ ᱗᱖᱓ ᱡᱚᱱᱟ ᱦᱚᱲ ᱠᱚ ᱜᱤᱨᱟ.ᱵᱟᱥ ᱟᱠᱟᱱ ᱢᱮᱱᱟᱜ ᱠᱚᱣᱟ᱾ ᱯᱟᱨᱚᱢᱮᱱ ᱜᱮ-ᱥᱮᱨᱢᱟ ᱒᱐᱐᱑ - ᱒᱐᱑᱑ ᱦᱟ.ᱵᱤᱡ ᱱᱚᱣᱟ ᱦᱚᱱᱚᱛ ᱨᱮᱭᱟᱜ ᱵᱟ.ᱰᱚᱜ ᱦᱟᱨ ᱫᱚ ᱛᱟᱦᱮ ᱠᱟᱱᱟ ᱒0.᱒᱒%᱾ ᱨᱚᱦᱛᱟᱥ ᱜᱟᱲ ᱦᱚᱱᱚᱛ ᱨᱮ ᱢᱤᱫ ᱜᱮ- ᱥᱟᱭ ᱦᱮᱨᱮᱞ ᱵᱚᱫᱚᱞ ᱛᱮ ᱙᱑᱔ ᱡᱚᱱᱟ ᱢᱟᱭᱡᱤᱣ ᱢᱮᱱᱟᱜ ᱠᱚᱣᱟ ᱾ᱟᱨ ᱥᱮᱪᱮᱜ ᱠᱚᱣᱟᱜ ᱦᱟᱨ ᱫᱚ ᱦᱩᱭᱩᱜ ᱠᱟᱱᱟ ᱘᱔.᱖᱗% ᱦᱤᱥ, ᱚᱠᱟ ᱫᱚ ᱱᱤᱦᱟᱨ ᱡᱚᱛᱚ ᱦᱚᱱᱚᱛ ᱠᱷᱚᱱ ᱥᱚᱨᱮᱥ ᱠᱟᱱ᱾

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]