ᱨᱚᱱᱛᱷᱟᱢᱵᱚᱨ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ
| ᱨᱚᱬᱚᱛᱷᱚᱢᱵᱚᱨ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ रणथंभौर राष्ट्रीय उद्यान ᱨᱚᱱᱛᱷᱟᱢᱵᱚᱨ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ | |
|---|---|
IUCN category II (national park) | |
 ᱨᱚᱱᱛᱷᱟᱱᱵᱚᱨ ᱵᱤᱨ ᱨᱮ ᱛᱟᱹᱨᱩᱵ ᱥᱟᱹᱞ ᱮ ᱡᱚᱢᱮ ᱠᱟᱱᱟ | |
  | |
| Location | ᱥᱚᱣᱟᱹᱭ ᱢᱟᱫᱷᱚᱯᱩᱨ, ᱨᱟᱡᱚᱥᱛᱷᱟᱱ, ᱥᱤᱧᱚᱛ |
| Nearest city | ᱠᱚᱴᱟ ᱟᱨ ᱡᱚᱭᱯᱩᱨ |
| Coordinates | 26°01′02″N 76°30′09″E / 26.01733°N 76.50257°ECoordinates: 26°01′02″N 76°30′09″E / 26.01733°N 76.50257°E |
| Area | ᱒᱘᱒ ᱜᱟᱺᱴ ᱠᱤᱞᱚᱢᱤᱴᱚᱨ |
| Established | ᱑᱙᱘᱐ |
| Governing body | ᱥᱤᱧᱚᱛ ᱥᱚᱨᱠᱟᱨ, ᱥᱟᱪᱟᱨᱦᱮ ᱟᱨ ᱵᱤᱨ ᱢᱚᱱᱛᱨᱟᱞᱚᱭ, ᱛᱟᱹᱨᱩᱵ ᱯᱴᱚᱡᱮᱠᱴ |
ᱨᱚᱬᱚᱛᱷᱚᱣᱢᱵᱚᱨ ᱟᱨᱵᱟᱝ ᱨᱚᱱᱛᱷᱟᱢᱵᱚᱨ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ (ᱦᱤᱱᱫᱤᱺ रणथंभौर राष्ट्रीय उद्यान , Ranthambore National Park) ᱫᱚ ᱮᱛᱚᱢ-ᱥᱤᱧᱚᱛ ᱨᱮ ᱢᱮᱱᱟᱜ ᱢᱤᱫ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱠᱟᱱᱟ ᱾ ᱱᱚᱶᱟ ᱡᱟᱹᱛᱤᱭᱟᱹᱮᱤ ᱵᱟᱜᱟᱱ ᱫᱚ ᱮᱨᱤᱭᱟ ᱞᱮᱠᱟᱛᱮ ᱥᱤᱧᱚᱛ ᱨᱮᱱᱟᱜ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱢᱩᱸᱫᱽ ᱠᱷᱚᱱ ᱔᱐ ᱟᱱᱟᱜ ᱴᱷᱟᱶ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱨᱮᱱᱟᱜ ᱮᱨᱤᱭᱟ ᱫᱚ ᱓᱙᱒ ᱜᱟᱺᱴ ᱠᱤᱞᱚᱢᱤᱴᱚᱨ ᱾ ᱑᱙᱕᱕ ᱨᱮ ᱯᱩᱭᱞᱩ ᱫᱷᱟᱣ ᱱᱚᱶᱟ ᱮᱞᱟᱠᱟ ᱨᱮ ᱥᱤᱧᱚᱛ ᱥᱚᱨᱠᱟᱨ ᱦᱚᱛᱮᱛᱮ ᱥᱚᱣᱟᱹᱭ ᱢᱟᱫᱷᱚᱯᱩᱨ ᱨᱟᱠᱷᱟ ᱵᱤᱨ ᱞᱮᱠᱟᱛᱮ ᱨᱚᱱᱛᱷᱟᱢᱵᱚᱨ ᱛᱷᱟᱯᱚᱱ ᱞᱮᱱ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ ᱑᱙᱗᱓ ᱨᱮ ᱛᱟᱹᱨᱩᱵ ᱯᱨᱚᱡᱮᱠᱴ ᱦᱚᱛᱮᱛᱮ ᱪᱤᱱᱦᱟᱹ ᱦᱟᱠᱟᱱ ᱨᱟᱠᱷᱟᱵᱤᱨ ᱢᱮᱱᱛᱮ ᱵᱤᱠᱱᱟᱹᱣ ᱞᱮᱱᱟ ᱾ ᱑᱙᱘᱐ ᱨᱮ ᱱᱚᱶᱟ ᱫᱚ ᱨᱚᱱᱛᱷᱟᱢᱵᱚᱨ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱨᱮᱱᱟᱜ ᱢᱟᱱᱚᱛ ᱮ ᱧᱟᱢ ᱠᱮᱫᱼᱟ ᱾ ᱑᱙᱘᱔ ᱨᱮᱱᱟᱜ ᱥᱩᱨᱥᱩᱯᱩᱨ ᱨᱮ ᱥᱚᱣᱟᱹᱭ ᱢᱟᱫᱷᱚᱯᱩᱨ ᱟᱨ ᱠᱟᱞᱟᱫᱮᱵᱤ ᱵᱤᱨ ᱫᱚ ᱨᱟᱠᱷᱟᱵᱤᱨ ᱠᱚ ᱵᱤᱠᱱᱟᱹᱣ ᱠᱮᱫᱼᱟ ᱟᱨ ᱑᱙᱙᱑ ᱨᱮ ᱨᱚᱱᱛᱷᱟᱢᱵᱚᱨ ᱥᱟᱶ ᱱᱚᱶᱟ ᱵᱟᱱᱟᱨ ᱨᱟᱠᱷᱟᱵᱤᱨ ᱫᱚ ᱛᱟᱹᱨᱩᱵ ᱨᱟᱠᱷᱟᱵᱤᱨ ᱢᱮᱱᱛᱮ ᱠᱚ ᱵᱤᱠᱱᱟᱹᱣ ᱠᱮᱫᱼᱟ ᱾
ᱱᱚᱶᱟ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱫᱚ ᱛᱟᱹᱨᱩᱵ ᱟᱨ ᱪᱮᱴᱨᱟ ᱞᱟᱹᱜᱤᱫ ᱛᱮ ᱯᱷᱮᱢᱚᱥ (famous) ᱢᱮᱱᱟᱜᱼᱟ ᱾[᱑] ᱱᱚᱣᱟ ᱵᱤᱨ ᱨᱮ ᱪᱮᱴᱨᱟ ᱠᱚᱣᱟᱜ ᱱᱤᱨᱡᱟᱞᱟ ᱫᱟᱬᱟᱵᱟᱲᱟ ᱠᱚ ᱧᱮᱞ ᱧᱟᱢᱚᱜᱼᱟ ᱾ ᱫᱤᱱ ᱵᱮᱲᱟ ᱦᱚᱸ ᱛᱟᱹᱨᱩᱵ ᱠᱚᱢ ᱧᱮᱞ ᱫᱟᱲᱮᱭᱟ ᱠᱚᱣᱟ ᱾ ᱨᱚᱱᱛᱷᱟᱢᱵᱚᱨ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱨᱮ ᱛᱟᱹᱨᱩᱵ ᱧᱮᱞ ᱞᱟᱹᱜᱤᱫ ᱡᱚᱛᱷᱟᱛ ᱚᱠᱛᱚ ᱫᱚ ᱱᱚᱵᱷᱮᱢᱵᱚᱨ ᱠᱷᱚᱱ ᱢᱮ ᱪᱟᱸᱫᱚ ᱨᱮ ᱾ ᱱᱚᱸᱰᱮ ᱛᱟᱹᱨᱩᱵ, ᱪᱮᱴᱨᱟ, ᱞᱤᱞᱜᱟᱹᱭ, ᱵᱤᱨ ᱥᱩᱠᱨᱤ, ᱥᱚᱢᱵᱚᱨ, ᱦᱩᱸᱰᱟᱹᱨ ᱵᱟᱜᱽ, ᱵᱟᱱᱟ, ᱦᱟᱹᱬᱩ ᱜᱟᱹᱬᱤ, ᱜᱟᱹᱭᱢᱚᱪᱟ ᱛᱟᱭᱟᱱ[᱑][᱒] ᱟᱨ ᱥᱟᱹᱞ ᱥᱟᱨᱟᱢ ᱮᱢᱟᱱ ᱡᱤᱭᱟᱹᱞᱤ ᱠᱚ ᱧᱮᱞ ᱧᱟᱢᱚᱜᱼᱟ ᱾ ᱱᱚᱶᱟ ᱨᱟᱠᱷᱟᱵᱤᱨ ᱨᱮ ᱟᱹᱰᱤ ᱞᱮᱠᱟᱱ ᱫᱟᱨᱮ ᱱᱟᱹᱬᱤ ᱪᱮᱬᱮ ᱪᱤᱯᱨᱩᱡ ᱟᱨ ᱡᱤᱱᱛᱤ ᱯᱤᱯᱤᱲᱤ ᱠᱚ ᱢᱮᱱᱟᱜ ᱠᱚᱣᱟ ᱾ ᱱᱚᱸᱰᱮ ᱢᱤᱫ ᱵᱟᱲᱮ ᱫᱟᱨᱮ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱥᱤᱧᱚᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱵᱟᱲᱮ ᱫᱟᱨᱮ ᱢᱮᱱᱛᱮ ᱠᱚ ᱢᱮᱛᱟᱜ ᱠᱟᱱᱟ ᱾
ᱚᱛᱱᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱨᱟᱡᱚᱥᱛᱷᱟᱱ ᱨᱮᱱᱟᱜ ᱠᱚᱧᱮ-ᱥᱟᱢᱟᱝ ᱨᱮᱱᱟᱜ ᱢᱟᱫᱷᱚᱯᱩᱨ ᱦᱚᱱᱚᱛ ᱨᱮ ᱱᱚᱶᱟ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱫᱚ ᱢᱮᱱᱟᱜᱼᱟ ᱾ ᱱᱚᱶᱟ ᱫᱚ ᱠᱚᱴᱟ ᱠᱷᱚᱱ ᱑᱑᱐ ᱠᱤᱞᱚᱢᱤᱴᱚᱨ ᱮᱛᱚᱢ-ᱥᱟᱢᱟᱝ ᱥᱮᱦᱮᱫ ᱨᱮ ᱢᱮᱱᱟᱜᱼᱟ ᱟᱨ ᱡᱚᱭᱯᱩᱨ ᱠᱷᱚᱱ ᱑᱔᱐ ᱠᱤᱞᱚᱢᱤᱴᱚᱨ ᱠᱚᱧᱮ-ᱥᱟᱢᱟᱝ ᱥᱮᱦᱮᱫ ᱨᱮ ᱢᱮᱱᱟᱜᱼᱟ ᱾ ᱨᱚᱱᱛᱷᱟᱢᱵᱚᱨ ᱨᱮᱱᱟᱜ ᱥᱩᱯᱩᱨ ᱩᱰᱟᱹᱱᱰᱟᱹᱦᱤ ᱫᱚ ᱡᱚᱭᱯᱩᱨ ᱨᱮ ᱢᱮᱱᱟᱜᱼᱟ ᱾ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱠᱷᱚᱱ ᱑᱑ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱥᱣᱟᱹᱭ ᱢᱟᱫᱷᱚᱯᱩᱨ ᱱᱟᱜᱽᱨᱟᱦᱟ ᱢᱮᱱᱟᱜᱼᱟ ᱾ ᱱᱚᱶᱟ ᱜᱮ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱨᱮᱱᱟᱜ ᱥᱩᱨ ᱱᱟᱜᱽᱨᱟᱦᱟ ᱵᱟᱝᱢᱟ ᱨᱮᱞ ᱥᱴᱮᱥᱚᱱ ᱠᱟᱱᱟ ᱾ ᱚᱱᱟ ᱠᱷᱚᱱ ᱱᱟᱥᱮ ᱥᱟᱺᱜᱤᱧ ᱨᱮ ᱠᱚᱴᱟ ᱨᱮᱞ ᱥᱴᱮᱥᱚᱱ ᱢᱮᱱᱟᱜᱼᱟ ᱾ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱛᱟᱞᱟ ᱨᱮ ᱜᱮ ᱱᱟᱜᱟᱢᱟᱱᱟᱜ ᱨᱟᱬᱟᱛᱷᱚᱢᱵᱚᱨ ᱯᱷᱚᱨᱴ (fort) ᱢᱮᱱᱟᱜᱼᱟ ᱟᱨ ᱚᱱᱟ ᱞᱮᱠᱟᱛᱮ ᱛᱮᱜᱮ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱦᱚᱸ ᱧᱩᱢ ᱟᱠᱟᱱᱟ ᱾ ᱠᱚᱴᱟ ᱟᱨ ᱨᱚᱱᱛᱷᱟᱢᱵᱤᱨ ᱛᱟᱞᱟ ᱨᱮ ᱢᱤᱫ ᱡᱟᱹᱛᱤᱭᱟᱹᱨᱤ ᱰᱟᱦᱟᱨ ᱥᱮᱱ ᱟᱠᱟᱱᱟ ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ ᱑.᱐ ᱑.᱑ Nowell, Kristin; Jackson, Peter (1996). "Tiger". Wild Cats: Status Survey and Conservation Action Plan (PDF). Gland, Switzerland: IUCN/SSC Cat Specialist Group. pp. 55–65. ISBN 2-8317-0045-0.
- ↑ Da Silva, A. and Lenin, J. (2010). "Mugger Crocodile Crocodylus palustris, pp. 94–98 in S.C. Manolis and C. Stevenson (eds.) Crocodiles. Status Survey and Conservation Action Plan. 3rd edition, Crocodile Specialist Group: Darwin.