ᱨᱩ ᱚᱨᱚᱝ ᱥᱟᱯᱟᱵ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search

ᱨᱩ ᱚᱨᱚᱝ ᱥᱟᱯᱟᱵ

ᱥᱟᱱᱛᱟᱲ ᱫᱚ ᱟᱹᱰᱤ ᱨᱩᱥᱤᱠᱟ ᱨᱟᱹᱥᱠᱟᱹ ᱟᱱ ᱡᱟᱹᱛ ᱠᱟᱱᱟᱠᱚ, ᱮᱱᱮᱡ ᱥᱮᱨᱮᱧ ᱫᱚ ᱩᱱᱠᱩᱟᱜ ᱡᱟᱝ ᱢᱟᱭᱟᱢ ᱨᱮ ᱢᱮᱥᱟ ᱢᱮᱱᱟᱜ-ᱟ᱾ ᱮᱱᱮᱡ ᱥᱮᱨᱮᱧ ᱫᱚ ᱨᱩ ᱚᱨᱚᱝ ᱨᱮᱱᱟᱜ ᱨᱟᱦᱟ ᱵᱟᱝ ᱢᱟ ᱛᱟᱲ ᱛᱮᱜᱮ ᱠᱚ ᱮᱱᱮᱡ-ᱟ ᱾ ᱨᱩ ᱚᱨᱚᱝ ᱞᱟᱹᱜᱤᱫ ᱟᱭᱢᱟ ᱜᱚᱴᱟᱝ ᱥᱟᱯᱟᱵ (ᱵᱟᱡᱽ-ᱵᱟᱡᱽᱱᱟ/musical instruments) ᱢᱮᱱᱟᱜ-ᱟ ᱾ ᱚᱱᱟ ᱨᱩ ᱚᱨᱚᱝ ᱥᱟᱯᱟᱵ ᱠᱚ ᱢᱩᱫᱽ ᱨᱮ ᱵᱮᱣᱦᱟᱨᱚᱜ ᱠᱟᱱ ᱥᱟᱯᱟᱵ ᱠᱚ ᱫᱚ:- ᱴᱟᱢᱟᱠ, ᱛᱩᱢᱫᱟᱜ, ᱨᱮᱜᱽᱲᱟ, ᱰᱷᱟᱠ, ᱡᱷᱟᱺᱭ, ᱠᱚᱨᱛᱟᱞ, ᱛᱨᱤᱭᱟᱹᱣ, ᱵᱟᱱᱟᱢ, ᱞᱤᱯᱩᱨ, ᱡᱷᱩᱱᱠᱟᱹ ,ᱜᱷᱚᱱᱴᱟ ᱮᱢᱟᱱ ᱠᱚ᱾


ᱴᱟᱢᱟᱠ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱴᱟᱢᱟᱠ ᱨᱮᱱᱟᱜ ᱟᱥᱚᱞ ᱦᱤᱸᱥ ᱫᱚ ᱠᱩᱸᱰᱦᱤ ᱟᱨ ᱛᱟᱞᱠᱷᱟ᱾ ᱠᱩᱸᱰᱦᱤ ᱫᱚ ᱢᱮᱬᱦᱮᱫ ᱯᱟᱹᱛᱤ ᱡᱚᱲᱟᱣ ᱠᱟᱛᱮ ᱟᱨ ᱛᱟᱨᱟ ᱫᱚ ᱛᱟᱞᱮ ᱨᱮᱦᱮᱫ ᱰᱷᱟᱹᱢᱯᱩ ᱴᱷᱩᱭᱟᱸᱜ ᱞᱮᱠᱟᱠᱚ ᱵᱮᱱᱟᱣ ᱟ᱾ ᱛᱟᱞᱠᱷᱟ ᱫᱚ ᱦᱟᱲᱟᱢ ᱠᱟᱰᱟ ᱦᱟᱨᱛᱟ ᱨᱮᱱᱟᱜ᱾ ᱠᱟᱰᱟ ᱦᱟᱨᱛᱟ ᱨᱮᱱᱟᱜ ᱠᱟᱝᱠᱷᱚᱨ ᱛᱮᱜᱮ ᱛᱟᱞᱠᱷᱟ ᱛᱮᱠᱚ ᱫᱟᱞᱚᱵᱟ᱾ ᱨᱩ ᱞᱟᱹᱜᱤᱫ ᱵᱟᱨᱭᱟ ᱴᱟᱢᱟᱠ ᱠᱷᱟᱹᱰᱤ ᱞᱟᱜᱟᱜ ᱟ᱾ ᱢᱚᱸᱡᱽ ᱛᱮ ᱥᱟᱰᱮᱜ ᱞᱟᱹᱜᱤᱫ ᱛᱟᱞᱠᱷᱟ ᱨᱮ ᱠᱩᱸᱭᱰᱤ, ᱵᱟᱹᱨᱩ ᱥᱩᱱᱩᱢ ᱠᱚ ᱚᱡᱚᱜᱟᱜ-ᱟ᱾ ᱴᱟᱢᱟᱠ ᱨᱮᱱᱟᱜ ᱥᱟᱰᱮ ᱒᱐ᱼ᱒᱕ ᱢᱟᱭᱤᱞ ᱥᱟᱹᱜᱤᱧ ᱦᱟᱹᱵᱤᱡ ᱪᱟᱞᱟᱜ ᱟ᱾ ᱫᱚᱝ, ᱞᱟᱜᱽᱬᱮ, ᱵᱟᱦᱟ, ᱠᱟᱨᱟᱢ, ᱫᱳᱸᱜᱮᱲ, ᱯᱚᱨᱚᱵ ᱮᱱᱮᱡ ᱠᱚᱨᱮ ᱴᱟᱢᱟᱠ ᱫᱚ ᱮᱠᱟᱞ ᱞᱟᱹᱠᱛᱤᱜ ᱜᱮᱭᱟ ᱿

ᱛᱩᱢᱫᱟᱜ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

A Santal drummer playing Tumda

ᱛᱩᱢᱫᱟᱜ ᱨᱮᱱᱟᱜ ᱠᱷᱚᱞ ᱛᱮᱫ ᱫᱚ ᱦᱟᱥᱟ ᱵᱟᱝᱠᱷᱟᱱ ᱨᱟᱣᱟᱞ ᱧᱚᱜ ᱢᱮᱬᱦᱮᱫ ᱯᱟᱹᱛᱤ ᱨᱮᱱᱟᱜ ᱠᱚ ᱵᱮᱱᱟᱣ ᱟ᱾ ᱦᱟᱥᱟ ᱨᱮᱱᱟᱜ ᱠᱷᱚᱞ ᱵᱮᱱᱟᱣ ᱠᱟᱛᱮ ᱢᱚᱸᱡᱽ ᱛᱮᱠᱚ ᱨᱟᱯᱟᱜᱟ᱾ ᱰᱟᱺᱜᱽᱨᱤ, ᱢᱮᱨᱚᱢ ᱵᱟᱝᱠᱷᱟᱱ ᱵᱷᱤᱰᱤ ᱦᱟᱨᱛᱟ ᱛᱮᱠᱚ ᱫᱟᱞᱚᱵᱟ᱾ ᱠᱟᱝᱠᱷᱚᱨ ᱦᱚᱸ ᱚᱱᱚ ᱨᱮᱱᱟᱜ ᱜᱮᱠᱚ ᱵᱮᱱᱟᱣ ᱟ᱾ ᱫᱚᱝ, ᱞᱟᱜᱽᱬᱮ, ᱵᱟᱦᱟ, ᱠᱟᱨᱟᱢ ᱨᱮᱫᱚ ᱛᱩᱢᱫᱟᱜ ᱮᱠᱟᱞ ᱜᱮ ᱞᱟᱹᱛᱤᱜ ᱟ᱾ ᱛᱩᱢᱫᱟᱜ ᱫᱚ ᱡᱚᱛᱚ ᱨᱩ ᱚᱨᱚᱝ ᱥᱟᱯᱟᱵ-ᱮ ᱟᱹᱭᱩᱨ ᱠᱚᱣᱟ ᱿


ᱰᱷᱟᱠ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱰᱷᱟᱠ ᱠᱷᱚᱞ ᱫᱚ ᱢᱚᱴᱟ ᱧᱚᱜ ᱜᱷᱟᱱᱴᱟᱲ/ᱠᱟᱱᱴᱷᱟᱲ ᱥᱮ ᱚᱱᱠᱟᱱᱟᱜ ᱨᱟᱣᱟᱞ ᱫᱟᱨᱮ ᱨᱮᱱᱟᱜ ᱠᱚ ᱵᱮᱱᱟᱣ ᱟ᱾ ᱡᱤᱞᱤᱧ ᱫᱚ ᱦᱚᱲ ᱵᱟᱨᱟᱵᱟᱨᱤ ᱦᱚᱸ ᱠᱚ ᱵᱮᱱᱟᱣ ᱜᱮᱭᱟ᱾ ᱢᱮᱨᱚᱢ ᱵᱟᱝᱠᱷᱟᱱ ᱵᱷᱤᱰᱤ ᱦᱟᱨᱛᱟ ᱛᱮᱠᱚ ᱫᱟᱞᱚᱵᱟ᱾ ᱠᱟᱝᱠᱷᱚᱨ ᱦᱚᱸ ᱚᱱᱚ ᱨᱮᱱᱟᱜ ᱜᱮᱠᱚ ᱵᱮᱱᱟᱣ ᱟ᱾ ᱯᱚᱨᱚᱵ ᱮᱱᱮᱡ ᱨᱮ ᱰᱷᱟᱠ ᱫᱚ ᱟᱹᱰᱤ ᱞᱟᱹᱠᱛᱤᱭᱟᱱ ᱠᱟᱱᱟ


ᱛᱨᱤᱭᱟᱹᱣ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱛᱨᱤᱭᱟᱹᱣ ᱫᱚ ᱨᱟᱣᱟᱞ ᱢᱟᱫ ᱠᱷᱚᱞ ᱛᱮ ᱠᱚ ᱵᱮᱱᱟᱣᱟ ᱾ ᱚᱱᱟ ᱠᱷᱚᱞ ᱨᱮᱱᱟᱜ ᱢᱤᱫ ᱯᱟᱦᱴᱟ ᱫᱚ ᱮᱥᱮᱫ ᱜᱮ ᱛᱟᱦᱮᱸᱱᱟ ᱟᱨ ᱚᱱᱟ ᱪᱮᱛᱟᱱ ᱨᱮ ᱡᱚᱛᱚᱨᱮ ᱮᱭᱟᱭ(᱗) ᱜᱚᱴᱟᱝ ᱠᱚ ᱵᱷᱩᱜᱟᱹᱜ ᱠᱟᱜ-ᱟ ᱦᱚᱭ ᱚᱰᱚᱠ ᱵᱚᱞᱚᱱ ᱞᱟᱹᱜᱤᱫ ᱾ ᱢᱤᱫ(᱑) ᱵᱷᱩᱜᱟᱹᱜ ᱛᱮ ᱦᱚᱭ ᱚᱝ ᱠᱟᱛᱮ ᱟᱫᱟᱮᱨ ᱞᱟᱹᱜᱤᱫ ᱟᱨ ᱛᱩᱨᱩᱭ(᱖) ᱜᱚᱴᱟᱝ ᱵᱷᱩᱜᱟᱜ ᱫᱚ ᱠᱟᱹᱴᱩᱵ ᱛᱮ ᱠᱚᱴᱟᱵ ᱞᱟᱹᱜᱤᱫ ᱟᱨ ᱚᱱᱟ ᱛᱩᱨᱩᱭ ᱜᱚᱴᱟᱝ ᱵᱷᱩᱜᱟᱹᱜ ᱥᱮᱫ ᱛᱮ ᱦᱚᱭ ᱚᱰᱚᱠ ᱠᱟᱛᱮ ᱨᱟᱦᱟ ᱠᱚᱭ ᱨᱟᱣᱟᱞ ᱦᱟᱢᱟᱞ ᱚᱪᱚᱭᱟ ᱠᱟᱹᱴᱩᱵ ᱠᱚᱴᱟᱵ ᱟᱬᱜᱚ ᱨᱟᱠᱟᱵ ᱥᱟᱶᱛᱮ ᱾ ᱚᱨᱚᱝ ᱵᱷᱩᱜᱟᱜ ᱯᱟᱦᱴᱟ ᱠᱷᱚᱞ ᱫᱚ ᱮᱥᱮᱫ ᱜᱮ ᱛᱟᱦᱮᱸᱱᱟ ᱡᱮᱢᱚᱱ ᱡᱚᱛᱚ ᱚᱝ ᱵᱚᱞᱚ ᱦᱚᱭ ᱠᱚᱴᱟᱵ ᱵᱷᱩᱜᱟᱜ ᱥᱮᱫ ᱛᱮ ᱥᱮᱱᱚᱜ ᱢᱟ ᱢᱮᱱᱛᱮ ᱾

ᱵᱟᱦᱟ, ᱥᱚᱦᱨᱟᱭ ᱥᱮᱨᱮᱧ ᱥᱟᱶ ᱟᱹᱰᱤ ᱯᱚᱴᱟᱣ-ᱟ ᱾ ᱮᱠᱞᱟ ᱱᱤᱥᱚᱱ ᱵᱮᱲᱟ ᱨᱮ ᱚᱨᱚᱝ ᱡᱚᱝ ᱟᱨ ᱟᱧᱡᱚᱢ ᱡᱚᱝ ᱟᱹᱰᱤ ᱨᱩᱢᱩᱧ ᱜᱮ ᱵᱩᱡᱷᱟᱹᱣ-ᱟ , ᱡᱮᱢᱚᱱ ᱜᱮ ᱚᱱᱚᱬᱦᱤᱭᱟᱹ ᱠᱚ ᱠᱚ ᱚᱞ ᱟᱠᱟᱫ-:

    ᱵᱤᱪᱷᱚᱠ ᱢᱚᱱᱮᱧ ᱨᱟᱲᱮᱡᱽ ᱜᱟᱛᱮ....
    ᱟᱢᱟᱜ ᱛᱨᱤᱭᱟᱹᱣ ᱨᱟᱦᱟ ᱟᱧᱡᱚᱢᱛᱮ....


ᱠᱚᱨᱛᱟᱞ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱚᱨᱛᱟᱞ ᱫᱚ ᱠᱟᱥᱟ ᱨᱮᱱᱟᱜ ᱠᱟᱱᱟ ᱾ ᱪᱟᱞᱯᱟᱝ ᱜᱩᱞᱟᱹᱭ ᱜᱮ ᱾ ᱵᱟᱨᱭᱟ ᱵᱟᱱᱟᱨ ᱛᱤ ᱛᱮ ᱛᱟᱹᱠᱤᱡ ᱞᱮᱠᱷᱟᱱ ᱚᱱᱟ ᱫᱚ ᱪᱷᱟᱭᱚᱢ ᱪᱷᱟᱭᱚᱢ ᱥᱟᱰᱮᱭᱟ ᱾ ᱱᱚᱶᱟ ᱫᱚ ᱨᱩ ᱥᱟᱰᱮ ᱨᱮᱱᱟᱜ ᱨᱚᱢᱚᱡᱽ ᱨᱟᱠᱟᱵ ᱞᱟᱹᱜᱤᱫ ᱾

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

http://www.indiantribalheritage.org/?p=6529