ᱨᱟᱵᱚᱱ ᱵᱟᱥᱠᱮ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱨᱟᱵᱚᱱ ᱵᱟᱥᱠᱮ
ᱡᱟᱱᱟᱢ ᱟᱨ ᱡᱟᱱᱟᱢ ᱴᱷᱟᱶᱡᱩᱞᱟᱭ ᱓᱑, ᱑᱙᱕᱑ (1951-07-31) (᱗᱑ ᱥᱮᱨᱢᱟ)
ᱫᱤᱥᱚᱢᱤᱭᱟᱹᱥᱤᱧᱚᱛᱤᱭᱟᱹ
ᱠᱟᱹᱢᱤᱩᱪᱷᱟᱹᱱᱤᱡ (ᱥᱮᱨᱢᱟ ᱟᱲᱟᱝ ᱠᱚᱞᱠᱟᱛᱟ)
ᱧᱩᱢᱱᱟᱢᱚᱱᱚᱞᱤᱭᱟᱹ
ᱧᱩᱢᱦᱟᱞᱟᱝ ᱠᱟᱹᱢᱤ"ᱥᱮᱨᱮᱧ ᱵᱤᱸᱰᱟᱹ", "ᱥᱟᱱᱛᱟᱲ ᱥᱟᱶᱛᱟ ᱨᱮᱱ ᱟᱹᱠᱤᱞᱢᱟᱱ ᱠᱚ"

ᱨᱟᱵᱚᱱ ᱵᱟᱥᱠᱮ ᱫᱚ ᱢᱤᱫ ᱥᱟᱱᱛᱟᱲᱤ ᱚᱱᱚᱞᱤᱭᱟᱹ ᱟᱨ ᱥᱟᱥᱟᱯᱲᱟᱣᱤᱡ ᱠᱟᱱᱟᱭ᱾ ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮᱱ ᱟᱹᱠᱤᱞᱢᱟᱱ ᱠᱚᱣᱟᱜ ᱡᱤᱭᱚᱱ ᱠᱟᱛᱷᱟ ᱞᱮᱛᱟᱲ ᱚᱞ ᱤᱫᱤ ᱞᱟᱹᱜᱤᱫ ᱱᱩᱭ ᱫᱚ ᱵᱟᱲᱟᱭᱚᱜ ᱠᱟᱱᱟ᱾ ᱨᱟᱵᱚᱱ ᱵᱟᱥᱠᱮ ᱫᱚ᱑᱙᱕᱑ ᱥᱮᱨᱢᱟ ᱨᱮᱱᱟᱜ ᱓᱑ ᱡᱩᱞᱟᱭ, ᱯᱚᱪᱷᱤᱢ ᱵᱟᱝᱞᱟ ᱨᱮᱱᱟᱜ ᱢᱮᱫᱤᱱᱤᱯᱩᱨ ᱨᱮᱱᱟᱜ ᱜᱳᱣᱟᱞᱛᱳᱲ ᱛᱷᱟᱱᱟ ᱨᱮᱭᱟᱜ ᱯᱚᱲᱟᱠᱟᱱᱟᱞᱤ ᱟᱹᱛᱩ ᱨᱮᱭ ᱡᱟᱱᱟᱢ ᱞᱮᱱᱟ᱾

ᱥᱮᱪᱮᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱹᱛᱩ ᱥᱠᱩᱞ ᱨᱮᱜᱮ ᱟᱡᱟᱜ ᱮᱛᱚᱦᱚᱵ ᱥᱮᱪᱮᱫ ᱫᱚᱭ ᱧᱟᱢ ᱠᱮᱫᱟ᱾ ᱚᱱᱟ ᱛᱟᱭᱚᱢ ᱯᱤᱝᱵᱚᱱᱤ ᱦᱟᱭ ᱥᱠᱩᱞ ᱠᱷᱚᱱ ᱢᱟᱫᱷᱭᱚᱢᱤᱠ ᱯᱟᱥ ᱠᱟᱛᱮ, ᱑᱙᱗᱑ ᱥᱮᱨᱢᱟ ᱨᱮ ᱭᱩ.ᱤ (ᱭᱩᱱᱤᱵᱷᱟᱨᱥᱤᱴᱤ ᱮᱱᱴᱨᱮᱱᱥ) ᱮ ᱯᱟᱥ ᱞᱮᱫᱟ᱾ ᱛᱟᱭᱚᱢ ᱛᱮ, ᱢᱚᱜᱽᱲᱟ ᱵᱟᱜᱟᱴᱤ ᱥᱨᱤ ᱜᱳᱯᱟᱞ ᱵᱮᱱᱟᱨᱡᱤ ᱠᱚᱞᱮᱡᱽ ᱠᱷᱚᱱ ᱑᱙᱗᱔ ᱥᱮᱨᱢᱟ ᱨᱮ ᱵᱤ.ᱮ. ᱮ ᱯᱟᱥ ᱞᱮᱫᱟ᱾

ᱠᱟᱹᱢᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱛᱟᱞᱢᱟ ᱥᱚᱨᱠᱟᱨ ᱟᱜ ᱱᱟᱱᱟᱼᱦᱩᱱᱟᱹᱨ ᱵᱤᱵᱷᱟᱜᱽ ᱨᱮ ᱠᱟᱹᱢᱤ ᱠᱟᱛᱮ ᱨᱮᱦᱚᱸ ᱢᱩᱪᱟᱹᱫ ᱨᱮ, ᱑᱙᱘᱑ ᱥᱮᱨᱢᱟ ᱨᱮᱭᱟᱜ ᱥᱮᱯᱴᱮᱢᱵᱚᱨ ᱪᱟᱸᱫᱚ ᱨᱮ ᱥᱮᱨᱢᱟ ᱟᱲᱟᱝ (ᱟᱠᱟᱥᱵᱟᱱᱤ) ᱠᱚᱞᱠᱟᱛᱟ ᱨᱮᱭᱟᱜ ᱥᱟᱱᱛᱟᱲᱤ ᱟᱠᱷᱲᱟ ᱨᱮᱱ ᱩᱪᱷᱟᱹᱱᱤᱡ ᱟᱜ ᱠᱟᱹᱢᱤ ᱨᱮᱭ ᱵᱚᱦᱟᱞ ᱞᱮᱱᱟ᱾ ᱩᱱᱤᱭᱟᱜ ᱩᱪᱷᱟᱹᱱ ᱨᱮᱭᱟᱜ ᱦᱚᱨᱟ ᱧᱮᱞ ᱛᱮ ᱥᱟᱱᱛᱟᱲ ᱥᱟᱶᱛᱟ ᱨᱮᱱ ᱦᱚᱲ ᱩᱱᱤ ᱫᱚ ᱟᱹᱰᱤ ᱠᱚ ᱠᱩᱥᱤ ᱟᱫᱮ ᱛᱟᱦᱮᱸᱱᱟ᱾

ᱥᱟᱶᱦᱮᱫ ᱪᱟᱨᱪᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱚᱞᱮᱡᱽ ᱡᱤᱭᱚᱱ ᱠᱷᱚᱱ ᱜᱮ ᱩᱱᱤ ᱫᱚ ᱥᱟᱶᱦᱮᱫ ᱥᱟᱶ ᱡᱚᱯᱲᱟᱣ ᱮ ᱛᱟᱦᱮᱸ ᱠᱟᱱᱟ᱾ ᱠᱚᱞᱮᱡᱽ ᱨᱮᱭᱟᱜ ᱵᱟᱨᱼᱯᱟᱹᱨᱥᱤ ᱯᱟᱛᱷᱟᱢ ᱨᱮ ᱟᱡᱟᱜ ᱯᱩᱭᱞᱩ ᱥᱟᱱᱛᱟᱲᱤ ᱚᱱᱚᱞ ᱯᱟᱨᱥᱟᱞ ᱞᱮᱱᱟ᱾ ᱛᱟᱭᱚᱢ ᱛᱮ ᱟᱭᱢᱟ ᱚᱱᱚᱞ ᱮ ᱚᱞ ᱟᱠᱟᱫᱟ᱾ ᱥᱟᱶᱛᱟ ᱨᱮᱭᱟᱜ ᱮᱴᱠᱮᱴᱚᱬᱮ ᱥᱚᱞᱦᱮ ᱟᱨ ᱥᱟᱶᱛᱟ ᱩᱛᱷᱱᱟᱹᱣ ᱜᱮ ᱟᱡᱟᱜ ᱚᱱᱚᱞ ᱨᱮᱭᱟᱜ ᱢᱩᱬᱩᱛ ᱥᱟᱛᱟᱢ ᱫᱚ᱾ ᱵᱟᱹᱲᱛᱤ ᱠᱟᱭᱛᱮ, ᱰᱟᱹᱱ ᱯᱟᱹᱛᱭᱟᱹᱣ ᱧᱩᱛᱩᱢ ᱛᱮ, ᱛᱤᱨᱞᱟᱹ ᱠᱚ ᱪᱮᱛᱟᱱ ᱡᱟᱦᱟ ᱱᱟᱦᱟᱪᱟᱨ ᱦᱩᱭᱩᱜ ᱠᱟᱱᱟ, ᱚᱱᱟ ᱫᱚ ᱨᱟᱵᱚᱱ ᱵᱟᱥᱠᱮ ᱟᱡᱟᱜ ᱞᱟᱥᱮᱨ ᱚᱞ ᱛᱟᱞᱟ ᱛᱮᱭ ᱵᱤᱨᱩᱫᱽ ᱟᱠᱟᱫᱼᱟ᱾

᱑᱙᱘᱐-᱘᱑ ᱥᱮᱨᱢᱟ ᱨᱮ, 'ᱯᱚᱴᱚᱢᱠᱤᱭᱟᱹ' ᱧᱩᱛᱩᱢ ᱛᱮ ᱢᱤᱫ ᱥᱟᱶᱦᱮᱫ ᱯᱟᱛᱷᱟᱢ ᱯᱟᱨᱥᱟᱞ ᱞᱮᱱᱟ᱾ ᱱᱚᱣᱟ ᱨᱮ ᱨᱟᱵᱚᱱ ᱵᱟᱥᱠᱮ "ᱨᱟᱹᱛᱪᱚᱨᱟ" ᱵᱟᱦᱟᱱᱟ ᱧᱩᱛᱩᱢ ᱞᱮᱛᱟᱲ ᱜᱮ ᱟᱹᱰᱤ ᱟᱭᱢᱟ ᱥᱟᱱᱛᱟᱲ ᱟᱹᱠᱤᱞᱢᱟᱱ ᱠᱚᱣᱟᱜ ᱡᱤᱭᱚᱱ ᱠᱟᱛᱷᱟ ᱚᱞ ᱠᱟᱛᱮ, ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮ ᱡᱤᱭᱚᱱᱤ ᱚᱱᱚᱞ ᱨᱮᱭᱟᱜ ᱱᱟᱣᱟ ᱫᱩᱣᱟᱹᱨ ᱮ ᱡᱷᱤᱡ ᱞᱮᱫᱟ᱾ "ᱨᱟᱹᱛᱪᱚᱨᱟ" ᱪᱷᱟᱰᱟ ᱠᱟᱛᱮ, ᱨᱟᱵᱚᱱ ᱵᱟᱥᱠᱮ ᱫᱚ "ᱟᱹᱨᱥᱤ" ᱟᱨ "ᱥᱮᱨᱟᱞᱤ" ᱵᱟᱦᱟᱱᱟ ᱧᱩᱛᱩᱢ ᱦᱚᱸᱭ ᱵᱮᱵᱷᱟᱨ ᱟᱠᱟᱫᱟ᱾ "ᱥᱮᱨᱟᱞᱤ" ᱧᱩᱛᱩᱢ ᱛᱮᱫᱚ ᱟᱭᱢᱟ ᱥᱮᱨᱮᱧ ᱟᱨ "ᱟᱹᱨᱥᱤ" ᱧᱩᱛᱩᱢ ᱛᱮᱫᱚ ᱠᱟᱹᱦᱱᱤ ᱮ ᱚᱞ ᱟᱠᱟᱫᱟ᱾

ᱚᱞ ᱯᱚᱛᱚᱵ ᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  • "ᱥᱮᱨᱮᱧ ᱵᱤᱸᱰᱟᱹ" (ᱱᱚᱣᱟ ᱨᱮᱫᱚ ᱫᱚᱝ ᱟᱨ ᱥᱚᱦᱚᱨᱟᱭ ᱥᱮᱨᱮᱧ ᱚᱞ ᱢᱮᱱᱟᱜᱼᱟ)
  • "ᱥᱟᱱᱛᱟᱲ ᱥᱟᱶᱛᱟ ᱨᱮᱱ ᱟᱹᱠᱤᱞᱢᱟᱱ ᱠᱚ"

ᱥᱟᱶᱛᱟ ᱥᱩᱥᱟᱹᱨᱤᱭᱟᱹ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱙᱗᱗ ᱠᱷᱚᱱ ᱑᱙᱘᱖ ᱥᱮᱨᱢᱟ ᱦᱟᱹᱵᱤᱫ ᱨᱟᱵᱚᱱ ᱫᱚ ᱟᱥᱮᱠᱟ ᱯᱚᱪᱷᱤᱢ ᱵᱟᱝᱞᱟ ᱪᱟᱸᱜᱟ ᱨᱮᱱ ᱥᱩᱛᱨᱮᱛ ᱮ ᱛᱟᱦᱮᱸ ᱠᱟᱱᱟ᱾ ᱚᱱᱟ ᱤᱭᱟᱹ ᱛᱮ, ᱟᱥᱮᱠᱟ ᱟᱜ ᱚᱞ ᱪᱤᱠᱤ ᱯᱟᱥᱱᱟᱣ ᱠᱟᱹᱢᱤᱦᱚᱨᱟ ᱨᱮ ᱨᱮᱦᱚᱸ ᱥᱮᱞᱮᱫ ᱮ ᱛᱟᱦᱮᱸ ᱠᱟᱱᱟ᱾

ᱥᱟᱥᱟᱯᱲᱟᱣᱤᱡ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱐᱐ ᱠᱷᱚᱱ ᱒᱐᱐᱓ ᱥᱮᱨᱢᱟ ᱦᱟᱹᱵᱤᱫ ᱨᱟᱵᱚᱱ ᱵᱟᱥᱠᱮ ᱫᱚ "ᱨᱟᱹᱦᱤ" ᱯᱟᱛᱷᱟᱢ ᱨᱮᱱ ᱥᱟᱥᱟᱯᱲᱟᱣᱤᱡ ᱞᱮᱠᱟᱛᱮᱭ ᱛᱟᱦᱮᱸ ᱠᱟᱱᱟ᱾ ᱱᱚᱣᱟ ᱜᱮ ᱛᱟᱭᱚᱢ ᱛᱮ ᱧᱩᱛᱩᱢ ᱵᱚᱫᱚᱞ ᱠᱟᱛᱮ "ᱛᱚᱯᱚᱞ" ᱫᱚᱦᱚ ᱦᱩᱭ ᱟᱠᱟᱱᱟ᱾

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]