ᱪᱚᱱᱫᱨᱟᱬᱤ ᱢᱩᱨᱢᱩ
| ᱪᱚᱱᱫᱨᱟᱬᱤ ᱢᱩᱨᱢᱩ | |
|---|---|
| ᱥᱚᱸᱥᱚᱫ ᱥᱚᱦᱮᱫᱤᱭᱟᱹ, ᱞᱳᱠ ᱥᱚᱵᱷᱟ | |
| Assumed office ᱒᱓ ᱢᱮ ᱒᱐᱑᱙ | |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱥᱚᱠᱩᱱᱛᱚᱲᱟ ᱞᱟᱜᱩᱨᱤ |
| ᱵᱟᱪᱱᱟᱣ ᱮᱞᱮᱠᱟ | ᱠᱮᱶᱩᱡᱷᱚᱨ |
| ᱯᱟᱨᱥᱚᱱᱟᱞ ᱵᱤᱵᱚᱨᱚᱱ | |
| ᱡᱟᱱᱟᱢ | ᱑᱖ ᱡᱩᱱ ᱑᱙᱙᱓ |
| ᱡᱟᱹᱛᱤᱭᱟᱹᱨᱤ | ᱥᱤᱧᱚᱛᱤᱭᱟᱹ |
| ᱨᱟᱡᱽᱟᱹᱨᱤ ᱫᱚᱞ | ᱵᱤᱡᱩ ᱡᱚᱱᱚᱛᱟ ᱫᱚᱲ |
| ᱜᱳ/ᱵᱟᱵᱟ | ᱥᱚᱱᱡᱤᱵ ᱢᱩᱨᱢᱩ ᱩᱨᱵᱚᱥᱤ ᱥᱚᱨᱮᱱ |
ᱪᱚᱱᱫᱨᱟᱬᱤ ᱢᱩᱨᱢᱩ (ᱡᱟᱱᱟᱢ ᱑᱖ ᱡᱩᱱ ᱑᱙᱙᱓) ᱥᱤᱧᱚᱛ ᱨᱤᱱᱤᱡ ᱢᱤᱫ ᱨᱟᱡᱽᱟᱹᱨᱤ ᱜᱚᱢᱠᱮᱭᱟᱱᱤ ᱠᱟᱱᱟᱭ ᱾ ᱒᱐᱑᱙ ᱢᱟᱬᱛᱮ ᱵᱟᱪᱷᱱᱟᱣ ᱨᱮ ᱵᱤᱡᱩ ᱡᱚᱱᱚᱛᱟ ᱫᱚᱲ ᱨᱤᱱᱤᱡ ᱳᱰᱤᱥᱟ ᱯᱚᱱᱚᱛ ᱠᱮᱣᱩᱸᱡᱦᱚᱨ ᱥᱚᱸᱥᱚᱫ ᱵᱟᱪᱷᱱᱟᱣ ᱢᱟᱰᱮᱨ ᱠᱷᱚᱱ ᱥᱚᱸᱥᱚᱫ ᱨᱮᱱᱟᱜ ᱞᱟᱛᱟᱨ ᱵᱟᱹᱠᱷᱩᱞ ᱞᱳᱠᱥᱚᱵᱷᱟ ᱛᱮ ᱥᱚᱦᱮᱫᱤᱭᱟᱹ ᱞᱮᱠᱟᱛᱮ ᱵᱟᱪᱷᱚᱱ ᱟᱠᱟᱱᱟᱭ ᱾ .[᱑] ᱪᱚᱱᱫᱨᱟᱬᱤ ᱢᱩᱨᱢᱩ ᱫᱚ ᱱᱤᱛᱚᱜ ᱡᱷᱚᱛᱚ ᱠᱷᱚᱱ ᱠᱚᱢ ᱩᱢᱮᱨ ᱨᱤᱱᱤᱡ ᱥᱚᱸᱥᱚᱫ ᱥᱚᱦᱮᱫᱤᱭᱟᱹ ᱠᱟᱱᱟᱭ.[᱒]
ᱢᱩᱨᱢᱩ ᱵᱤᱡᱮᱯᱤ ᱨᱤᱱᱤᱡ ᱚᱱᱚᱱᱛᱚ ᱱᱟᱭᱚᱠ ᱡᱟᱦᱟᱸᱭ ᱫᱚ ᱞᱟᱦᱟ ᱨᱮ ᱵᱟᱨᱫᱷᱟᱣ ᱮ ᱡᱤᱛᱠᱟᱹᱨ ᱞᱮᱱ ᱛᱟᱦᱮᱸᱫ ᱩᱱᱤ ᱖᱖,᱒᱐᱓ ᱜᱚᱴᱟᱝ ᱵᱷᱩᱴ ᱛᱮ ᱯᱷᱟᱹᱰᱩ ᱠᱟᱛᱮᱫ ᱮ ᱡᱤᱛᱠᱟᱹᱨ ᱟᱠᱟᱱᱟ ᱾ ᱟᱡ ᱱᱚᱣᱟ ᱡᱤᱛᱠᱟᱹᱨ ᱛᱟᱭᱚᱢ ᱟᱭᱟᱨ ᱥᱟᱸᱥᱚᱫ ᱥᱚᱠᱩᱱᱛᱚᱲᱟ ᱞᱟᱜᱩᱨᱤ ᱦᱟᱜ ᱴᱷᱟᱶ ᱮ ᱦᱟᱛᱟᱣ ᱠᱮᱫᱼᱟ ᱟᱨ ᱵᱤᱡᱮᱰᱤ ᱟᱡᱟ ᱟᱡᱟᱜ ᱴᱷᱟᱶᱟᱨ ᱫᱚᱦᱲᱟ ᱟᱢᱮᱴ ᱫᱚᱦᱚ ᱠᱮᱫᱼᱟ ᱾ ᱑᱖ᱟᱱᱟᱝ ᱞᱳᱠᱥᱚᱵᱷᱟ ᱡᱚᱦᱚ ᱫᱚ ᱦᱚᱨᱤᱭᱟᱱᱟ ᱨᱮᱱᱟᱜ ᱦᱤᱥᱟᱨ ᱠᱷᱚᱱ ᱤᱱᱰᱤᱭᱟᱱ ᱱᱮᱥᱱᱟᱞ ᱞᱚᱠ ᱫᱚᱲ ᱨᱤᱱᱤᱡ ᱫᱩᱥᱭᱟᱱᱛ ᱪᱚᱣᱛᱟᱞᱟ ᱡᱷᱚᱛᱚ ᱠᱷᱚᱱ ᱡᱩᱣᱟᱹᱱ ᱥᱟᱸᱥᱚᱫ ᱮ ᱛᱟᱦᱮᱸ ᱠᱟᱱᱟᱭ ᱾.[᱓]
ᱟᱬᱜᱟᱛ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱢᱟᱱ ᱥᱚᱱᱡᱤᱵ ᱢᱩᱨᱢᱩ ᱢᱤᱫ ᱥᱚᱨᱠᱟᱨᱤ ᱪᱟᱹᱠᱨᱤᱭᱟᱹ ᱟᱨ ᱩᱨᱵᱚᱥᱤ ᱥᱚᱨᱮᱱ ᱟᱭᱟᱨ ᱥᱟᱸᱥᱚᱫ ᱦᱚᱨᱤᱦᱚᱨ ᱥᱚᱨᱮᱱ (ᱡᱟᱦᱟᱸᱭ ᱠᱮᱶᱩᱡᱷᱚᱨ ᱠᱷᱚᱱ ᱑᱙᱘᱐ ᱟᱨ ᱑᱙᱘᱔ ᱥᱟᱞ ᱨᱮ ᱠᱚᱸᱜᱨᱮᱥ ᱯᱟᱦᱴᱟ ᱠᱷᱚᱱ ᱥᱟᱸᱥᱚᱫ ᱞᱮᱠᱟᱠᱤᱱ ᱵᱟᱪᱷᱱᱟᱣ ᱞᱮᱱᱟ),[᱔] ᱦᱚᱯᱚᱱ ᱮᱨᱟ ᱛᱤᱠᱤᱱᱟᱜ ᱠᱚᱞᱮ ᱨᱮ ᱑᱖ ᱡᱩᱱ ᱑᱙᱙᱓ ᱦᱤᱞᱚᱜ ᱮ ᱡᱟᱱᱟᱢ ᱞᱮᱱ ᱛᱟᱦᱮᱸᱫ ᱾[᱕] ᱢᱩᱨᱢᱩ ᱒᱐᱑᱗ ᱨᱮ ᱵᱷᱩᱵᱚᱱᱮᱥᱣᱚᱨ ᱨᱮᱱᱟᱜ ᱥᱤᱠᱥᱟ 'ᱳ' ᱚᱱᱩᱥᱚᱱᱫᱷᱟᱱ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱢᱮᱠᱟᱱᱤᱠᱟᱞ ᱤᱱᱡᱤᱱᱤᱭᱚᱨᱤᱝ ᱨᱮ ᱰᱤᱜᱨᱤ ᱛᱟᱭ ᱮ ᱥᱟᱹᱛ ᱟᱠᱟᱫᱼᱟ ᱾ ᱡᱚᱠᱷᱚᱱ ᱟᱡ ᱢᱟᱢᱚ ᱛᱩᱞᱩᱡ ᱵᱤᱡᱮᱰᱤ ᱯᱟᱦᱴᱟ ᱠᱷᱚᱱ ᱠᱮᱶᱩᱡᱷᱚᱨ ᱥᱤᱴ ᱨᱮ ᱦᱮᱯᱨᱟᱣ ᱞᱟᱹᱜᱤᱫ ᱱᱮᱦᱚᱨ ᱮ ᱧᱟᱢ ᱠᱮᱫᱼᱟ ᱩᱱ ᱚᱠᱛᱚ ᱫᱚ ᱟᱡ ᱪᱟᱹᱠᱨᱤ ᱧᱟᱢ ᱦᱮᱯᱨᱟᱣ ᱨᱮ ᱠᱩᱨᱩᱢᱩᱴᱩ ᱮᱫ ᱛᱟᱦᱮᱸᱫ ᱾ ᱵᱤᱡᱮᱰᱤ ᱦᱚᱸ ᱟᱹᱫᱤᱵᱟᱹᱥᱤ ᱞᱟᱹᱜᱤᱫ ᱨᱟᱠᱷᱟ ᱫᱚᱦᱚ ᱟᱠᱟᱱ ᱵᱟᱪᱷᱱᱟᱣ ᱢᱟᱰᱮᱨ ᱞᱟᱹᱜᱤᱫ ᱢᱤᱫ ᱥᱤᱠᱷᱤᱛ ᱠᱩᱲᱤ ᱦᱚᱯᱚᱱ ᱚᱱᱰᱮ ᱠᱷᱚᱱ ᱛᱤᱸᱜᱩᱱ ᱞᱟᱹᱜᱤᱫ ᱮ ᱠᱷᱚᱡᱚᱜ ᱠᱟᱱ ᱛᱟᱦᱮᱸᱫ ᱾.[᱕]
ᱵᱤᱡᱮᱯᱤ ᱱᱚᱣᱟ ᱛᱟᱞᱟ ᱨᱮ ᱟᱡ ᱟᱯᱟᱛ ᱧᱩᱛᱩᱢ ᱨᱮ ᱵᱟᱹᱲᱤᱡ ᱫᱚᱥ ᱢᱩᱜᱷᱭᱟᱹ ᱵᱟᱪᱷᱱᱟᱣ ᱟᱹᱢᱟᱞᱤ ᱴᱷᱮᱫ ᱟᱨᱫᱟᱥ ᱮ ᱫᱚᱦᱚ ᱞᱮᱫᱼᱟ ᱾ ᱚᱱᱟ ᱥᱟᱶ ᱥᱳᱥᱤᱭᱟᱞ ᱢᱤᱰᱤᱭᱟ ᱨᱮ ᱟᱡᱟᱜ ᱵᱮᱵᱟᱹᱲᱤᱡ ᱵᱷᱤᱰᱤᱭᱳ ᱪᱷᱩᱵᱤᱟᱛᱮᱫ ᱦᱟᱹᱴᱤᱧ ᱟᱛᱮᱫ ᱵᱤᱨᱩᱫᱷᱤ ᱟᱡᱟᱜ ᱢᱟᱱ ᱠᱷᱟᱴᱚ ᱞᱟᱹᱜᱤᱫ ᱠᱚ ᱵᱤᱰᱟᱹᱣ ᱞᱮᱫᱼᱟ ᱾.[᱕] ᱮᱱᱨᱮᱦᱚᱸ ᱡᱷᱚᱛᱚ ᱟᱱᱟᱴ ᱥᱟᱢᱟᱝ ᱠᱟᱛᱮᱫ ᱪᱚᱱᱫᱨᱟᱬᱤ ᱡᱤᱛᱠᱟᱹᱨ ᱮᱱᱟᱭ ᱾ ᱟᱡ ᱞᱳᱠᱥᱚᱵᱷᱟᱨ ᱨᱮ ᱥᱟᱱᱛᱟᱲ ᱛᱮ ᱠᱤᱨᱟᱹᱭ ᱦᱟᱛᱟᱣ ᱠᱮᱫᱼᱟ ᱾ ᱚᱱᱟ ᱞᱟᱹᱜᱤᱫ ᱥᱤᱧᱚᱛ ᱨᱤᱱ ᱥᱟᱱᱛᱟᱲ ᱥᱟᱶᱛᱟ ᱯᱟᱦᱴᱟ ᱠᱷᱚᱱ ᱟᱹᱰᱤ ᱵᱟᱹᱲᱛᱤ ᱜᱮ ᱠᱚ ᱥᱟᱨᱦᱟᱣ ᱟᱠᱟᱫᱮ ᱼᱭᱟ ᱾
ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ "Keonjhar Lok Sabha Election Results 2019". The Indian Express. 24 May 2019. Retrieved 24 May 2019.
- ↑ "Meet 25-year-old Chandrani Murmu, the youngest Member of Parliament". India Today (in ᱟᱝᱜᱽᱨᱮᱡᱤ). May 26, 2019. Retrieved 2019-05-28.
- ↑ "Youngest MP, Odisha's Chandrani Murmu of BJD, set to make her debut in Parliament". Times Now (in ᱵᱨᱤᱴᱤᱥ ᱟᱝᱜᱽᱨᱮᱡᱤ). Retrieved 2019-05-28.
- ↑ "Meet the youngest member of parliament - Chandrani Murmu from Odisha". Business Today. Retrieved 2019-05-28.
- ↑ ᱕.᱐ ᱕.᱑ ᱕.᱒ Sahani, Alaka (2019-04-22). "Chandrani Murmu, BJD's 25-year-old candidate: 'No woman should be subjected to such humiliation'". The Indian Express (in Indian English). Retrieved 2019-05-28.