ᱩᱢᱟ ᱥᱚᱥᱤ

ᱩᱢᱟ ᱥᱚᱥᱤ
ᱩᱢᱟ ᱥᱚᱥᱤ
ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ	᱑᱙᱑᱕; ᱠᱚᱞᱠᱟᱛᱟ, ᱵᱮᱝᱜᱚᱞ ᱯᱨᱮᱥᱤᱰᱮᱱᱥᱤ, ᱵᱨᱤᱴᱤᱥ ᱥᱤᱧᱚᱛ
ᱜᱩᱨ	᱖ ᱰᱤᱥᱮᱢᱵᱚᱨ ᱒᱐᱐᱐; ᱠᱚᱞᱠᱟᱛᱟ, ᱯᱚᱪᱷᱤᱢ ᱵᱟᱝᱞᱟ, ᱥᱤᱧᱚᱛ
ᱫᱤᱥᱚᱢᱤᱭᱟᱹ	ᱥᱤᱧᱚᱛᱤᱭᱟᱹ
ᱠᱟᱹᱢᱤ	ᱠᱷᱮᱞᱚᱸᱰᱟᱹᱱᱤ; ᱥᱮᱨᱮᱧ ᱨᱩᱥᱤᱠᱟ; ᱮᱱᱮᱡ ᱨᱩᱥᱤᱠᱟ;
ᱡᱤᱭᱚᱱ ᱥᱚᱦᱮᱫ	ᱢᱟᱱ ᱜᱩᱨᱩ ᱯᱨᱚᱥᱟᱫᱽ ᱫᱮᱵᱽ
ᱦᱚᱯᱚᱱ	ᱜᱳᱣᱨᱚᱝᱜᱚ ᱱᱟᱨᱟᱭᱚᱱ, ᱥᱳᱣᱢᱮᱱᱫᱨᱚ ᱱᱟᱨᱟᱭᱚᱱ, ᱥᱳᱣᱨᱮᱱᱫᱨᱚ ᱱᱟᱨᱟᱭᱚᱱ, ᱠᱚᱱᱚᱠᱞᱚᱛᱟ
ᱟᱯᱟᱛ ᱮᱸᱜᱟᱛ	ᱱᱤᱞᱢᱚᱱᱤ ᱪᱚᱴᱴᱚᱯᱟᱫᱷᱭᱟᱭ (ᱵᱟᱵᱟ); ᱨᱟᱫᱷᱟᱨᱟᱹᱱᱤ ᱪᱚᱴᱴᱚᱯᱟᱫᱷᱭᱟᱭ (ᱟᱭᱳ);

ᱩᱢᱟ ᱥᱚᱥᱤ (᱑᱙᱑᱕ - ᱖ ᱰᱤᱥᱮᱢᱵᱚᱨ ᱒᱐᱐᱐) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱵᱟᱝᱞᱟ ᱯᱷᱤᱞᱢ ᱠᱷᱮᱞᱚᱸᱰᱟᱹᱱᱤ ᱠᱟᱱᱟᱭ ᱡᱟᱦᱟᱸᱭ ᱫᱚ ᱑᱙᱒᱙ ᱠᱷᱚᱱ ᱑᱙᱕᱑ ᱫᱷᱟᱹᱵᱤᱡ ᱟᱭᱢᱟ ᱪᱩᱨᱤᱛ ᱨᱮᱭ ᱧᱮᱞ ᱟᱠᱟᱱᱟ ᱾^[᱑] ᱩᱱ ᱚᱠᱛᱚ ᱨᱮ ᱫᱩᱨᱜᱟᱫᱟᱥ ᱵᱟᱱᱟᱨᱡᱤ, ᱠᱮ. ᱮᱞ. ᱥᱚᱭᱜᱚᱞ, ᱯᱟᱦᱟᱲᱤ ᱥᱟᱱᱭᱟᱞ ᱟᱨ ᱯᱨᱤᱛᱷᱵᱤᱨᱟᱡᱽ ᱠᱟᱯᱩᱨ ᱞᱮᱠᱟᱱ ᱠᱷᱮᱞᱚᱸᱰᱤᱭᱟᱹ ᱠᱚ ᱥᱟᱶ ᱩᱱᱤᱭᱟᱜ ᱡᱩᱲᱤ ᱫᱚ ᱟᱹᱰᱤ ᱜᱮ ᱦᱚᱲ ᱠᱩᱥᱤᱭᱟᱜ ᱛᱟᱦᱮᱸ ᱠᱟᱱᱟ ᱾

ᱮᱛᱚᱦᱚᱵ ᱡᱤᱭᱚᱱ

ᱩᱢᱟ ᱥᱚᱥᱤ ᱫᱚ ᱑᱙᱑᱕ ᱥᱟᱞᱮ ᱨᱮ^[᱒] ᱠᱚᱞᱠᱟᱛᱟ ᱨᱮᱱᱟᱜ ᱢᱤᱫ ᱨᱮᱸᱜᱮᱡ ᱵᱟᱵᱽᱬᱮ ᱜᱷᱟᱨᱚᱸᱡᱽ ᱨᱮᱭ ᱡᱟᱱᱟᱢ ᱞᱮᱱᱟ ᱾ ᱟᱡ ᱵᱟᱵᱟ, ᱱᱤᱞᱢᱚᱱᱤ ᱪᱚᱴᱴᱚᱯᱟᱫᱷᱭᱟᱭ ᱫᱚ ᱢᱩᱬ ᱞᱮᱠᱟᱛᱮ ᱰᱷᱟᱠᱟ, ᱥᱟᱢᱟᱝ ᱵᱟᱝᱞᱟ, ᱵᱨᱤᱴᱤᱥ ᱥᱤᱧᱚᱛ ᱨᱤᱱᱤᱡ ᱮ ᱛᱟᱦᱮᱸ ᱠᱟᱱᱟ, ᱢᱮᱱᱠᱷᱟᱱ ᱛᱟᱭᱚᱢ ᱛᱮ ᱠᱚᱞᱠᱟᱛᱟ ᱨᱮᱭ ᱵᱟᱥᱟ ᱭᱮᱱᱟ ᱾ ᱩᱱᱤ ᱫᱚ ᱢᱤᱫ ᱠᱤᱨᱛᱚᱱ ᱨᱩᱥᱤᱠᱟᱭ ᱛᱟᱦᱮᱸ ᱠᱟᱱᱟ ᱟᱨ ᱛᱤᱱᱟᱹᱜ ᱫᱷᱟᱣ ᱫᱚ ᱴᱚᱴᱷᱟᱠᱤᱭᱟᱹ ᱡᱟᱛᱨᱟ ᱫᱚᱞ ᱨᱮ ᱡᱟᱛᱨᱟ ᱨᱩᱥᱤᱠᱟ ᱞᱮᱠᱟᱛᱮᱭ ᱠᱟᱹᱢᱤ ᱟᱠᱟᱫᱼᱟ ᱾ ᱨᱮᱸᱜᱮᱡ ᱦᱟᱞᱚᱛ ᱠᱷᱟᱹᱛᱤᱨ ᱜᱤᱫᱽᱨᱟᱹ ᱚᱠᱛᱚ ᱨᱮ ᱩᱢᱟ ᱫᱚ ᱴᱚᱴᱷᱟᱠᱤᱭᱟᱹ ᱟᱥᱲᱟ ᱨᱮ ᱟᱹᱰᱤ ᱠᱚᱢ ᱥᱮᱪᱮᱫ ᱮ ᱧᱟᱢ ᱞᱮᱫᱼᱟ ᱾^[᱓] ᱩᱱᱤ ᱫᱚ ᱯᱩᱱ ᱥᱮᱨᱢᱟ ᱩᱢᱮᱨ ᱠᱷᱚᱱ ᱮᱱᱮᱡ ᱟᱨ ᱥᱮᱨᱮᱧ ᱨᱮᱱᱟᱜ ᱥᱮᱪᱮᱫ ᱮ ᱦᱟᱛᱟᱣ ᱞᱮᱫᱼᱟ ᱾ ᱢᱤᱥ ᱥᱚᱛᱠᱚᱨᱤ ᱜᱟᱝᱜᱩᱞᱤ ᱫᱚ ᱩᱱᱤᱭᱤᱡ ᱯᱩᱭᱞᱩ ᱥᱮᱨᱮᱧ ᱟᱨ ᱮᱱᱮᱡ ᱢᱟᱪᱮᱛ ᱮ ᱛᱟᱦᱮᱸ ᱠᱟᱱᱟ ᱾ ᱡᱮᱞᱮᱠᱟ ᱥᱚᱛᱠᱚᱨᱤ ᱜᱟᱝᱜᱩᱞᱤ ᱱᱤᱡᱮ ᱦᱚᱸ ᱢᱤᱫ ᱠᱷᱮᱞᱚᱸᱰᱟᱹᱱᱤ ᱛᱟᱦᱮᱸ ᱠᱟᱱᱟᱭ, ᱩᱱᱤ ᱫᱚ ᱩᱢᱟ ᱥᱚᱥᱤ ᱫᱚ ᱥᱴᱮᱡᱽ ᱟᱨ ᱛᱷᱤᱭᱮᱴᱚᱨ ᱥᱟᱶ ᱮ ᱩᱯᱨᱩᱢ ᱠᱮᱫᱮᱭᱟ, ᱡᱟᱦᱟᱸᱨᱮ ᱩᱱᱤ ᱫᱚ ᱢᱤᱱᱚᱨᱵᱷᱟ, ᱟᱞᱯᱷᱨᱮᱰ ᱟᱨ ᱨᱩᱥᱟ ᱞᱮᱠᱟᱱ ᱛᱷᱤᱭᱮᱴᱚᱨ ᱱᱟᱴᱚᱠ ᱨᱮ ᱢᱤᱫ ᱜᱨᱩᱯ ᱰᱟᱱᱥᱚᱨ ᱞᱮᱠᱟᱛᱮ ᱠᱟᱹᱢᱤ ᱮᱦᱚᱵ ᱠᱮᱫᱼᱟ ᱾ ^{[ᱥᱟᱹᱠᱭᱟᱹᱛ ᱞᱟᱹᱠᱛᱤ ᱠᱟᱱᱟ]} ᱚᱱᱟ ᱛᱟᱭᱚᱢ ᱞᱚᱜᱚᱱ ᱜᱮ, ᱩᱱᱤ ᱫᱚ ᱦᱩᱰᱤᱧ ᱪᱩᱨᱤᱛ ᱠᱚᱨᱮ ᱠᱟᱹᱢᱤ ᱮᱦᱚᱵ ᱠᱮᱫᱼᱟ ᱟᱨ ᱠᱚᱞᱠᱟᱛᱟ ᱠᱷᱚᱱ ᱵᱟᱝ ᱦᱟᱹᱴᱤᱧ ᱟᱠᱟᱱ ᱵᱟᱝᱞᱟ ᱨᱮᱱᱟᱜ ᱵᱷᱮᱜᱟᱨ ᱵᱷᱮᱜᱟᱨ ᱴᱚᱴᱷᱟ ᱡᱮᱞᱮᱠᱟ ᱪᱤᱴᱴᱟᱜᱚᱝ, ᱠᱚᱠᱥ ᱵᱟᱡᱟᱨ ᱮᱢᱟᱱ ᱠᱚᱨᱮ ᱫᱟᱬᱟᱱ ᱠᱟᱱ ᱡᱟᱛᱨᱟ ᱫᱚᱞ ᱨᱤᱱᱤᱡ ᱢᱤᱫ ᱦᱟᱹᱴᱤᱧ ᱮ ᱵᱮᱱᱟᱣ ᱮᱱᱟ ᱾ ᱩᱱᱤ ᱫᱚ ᱢᱤᱫ ᱯᱩᱨᱟᱹᱣ ᱨᱩᱥᱤᱠᱟᱭ ᱛᱟᱦᱮᱸ ᱠᱟᱱᱟ ᱟᱨ ᱦᱤᱱᱫᱤ, ᱩᱨᱫᱩ ᱟᱨ ᱤᱝᱞᱤᱥ ᱯᱟᱹᱨᱥᱤ ᱨᱮᱱᱟᱜ ᱨᱚᱲ ᱥᱩᱫᱷᱟᱹᱨ ᱞᱟᱹᱜᱤᱫ ᱛᱮ ᱟᱭᱢᱟ ᱢᱟᱪᱮᱛ ᱠᱚ ᱴᱷᱮᱱ ᱠᱷᱚᱱ ᱥᱮᱪᱮᱫ ᱮ ᱦᱟᱛᱟᱣ ᱞᱮᱫᱼᱟ ᱾ ^{[ᱥᱟᱹᱠᱭᱟᱹᱛ ᱞᱟᱹᱠᱛᱤ ᱠᱟᱱᱟ]} ᱵᱚᱝᱜᱚᱵᱟᱞᱟ ᱧᱩᱛᱩᱢᱟᱱ ᱢᱤᱫ ᱛᱷᱤᱨ ᱯᱷᱤᱞᱢ ᱨᱮ ᱠᱟᱹᱢᱤ ᱮᱦᱚᱵ ᱠᱮᱫ ᱛᱟᱭᱚᱢ ᱩᱱᱤ ᱫᱚ ᱥᱴᱮᱡᱽ ᱵᱟᱹᱜᱤ ᱦᱩᱭ ᱟᱫᱮᱭᱟ ᱪᱮᱫᱟᱜ ᱥᱮ ᱟᱹᱢᱟᱹᱞᱤᱭᱟᱹ ᱠᱚ ᱟᱠᱚ ᱨᱤᱱ ᱵᱮᱛᱚᱱ ᱦᱟᱛᱟᱣ ᱠᱟᱹᱢᱤᱭᱟᱹ ᱠᱚ ᱯᱷᱤᱞᱢ ᱨᱮ ᱠᱟᱹᱢᱤ ᱨᱮᱱᱟᱜ ᱫᱟᱣ ᱵᱟᱠᱚ ᱮᱢᱟ ᱠᱚ ᱠᱟᱱ ᱛᱟᱦᱮᱸᱫ ᱾

ᱠᱟᱹᱢᱤ ᱡᱤᱭᱚᱱ

ᱩᱢᱟ ᱥᱚᱥᱤ ᱫᱚ ᱛᱷᱤᱨ ᱯᱷᱤᱞᱢ ᱵᱚᱝᱜᱚᱵᱟᱞᱟ ᱨᱮ ᱢᱤᱫ ᱠᱷᱮᱞᱚᱸᱰᱟᱹᱱᱤ ᱞᱮᱠᱟᱛᱮ ᱠᱟᱹᱢᱤ ᱮᱦᱚᱵ ᱠᱮᱫᱼᱟ ᱾^[᱔] ᱮᱴᱟᱜ ᱛᱷᱤᱨ ᱯᱷᱤᱞᱢ ᱠᱚ ᱡᱟᱦᱟᱸᱨᱮ ᱩᱱᱤ ᱠᱟᱹᱢᱤ ᱟᱠᱟᱫᱼᱟ ᱚᱱᱟ ᱠᱚᱫᱚ ᱦᱩᱭᱩᱜ ᱠᱟᱱᱟ ᱵᱤᱜᱽᱨᱚᱦᱚ (᱑᱙᱓᱐) ᱟᱨ ᱚᱵᱷᱤᱥᱮᱠ (᱑᱙᱓᱑) ᱾ ᱱᱚᱣᱟ ᱚᱠᱛᱚ ᱨᱮ ᱩᱱᱤ ᱫᱚ ᱠᱚᱞᱚᱢᱵᱤᱭᱟ ᱨᱮᱠᱚᱨᱰᱥ (ᱥᱤᱧᱚᱛ) ᱟᱨ ᱚᱱᱟ ᱛᱟᱭᱚᱢ ᱦᱤᱱᱫᱩᱥᱛᱷᱟᱱ ᱢᱤᱣᱡᱤᱠᱟᱞ ᱯᱨᱚᱰᱚᱠᱴᱥ ᱞᱟᱹᱜᱤᱫ ᱢᱟᱹᱱᱤᱡ ᱩᱢᱟ ᱫᱮᱵᱤ ᱧᱩᱛᱩᱢ ᱛᱮ ᱥᱮᱨᱮᱧ ᱨᱮᱠᱚᱨᱰ ᱮ ᱮᱛᱚᱦᱚᱵ ᱠᱮᱫᱼᱟ ᱾ ^{[ᱥᱟᱹᱠᱭᱟᱹᱛ ᱞᱟᱹᱠᱛᱤ ᱠᱟᱱᱟ]} ᱩᱢᱟ ᱥᱚᱥᱤ ᱟᱭᱢᱟ ᱛᱷᱤᱨ ᱯᱷᱤᱞᱢ ᱨᱮ ᱠᱷᱮᱞᱚᱸᱰᱟᱹᱱᱤ ᱞᱮᱠᱟᱛᱮᱭ ᱧᱮᱞ ᱟᱠᱟᱱᱟ ᱾ ᱑᱙᱓᱑ ᱥᱟᱞᱮ ᱨᱮ, ᱩᱱᱤ ᱫᱚ ᱯᱩᱭᱞᱩ ᱵᱟᱝᱞᱟ ᱨᱚᱲ ᱯᱷᱤᱞᱢ (sound film), ᱫᱮᱱᱟ ᱯᱟᱣᱱᱟ (᱑᱙᱓᱑) ᱨᱮᱭ ᱧᱮᱞ ᱞᱮᱱᱟ,^[᱕] ᱡᱟᱦᱟᱸ ᱫᱚ ᱢᱤᱫ ᱢᱟᱨᱟᱝ ᱦᱤᱴ ᱯᱷᱤᱞᱢ ᱛᱟᱦᱮᱸ ᱠᱟᱱᱟ ᱾ ᱱᱚᱣᱟ ᱯᱷᱤᱞᱢ ᱨᱮ ᱩᱱᱤ ᱫᱚ ᱜᱟᱡᱚᱱ ᱨᱮᱱᱟᱜ ᱢᱤᱫ ᱵᱷᱤᱲ ᱨᱮᱭ ᱠᱟᱹᱢᱤ ᱞᱮᱫᱼᱟ ᱟᱨ ᱢᱤᱥ ᱚᱵᱷᱟᱵᱚᱛᱤ ᱥᱟᱶ "ᱵᱟᱵᱟ ᱟᱯᱚᱱ ᱵᱷᱳᱞᱟ ᱢᱳᱫᱮᱨ ᱯᱟᱜᱚᱞ ᱪᱷᱮᱞᱮ" ᱥᱮᱨᱮᱧ ᱦᱚᱸᱭ ᱥᱮᱨᱮᱧ ᱞᱮᱫᱼᱟ ᱾ ᱩᱱᱤ ᱫᱚ ᱧᱩᱛᱩᱢᱟᱱ ᱥᱮᱨᱮᱧ ᱰᱟᱭᱨᱮᱠᱴᱚᱨ ᱯᱚᱝᱠᱚᱡᱽ ᱠᱩᱢᱟᱨ ᱢᱚᱞᱞᱤᱠ ᱴᱷᱮᱱ ᱠᱷᱚᱱ ᱥᱮᱨᱮᱧ ᱨᱮᱱᱟᱜ ᱥᱮᱪᱮᱫ ᱮ ᱦᱟᱛᱟᱣ ᱞᱮᱫᱼᱟ ᱟᱨ ᱫᱷᱟᱹᱨᱛᱤ ᱢᱟᱛᱟ ᱯᱷᱤᱞᱢ ᱞᱟᱹᱜᱤᱫ ᱩᱱᱤ ᱥᱟᱶ 'ᱫᱩᱱᱤᱭᱟ ᱨᱚᱝ ᱨᱚᱝᱜᱤᱞᱤ ᱵᱟᱵᱟ' ᱞᱮᱠᱟᱱ ᱥᱮᱨᱮᱧ ᱮ ᱨᱮᱠᱚᱨᱰ ᱞᱮᱫᱼᱟ ᱾^[᱖] ᱩᱢᱟ ᱥᱚᱥᱤ ᱟᱜ ᱯᱩᱭᱞᱩ ᱢᱩᱬᱩᱛ ᱪᱩᱨᱤᱛ ᱫᱚ ᱱᱤᱭᱩ ᱛᱷᱤᱭᱮᱴᱚᱨᱥ ᱨᱮᱱᱟᱜ ᱯᱷᱤᱞᱢ ᱪᱚᱱᱰᱤᱫᱟᱥ (᱑᱙᱓᱒) ᱨᱮ ᱛᱟᱦᱮᱸ ᱠᱟᱱᱟ ᱡᱟᱦᱟᱸᱨᱮ ᱩᱱᱤ ᱫᱚ ᱨᱟᱢᱤ ᱭᱟᱜ ᱪᱩᱨᱤᱛ ᱮ ᱜᱚᱜ ᱞᱮᱫᱼᱟ ᱾

ᱱᱤᱡᱮᱨᱟᱜ ᱡᱤᱭᱚᱱ

ᱩᱢᱟ ᱥᱚᱥᱤ ᱫᱚ ᱢᱟᱱ ᱜᱩᱨᱩ ᱯᱨᱚᱥᱟᱫᱽ ᱫᱮᱵᱽ ᱥᱟᱶ ᱮ ᱵᱟᱯᱞᱟ ᱞᱮᱱᱟ, ᱡᱟᱦᱟᱸᱭ ᱫᱚ ᱢᱤᱫ ᱩᱠᱤᱞ ᱮ ᱛᱟᱦᱮᱸ ᱠᱟᱱᱟ ᱟᱨ ᱥᱳᱵᱷᱟᱵᱟᱡᱟᱨ ᱨᱟᱡᱽᱵᱟᱲᱤ ᱨᱤᱱᱤᱡ ᱥᱚᱦᱮᱫ ᱮ ᱛᱟᱦᱮᱸ ᱠᱟᱱᱟ ᱾ ᱱᱚᱣᱟ ᱫᱚ ᱩᱱ ᱚᱠᱛᱚ ᱨᱮ ᱦᱩᱭ ᱞᱮᱱᱟ ᱡᱚᱠᱷᱚᱱ ᱩᱱᱤ ᱟᱡᱟᱜ ᱠᱟᱹᱢᱤ ᱡᱤᱭᱚᱱ ᱨᱮᱱᱟᱜ ᱡᱚᱛᱚ ᱠᱷᱚᱱ ᱪᱮᱛᱟᱱ ᱨᱮᱭ ᱛᱟᱦᱮᱸ ᱠᱟᱱᱟ ᱾ ᱩᱱ ᱫᱤᱱ ᱨᱮ ᱢᱤᱫ ᱜᱞᱮᱢᱟᱨᱚᱥ ᱠᱷᱮᱞᱚᱸᱰᱟᱹᱱᱤ ᱞᱟᱹᱜᱤᱫ ᱱᱚᱝᱠᱟᱱ ᱨᱩᱠᱷᱤᱭᱟᱹ ᱜᱷᱟᱨᱚᱸᱡᱽ ᱨᱤᱱᱤᱡ ᱥᱚᱦᱮᱫ ᱵᱮᱱᱟᱣ ᱫᱚ ᱟᱞᱜᱟ ᱵᱟᱝ ᱛᱟᱦᱮᱸ ᱠᱟᱱᱟ ᱾ ᱚᱱᱟᱛᱮ ᱩᱱᱤ ᱫᱚ ᱢᱟᱱ ᱜᱩᱨᱩ ᱯᱨᱚᱥᱟᱫᱽ ᱫᱮᱵᱽ ᱟᱜ ᱦᱟᱯᱲᱟᱢ ᱚᱲᱟᱜ ᱨᱮ ᱵᱚᱞᱚᱱ ᱞᱟᱹᱜᱤᱫ ᱟᱹᱰᱤ ᱫᱤᱱ ᱛᱟᱺᱜᱤ ᱦᱩᱭ ᱟᱫᱮᱭᱟ ᱾ ^{[ᱥᱟᱹᱠᱭᱟᱹᱛ ᱞᱟᱹᱠᱛᱤ ᱠᱟᱱᱟ]} ᱩᱢᱟ ᱥᱚᱥᱤ ᱫᱚ ᱜᱩᱨᱩ ᱯᱨᱚᱥᱟᱫᱽ ᱫᱮᱵᱽ ᱨᱤᱱᱤᱡ ᱫᱚᱥᱟᱨ ᱵᱟᱹᱦᱩᱭ ᱛᱟᱦᱮᱸ ᱠᱟᱱᱟ ᱟᱨ ᱟᱡ ᱡᱟᱶᱟᱭ ᱟᱜ ᱚᱲᱟᱜ ᱫᱚ ᱩᱱᱤ ᱨᱤᱱᱤᱡ ᱯᱩᱭᱞᱩ ᱵᱟᱹᱦᱩ ᱥᱟᱶ ᱦᱟᱹᱴᱤᱧ ᱦᱩᱭ ᱟᱫᱮᱭᱟ ᱾ ᱛᱟᱭᱚᱢ ᱛᱮ ᱩᱱᱤ ᱨᱤᱱ ᱯᱮᱭᱟ ᱠᱚᱲᱟ ᱟᱨ ᱢᱤᱫ ᱠᱩᱲᱤ ᱜᱤᱫᱽᱨᱟᱹ ᱠᱚ ᱦᱩᱭ ᱮᱱᱟ ᱾ ᱵᱟᱯᱞᱟ ᱛᱟᱭᱚᱢ ᱩᱱᱤ ᱫᱚ ᱯᱷᱤᱞᱢ ᱤᱱᱰᱟᱥᱴᱨᱤ ᱠᱷᱚᱱ ᱵᱟᱦᱨᱮ ᱨᱮᱜᱮᱭ ᱛᱟᱦᱮᱸ ᱮᱱᱟ ᱾ ᱟᱡᱟᱜ ᱛᱟᱭᱚᱢ ᱡᱤᱭᱚᱱ ᱨᱮ, ᱩᱢᱟ ᱥᱚᱥᱤ ᱫᱚ ᱛᱤᱱᱟᱹᱜ ᱫᱷᱟᱣ ᱯᱨᱤᱱᱴ ᱟᱨ ᱤᱞᱮᱠᱴᱨᱚᱱᱤᱠ ᱢᱤᱰᱤᱭᱟ ᱨᱮ ᱤᱱᱴᱟᱨᱵᱷᱤᱭᱩ ᱮᱢ ᱟᱠᱟᱫᱼᱟ ᱟᱨ ᱟᱹᱰᱤ ᱠᱚᱢ ᱜᱮ ᱯᱷᱤᱞᱢ ᱯᱷᱚᱝᱥᱚᱱ ᱠᱚᱨᱮᱭ ᱥᱮᱞᱮᱫ ᱟᱠᱟᱱᱟ ᱾ ^{[ᱥᱟᱹᱠᱭᱟᱹᱛ ᱞᱟᱹᱠᱛᱤ ᱠᱟᱱᱟ]}

ᱜᱩᱨ

ᱩᱢᱟ ᱥᱚᱥᱤ ᱫᱚ ᱖ ᱰᱤᱥᱮᱢᱵᱚᱨ ᱒᱐᱐᱐ ᱨᱮᱭ ᱵᱚᱸᱜᱟ ᱛᱟᱞᱟ ᱭᱮᱱᱟ ᱾ ᱩᱱᱤᱭᱟᱜ ᱜᱩᱨ ᱠᱷᱚᱵᱚᱨ ᱫᱚ ᱛᱤᱱᱟᱹᱜ ᱫᱤᱱ ᱛᱟᱭᱚᱢ ᱢᱤᱰᱤᱭᱟ ᱨᱮ ᱵᱟᱰᱟᱭ ᱧᱟᱢ ᱮᱱᱟ ᱾

ᱥᱤᱨᱯᱷᱟᱹ ᱟᱨ ᱧᱩᱛᱩᱢ ᱪᱟᱞ

ᱩᱱᱤ ᱫᱚ ᱢᱩᱬᱩᱛ ᱯᱮᱲᱟ ᱞᱮᱠᱟᱛᱮ ᱵᱤ.ᱮᱯᱷ.ᱡᱮ.ᱮ ᱥᱤᱨᱯᱷᱟᱹ ᱪᱟᱞ ᱟᱠᱷᱲᱟ ᱨᱮᱭ ᱥᱮᱞᱮᱫ ᱞᱮᱱᱟ ᱾ ᱩᱱᱤ ᱫᱚ ᱒᱐᱐᱐ ᱥᱟᱞᱮ ᱨᱮ ᱞᱤᱵᱷᱤᱝ ᱞᱤᱡᱮᱱᱰ ᱞᱮᱠᱟᱛᱮ ᱦᱤᱨᱚ ᱦᱚᱱᱰᱟ ᱥᱤᱨᱯᱷᱟᱹᱭ ᱧᱟᱢ ᱞᱮᱫᱼᱟ ᱾

ᱯᱷᱤᱞᱢ ᱛᱟᱹᱞᱠᱟᱹ

ᱵᱚᱝᱜᱚᱵᱟᱞᱟ (᱑᱙᱒᱙)
ᱚᱵᱷᱤᱥᱮᱠ (᱑᱙᱓᱑)
ᱪᱚᱱᱰᱤᱫᱟᱥ (᱑᱙᱓᱒)
ᱵᱷᱟᱜᱽᱭᱚ ᱞᱚᱠᱷᱢᱤ (᱑᱙᱓᱒)
ᱵᱤᱥᱱᱩ ᱢᱟᱭᱟ (᱑᱙᱓᱒)
ᱵᱤᱥᱱᱩ ᱯᱨᱤᱭᱟ
ᱫᱮᱱᱟ ᱯᱟᱣᱱᱟ
ᱯᱩᱨᱚᱱ ᱵᱷᱚᱜᱚᱛ (᱑᱙᱓᱓)
ᱠᱚᱯᱟᱞᱠᱩᱱᱰᱚᱞᱟ (᱑᱙᱓᱓)
ᱪᱚᱱᱰᱤᱫᱟᱥ (᱑᱙᱓᱔)
ᱢᱚᱦᱚᱵᱵᱚᱛ ᱠᱤ ᱠᱚᱥᱳᱣᱴᱤ (ᱦᱤᱱᱫᱤ) / ᱨᱩᱯ ᱞᱮᱠᱷᱟ (ᱵᱟᱝᱞᱟ) (᱑᱙᱓᱔)
ᱰᱟᱹᱠᱩ ᱢᱚᱱᱥᱩᱨ (᱑᱙᱓᱔)
ᱫᱷᱩᱯ ᱪᱷᱟᱶ (᱑᱙᱓᱕)
ᱵᱷᱟᱜᱽᱭᱚ ᱪᱚᱠᱨᱚ (᱑᱙᱓᱕)
ᱚᱱᱟᱛᱷ ᱟᱥᱨᱚᱢ (᱑᱙᱓᱗)
ᱞᱮᱦᱚᱨᱤ ᱞᱩᱴᱮᱨᱟ (᱑᱙᱓᱗)
ᱫᱷᱟᱹᱨᱛᱤ ᱢᱟᱛᱟ (᱑᱙᱓᱘) (ᱦᱤᱱᱫᱤ) / ᱫᱮᱥᱮᱨ ᱢᱟᱴᱤ (ᱵᱟᱝᱞᱟ) (᱑᱙᱓᱘)
ᱞᱤᱞᱟ (᱑᱙᱔᱗) (ᱠᱟᱹᱦᱱᱤ ᱚᱱᱚᱞᱤᱭᱟᱹ) (ᱥᱠᱨᱤᱱ ᱚᱱᱚᱞᱤᱭᱟᱹ)
ᱡᱚᱭ ᱵᱷᱤᱢ (ᱩᱢᱟ ᱞᱮᱠᱟᱛᱮ) (᱑᱙᱔᱙)
ᱫᱤᱫᱟᱨ (᱑᱙᱕᱑)

ᱛᱩᱢᱟᱹᱞ ᱠᱚ

↑ "Umasashi". British Film Institute. Archived from the original on 12 March 2022.
↑ "Umasashi Discussion". moviechat.org.
↑ "Umasashi". myheritage.com.
↑ "Filmography details: Bangabala". Bengal Film Archive. Retrieved 2025-07-29.
↑ "DENA PAONA - Film Database - Movie Database". citwf.com. Archived from the original on 4 May 2007. Retrieved 23 October 2008.
↑ "Messages in black and white". The Hindu. Archived from the original on 2018-06-30. Retrieved 2024-02-03.

ᱵᱟᱦᱨᱮ ᱡᱚᱱᱚᱲ

ᱩᱢᱟ ᱥᱚᱥᱤ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)

[1] "Umasashi". British Film Institute. Archived from the original on 12 March 2022.

[2] "Umasashi Discussion". moviechat.org.

[3] "Umasashi". myheritage.com.

[4] "Filmography details: Bangabala". Bengal Film Archive. Retrieved 2025-07-29.

[5] "DENA PAONA - Film Database - Movie Database". citwf.com. Archived from the original on 4 May 2007. Retrieved 23 October 2008.

[6] "Messages in black and white". The Hindu. Archived from the original on 2018-06-30. Retrieved 2024-02-03.

[᱑]

[᱒]

[᱓]

[᱔]

[᱕]

[᱖]