ᱩᱢᱟ ᱨᱟᱢᱟ ᱨᱟᱣ
| ᱠᱮ ᱩᱢᱟ ᱨᱟᱢᱟ ᱨᱟᱣ | |
|---|---|
 ᱒᱐᱐᱔ ᱨᱮ | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | Uma Maheswari ᱔ ᱡᱩᱞᱟᱭ ᱑᱙᱓᱘ Visakhapatnam, India  |
| ᱥᱤᱨᱯᱷᱟᱹ | Kala Neerajanam, Sri Kala Poorna, Pratibha Puraskar, Sangeet Natak Akadmi Award. |
ᱠᱮ. ᱩᱢᱟ ᱨᱟᱢᱟ ᱨᱟᱣ (᱔ ᱡᱩᱞᱟᱭ ᱑᱙᱓᱘–᱒᱗ ᱚᱜᱚᱥᱴ ᱒᱐᱑᱖) ᱫᱚ ᱢᱤᱫ ᱥᱤᱧᱚᱛᱤᱭᱟ. ᱠᱩᱪᱤᱯᱩᱰᱤ ᱰᱮᱱᱥᱚᱨ,ᱠᱳᱨᱤᱭᱳᱜᱨᱟᱯᱷᱳᱨ, ᱠᱷᱚᱸᱫᱽᱨᱚᱸᱫᱤᱭᱟ. ᱥᱠᱚᱞᱟᱨ,ᱚᱱᱚᱞᱤᱭᱟ. ᱟᱨ ᱰᱮᱱᱥ ᱢᱟᱪᱮᱛ ᱠᱟᱱᱟᱭ ᱾ ᱑᱙᱘᱕ ᱥᱟᱞᱨᱮ,ᱦᱟᱭᱫᱨᱟᱵᱟᱫᱽ,ᱥᱤᱧᱚᱛ ᱨᱮ ᱞᱟᱥᱭᱟ ᱯᱨᱤᱭᱟ ᱰᱮᱱᱥ ᱮᱠᱟᱰᱮᱢᱤ (Lasya Priya Dance Academy) ᱫᱚ ᱟᱡᱜᱮ ᱵᱮᱨᱮᱫ ᱟᱠᱟᱫᱟᱭ ᱟᱨ ᱰᱟᱭᱨᱮᱴᱚᱨ ᱦᱚᱸ ᱠᱟᱱᱟᱭ ᱾ ᱒᱐᱐᱓ ᱥᱟᱞ ᱨᱮ, ᱟᱡᱟᱜ ᱵᱷᱟ.ᱜᱤ ᱠᱩᱪᱤᱯᱩᱰᱤ ᱮᱱᱮᱡᱽ ᱠᱷᱟ.ᱛᱤᱨ ᱥᱚᱝᱜᱤᱛ ᱱᱟᱴᱚᱠ ᱮᱠᱟᱰᱮᱢᱤ ᱟᱣᱟᱨᱰ (Sangeet Natak Akademi Award) ᱦᱚᱸᱭ ᱢᱟ.ᱱ ᱟᱠᱟᱱᱟ ᱾ ᱥᱤᱧᱚᱛ ᱥᱚᱨᱠᱟᱨᱟᱜ,ᱠᱳᱞᱪᱩᱨᱟᱞ ᱰᱤᱯᱟᱨᱴᱢᱮᱸᱴ ᱯᱟᱦᱴᱟ ᱠᱷᱚᱱ ᱡᱟ.ᱛᱤᱭᱟ.ᱨ ᱥᱤᱱᱤᱭᱚᱨ ᱯᱷᱮᱞᱳᱥᱤᱯ ᱦᱚᱸᱭ ᱟᱢᱮᱴ ᱟᱠᱟᱫᱟ ᱾
ᱟᱬᱜᱟᱛ ᱡᱤᱭᱚᱱ ᱟᱨ ᱥᱤᱠᱷᱱᱟ.ᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱡ ᱫᱚ ᱔ ᱡᱩᱞᱟᱭ ᱑᱙᱓᱘ ᱥᱟᱞ,ᱵᱤᱥᱟᱠᱷᱟᱯᱟᱴᱱᱟᱢ, ᱟᱱᱫᱨᱚᱯᱨᱚᱫᱮᱥ ᱨᱮ ᱢᱤᱫ ᱵᱷᱟᱫᱽᱫᱟᱫᱤ (Vaddadi) ᱜᱷᱟᱨᱚᱸᱡᱽ, (ᱟᱯᱟᱛ) ᱰᱨ. ᱵᱷᱤ.ᱵᱷᱤ. ᱠᱨᱤᱥᱱᱚ ᱨᱟᱣ (Dr. V. V.Krishna Rao) ᱟᱨ (ᱮᱸᱜᱟᱛ) ᱥᱳᱣᱵᱷᱟᱜᱽᱭᱚᱢ (Sowbhagyam) ᱛᱤᱠᱤᱱᱟᱜ ᱠᱚᱞᱮᱠᱩᱠᱷᱤᱨᱮ ᱡᱟᱱᱟᱢ ᱞᱮᱱᱟᱭ ᱾ ᱟᱡᱟᱜ ᱮᱛᱚᱦᱚᱵ ᱧᱩᱛᱩᱢ ᱫᱚ ᱩᱢᱟ ᱢᱟᱦᱮᱥᱣᱚᱨᱤ ᱛᱟᱦᱮᱸᱭᱟ ᱾ ᱜᱤᱫᱟ.ᱨ ᱩᱢᱮᱨ ᱠᱷᱚᱱᱜᱮ ᱥᱟᱶᱦᱮᱫ,ᱰᱮᱱᱥ,ᱢᱤᱸᱣᱡᱤᱠ ᱪᱮᱛᱟᱱ ᱨᱮ ᱜᱚᱨᱚᱡᱽ ᱜᱷᱟᱨᱚᱸᱡᱽ ᱥᱚᱦᱮᱫ ᱠᱚᱠᱚ ᱧᱮᱞ ᱞᱮᱫ ᱛᱟᱭᱟ ᱾ ᱚᱱᱟᱛᱮ ᱕ ᱥᱮᱨᱢᱟ ᱩᱢᱮᱨ ᱨᱮ ᱰᱮᱱᱥ ᱴᱨᱮᱱᱤᱝ ᱟᱥᱲᱟ ᱨᱮᱠᱚ ᱵᱷᱩᱨᱛᱤ ᱞᱮᱫᱮᱭᱟ ᱾ ᱟᱭᱢᱟ ᱜᱩᱨᱩ ᱠᱚᱴᱷᱮᱱ ᱠᱷᱚᱱ ᱥᱤᱠᱷᱱᱟ.ᱛ ᱧᱟᱢ ᱟᱠᱟᱫᱟᱭ,ᱩᱱᱠᱩ ᱠᱚᱫᱚ ᱡᱮᱢᱚᱱ ᱟᱪᱟᱨᱭᱡᱚ ᱯᱤ.ᱵᱷᱤ ᱱᱚᱨᱚᱥᱤᱢᱦᱟ ᱨᱟᱣ (Acharya P.V. Narasimha Rao),ᱯᱚᱫᱽᱢᱚᱥᱨᱤ ᱰᱨ. ᱱᱚᱴᱚᱨᱟᱡᱟ ᱨᱟᱢᱟ ᱠᱨᱤᱥᱱᱟ (Padmasri Dr. Nataraja Rama Krishna),ᱵᱨᱚᱦᱢᱚᱥᱨᱤ ᱵᱷᱮᱫᱟᱱᱛᱚᱢ ᱞᱚᱠᱥᱢᱤ ᱱᱟᱨᱟᱭᱚᱱᱟ ᱥᱟᱥᱛᱨᱤ Brahmasri Vedantam Lakshmi Narayana Sastri,ᱜᱩᱨᱩ ᱯᱚᱠᱠᱤᱨᱤᱥᱣᱟᱢᱤ ᱯᱤᱞᱟᱭᱤ (Guru Pakkiriswami Pillai) ᱟᱨ ᱜᱩᱨᱩ ᱥᱤ.ᱟᱨ ᱟᱪᱟᱨᱡᱚ (Guru C.R .Acharya),ᱡᱟᱦᱟᱸᱭ ᱫᱚ ᱠᱩᱪᱤᱯᱩᱰᱤ,ᱵᱷᱟᱨᱚᱛᱱᱟᱴᱭᱚᱢ ᱟᱨ ᱚᱡᱷᱟ-ᱥᱚᱠᱷᱟ ᱴᱨᱟᱰᱤᱥᱱᱟᱞ ᱰᱮᱱᱥᱚᱨ ᱠᱟᱱᱟᱭ ᱾ ᱤᱱᱟ. ᱛᱟᱭᱚᱢ ᱱᱚᱣᱟᱠᱚ ᱢᱟᱨᱮᱱ ᱛᱷᱤᱭᱚᱨᱤ ᱟᱨ ᱯᱨᱟᱠᱴᱤᱠᱟᱞ ᱮᱱᱮᱡ ᱦᱩᱱᱟ.ᱨ ᱛᱷᱚᱠ ᱨᱮ ᱯᱩᱨᱠᱷᱟ.ᱛ ᱞᱮᱱᱟᱭ ᱾ ᱟᱡᱟᱜ ᱯᱩᱭᱞᱩ ᱩᱢᱮᱨ ᱨᱮ ᱟᱡ ᱫᱟ.ᱭ ᱥᱩᱢᱟᱛᱷᱤ ᱠᱳᱣᱥᱚᱞ (Sumathy Kaushal) ᱥᱟᱶ ᱜᱩᱨᱩ ᱠᱚᱣᱟᱜ ᱫᱤᱥᱟ-ᱩᱫᱩᱜ ᱛᱮ ᱟᱭᱢᱟ ᱜᱟᱱ ᱴᱷᱟᱶᱨᱮ ᱯᱳᱨᱯᱷᱚᱨᱢᱟᱱᱥ ᱟᱠᱟᱫᱟᱠᱤᱱ ᱾ ᱑᱙᱕᱓-᱕᱕ ᱥᱟᱞ ᱨᱮ, ᱢᱟᱰᱨᱟᱥ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ ᱥᱟᱯᱲᱟᱣᱚᱜ ᱠᱟᱱ ᱠᱞᱟᱥᱤᱠᱟᱞ ᱢᱤᱸᱣᱡᱤᱠ,ᱰᱮᱱᱥ ᱵᱤᱱᱤᱰ ᱯᱟᱥ ᱞᱮᱜ-ᱟᱭ ᱾ ᱜᱩᱨᱩ ᱠᱚᱴᱷᱮᱱ ᱠᱷᱚᱱ ᱟ.ᱥᱤᱥ ᱧᱟᱢ ᱛᱟᱭᱚᱢ ᱟᱜᱟᱢ ᱜᱟᱬᱟᱠᱚ ᱥᱤᱠᱷᱱᱟ.ᱛ ᱮᱢᱟᱠᱚ ᱞᱟ.ᱜᱤᱱ ᱯᱚᱲᱦᱚᱱ ᱨᱮ ᱱᱤᱥᱟ. ᱞᱮᱱᱟᱭ ᱾ ᱳᱥᱢᱟᱱᱤᱭᱟ ᱡᱮᱜᱮᱛ-ᱵᱤᱨᱫᱟ.ᱜᱟᱲ (Osmania University),ᱦᱟᱭᱫᱨᱟᱵᱟᱫᱽ ᱠᱷᱚᱱ ᱠᱟ.ᱣᱰᱤ-ᱟ.ᱨᱤ ᱨᱮ ᱟ.ᱠᱤᱞᱢᱟᱱ ᱥᱤᱠᱷᱱᱟ.ᱛ ᱟᱢᱮᱴ ᱟᱠᱟᱫᱟᱭ ᱾
ᱯᱚᱨᱯᱷᱳᱨᱢᱟᱱᱥ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱴᱤᱪᱤᱝ ᱠᱮᱨᱤᱭᱚᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱢᱟ ᱫᱚ ᱛᱭᱟᱜᱟᱨᱟᱡᱟ (Tyagaraja) ᱥᱚᱨᱠᱟᱨᱤ ᱠᱚᱞᱮᱡᱽ, ᱦᱟᱭᱫᱨᱟᱵᱟᱫᱽ ᱨᱮ ᱑᱙᱖᱙ ᱠᱷᱚᱱ ᱑᱙᱘᱘ ᱦᱟ.ᱵᱤᱡ ᱢᱤᱸᱣᱡᱤᱠ ᱟᱨ ᱰᱮᱱᱥ ᱛᱷᱚᱱᱚᱛ ᱨᱤᱱ ᱥᱤᱱᱤᱭᱚᱨ ᱜᱟᱞᱚᱪᱤᱭᱟ. ᱛᱟᱦᱮᱸ ᱠᱟᱱᱟ ᱥᱟᱶᱛᱮ ᱵᱷᱟᱨᱚᱛᱱᱟᱴᱭᱚᱢ ᱮᱱᱮᱡ ᱨᱮ ᱥᱟᱨᱴᱤᱯᱷᱤᱠᱮᱴ-ᱠᱳᱨᱥ, ᱰᱤᱯᱞᱳᱢᱟ ᱟᱨ ᱰᱤᱜᱽᱨᱤ ᱠᱳᱨᱥ ᱟᱪᱮᱫᱤᱭᱟ. ᱠᱚᱦᱚᱸ ᱴᱨᱮᱱᱤᱝ ᱟᱠᱟᱫ ᱠᱚᱣᱟᱭ ᱾
ᱥᱤᱨᱯᱷᱟ. ᱟᱨ ᱢᱟ.ᱱᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱦᱚᱲ ᱰᱮᱱᱥ ᱨᱮ ᱞᱚᱭᱚᱝ,ᱱᱤᱥᱴᱷᱟ.,ᱱᱟᱯᱟᱭ ᱠᱟ.ᱢᱤᱠᱚ ᱧᱮᱞ ᱠᱟᱛᱮ ᱟᱭᱢᱟ ᱜᱚᱴᱟᱝ ᱥᱤᱨᱯᱷᱟ.,ᱢᱟ.ᱱ ᱠᱚᱭ ᱟᱢᱮᱴ ᱟᱠᱟᱜ-ᱟ ᱾ ᱚᱱᱟ ᱠᱚᱫᱚ ᱦᱭᱩᱜ ᱠᱟᱱᱟ
- ᱠᱚᱞᱟ ᱱᱤᱨᱚᱡᱚᱱᱚᱢ (Kala Neerajanam), ᱟᱱᱫᱷᱨᱚ ᱯᱨᱚᱫᱮᱥ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ ᱾
- ᱥᱚᱨᱮᱥ ᱢᱟᱪᱮᱛ ᱟᱣᱟᱨᱰ (Best Teacher award),ᱟᱱᱫᱷᱨᱚ ᱯᱨᱚᱫᱮᱥ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ ᱾
- ᱥᱨᱤ ᱠᱚᱞᱟ ᱯᱩᱨᱱᱟ ᱟᱣᱟᱨᱰ (Sri Kala Poorna),ᱥᱮᱸᱴ ᱟᱱᱱᱟᱢᱟᱪᱟᱨᱭᱟ ᱯᱨᱳᱡᱮᱴ ᱳᱯᱷ ᱱᱳᱨᱛᱷ ᱟᱢᱚᱨᱤᱠᱟ (SAPNA) ᱯᱟᱦᱴᱟ ᱠᱷᱚᱱ ᱾
- ᱯᱨᱚᱛᱤᱵᱷᱟ ᱯᱩᱨᱚᱥᱠᱟᱨ (Pratibha Puraskar), ᱯᱳᱴᱴᱤ ᱥᱨᱤᱨᱟᱢᱩᱞᱩ ᱛᱮᱞᱩᱜᱩ ᱡᱮᱜᱮᱛ-ᱵᱤᱨᱫᱟ.ᱜᱟᱲ (Potti Sreeramulu Telugu University),ᱦᱟᱭᱫᱨᱟᱵᱟᱫᱽ ᱠᱷᱚᱱ ᱾
- ᱥᱚᱝᱜᱤᱛ ᱱᱟᱴᱚᱠ ᱮᱠᱟᱰᱮᱢᱤ ᱥᱤᱨᱯᱷᱟ., ᱵᱤᱜᱽᱭᱟᱱ ᱵᱷᱚᱵᱚᱱ,ᱱᱟᱣᱟ ᱫᱤᱞᱞᱤ ᱒᱔ ᱚᱠᱴᱳᱵᱚᱨ ᱒᱐᱐᱔ ᱦᱤᱞᱚᱜ ᱟᱭᱟᱨ ᱫᱤᱥᱚᱢ ᱜᱚᱝᱠᱮ ᱢᱟ.ᱱ ᱮ.ᱯᱤ.ᱡᱮ ᱚᱵᱽᱫᱩᱞ ᱠᱟᱞᱟᱢ-ᱟᱜ ᱛᱤ ᱠᱷᱚᱱ ᱾