ᱨᱩᱜᱽᱢᱤᱱᱤ ᱜᱚᱯᱟᱞᱠᱨᱤᱥᱱᱚᱱ

ᱨᱩᱢᱢᱤᱱᱤ ᱜᱚᱯᱟᱞᱠᱨᱤᱥᱱᱚᱱ ᱦᱟᱜ ᱡᱟᱱᱟᱢ ᱛᱟᱭ ᱫᱚ ᱑᱙᱓᱖ ᱨᱮ ᱦᱩᱭ ᱞᱮᱱ ᱛᱟᱭᱟ᱾ ᱩᱱᱤ ᱫᱚ ᱢᱤᱫ ᱥᱚᱨᱥᱣᱚᱛᱤ ᱵᱤᱱᱟ ᱠᱚᱨᱱᱟᱴᱚᱠ ᱥᱤᱝᱜᱟᱲᱤᱭᱟ ᱠᱟᱱᱟᱭ᱾

ᱡᱤᱣᱱᱤ

ᱨᱩᱢᱢᱤᱱᱤ ᱜᱚᱯᱟᱞᱠᱨᱤᱥᱱᱚᱱ ᱦᱟᱜ ᱡᱟᱱᱟᱢ ᱫᱚ ᱛᱟᱢᱤᱞ ᱱᱟᱰᱩ ᱨᱮ ᱦᱩᱭ ᱞᱮᱱ ᱛᱟᱭᱟ ᱾ ᱩᱱᱤ ᱫᱚ ᱦᱟᱨᱟ ᱵᱩᱨᱩ ᱠᱟᱛᱮ ᱟᱠᱚ ᱚᱲᱟᱜ ᱦᱚᱲ ᱥᱟᱶ ᱛᱮ ᱠᱮᱨᱚᱞ ᱨᱮ ᱛᱟᱦᱮᱱ ᱮ ᱥᱮᱱ ᱞᱮᱱᱟᱭ᱾ ᱩᱱᱤ ᱫᱚ ᱥᱤᱝᱜᱟᱲᱤᱭᱟ ᱥᱟᱠᱛᱤᱢᱚᱱᱤ ᱦᱚᱨᱤᱠᱮᱥᱱᱞᱞᱩᱨ ᱢᱩᱛᱷᱮᱭᱭᱟ ᱵᱷᱚᱜᱽᱣᱚᱛᱳᱨ ᱨᱮᱱ ᱠᱚᱨᱟᱲ ᱠᱩᱲᱚ ᱜᱤᱫᱽᱨᱟ ᱠᱟᱱᱟᱭ᱾ ᱩᱱᱤ ᱫᱚ ᱥᱤᱧᱚᱛ ᱨᱮ ᱠᱚᱨᱱᱟᱴᱚᱠ ᱥᱮᱨᱮᱧ ᱨᱮᱱᱟᱜ ᱥᱮᱪᱮᱫ ᱞᱟᱹᱜᱤᱫ ᱛᱮ, ᱨᱤᱠᱚᱨᱰᱤᱝ ᱟᱨ ᱯᱨᱚᱫᱳᱨᱥᱚᱱ ᱛᱷᱟᱯᱚᱱ ᱞᱟᱹᱜᱤᱫ ᱛᱮ ᱖᱐ ᱥᱮᱨᱢᱟ ᱠᱷᱚᱱ ᱵᱟᱲᱛᱤ ᱨᱮᱱᱟᱜ ᱠᱟᱹᱢᱤ ᱦᱚᱨᱟ ᱵᱟᱱᱟᱣ ᱟᱠᱟᱫᱟᱭ᱾ ᱩᱱᱤ ᱫᱚ ᱟᱡ ᱦᱚᱯᱚᱱ ᱵᱟ ᱥᱟᱶ ᱥᱨᱤ ᱱᱮᱞᱚᱭ ᱴᱤᱵᱷᱤ ᱥᱮᱫ ᱠᱷᱚᱱ ᱥᱨᱮᱣᱧ ᱟᱨ ᱵᱟᱡᱟᱣ ᱮ ᱮᱦᱚᱵ ᱞᱮᱫᱟᱭ᱾ ᱑᱙᱕᱔ ᱨᱮ ᱨᱩᱢᱢᱤᱱᱤ ᱫᱚ ᱥᱤᱧᱚᱛ ᱨᱮᱱᱟᱜ ᱯᱩᱭᱞᱩ ᱨᱟᱥᱴᱨᱚᱯᱚᱛᱤ, ᱨᱟᱡᱮᱱᱫᱽᱨᱚ ᱯᱨᱚᱥᱟᱫᱽ ᱥᱮᱫ ᱠᱷᱚᱱ ᱑᱗ ᱥᱮᱨᱢᱟ ᱩᱢᱮᱨ ᱠᱷᱚᱱ ᱜᱮ ᱨᱟᱥᱴᱚᱯᱚᱛᱤ ᱥᱤᱨᱯᱷᱹᱭ ᱧᱟᱢ ᱠᱮᱫᱟᱭ ᱾

᱑᱘ ᱥᱮᱨᱢᱟ ᱨᱮᱱᱟᱜ ᱩᱢᱮᱨ ᱠᱷᱚᱱ ᱜᱮ ᱣᱤᱱᱟ ᱞᱟᱹᱜᱤᱫ ᱚᱠᱷᱤᱞ ᱵᱷᱟᱨᱛᱤᱭ ᱨᱮᱰᱤᱭᱳ (AIR) ᱯᱨᱚᱛᱤᱭᱳᱜᱤᱛᱟ ᱨᱮ ᱥᱤᱨᱯᱷᱟᱹᱭ ᱧᱟᱢ ᱠᱮᱫᱟᱭ ᱾ ᱩᱱᱤ ᱫᱚ ᱑᱙᱕᱗ ᱠᱷᱚᱱ ᱑᱙᱘᱖ ᱦᱟᱹᱵᱤᱡ ᱠᱮᱨᱚᱞ ᱨᱮᱱᱟᱜ ᱛᱤᱨᱩᱣᱚᱱᱛᱯᱩᱨᱚᱢ ᱨᱮ ᱥᱣᱟᱛᱤ ᱛᱷᱤᱨᱩᱱᱚᱞ ᱠᱚᱞᱮᱡᱽ ᱚᱯᱷ ᱢᱭᱩᱡᱤᱠ ᱨᱮ ᱵᱟᱡᱟᱣ ᱵᱤᱵᱷᱟᱜᱽ ᱨᱮ ᱯᱨᱚᱯᱷᱮᱥᱚᱨ ᱟᱨ ᱯᱨᱚᱢᱩᱠᱷ ᱢᱮᱱ ᱞᱮᱠᱟᱭ ᱠᱟᱹᱢᱤ ᱟᱠᱟᱫᱟ ᱾ ᱩᱱᱤ ᱫᱚ ᱯᱚᱞᱚᱠᱚᱲ ᱨᱮ ᱪᱮᱢᱵᱟᱭ ᱢᱮᱢᱚᱨᱤᱭᱚᱞ ᱜᱚᱣᱚᱨᱱᱢᱮᱱᱴ ᱠᱚᱞᱮᱡᱽ ᱨᱮ ᱯᱨᱤᱱᱥᱤᱯᱚᱞ ᱢᱭᱩᱡᱤᱠ ᱠᱚᱞᱮᱡᱽ ᱨᱮᱱᱟᱜ ᱠᱟᱹᱢᱤ ᱛᱮᱜᱮᱭ ᱛᱟᱦᱮᱸ ᱞᱮᱱᱟᱭ ᱾ ᱩᱱᱤ ᱫᱚ ᱠᱟᱞᱤᱠᱚᱴ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱵᱚᱨᱰ ᱚᱯᱷ ᱥᱴᱟᱰᱤᱡᱽ ᱨᱤᱱᱤᱡ ᱥᱚᱫᱚᱥᱭ ᱠᱟᱱᱟᱭ, ᱟᱨ ᱫᱤᱞᱞᱤ ᱥᱮ ᱛᱤᱨᱩᱣᱚᱱᱛᱯᱩᱨᱚᱢ ᱞᱟᱹᱜᱤᱫ ᱳᱞ ᱤᱱᱰᱤᱭᱟ ᱨᱮᱰᱤᱭᱳ ᱨᱮᱱᱟᱜ ᱚᱰᱤᱥᱚᱱ ᱵᱚᱨᱰ ᱨᱤᱱᱤᱡᱽ ᱥᱚᱫᱚᱥᱭ ᱦᱚᱸᱭ ᱛᱟᱦᱮᱸᱜ ᱠᱟᱱᱟᱭ ᱾ ᱡᱟᱦᱟᱸ ᱫᱚ ᱢᱤᱫ ᱥᱴᱮᱥᱚᱱ ᱠᱟᱱᱟ ᱡᱟᱦᱟᱸ ᱑᱙᱕᱔ ᱠᱷᱚᱱ ᱮᱦᱚᱵ ᱠᱟᱛᱮᱜ ᱖᱔ ᱥᱮᱨᱢᱟ ᱦᱟᱹᱵᱤᱡ ᱠᱷᱚᱱ ᱵᱟᱹᱲᱛᱤ ᱚᱠᱛᱮ ᱠᱷᱚᱱ ᱣᱚᱱᱟ ᱨᱚᱝᱨᱮᱞᱤ ᱨᱮᱱᱟᱜ ᱯᱨᱚᱥᱟᱨ ᱮᱫ ᱟᱭ ᱾

ᱩᱱᱤ ᱫᱚ ᱛᱟᱢᱤᱞ ᱟᱨ ᱢᱚᱞᱭᱟᱞᱚᱢ ᱯᱟᱹᱨᱥᱤ ᱠᱚ ᱨᱮ ᱥᱮᱨᱮᱧ ᱜᱚᱲᱚ ᱨᱮ ᱟᱭᱢᱟ ᱜᱟᱱ ᱥᱤᱧᱚᱴᱭᱟᱹ ᱠᱚᱢᱤᱥᱚᱱ ᱯᱚᱛᱚᱵ ᱟᱨ ᱱᱤᱵᱟᱱᱫᱷ ᱨᱤᱱᱤᱡ ᱚᱱᱚᱞᱤᱭᱟ ᱠᱟᱱᱟᱭ ᱾ ᱩᱱᱤ ᱫᱚ ᱳᱞ ᱤᱱᱰᱤᱭᱟ ᱨᱮᱰᱤᱳ ᱥᱟᱶ ᱮ ᱴᱚᱯ ᱟᱨᱴᱤᱥᱴ ᱨᱮᱱᱟᱜ ᱠᱷᱤᱛᱟᱵᱽ ᱠᱚ ᱮᱢ ᱟᱠᱟᱫᱮᱭᱟ, ᱩᱱᱤ ᱫᱚ ᱫᱤᱱᱟᱹᱢ ᱞᱮᱠᱟᱛᱮ ᱜᱮ ᱡᱟᱹᱛᱤᱭᱟᱹᱨᱤ ᱥᱤᱧᱚᱛᱤᱭᱟ ᱪᱮᱭᱱᱚᱞ ᱴᱮᱞᱤᱵᱷᱤᱡᱚᱱ ᱨᱮ ᱮᱢᱟᱫ ᱠᱟᱱᱟᱭ ᱾ ᱨᱩᱜᱽᱢᱤᱱᱤ ᱜᱚᱯᱟᱞᱠᱨᱤᱥᱱᱚᱱ ᱱᱤᱡᱤ ᱢᱮᱱ ᱛᱮ ᱛᱤᱨᱩᱣᱚᱱᱛ ᱯᱩᱨᱚᱢ ᱨᱮ ᱟᱡᱟᱜ ᱚᱲᱟᱜ ᱵᱭᱟᱠᱷᱟᱱ ᱮᱢ ᱞᱟᱹᱜᱤᱫ ᱛᱮ ᱥᱟᱶ ᱼ ᱥᱟᱶ ᱮᱤᱱᱟ ᱨᱮᱱᱟᱜ ᱵᱟᱡᱟᱣ ᱨᱮᱱᱟᱜ ᱠᱟᱹᱢᱤ ᱦᱚᱨᱟ ᱨᱮ ᱯᱨᱚᱫᱚᱨᱥᱚᱱᱱ ᱮᱫ ᱟᱭ ᱾