ᱨᱟᱪᱟ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
Santal Lifestyle-21, SriramPur, DinajPur (c) Biplob Rahman

ᱨᱟᱪᱟ ᱫᱚ ᱦᱩᱭᱩᱜ ᱠᱟᱱᱟ, ᱢᱟᱱᱣᱟ ᱦᱚᱯᱚᱱ ᱥᱮ ᱦᱚᱲ ᱦᱚᱯᱚᱱ ᱟᱜ ᱚᱲᱟᱜ ᱫᱩᱣᱟᱹᱨ ᱨᱮᱭᱟᱜ ᱥᱟᱢᱟᱝ ᱱᱟᱠᱷᱟ ᱨᱮᱭᱟᱜ ᱯᱷᱟᱭᱞᱟᱣ ᱡᱟᱭᱜᱟ| ᱫᱤᱠᱩ ᱥᱮ ᱵᱤᱫᱮᱥ ᱨᱮᱱ ᱦᱚᱲᱟᱟᱜ ᱚᱲᱟᱜ ᱫᱩᱣᱟᱹᱨ ᱨᱮᱭᱟᱜ ᱥᱟᱢᱟᱝ ᱦᱚᱸ ᱱᱚᱝᱠᱟᱱ ᱨᱟᱪᱟ ᱢᱮᱱᱟᱜ ᱟᱠᱟᱫᱟ| ᱨᱟᱪᱟ ᱨᱮ ᱫᱚ ᱟᱥᱚᱠᱟᱭ ᱛᱮ ᱜᱷᱟᱸᱥ ᱠᱚ ᱵᱟᱝ ᱛᱟᱸᱦᱮᱱᱟ| ᱦᱚᱲ ᱦᱚᱯᱚᱱ ᱟᱜ ᱨᱟᱪᱟ ᱟᱲᱮ ᱠᱚ ᱨᱮ ᱫᱚ ᱦᱩᱰᱤᱧ ᱦᱩᱰᱤᱧ ᱵᱟᱦᱟ ᱵᱟᱜᱽᱣᱟᱱ ᱮᱴᱮᱫ ᱮᱥᱮᱫ ᱠᱟᱜ-ᱟ ᱠᱚ|

ᱦᱚᱲ ᱦᱚᱯᱚᱱ ᱟᱜ ᱞᱟᱭ ᱞᱟᱠᱪᱟᱨ ᱨᱮ ᱨᱟᱪᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱟᱹᱛ ᱯᱟᱹᱨᱤᱥ, ᱨᱮᱝᱜᱮᱡ-ᱠᱤᱥᱟᱹᱬ ᱵᱤᱱ ᱵᱟᱪᱷᱟᱣ ᱠᱟᱛᱮ ᱡᱚᱛᱚ ᱦᱚᱲ ᱦᱚᱯᱚᱱ ᱠᱚᱣᱟᱜ ᱚᱲᱟᱜ ᱫᱩᱣᱟᱹᱨ ᱨᱮᱭᱟᱜ ᱥᱟᱢᱟᱝ ᱱᱟᱠᱷᱟ ᱨᱮ ᱜᱮ ᱨᱟᱪᱟ ᱫᱚ ᱛᱟᱸᱦᱮᱱᱟ ᱟᱨ ᱚᱱᱟ ᱫᱚ ᱚᱲᱟᱜ ᱰᱩᱣᱟᱹᱨ ᱨᱮᱭᱟᱜ ᱢᱤᱫ ᱦᱤᱸᱥ ᱠᱟᱱᱟ| ᱦᱚᱲ ᱦᱚᱯᱚᱱ ᱟᱜ ᱟᱭᱢᱟ ᱞᱮᱠᱟᱱ ᱥᱟᱶᱛᱟ ᱟᱹᱨᱤ ᱠᱟᱹᱢᱤ ᱦᱚᱨᱟ, ᱯᱚᱨᱚᱵᱽ ᱯᱚᱨᱵᱟᱥ, ᱫᱷᱚᱨᱚᱢ ᱨᱮᱭᱟᱜ ᱠᱟᱹᱢᱤ ᱠᱟᱹᱥᱱᱤ ᱠᱚ ᱯᱩᱨᱟᱹᱣ ᱞᱟᱹᱜᱤᱫ ᱨᱟᱪᱟ ᱨᱮᱭᱟᱜ ᱟᱹᱰᱤ ᱞᱟᱹᱠᱛᱤ ᱢᱮᱱᱟᱜ ᱟᱠᱟᱫᱟ| ᱨᱟᱪᱟ ᱨᱮ ᱜᱮ ᱧᱤᱱᱫᱟᱹ ᱛᱮᱨᱫᱮᱡ ᱢᱟᱨᱥᱟᱞ ᱨᱮ ᱯᱟᱨᱠᱚᱢ ᱵᱤᱞ ᱠᱟᱛᱮ ᱜᱚᱲᱚᱢ ᱦᱚᱲᱟᱢ- ᱜᱚᱲᱚᱢ ᱵᱩᱰᱷᱤ ᱟᱠᱚ ᱨᱮᱱ ᱜᱚᱲᱚᱢ ᱜᱤᱫᱽᱨᱟᱹ ᱜᱟᱢ-ᱠᱩᱫᱩᱢ ᱠᱚ ᱠᱚ ᱞᱟᱹᱭ ᱟᱠᱚᱣᱟ| ᱪᱟᱥ-ᱵᱟᱥ ᱨᱮ ᱞᱟᱹᱠᱛᱤᱜ ᱡᱚᱛᱚ ᱞᱮᱠᱟᱱᱟᱜ ᱥᱟᱯᱟᱜ ᱜᱮ ᱱᱤᱭᱟᱹ ᱨᱟᱟᱪᱟ ᱨᱮ ᱜᱮ ᱵᱮᱱᱟᱣᱟ ᱟᱨ ᱠᱚ ᱡᱩᱛᱟ| ᱟᱫᱚᱢ ᱦᱚᱲ ᱫᱚ ᱠᱷᱟᱹᱨᱟᱭ ᱵᱟᱝ ᱠᱟᱛᱮ ᱱᱤᱭᱟᱹ ᱨᱟᱪᱟ ᱨᱮ ᱜᱮ ᱦᱩᱲᱩ,ᱜᱩᱦᱩᱢ,ᱛᱩᱲᱤ, ᱛᱤᱞᱢᱤᱧ, ᱢᱟᱜᱟ, ᱦᱚᱲᱮᱡ, ᱨᱟᱢᱵᱽᱲᱟ ᱮᱢᱟᱟᱱ ᱠᱚ ᱢᱟᱱᱰᱟᱭᱟ| ᱱᱚᱱᱰᱮ ᱜᱮ ᱠᱟᱹᱴᱤᱡ ᱜᱤᱫᱽᱨᱟᱹ ᱠᱚ ᱜᱟᱴᱮ ᱩᱛᱩᱜ-ᱟ| ᱛᱟᱞᱟ ᱨᱟᱪᱟ ᱨᱮ ᱜᱮ ᱵᱟᱯᱞᱟ ᱨᱮ ᱠᱚ ᱢᱟᱱᱰᱣᱟᱭᱟ, ᱯᱚᱨᱚᱵᱽ ᱯᱚᱨᱵᱥ ᱨᱮ ᱚᱱᱟ ᱵᱮᱲᱦᱟᱣᱭ ᱛᱮ ᱠᱚ ᱮᱱᱮᱡ ᱟᱹᱪᱩᱨᱚᱜ-ᱟ| ᱦᱚᱲ ᱦᱚᱯᱚᱱ ᱟᱜ ᱥᱟᱶᱛᱟ ᱡᱤᱭᱚᱱ ᱨᱮ ᱨᱟᱪᱟ ᱫᱚ ᱟᱹᱰᱤ ᱢᱟᱨᱟᱝ ᱥᱮᱬᱟ ᱴᱷᱟᱶᱶᱮ ᱦᱟᱢᱮᱴ ᱮᱫᱰᱟ|

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]