ᱪᱚᱱᱫᱽᱨᱚᱭᱟᱱ-᱒

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱪᱚᱱᱫᱽᱨᱚᱭᱟᱱ-᱒ ᱨᱮᱱᱟᱜ ᱥᱤᱱᱟᱹᱢ ᱪᱤᱛᱟᱹᱨ

ᱪᱚᱱᱫᱽᱨᱚᱭᱟᱱ-᱒ ᱫᱚ ᱥᱤᱧᱚᱛᱤᱭᱟᱹ ᱥᱮᱥᱮᱨᱢᱟ ᱠᱷᱸᱫᱨᱚᱸᱫᱽ ᱜᱟᱶᱛᱟ ᱤᱥᱨᱚ ᱦᱚᱛᱮᱛᱮ ᱵᱮᱱᱟᱣ ᱟᱠᱟᱱ ᱧᱤᱫᱟᱹ ᱪᱮᱛᱟᱱ ᱨᱮ ᱫᱚᱥᱟᱨ ᱥᱟᱝᱜᱷᱟᱨ ᱾ ᱪᱚᱱᱫᱽᱨᱚᱭᱟᱱ-᱑ ᱨᱮᱱᱟᱜ ᱜᱮᱞᱮᱵᱤᱞᱤ ᱵᱤᱱᱤᱰᱟᱹᱣ ᱛᱟᱭᱚᱢ ᱤᱥᱨᱚ ᱦᱚᱛᱮᱛᱮ ᱱᱚᱶᱟ ᱡᱚᱥ ᱥᱟᱝᱜᱷᱟᱨ ᱫᱚ ᱩᱭᱦᱟᱹᱨ ᱞᱮᱱ ᱛᱟᱦᱮᱸᱫ ᱾ ᱓᱘᱐᱐ ᱠᱤᱞᱚᱜᱨᱟᱢ ᱦᱟᱢᱟᱞ ᱟᱱᱟᱜ ᱱᱚᱶᱟ ᱥᱮᱥᱮᱨᱢᱟ ᱜᱟᱹᱰᱤ ᱡᱤᱮᱥᱮᱞᱵᱷᱤ ᱮᱢᱠᱮ-᱓ ᱨᱚᱠᱮᱴ ᱛᱮ ᱠᱚ ᱛᱩᱧ ᱞᱮᱫ ᱛᱟᱦᱮᱸᱫ ᱾ ᱱᱚᱶᱟ ᱪᱚᱱᱫᱽᱨᱚᱭᱟᱱ ᱥᱟᱝᱜᱷᱟᱨ ᱨᱮ ᱥᱤᱧᱚᱛᱤᱭᱟᱹ ᱜᱮᱭᱟᱱ ᱟᱹᱠᱤᱞ ᱛᱮ ᱵᱮᱱᱟᱣ ᱟᱠᱟᱱ ᱢᱤᱫ ᱚᱨᱵᱤᱴᱚᱨ, ᱢᱤᱫ ᱝᱨᱚᱵᱷᱚᱨ ᱟᱨ ᱢᱤᱫ ᱞᱮᱱᱰᱚᱨ ᱵᱮᱵᱷᱟᱨ ᱟᱠᱟᱱᱟ ᱾ ᱑᱕ ᱡᱩᱞᱟᱭ ᱒᱐᱑᱙ ᱦᱤᱞᱚᱜ ᱥᱮᱛᱟᱜ ᱒ ᱴᱟᱬᱟᱝ ᱕᱑ ᱴᱤᱬᱤᱡ ᱨᱮ ᱪᱚᱱᱫᱽᱨᱚᱭᱟᱱ-᱒ ᱨᱮᱱᱟᱜ ᱛᱩᱧ ᱴᱷᱟᱹᱣᱠᱣᱹ ᱞᱮᱱᱟ ᱾[᱑] ᱢᱮᱱᱠᱷᱟᱱ ᱴᱟᱴᱠᱟ ᱜᱮ ᱠᱚᱬᱲ ᱵᱟᱝᱢᱟ ᱢᱤᱥᱤᱱ ᱦᱩᱲᱟᱹᱜ ᱧᱮᱞ ᱧᱟᱢᱮᱱ ᱛᱮ ᱱᱚᱶᱟ ᱫᱚ ᱚᱱᱟ ᱦᱤᱞᱚᱜ ᱵᱟᱠᱚ ᱟᱲᱟᱜ ᱞᱮᱫᱼᱟ ᱾[᱒] ᱚᱱᱟ ᱛᱟᱭᱚᱢ ᱱᱚᱶᱟ ᱫᱚ ᱒᱒ ᱡᱩᱞᱟᱭ ᱚᱛᱮ ᱢᱟᱦᱟᱸ ᱦᱤᱞᱚᱜ ᱒ ᱴᱟᱬᱟᱝ ᱔᱓ ᱴᱤᱬᱤᱡ ᱨᱮ ᱥᱮᱨᱢᱟ ᱛᱮ ᱠᱚ ᱟᱲᱟᱜ ᱞᱮᱫ ᱛᱟᱦᱮᱸᱫ ᱾[᱓][᱔]

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱒ ᱱᱚᱵᱷᱮᱢᱵᱚᱨ ᱒᱐᱑᱗ ᱥᱟᱞᱮ ᱨᱮ ᱤᱥᱨᱚ ᱥᱟᱶ ᱨᱩᱥᱤᱭᱟᱱ ᱯᱷᱮᱰᱮᱨᱟᱞ ᱥᱯᱮᱥ ᱮᱡᱮᱱᱥᱤ ᱨᱤᱱ ᱟᱹᱭᱩᱨᱤᱭᱟᱹ ᱫᱚᱞ ᱪᱚᱱᱫᱽᱨᱚᱭᱟᱱ-᱒ ᱞᱟᱹᱜᱤᱫ ᱢᱤᱫ ᱛᱮ ᱠᱟᱹᱢᱤ ᱨᱮᱱᱟᱜ ᱢᱟᱱᱟᱣ ᱥᱟᱠᱟᱢ ᱠᱚ ᱥᱩᱦᱤ ᱞᱮᱫᱼᱟ ᱾ [᱕] ᱢᱟᱱᱟᱣ ᱥᱟᱠᱟᱢ ᱞᱮᱠᱟᱛᱮ ᱪᱚᱱᱫᱽᱨᱚᱭᱟᱱ-᱒ ᱨᱮᱱᱟᱜ ᱵᱟᱨᱭᱟ ᱢᱩᱬ ᱦᱟᱹᱴᱤᱧ ᱢᱮᱱᱫᱚ ᱚᱨᱵᱤᱴᱚᱨ ᱟᱨ ᱨᱚᱵᱷᱚᱨ ᱰᱤᱡᱟᱭᱤᱱ ᱵᱷᱟᱹᱨᱭᱟᱹ ᱫᱚ ᱤᱥᱨᱚ ᱴᱷᱮᱱ ᱟᱨ ᱨᱩᱥᱤᱭᱟᱱ ᱫᱚᱞ ᱴᱷᱮᱱ ᱞᱮᱱᱰᱚᱨ ᱛᱮᱭᱟᱨ ᱨᱮᱱᱟᱜ ᱾ ᱑᱘ ᱥᱮᱯᱴᱮᱢᱵᱚᱨ ᱒᱐᱐᱘ ᱥᱟᱞᱮ ᱨᱮ ᱩᱱ ᱚᱠᱛᱚ ᱨᱤᱱᱤᱡ ᱢᱟᱨᱟᱝ ᱜᱚᱝᱠᱮ ᱢᱚᱱᱢᱚᱦᱚᱱ ᱥᱤᱝ ᱦᱚᱛᱮᱛᱮ ᱥᱟᱯᱲᱟᱣ ᱞᱮᱱ ᱛᱟᱞᱢᱟ ᱢᱚᱱᱛᱨᱤ ᱵᱟᱹᱭᱥᱤ ᱱᱚᱶᱟ ᱵᱤᱱᱤᱰᱟᱹᱮᱣ ᱞᱟᱹᱜᱤᱫ ᱫᱟᱣ ᱮ ᱮᱢ ᱞᱮᱫ ᱛᱟᱦᱮᱸᱫ ᱾ ᱱᱚᱟᱶ ᱜᱟᱹᱰᱤ ᱨᱮᱱᱟᱜ ᱯᱚᱨᱛᱚᱱ ᱫᱚ ᱵᱟᱱᱟᱨ ᱫᱤᱥᱚᱢ ᱨᱤᱱ ᱥᱟᱬᱮᱥᱤᱭᱟᱹ ᱦᱚᱛᱮᱛᱮ ᱒᱐᱐᱙ ᱥᱟᱞᱮ ᱨᱮ ᱥᱟᱹᱛ ᱞᱮᱱᱟ ᱾ ᱪᱚᱱᱫᱽᱨᱚᱭᱟᱱ-᱒ ᱨᱮᱱᱟᱜ ᱵᱤᱱᱤᱰᱟᱹᱣ ᱞᱟᱹᱜᱤᱫ ᱤᱥᱨᱚ ᱡᱚᱛᱚᱣᱟᱜ ᱡᱩᱜᱟᱹᱲ ᱥᱟᱹᱛ ᱠᱟᱛᱮ ᱒᱐᱑᱓ ᱥᱟᱞᱮ ᱨᱮ ᱱᱚᱶᱟ ᱫᱚ ᱛᱷᱩᱠᱩᱢ ᱠᱟᱛᱮ ᱛᱩᱧ ᱨᱮᱱᱟᱜ ᱢᱟᱹᱦᱤᱛ ᱒᱐᱑᱖ ᱠᱚ ᱴᱷᱟᱹᱣᱠᱟᱹ ᱞᱮᱫᱼᱟ ᱾ ᱨᱩᱥᱤᱭᱟᱱ ᱥᱟᱢᱮᱥᱤᱭᱟᱹ ᱞᱮᱱᱰᱚᱨ ᱛᱮᱭᱟᱨ ᱵᱟᱝ ᱠᱚ ᱥᱟᱹᱛ ᱞᱮᱫ ᱠᱷᱟᱹᱛᱤᱨ ᱱᱚᱶᱟ ᱢᱟᱹᱦᱤᱫ ᱫᱚ ᱜᱚᱴᱟ ᱞᱮᱱ ᱛᱟᱦᱮᱟᱱᱫ ᱾ ᱚᱱᱟ ᱛᱟᱭᱚᱢ ᱨᱩᱥᱤᱭᱟᱱ ᱥᱮᱥᱮᱨᱢᱟ ᱮᱡᱮᱱᱥᱤ ᱵᱟᱫᱽ ᱠᱟᱛᱮ ᱤᱥᱨᱚ ᱫᱚ ᱮᱠᱞᱟ ᱛᱮᱜᱮ ᱵᱮᱱᱟᱣ ᱨᱮᱱᱟᱜᱼᱮ ᱴᱷᱟᱹᱣᱠᱟᱹ ᱞᱮᱫ ᱛᱟᱦᱮᱸᱫ ᱾[᱖]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. Jun 10, Chethan Kumar. "ISRO: Chandrayaan-2 nearly ready for July launch | India News - Times of India". The Times of India (in English). Retrieved 14 ᱡᱩᱞᱟᱭ 2019.  Text " TNN " ignored (help); Text " Updated: " ignored (help)
  2. "ᱪᱚᱱᱫᱽᱨᱚᱭᱟᱱ-᱒ ᱨᱮ ᱠᱚᱲ ᱮᱴᱠᱮᱴᱚᱬᱮ ᱺ ᱛᱩᱧ ᱛᱷᱩᱠᱟᱹᱢ ᱮᱱᱟ". Sambad (in English). 2019-07-14. Retrieved 2019-07-15. 
  3. ISRO (2019-07-18). "Chandrayaan 2 is ready to take a billion dreams to the Moon — now stronger than ever before! Join us for the launch on Monday — 22 July, 2019 — at 2:43 PM IST. #Chandrayaan2 #GSLVMkIII #ISROpic.twitter.com/4ybFcHNkq6". @isro (in English). Retrieved 2019-07-20.  line feed character in |title= at position 160 (help)
  4. Reel, HomeVideosNews. "India successfully launches moon mission Chandrayaan 2 : News Reel: Business Today". www.businesstoday.in. Retrieved 2019-07-23. 
  5. "India, Russia to expand n-cooperation, defer Kudankulam deal : International". web.archive.org. 13 ᱡᱟᱱᱩᱣᱟᱨᱤ 2014. Retrieved 14 ᱡᱩᱞᱟᱭ 2019. 
  6. "India's Chandrayaan-2 Moon Mission Likely Delayed After Russian Probe Failure". Asian Scientist Magazine | Science, technology and medical news updates from Asia. 6 ᱯᱷᱮᱵᱽᱨᱩᱣᱟᱨᱤ 2012. Retrieved 14 ᱡᱩᱞᱟᱭ 2019.