ᱨᱩᱯᱢᱟᱛᱤ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
ᱨᱩᱯᱢᱟᱛᱤ ᱥᱟᱶᱛᱮ ᱵᱟᱡᱽ ᱵᱟᱦᱟᱫᱩᱨ, ᱢᱟᱞᱣᱟ ᱨᱮᱱ ᱥᱩᱞᱛᱟᱱ.

ᱨᱟᱱᱤ ᱨᱩᱯᱢᱟᱛᱤ ᱢᱤᱫ ᱚᱱᱚᱬᱮᱸᱦᱤᱭᱟᱹ ᱟᱨ ᱥᱩᱞᱛᱟᱱ ᱨᱮᱱ ᱡᱩᱨᱤ ᱮᱟᱨᱭ ᱛᱟᱦᱮᱸ ᱠᱟᱱᱟ ᱢᱟᱞᱣᱟ ,ᱵᱟᱡᱽ ᱵᱟᱦᱟᱫᱩᱨ । ᱨᱩᱯᱢᱟᱛᱤ ᱟᱜ ᱢᱟᱞᱣᱟ ᱨᱮᱭᱟᱜ ᱞᱚᱠᱜᱤᱛ ᱥᱟᱶᱛᱮ ᱟᱹᱰᱤ ᱨᱟᱹᱥᱠᱟᱹ ᱢᱮᱱᱟᱭᱟ, ᱥᱩᱞᱛᱟᱱ ᱟᱨ ᱨᱩᱯᱢᱟᱛᱤ ᱛᱟᱞᱟ ᱛᱮ ᱫᱩᱞᱟᱹᱲ ᱨᱮᱱᱟᱜ ᱠᱟᱛᱷᱟ ᱠᱤᱱ ᱜᱟᱞᱚᱪ ᱮᱫᱟ। ᱟᱫᱷᱟᱢ ᱠᱷᱟᱱ ᱨᱩᱯᱢᱟᱛᱤᱭᱟᱜ ᱪᱚᱨᱚᱠ ᱨᱮᱭᱟᱜ ᱠᱟᱨᱚᱱ ᱛᱮ ᱟᱸᱥᱤᱠ ᱨᱩᱯ ᱛᱮ ᱢᱟᱸᱰᱩ ᱡᱤᱛᱠᱟᱹᱨ ᱞᱟᱹᱜᱤᱫ ᱮ ᱯᱨᱮᱨᱤᱛ ᱞᱮᱫᱮ ᱛᱟᱦᱮᱸ ᱠᱟᱱᱟ ᱾ ᱡᱚᱠᱷᱚᱱ ᱟᱫᱟᱢ ᱠᱷᱟᱱ ᱠᱤᱞᱟᱹ ᱨᱮ ᱢᱟᱨᱪ ᱮᱫᱟᱭ ᱠᱷᱟᱱ ᱵᱟᱡᱽ ᱵᱟᱦᱟᱫᱩᱨ ᱟᱭᱟᱜ ᱦᱩᱰᱤᱧ ᱫᱟᱲᱮ ᱥᱟᱶᱛᱮ ᱩᱱᱤ ᱥᱟᱶ ᱮ ᱧᱟᱯᱟᱢ ᱮᱱᱟ ᱟᱨ ᱮ ᱦᱟᱨᱟᱣ ᱮᱱᱟ, ᱨᱩᱯᱢᱟᱛᱤ ᱫᱚ ᱱᱤᱡᱮ ᱛᱮ ᱵᱤᱥ ᱮ ᱮᱢᱟ ᱫᱮᱭᱟ᱾ ᱟᱨ ᱱᱚᱭᱚᱭ ᱱᱚᱝᱠᱟ ᱡᱟᱹᱫᱩᱭᱤ ᱫᱩᱞᱟᱹᱲ ᱠᱟᱹᱦᱱᱤ ᱨᱮᱭᱟᱜ ᱢᱩᱪᱟᱹᱫ ᱦᱩᱭᱮᱱᱟ ᱡᱟᱦᱟᱸ ᱥᱮᱨᱮᱧ, ᱚᱱᱚᱬᱦᱮᱸ, ᱨᱚᱢᱚᱡᱽ, ᱞᱟᱹᱲᱦᱟᱹᱭ ᱟᱨ ᱜᱩᱡᱩᱜ ᱨᱮ ᱰᱩᱵᱩᱡᱽ ᱟᱠᱟᱱ ᱛᱟᱦᱮᱸᱱᱟ ᱾ ᱱᱚᱶᱟ ᱨᱚᱢᱚᱡᱽ ᱠᱤᱪᱷᱩ ᱜᱟᱱ ᱦᱚᱲ ᱦᱚᱛᱮᱛᱮ ᱥᱟᱹᱨᱤ ᱠᱚ ᱢᱟᱱᱟᱣ ᱵᱟᱛᱟᱣ ᱮᱫᱟ᱾ᱢᱮᱱᱠᱷᱟᱱ ᱟᱹᱰᱤ ᱜᱟᱱ ᱠᱤᱪᱷᱩ ᱦᱚᱲ ᱱᱚᱶᱟ ᱥᱟᱹᱨᱤ ᱵᱟᱝ ᱠᱚ ᱢᱮᱱ ᱛᱮ ᱵᱟᱝᱠᱚ ᱯᱟᱹᱛᱭᱟᱹᱣ ᱟᱠᱟᱫᱟ᱾

ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

The defeat of Baz Bahadur by Mughal troops, in 1561; Rani Roopmati and her companions view the scene from the terrace of the fort. Depicted in the Akbarnama.

ᱵᱟᱡᱽ ᱵᱟᱦᱟᱫᱩᱨ, ᱡᱟᱦᱟᱸ ᱫᱚ ᱥᱮᱨᱮᱧ ᱫᱩᱨᱟᱝ ᱨᱮ ᱟᱹᱰᱤ ᱥᱚᱸᱠ ᱛᱟᱦᱮᱸ ᱠᱟᱱ ᱛᱟᱭᱟ, ᱢᱟᱸᱰᱩ ᱨᱮᱱ ᱢᱩᱪᱟᱹᱫ ᱥᱣᱟᱛᱟᱸᱛᱨᱟ ᱥᱟᱥᱟᱠ ᱛᱟᱦᱮᱸ ᱠᱟᱱᱟᱭ। ᱢᱤᱫ ᱫᱷᱟᱣ ᱥᱮᱸᱫᱽᱨᱟ ᱠᱟᱨᱠᱟ ᱛᱟᱭᱚᱢ , ᱵᱟᱡᱽ ᱵᱟᱦᱟᱫᱩᱨ ᱟᱡᱽ ᱨᱮᱱ ᱜᱟᱛᱮ ᱥᱟᱶᱛᱮ ᱢᱤᱫ ᱜᱩᱛᱤᱭᱟᱹᱜ ᱯᱷᱚᱞᱤᱸᱜ ᱟᱨ ᱥᱮᱨᱮᱧ ᱚᱪᱚ ᱠᱮᱫᱮᱭᱟ᱾ᱩᱱᱤᱭᱟᱜ ᱢᱚᱦᱚᱠ ᱪᱚᱨᱚᱠ ᱟᱨ ᱩᱱᱤᱭᱟᱜ ᱥᱤᱵᱤᱞ ᱟᱲᱟᱝ ᱵᱟᱱᱟᱨ ᱛᱮ ᱞᱚᱵᱷᱟᱣ ᱮᱱ ᱛᱟᱭᱚᱢ, ᱩᱱᱤ ᱨᱩᱯᱢᱟᱛᱤ ᱮ ᱟᱡᱟᱜ ᱨᱟᱡᱽᱫᱷᱟᱱᱤ ᱛᱮ ᱤᱫᱤᱭᱮ ᱞᱟᱹᱜᱤᱫ ᱮ ᱱᱮᱦᱚᱨ ᱠᱮᱫᱮᱭᱟᱭ᱾ ᱨᱩᱯᱢᱟᱛᱤ, ᱨᱩᱯᱢᱟᱛᱤᱭᱟᱜ ᱥᱟᱨᱛ ᱞᱮᱠᱟᱛᱮ ᱡᱮ ᱟᱡᱽᱨᱤᱱ ᱫᱩᱞᱟᱹᱲ ᱟᱨ ᱢᱟᱱᱱᱚᱛ ᱟᱱᱟᱜ ᱱᱟᱹᱭ, ᱱᱟᱨᱢᱟᱫᱟ ᱧᱮᱧᱮᱞ ᱥᱟᱶᱛᱮ ᱢᱤᱫ ᱢᱚᱦᱚᱞ ᱨᱮᱭ ᱛᱟᱦᱮᱸᱱᱟᱭ ᱢᱮᱱᱛᱮ ᱢᱮᱛᱟᱭ ᱠᱟᱱᱟᱭ᱾ ᱱᱚᱜᱚᱭ ᱱᱚᱝᱠᱟ ᱢᱟᱸᱰᱩ ᱨᱮ ᱨᱤᱣᱟ ᱠᱩᱸᱰ ᱵᱮᱱᱟᱣ ᱮᱱᱟ᱾ ᱵᱟᱡᱽ ᱵᱟᱦᱟᱫᱩᱨ ᱜᱚᱲᱚ ᱦᱟᱛᱟᱣ ᱞᱟᱹᱜᱤᱫ ᱛᱮ ᱧᱤᱨ ᱮᱱᱟᱭ ᱪᱤᱛᱚᱲᱜᱟᱲ᱾ ᱟᱫᱦᱟᱢ ᱠᱷᱟᱱ ᱢᱟᱸᱰᱩ ᱦᱤᱡᱩᱜ ᱛᱮᱜᱮ ᱨᱩᱯᱢᱟᱛᱤᱭᱟᱜ ᱵᱮᱥ ᱱᱟᱯᱟᱭ ᱧᱮᱞᱛᱮ ᱦᱟᱦᱟᱲᱟ ᱮᱱᱟᱭ᱾ ᱨᱟᱱᱤ ᱨᱩᱯᱢᱟᱛᱤ ᱫᱚ ᱫᱩᱞᱟᱹᱲ ᱠᱟᱹᱦᱱᱤ ᱨᱮᱭᱟᱜ ᱢᱩᱪᱟᱹᱫ ᱞᱟᱹᱜᱤᱫ ᱛᱮ ᱟᱡ ᱥᱟᱵ ᱚᱪᱚᱜ ᱠᱟᱱ ᱵᱟᱸᱪᱟᱣ ᱞᱟᱹᱜᱤᱫ ᱛᱮ ᱟᱡ ᱜᱮ ᱡᱟᱦᱟᱨ ᱮᱢᱟᱫᱮᱭᱟ᱾

ᱨᱟᱱᱤᱨᱩᱯᱢᱟᱛᱤ ᱚᱞᱚᱜ ᱚᱱᱚᱬᱦᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱕᱙᱙ ᱨᱮ,ᱟᱦᱢᱟᱫᱽᱼᱩᱞᱼᱩᱢᱨᱤ ᱛᱩᱨᱠᱢᱟᱱ, ᱡᱟᱦᱟᱸᱭ ᱫᱚ ᱥᱟᱨᱟᱯᱷᱼᱩᱫᱽᱼᱫᱤᱱ ᱢᱤᱨᱡᱟ ᱟᱜ ᱥᱮᱣᱟ ᱨᱮ ᱛᱟᱦᱮᱸ ᱠᱟᱱᱟᱭ, ᱱᱮ ᱨᱟᱱᱤᱨᱩᱯᱢᱟᱛᱤ ᱟᱜ ᱠᱟᱹᱦᱱᱤ ᱯᱷᱟᱨᱥᱤ ᱛᱮ ᱚᱞ ᱞᱮᱫᱟᱭ᱾ ᱩᱱᱤ ᱟᱭᱟᱜ ᱒᱖ ᱴᱟᱝ ᱚᱱᱚᱬᱦᱮ ᱮ ᱡᱟᱣᱨᱟ ᱠᱮᱫᱟᱭ ᱟᱨ ᱟᱭᱟᱜ ᱠᱟ.ᱢᱤ ᱨᱮ ᱥᱮᱞᱮᱫ ᱠᱮᱫᱼᱟ᱾ ᱢᱩᱞ ᱯᱟᱸᱰᱩᱞᱤᱯᱤ ᱟᱡ ᱨᱤᱱ ᱜᱚᱲᱚᱢ ᱯᱷᱩᱞᱟᱫᱽ ᱠᱷᱟᱱ ᱟᱨ ᱩᱱᱤ ᱨᱤᱱ ᱜᱟᱛᱮ ᱢᱤᱨ ᱡᱟᱯᱷᱟᱨ ᱟᱞᱤ ᱮ ᱑᱖᱕᱓ ᱨᱮ ᱯᱟᱸᱰᱩᱞᱤᱯᱤ ᱨᱮᱱᱟᱜ ᱢᱤᱫ ᱯᱨᱚᱛᱤ ᱞᱟ.ᱜᱤᱫ ᱮᱢᱟᱫᱮᱭᱟᱭ᱾ ᱢᱤᱨ ᱡᱟᱯᱷᱟᱨ ᱟᱞᱤ ᱟᱜ ᱯᱨᱚᱛᱤ ᱢᱩᱪᱟᱹᱫ ᱨᱮ ᱫᱤᱞᱞᱤ ᱨᱮᱱ ᱢᱟᱦᱵᱩᱵᱽ ᱟᱞᱤ ᱮ ᱮᱢ ᱪᱟᱞ ᱟᱫᱮᱭᱟ ᱟᱨ ᱑᱘᱓᱑ ᱨᱮ ᱩᱱᱤ ᱵᱚᱸᱜᱟ ᱛᱟᱞᱟ ᱭᱮᱱ ᱛᱟᱭᱚᱢ ᱫᱤᱞᱞᱤ ᱨᱮᱱ ᱢᱤᱫᱴᱟᱝ ᱛᱤᱨᱞᱟ ᱟᱜ ᱛᱤ ᱨᱮ ᱪᱟᱞᱟᱣ ᱮᱱᱟ᱾ ᱵᱷᱚᱯᱟᱞ ᱨᱮᱱ ᱡᱟᱢᱟᱫᱟᱨ ᱤᱱᱟᱭᱟᱛ ᱟᱞᱤ ᱱᱚᱣᱟ ᱯᱟᱸᱰᱩᱞᱤᱯᱤ ᱫᱚ ᱟᱡ ᱥᱟᱶᱛᱮ ᱟᱜᱽᱨᱟ ᱮ ᱟ.ᱜᱩ ᱠᱮᱫᱼᱟ᱾ ᱱᱚᱣᱟ ᱯᱟᱸᱰᱩᱞᱤᱯᱤ ᱛᱟᱭᱚᱢ ᱛᱮ ᱥᱤ.ᱤ. ᱞᱩᱟᱨᱰ ᱴᱷᱮᱱ ᱦᱟ.ᱵᱤᱡ ᱥᱮᱴᱮᱨ ᱮᱱᱟ ᱮᱞ.ᱮᱢ. ᱠᱨᱟᱢᱯ ᱦᱚᱛᱮᱛᱮ ᱫᱟ ᱞᱮᱰᱤ ᱚᱯᱷ ᱫᱟ ᱞᱚᱴᱟᱥ ᱺ ᱨᱩᱯᱢᱟᱛᱤ, ᱢᱟᱸᱰᱩ ᱠᱤ ᱨᱟᱱᱤ ᱺ ᱑᱙᱒᱖ ᱨᱮ ᱮᱴᱨᱮᱸᱡᱽ ᱴᱮᱞ ᱚᱯᱷ ᱯᱷᱮᱛᱷᱞᱟ.ᱭᱴ ᱥᱤᱨᱥᱟᱠ ᱛᱟᱦᱟᱛ ᱤᱸᱜᱽᱞᱤᱥ ᱨᱮ ᱛᱟᱨᱡᱚᱢᱟ ᱦᱩᱭ ᱮᱱᱟ᱾ ᱱᱚᱣᱟ ᱯᱟᱸᱰᱩᱞᱤᱯᱤ ᱨᱮ ᱑᱒ ᱫᱚᱦᱟ, ᱜᱮᱞ ᱴᱟᱝ ᱚᱱᱚᱬᱦᱮ ᱥ ᱨᱮᱭᱟᱜ ᱜᱟᱫᱮᱞ ᱠᱟᱱᱟ᱾ ᱟᱨ ᱯᱮᱭᱟ ᱫᱚ ᱨᱩᱯᱢᱟᱛᱤ ᱟᱜ ᱩᱢᱩᱞ᱾[᱑]

ᱨᱤᱣᱟ ᱠᱩᱸᱰ ᱟᱨ ᱨᱟᱱᱤ ᱨᱩᱯᱢᱟᱛᱤ ᱢᱟᱸᱰᱟᱯ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱨᱤᱣᱟ ᱠᱩᱸᱰ ᱢᱟᱸᱰᱩ ᱨᱮ ᱵᱟᱡᱽ ᱵᱟᱦᱟᱫᱩᱨ ᱦᱚᱛᱮᱛᱮ ᱵᱮᱱᱟᱣ ᱟᱠᱟᱱ ᱢᱤᱫᱴᱟᱱ ᱡᱟᱞᱟᱥᱚᱭ ᱠᱟᱱᱟ, ᱡᱟᱦᱟᱸ ᱫᱚ ᱨᱩᱯᱢᱟᱛᱤ ᱟᱜ ᱢᱚᱦᱚᱞ ᱫᱟᱜ ᱟᱯᱩᱨᱛᱤ ᱞᱟᱹᱜᱤᱫ ᱛᱮ ᱢᱤᱫ ᱮᱠᱣᱟᱰᱟᱠᱴ ᱛᱮ ᱥᱟᱡᱽ ᱥᱟᱶᱟᱨ ᱢᱮᱱᱟᱜᱼᱟ᱾ ᱛᱮᱦᱮᱧ ᱱᱚᱣᱟ ᱡᱟᱭᱜᱟ ᱢᱤᱫ ᱥᱚᱱᱚᱛ ᱟᱱᱟᱜ ᱡᱟᱭᱜᱟ ᱧᱩᱛᱩᱢ ᱛᱮᱵᱟᱰᱟᱭ ᱧᱟᱢᱚᱜ ᱠᱟᱱᱟ ᱾ᱵᱟᱡᱽ ᱵᱟᱦᱟᱫᱩᱨ ᱟᱜ ᱢᱚᱦᱚᱞ ᱑᱖ ᱣᱤᱸ ᱥᱟᱛᱟᱵᱽᱫᱤ ᱨᱮᱭᱟᱜ ᱮᱛᱚᱦᱚᱦᱵᱽ ᱨᱮ ᱵᱮᱱᱟᱣ ᱞᱮᱱ ᱛᱟᱦᱮᱸᱱᱟ, ᱟᱨ ᱱᱚᱶᱟ ᱵᱤᱥᱟᱞ ᱯᱨᱟᱸᱜᱟᱱ ᱦᱚᱞ, ᱟᱨ ᱩᱥᱩᱞ ᱢᱟᱨᱟᱝ ᱪᱷᱟᱛ ᱥᱟᱶᱛᱮ ᱵᱤᱠᱷᱭᱟᱛ ᱟᱠᱟᱱᱟ,ᱡᱮ ᱱᱟᱯᱟᱭ ᱪᱮᱦᱨᱟ ᱣᱟᱱ ᱡᱟᱭᱜᱟ ᱨᱮᱭᱟᱜ ᱢᱤᱫ ᱵᱚᱛᱚᱨᱟᱱ ᱧᱮᱞᱡᱚᱝ ᱮ ᱮᱢᱟᱭ ᱠᱟᱱᱟ᱾ ᱨᱟᱱᱤ ᱨᱩᱯᱢᱟᱛᱤ ᱟᱜ ᱢᱟᱸᱰᱟᱯ ᱢᱤᱫ ᱥᱮᱱᱟ ᱟᱣᱞᱚᱠᱟᱱ ᱯᱚᱥᱴ ᱨᱮᱭᱟᱜ ᱨᱩᱯ ᱨᱮ ᱵᱮᱱᱟᱣ ᱞᱮᱱᱟ᱾ᱱᱩᱭ ᱨᱩᱯᱢᱟᱛᱤ ᱟᱜ ᱥᱴᱨᱤᱴ ᱨᱩᱯ ᱨᱮ ᱟᱭᱢᱟ ᱨᱚᱢᱟᱱᱴᱤᱠ ᱵᱟᱵᱚᱛ ᱛᱮ ᱜᱚᱲᱚ ᱮ ᱮᱢ ᱠᱮᱫᱟ᱾ ᱱᱚᱣᱟ ᱥᱩᱨᱢᱭᱟ ᱢᱟᱸᱰᱟᱯ ᱠᱷᱚᱱ ᱢᱤᱫ ᱵᱩᱨᱩ ᱨᱮᱭᱟᱜ ᱩᱥᱩᱞ ᱪᱚᱴ ᱨᱮ, ᱨᱟᱱᱤ ᱟᱡ ᱨᱮᱱ ᱯᱟᱨᱟᱢ ᱟᱜ ᱢᱚᱦᱚᱞ ᱨᱮ ᱴᱟᱠᱴᱟᱠᱤ ᱮ ᱞᱟᱜᱟᱣ ᱫᱟᱲᱮᱭᱟᱜ ᱠᱟᱱ ᱛᱟᱦᱮᱸᱱᱟ, ᱟᱨ ᱞᱟᱛᱟᱨ ᱨᱮ ᱟᱹᱛᱩ ᱞᱤᱸᱜᱤᱱ ᱠᱟᱱ ᱱᱟᱨᱢᱟᱫᱟ ᱨᱮᱦᱚᱸ᱾ ᱨᱟᱱᱤ ᱨᱩᱯᱢᱟᱛᱤ ᱟᱜ ᱫᱚᱥᱟᱨ ᱟᱜ ᱢᱟᱸᱰᱟᱯ ᱫᱟᱪᱷᱤᱱᱤ ᱛᱟᱴᱵᱟᱸᱫᱷ ᱨᱮ ᱫᱩᱲᱩᱵ ᱟᱠᱟᱱ ᱱᱟᱨᱢᱟᱫᱟ ᱜᱷᱟᱴᱤ ᱨᱮᱭᱟᱜ ᱱᱟᱯᱟᱭ ᱪᱚᱨᱚᱠ ᱡᱟᱭᱜᱟ ᱧᱮᱞᱡᱚᱝ ᱠᱟᱛᱮ ᱢᱚᱱᱮ ᱨᱮ ᱨᱟᱹᱥᱠᱟᱹ ᱞᱟᱞᱮ ᱪᱟᱯᱮ ᱟᱫᱮᱭᱟ᱾ 

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

Notes[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. ᱠᱷᱟᱨᱮ, ᱮᱢ.ᱰᱤ. (ed.) (᱑᱙᱘᱑). ᱥᱮᱫᱟᱭ ᱠᱷᱚᱱ ᱢᱟᱞᱣᱟ, ᱵᱷᱚᱯᱟᱞ:ᱯᱩᱨᱟᱛᱟᱛᱣ ᱟᱨ ᱥᱟᱸᱜᱟᱨᱟᱦᱟᱞᱟᱭ ᱱᱤᱫᱮᱥᱟᱞᱟᱭ, ᱮᱢ.ᱯᱤ ᱥᱚᱨᱠᱟᱨ,ᱯᱤ.ᱯᱤ.᱓᱖᱕ᱼ᱗

Bibliography[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]