ᱨᱟᱨᱟ ᱛᱟᱞ (ᱯᱩᱠᱷᱚᱨᱤ)

ᱨᱟᱨᱟ ᱛᱟᱞ
ᱨᱟᱨᱟ ᱛᱟᱞ
Location	ᱢᱩᱜᱩ ᱡᱤᱞᱟ
Coordinates	29°31′33″N 82°05′25″E / 29.525721°N 82.0902106°ECoordinates: 29°31′33″N 82°05′25″E / 29.525721°N 82.0902106°E
Primary inflows	Unknown
Basin countries	ᱱᱮᱯᱟᱞ
Max. length	᱕.᱑ ᱠᱤᱞᱳᱢᱤᱴᱚᱨ
Max. width	᱓.᱒ ᱠᱤᱞᱳᱢᱤᱴᱚᱨ
Surface area	᱑᱐.᱘ km²
Max. depth	᱑᱖᱗ ᱢᱤᱴᱚᱨ
Water volume	᱑ ᱜᱷᱚᱱ ᱠᱤᱞᱳᱢᱤᱴᱚᱨ
Surface elevation	᱒,᱙᱗᱒ ᱢᱤᱴᱚᱨ

ᱨᱟᱨᱟ ᱛᱟᱞ (English: Rara Lake) ᱱᱮᱯᱟᱞ ᱨᱮᱱᱟᱜ ᱠᱚᱨᱱᱟᱞᱤ ᱚᱧᱪᱚᱞ ᱢᱩᱜᱩ ᱡᱤᱞᱟ ᱨᱮ ᱱᱮᱯᱟᱞ ᱨᱮᱱᱟᱜ ᱡᱚᱛᱚᱠᱷᱚᱱ ᱞᱟ.ᱴᱩ ᱟᱨ ᱧᱩᱛᱩᱢᱟᱠ ᱛᱟᱞ (ᱯᱩᱠᱷᱚᱨᱤ) ᱠᱟᱱᱟ । ᱱᱩᱣᱟ ᱯᱩᱠᱷᱚᱨᱤ ᱥᱚᱢᱩᱱᱫᱨᱚ ᱠᱷᱚᱱ ᱒,᱙᱗᱒ ᱢᱤᱴᱚᱨ ᱩᱥᱩᱞ ᱨᱮ ᱢᱮᱱᱟᱜ-ᱟ । ᱡᱤᱞᱟ ᱨᱮᱱᱟᱜ ᱥᱚᱫᱚᱨᱢᱩᱠᱟᱢ ᱜᱚᱢᱜᱚᱰᱷᱤ ᱠᱷᱚᱱ ᱯᱟ.ᱪᱷᱤᱢ ᱥᱮᱡᱽ ᱞᱚᱜᱵᱷᱚᱜ ᱓ ᱜᱷᱟᱱᱴᱟ ᱛᱟᱰᱟᱢ ᱞᱮᱱᱠᱷᱟᱱ ᱨᱟᱨᱟ ᱛᱟᱞ (ᱯᱩᱠᱷᱚᱨᱤ) ᱥᱮᱴᱮᱨ ᱫᱟᱰᱤᱭᱟᱜ-ᱟᱵᱩᱱ । ᱑᱐. ᱘ ᱵᱚᱨᱜᱚ ᱠᱤᱞᱳᱢᱤᱴᱚᱨ ᱛᱮ ᱯᱟᱥᱱᱟᱶ ᱟᱠᱟᱱ ᱨᱟᱨᱟ ᱛᱟᱞ (ᱯᱩᱠᱷᱚᱨᱤ) ᱨᱮᱱᱟᱜ ᱡᱤᱞᱤᱧ ᱕ ᱠᱤᱞᱳᱢᱤᱴᱚᱨ, ᱩᱥᱟᱨ ᱓. ᱒ ᱠᱤᱞᱳᱢᱤᱴᱚᱨ ᱟᱨ ᱠᱷᱟ.ᱱᱫᱨᱤᱝ ᱑᱖᱗ ᱢᱤᱴᱚᱨ ᱢᱮᱱᱟᱜ-ᱟ। ᱯᱨᱚᱠᱨᱤᱛᱤ ᱨᱮᱱᱟᱜ ᱩᱯᱦᱟᱨ ᱛᱮ ᱥᱤᱨᱡᱟ.ᱱ ᱟᱠᱟᱱ ᱨᱟᱨᱟ ᱛᱟᱞ (ᱯᱩᱠᱷᱚᱨᱤ) ᱨᱟᱨᱟ ᱨᱟᱥᱴᱨᱤᱭ ᱱᱤᱠᱩᱧᱡᱽ ᱨᱮᱱᱟᱜ ᱦᱟ.ᱲᱤᱭᱟ.ᱨ ᱵᱤᱨ ᱨᱮ ᱠᱚᱥᱛᱩᱨᱤ, ᱨᱚᱛᱩᱣᱟ ᱞᱮᱠᱟᱱ ᱡᱟᱱᱣᱚᱨ ᱥᱟᱶᱛᱮ ᱱᱮᱯᱟᱞ ᱨᱮᱱ ᱡᱟ.ᱛᱤᱭᱟ.ᱨᱤ ᱪᱮᱸᱬᱮ ᱵᱟᱸᱯᱮ ᱟᱨ ᱟᱭᱢᱟ ᱞᱮᱠᱟᱱ ᱪᱮᱸᱬᱮ ᱠᱚ ᱧᱚᱢᱚᱜ-ᱟ । ᱱᱩᱣᱟ ᱥᱩᱨ ᱥᱩᱨᱛᱮ ᱢᱮᱱᱟᱜ ᱨᱟᱥᱴᱨᱤᱭ ᱱᱤᱠᱩᱧᱡᱽ ᱑᱐᱖ ᱠᱤᱞᱳᱢᱤᱴᱚᱨ ᱡᱟᱭᱜᱟ ᱨᱮ ᱯᱟᱥᱱᱟᱣ ᱟᱠᱟᱱᱟ ।

ᱯᱨᱟᱠᱨᱤᱛᱤᱠ ᱪᱤᱛᱟᱨ

ᱫᱤᱱ ᱜᱤ ᱨᱩᱯ ᱮ ᱵᱚᱫᱚᱞ ᱨᱟᱨᱟ ᱛᱟᱞ (ᱯᱩᱠᱷᱚᱨᱤ) ᱡᱷᱮᱴᱷᱚ ᱪᱟᱸᱫᱚ ᱠᱷᱚᱱ ᱫᱟᱥᱟᱭ ᱪᱟᱸᱫᱚ ᱫᱷᱟ.ᱵᱤᱡᱽ ᱟᱭᱢᱟ ᱞᱮᱠᱟᱱ ᱵᱟᱦᱟ ᱠᱚ ᱵᱟᱦᱟ ᱠᱟᱛᱮ ᱨᱟ.ᱥᱠᱟ. ᱟᱨ ᱟ.ᱰᱤ ᱪᱚᱨᱚᱜ ᱧᱮᱞᱚᱜ-ᱟ। ᱨᱟᱨᱟ ᱛᱟᱞ (ᱯᱩᱠᱷᱚᱨᱤ) ᱨᱮ ᱵᱤᱥᱣᱚ ᱨᱮ ᱚᱠᱟᱨᱮ ᱦᱚᱸ ᱵᱟᱠᱚ ᱧᱟᱢᱚᱜ ᱚᱥᱚᱞᱟ (ᱵᱩᱨᱩ ᱨᱮ ᱧᱟᱢᱚᱜ ᱠᱚ ᱢᱤᱫ ᱦᱟᱠᱩ) ᱦᱟᱠᱩ ᱠᱩ ᱧᱟᱢᱚᱜ-ᱟ । ᱨᱟᱨᱟ ᱛᱟᱞ (ᱯᱩᱠᱷᱚᱨᱤ) ᱠᱷᱚᱱ ᱞᱚᱜᱵᱷᱚᱜ ᱓ ᱜᱷᱟᱱᱴᱟ ᱛᱟᱰᱟᱢ ᱞᱮᱱᱠᱷᱟᱱ ᱱᱩᱣᱟ ᱠᱷᱚᱱ ᱯᱟ.ᱪᱷᱤᱢ ᱱᱟᱠᱷᱟ ᱨᱮ ᱢᱮᱱᱟᱜ ᱢᱩᱢᱟᱨᱴᱚᱯ ᱥᱮᱴᱮᱨ ᱫᱟᱰᱤᱭᱟᱜ-ᱟᱵᱩᱱ । ᱱᱚᱱᱰᱮ ᱠᱷᱚᱱ ᱨᱟᱨᱟ ᱛᱟᱞ ᱨᱮᱱᱟᱜ ᱨᱟ.ᱥᱠᱟ. ᱜᱤ ᱨᱩᱯ ᱪᱤᱛᱟᱨ ᱟᱨ ᱥᱚᱤᱯᱟᱞ ᱵᱩᱨᱩ ᱨᱮᱱᱟᱜ ᱨᱩᱯ ᱦᱚᱸ ᱧᱮᱞ ᱫᱟᱰᱤᱭᱟᱜ-ᱟᱵᱩᱱ । ᱱᱩᱣᱟ ᱯᱩᱠᱷᱚᱨᱤ ᱨᱮ ᱥᱤᱥᱱᱮ ᱵᱩᱨᱩ ᱟᱨ ᱠᱟᱱᱡᱤᱨᱳᱣᱟ ᱵᱩᱨᱩ ᱨᱮᱱᱟᱜ ᱢᱚᱱᱮ ᱭᱮ ᱞᱩᱵᱷᱚᱭᱟᱣ ᱪᱤᱛᱟᱨ ᱟᱨ ᱚᱠᱟᱨᱮ ᱦᱚᱸ ᱵᱟᱵᱩ ᱧᱟᱢᱚᱜ 'ᱚᱥᱚᱞᱟ' ᱡᱟ.ᱛ ᱨᱮᱱ ᱦᱟᱠᱩ ᱦᱚᱸ ᱧᱮᱞ ᱫᱟᱰᱤᱭᱟᱠᱩ ᱣᱟᱵᱩᱱ ।

ᱧᱩᱛᱩᱢ ᱫᱚᱦᱚ

ᱨᱟᱡᱟ ᱢᱚᱦᱮᱱᱫᱨᱚ ᱥᱟᱦ B.S. ᱒᱐᱒᱐ ᱥᱟᱞ ᱨᱮ ᱱᱩᱣᱟ ᱡᱟᱭᱜᱟ ᱫᱟᱰᱟᱱ ᱮ ᱪᱟᱞᱟᱣ ᱞᱮᱱᱟ ᱾ ᱯᱟ.ᱦᱤᱞ ᱫᱤᱱ ᱨᱮ ᱨᱟᱨᱟ ᱫᱚᱦᱚ ᱢᱮᱱᱛᱮ ᱩᱯᱨᱩᱢ ᱟᱠᱟᱱ ᱱᱩᱣᱟ ᱯᱩᱠᱷᱚᱨᱤ ᱨᱮᱱᱟᱜ ᱧᱩᱛᱩᱢ ᱢᱚᱦᱮᱱᱫᱨᱚ ᱛᱟᱞ ᱫᱚᱦᱚ ᱞᱮᱫᱟᱭ ।

ᱦᱚᱭᱫᱟᱜᱽ

ᱥᱤᱛᱩᱝ ᱪᱟᱸᱫᱚ ᱨᱮ ᱨᱟᱨᱟ ᱛᱟᱞ ᱟ.ᱰᱤ ᱪᱚᱨᱚᱜ ᱧᱮᱞᱚᱜ-ᱟ ᱢᱮᱱᱠᱷᱚᱱ ᱨᱤᱭᱟᱲ-ᱟ । ᱱᱚᱱᱰᱮ ᱫᱟᱰᱟᱱ ᱡᱚᱛᱚᱠᱷᱚᱱ ᱱᱟᱯᱟᱭ ᱚᱠᱛᱮ ᱫᱚ ᱥᱮᱯᱴᱮᱢᱵᱚᱨ / ᱚᱠᱴᱳᱚᱨ ᱟᱨ ᱚᱯᱨᱤᱞ ᱠᱷᱚᱱ ᱢᱚᱤ ᱫᱷᱟ.ᱵᱤᱡᱽ ᱠᱟᱱᱟ । ᱵᱤᱥᱮᱢᱵᱚᱨ ᱠᱷᱚᱱ ᱢᱟᱨᱪᱚ ᱫᱷᱟ.ᱵᱤᱡᱽ ᱛᱟᱯᱢᱟᱱ ᱦᱚᱸ ᱢᱟᱣᱨᱟᱜ ᱯᱣᱟᱤᱱᱴᱚ ᱠᱷᱚᱱ ᱦᱚᱸ ᱞᱟᱛᱟᱨ ᱧᱩᱨᱩᱜ-ᱟ । ᱨᱟᱵᱟᱝ ᱨᱮ ᱑ ᱢᱤᱴᱚᱨ ᱫᱷᱟ.ᱵᱤᱡᱽ ᱟᱨᱮᱞ ᱡᱟᱣᱨᱟᱜ ᱠᱟᱱᱟ ।

ᱡᱟ.ᱯᱩᱫ ᱨᱮ ᱘᱐ ᱢᱤᱞᱤ ᱞᱤᱴᱤᱨ ᱫᱷᱟ.ᱵᱤᱡᱽ ᱫᱟᱜᱽ ᱦᱤᱡᱩᱜ-ᱟ ᱯᱩᱠᱷᱚᱨᱤ ᱨᱮᱱᱟᱜ ᱛᱟᱯᱫᱟᱱ ᱗. ᱕ ᱠᱷᱚᱱ ᱗. ᱖ ᱰᱤᱜᱨᱤ ᱥᱮᱞᱥᱮᱭᱚᱥ ᱫᱷᱟ.ᱵᱤᱡᱽ ᱦᱩᱭᱩᱜ-ᱟ ।^[᱑]