ᱩᱫᱚᱲᱟ ᱵᱽᱞᱚᱠ
ᱩᱫᱚᱲᱟ(ଉଦଳା/Udala): ᱳᱰᱤᱥᱟ ᱯᱚᱱᱚᱛ ᱢᱭᱩᱨᱵᱷᱸᱡᱽ ᱦᱚᱱᱚᱛ ᱨᱮᱱᱟᱜ ᱒᱖ ᱜᱚᱴᱟᱝ [᱑] ᱵᱽᱞᱚᱠ ᱠᱷᱚᱱ ᱢᱤᱫ ᱴᱟᱝ ᱵᱽᱞᱚᱠ ᱦᱩᱭᱩᱜ ᱠᱟᱱᱟ ᱩᱫᱚᱲᱟ ᱵᱽᱞᱚᱠ ᱾ ᱵᱮᱵᱛᱱᱚᱴᱤ ᱵᱽᱞᱚᱠ ᱫᱚ ᱳᱰᱤᱥᱟ ᱯᱚᱱᱚᱛ ᱨᱮᱱᱟᱜ ᱢᱚᱭᱩᱨᱵᱷᱚᱸᱡᱽ ᱦᱚᱱᱚᱛ ᱨᱮ ᱢᱮᱱᱟᱜ-ᱟ ᱾ ᱱᱚᱣᱟ ᱫᱚ ᱢᱚᱭᱩᱨᱵᱷᱚᱸᱡᱽ ᱨᱮᱱᱟᱜ ᱢᱩᱠᱷᱤᱭᱟᱹ ᱥᱚᱫᱚᱨ ᱵᱟᱨᱤᱯᱚᱫᱟ ᱠᱷᱚᱱ ᱔᱖ᱹ᱕ ᱠᱤᱞᱚᱢᱤᱴᱚᱨ ᱱᱚᱧᱮ ᱨᱮ ᱢᱮᱱᱟᱜ-ᱟ ᱾ ᱵᱟᱨᱤᱯᱚᱫᱟ ᱠᱷᱚᱱ ᱑᱙ ᱱᱚᱢᱵᱚᱨ ᱯᱚᱱᱚᱛ ᱰᱟᱦᱟᱨᱛᱮ ᱔᱖ᱹ᱕ ᱠᱤᱞᱚᱢᱤᱴᱚᱨ ᱥᱟᱱ ᱠᱮᱨᱠᱳ, ᱰᱩᱠᱩᱨᱟ, ᱠᱷᱩᱱᱴᱟ ᱯᱟᱨᱚᱢ ᱟᱛᱮ ᱩᱫᱚᱲᱟ ᱧᱟᱢᱚᱜ-ᱟ ᱾ ᱵᱟᱞᱮᱥᱚᱨ ᱠᱷᱚᱱ ᱢᱤᱫ ᱦᱚᱲ ᱨᱮᱢᱩᱬᱟ -ᱢᱤᱛᱨᱚᱯᱩᱨ ᱦᱚᱨ ᱥᱮᱫ ᱛᱮ ᱟᱨ ᱵᱟᱝ ᱥᱮᱨᱜᱚᱰ -ᱱᱤᱞᱚᱜᱤᱨ ᱦᱚᱨ ᱛᱮ ᱩᱫᱚᱲᱟᱭ ᱥᱮᱴᱮᱨ ᱫᱟᱲᱮᱭᱟᱜ-ᱟ ᱾ ᱢᱤᱛᱨᱚᱯᱩᱨ ᱦᱚᱨ ᱛᱮᱫᱚ ᱔᱕ᱹ᱒ ᱠᱤᱞᱚᱢᱤᱴᱚᱨ ᱟᱨ ᱥᱮᱨᱜᱚᱰᱽ ᱱᱤᱞᱚᱜᱤᱨᱤ ᱦᱚᱨ ᱛᱮᱫᱚ ᱔᱘ᱹ᱙ ᱠᱤᱞᱚᱢᱤᱴᱚᱨ ᱞᱟᱜᱟᱣ-ᱟ ᱾ ᱢᱤᱫ ᱦᱚᱲ ᱵᱟᱞᱮᱥᱚᱨ ᱴᱨᱮᱱ ᱛᱮ ᱥᱚᱡᱷᱮ ᱥᱮᱴᱮᱨᱚᱜ ᱨᱮᱱᱟᱜ ᱰᱟᱦᱟᱨ ᱩᱫᱚᱲᱟ ᱛᱮ ᱵᱟᱹᱱᱩᱜ ᱟᱱᱟ, ᱵᱟᱞᱮᱥᱚᱨ,ᱵᱟᱨᱤᱯᱚᱫᱟ ᱱᱚᱣᱟ ᱨᱮᱱᱟᱜ ᱥᱩᱯᱩᱨ ᱨᱮᱞ ᱥᱴᱮᱥᱚᱱ ᱠᱟᱱᱟ ᱾ ᱚᱱᱰᱮᱠᱷᱚᱱ ᱴᱨᱮᱱ ᱛᱮ ᱟᱬᱜᱚ ᱟᱛᱮᱫ ᱵᱚᱥ ᱛᱮ ᱩᱫᱚᱲᱟ ᱪᱟᱞᱟᱜ ᱞᱟᱹᱜᱤᱫ ᱵᱷᱮᱜᱟᱨ ᱵᱚᱥ ᱥᱟᱵᱽ ᱦᱩᱭᱩᱜ-ᱟ ᱾ ᱠᱚᱲᱚᱜᱽᱯᱩᱨ ᱠᱷᱚᱱ ᱢᱤᱫ ᱦᱚᱲ ᱮ ᱦᱟᱹᱡᱩᱜ ᱠᱷᱟᱱ ᱜᱳᱯᱤᱵᱚᱞᱚᱵᱷᱯᱩᱨ ᱥᱮᱫ ᱛᱮ ᱵᱟᱹᱨᱤᱯᱚᱫᱟᱭ ᱥᱮᱴᱮᱨᱚᱜ ᱠᱷᱟᱱ ᱮ ᱥᱩᱨᱩᱜ-ᱟ, ᱵᱟᱨᱤᱯᱚᱫᱟ ᱠᱷᱚᱱ ᱩᱫᱚᱲᱟᱭ ᱪᱟᱞᱟᱜ-ᱟ ᱾ ᱵᱟᱨᱤᱯᱚᱫᱟ ᱥᱮᱫ ᱛᱮ ᱩᱫᱚᱲᱟ ᱫᱚ ᱠᱷᱚᱲᱚᱜᱽᱯᱩᱨ ᱠᱷᱚᱱ ᱑᱔᱐ ᱠᱤᱞᱚᱢᱤᱴᱚᱨ ᱦᱩᱭᱩᱜ-ᱟ ᱾
ᱥᱤᱢᱟᱹ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱵᱮᱱᱛᱱᱚᱴᱤ ᱵᱽᱞᱚᱠ ᱨᱮᱱᱟᱜ ᱥᱤᱢᱟᱹ ᱟᱭᱛᱟᱱ ᱫᱚ ᱒᱐᱙ᱹ᱓᱐ km² ᱠᱟᱱᱟ [᱒]᱾ ᱩᱫᱚᱲᱟ ᱵᱽᱞᱚᱠ ᱨᱮᱱᱟᱜ ᱥᱟᱢᱟᱝ ᱨᱮ ᱵᱟᱞᱮᱥᱚᱨ ᱦᱚᱱᱚᱛ, ᱮᱛᱚᱢ ᱨᱮ ᱥᱟᱢᱟᱠᱷᱩᱱᱴᱟ, ᱠᱷᱩᱱᱴᱟ ᱟᱨ ᱜᱳᱯᱳᱵᱚᱱᱫᱷᱩᱱᱚᱜᱚᱨ ᱵᱽᱞᱚᱠ ᱢᱮᱱᱟᱜ-ᱟ, ᱯᱟᱪᱮᱨᱮ ᱥᱤᱢᱤᱲᱤᱯᱟᱲ ᱨᱟᱠᱷᱟ ᱫᱚᱦᱚᱟᱠᱟᱱ ᱵᱤᱨ ᱢᱮᱱᱟᱜ-ᱟ, ᱟᱨ ᱠᱚᱸᱡᱮ ᱨᱮ ᱠᱚᱯᱛᱤᱯᱚᱫᱟ ᱵᱞᱚᱠ ᱢᱮᱱᱟᱜ-ᱟ ᱾ [᱓]
ᱞᱮᱠᱷᱟᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
᱒᱐᱑᱑ ᱨᱮᱱᱟᱜ ᱦᱚᱲ ᱮᱞ ᱞᱮᱠᱟᱛᱮ ᱱᱚᱣᱟ ᱵᱽᱞᱚᱠ ᱨᱮ ᱘᱙ ᱜᱚᱴᱟᱝ ᱟᱹᱛᱩ ᱟᱨ ᱑᱑ ᱜᱚᱴᱟᱝ ᱜᱨᱟᱢᱯᱚᱸᱪᱟᱭᱚᱛ ᱢᱮᱱᱟᱜ-ᱟ ᱾ ᱵᱽᱞᱚᱠ ᱨᱮ ᱑᱗,᱗᱒᱐ ᱚᱲᱟᱜ ᱢᱮᱱᱟᱜ-ᱟ ᱾ ᱱᱚᱣᱟ ᱵᱽᱞᱚᱠ ᱨᱮ ᱗᱖,᱑᱔᱗ ᱦᱚᱲ ᱢᱮᱱᱟᱜ ᱠᱚᱣᱟ ᱚᱱᱟ ᱢᱩᱫ ᱨᱮ ᱠᱚᱲᱟ ᱠᱚ ᱦᱩᱭᱩᱜ ᱠᱟᱱᱟ ᱓᱘,᱑᱐᱔ ᱟᱨ ᱠᱩᱲᱤ ᱠᱚ ᱦᱩᱭᱩᱜ ᱠᱟᱱᱟ ᱓᱘,᱐᱔᱓ ᱾ ᱱᱚᱰᱮ ᱨᱮᱱ ᱡᱚᱛᱚ ᱵᱟᱹᱥᱤᱸᱫᱟ ᱟᱹᱛᱩ ᱨᱤᱱ ᱠᱟᱱᱟ ᱠᱚ [᱒]᱾
ᱟᱹᱢᱟᱹᱞᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱩᱫᱚᱲᱟ ᱨᱮᱱᱟᱜ ᱵᱽᱞᱚᱠ ᱟᱨ ᱛᱚᱦᱚᱥᱤᱞ ᱵᱟᱱᱟᱨ ᱩᱫᱚᱲᱟ ᱨᱮᱜᱮ ᱢᱮᱱᱟᱜ-ᱟ ᱾ ᱩᱫᱚᱲᱟ ᱛᱚᱦᱚᱥᱤᱞ ᱨᱮ ᱔ ᱜᱚᱴᱟᱝ ᱟᱨ ᱟᱭᱤ ᱢᱚᱱᱰᱚᱲ ᱢᱮᱱᱟᱜ-ᱟ ᱡᱮᱢᱚᱱ ᱩᱫᱚᱲᱟ, ᱠᱷᱟᱞᱟᱰᱤ, ᱠᱳᱪᱤᱞᱟᱰᱤᱦᱚ, ᱥᱨᱤᱨᱟᱢᱪᱚᱸᱫᱽᱨᱚᱯᱩᱨ ᱾ [᱔]᱾ ᱵᱽᱞᱚᱠ ᱨᱮ ᱩᱫᱚᱲᱟ ᱨᱮᱜᱮ ᱢᱤᱫᱴᱟᱝ ᱛᱷᱟᱱᱟ ᱢᱮᱱᱟᱜ-ᱟ [᱕] ᱾ ᱩᱫᱚᱲᱟ ᱨᱮᱱᱟᱜ ᱥᱨᱤ ᱨᱟᱢᱪᱚᱸᱫᱽᱨᱚᱯᱩᱨ ᱨᱮ ᱢᱤᱫ ᱜᱩᱥᱴᱤ ᱰᱟᱠᱛᱚᱨᱠᱷᱟᱱᱟ ᱢᱮᱱᱟᱜ-ᱟ [᱖] ᱾ ᱚᱱᱟ ᱥᱟᱶ ᱵᱚᱰᱚᱥᱤᱸᱜᱤᱨᱤᱭᱟ, ᱨᱟᱰᱷᱳ, ᱵᱟᱨᱚᱰᱤᱦᱤ ᱨᱮ ᱯᱩᱭᱞᱩ ᱛᱤᱠᱪᱷᱟᱹ ᱛᱟᱞᱢᱟ ᱢᱮᱱᱟᱜ-ᱟ [᱗]᱾ ᱵᱮᱸᱠ ᱚᱯᱷ ᱤᱱᱰᱤᱭᱟ, ᱠᱚᱨᱯᱳᱨᱮᱥᱚᱱ ᱵᱮᱸᱠ, ᱠᱟᱱᱟᱨᱟ ᱵᱮᱸᱠ, ᱭᱩᱠᱳ ᱵᱮᱸᱠ, ᱭᱩᱱᱟᱭᱴᱮᱰ ᱵᱮᱸᱠ ᱚᱯᱷ ᱤᱱᱰᱤᱭᱟ,ᱥᱴᱮᱴ ᱵᱮᱸᱠ ᱚᱯᱷ ᱤᱱᱰᱤᱭᱟ ᱮᱢᱟᱱ ᱵᱮᱸᱠ ᱠᱚᱦᱚᱸ ᱱᱚᱣᱟ ᱵᱞᱚᱠ ᱨᱮ ᱢᱮᱱᱟᱜ-ᱟ ᱾
ᱵᱟᱰᱟᱭᱡᱚᱝ ᱠᱟᱛᱷᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ https://mayurbhanj.nic.in/subdivision-blocks/
- ↑ ᱒.᱐ ᱒.᱑ https://censusindia.gov.in/2011census/dchb/2107_PART_B_DCHB_MAYURBHANJ.pdf
- ↑ https://gisodisha.nic.in/District/mayurbhanj/mayurbhanjpdf/Blocks/Udala%20Block/Udala_GP%20Map.pdf
- ↑ http://bhulekh.ori.nic.in/TahasilWebsite/TahasilInfo.aspx[permanent dead link]
- ↑ https://mayurbhanj.nic.in/police/
- ↑ http://www.dhsodisha.nic.in/?q=node/89
- ↑ http://www.dhsodisha.nic.in/?q=node/90