ᱪᱟᱸᱜᱽᱞᱟᱸᱜᱽ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
ᱪᱟᱸᱜᱽᱞᱟᱸᱜᱽ
ᱵᱟᱡᱟᱨ
Lua error in ᱢᱳᱰᱩᱞ:Location_map at line 522: Unable to find the specified location map definition: "Module:Location map/data/India Arunachal Pradesh" does not exist.ᱚᱨᱩᱬᱟᱪᱚᱞ ᱯᱨᱚᱫᱮᱥ ᱨᱮᱭᱟᱜ ᱞᱳᱠᱮᱥᱚᱱ, ᱥᱤᱧᱚᱛ
Coordinates: 27°07′N 95°43′E / 27.12°N 95.71°E / 27.12; 95.71Coordinates: 27°07′N 95°43′E / 27.12°N 95.71°E / 27.12; 95.71
ᱫᱤᱥᱚᱢ  ᱥᱤᱧᱚᱛ
ᱯᱚᱱᱚᱛ ᱚᱨᱩᱬᱟᱪᱚᱞ ᱯᱨᱚᱫᱮᱥ
ᱦᱚᱱᱚᱛ ᱪᱟᱸᱜᱽᱞᱟᱸᱜᱽ
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ (2001)
 • ᱞᱮᱠᱷᱟᱜᱩᱴ ᱖,᱓᱙᱔
ᱯᱟᱹᱨᱥᱤ
 • ᱟᱹᱢᱟᱹᱞᱮᱛ ᱤᱝᱞᱤᱥ
IST (ᱭᱩᱴᱤᱥᱤ+5:30)
ᱯᱤᱱ ᱠᱳᱰ 792120[᱑]
ᱴᱮᱞᱤᱯᱷᱳᱱ ᱠᱳᱰ 03808
ᱟᱭ.ᱮᱥ.ᱳ ᱓᱑᱖᱖ ᱠᱳᱰ IN-AR
ᱜᱟᱹᱰᱤ ᱨᱤᱡᱤᱥᱴᱨᱤ AR
ᱦᱚᱭᱞᱚᱝ Tropical rainforest climate (Af).
ᱣᱮᱵᱽᱥᱟᱭᱤᱴ www.changlang.nic.in

ᱪᱟᱸᱜᱽᱞᱟᱸᱜᱽ ᱫᱚ ᱚᱨᱩᱬᱟᱪᱚᱞ ᱯᱨᱚᱫᱮᱥ ᱯᱚᱱᱚᱛ ᱨᱮᱭᱟᱜ ᱢᱤᱫ ᱵᱟᱡᱟᱨ ᱠᱟᱱᱟ ᱾ ᱚᱨᱩᱬᱟᱪᱚᱞ ᱯᱨᱚᱫᱮᱥ ᱨᱮ ᱢᱮᱱᱟᱜ ᱪᱟᱸᱜᱽᱞᱟᱸᱜᱽ ᱫᱚ ᱢᱤᱫ ᱟᱹᱰᱤ ᱱᱟᱯᱟᱭ ᱴᱚᱴᱷᱟ ᱠᱟᱱᱟ ᱾ ᱱᱚᱣᱟ ᱫᱚ ᱟᱡᱟᱜ ᱪᱮᱦᱨᱟᱱ ᱞᱟᱹᱜᱤᱫ ᱟᱹᱰᱤ ᱞᱟᱯᱷᱟᱝ ᱢᱟᱹᱱ ᱮ ᱟᱢᱮᱴ ᱟᱠᱟᱫ-ᱟ ᱾ ᱱᱚᱰᱮᱱᱟᱜ ᱪᱚᱨᱚᱠ ᱪᱮᱦᱨᱟ ᱨᱩᱯ ᱨᱚᱝ ᱧᱮᱞ ᱞᱟᱹᱜᱤᱫ ᱛᱮ ᱡᱚᱛᱚ ᱥᱮᱨᱢᱟ ᱱᱚᱰᱮ ᱫᱚ ᱜᱮᱥᱟᱭ ᱮᱞᱮᱞ ᱨᱮ ᱥᱟᱸᱜᱷᱟᱨᱤᱭᱟᱹ ᱠᱚ ᱦᱤᱡᱩᱜ-ᱟ ᱾ ᱪᱟᱥᱵᱟᱥ ᱜᱮ ᱱᱚᱰᱮᱱ ᱠᱚ ᱦᱚᱲ ᱞᱟᱹᱜᱤᱫ ᱱᱟᱨᱟᱝ ᱠᱟᱹᱢᱤ ᱫᱚ ᱾ ᱱᱚᱣᱟ ᱨᱮᱜᱮ ᱟᱠᱚᱣᱟᱜ ᱠᱟᱹᱣᱰᱤ ᱵᱮᱵᱚᱥᱛᱟ ᱦᱚᱸ ᱞᱟᱫᱮ ᱟᱠᱟᱱᱟ ᱾

ᱱᱚᱰᱮᱱ ᱠᱚ ᱵᱟᱹᱲᱛᱤ ᱦᱚᱲ ᱫᱚ ᱟᱹᱛᱩ ᱨᱮᱠᱚ ᱛᱟᱦᱮᱸᱱᱟ ᱾ ᱱᱚᱣᱟ ᱟᱹᱛᱩ ᱠᱚᱫᱚ ᱟᱹᱰᱤ ᱜᱮ ᱪᱚᱨᱚᱠᱟ ᱾ ᱱᱚᱰᱮᱱᱟᱜ ᱡᱚᱛᱚ ᱟᱹᱛᱩ ᱨᱮᱜᱮ ᱵᱷᱮᱜᱟᱨ ᱵᱷᱮᱜᱟᱨ ᱪᱟᱥᱵᱟᱥ ᱦᱩᱭᱩᱜ-ᱟ ᱾ ᱱᱚᱣᱟ ᱟᱹᱛᱩ ᱨᱮᱫᱚ ᱡᱚᱛᱚ ᱥᱮᱨᱢᱮ ᱜᱮ ᱟᱹᱰᱤ ᱞᱮᱠᱟᱱ ᱯᱟᱨᱟᱵᱽ ᱯᱩᱱᱟᱹᱭ ᱦᱚᱸ ᱢᱟᱱᱟᱣ ᱦᱩᱭᱩᱜ-ᱟ ᱾ ᱪᱟᱸᱜᱽᱞᱟᱸᱜᱽ ᱨᱮᱫᱚ ᱟᱹᱰᱤ ᱡᱟᱹᱛᱤ ᱨᱤᱱ ᱦᱚᱲ ᱠᱚ ᱛᱟᱦᱮᱸᱱᱟ ᱾ ᱩᱱᱠᱩ ᱠᱚ ᱵᱷᱤᱛᱨᱤ ᱠᱷᱚᱱ ᱛᱟᱸᱜᱽᱥᱟ, ᱢᱩᱠᱞᱳᱢ, ᱦᱟᱣᱤ, ᱞᱳᱸᱜᱽᱪᱟᱸᱜᱽ, ᱡᱩᱜᱽᱞᱤ, ᱠᱤᱢᱥᱤᱝ, ᱢᱩᱜᱽᱨᱤ, ᱨᱳᱸᱨᱟᱝ, ᱢᱳᱥᱳᱸᱜᱽ, ᱟᱨ ᱞᱟᱸᱜᱽᱯᱷᱤ ᱠᱚᱫᱚ ᱢᱩᱬᱩᱛ ᱴᱷᱟᱶ ᱨᱮ ᱢᱮᱱᱟᱜ ᱠᱚᱣᱟ ᱾ ᱱᱩᱠᱩ ᱡᱟᱹᱛᱤ ᱠᱚᱣᱟᱜ ᱞᱟᱹᱭ ᱞᱟᱠᱪᱟᱨ ᱫᱚ ᱵᱷᱮᱜᱟᱨ ᱵᱷᱮᱜᱟᱨ ᱟᱨ ᱟᱹᱰᱤ ᱜᱮ ᱱᱟᱱᱟ ᱦᱩᱱᱟᱹᱨ ᱨᱚᱝ ᱯᱮᱨᱮᱡ-ᱟ ᱾ ᱱᱚᱰᱮ ᱠᱚ ᱦᱤᱡᱩᱜ ᱥᱟᱸᱜᱷᱟᱨᱤᱭᱟᱹ ᱠᱚᱫᱚ ᱱᱩᱠᱩᱣᱟᱜ ᱞᱟᱹᱭ ᱞᱟᱠᱪᱟᱨ ᱟᱹᱰᱤ ᱠᱚ ᱠᱩᱥᱤᱭᱟᱜ-ᱟ ᱾ ᱱᱚᱰᱮ ᱫᱚ ᱟᱹᱰᱤ ᱞᱮᱠᱟᱱ ᱡᱟᱭᱜᱟ ᱢᱮᱱᱟᱜ-ᱟ ᱪᱮᱫᱟᱜ ᱥᱮ ᱪᱮᱫᱟᱜ ᱥᱮ ᱚᱛᱟ ᱚᱠᱟ ᱡᱟᱭᱜᱟ ᱨᱮᱫᱚ ᱢᱮᱞᱟᱱ ᱢᱟᱴ ᱢᱮᱱᱟᱜ ᱠᱷᱟᱱ ᱟᱨ ᱚᱠᱟ ᱠᱚᱨᱮ ᱫᱚ ᱩᱥᱩᱞ ᱩᱥᱩᱞ ᱵᱩᱨᱩ ᱢᱮᱱᱟᱜ-ᱟ ᱾ ᱚᱱᱟ ᱠᱷᱟᱹᱛᱤᱨ ᱱᱚᱰᱮ ᱫᱚ ᱡᱟᱹᱯᱤᱫ ᱦᱚᱸ ᱢᱤᱫ ᱞᱮᱠᱟ ᱫᱚ ᱵᱟᱝ ᱦᱩᱭᱩᱜ-ᱟ ᱾

ᱞᱟᱠᱪᱟᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱪᱟᱸᱜᱽᱞᱟᱸᱜᱽ ᱨᱮᱫᱚ ᱟᱹᱰᱤ ᱞᱮᱠᱟᱱ ᱡᱟᱹᱛᱤ ᱨᱤᱱ ᱦᱚᱲ ᱢᱮᱱᱟᱜ ᱠᱚᱣᱟ ᱾ ᱟᱹᱡᱤ ᱞᱮᱠᱟᱱ ᱫᱟᱹᱛᱤ ᱨᱤᱱ ᱦᱚᱲ ᱠᱟᱱ ᱠᱷᱟᱹᱛᱤᱨ ᱠᱚ ᱱᱩᱠᱩᱣᱟᱜ ᱞᱟᱹᱭ ᱞᱟᱠᱪᱨ ᱦᱚᱸ ᱟᱹᱰᱤ ᱵᱷᱮᱜᱟᱨ ᱵᱷᱮᱜᱟᱨ ᱜᱮᱭᱟ ᱾ ᱱᱩᱠᱩ ᱠᱷᱚᱱ ᱫᱚ ᱛᱟᱸᱜᱽᱥᱟ ᱟᱨ ᱛᱟᱛᱥᱟᱥ ᱠᱤᱱ ᱢᱟᱨᱟᱝ ᱟ ᱾ ᱱᱩᱠᱩ ᱫᱚ ᱨᱚᱝᱯᱷᱚᱨᱟᱥ ᱵᱚᱸᱜᱟ ᱠᱚ ᱵᱚᱸᱜᱟ ᱟᱭᱟ ᱾ ᱱᱚᱰᱮ ᱠᱚ ᱛᱟᱦᱮᱸᱱ ᱠᱟᱱ ᱵᱟᱹᱲᱛᱤ ᱡᱟᱹᱛᱤ ᱫᱚ ᱠᱮᱨᱮᱥᱛᱟᱱ ᱟᱨ ᱵᱚᱣᱫᱷ ᱫᱷᱚᱨᱚᱢ ᱠᱚ ᱟᱯᱱᱟᱨ ᱟᱠᱟᱫ-ᱟ ᱾ ᱪᱟᱸᱜᱽᱞᱟᱸᱜᱽ ᱨᱮᱫᱚ ᱡᱚᱛᱚ ᱦᱚᱲᱟᱜ ᱚᱲᱟᱜ ᱢᱤᱫ ᱞᱮᱠᱟ ᱫᱷᱟᱨᱟ ᱜᱮ ᱛᱟᱦᱮᱸᱱᱟ ᱾ ᱚᱸᱰᱮᱱ ᱵᱚᱥᱠᱚᱫᱤᱭᱟᱹ ᱠᱚ ᱱᱚᱣᱟ ᱚᱲᱟᱜ ᱫᱚ ᱢᱚᱪᱟᱸᱜᱽ ᱠᱚ ᱢᱮᱛᱟᱜ-ᱟ ᱾ ᱱᱚᱣᱟ ᱫᱚ ᱚᱛ ᱠᱷᱚᱱ ᱕-᱖ ᱯᱷᱩᱴ ᱪᱮᱛᱟᱱ ᱨᱮ ᱛᱟᱦᱮᱸᱱᱟ ᱟᱨ ᱱᱚᱣᱟ ᱨᱮᱫᱚ ᱢᱤᱫᱴᱟᱹᱝ ᱜᱮ ᱠᱷᱩᱸᱫᱽᱲᱤ ᱛᱟᱦᱮᱸᱱᱟ ᱡᱟᱦᱟᱸᱨᱮ ᱵᱟᱨᱭᱟ ᱪᱩᱞᱦᱟᱹ ᱛᱟᱦᱮᱸᱱᱟ ᱾ ᱱᱚᱰᱮᱱ ᱠᱚ ᱦᱚᱲᱟᱜ ᱢᱩᱬᱩᱛ ᱠᱟᱹᱢᱤ ᱫᱚ ᱪᱟᱥᱵᱟᱥ ᱟᱨ ᱱᱚᱣᱟ ᱪᱮᱛᱟᱱ ᱨᱮᱜᱮ ᱟᱠᱚᱣᱟᱜ ᱯᱩᱨᱟᱹ ᱡᱤᱭᱚᱱ ᱞᱟᱫᱮ ᱢᱮᱱᱟᱜ-ᱟ ᱾ ᱚᱸᱰᱮᱱ ᱠᱚ ᱦᱚᱲ ᱫᱚ ᱥᱩᱠᱨᱤ, ᱢᱮᱨᱚᱢ ᱟᱨ ᱥᱤᱢ ᱦᱚᱸ ᱠᱚ ᱟᱹᱥᱩᱞ ᱠᱚᱣᱟ ᱾

ᱧᱮᱢᱮᱞ ᱴᱚᱴᱷᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱪᱟᱸᱜᱽᱞᱟᱸᱜᱽ ᱨᱮ ᱫᱚ ᱥᱮᱨᱢᱟ ᱨᱮ ᱟᱹᱰᱤ ᱞᱮᱠᱟᱱ ᱯᱟᱨᱟᱵᱽ ᱯᱩᱱᱟᱹᱭ ᱦᱚᱸ ᱢᱟᱱᱟᱣ ᱦᱩᱭᱩᱜ-ᱟ ᱾ ᱚᱸᱰᱮᱱ ᱠᱚ ᱦᱚᱲ ᱱᱚᱣᱟ ᱯᱟᱨᱟᱵᱽ ᱯᱩᱱᱟᱹᱭ ᱠᱚᱫᱚ ᱟᱹᱰᱤ ᱜᱮᱠᱚ ᱠᱩᱥᱤᱭᱟᱜ-ᱟ ᱾ ᱚᱸᱰᱮᱱ ᱠᱚ ᱦᱚᱲ ᱥᱟᱶ ᱥᱟᱶᱛᱮ ᱥᱟᱸᱜᱷᱟᱨᱤᱭᱟᱹ ᱠᱚᱦᱚᱸ ᱚᱱᱟ ᱯᱟᱨᱟᱵᱽ ᱯᱩᱱᱟᱹᱭ ᱨᱮ ᱥᱮᱞᱮᱫ ᱠᱚ ᱦᱟᱛᱟᱣ ᱫᱟᱲᱮᱭᱟᱜ-ᱟ ᱾ ᱱᱚᱣᱟ ᱯᱟᱨᱟᱵᱽ ᱯᱩᱱᱟᱹᱭ ᱠᱚᱨᱮ ᱥᱟᱸᱜᱷᱟᱨᱤᱭᱟᱹ ᱠᱚᱫᱚ ᱪᱟᱸᱜᱽᱞᱟᱸᱜᱽ ᱨᱚᱭᱟᱜ ᱞᱟᱠᱪᱟᱨ ᱟᱨ ᱵᱚᱸᱜᱟ ᱵᱳᱨᱳ ᱫᱷᱚᱨᱚᱢ ᱨᱤᱛ ᱠᱚ ᱥᱩᱨ ᱠᱷᱚᱱ ᱠᱚ ᱧᱮᱞ ᱫᱟᱲᱮᱭᱟᱜ-ᱟ ᱾

ᱵᱤᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱪᱟᱸᱜᱽᱞᱟᱸᱜᱽ ᱨᱮᱫᱚ ᱟᱹᱰᱤᱜᱟᱱ ᱵᱩᱨᱩ ᱦᱚᱸ ᱢᱮᱱᱟᱜ-ᱟ ᱟᱨ ᱱᱚᱣᱟ ᱵᱩᱨᱩ ᱠᱚᱨᱮᱱᱟᱜ ᱵᱤᱨ ᱫᱚ ᱟᱹᱰᱤ ᱜᱮ ᱪᱚᱨᱚᱠᱟ ᱾ ᱱᱚᱰᱮ ᱫᱚ ᱦᱟᱹᱨᱭᱟᱹᱲ ᱟᱨ ᱩᱨᱜᱩᱢ ᱦᱚᱭ ᱦᱤᱥᱤᱫ ᱵᱤᱨ ᱧᱟᱢᱚᱜ-ᱟ ᱾ ᱤᱠᱷᱟᱹᱱ ᱚᱸᱰᱮ ᱛᱟᱦᱮᱸᱱ ᱦᱚᱲ ᱠᱚᱫᱚ ᱪᱟᱥᱵᱟᱥ ᱠᱟᱹᱢᱤ ᱞᱟᱹᱜᱤᱫ ᱟᱹᱰᱤ ᱵᱟᱹᱲᱛᱤ ᱜᱮ ᱵᱤᱨ ᱫᱚᱠᱚ ᱢᱟᱜ ᱯᱷᱟᱫᱟ ᱠᱮᱫ-ᱟ ᱾ ᱱᱚᱝᱠᱟᱱ ᱵᱮᱲᱟ ᱨᱮᱦᱚᱸ ᱥᱟᱸᱜᱷᱟᱨᱤᱭᱟᱹ ᱠᱚ ᱟᱹᱰᱤ ᱪᱚᱨᱚᱠ ᱪᱚᱨᱚᱠ ᱫᱟᱨᱮ ᱱᱟᱹᱬᱤ ᱟᱨ ᱵᱤᱨ ᱨᱮᱭᱟᱜ ᱱᱟᱯᱟᱭ ᱱᱟᱯᱟᱭ ᱡᱚ-ᱵᱟᱦᱟ ᱠᱚ ᱧᱮᱞ ᱫᱟᱲᱮᱭᱟᱜ ᱜᱮᱭᱟ ᱾ ᱱᱚᱰᱮ ᱫᱚ ᱢᱟᱫ ᱦᱚᱸ ᱟᱹᱰᱤ ᱞᱮᱠᱟᱱ ᱡᱟᱹᱛᱤ ᱨᱮᱭᱟᱜ ᱧᱟᱢᱚᱜ-ᱟ ᱾

ᱵᱤᱨ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱪᱟᱸᱜᱽᱞᱟᱸᱜᱽ ᱨᱮᱫᱚ ᱟᱹᱰᱤᱜᱟᱱ ᱵᱤᱨ ᱢᱮᱱᱟᱜ-ᱟ ᱾ ᱱᱚᱣᱟ ᱵᱤᱨ ᱨᱮᱫᱚ ᱥᱟᱸᱜᱷᱟᱨᱤᱭᱟᱹ ᱠᱚ ᱪᱟᱸᱜᱽᱞᱟᱸᱜᱽ ᱨᱮᱭᱟᱜ ᱵᱤᱨ ᱡᱤᱭᱚᱱ ᱨᱮᱭᱟᱜ ᱪᱚᱨᱚᱠ ᱨᱩᱯ ᱨᱚᱝ ᱠᱚ ᱧᱮᱞ ᱫᱟᱲᱮᱭᱟᱜ-ᱟ ᱾ ᱱᱚᱰᱮ ᱫᱚ ᱥᱟᱸᱜᱷᱟᱨᱤᱭᱟᱹ ᱠᱚ ᱦᱟᱰᱜᱟᱨ, ᱦᱟᱹᱛᱤ, ᱥᱟᱹᱞ, ᱥᱟᱨᱟᱢ, ᱡᱤᱞ, ᱵᱟᱱᱟ ᱟᱨ ᱯᱟᱸᱰᱟ ᱮᱢᱟᱱ ᱠᱚ ᱧᱮᱞ ᱫᱟᱲᱟ ᱟᱠᱚᱣᱟ ᱾ ᱱᱩᱠᱩ ᱵᱤᱨ ᱡᱟᱱᱣᱟ ᱥᱟᱶ ᱥᱟᱣᱛᱮ ᱧᱮᱧᱮᱞᱤᱭᱟᱹ ᱠᱚᱫᱚ ᱪᱚᱨᱚᱠ ᱪᱚᱨᱚᱠ ᱪᱮᱬᱮ ᱪᱤᱯᱨᱩᱜ ᱦᱚᱸᱠᱚ ᱧᱮᱞ ᱫᱟᱲᱟᱭᱟ ᱠᱚᱣᱟ ᱾ ᱢᱟᱨᱟᱜ, ᱠᱚᱭᱮᱞ, ᱰᱷᱩᱰᱨᱩ ᱪᱮᱬᱮ, ᱜᱮᱰᱮ ᱟᱨ ᱯᱟᱨᱚᱣᱟ ᱮᱢᱟᱱ ᱠᱚ ᱧᱮᱞ ᱫᱟᱲᱮ ᱟᱠᱚᱣᱟ ᱾ ᱨᱟᱵᱟᱝ ᱫᱤᱱ ᱫᱚ ᱱᱚᱰᱮ ᱮᱴᱟᱜ ᱴᱚᱴᱷᱟ ᱠᱷᱚᱱ ᱦᱮᱡ ᱟᱠᱟᱱ ᱪᱮᱬᱮ ᱪᱩᱯᱨᱩᱜ ᱦᱚᱸ ᱧᱮᱞ ᱨᱮᱠᱚ ᱧᱟᱢᱚᱜ-ᱟ ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]