Jump to content

ᱨᱚᱬᱫᱤᱯ ᱦᱳᱰᱟ

This is a good article. Follow the link for more information.
ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ

ᱨᱚᱬᱫᱤᱯ ᱦᱳᱰᱟ
᱒᱐᱑᱖ ᱨᱮ ᱯᱨᱚᱢᱳᱥᱚᱱᱟᱞ ᱤᱵᱷᱮᱸᱴ ᱨᱮ ᱨᱚᱬᱫᱤᱯ ᱦᱳᱰᱟ
ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ  ᱟᱨ  ᱡᱟᱱᱟᱢ ᱴᱷᱟᱶ᱒᱐ ᱚᱜᱚᱥᱴ ᱑᱙᱗᱖ (1976-08-20) (᱔᱘ ᱥᱮᱨᱢᱟ) [᱑]
ᱨᱳᱦᱛᱚᱠ, ᱦᱚᱨᱭᱟᱬᱟ, ᱥᱤᱧᱟᱛ
ᱫᱤᱥᱚᱢᱤᱭᱟᱹᱥᱤᱧᱚᱛᱤᱭᱟᱹ
ᱠᱟᱹᱢᱤ ᱚᱠᱛᱚ᱒᱐᱐᱑ ᱠᱷᱚᱱ

ᱨᱚᱬᱫᱤᱯ ᱦᱳᱰᱟ (Hindi: रणदीप हुड्डा, pronounced [rɳd̪iːp huːɖaː]; ᱡᱟᱱᱟᱢ ᱒᱐ ᱚᱜᱚᱥᱴ ᱑᱙᱗᱖) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱟᱠᱴᱚᱨ ᱟᱨ ᱤᱠᱣᱮᱥᱴᱨᱤᱭᱟᱱ(equestrian) ᱠᱟᱱᱟᱭ ᱾ ᱱᱩᱭ ᱫᱚ ᱦᱤᱱᱫᱤ ᱯᱷᱤᱞᱢ ᱨᱮ ᱠᱟ.ᱢᱤ ᱠᱷᱟᱹᱛᱤᱨ ᱵᱷᱟᱹᱜᱤ ᱞᱮᱠᱟᱛᱮ ᱠᱚ ᱵᱟᱰᱟᱭ ᱠᱟᱫᱮᱭᱟ ᱾ ᱨᱚᱬᱫᱤᱯ ᱫᱚ ᱵᱟᱨᱭᱟ ᱥᱴᱟᱨᱰᱚᱥᱴ ᱟᱣᱟᱨᱰ ᱟᱨ ᱯᱷᱤᱞᱢ ᱯᱷᱮᱭᱟᱨ ᱥᱤᱨᱯᱷᱟᱹ ᱟᱨ ᱤᱱᱴᱚᱨᱱᱮᱥᱱᱟᱞ ᱤᱱᱰᱤᱭᱟᱱ ᱯᱷᱤᱞᱢ ᱟᱠᱟᱰᱮᱢᱤ ᱟᱣᱟᱨᱰᱥ ᱞᱟ.ᱜᱤᱱ ᱵᱟᱪᱷᱚᱱ ᱵᱟᱲᱟ ᱠᱟᱱᱟᱭ ᱾

ᱨᱚᱬᱫᱤᱯ ᱦᱳᱰᱟ ᱫᱚ ᱨᱳᱦᱛᱚᱠ, ᱦᱚᱨᱭᱟᱬᱟ ᱨᱮ ᱢᱤᱫ ᱡᱟᱴ ᱜᱷᱟᱨᱚᱸᱡᱽ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱱᱩᱭ ᱫᱚ ᱢᱳᱛᱤᱞᱟᱞ ᱱᱮᱦᱨᱩ ᱥᱠᱩᱞ ᱚᱯᱷ ᱥᱯᱳᱨᱴᱥ ᱨᱮ ᱯᱟᱲᱦᱟᱣ ᱞᱮᱱᱟᱭ ᱾ ᱚᱱᱰᱮ ᱜᱮ ᱱᱩᱭ ᱫᱚ ᱟᱠᱴᱤᱝ ᱡᱤᱭᱟᱱ ᱮ ᱮᱦᱚᱵ ᱞᱮᱫ-ᱟ ᱾ ᱛᱟᱭᱚᱢ ᱛᱮ ᱱᱩᱭ ᱚᱥᱴᱨᱮᱞᱤᱭᱟ, ᱢᱳᱞᱵᱚᱨᱱ ᱨᱮ ᱦᱭᱩᱢᱟᱱ ᱨᱤᱥᱟᱨᱪ ᱢᱮᱱᱮᱡᱽᱢᱮᱸᱴ ᱨᱮ ᱰᱤᱜᱽᱨᱤ ᱦᱟᱛᱟᱣ ᱞᱮᱫ-ᱟ ᱾ ᱚᱱᱰᱮ ᱠᱷᱚᱱ ᱥᱤᱧᱟᱛ ᱛᱨ ᱨᱩᱣᱟ.ᱲ ᱦᱮᱡ ᱠᱟᱛᱮ ᱱᱩᱭ ᱢᱚᱰᱮᱞᱤᱝ ᱟᱨ ᱛᱷᱤᱭᱮᱴᱚᱨ ᱨᱮ ᱠᱟ.ᱢᱤ ᱮᱦᱚᱵ ᱞᱮᱫᱟᱭ ᱾ ᱱᱩᱭ ᱟᱡᱟᱜ ᱯᱩᱭᱞᱩ ᱦᱤᱱᱫᱤ ᱯᱷᱤᱞᱢ ᱫᱚ ᱢᱤᱨᱟ ᱱᱮᱭᱨ-ᱟᱜ ᱢᱳᱱᱥᱳᱱ ᱣᱮᱰᱤᱝ (᱒᱐᱐᱑) ᱠᱷᱟᱱ ᱮ ᱮᱦᱚᱵ ᱞᱮᱫᱟᱭ ᱾ ᱱᱩᱭ ᱫᱚ ᱵᱟᱨᱭᱟ ᱯᱮᱭᱟ ᱯᱷᱤᱞᱢ ᱫᱚ ᱵᱷᱟ.ᱜᱤ ᱵᱟᱝ ᱪᱟ.ᱞᱩ ᱞᱮᱱ ᱛᱟᱭᱟ, ᱡᱮᱢᱚᱱ ᱰᱤ (ᱯᱷᱤᱞᱢ)ᱰᱤ (᱒᱐᱐᱕) ᱟᱨ ᱠᱚᱨᱢᱚ ᱚᱨ ᱦᱳᱞᱤ (᱒᱐᱐᱙) ᱮᱢᱟᱱ ᱾

ᱡᱷᱚᱛᱚ ᱦᱚᱲᱟᱜ ᱡᱤᱭᱚᱱ ᱨᱮ ᱴᱚᱨᱱᱤᱝ ᱯᱚᱭᱮᱸᱴ ᱦᱤᱡᱩᱜ ᱞᱮᱠᱟ, ᱱᱩᱭᱟᱜ ᱡᱤᱭᱚᱱ ᱨᱮ ᱦᱚᱸ ᱴᱚᱨᱱᱤᱝ ᱯᱚᱭᱮᱸᱴ ᱦᱮᱡ ᱥᱮᱴᱮᱨᱮᱱᱟ, ᱨᱚᱬᱫᱤᱯᱼᱟᱜ ᱯᱷᱤᱞᱢ ᱣᱟᱱᱥ ᱚᱯᱚᱱ ᱮ ᱴᱟᱭᱤᱢ ᱤᱱ ᱢᱩᱢᱵᱟᱭᱤ (᱒᱐᱑᱐) ᱨᱮ ᱟᱭᱢᱟ ᱠᱟ.ᱣᱰᱤ ᱟᱨᱡᱟᱣ ᱞᱮᱫᱟᱭ ᱟᱨ ᱟᱡᱟᱜ ᱟᱠᱴᱤᱝ ᱦᱚᱸ ᱦᱚᱲ ᱠᱚ ᱴᱷᱮᱱ ᱟ.ᱰᱤ ᱯᱚᱥᱚᱱᱫᱽ ᱞᱮᱱᱟ ᱾ ᱥᱟᱦᱮᱵᱽ, ᱵᱤᱣᱤ ᱚᱨ ᱜᱮᱸᱜᱽᱥᱴᱟᱨ (᱒᱐᱑᱑) ᱨᱮ ᱟᱡᱟᱜ ᱠᱟ.ᱢᱤ ᱟᱭᱢᱟ ᱫᱩᱞᱟ.ᱲ ᱮ ᱧᱟᱢ ᱞᱮᱫᱟᱭ ᱾ ᱱᱩᱭ ᱫᱚ ᱱᱚᱶᱟ ᱯᱷᱤᱞᱢ ᱠᱷᱟ.ᱛᱤᱨ ᱟᱭ.ᱟᱭ.ᱮᱯᱷ.ᱮ. ᱟᱣᱟᱨᱰ ᱯᱷᱚᱨ ᱵᱮᱥᱴ ᱥᱚᱯᱚᱨᱴᱤᱝ ᱟᱠᱴᱚᱨ ᱞᱟ.ᱜᱤᱱ ᱮ ᱵᱟᱪᱷᱚᱱ ᱨᱟᱠᱟᱵ ᱞᱮᱱᱟ ᱾ ᱚᱱᱟ ᱛᱟᱭᱚᱢ ᱨᱚᱬᱫᱤᱯ ᱦᱳᱰᱟ ᱡᱚᱱᱚᱛ ᱒ (᱒᱐᱑᱒) ᱟᱨ ᱡᱤᱥᱢ ᱒ (᱒᱐᱑᱒) ᱯᱷᱤᱞᱢ ᱠᱟᱨᱮ ᱠᱟ‌ᱢᱤ ᱧᱟᱢ ᱞᱮᱫᱟᱭ, ᱱᱚᱶᱟ ᱯᱷᱤᱞᱢ ᱨᱮ ᱱᱩᱭ ᱵᱚᱠᱥ ᱚᱯᱷᱤᱥ ᱨᱮ ᱨᱮᱠᱚᱰ ᱞᱮᱫᱟᱭ ᱾ ᱚᱱᱟ ᱛᱟᱭᱚᱢ ᱱᱩᱭ ᱨᱳᱰ ᱰᱨᱟᱢᱟ ᱯᱷᱤᱯᱢ ᱦᱟᱭᱣᱮ (᱒᱐᱑᱔) ᱟᱨ ᱡᱤᱭᱚᱱ ᱠᱟ.ᱦᱱᱤ ᱯᱷᱤᱞᱢ ᱨᱚᱝ ᱨᱚᱥᱤᱭᱟ (᱒᱐᱑᱔) ᱟᱨ ᱥᱚᱨᱵᱽᱡᱤᱛ (᱒᱐᱑᱖) ᱮᱢᱟᱱ ᱯᱷᱤᱞᱢ ᱠᱷᱟ.ᱛᱤᱨ ᱧᱮᱧᱮᱞᱤᱭᱟᱹ ᱠᱚ ᱛᱟᱞᱟᱨᱮ ᱟᱭᱢᱟ ᱫᱩᱞᱟ.ᱲ ᱮ ᱧᱟᱢ ᱞᱮᱫᱟᱭ ᱾

ᱯᱷᱤᱞᱢ ᱡᱤᱭᱚᱱ ᱨᱮ ᱠᱟ.ᱢᱤ ᱥᱟᱶᱛᱮ ᱨᱚᱬᱫᱤᱯ ᱫᱚ ᱛᱷᱤᱭᱮᱴᱚᱨ ᱠᱚᱨᱮ ᱦᱚᱸ ᱠᱟ.ᱢᱤI ᱟᱠᱟᱫᱟᱭ ᱾ ᱱᱩᱭ ᱫᱚ ᱥᱴᱮᱡᱽ ᱯᱞᱮ ᱨᱮ ᱯᱩᱭᱞᱩ ᱫᱚ ᱯᱞᱮ ᱚᱱᱚᱞᱤᱭᱟᱹ ᱞᱮᱠᱟᱛᱮ ᱮᱦᱟᱵ ᱞᱮᱫᱟᱭ ᱾ ᱱᱩᱭᱟᱜ ᱯᱩᱭᱞᱩ ᱚᱱᱚᱞ ᱫᱚ ᱞᱤ ᱵᱽᱞᱮᱥᱤᱝ-ᱟᱜ ᱮ ᱣᱟᱞᱠ ᱤᱱ ᱫᱤ ᱣᱳᱰᱥ ᱠᱟᱱᱟ ᱾ ᱟᱨ ᱦᱚᱸ ᱱᱩᱭ ᱫᱚ ᱧᱩᱛᱩᱢᱟᱱ ᱤᱠᱣᱮᱥᱴᱨᱤᱭᱟᱱ(equestrian) ᱠᱟᱱᱟᱭ, ᱡᱟᱦᱟᱸᱭ ᱫᱚ ᱯᱳᱞᱳ, ᱥᱳ ᱡᱚᱢᱯᱤᱝ ᱟᱨ ᱰᱨᱮᱥᱮᱡᱽ ᱤᱵᱷᱮᱸᱴ ᱠᱚᱨᱮ ᱵᱷᱟᱜᱽ ᱦᱟᱛᱟᱣ ᱟᱠᱟᱫᱟᱭ ᱾ ᱱᱟᱶᱟ ᱫᱤᱞᱞᱤ ᱨᱮᱭᱟᱜ ᱳᱯᱮᱱ ᱰᱨᱮᱥᱮᱡᱽ ᱤᱵᱷᱮᱸᱴ ᱨᱮ ᱱᱩᱭ ᱨᱩᱯᱟ. ᱢᱮᱰᱟᱞ ᱡᱤᱛᱠᱟ.ᱨ ᱞᱮᱱᱟᱭ ᱾

References

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
  1. ↑ "Randeep Hooda's Biography". Koimoi. Archived from the original on 4 ᱯᱷᱮᱵᱽᱨᱩᱣᱟᱨᱤ 2016. Retrieved 27 ᱡᱟᱱᱩᱣᱟᱨᱤ 2016.
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]


"https://sat.wikipedia.org/w/index.php?title=ᱨᱚᱬᱫᱤᱯ_ᱦᱳᱰᱟ&oldid=58096" ᱠᱷᱚᱱ ᱧᱟᱢ ᱟᱹᱜᱩᱭ