ᱪᱟ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱪᱟ (Tea)
Longjing green tea being infused in a gaiwan
ᱫᱷᱚᱨᱚᱱHot or cold beverage
ᱮᱛᱦᱚᱵ ᱫᱤᱥᱟᱹᱢChina[᱑]
ᱯᱟᱹᱦᱤᱞ ᱩᱯᱨᱩᱢFirst recorded in China in 59 BC, though probably originated earlier[᱒]

ᱪᱟ (en: Tea) ᱫᱚ ᱦᱩᱭᱩᱜ ᱠᱟᱱᱟ ᱞᱚᱞᱚ ᱫᱟᱜ ᱨᱮ ᱪᱟ ᱥᱟᱠᱟᱢ ᱦᱮᱰᱮᱡ ᱥᱮ ᱪᱟᱰᱳ ᱠᱟᱛᱮ ᱛᱮᱭᱟᱨ ᱟᱠᱟᱱ ᱥᱚᱸᱫᱷᱦᱟᱲ ᱜᱮ ᱧᱩᱣᱟᱜ ᱞᱚᱞᱚ ᱫᱟᱜ᱾ ᱪᱟ ᱫᱟᱨᱮ ᱨᱮᱱᱟᱜ ᱥᱟᱠᱟᱢ ᱦᱚᱫ ᱠᱟᱛᱮ ᱛᱟᱭᱚᱢ ᱢᱮᱥᱤᱱ ᱛᱮ ᱪᱟ ᱠᱚ ᱛᱮᱭᱟᱨᱟ᱾ ᱤᱝᱨᱮᱡᱤᱛᱮ ᱪᱟ ᱫᱚ ᱠᱚ ᱢᱮᱛᱟᱜ-ᱟ ᱴᱤ᱾ ᱜᱨᱤᱠ ᱫᱤᱵᱤ ᱛᱷᱤᱭᱟᱨ ᱧᱩᱛᱩᱢᱛᱮ ᱴᱤ ᱦᱩᱭ ᱟᱠᱟᱱᱟ᱾ ᱛᱚᱵᱮ ᱪᱤᱱ ᱨᱮ ᱴᱤ ᱵᱟᱝᱠᱟᱛᱮ ᱪᱤ ᱠᱚ ᱯᱩᱥᱴᱟᱹᱣ ᱮᱫ ᱛᱟᱸᱦᱮᱱᱟ᱾ ᱩᱱ ᱠᱷᱚᱱ ᱜᱮ ᱪᱟ ᱠᱚ ᱢᱮᱱ ᱟᱹᱜᱩᱭᱫᱟ᱾ ᱫᱟᱜ ᱛᱟᱭᱚᱢ ᱪᱟ ᱜᱮ ᱫᱷᱟᱹᱨᱛᱤᱨᱮ ᱡᱟᱹᱥᱛᱤᱠᱳ ᱧᱩᱭᱟ᱾[᱓] ᱛᱮᱭᱟᱨ ᱞᱮᱠᱟᱛᱮ ᱪᱟ ᱫᱚ ᱢᱚᱬᱮ ᱜᱚᱴᱟᱝ ᱞᱮᱠᱟᱛᱮᱠᱚ ᱵᱷᱟᱜᱽ ᱟᱠᱟᱫᱟ᱾ ᱦᱮᱸᱫᱮ ᱪᱟ, ᱦᱟᱹᱨᱤᱭᱟᱹᱲ ᱪᱟ, ᱤᱥᱴᱚᱠ ᱪᱟ, ᱳᱞᱳᱝ ᱪᱟ ᱟᱨ ᱯᱮᱨᱜᱩᱭᱮ ᱪᱟ᱾ ᱚᱱᱟ ᱵᱟᱫᱽ ᱠᱟᱛᱮ ᱦᱚᱸ ᱥᱟᱫᱟ ᱪᱟ, ᱦᱳᱞᱩᱫ ᱪᱟ ᱦᱚᱸᱠᱚ ᱢᱮᱱᱜᱮᱭᱟ᱾

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱪᱟ ᱫᱚ ᱦᱩᱭᱩᱜ ᱠᱟᱱᱟ ᱵᱩᱨᱩ ᱥᱮ ᱩᱥᱩᱞ ᱦᱟᱥᱟ ᱨᱮᱱᱟᱜ ᱟᱵᱟᱫᱽ᱾ ᱪᱤᱱ ᱫᱤᱥᱟᱹᱢ ᱜᱮ ᱪᱟ ᱟᱵᱟᱫᱽ ᱨᱮᱱᱟᱜ ᱡᱟᱱᱟᱢ ᱦᱟᱥᱟ ᱠᱟᱱᱟ᱾ ᱱᱮᱛᱟᱨ ᱫᱚ ᱫᱷᱟᱹᱨᱛᱤᱨᱮ ᱪᱟ ᱡᱚᱛᱚᱠᱷᱚᱡ ᱡᱟᱹᱥᱛᱤ ᱧᱩᱣᱟᱜ ᱢᱮᱱᱛᱮᱠᱚ ᱞᱮᱠᱷᱟᱭᱟ᱾ ᱑᱖᱕᱐ ᱥᱮᱨᱢᱟ ᱠᱷᱚᱱ ᱪᱤᱱᱨᱮ ᱟᱹᱠᱷᱨᱤᱧ ᱞᱟᱹᱜᱤᱫ ᱪᱟ ᱟᱵᱟᱫᱽ ᱮᱦᱚᱵ ᱞᱮᱱᱟ᱾ ᱟᱨ ᱜᱚᱴᱟ ᱵᱷᱟᱨᱚᱛ ᱵᱚᱥᱢᱚᱛᱟ ᱨᱮ ᱑᱘᱑᱘ ᱥᱮᱨᱢᱟ ᱠᱷᱚᱱ ᱪᱟ ᱟᱵᱟᱫᱽ ᱮᱦᱚᱵ ᱞᱮᱱᱟ᱾ ᱵᱟᱝᱞᱟᱫᱮᱥ ᱨᱮ ᱑᱘᱕᱗ ᱥᱮᱨᱢᱟ ᱠᱷᱚᱱ ᱥᱤᱞᱮᱴ ᱨᱮ ᱪᱟ ᱟᱵᱟᱫᱽ ᱮᱦᱚᱵ ᱞᱮᱱᱟ᱾

ᱪᱟ ᱟᱵᱟᱫᱽ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱪᱟ ᱟᱵᱟᱫᱽ ᱞᱟᱹᱜᱤᱫ ᱵᱩᱨᱩ ᱥᱮ ᱩᱥᱩᱞ ᱡᱟᱭᱜᱟᱜᱮ ᱵᱮᱥᱟ᱾ ᱪᱟ ᱪᱟᱨᱟ ᱮᱴᱟᱜ ᱡᱟᱜᱟᱨᱮ ᱮᱨ ᱠᱟᱛᱮ ᱚᱸᱰᱮ ᱠᱷᱚᱱ ᱵᱩᱨᱩ ᱥᱮ ᱩᱥᱩᱞ ᱡᱟᱜᱟᱨᱮ ᱥᱟᱯᱷᱟ ᱠᱟᱛᱮ ᱪᱟᱨᱟ ᱫᱟᱨᱮᱠᱳ ᱨᱚᱦᱚᱭᱟ᱾ ᱵᱟᱨ ᱛᱤ ᱯᱷᱟᱸᱠ ᱯᱷᱟᱸᱠ ᱪᱟᱨᱟ ᱫᱟᱨᱮᱠᱳ ᱨᱚᱦᱚᱭᱟ᱾ ᱚᱱᱟ ᱛᱟᱭᱚᱢ ᱥᱟᱨ ᱫᱟᱜ ᱠᱚ ᱞᱟᱜᱟᱣᱟ᱾ ᱵᱟᱨ ᱯᱮ ᱥᱮᱨᱢᱟ ᱡᱚᱛᱚᱱ ᱞᱮᱠᱷᱟᱡ ᱪᱟ ᱫᱟᱨᱮ ᱞᱟᱹᱴᱩ ᱞᱮᱱ ᱠᱷᱟᱱ ᱪᱟ ᱥᱟᱠᱟᱢ ᱦᱚᱫ ᱜᱟᱱᱚᱜ-ᱟ᱾ ᱢᱤᱫᱴᱮᱱ ᱪᱟ ᱫᱟᱨᱮ ᱠᱷᱚᱱ ᱓᱐ - ᱔᱐ ᱥᱮᱨᱢᱟ ᱫᱷᱟᱹᱵᱤᱡ ᱪᱟ ᱥᱟᱠᱟᱢ ᱥᱤᱫ ᱜᱟᱱᱚᱜ-ᱟ᱾ ᱚᱱᱟ ᱛᱟᱭᱚᱢ ᱫᱚᱲᱦᱟᱛᱮ ᱱᱟᱣᱟ ᱪᱟ ᱫᱟᱨᱮ ᱨᱚᱦᱟᱭ ᱦᱩᱭᱩᱜ-ᱟ᱾

ᱪᱟ ᱨᱮᱱᱟᱜ ᱨᱚᱠᱚᱢ ᱥᱚᱠᱚᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱥᱟᱢ ᱟᱨ ᱪᱤᱱ ᱱᱤᱭᱟᱹ ᱠᱤᱱ ᱵᱟᱨ ᱨᱚᱠᱚᱢ ᱪᱟ ᱫᱟᱨᱮ ᱜᱮ ᱫᱷᱟᱹᱨᱛᱤ ᱨᱮ ᱧᱮᱞᱚᱜ-ᱟ᱾ ᱟᱥᱟᱢ ᱞᱮᱠᱟᱱᱟᱜ ᱪᱟ ᱫᱟᱨᱮ ᱫᱚ ᱵᱷᱟᱨᱚᱛ ᱟᱨ ᱥᱨᱤᱞᱚᱝᱠᱟ ᱨᱮᱜᱮ ᱡᱟᱹᱥᱛᱤ ᱠᱚ ᱟᱵᱟᱫᱟ᱾ ᱱᱚᱝᱠᱟᱱ ᱪᱟ ᱫᱟᱨᱮ ᱫᱚ ᱞᱟᱹᱴᱩ ᱟᱨ ᱟᱭᱢᱟ ᱥᱟᱠᱟᱢᱛᱮ ᱯᱮᱨᱮᱡᱠᱳᱜ-ᱟ᱾ ᱚᱱᱟᱛᱮ ᱟᱹᱠᱷᱨᱤᱧ ᱵᱟᱠᱷᱨᱟ ᱱᱚᱝᱠᱟᱱ ᱪᱟ ᱫᱟᱨᱮᱜᱮ ᱵᱷᱟᱜᱮᱭᱟ᱾ ᱟᱫᱚ ᱪᱟ ᱥᱟᱠᱟᱢ ᱥᱤᱫ ᱥᱩᱵᱤᱫᱷᱟ ᱞᱟᱹᱜᱤᱫ ᱫᱟᱨᱮ ᱫᱚ ᱵᱟᱹᱠᱳ ᱞᱟᱹᱴᱩ ᱚᱪᱚᱭᱟ᱾ ᱟᱨ ᱪᱤᱱ ᱞᱮᱠᱟᱱᱟᱜ ᱪᱟ ᱫᱟᱨᱮ ᱫᱚ ᱠᱷᱟᱴᱚ ᱢᱟᱪᱷᱟᱜᱮ ᱦᱩᱭᱩᱜ-ᱟ᱾ ᱥᱟᱠᱟᱢ ᱦᱚᱸ ᱱᱟᱥᱮᱱᱟᱜ ᱠᱚᱢᱜᱮ ᱥᱟᱜᱮᱱᱚᱜ-ᱟ᱾ ᱵᱟᱝ ᱜᱮᱫ ᱠᱷᱟᱴᱚᱞᱮ ᱨᱮᱦᱚᱸ ᱱᱚᱝᱠᱟᱱ ᱪᱟ ᱫᱟᱨᱮ ᱠᱷᱚᱱ ᱥᱟᱠᱟᱢ ᱵᱮᱥ ᱛᱮᱜᱮ ᱟᱵᱟᱫᱽ ᱜᱟᱱᱚᱜ-ᱟ᱾

ᱪᱟ ᱨᱮᱱᱟᱜ ᱜᱩᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱪᱤᱱ ᱞᱮᱠᱟᱱᱟᱜ ᱪᱟ ᱥᱟᱠᱟᱢ ᱫᱚ ᱥᱚ ᱥᱮ ᱥᱤᱵᱤᱞ ᱞᱟᱹᱜᱤᱫ ᱧᱩᱛᱩᱢᱟᱱ ᱜᱮᱭᱟ ᱟᱨ ᱟᱥᱟᱢ ᱞᱮᱠᱟᱱᱟᱜ ᱪᱟ ᱥᱟᱠᱟᱢ ᱫᱚ ᱪᱟ ᱨᱮᱱᱟᱜ ᱨᱚᱝ ᱞᱟᱹᱜᱤᱫ ᱟᱹᱰᱤ ᱧᱩᱛᱩᱢᱟᱱ ᱜᱮᱭᱟ᱾ ᱪᱟ ᱥᱟᱠᱟᱢ ᱢᱚᱸᱡᱽᱛᱮ ᱵᱟᱝ ᱥᱤᱫ ᱫᱟᱲᱮ ᱞᱮᱠᱷᱟᱡ ᱪᱟ ᱨᱮᱱᱟᱜ ᱜᱩᱱ ᱵᱟᱹᱲᱤᱡᱚᱜ-ᱟ᱾ ᱚᱱᱟ ᱠᱷᱟᱹᱛᱤᱨ ᱥᱟᱠᱟᱢ ᱥᱤᱫ ᱵᱟᱰᱟᱭᱟᱱ ᱦᱚᱲᱜᱮ ᱥᱤᱫ ᱠᱟᱹᱢᱤᱠᱳ ᱮᱢᱟᱣ ᱠᱳᱣᱟ᱾ ᱪᱤᱱ ᱡᱟᱯᱟᱱᱨᱮ ᱥᱮᱨᱢᱟ ᱨᱮ ᱯᱮ ᱫᱷᱟᱣ ᱥᱟᱠᱟᱢ ᱠᱚ ᱥᱤᱫᱟ᱾ ᱟᱨ ᱵᱷᱟᱨᱚᱛ, ᱵᱟᱝᱞᱟᱫᱮᱥ ᱥᱮ ᱥᱨᱤᱞᱚᱝᱠᱟ ᱨᱮᱫᱚ ᱥᱮᱨᱢᱟ ᱨᱮ ᱒᱐ ᱫᱷᱟᱣ ᱦᱚᱸ ᱥᱟᱠᱟᱢᱠᱚ ᱥᱤᱫᱟ᱾

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱷᱮᱰᱟᱛ ᱦᱚᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. Fuller, Thomas (21 April 2008). "A Tea From the Jungle Enriches a Placid Village". The New York Times. New York. p. A8.
  2. Mair & Hoh 2009, pp. 29–30.
  3. Alan Macfarlane; Iris Macfarlane (2004). The Empire of Tea. The Overlook Press. p. 32. ISBN 1-58567-493-1.