ᱨᱮᱝᱜᱟᱞᱤ ᱰᱮᱢ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search

ᱨᱮᱝᱜᱟᱞᱤ ᱰᱮᱢ ᱫᱚ ᱥᱤᱧᱚᱛ ᱨᱮᱱᱟᱜ ᱳᱰᱤᱥᱟ ᱯᱚᱱᱚᱛ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱫᱚ ᱚᱱᱩᱜᱩᱲ ᱡᱤᱞᱞᱟᱹ ᱨᱮᱝᱜᱟᱞᱤ ᱟᱹᱛᱩ ᱥᱩᱨ ᱵᱨᱟᱢᱦᱚᱬᱤ ᱜᱟᱰᱟ ᱨᱮ ᱠᱚ ᱛᱚᱞ ᱟᱠᱟᱫᱼᱟ ᱟᱨ ᱱᱚᱶᱟ ᱫᱚ ᱟᱹᱰᱤ ᱞᱮᱠᱟᱱ ᱠᱟᱹᱢᱤ ᱨᱮ ᱦᱤᱡᱩᱜ ᱠᱟᱱᱟ ᱾[᱑]

ᱵᱮᱱᱟᱶ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱶᱟ ᱯᱨᱚᱡᱮᱠᱴ ᱫᱚ ᱑᱙᱘᱕ ᱥᱟᱞᱮ ᱨᱮ ᱵᱮᱱᱟᱣ ᱟᱠᱟᱱᱟ ᱾[᱒] ᱱᱚᱶᱟ ᱛᱮᱭᱟᱨ ᱢᱟᱬᱟᱝ ᱨᱮ ᱟᱨ ᱛᱮᱭᱟᱨ ᱚᱠᱛᱚ ᱨᱮ ᱟᱹᱰᱤ ᱟᱹᱰᱤ ᱵᱤᱨᱩᱫᱷ ᱨᱮᱱᱟᱜ ᱥᱟᱢᱱᱟ ᱦᱩᱭ ᱟᱫ ᱠᱚ ᱛᱟᱦᱮᱸᱫ ᱾ ᱱᱚᱶᱟ ᱯᱨᱚᱡᱮᱠᱴ ᱛᱮ ᱠᱚ ᱜᱤᱨᱟᱹᱵᱟᱹᱥ ᱟᱠᱟᱱ ᱑᱐,᱗᱐᱐ ᱜᱷᱟᱨᱚᱡᱽ ᱟᱨ ᱴᱚᱴᱷᱟ ᱨᱤᱱ ᱨᱟᱡᱽᱟᱹᱭᱩᱨᱤᱭᱟᱹ ᱱᱚᱶᱟ ᱫᱚ ᱟᱹᱰᱤ ᱠᱮᱴᱮᱡ ᱠᱚ ᱵᱤᱨᱩᱫᱽ ᱞᱮᱫ ᱛᱟᱦᱮᱸᱫ ᱾[᱓]  

ᱯᱩᱨᱟᱹ ᱵᱤᱵᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱨᱮᱝᱜᱟᱞᱤ ᱰᱮᱢ ᱨᱮᱱᱟᱜ ᱩᱥᱩᱞ ᱫᱚ ᱗᱐ ᱢᱤᱴᱚᱨ ᱟᱨ ᱡᱤᱞᱤᱧ ᱫᱚ ᱑᱔᱐ ᱢᱤᱴᱚᱨ ᱾ ᱰᱮᱢ ᱨᱮᱱᱟᱜ ᱫᱟᱜ ᱯᱮᱨᱮᱡ ᱠᱚᱜ ᱚᱠᱛᱮ ᱛᱩᱬᱩᱝ ᱮᱫ ᱟᱢᱮᱴᱟᱱ ᱫᱚ ᱦᱩᱭᱩᱜ ᱠᱟᱱᱟ ᱒᱗, ᱘᱔᱐ ᱦᱮᱠᱴᱚᱨ ᱟᱨ ᱜᱴᱟᱜᱩᱴᱤ ᱟᱢᱮᱴᱟᱱ ᱒᱘,᱐᱐᱐ ᱦᱮᱠᱴᱚᱨ ᱾ ᱱᱚᱶᱟ ᱰᱮᱢ ᱨᱮ ᱫᱟᱜ ᱦᱤᱡᱩᱜ ᱠᱟᱱᱟ ᱴᱚᱴᱷᱟ ᱨᱮᱱᱟᱜ ᱟᱢᱮᱴᱟᱱ ᱫᱚ ᱦᱩᱭᱩᱜ ᱠᱟᱱᱟ ᱒᱕,᱒᱕᱐ ᱜᱟᱹᱱᱟᱹᱴ ᱠᱤᱞᱚᱢᱤᱴᱚᱨ ᱾ ᱰᱮᱢ ᱨᱮᱱᱟᱜ ᱕ ᱜᱚᱴᱟᱝ ᱫᱟᱜ ᱵᱤᱡᱽᱞᱤ ᱛᱟᱞᱢᱟ ᱠᱷᱚᱱ ᱕᱐ ᱢᱮᱜᱟᱣᱟᱴ ᱠᱟᱴᱮ ᱵᱤᱡᱽᱞᱤ ᱛᱮᱭᱟᱨᱚᱜ ᱠᱟᱱᱟ ᱾  ᱰᱮᱢ ᱨᱮ ᱓᱔᱑᱒᱐ ᱞᱟᱠ ᱠᱭᱩᱵᱤᱠ ᱢᱤᱴᱚᱨ ᱫᱟᱜ ᱥᱟᱧᱪᱟᱣᱜᱼᱟ ᱟᱨ ᱱᱚᱶᱟ ᱫᱚ ᱳᱰᱤᱥᱟ ᱨᱮᱱᱟᱜ ᱦᱤᱨᱟᱠᱩᱫ ᱰᱮᱢ ᱛᱟᱭᱚᱢ ᱫᱚᱥᱟᱨ ᱢᱟᱨᱟᱝ ᱰᱮᱢ ᱠᱟᱱᱟ ᱾ [᱔]

ᱫᱟᱜ ᱵᱮᱵᱷᱟᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱨᱮᱝᱜᱟᱞᱤ ᱰᱮᱢ ᱨᱮᱱᱟᱜ ᱫᱟᱜ ᱵᱮᱵᱷᱟᱨ ᱠᱟᱛᱮ ᱪᱟᱥᱵᱟᱥ ᱞᱟᱹᱜᱤᱫ ᱰᱮᱢ ᱨᱮᱱᱟᱜ ᱞᱟᱛᱟᱨ ᱥᱮᱫ ᱨᱮ ᱓᱕ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱤᱫ ᱵᱟᱨᱮᱡᱽ ᱛᱮᱭᱟᱨ ᱟᱠᱟᱱᱟ ᱾ ᱱᱚᱶᱟ ᱵᱟᱨᱮᱡᱽ ᱦᱚᱸ ᱰᱮᱢ ᱫᱟᱜ ᱵᱮᱜᱚᱨ ᱔,᱗᱘᱐ ᱜᱟᱱᱟᱹᱴ ᱠᱤᱞᱚᱢᱤᱴᱚᱨ ᱮᱞᱟᱠᱟ ᱨᱮᱱᱟᱜ ᱫᱟᱜ ᱮ ᱮᱥᱮᱫ ᱫᱚᱦᱚᱭᱟ ᱟᱨ ᱠᱮᱱᱟᱞ ᱫᱟᱨᱟᱭ ᱛᱮ ᱴᱚᱴᱷᱟ ᱨᱮᱱᱟᱜ ᱜᱮᱞᱵᱟᱨ ᱜᱚᱴᱟᱝ ᱪᱟᱥ ᱠᱷᱮᱛ ᱨᱮ ᱫᱟᱜ ᱢᱚᱦᱰᱟᱜ ᱠᱟᱱᱟ ᱾[᱕]

ᱥᱟᱪᱟᱨᱦᱮ ᱪᱮᱛᱟᱱ ᱨᱮ ᱚᱨᱥᱚᱝ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱨᱟᱢᱦᱚᱬᱤ ᱜᱟᱰᱟ ᱨᱮᱱᱟᱜ ᱞᱟᱛᱟᱨ ᱥᱮᱫ ᱨᱮ ᱵᱚᱝᱜᱚᱯ ᱥᱟᱹᱢᱩᱫᱽ ᱥᱩᱨ ᱨᱮ ᱢᱮᱱᱟᱜ ᱵᱷᱤᱛᱚᱨ ᱠᱚᱱᱤᱠᱟ ᱡᱤᱭᱟᱹᱞᱤ ᱵᱤᱨ  ᱪᱮᱛᱟᱱ ᱨᱮ ᱨᱮᱝᱜᱟᱞᱤ ᱰᱮᱢ ᱛᱮᱭᱟᱨ ᱠᱟᱛᱮ ᱚᱨᱥᱚᱝ ᱟᱠᱟᱱ ᱢᱮᱱᱛᱮ ᱠᱚ ᱢᱮᱱᱟ ᱾ ᱥᱟᱪᱟᱨᱦᱮ ᱥᱟᱢᱮᱥᱤᱭᱟᱹ ᱠᱚᱣᱟᱜ ᱢᱮᱱ ᱞᱮᱠᱟᱛᱮ ᱵᱷᱤᱛᱚᱨ ᱠᱚᱱᱤᱠᱟ ᱨᱮ ᱢᱮᱱᱟᱜ ᱟᱹᱰᱤ ᱠᱚᱢ ᱧᱟᱢᱚᱜ ᱡᱟᱹᱛᱤᱭᱟᱹᱨᱤ ᱨᱟᱱ ᱫᱟᱨᱮ ᱠᱚ ᱢᱟᱬᱟᱝ ᱫᱚ ᱜᱟᱰᱟ ᱛᱮ ᱞᱤᱸᱡᱤ ᱟᱬᱜᱚᱜ ᱠᱟᱱ ᱦᱟᱥᱟ ᱟᱨ ᱠᱷᱚᱛ ᱮᱢᱟᱱ ᱞᱮᱠᱟᱱᱟ ᱫᱟᱨᱮ ᱱᱟᱹᱬᱤ ᱦᱟᱨᱟᱜ ᱞᱟᱹᱜᱤᱰ ᱜᱚᱲᱚᱭ ᱮᱢᱮᱫ ᱛᱟᱦᱮᱸᱫ, ᱢᱮᱱᱠᱷᱟᱱ ᱰᱮᱢ ᱛᱮᱭᱟᱨᱮᱱ ᱠᱚᱨᱮ ᱠᱷᱚᱱ ᱚᱱᱟ ᱠᱚᱫᱚ ᱟᱨ ᱵᱟᱝ ᱦᱤᱡᱩᱜ ᱠᱟᱱᱟ, ᱰᱮᱢ ᱨᱮᱜᱮ ᱡᱷᱟᱹᱞᱤᱜ ᱠᱟᱱᱟ ᱟᱨ ᱵᱷᱤᱛᱚᱨ ᱠᱚᱱᱤᱠᱟ ᱵᱤᱨ ᱛᱮ ᱵᱟᱝ ᱥᱴᱮᱨᱚᱦ ᱠᱟᱱᱟ ᱾ ᱫᱟᱜ ᱦᱚᱸ ᱠᱚᱢ ᱜᱮ ᱦᱤᱡᱩᱜ ᱠᱟᱱᱟ ᱾

ᱰᱮᱢ ᱛᱮᱭᱟᱨ ᱢᱟᱬᱟᱝ ᱨᱮ ᱑᱙,᱕᱑᱔ ᱢᱤᱞᱤᱭᱚᱱ ᱜᱟᱹᱱᱟᱹ ᱢᱤᱴᱚᱨ ᱫᱟᱜ ᱦᱤᱡᱩᱜ ᱠᱟᱱ ᱛᱟᱦᱮᱸᱫ ᱟᱨ ᱵᱮᱱᱟᱣ ᱠᱮᱫ ᱛᱟᱭᱚᱢ ᱑᱗ᱹ᱓᱘᱙ ᱢᱤᱞᱤᱭᱚᱱ ᱫᱟᱜ ᱠᱚᱢ ᱟᱠᱟᱱᱟ ᱾ ᱦᱟᱯᱮᱱ ᱫᱤᱱ ᱨᱮ ᱱᱚᱶᱟ ᱟᱨᱦᱚᱸ ᱠᱚᱢ ᱠᱟᱛᱮ ᱑᱔,᱐᱐᱐ ᱢᱤᱞᱤᱭᱚᱱ ᱜᱟᱹᱱᱟᱹ ᱢᱤᱴᱚᱨ ᱛᱮ ᱦᱤᱡᱩᱜᱼᱟ ᱢᱮᱱᱛᱮ ᱯᱟᱹᱨᱩᱠᱷᱤᱭᱟᱹ ᱠᱚ ᱯᱟᱭᱛᱟᱨᱮᱫᱼᱟ ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]