ᱩᱢᱟ ᱵᱷᱟᱨᱚᱛᱤ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱩᱢᱟ ᱵᱷᱟᱨᱚᱛᱤ
Uma Bharati in 2014.jpg
ᱩᱢᱟ ᱵᱷᱟᱨᱚᱛᱤ ᱒᱐᱑᱔ ᱨᱮ
ᱧᱩ ᱫᱟᱜ ᱟᱨ ᱱᱤᱨᱚᱲᱮᱛ ᱢᱚᱱᱛᱨᱤ
Assumed office
᱓ ᱥᱮᱯᱴᱮᱢᱵᱚᱨ ᱒᱐᱑᱗
ᱢᱟᱨᱟᱝ ᱢᱱᱛᱨᱤ ᱱᱚᱨᱮᱱᱫᱽᱨᱚ ᱢᱳᱫᱤ
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ ᱱᱚᱨᱮᱱᱫᱽᱨᱚ ᱥᱤᱝ ᱛᱚᱢᱟᱨ
Minister of Water Resources, River Development & Ganga Rejuvenation
ᱟᱹᱢᱟᱹᱞᱤ ᱨᱮ
᱑᱖ ᱢᱮ ᱒᱐᱑᱔ – ᱓ ᱥᱮᱯᱴᱮᱢᱵᱚᱨ ᱒᱐᱑᱗
ᱢᱟᱨᱟᱝ ᱢᱱᱛᱨᱤ ᱱᱚᱨᱮᱱᱫᱽᱨᱚ ᱢᱳᱫᱤ
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ ᱦᱚᱨᱤᱥ ᱨᱟᱣᱟᱛ
ᱛᱟᱭᱚᱢ ᱟᱹᱢᱟᱹᱞᱤᱭᱟᱹ ᱱᱤᱛᱤᱱ ᱜᱚᱰᱠᱚᱨᱤ
ᱯᱟᱨᱞᱤᱭᱟᱢᱮᱴ ᱥᱚᱦᱮᱛ, ᱞᱳᱠ ᱥᱚᱵᱷᱟ
Assumed office
᱑᱖ ᱢᱮ ᱒᱐᱑᱔
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ ᱯᱨᱚᱫᱤᱯ ᱡᱮᱱ ᱟᱫᱤᱛᱭᱚ
ᱵᱟᱪᱱᱟᱣ ᱮᱞᱮᱠᱟ ᱡᱷᱟᱱᱥᱤ, ᱩᱛᱚᱨ ᱯᱨᱚᱫᱮᱥ
᱑᱕ ᱟ.ᱱᱤᱡ ᱢᱚᱫᱷᱭᱚ ᱯᱨᱚᱫᱮᱥ ᱨᱤᱱᱤᱡ ᱥᱤᱨᱟ. ᱢᱚᱱᱛᱨᱤ
ᱟᱹᱢᱟᱹᱞᱤ ᱨᱮ
᱘ ᱰᱤᱥᱮᱢᱵᱚᱨ ᱒᱐᱐᱓ – ᱒᱒ ᱚᱜᱚᱥᱴ ᱒᱐᱐᱔
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ ᱫᱤᱜᱽᱵᱤᱡᱚᱭᱟ ᱥᱤᱝ
ᱛᱟᱭᱚᱢ ᱟᱹᱢᱟᱹᱞᱤᱭᱟᱹ ᱵᱟᱵᱩᱞᱟᱞ ᱜᱚᱣᱨ
ᱵᱟᱪᱱᱟᱣ ᱮᱞᱮᱠᱟ ᱢᱚᱞᱦᱟᱨᱟ
ᱯᱟᱨᱥᱚᱱᱟᱞ ᱵᱤᱵᱚᱨᱚᱱ
ᱡᱟᱱᱟᱢ ᱓ ᱢᱮ ᱑᱙᱕᱙ ( 1959-05-03) (᱖᱐ ᱥᱮᱨᱢᱟ)
ᱴᱤᱠᱟᱢᱜᱚᱰ, ᱢᱚᱫᱷᱭᱚ ᱯᱨᱚᱫᱮᱥ, ᱥᱤᱧᱚᱜ
ᱨᱟᱡᱽᱟᱹᱨᱤ ᱫᱚᱞ ᱵᱷᱟᱨᱚᱛᱤᱭᱚ ᱡᱚᱱᱛᱟ ᱯᱟᱴᱤ
ᱮᱴᱟᱜ ᱨᱟᱡᱽᱟᱹᱨᱤ
ᱥᱟᱹᱜᱟᱹᱭ

ᱵᱷᱟᱨᱚᱛᱤᱭᱚ

ᱡᱚᱱᱥᱚᱠᱛᱤ ᱯᱟᱴᱤ
ᱠᱟᱹᱢᱤ ᱥᱟᱶᱛᱟᱨᱤ, ᱨᱟᱡᱽᱟ.ᱨᱤ ᱠᱟ.ᱢᱤᱭᱟ.

ᱩᱢᱟ ᱥᱨᱤ ᱵᱷᱟᱨᱚᱛᱤ (ᱡᱟᱱᱟᱢ : ᱓ ᱢᱮ ᱑᱙᱕᱙ ᱥᱟᱞᱮ ᱨᱮ ᱢᱤᱫ ᱞᱳᱫᱷᱤ ᱨᱟᱡᱽᱯᱩᱛ ᱜᱷᱟᱨᱚᱸᱡᱽ ᱨᱮ) ᱥᱤᱧᱚᱛᱤᱭᱟ. ᱨᱟᱡᱽᱟ.ᱨᱤᱭᱟ. ᱠᱟᱱᱟᱭ ᱟᱨ ᱥᱤᱧᱚᱛ ᱨᱮᱭᱟᱜ ᱫᱟᱜ ᱥᱟᱯᱷᱟ ᱟᱨ ᱜᱟᱰᱟ ᱱᱟᱯᱟᱭ ᱫᱚᱦᱚ ᱟᱨ ᱜᱟᱝ ᱱᱟ.ᱭ ᱥᱟᱯᱷᱟ ᱫᱚᱦᱚᱭ ᱨᱤᱱᱤᱡ ᱢᱚᱱᱛᱨᱤ ᱠᱟᱱᱟᱭ ᱾ ᱱᱩᱭ ᱫᱚ ᱢᱚᱫᱷᱭᱚ ᱯᱨᱚᱫᱮᱥ ᱨᱤᱱᱤᱡ ᱥᱤᱨᱟ. ᱢᱚᱱᱛᱨᱤ ᱞᱮᱠᱟᱛᱮᱭ ᱛᱟᱦᱮᱸ ᱦᱩᱭ ᱟᱠᱟᱱᱟ ᱾ ᱟᱡ ᱫᱚ ᱜᱣᱟᱞᱤᱭᱚᱨ ᱨᱤᱱᱤᱡ ᱢᱟᱨᱟᱝ ᱨᱟ.ᱱᱤ ᱵᱤᱡᱚᱭᱨᱟᱡᱮ ᱥᱤᱸᱫᱷᱤᱭᱟᱭ ᱩᱵᱷᱨᱟ.ᱣ ᱞᱮᱫᱮᱭᱟ ᱾ ᱥᱟᱫᱷᱣᱤ ᱨᱤᱛᱚᱢᱵᱷᱚᱨᱟ ᱥᱟᱶ ᱟᱡ ᱫᱚ ᱨᱟᱢ ᱡᱚᱱᱢᱚᱵᱷᱩᱢᱤ ᱢᱤᱪᱷᱤᱞ ᱨᱮ ᱢᱟᱨᱟᱝ ᱴᱷᱟᱶ ᱮ ᱛᱚᱨᱟᱣ ᱟᱠᱟᱜᱼᱟ ᱾ ᱚᱱᱟ ᱚᱠᱛᱚ ᱨᱮ ᱟᱡᱟᱜ ᱠᱟ.ᱞᱠᱟ. ᱫᱚ ᱛᱟᱦᱮᱸ ᱠᱟᱱᱟ, ᱥᱨᱤ ᱨᱟᱢᱞᱟᱞᱟ ᱚᱲᱟᱜ ᱮ ᱦᱟ.ᱡᱩᱜᱼᱟ ᱢᱩᱫᱽᱨᱤ ᱫᱚ ᱟᱡ ᱜᱮᱭ ᱵᱮᱱᱟᱣᱟ ᱾

ᱩᱱᱤ ᱫᱚ ᱡᱩᱣᱟ.ᱱ ᱚᱠᱛᱚ ᱨᱮᱜᱮ ᱵᱷᱟᱨᱚᱛᱤᱭᱟ. ᱡᱚᱱᱛᱟ ᱯᱟᱴᱤ ᱥᱟᱶ ᱮ ᱡᱩᱲᱟ.ᱭ ᱞᱮᱱ ᱛᱟᱦᱮᱸᱫ ᱾ ᱟᱡ ᱫᱚ ᱑᱙᱘᱔ ᱥᱟᱞᱮᱨᱮ ᱡᱚᱛᱚ ᱠᱷᱚᱱ ᱯᱩᱭᱞᱩ ᱫᱚ ᱞᱳᱠ ᱥᱚᱵᱷᱟ ᱞᱟ.ᱜᱤᱫ ᱵᱟᱪᱷᱱᱟᱣ ᱨᱮᱭ ᱛᱤᱸᱜᱩ ᱞᱮᱱᱟ ᱤᱠᱷᱟ.ᱱ ᱮ ᱦᱟᱨᱟᱣ ᱮᱱᱟ ᱾ ᱑᱙᱘᱙ ᱥᱟᱞᱮᱨᱮ ᱞᱳᱠ ᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱟᱡ ᱫᱚ ᱠᱷᱚᱡᱩᱨᱟᱦᱚ ᱥᱚᱝᱥᱚᱫᱤᱭᱟ. ᱴᱚᱴᱷᱟ ᱠᱷᱚᱱ ᱥᱟᱝᱥᱚᱫᱽ ᱮ ᱵᱟᱪᱷᱚᱱ ᱮᱱᱟ ᱟᱨ ᱑᱙᱙᱑, ᱑᱙᱙᱖ ᱟᱨ ᱑᱙᱙᱘ ᱥᱟᱞᱮ ᱨᱮ ᱫᱚ ᱱᱚᱣᱟ ᱢᱟ.ᱪᱤ ᱛᱚᱸᱜᱮ ᱛᱟᱦᱮᱸ ᱮᱱᱟ ᱾ ᱑᱙᱙᱙ ᱥᱟᱞᱮᱨᱮ ᱟᱡ ᱫᱚ ᱵᱷᱳᱯᱟᱞ ᱥᱤᱴ ᱠᱷᱚᱱ ᱥᱟᱝᱥᱚᱫᱽ ᱮ ᱵᱟᱪᱷᱚᱱ ᱮᱱᱟ ᱾ ᱵᱟᱡᱽᱯᱮᱭᱤ ᱥᱚᱨᱠᱟᱨ ᱨᱮ ᱟᱡ ᱫᱚ ᱦᱩᱢᱟᱱ ᱨᱤᱥᱚᱨᱪ ᱰᱮᱵᱽᱞᱚᱯᱢᱮᱴ, ᱴᱩᱨᱤᱥᱢ, ᱭᱩᱛᱷ ᱟᱯᱷᱮᱨᱥ ᱟᱨ ᱠᱷᱮᱞᱚᱸᱰ ᱟᱨ ᱢᱩᱪᱟ.ᱫ ᱨᱮ ᱠᱩᱭᱞᱟ. ᱟᱨ ᱠᱷᱟᱫᱟᱱ ᱞᱮᱠᱟᱱ ᱯᱚᱱᱚᱛ ᱛᱷᱚᱱᱚᱛᱤᱭᱟ. ᱟᱨ ᱠᱮᱵᱤᱱᱮᱴ ᱛᱷᱚᱱᱚᱠ ᱨᱮᱭᱟᱜ ᱵᱤᱵᱷᱟᱜᱽ ᱨᱮᱭ ᱠᱟ.ᱢᱤ ᱟᱠᱟᱜᱼᱟ ᱾

᱒᱐᱐᱓ ᱥᱟᱞᱮ ᱨᱮ ᱢᱚᱫᱷᱭᱚ ᱯᱨᱚᱫᱮᱥ ᱵᱤᱫᱷᱟᱱ ᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱟᱡᱟᱜ ᱧᱮᱞ ᱡᱚᱛᱚᱱ ᱨᱮ ᱵᱷᱟᱡᱽᱯᱟ ᱫᱚ ᱯᱮᱼᱯᱩᱱᱟᱜ ᱢᱚᱱᱚᱛ ᱮ ᱟᱢᱮᱴ ᱠᱮᱜᱼᱟ ᱟᱨ ᱥᱤᱨᱟ. ᱢᱚᱱᱛᱨᱤ ᱵᱮᱱᱟᱣ ᱮᱱᱟᱭ ᱾ ᱚᱜᱚᱥᱴ ᱒᱐᱐᱔ ᱨᱮ ᱟᱡ ᱫᱚ ᱥᱤᱨᱟ. ᱢᱚᱱᱛᱨᱤ ᱯᱚᱫᱽ ᱫᱚᱭ ᱟᱲᱟᱜ ᱵᱟ.ᱜᱤᱭᱟᱫᱼᱟ, ᱛᱤᱱ ᱡᱚᱦᱚᱜ ᱟᱡ ᱵᱤᱨᱩᱫᱷ ᱨᱮ ᱦᱩᱵᱽᱞᱤ ᱜᱷᱟᱢᱟᱜᱷᱳᱲ ᱪᱮᱛᱟᱱ ᱨᱮ ᱟᱡ ᱧᱩᱛᱩᱢ ᱛᱮ ᱦᱟ.ᱲᱤ ᱨᱮᱭᱟᱜ ᱣᱟᱨᱚᱸᱴ ᱥᱚᱫᱚᱨ ᱮᱱᱟ ᱾[᱑]

ᱮᱛᱚᱦᱚᱵ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱩᱢᱟ ᱵᱷᱟᱨᱚᱛᱤ ᱭᱟᱜ ᱡᱟᱱᱟᱢ ᱫᱚ ᱴᱤᱠᱚᱢᱜᱚᱰ ᱦᱚᱱᱚᱛ ᱨᱮᱭᱟᱜ ᱰᱩᱸᱰᱟ ᱧᱩᱛᱩᱢᱟᱱ ᱴᱷᱟᱶ ᱨᱮ ᱦᱩᱭ ᱞᱮᱱᱟ ᱾ ᱟᱡᱟᱜ ᱥᱮᱪᱮᱫ ᱫᱚ ᱛᱩᱨᱩᱭ ᱪᱟᱸᱫᱚ ᱫᱷᱟ.ᱵᱤᱡ ᱦᱩᱭ ᱟᱠᱟᱱᱟ ᱾ ᱩᱱᱤ ᱫᱚ ᱜᱤᱫᱽᱨᱟ. ᱠᱷᱚᱱ ᱜᱮ ᱟ.ᱰᱤ ᱥᱟᱦᱥᱤᱭ ᱛᱟᱦᱮᱸ ᱠᱟᱱᱟ ᱾ ᱟᱡ ᱴᱷᱮᱱ ᱥᱟᱦᱟᱥ ᱟᱨ ᱟ.ᱜᱩᱣᱟ.ᱱᱚᱜ ᱨᱮᱭᱟᱜ ᱫᱚ ᱜᱤᱫᱽᱨᱟ. ᱠᱷᱚᱱ ᱜᱮ ᱧᱮᱞ ᱟᱠᱟᱱ ᱛᱟᱦᱮᱸᱫ ᱾ ᱟᱡ ᱫᱚ ᱞᱳᱫᱷᱤ ᱥᱚᱢᱩᱫᱟᱭ ᱨᱮᱭ ᱦᱟ.ᱡᱩᱜᱼᱟ ᱾[᱒]

ᱨᱟᱡᱽᱟ.ᱨᱤ ᱵᱟᱝᱠᱩᱥᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱵᱷᱮᱢᱵᱚᱨ ᱒᱐᱐᱔ ᱨᱮ ᱞᱟᱞ ᱠᱨᱩᱥᱱᱚ ᱟᱰᱵᱟᱬᱤ ᱭᱟᱜ ᱜᱟᱞᱢᱟᱨᱟᱣ ᱛᱟᱭᱚᱢ ᱟᱡ ᱫᱚ ᱵᱷᱟᱡᱽᱯᱟ ᱠᱷᱚᱱ ᱠᱚ ᱚᱰᱚᱠ ᱜᱤᱰᱤ ᱠᱟᱫᱮᱭᱟ ᱾ ᱒᱐᱐᱕ ᱨᱮ ᱩᱱᱤᱭᱟᱜ ᱵᱟᱨᱚᱱ ᱚᱠᱛᱚ ᱪᱟᱵᱟᱭᱮᱱᱟ ᱟᱨ ᱟᱡ ᱫᱚ ᱯᱟᱨᱴᱤ ᱨᱮᱭᱟᱜ ᱥᱚᱝᱥᱚᱫᱤᱭᱟ. ᱵᱚᱰ ᱨᱮ ᱴᱷᱟᱶ ᱮ ᱧᱟᱢ ᱠᱮᱜᱼᱟ ᱾ ᱱᱤᱭᱟ. ᱥᱮᱨᱢᱟ ᱜᱮ ᱟᱡ ᱫᱚ ᱯᱟᱴᱤ ᱠᱷᱚᱱ ᱮ ᱥᱟᱦᱟᱭᱮᱱᱟ ᱪᱮᱫᱟᱜ ᱥᱮ ᱟᱡᱤᱡ ᱦᱮᱯᱨᱟᱣᱤᱭᱟ. ᱥᱤᱵᱽᱨᱟᱡᱽ ᱥᱤᱝ ᱪᱚᱣᱦᱟᱱ ᱫᱚ ᱢᱚᱫᱷᱭᱚ ᱯᱨᱚᱫᱮᱥ ᱨᱤᱲᱤᱡ ᱥᱤᱨᱟ. ᱢᱚᱱᱛᱨᱤ ᱠᱚ ᱵᱮᱱᱟᱣ ᱠᱮᱫᱮᱭᱟ ᱾ ᱱᱤᱭᱟ. ᱚᱠᱛᱚ ᱨᱮ ᱟᱡ ᱫᱚ ᱵᱷᱟᱨᱚᱛᱤᱭᱟ. ᱡᱚᱱᱥᱚᱠᱛᱤ ᱯᱟᱴᱤ ᱧᱩᱛᱩᱢ ᱟ.ᱱᱤᱡ ᱢᱤᱫ ᱵᱷᱮᱜᱟᱨ ᱯᱟᱴᱤᱭ ᱵᱮᱱᱟᱣ ᱠᱮᱜᱼᱟ ᱾

᱗ ᱡᱩᱱ ᱒᱐᱑᱑ ᱨᱮ ᱟᱡ ᱫᱚ ᱟᱨ ᱦᱚᱸ ᱵᱷᱟᱡᱽᱯᱟ ᱨᱮᱭ ᱨᱩᱣᱟ.ᱲ ᱦᱮᱡ ᱮᱱᱟ ᱾ ᱩᱛᱚᱨ ᱯᱨᱚᱫᱮᱥ ᱨᱮ ᱯᱟᱴᱤ ᱨᱮᱭᱟᱜ ᱦᱟᱞᱚᱛ ᱥᱤᱫᱷᱨᱟ.ᱣ ᱞᱟ.ᱜᱤᱫ ᱩᱱᱤ ᱫᱚ "ᱜᱟᱝ ᱫᱩᱜ" ᱦᱩᱞᱥᱟ.ᱭ ᱮ ᱮᱛᱚᱦᱚᱵ ᱠᱮᱜᱼᱟ ᱾ [᱓]

ᱢᱟᱨᱪ ᱒᱐᱑᱒ ᱨᱮ ᱦᱩᱭ ᱮᱱ ᱩᱛᱚᱨ ᱯᱨᱚᱫᱮᱥ ᱵᱤᱫᱷᱟᱱ ᱥᱚᱵᱷᱟ ᱵᱟᱪᱷᱱᱟᱣ ᱨᱮ ᱟᱡ ᱫᱚ ᱢᱚᱦᱳᱵᱟ ᱦᱚᱱᱚᱛ ᱨᱮᱭᱟᱜ ᱪᱚᱨᱠᱷᱟᱨᱤ ᱥᱤᱴ ᱠᱷᱚᱱ ᱵᱤᱫᱷᱟᱱ ᱥᱚᱵᱷᱟ ᱥᱚᱦᱮᱛ ᱞᱮᱠᱟᱛᱮᱭ ᱵᱟᱪᱷᱚᱱ ᱮᱱᱟ ᱾ ᱟᱡ ᱫᱚ ᱥᱮᱨᱢᱟ ᱒᱐᱑᱔ ᱥᱟᱞᱮ ᱨᱮ ᱡᱷᱟᱸᱥᱤ ᱞᱳᱠ ᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ ᱠᱷᱚᱱ ᱑᱖ ᱟ.ᱱᱤᱡ ᱞᱳᱠ ᱥᱚᱵᱷᱟ ᱨᱤᱱᱤᱡ ᱥᱟᱝᱥᱚᱫᱽ ᱞᱮᱠᱟᱛᱮᱭ ᱵᱟᱪᱷᱚᱱ ᱟᱠᱟᱱᱟ ᱟᱨ ᱟᱡ ᱫᱚ ᱢᱳᱫᱤᱭᱟᱜ ᱢᱚᱱᱛᱨᱤ ᱢᱟᱰᱣᱟ ᱨᱮ ᱫᱟᱜ ᱛᱚᱦᱚᱨ, ᱜᱟᱰᱟ ᱩᱛᱱᱟ.ᱣ ᱟᱨ ᱜᱟᱝ ᱱᱟ.ᱭ ᱥᱟᱯᱷᱟᱭ ᱞᱟ.ᱜᱤᱫ ᱢᱚᱱᱛᱨᱤᱭ ᱵᱮᱱᱟᱣ ᱟᱠᱟᱱᱟ ᱾

ᱞᱮᱠᱟᱱ ᱞᱮᱠᱟᱱ ᱯᱚᱫᱽ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱩᱢᱟ ᱵᱷᱟᱨᱚᱛᱤ ᱫᱚ ᱞᱟᱛᱟᱨ ᱨᱮ ᱮᱢ ᱮᱱ ᱯᱚᱫᱽ ᱠᱚᱨᱮᱭ ᱛᱟᱦᱮᱸ ᱟᱠᱟᱱᱟ:[᱒]

  • ᱑᱙᱘᱘: ᱢᱚᱫᱷᱭᱚ ᱯᱨᱚᱫᱮᱥ ᱵᱤᱡᱮᱯᱤ ᱡᱚᱜᱚ ᱯᱟᱨᱥᱮᱛ ᱾
  • ᱑᱙᱘᱙: ᱠᱷᱚᱡᱩᱨᱟᱦᱚ ᱠᱷᱚᱱ ᱮᱢᱯᱤ ᱾
  • ᱑᱙᱙᱐: ᱠᱤᱨᱥᱤ ᱢᱚᱱᱛᱨᱤᱥᱟᱲᱟ ᱨᱮ ᱫᱤᱥᱟ. ᱩᱫᱩᱜ ᱠᱩᱢᱩᱴ ᱨᱤᱱᱤᱡ ᱥᱚᱦᱮᱛ ᱾
  • ᱑᱙᱙᱑: ᱠᱷᱚᱡᱩᱨᱟᱦᱚ ᱠᱷᱚᱱ ᱟᱨ ᱦᱚᱸ ᱮᱢᱯᱤ ᱾
  • ᱑᱙᱙᱑-᱑᱙᱙᱓: ᱯᱤ.ᱮ.ᱥᱤ. ᱨᱤᱱᱤᱡ ᱥᱚᱦᱮᱛ ᱾
  • ᱑᱙᱙᱓: BJYM ᱨᱤᱱᱤᱡ ᱯᱟᱨᱥᱮᱛ ᱾
  • ᱑᱙᱙᱖: ᱠᱷᱚᱡᱩᱨᱟᱦᱚ ᱠᱷᱚᱱ ᱟᱨ ᱦᱚᱸ ᱮᱢᱯᱤ ᱾
  • ᱑᱙᱙᱖-᱙᱗ : ᱥᱟᱸᱭᱤᱱᱥ ᱮᱸᱰ ᱴᱮᱠᱱᱚᱞᱳᱡᱤ ᱟᱨ ᱯᱷᱳᱨᱮᱥᱴ ᱮᱸᱰ ᱮᱱᱵᱷᱤᱨᱚᱸᱢᱮᱴ ᱠᱩᱢᱩᱴ ᱨᱤᱱᱤᱡ ᱥᱚᱦᱮᱛ ᱾
  • ᱑᱙᱙᱘: ᱠᱷᱚᱡᱩᱨᱟᱦᱚ ᱠᱷᱚᱱ ᱟᱨ ᱦᱚᱸ ᱮᱢᱯᱤ ᱾
  • ᱑᱙᱙᱘-᱙᱙ ᱠᱮᱵᱤᱱᱮᱴ ᱯᱚᱱᱚᱛ ᱢᱚᱱᱛᱨᱤ, ᱢᱟᱱᱚᱣᱟ ᱥᱩᱫᱷᱨᱟ.ᱣ ᱩᱛᱱᱟ.ᱣ ᱢᱚᱱᱛᱨᱤᱥᱟᱲᱟ ᱾
  • ᱑᱙᱙᱙: ᱵᱷᱳᱯᱟᱞ ᱠᱷᱚᱱ ᱮᱢᱯᱤ ᱾
  • ᱑᱓ ᱚᱠᱴᱚᱵᱚᱨ ᱑᱙᱙᱙ - ᱒ ᱯᱷᱮᱵᱽᱨᱩᱣᱟᱨᱤ ᱒᱐᱐᱐: ᱠᱮᱵᱤᱱᱮᱴ ᱯᱚᱱᱚᱛ ᱢᱚᱱᱛᱨᱤ (ᱤᱱᱰᱤᱯᱤᱱᱰᱮᱸᱴ ᱪᱟᱨᱡᱽ) ᱴᱩᱨᱤᱡᱤᱢ ᱾
  • ᱗ ᱱᱚᱵᱷᱮᱢᱵᱚᱨ ᱒᱐᱐᱐ - ᱒᱕ ᱚᱜᱚᱥᱴ ᱒᱐᱐᱒ : ᱠᱮᱵᱤᱱᱮᱴ ᱢᱚᱱᱛᱨᱤ, ᱡᱩᱣᱟ.ᱱ ᱢᱟᱢᱞᱟ ᱟᱨ ᱠᱷᱮᱞᱚᱸᱰ ᱾
  • ᱒᱖ ᱚᱜᱚᱥᱴ ᱒᱐᱐᱒ - ᱒᱙ ᱡᱟᱱᱩᱣᱟᱨᱤ ᱒᱐᱐᱓ : ᱠᱮᱵᱤᱱᱮᱴ ᱢᱚᱱᱛᱨᱤ, ᱠᱩᱭᱞᱟ. ᱟᱨ ᱠᱷᱟᱫᱟᱱ ᱾
  • ᱘ ᱰᱤᱥᱮᱢᱵᱚᱨ ᱒᱐᱐᱓ ᱼ ᱒᱓ ᱚᱜᱚᱥᱴ ᱒᱐᱐᱔: ᱢᱚᱫᱷᱭᱚ ᱯᱨᱚᱫᱮᱥ ᱨᱤᱱᱤᱡ ᱥᱤᱨᱟ. ᱢᱚᱱᱛᱨᱤ ᱾
  • ᱒᱐᱑᱒: ᱩᱛᱚᱨ ᱯᱨᱚᱫᱮᱥ ᱞᱮᱡᱤᱥᱞᱮᱴᱤᱵᱽ ᱟᱥᱮᱢᱵᱞᱤ ᱨᱤᱱᱤᱡ ᱮᱢᱮᱞᱮ ᱾
  • ᱒᱐᱑᱔ : ᱥᱤᱧᱚᱛ ᱨᱮᱭᱟᱜ ᱫᱟᱜ ᱛᱚᱦᱚᱨ, ᱱᱟ.ᱭ ᱩᱛᱱᱟ.ᱣ ᱟᱨ ᱜᱟᱝ ᱱᱟ.ᱭ ᱥᱟᱯᱷᱟ ᱫᱚᱦᱚᱭ ᱵᱟᱠᱷᱨᱟ ᱢᱚᱱᱛᱨᱤ ᱾

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. "BJP meet to decide Uma Bharati's fate". ᱫᱤ ᱴᱟᱭᱤᱢᱥ ᱚᱯᱷ ᱤᱱᱰᱤᱭᱟ. Archived from the original on 23 ᱚᱜᱚᱥᱴ 2004. Retrieved 20 ᱢᱟᱨᱪ 2009. [dead link]
  2. ᱒.᱐ ᱒.᱑ "Biographical Sketch — Member of Parliament - 13th Lok Sabha". Parliament of India. Retrieved 21 ᱡᱩᱱ 2013. 
  3. "Back to BJP". Economic Times. 7 ᱡᱩᱱ 2011. Retrieved 7 ᱡᱩᱱ 2011. 

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]