ᱩᱢᱚᱨ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search

ᱩᱢᱚᱨ

ᱦᱚᱡᱽᱨᱚᱛ ᱩᱢᱚᱨ ᱤᱵᱚᱱ ᱠᱷᱚᱛᱟᱵᱽ (ᱟᱨᱚᱵᱤ ᱛᱮ ᱺ عمر بن الخطّاب) ( ᱕᱘᱖- ᱕᱙᱐-᱖᱔᱔ ) ᱢᱚᱦᱚᱢᱚᱫᱽ ᱥᱟᱦᱮᱵᱽ ᱨᱤᱱ ᱯᱩᱱ ᱦᱚᱲ ᱡᱚᱴᱟᱣ ᱠᱷᱚᱱ ᱢᱤᱫ ᱦᱚᱲ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱦᱚᱡᱽᱨᱚᱛ ᱟ.ᱵᱩ ᱵᱚᱠᱨᱚ ᱛᱟᱭᱚᱢ ᱢᱩᱥᱚᱞᱢᱟᱱ ᱤᱡ ᱫᱚᱥᱟᱨ ᱠᱷᱚᱞᱤᱯ ᱞᱮᱠᱟᱛᱮ ᱠᱚ ᱵᱟᱪᱷᱚᱱ ᱠᱮᱫᱮᱭᱟ ᱾ ᱢᱚᱦᱚᱢᱚᱫᱽ ᱥᱟᱦᱮᱵᱽ ᱫᱚ ᱯᱷᱟ.ᱨᱩᱠ ᱧᱩᱛᱩᱢᱟᱱ ᱢᱤᱫ ᱥᱤᱨᱯᱷᱟ.ᱭ ᱮᱢᱟ ᱟᱫᱮ ᱛᱟᱦᱮᱸᱫ ᱾ ᱡᱟᱦᱟᱸ ᱨᱮᱭᱟᱜ ᱢᱮᱱᱮᱛ ᱥᱟ.ᱨᱤ ᱟᱨ ᱠᱷᱟ.ᱞᱤ ᱨᱮ ᱯᱷᱚᱨᱚᱠ ᱫᱟᱲᱮᱭᱟ ᱜᱤᱡ ᱾ ᱢᱚᱦᱚᱢᱚᱫᱽ ᱥᱟᱦᱮᱵᱽ ᱤᱡ ᱪᱮᱞᱟ ᱞᱮᱠᱟᱛᱮ ᱩᱭᱟᱜ ᱴᱷᱟᱶ ᱫᱚ ᱦᱚᱡᱽᱨᱚᱛ ᱚᱵᱩ ᱵᱚᱠᱨᱚ ᱛᱟᱭᱚᱢ ᱦᱟ.ᱡᱩᱜ-ᱟ ᱾ ᱩᱢᱚᱨ ᱠᱷᱩᱞᱯᱟ-ᱤᱱ-ᱨᱟᱥᱤᱫᱤᱱ ᱨᱮ ᱫᱚᱥᱟᱨ ᱠᱷᱟᱞᱤᱯ ᱞᱮᱠᱟ ᱛᱮᱠᱚ ᱵᱟᱪᱷᱚᱱ ᱠᱮᱫᱮᱭᱟ ᱾ ᱩᱢᱚᱨ ᱠᱷᱩᱞᱨᱟ-ᱤ-ᱨᱟᱥᱤᱫᱤᱱ ᱨᱮ ᱡᱚᱛᱚᱠᱷᱚᱱ ᱡᱤᱛᱠᱨᱟ.ᱨᱤᱭᱟ ᱞᱮᱠᱟᱛᱮᱭ ᱵᱟᱪᱷᱚᱱ ᱮᱱᱟ ᱾ ᱢᱩᱥᱚᱞᱢᱟᱱ ᱱᱩᱭ ᱫᱚ ᱯᱷᱟᱨᱩᱠ-ᱮ-ᱟᱡᱚᱢ ᱟᱨᱵᱟᱝ ᱚᱢᱤᱨᱩᱞ ᱢᱚᱢᱤᱱᱤᱱ ᱢᱮᱱᱛᱮ ᱦᱚᱸᱠᱚ ᱢᱮᱛᱟᱭᱟ ᱾ ᱭᱩᱨᱳᱯᱤᱭᱟ. ᱚᱱᱚᱞᱤᱭᱟ. ᱫᱚ ᱱᱩᱭ ᱤᱫᱤ ᱠᱟᱛᱮ ᱟ.ᱰᱤ ᱞᱮᱠᱟᱱ ᱯᱚᱛᱚᱵ ᱠᱚ ᱚᱞ ᱟᱠᱟᱜ-ᱟ ᱾ ᱚᱱᱟ ᱥᱟᱶᱛᱮ ᱩᱢᱚᱨ ᱢᱟᱦᱟᱱ (Umar the Great) ᱨᱮᱭᱟᱜ ᱥᱤᱨᱯᱷᱟ. ᱠᱚ ᱮᱢᱟ ᱟᱠᱟᱣᱟ ᱫᱮᱭᱟ ᱾

ᱩᱯᱨᱩᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱥᱚᱱ ᱚᱠᱛᱚ ᱺ-

᱒᱓ ᱚᱜᱚᱥᱴ ᱖᱓᱔ ᱤ. ᱓ ᱱᱚᱵᱷᱮᱢᱵᱚᱨ ᱖᱔᱔ ᱤ.

ᱡᱤᱣᱤᱡᱩᱨᱤ ᱺ-

‌* ᱡᱚᱭᱱᱚᱵᱽ ᱵᱮᱱᱛᱚ ᱢᱚᱡᱩᱱ

  • ᱠᱩᱨᱮᱭᱵᱟ ᱵᱤᱱᱛᱚ ᱚᱵᱤ ᱩᱢᱚᱭᱟ ᱚᱢᱚᱠᱷᱡᱩᱢᱤ
  • ᱩᱢ ᱦᱚᱠᱤᱢ ᱵᱤᱱᱛᱚ ᱚᱞ-ᱦᱟᱨᱤᱥ ᱤᱵᱚᱱ ᱦᱤᱥᱟᱢ
  • ᱩᱢ ᱠᱩᱞᱥᱩᱢ ᱵᱤᱱᱛᱚ ᱚᱞᱤ
  • ᱟᱛᱤᱠᱟ ᱵᱤᱱᱛᱚ ᱡᱮᱫᱽ ᱤᱵᱚᱱ ᱚᱢᱨᱚ ᱤᱵᱚᱱ ᱱᱩᱯᱷᱮᱞ ᱾


ᱦᱚᱯᱚᱱ ᱠᱚ ᱺ-

  • ᱟᱵᱽᱫᱩᱞᱟᱜ ᱤᱵᱱ ᱩᱢᱚᱨ
  • ᱟᱵᱽᱫᱩᱨᱮᱦᱢᱟᱱ ᱤᱵᱱ ᱩᱢᱚᱨ
  • ᱩᱵᱟᱭᱫᱩᱞᱟᱜ ᱤᱵᱱ ᱩᱢᱚᱨ
  • ᱡᱮᱫᱽ ᱤᱵᱱ ᱩᱢᱚᱨ
  • ᱟᱥᱤᱢ ᱤᱵᱱ ᱩᱢᱚᱨ
  • ᱤᱭᱟᱫᱽ ᱤᱵᱱ ᱩᱢᱚᱨ
  • ᱦᱟᱯᱥᱟ ᱵᱤᱱᱛ ᱳᱢᱚᱨ
  • ᱯᱷᱟ.ᱛᱤᱢᱟ ᱵᱱᱛ ᱳᱢᱚᱨ
  • ᱡᱭᱱᱟᱵᱽ ᱵᱤᱱᱛ ᱩᱢᱚᱨ ᱾


ᱮᱛᱚᱦᱚᱵ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱦᱚᱡᱽᱨᱚᱛ ᱩᱢᱚᱨ ᱟᱜ ᱡᱟᱱᱟᱢ ᱫᱚ ᱢᱮᱠᱟ ᱨᱮ ᱦᱩᱭ ᱞᱮᱱᱟ ᱾ ᱱᱸᱭ ᱫᱚ ᱠᱩᱨᱮᱥ ᱠᱷᱟᱱᱫᱟᱱ ᱨᱤᱱᱤᱡ ᱮ ᱛᱟᱦᱮᱸ ᱠᱟᱱᱟ ᱾ ᱥᱮᱪᱮᱫ ᱟᱢᱮᱴ ᱡᱚᱝ ᱚᱠᱛᱚ ᱞᱟᱦᱟ ᱨᱮᱜᱮ ᱚᱞ ᱯᱟᱲᱦᱟᱣ ᱫᱚᱭ ᱪᱮᱫ ᱞᱮᱫ ᱛᱟᱦᱮᱸᱫ ᱾ ᱡᱟᱦᱟᱸ ᱫᱚ ᱤᱱᱟ. ᱚᱠᱛᱚ ᱨᱤᱱ ᱟᱨᱳᱵᱤᱭᱟ. ᱠᱚ ᱚᱞ ᱯᱟᱲᱦᱟᱣ ᱫᱚ ᱵᱮᱨᱛᱷᱟ ᱠᱟ.ᱢᱤ ᱢᱮᱱᱛᱮ ᱠᱚ ᱢᱮᱛᱟᱜ ᱠᱟᱱ ᱛᱟᱦᱮᱸᱫ ᱾ ᱩᱱᱤᱭᱟᱜ ᱦᱚᱲᱢᱚ ᱫᱚ ᱟ.ᱰᱤ ᱩᱥᱩᱞ, ᱠᱮᱴᱮᱡ ᱢᱮᱫᱦᱟ ᱟᱨ ᱛᱟᱜᱽᱲᱟ ᱦᱚᱲᱢᱚ ᱛᱟᱦᱮᱸ ᱠᱟᱱᱟ ᱾ ᱩᱢᱚᱨ ᱫᱚ ᱢᱮᱠᱟ ᱨᱤᱱᱤᱡ ᱟ.ᱰᱤ ᱧᱩᱛᱩᱢᱟᱱ ᱯᱚᱦᱤᱞᱢᱟᱱ ᱮ ᱛᱟᱦᱮᱸ ᱠᱟᱱᱟ ᱾ ᱡᱟᱦᱟᱸᱭ ᱫᱚ ᱢᱮᱠᱟ ᱨᱤᱱᱤᱡ ᱢᱤᱫ ᱢᱟᱦᱟᱱ ᱵᱤᱨᱵᱷᱟᱱᱴᱟᱭ ᱛᱟᱦᱮᱸ ᱠᱟᱱᱟ ᱾ ᱩᱢᱚᱨ ᱥᱮᱨᱢᱟᱠᱤᱭᱟ. ᱯᱚᱦᱤᱞᱢᱟᱱ ᱦᱮᱯᱨᱟᱣ ᱨᱮ ᱫᱟᱣ ᱮ ᱦᱟᱛᱟᱣ ᱛᱟᱦᱮᱸᱫ ᱾ ᱯᱩᱭᱞᱩ ᱯᱩᱭᱞᱩ ᱫᱚ ᱦᱚᱡᱽᱨᱚᱛ ᱩᱢᱚᱨ ᱛᱩᱲᱩᱠ ᱨᱤᱱ ᱟ.ᱰᱤ ᱠᱮᱴᱮᱡ ᱵᱟ.ᱭᱨᱤᱭ ᱛᱟᱦᱮᱸ ᱠᱟᱱᱟ ᱾ ᱟᱨ ᱢᱩᱦᱚᱢᱚᱫᱽ ᱫᱚ ᱜᱚᱡ ᱩᱛᱟ.ᱨ ᱮ ᱨᱮᱭᱟᱜ ᱮ ᱴᱷᱟ.ᱣᱠᱟ. ᱞᱮᱜᱼᱟ ᱾


ᱤᱥᱞᱟᱢ ᱮ ᱟᱯᱱᱟᱨ ᱠᱮᱜᱼᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱩᱢᱚᱨ ᱫᱚ ᱢᱮᱠᱟ ᱨᱮ ᱢᱤᱫ ᱧᱩᱛᱩᱢᱟᱱ ᱜᱷᱟᱨᱚᱸᱡᱽ ᱠᱷᱚᱱ ᱛᱟᱦᱮᱸ ᱠᱟᱱᱟ ᱾ ᱟ.ᱰᱤ ᱥᱟᱦᱟᱥᱤᱭᱟ. ᱟᱨ ᱫᱟᱭᱟᱦᱟᱱ ᱦᱚᱲ ᱮ ᱛᱟᱦᱮᱸ ᱠᱟᱱᱟ ᱾ ᱩᱢᱚᱨ ᱫᱚ ᱛᱩᱲᱩᱠ ᱠᱚᱫᱚ ᱵᱟᱭ ᱠᱩᱥᱤ ᱟᱠᱚ ᱠᱟᱱ ᱛᱟᱦᱮᱸᱫ ᱾ ᱟᱨᱵᱟᱝ ᱫᱚ ᱢᱚᱦᱚᱢᱚᱫᱽ ᱟᱜ ᱢᱤᱥᱳᱱ ᱮ ᱠᱩᱥᱤᱭᱟᱜ ᱠᱟᱱ ᱛᱟᱦᱮᱸᱱ ᱾ ᱤᱠᱷᱟ.ᱱ ᱯᱮᱜᱚᱢᱵᱚᱨ ᱢᱚᱦᱚᱢᱚᱫᱽ ᱥᱟᱦᱮᱵᱽ ᱠᱟᱵᱮ ᱥᱩᱨ ᱪᱟᱞᱟᱣ ᱠᱟᱛᱮ ᱟᱞᱟᱜ ᱴᱷᱮᱱ ᱮ ᱱᱮᱦᱚᱸᱨ ᱠᱮᱜᱼᱟ ᱫᱚ ᱟᱞᱟᱜ ᱩᱢᱚᱨ ᱟᱨᱵᱟᱝ ᱩᱢᱨᱚ ᱚᱵᱩ ᱡᱚᱦᱚᱞ ᱵᱟᱱᱟᱨ ᱠᱷᱚᱱ ᱡᱟᱦᱟᱸᱭ ᱜᱮ ᱟᱢ ᱵᱟ.ᱲᱛᱤᱢ ᱠᱩᱥᱤ ᱟ.ᱠᱤᱱᱟ, ᱩᱱᱠᱤᱱ ᱱᱟᱯᱟᱭ ᱦᱚᱨ ᱩᱫᱩᱜ ᱟ.ᱠᱤᱱ ᱢᱮ ᱾ ᱱᱚᱣᱟ ᱱᱮᱦᱚᱸᱨ ᱩᱢᱚᱨ ᱞᱟ.ᱜᱤᱫ ᱟᱯᱱᱟᱨ ᱦᱩᱭ ᱮᱱᱟ ᱾ ᱩᱢᱚᱨ ᱢᱤᱫ ᱫᱷᱟᱣ ᱯᱮᱜᱚᱢᱵᱚᱨ ᱜᱚᱡ ᱮ ᱨᱮᱭᱟᱜ ᱩᱭᱦᱟ.ᱨ ᱠᱟᱛᱮᱭ ᱚᱰᱚᱠ ᱞᱮᱱᱟ, ᱦᱚᱨ ᱨᱮ ᱱᱚᱭᱮᱢ ᱧᱩᱛᱩᱢ ᱟᱱ ᱢᱤᱫ ᱦᱚᱲ ᱥᱟᱶ ᱮ ᱧᱟᱯᱟᱢ ᱮᱱᱟ ᱾ ᱡᱟᱦᱟᱸᱭ ᱫᱚ ᱩᱢᱚᱨ ᱱᱚᱣᱟᱭ ᱞᱟ.ᱭ ᱟᱫᱮᱭᱟ ᱫᱚ ᱟᱡᱤᱡ ᱢᱤᱥᱨᱟ ᱟᱨ ᱟᱡ ᱡᱟᱶᱟᱭ ᱤᱥᱞᱟᱢ ᱠᱤᱱ ᱦᱟᱛᱟᱣ ᱦᱩᱭ ᱟᱠᱟᱜᱼᱟ ᱾ ᱩᱢᱚᱨ ᱨᱟ.ᱜᱤ ᱠᱟᱛᱮ ᱢᱤᱥᱨᱟ ᱚᱲᱟᱜ ᱮ ᱪᱟᱞᱟᱣ ᱮᱱᱟ ᱾ ᱩᱱᱠᱤᱱ ᱚᱲᱟᱜ ᱨᱮ ᱵᱟᱱᱟ ᱦᱚᱲ ᱠᱩᱨᱟᱱ ᱠᱤᱱ ᱯᱟᱲᱦᱟᱣ ᱮᱫ ᱛᱟᱦᱮᱸᱫ ᱾ ᱩᱢᱚᱨ ᱩᱱᱠᱤᱱ ᱠᱩᱨᱟᱱ ᱮ ᱠᱚᱭ ᱠᱮᱫ ᱠᱤᱱᱟ ᱤᱠᱷᱟ.ᱱ ᱩᱱᱠᱤᱱ ᱠᱤᱱ ᱢᱟᱱᱟ ᱠᱮᱜᱼᱟ ᱾ ᱩᱢᱚᱨ ᱨᱟ.ᱜᱤ ᱠᱟᱛᱮ ᱩᱱᱠᱤᱱ ᱵᱟᱱᱟ ᱦᱚᱲ ᱫᱟᱫᱟᱞ ᱮ ᱫᱷᱩᱨᱟ.ᱣ ᱮᱱᱟ ᱾

ᱤᱠᱷᱟ.ᱱ ᱟᱡᱤᱡ ᱢᱤᱥᱨᱟᱭ ᱢᱮᱱ ᱠᱮᱜᱼᱟ, ᱟ.ᱞᱤᱧ ᱜᱩᱡᱩᱜ ᱟ.ᱞᱤᱧ ᱵᱚᱨᱚᱢ ᱮᱱ ᱦᱚᱸ ᱤᱥᱞᱟᱢ ᱫᱚ ᱵᱟ.ᱞᱤᱧ ᱵᱟ.ᱜᱤᱭᱟ ᱾ ᱢᱤᱥᱨᱟ ᱟᱜ ᱢᱮᱫᱦᱟ ᱠᱷᱚᱱ ᱢᱟᱭᱟᱢ ᱡᱚᱨᱚᱜ ᱧᱮᱞ ᱠᱟᱛᱮ ᱩᱢᱚᱨ ᱫᱚᱭ ᱞᱟᱡᱟᱣ ᱮᱱᱟ ᱟᱨ ᱟᱡᱟᱜ ᱵᱟ.ᱲᱤᱡ ᱠᱟ.ᱢᱤᱭ ᱵᱩᱡᱽ ᱧᱟᱢ ᱠᱮᱜᱼᱟ ᱾ ᱢᱮᱱ ᱠᱮᱜ ᱟᱭ ᱫᱚ ᱤᱧ ᱠᱩᱨᱟᱱ ᱯᱟᱲᱦᱟᱣ ᱥᱟ.ᱱᱟ.ᱧ ᱠᱟᱱᱟ ᱾ ᱚᱠᱨᱟᱲ ᱮᱫ ᱟ.ᱧ ᱱᱚᱣᱟ ᱨᱮᱭᱟᱜ ᱵᱟ.ᱧ ᱢᱟ.ᱱ ᱦᱟ.ᱱᱤᱭᱟ ᱾ ᱛᱤᱱ ᱡᱚᱦᱚᱜ ᱩᱢᱚᱨ ᱠᱩᱨᱟᱱ ᱮ ᱯᱟᱲᱦᱟᱣ ᱠᱮᱜᱼᱟ ᱩᱱ ᱡᱚᱦᱚᱜ ᱮ ᱢᱮᱱ ᱠᱮᱜᱼᱟ ᱱᱚᱣᱟ ᱫᱚ ᱤᱥᱚᱨ ᱟᱜ ᱨᱚᱲ ᱠᱟᱛᱷᱟ ᱜᱮ ᱚᱠᱚᱭ ᱢᱟ.ᱱᱢᱤ ᱫᱚ ᱵᱟᱭ ᱜᱟᱞᱟᱜ ᱜᱟᱵᱟᱱ ᱫᱟᱲᱮ ᱠᱮᱭᱟ ᱾ ᱢᱤᱫ ᱪᱚᱢᱛᱠᱟᱨ ᱞᱮᱠᱟᱛᱮ ᱩᱢᱚᱨ ᱠᱩᱨᱟᱱ ᱨᱮᱭᱟᱜ ᱥᱟ.ᱨᱤ ᱛᱮᱫ ᱮ ᱟᱯᱱᱟᱨ ᱠᱮᱜᱼᱟ ᱾ ᱟᱨ ᱢᱩᱦᱚᱢᱚᱫᱽ ᱥᱟᱦᱮᱵᱽ ᱥᱟᱶ ᱧᱟᱯᱟᱢ ᱚᱜ ᱮ ᱥᱮᱱ ᱮᱱᱟ ᱾ ᱢᱩᱦᱚᱢᱚᱫᱽ ᱥᱟᱦᱮᱵᱽ ᱟ.ᱰᱤ ᱠᱟᱡᱟᱠ ᱮ ᱨᱟ.ᱥᱠᱟ. ᱮᱱᱟ ᱛᱤᱱ ᱡᱚᱦᱚᱜ ᱩᱢᱚᱨ ᱤᱥᱞᱟᱢ ᱮ ᱟᱯᱱᱟᱨ ᱠᱮᱜᱼᱟ ᱾ ᱩᱢᱚᱨ ᱤᱥᱞᱟᱢ ᱮ ᱟᱯᱱᱟᱨ ᱠᱮᱫ ᱧᱮᱞ ᱠᱟᱛᱮ ᱢᱩᱥᱚᱞᱢᱟᱱ ᱫᱚᱢᱮ ᱠᱚ ᱨᱟ.ᱥᱠᱟ. ᱮᱱᱟ ᱾ ᱩᱢᱚᱨ ᱮ ᱮᱞᱟᱱ ᱠᱮᱜᱼᱟ ᱡᱮ ᱛᱮᱦᱮᱧ ᱠᱷᱚᱱ ᱡᱚᱛᱚ ᱦᱚᱲ ᱥᱮᱞᱮᱫ ᱢᱮᱥᱟ ᱠᱟᱛᱮ ᱱᱚᱢᱟᱡᱽ ᱠᱟᱵᱮ ᱵᱚᱱ ᱯᱟᱲᱦᱟᱣ ᱟ, ᱡᱟᱦᱟᱸ ᱫᱚ ᱢᱟᱬᱟᱝ ᱚᱦᱚᱣᱟᱱ ᱛᱟᱦᱮᱸ ᱠᱟᱱᱟ ᱾ ᱩᱢᱚᱨ ᱤᱥᱞᱟᱢ ᱤᱡ ᱵᱟ.ᱭᱨᱤᱭ ᱛᱟᱦᱮᱸ ᱠᱟᱱᱟ ᱤᱠᱷᱟ.ᱱ ᱱᱤᱛᱚᱜ ᱤᱥᱞᱟᱢ ᱨᱤᱱ ᱫᱩᱫᱩᱜᱤᱭᱟ.ᱭ ᱵᱮᱱᱟᱣ ᱮᱱᱟ ᱾ ᱩᱢᱚᱨ ᱤᱥᱞᱟᱢ ᱨᱮ ᱧᱮᱞ ᱠᱟᱛᱮ ᱢᱩᱦᱚᱢᱚᱫᱽ ᱥᱟᱦᱮᱵᱽ ᱨᱤᱱ ᱵᱟ.ᱭᱨᱤ ᱠᱚ ᱴᱷᱮᱱ ᱦᱩᱞᱟ.ᱪᱟᱢᱠᱟ ᱥᱤᱨᱡᱚᱱ ᱮᱱᱟ ᱾ ᱱᱤᱛᱚᱜ ᱤᱥᱞᱟᱢ ᱫᱚ ᱩᱢᱚᱨ ᱧᱩᱛᱩᱢᱟᱱ ᱢᱤᱫ ᱞᱟᱥᱮᱨ ᱛᱟᱨᱣᱟᱲᱮ ᱠᱚ ᱧᱟᱢ ᱟᱠᱟᱫ ᱛᱟᱦᱮᱸᱫ ᱡᱟᱦᱟᱸ ᱠᱷᱟ.ᱛᱤᱨ ᱯᱩᱨᱟ. ᱢᱮᱠᱟᱭ ᱛᱷᱟᱨᱛᱷᱟᱨᱟᱣᱜ ᱠᱟᱱ ᱛᱟᱦᱮᱸᱫ ᱾

ᱢᱮᱫᱤᱱᱟ ᱥᱟᱸᱜᱷᱟᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱨ ᱦᱚᱸ ᱧᱮᱞ ᱢᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

https://en.m.wikipedia.org/wiki/Al-Farooq_(book)

https://en.m.wikipedia.org/wiki/Al_Farooq_Omar_Bin_Al_Khattab_Mosque

https://en.m.wikipedia.org/wiki/Sahaba

https://en.m.wikipedia.org/wiki/Farooqi

https://en.m.wikipedia.org/wiki/Umar_ibn_Al-Khatt%C4%81b_(TV_series)

https://en.m.wikipedia.org/wiki/Pact_of_Umar

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

https://books.google.com/?id=MZ2MwNzB69IC&pg=PA326

http://sunnah.com/bukhari/62/21

http://sunnah.com/bukhari/62/14

https://archive.org/stream/UmarIbnAl-KhattabHisLifeAndTimesVolume1/100714724-Umar-Ibn-Al-Khattab-Vol-1#page/n37/mode/2up

https://books.google.com/books?id=hkgfCgAAQBAJ

https://www.al-islam.org/restatement-history-islam-and-muslims-sayyid-ali-ashgar-razwy/umars-conversion-islam

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

http://www.bogvaerker.dk/Bookwright/Umar.html

https://web.archive.org/web/20070930162009/http://www.lailahailallah.net/Khutbahs/Khutbah40.asf

https://en.m.wikipedia.org/wiki/Encyclop%C3%A6dia_Britannica_Eleventh_Edition