ᱨᱟᱨᱟ ᱡᱚᱞᱟ

ᱨᱟᱨᱟ ᱡᱚᱞᱟ ᱫᱚ ᱢᱚᱦᱮᱱᱫᱽᱨᱚ ᱡᱚᱞᱟ ᱢᱮᱱᱛᱮ ᱦᱚᱸ ᱠᱚ ᱢᱮᱛᱟᱜᱼᱟ ᱾ ᱱᱚᱶᱟ ᱡᱚᱞᱟ ᱫᱚ ᱱᱮᱯᱟᱞᱤ ᱦᱤᱢᱟᱞᱚᱭ ᱨᱮᱱᱟᱜ ᱢᱟᱨᱟᱝ ᱩᱛᱟᱹᱨ ᱦᱮᱲᱮᱢ ᱫᱟᱜ ᱡᱚᱞᱟ ᱠᱟᱱᱟ ᱾ ᱱᱚᱶᱟ ᱡᱚᱞᱟ ᱫᱚ ᱠᱚᱨᱱᱟᱞᱤ ᱯᱨᱚᱵᱷᱤᱱᱥ ᱨᱮ ᱢᱮᱱᱟᱜ ᱡᱩᱢᱞᱟ ᱟᱨ ᱢᱩᱜᱩ ᱦᱩᱱᱚᱛ ᱛᱟᱞᱟ ᱨᱮ ᱨᱟᱨᱟ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱛᱟᱹᱨᱤ ᱨᱮ ᱢᱮᱱᱟᱜᱼᱟ ᱾^[᱑] ᱨᱟᱨᱟ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱫᱚ ᱑᱐᱖ ᱜᱟᱸᱴ ᱠᱤᱞᱚᱢᱤᱴᱚᱨ ᱚᱥᱟᱨ ᱛᱮ ᱯᱟᱥᱱᱟᱣ ᱟᱠᱟᱱᱟ ᱾^[᱒]

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱨᱟᱨᱟ ᱡᱚᱞᱟ ᱫᱚ ᱑᱐᱗᱖ ᱥᱟᱹᱦᱤᱛ ᱨᱮ ᱨᱟᱨᱟ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱨᱮ ᱠᱚ ᱥᱮᱞᱮᱫ ᱞᱮᱫ ᱛᱟᱦᱮᱸᱫ ᱾ ᱑᱙᱗᱖ ᱥᱟᱹᱦᱤᱛ ᱨᱮ ᱪᱷᱟᱯᱨᱟ ᱟᱨ ᱨᱟᱨᱟ ᱟᱹᱛᱩ ᱨᱤᱱ ᱦᱚᱲ ᱠᱚ ᱫᱚ ᱱᱮᱯᱟᱞᱜᱚᱸᱡᱽ ᱛᱮ ᱠᱚ ᱩᱪᱟᱹᱲ ᱞᱮᱫ ᱠᱚ ᱛᱟᱦᱮᱸᱫ ᱾ ᱥᱮᱯᱴᱮᱢᱵᱚᱨ ᱒᱐᱐᱗ ᱨᱮ ᱱᱚᱶᱟ ᱡᱚᱞᱟ ᱫᱚ ᱨᱟᱢᱥᱟᱨ ᱥᱟᱭᱤᱴ ᱞᱮᱠᱟᱛᱮ ᱠᱚ ᱞᱟᱹᱭᱥᱟᱰᱮ ᱠᱮᱫᱼᱟ, ᱡᱟᱦᱟᱸ ᱫᱚ ᱑,᱕᱘᱓ ᱦᱮᱠᱴᱚᱨ ᱮᱨᱤᱭᱟᱭ ᱮᱥᱮᱫ ᱟᱠᱟᱫᱼᱟ ᱡᱚᱞᱟ ᱥᱩᱯᱩᱨ ᱫᱚᱞᱫᱩᱞᱤ ᱠᱚ ᱢᱮᱥᱟ ᱠᱟᱛᱮ ᱾ ᱱᱤᱛᱚᱜ ᱱᱚᱶᱟ ᱮᱠᱟᱠᱟ ᱥᱟᱶᱛᱮ ᱡᱟᱹᱛᱤᱭᱟᱹᱨᱤ ᱵᱟᱜᱟᱱ ᱫᱚ ᱱᱮᱯᱟᱞᱤ ᱟᱨᱢᱤ ᱦᱚᱛᱮ ᱛᱮ ᱨᱩᱠᱷᱤᱭᱟᱹ ᱨᱮ ᱢᱮᱱᱟᱜᱼᱟ ᱾

ᱥᱟᱶᱛᱟ ᱞᱟᱠᱪᱟᱨ ᱟᱨ ᱫᱷᱚᱨᱚᱢ ᱨᱮᱱᱟᱜ ᱜᱚᱱᱚᱝ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱶᱟ ᱴᱚᱴᱷᱟ ᱨᱮᱱ ᱦᱚᱲ ᱠᱚᱣᱟᱜ ᱢᱩᱬ ᱠᱟᱹᱢᱤ ᱫᱚ ᱛᱟᱠᱚ ᱪᱟᱥᱵᱟᱥ ᱾ ᱩᱱᱠᱩ ᱫᱚ ᱢᱮᱨᱚᱢ ᱦᱚᱸ ᱟᱥᱩᱞ ᱠᱚᱣᱟ ᱟᱨ ᱨᱟᱱ ᱨᱮᱦᱮᱫ ᱠᱚ ᱚᱰᱚᱠ ᱠᱟᱛᱮ ᱠᱚ ᱟᱹᱠᱷᱨᱤᱧ ᱛᱮ ᱟᱠᱚᱣᱟᱜ ᱡᱤᱭᱚᱱ ᱠᱚ ᱠᱷᱟᱱᱰᱟᱣᱟ ᱾ ᱱᱚᱶᱟ ᱴᱚᱴᱷᱮ ᱨᱮᱱ ᱜᱩᱴ ᱠᱚ ᱢᱟᱹᱫᱽ ᱨᱮ ᱴᱷᱟᱠᱩᱨ ᱜᱩᱴ ᱫᱚ ᱢᱟᱨᱟᱝ ᱜᱮᱭᱟ ᱾ ᱴᱷᱟᱠᱩᱨ ᱵᱟᱵᱟ ᱦᱟᱜ ᱢᱩᱸᱫᱽᱨᱤ ᱫᱚ ᱱᱚᱶᱟ ᱡᱚᱞᱟ ᱨᱮᱱᱟᱜ ᱠᱚᱧᱮᱼᱥᱟᱢᱟᱝ ᱠᱚᱬ ᱨᱮ ᱢᱮᱱᱟᱜᱼᱟ ᱾

ᱦᱚᱭᱼᱦᱤᱥᱤᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱤᱛᱩᱝ ᱫᱚ ᱟᱹᱰᱤ ᱱᱟᱯᱟᱭ ᱜᱮᱭᱟ ᱢᱮᱱᱠᱷᱟᱱ ᱨᱟᱵᱟᱝ ᱨᱤᱛᱩ ᱫᱚ ᱨᱮᱭᱟᱲ ᱜᱮᱭᱟ ᱾ ᱱᱚᱶᱟ ᱡᱚᱞᱟ ᱧᱮᱞ ᱞᱟᱹᱜᱤᱫ ᱡᱚᱛᱚ ᱠᱷᱚᱱ ᱱᱟᱯᱟᱭ ᱚᱠᱛᱚ ᱫᱚ ᱥᱮᱯᱴᱮᱢᱵᱚᱨ/ᱚᱠᱴᱚᱵᱚᱨ ᱟᱨ ᱮᱯᱨᱤᱞ ᱠᱷᱚᱱ ᱢᱮ ᱪᱟᱸᱫᱚ ᱦᱟᱹᱵᱤᱡ ᱾ ᱰᱤᱥᱮᱢᱵᱚᱨ ᱠᱷᱚᱱ ᱢᱟᱨᱪ ᱦᱟᱹᱵᱤᱡ, ᱱᱚᱰᱮ ᱫᱚ ᱞᱚᱞᱚᱥᱚᱝ ᱫᱟᱲᱠᱮ ᱴᱩᱰᱟᱹᱜ (freezing point) ᱠᱷᱚᱱ ᱦᱚᱸ ᱠᱚᱢ ᱜᱮ ᱛᱟᱦᱮᱸᱱᱟ, ᱟᱨ ᱢᱤᱫ ᱢᱤᱴᱚᱨ ᱫᱷᱟᱹᱵᱤᱡ ᱠᱩᱲᱦᱟᱹ ᱧᱩᱨᱩᱜ-ᱟ, ᱡᱟᱦᱟᱸ ᱫᱚ ᱱᱚᱰᱮᱱᱟᱜ ᱡᱚᱞᱟ ᱦᱚᱨ ᱮ ᱮᱥᱮᱫᱟ ᱾ ᱱᱚᱶᱟ ᱴᱚᱴᱷᱟ ᱨᱮ ᱮᱯᱨᱤᱞ ᱠᱷᱚᱱ ᱡᱩᱱ ᱪᱟᱸᱫᱚ ᱦᱟᱹᱵᱤᱡ ᱫᱚ ᱩᱨᱜᱩᱢ ᱜᱮ ᱛᱟᱦᱮᱸᱱᱟ ᱾^[᱓]

ᱡᱩᱞᱟᱭ ᱠᱷᱚᱱ ᱚᱠᱴᱚᱵᱚᱨ ᱦᱟᱹᱵᱤᱡ ᱡᱟᱹᱯᱩᱫ ᱨᱮᱱᱟᱜ ᱚᱠᱛᱚ ᱾ ᱑᱙᱙᱔ ᱠᱷᱚᱱ ᱒᱐᱐᱓ ᱫᱷᱟᱹᱵᱤᱡ ᱑᱐ ᱥᱮᱨᱢᱟ ᱨᱮ ᱘᱐᱐ ᱢᱤᱞᱤᱢᱤᱴᱚᱨ ᱫᱟᱜ ᱡᱟᱹᱲᱤ ᱞᱮᱱ ᱛᱟᱦᱮᱸᱫ ᱾ ᱡᱚᱞᱟ ᱨᱮᱱᱟᱜ ᱚᱛ ᱦᱟᱥᱟ ᱨᱮᱭᱟᱜ ᱞᱚᱞᱚᱥᱚᱝ (temperature) ᱫᱚ ᱗.᱕- ᱗.᱖ °C ᱟᱨ ᱑᱔- ᱑᱕ ᱢᱤᱴᱚᱨ ᱞᱟᱛᱟᱨ ᱨᱮ ᱧᱮᱞᱚᱜᱼᱟ ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

↑ Bhuju, U. R.; Shakya, P. R.; Basnet, T. B. & Shrestha, S. (2007). Nepal Biodiversity Resource Book. Protected Areas, Ramsar Sites, and World Heritage Sites (PDF). Kathmandu: International Centre for Integrated Mountain Development, Ministry of Environment, Science and Technology, in cooperation with United Nations Environment Programme, Regional Office for Asia and the Pacific. ISBN 978-92-9115-033-5.
↑ "Rara". Protected Planet. Retrieved 5 January 2022.
↑ "Rara National Park". Archived from the original on 2017-02-18. Retrieved 2023-12-05.

[Bhuju07-1] Bhuju, U. R.; Shakya, P. R.; Basnet, T. B. & Shrestha, S. (2007). Nepal Biodiversity Resource Book. Protected Areas, Ramsar Sites, and World Heritage Sites (PDF). Kathmandu: International Centre for Integrated Mountain Development, Ministry of Environment, Science and Technology, in cooperation with United Nations Environment Programme, Regional Office for Asia and the Pacific. ISBN 978-92-9115-033-5.

[WDPA-2] "Rara". Protected Planet. Retrieved 5 January 2022.

[directory-3] "Rara National Park". Archived from the original on 2017-02-18. Retrieved 2023-12-05.

[᱑]

[᱒]

[᱓]