ᱪᱤᱞᱟᱨᱟᱭ

ᱫᱷᱩᱵᱨᱤ ᱨᱮᱱᱟᱜ ᱪᱤᱞᱟᱨᱟᱭ ᱢᱩᱴᱷᱟᱹᱱ

     

ᱪᱤᱞᱟᱨᱟᱭ ᱥᱮ ᱵᱤᱨ ᱪᱤᱞᱟᱨᱟᱭ চিলাৰায় বা বীৰ চিলাৰায়ৰ (ᱤᱝᱨᱟ.ᱡᱤ: Chilarai, ᱡᱟᱱᱟᱢ:1510 - ᱜᱚᱡ:1571)ᱟᱜ ᱟᱥᱚᱞ ᱧᱩᱛᱩᱢ ᱫᱚ ᱥᱩᱠᱞᱚ ᱫᱣᱚᱡᱽ ᱛᱟᱦᱮ ᱠᱟᱱ ᱛᱟᱭᱟ।ᱟᱯᱟᱛᱮᱫ ᱫᱚ ᱜᱮᱞ ᱥᱟᱭᱟᱱᱟᱜ ᱚᱠᱛᱮ ᱨᱮ ᱠᱚᱢᱚᱛᱟ ᱨᱟᱡᱚᱥᱴᱷᱤ ᱨᱮᱱ ᱵᱟᱵᱟᱱᱫᱷᱟᱣᱤᱡ ᱵᱤᱥᱣᱚ ᱥᱤᱝᱦᱚ , ᱮᱝᱜᱟᱛ ᱫᱚ ᱯᱚᱫᱽᱢᱚᱵᱚᱛᱤ ᱟᱨ ᱫᱟᱫᱟᱛ ᱱᱚᱨᱚᱱᱟᱨᱟᱭᱚᱱ ᱮ ᱛᱟᱦᱮ ᱠᱟᱱᱟ। ᱱᱚᱨᱚᱱᱟᱨᱟᱭᱚᱱ ᱨᱮᱱ ᱜᱟ.ᱠᱷᱩᱲ ᱯᱷᱟ.ᱫᱽ ᱟᱜ-ᱭᱩᱨᱤᱡ-ᱮ ᱛᱟᱦᱮ ᱡᱟᱱᱟ। ᱱᱩᱭ ᱫᱚ ᱪᱤᱞ ᱛᱟᱦᱟ ᱠᱩᱬᱤᱫ ᱞᱮᱠᱟ ᱵᱟ.ᱭᱨᱤ ᱠᱚ ᱴᱷᱮᱱᱮ ᱥᱟᱢᱟᱝᱚᱜ ᱠᱟᱱ ᱛᱟᱦᱮᱱ ᱛᱮ ᱪᱤᱞᱟᱨᱟᱭ ᱠᱚ ᱢᱮᱛᱟᱭ ᱠᱟᱱ ᱛᱟᱦᱮᱱᱟ। ᱪᱤᱞᱟᱨᱟᱭ ᱫᱚ ᱫᱮᱣᱟᱱ ᱥᱮ ᱢᱟᱱᱛᱟᱨᱤ ᱨᱮᱭᱟᱜ ᱦᱚ'ᱭ ᱠᱟ.ᱢᱤ ᱞᱮᱫᱟ, ᱚᱱᱟ ᱛᱮ ᱪᱤᱞᱟᱨᱟᱭ ᱫᱮᱣᱟᱱ ᱦᱚ'ᱠᱚ ᱢᱮᱛᱟᱭ ᱠᱟᱱ ᱛᱟᱱᱟ। ᱩᱱᱤᱭᱟᱜ ᱵᱤᱨ ᱵᱟᱨᱟᱭ ᱟᱨ ᱞᱥ.ᱲᱦᱟ.ᱭ ᱨᱮ ᱜᱟ.ᱠᱷᱩᱲᱮ ᱛᱟᱦᱮ ᱠᱟᱱ ᱛᱮ ᱠᱚᱪ ᱯᱷᱟ.ᱫᱽ ᱫᱚ ᱵᱷᱩᱴᱤᱭᱟ, ᱠᱟᱥᱟᱨ ᱟᱨ ᱟᱦᱩᱢ ᱯᱷᱟ.ᱫᱽ ᱠᱚ ᱟᱭᱢᱟ ᱞᱟ.ᱲᱦᱟ.ᱭ ᱨᱮᱠᱚ ᱦᱟᱨᱟᱣ ᱞᱮᱫ ᱠᱚᱣᱟ।

ᱡᱚᱱᱚᱢ ᱟᱨ ᱵᱚᱝᱥᱚ ᱩᱯᱨᱩᱢ

ᱱᱟᱜᱟᱢ ᱨᱮ ᱵᱟᱰᱟᱭᱚᱜ ᱠᱟᱱᱟ ᱡᱮ, ᱠᱚᱪ ᱨᱟᱡᱚᱥᱴᱷᱤ ᱨᱮ ᱵᱟᱵᱟᱱᱫᱷᱟᱣᱤᱡ ᱵᱤᱥᱣᱚ ᱥᱤᱝᱦᱚ ᱫᱚ ᱜᱮᱞ ᱟᱨᱮ ᱜᱚᱴᱟᱝ ᱠᱩᱶᱟ.ᱨᱤ ᱠᱩᱲᱤ ᱵᱟᱯᱞᱟ ᱞᱮᱫ ᱠᱚᱣᱟ। ᱠᱩᱶᱟ.ᱨᱤ ᱠᱚ ᱢᱩᱫᱽ ᱨᱮ ᱞᱥ.ᱴᱩ ᱩᱛ.ᱨᱤᱡ ᱮᱨᱟ ᱫᱚᱭ ᱛᱟᱦᱮ' ᱠᱟᱱᱟ ᱱᱮᱯᱟᱠ ᱨᱮᱱ ᱟᱨ ᱩᱱᱤ ᱨᱮᱱ ᱦᱚᱯᱚᱱ ᱫᱚ - ᱱᱚᱨᱥᱤᱝᱦᱚ। ᱜᱚᱣᱲᱚ ᱨᱮᱱ ᱵᱟᱨᱭᱟ ᱠᱩᱶᱟ.ᱨᱤ ᱵᱟᱯᱞᱟ ᱞᱮᱫ ᱠᱤᱱᱟ : ᱦᱮᱢ ᱯᱨᱚᱵᱷᱟ ᱟᱨ ᱯᱚᱫᱽᱢᱚᱵᱚᱛᱤ ᱫᱮᱵᱤ। ᱦᱮᱢ ᱯᱨᱚᱵᱷᱟ ᱟᱜ ᱛᱤ ᱨᱮᱱ ᱫᱚ ᱱᱚᱨᱚᱱᱟᱨᱟᱭᱚᱱ ᱟᱨ ᱯᱚᱫᱽᱢᱚ ᱵᱚᱛᱤ ᱭᱟᱜ ᱛᱤ ᱨᱮᱱ ᱫᱚ ᱥᱩᱠᱞᱚ ᱫᱣᱚᱡᱽ ᱥᱮ ᱪᱤᱞᱟᱨᱟᱭ ᱮ ᱛᱟᱦᱮ ᱠᱥᱱᱟ। ᱵᱤᱥᱣᱚ ᱥᱤᱝᱦᱚ ᱨᱮᱱ ᱡᱚᱛᱚ ᱛᱮ ᱜᱮᱞ ᱟᱨᱮ ᱜᱚᱴᱟᱝ ᱦᱚᱯᱚᱱ ᱠᱚ ᱛᱟᱦᱮ ᱠᱟᱱᱟ ᱢᱮᱱ ᱛᱮ ᱱᱟᱜᱟᱢ ᱨᱮ ᱵᱟᱰᱟᱭᱚᱜ ᱠᱟᱱᱟ।

ᱥᱮᱪᱮᱫ

ᱱᱚᱨᱱᱟᱨᱟᱭᱚᱱ ᱟᱨ ᱪᱤᱞᱟᱨᱟᱭ ᱜᱤᱫᱽᱨᱟ. ᱛᱟᱦᱮ ᱠᱟᱱ ᱚᱛᱠᱮ ᱨᱮᱜᱮ ᱵᱟᱨᱟᱱᱟᱥᱤ ᱛᱮ ᱠᱚ ᱤᱫᱤ ᱠᱮᱫ ᱠᱤᱱᱟ. ᱛᱟᱨᱟ ᱵᱨᱚᱦᱢᱟᱱᱚᱱᱫᱚ ᱧᱩᱛᱩᱢ ᱟᱱ ᱢᱤᱫᱴᱮᱱ ᱥᱚᱱᱱᱚᱥᱤ ᱴᱷᱮᱱ ᱟᱠᱤᱞ ᱵᱤᱫᱽᱭᱟ. ᱪᱮᱫ ᱡᱚᱝ ᱞᱟ.ᱜᱤᱫ। ᱵᱟᱨᱟᱱᱟᱥᱤ ᱨᱮ ᱱᱩᱠᱤᱱ ᱫᱚ ᱦᱤᱱᱫᱩ ᱫᱷᱚᱨᱚᱢ ᱨᱮᱭᱟᱜ ᱟᱭᱢᱟ ᱥᱟᱥᱛᱚᱨ ᱟᱨ ᱞᱟ.ᱲᱦᱟᱭ ᱨᱮᱭᱟᱜ ᱟᱭᱢᱟ ᱞᱮᱠᱟᱱ ᱪᱮᱪᱮᱫ ᱟᱜ ᱠᱤᱱ ᱦᱟᱛᱟᱣ ।

ᱵᱤᱥᱮᱚ ᱥᱤᱝᱦᱚ ᱣᱟᱜ ᱜᱚᱡᱚᱜ

ᱵᱤᱥᱣᱚ ᱥᱤᱝᱦᱚ ᱜᱚᱡᱚᱜ ᱢᱟᱲᱟᱝ ᱨᱮᱜᱮ ᱟᱜ ᱨᱮᱱ ᱦᱚᱯᱚᱱ ᱠᱚᱣᱟᱜ ᱟᱜᱟᱢᱮ ᱱᱤᱴ ᱚᱴᱚ ᱞᱮᱫᱟ। ᱚᱱᱟ ᱞᱮᱠᱟ ᱨᱮ, ᱢᱟᱨᱟᱝᱤᱡ ᱦᱚᱯᱚᱱ ᱱᱚᱨ ᱥᱤᱝᱦᱚ ᱫᱚ ᱵᱤᱫᱮᱥᱮ ᱥᱮᱱᱟᱜ-ᱟ, ᱱᱚᱨᱱᱟᱨᱟᱭᱚᱱ ᱫᱚ ᱱᱤᱡᱽ ᱫᱤᱥᱚᱢ ᱨᱮᱭᱮ ᱨᱟᱡᱚᱜ-ᱟ ᱟᱨ ᱪᱤᱞᱟᱨᱟᱭ ᱫᱚ ᱞᱟ.ᱲᱦᱟ.ᱭ ᱫᱷᱚᱨᱚᱢ ᱟᱯᱱᱟᱨ ᱦᱩᱭᱩᱜ ᱛᱟᱭᱟ ᱢᱮᱱᱛᱮ ᱦᱩᱠᱩᱢ ᱚᱴᱚᱣᱟᱫ ᱠᱚ ᱛᱟᱦᱮᱱᱟ।

1533 ᱥᱮᱨᱢᱟ ᱨᱮ ᱵᱤᱥᱣᱚ ᱥᱤᱝᱦᱚ ᱱᱚᱣᱟ ᱫᱷᱩᱲᱤ ᱫᱷᱟ.ᱨᱛᱤ ᱵᱟ.ᱭᱟᱫᱟ।ᱚᱱ ᱚᱠᱛᱮ ᱨᱮ, ᱪᱤᱞᱟᱨᱟᱭ ᱟᱨ ᱱᱚᱨᱱᱟᱨᱟᱭᱚᱱ ᱵᱟᱱᱟ ᱦᱚᱲ ᱜᱮ ᱵᱟᱨᱟᱱᱟᱥᱤ ᱨᱮ ᱠᱤᱱ ᱛᱟᱦᱮ ᱠᱟᱱᱟ। ᱚᱱᱟ ᱛᱮ ᱵᱤᱥᱣᱚ ᱥᱤᱝᱦᱚ ᱨᱮᱱ ᱢᱟᱨᱟᱝᱤᱡ ᱦᱚᱯᱚᱱ ᱱᱚᱨ ᱥᱤᱝᱦᱚ ᱨᱟᱡᱽ ᱢᱟ.ᱪᱤ ᱨᱮᱭᱮ ᱫᱩᱲᱩᱵ ᱮᱱᱟ। ᱱᱚᱨᱱᱟᱨᱟᱭᱚᱱ - ᱪᱤᱞᱟᱨᱟᱭ ᱨᱮᱱ "ᱨᱚᱛᱚᱱᱤ ᱫᱷᱟᱭ" ᱧᱩᱛᱩᱢ ᱟᱱ ᱫᱟ.ᱨᱜᱤᱱ ᱵᱩᱰᱦᱤ ᱚᱱᱛᱚ ᱯᱩᱨ ᱨᱮ ᱛᱟᱦᱮ ᱠᱟᱱᱟ । ᱩᱱᱤ ᱫᱚ ᱵᱟᱝᱜᱟ ᱛᱟᱞᱟᱣ ᱟᱠᱟᱱ ᱢᱚᱦᱟ ᱨᱟᱡᱟᱜ ᱦᱩᱠᱩᱢ ᱵᱮᱵᱟᱛᱟᱣᱮᱱ ᱧᱮᱞ ᱠᱟᱛᱮ "ᱱᱟᱜᱽ ᱵᱷᱜᱽ" ᱧᱩᱛᱩᱢ ᱟᱱ ᱢᱤᱫᱴᱮᱱ ᱥᱚᱱᱱᱟᱥᱤ ᱟᱜ ᱛᱤ ᱨᱮ ᱪᱤᱴᱷᱤ ᱥᱟᱠᱟᱢ ᱮᱢ ᱠᱟᱛᱮ ᱵᱟᱱᱟᱦᱚᱲ ᱨᱟᱡᱽ ᱜᱟᱲ ᱛᱮ ᱦᱤᱡᱩᱜ ᱞᱟ.ᱜᱤᱫ-ᱮ ᱱᱮᱦᱚᱨ ᱟᱫ ᱠᱤᱱᱟ. । ᱱᱚᱨᱱᱟᱨᱟᱭᱚᱱ - ᱪᱤᱞᱟ.ᱨᱟᱭ ᱵᱟᱱᱟ ᱦᱚᱲ ᱨᱟᱡᱽ ᱜᱟᱲ ᱨᱮ ᱦᱮᱡ ᱠᱟᱛᱮ ᱱᱚᱨ ᱥᱤᱝᱦᱚ ᱠᱤᱱ ᱦᱟᱨᱟᱣ ᱠᱮᱫᱤᱭᱟ। ᱩᱱ ᱨᱮ ᱱᱚᱨ ᱥᱤᱝᱦᱚ ᱱᱮᱯᱟᱞ ᱛᱮ ᱧᱤᱨ ᱥᱮᱱᱮᱱᱟ। 1534 ᱠᱷᱨᱤᱥᱴᱟᱵᱽᱫᱚ ᱨᱮ ᱱᱚᱨ ᱱᱟᱨᱟᱭᱚᱱ ᱠᱚᱪ ᱵᱚᱝᱥᱚ ᱨᱮᱱᱭᱟᱜ ᱨᱟᱡᱽ ᱢᱟ.ᱪᱤ ᱨᱮ ᱫᱩᱲᱩᱵ ᱮᱱᱟ ᱟᱨ ᱪᱤᱞᱟᱨᱟᱭ ᱡᱩᱵᱚᱨᱟᱡᱮ ᱦᱩᱭ ᱮᱱᱟ। ᱨᱟᱡᱽ ᱚᱡᱚᱜ - ᱵᱟᱦᱟᱞ ᱚᱠᱛᱮ ᱨᱮ ᱪᱤᱞᱟᱨᱟᱭ ᱥᱚᱝᱜᱨᱟᱢ ᱥᱤᱝᱦᱚ ᱠᱚ ᱧᱩᱛᱩᱢ ᱞᱮᱫᱤᱭᱟ।

ᱨᱟᱡᱽ  ᱯᱟᱥᱱᱟᱣ

ᱱᱚᱨ ᱱᱟᱨᱟᱭᱚᱱ ᱨᱟᱡᱽ ᱢᱟ.ᱪᱤ ᱨᱮ ᱫᱩᱲᱩᱵ ᱛᱟᱭᱚᱢ ᱠᱷᱚᱱ ᱜᱮ ᱨᱟᱡᱚᱥᱴᱷᱤ ᱵᱟᱲᱦᱟᱣ ᱞᱟ.ᱜᱤᱫ-ᱮ ᱜᱚᱴᱟ ᱠᱮᱫᱟ। ᱪᱤᱞᱟᱨᱟᱭ ᱟᱜ ᱜᱚᱲᱚ ᱛᱮ ᱱᱚᱨ ᱱᱟᱨᱟᱭᱚᱱ ᱠᱚᱪ ᱨᱟᱡᱚᱥᱴᱷᱤ ᱯᱟᱥᱱᱟᱣ ᱠᱮᱫᱟ। 1563 ᱥᱮᱨᱢᱟ ᱨᱮᱭᱟᱜ ᱡᱩᱱ ᱶᱟᱱᱫᱚ ᱨᱮ ᱪᱤᱞᱟᱨᱭ ᱫᱚ ᱟᱦᱳᱢ ᱠᱚᱣᱟᱜ ᱨᱟᱡᱽ ᱜᱟᱲ ᱜᱚᱲ ᱜᱟᱶᱮ ᱫᱚᱠᱷᱚᱞ ᱞᱮᱫᱟ।ᱱᱤᱭᱟ. ᱛᱟᱭᱚᱢ , ᱩᱱᱤ ᱫᱚ ᱠᱟᱥᱟᱨ ᱠᱚᱮᱟᱜ ᱨᱟᱡᱽ ᱜᱟᱲ ᱢᱟᱭᱵᱚᱝᱮ ᱫᱚᱠᱷᱚᱞ ᱞᱮᱫᱟ। ᱤᱱᱟ. ᱛᱟᱭᱚᱢ ᱠᱟᱥᱟᱨᱤ ᱨᱟᱡᱟ ᱫᱚ ᱠᱚᱪ ᱨᱟᱡᱟ ᱣᱟᱜ ᱜᱚᱵᱚᱞ ᱨᱮ ᱦᱮᱡ ᱮᱱᱟ। ᱠᱟᱥᱟᱨ ᱡᱤᱛᱠᱟ.ᱨ ᱠᱟᱛᱮ ᱪᱤᱞᱟᱛᱟᱭ ᱫᱚ ᱢᱩᱱᱤᱯᱩᱨ, ᱥᱨᱤ ᱦᱚᱴᱴᱚ , ᱠᱷᱟᱭᱨᱟᱢ , ᱪᱚᱴᱴᱚᱜᱨᱟᱢ, ᱰᱤᱢᱨᱩᱣᱟ ᱮᱢᱟᱱ ᱨᱟᱡᱽ ᱡᱤᱛᱠᱟ.ᱨ ᱠᱟᱛᱮ ᱟᱡᱟᱜ ᱛᱟᱵᱮ ᱟᱝᱜᱚᱪ ᱚᱪᱚ ᱞᱮᱫ ᱠᱚᱣᱟ।ᱡᱚᱭᱚᱱᱛᱤᱭᱟ ᱨᱟᱡᱟ, ᱛᱨᱤᱯᱩᱨᱟ ᱡᱟᱨᱟ ᱟᱨ ᱥᱤᱞᱮᱴ ᱨᱮᱱ ᱨᱟᱡᱟ ᱠᱚ ᱫᱚ ᱟᱡ ᱨᱮᱱ ᱯᱷᱟ.ᱫᱽ ᱠᱚ ᱴᱷᱮᱱ ᱠᱚ ᱜᱚᱡ ᱚᱪᱚ ᱞᱮᱱᱟ ।

ᱜᱚᱣᱲ ᱨᱟᱡᱚᱥᱴᱷᱤ ᱟᱠᱨᱚᱢᱚᱱ

ᱠᱚᱪᱨᱟᱡᱽ ᱱᱟᱜᱟᱢ ᱨᱮ, ᱪᱤᱞᱟᱨᱟᱭ ᱜᱚᱣᱲ ᱨᱟᱡᱯᱥᱴᱷᱤ ᱟᱠᱨᱚᱢᱚᱱ ᱠᱟᱛᱮ ᱫᱩᱭᱵᱚ ᱵᱩᱨᱵᱤᱯᱟᱠᱚᱛ ᱨᱮ ᱛᱚᱞ ᱚᱪᱚ ᱞᱮᱱᱟ ᱢᱮᱱ ᱛᱮ ᱵᱟᱰᱟᱭᱚᱜ ᱠᱟᱱᱟ।ᱢᱮᱱᱠᱷᱟᱱ, ᱢᱩᱥᱚᱞᱢᱟᱱ ᱠᱚᱣᱟᱜ ᱱᱟᱜᱟᱱ ᱨᱮ ᱱᱚᱣᱟ ᱠᱟᱛᱷᱟ ᱚᱞ ᱵᱟᱱᱩᱜ-ᱟ। ᱛᱚᱞ ᱚᱪᱚ ᱛᱟᱭᱚᱢ , ᱟᱡᱟᱜ ᱵᱮᱵᱚᱦᱟᱨ ᱛᱮ ᱜᱚᱣᱲ ᱨᱮᱱ ᱨᱟᱡᱽ ᱮᱝᱜᱟᱛ ᱫᱷᱤᱨᱯᱩᱨᱮᱱ ᱛᱮ ᱟᱠᱚ ᱜᱩᱥᱴᱤ ᱨᱮᱱ ᱢᱚᱬᱮ ᱜᱚᱴᱟᱝ ᱠᱩᱲᱤ ᱛᱩᱞᱩᱡ ᱠᱚ ᱵᱟᱯᱞᱟ ᱠᱮᱫᱮᱭᱟ ᱟᱨ ᱫᱟᱱ ᱯᱳᱱ ᱨᱩᱯ ᱨᱮ ᱵᱟᱦᱟᱨᱵᱚᱱᱫᱟ, ᱜᱚᱭᱚᱵᱟᱨᱤ, ᱫᱚᱦᱚᱠᱚᱱᱤᱭᱟ ᱧᱩᱛᱩᱢ ᱟᱱ ᱢᱚᱬᱮ ᱜᱚᱴᱟᱝ ᱯᱟᱨᱜᱟᱱᱟ ᱮᱢᱟᱫᱤ ᱛᱟᱦᱮᱱᱟ। ᱟᱨ ᱢᱤᱫ ᱴᱮᱱ ᱱᱟᱜᱟᱢ ᱞᱮᱠᱟ ᱛᱮ, ᱠᱚᱨᱛᱚᱣᱟ ᱨᱮᱭᱟᱜ ᱥᱟᱢᱟᱝ ᱯᱟᱦᱴᱟ ᱨᱮ ᱢᱮᱱᱟᱜ ᱜᱚᱣᱲ ᱨᱮᱛᱟᱜ ᱟᱫᱚᱢ ᱦᱤᱥ ᱪᱤᱞᱟᱨᱟᱭ ᱠᱚ ᱫᱟᱢ ᱟᱫᱮ ᱛᱟᱦᱮᱱᱟ। ᱚᱱᱟ ᱠᱚ ᱢᱩᱫᱽ ᱨᱮ ᱥᱟᱫᱚᱢ ᱛᱟᱨᱣᱟᱲᱤ ᱮᱢᱟᱱ ᱛᱮᱭᱟᱜ ᱟᱭᱢᱟ ᱞᱮᱠᱟᱱ ᱫᱟᱢ ᱯᱳᱱ ᱠᱚᱭ ᱧᱟᱢ ᱞᱮᱫᱟ। ᱩᱱ ᱚᱠᱛᱮ ᱨᱮ ᱪᱤᱞᱟᱨᱟᱭ ᱟᱡ ᱥᱟᱶ ᱛᱮ ᱯᱩᱨᱩᱥᱳᱛᱚᱢ ᱵᱤᱫᱭᱟᱵᱟᱜᱤᱥ, ᱯᱤᱛᱟᱢᱵᱚᱨ ᱥᱤᱫᱷᱟᱱᱛᱚ, ᱵᱟᱜᱤᱥ ᱮᱢᱟᱱ ᱯᱚᱰᱤᱛ ᱠᱚ ᱟᱡ ᱥᱟᱶ ᱛᱮᱭᱟ ᱟᱜᱩ ᱛᱚᱨᱟ ᱞᱮᱫ ᱠᱚᱣᱟ।

ᱟᱜᱟᱢ ᱨᱮ ᱜᱚᱣᱲ ᱨᱟᱡᱚᱥᱴᱷᱤ ᱵᱟᱝ ᱟᱠᱨᱚᱢᱚᱱ ᱞᱟ.ᱜᱤᱫ ᱯᱟᱥᱮᱡ', ᱨᱟᱡᱽ ᱮᱝᱜᱟᱛ ᱫᱚ ᱜᱟᱛᱮ- ᱜᱟᱯᱟᱛᱮ ᱨᱮᱭᱟᱜ-ᱮ ᱵᱮᱵᱚᱥᱛᱷᱟ।

ᱥᱚᱝᱠᱚᱨ ᱫᱮᱵᱟᱜ ᱵᱚᱭᱥᱱᱚᱵᱽ ᱫᱷᱚᱨᱚᱢ ᱯᱟᱥᱱᱟᱣ ᱨᱮᱜᱚᱲᱚ

ᱱᱚᱨ ᱱᱟᱨᱟᱭᱚᱱ ᱟᱨ ᱪᱤᱞᱟᱨᱟᱭ ᱵᱟᱱᱟ ᱦᱚᱲ ᱜᱮ ᱥᱤᱵᱽ ᱨᱮᱱ ᱵᱷᱚᱠᱛᱟ ᱠᱤᱱ ᱛᱟᱦᱮ ᱠᱟᱱᱟ। ᱚᱱᱟ ᱛᱮ, ᱴᱷᱟ.ᱭ ᱴᱷᱟ.ᱭ ᱨᱮ ᱟᱭᱢᱟ ᱫᱮᱵᱽ - ᱫᱮᱵᱟᱞᱚᱭ ᱵᱮᱱᱟᱣ ᱠᱟᱛᱮ ᱥᱤᱵᱽ - ᱫᱩᱨᱜᱟ ᱣᱟᱜ ᱢᱩᱴᱷᱟ.ᱱ ᱠᱤᱱ ᱛᱷᱟᱯᱚᱱ ᱞᱮᱫᱟ। ᱢᱮᱱᱠᱷᱟᱱ, ᱪᱤᱞᱟᱨᱟᱭ ᱛᱤᱱ ᱨᱮ ᱥᱚᱝᱠᱟᱨ ᱫᱮᱣ ᱟᱜ ᱵᱚᱭᱥᱱᱚᱵᱽ ᱫᱷᱚᱨᱚᱢ ᱯᱨᱚᱪᱟᱨᱮ ᱠᱩᱥᱤᱭᱟᱫ ᱛᱟᱭᱟ, ᱩᱱ ᱨᱮ ᱥᱚᱝᱠᱚᱨ ᱫᱮᱣ ᱟᱡ ᱚᱱᱛᱚᱨ ᱫᱮᱵᱚᱛᱟ ᱢᱮᱱᱛᱮ ᱵᱮᱱᱟᱣᱮ ᱞᱟ.ᱜᱤᱫ ᱟ.ᱰᱤ ᱤᱪᱷᱟ. ᱠᱮᱫᱟ।ᱱᱷᱟᱛᱮ ᱱᱚᱨ ᱱᱟᱨᱟᱭᱚᱱ ᱫᱚ ᱥᱚᱝᱠᱚᱨ ᱫᱮᱵᱽ ᱥᱟᱥᱛᱤ ᱮᱢᱟᱭ ᱞᱟ.ᱜᱤᱫ ᱮ ᱜᱚᱴᱟ ᱠᱮᱫᱟ। ᱪᱤᱞᱟᱨᱟᱭ ᱫᱚ ᱜᱩᱨᱩ ᱥᱚᱝᱠᱚᱨ ᱫᱮᱵᱽ ᱟᱡᱟᱜ ᱠᱟᱱᱫᱷᱟ ᱨᱮ ᱩᱠᱩ ᱫᱚᱦᱚ ᱞᱮᱫᱮᱭᱟ। ᱤᱱᱟ. ᱛᱟᱭᱚᱢ ᱥᱩᱡᱩᱠ ᱩᱨᱩᱢ ᱠᱟᱛᱮ ᱟᱨ ᱱᱚᱝᱠᱟᱱ ᱚᱠᱛᱮ ᱨᱮ ᱨᱟᱡᱽ ᱥᱟᱢᱟᱝ ᱨᱮ ᱦᱟ.ᱡᱤᱨ ᱠᱮᱫᱮᱭᱟ, ᱡᱮ ᱱᱚᱨ ᱱᱟᱨᱟᱭᱚᱱ ᱫᱚ ᱥᱚᱝᱠᱚᱨ ᱵᱮᱫᱽ ᱢᱟᱱᱚᱛ ᱦᱩᱭ ᱮᱱ ᱛᱟᱭ ᱜᱮᱭᱟ। ᱥᱚᱝᱠᱚᱨ ᱫᱮᱵᱽ ᱟᱜ ᱴᱷᱚᱱᱚᱠ ᱥᱟᱵᱟᱥᱤ ᱛᱮ ᱪᱤᱞᱟᱨᱟᱭ ᱫᱚᱭ ᱢᱩᱦᱤᱛ ᱮᱱᱟ ᱟᱨ ᱟᱡᱟᱜ ᱜᱷᱟ'ᱨᱚᱧᱡᱽ ᱥᱩᱫᱷᱟ. ᱯᱨᱚᱵᱷᱩᱮᱟᱜ ᱵᱚᱭᱥᱱᱚᱵᱽ ᱫᱷᱚᱨᱚᱢ ᱠᱚ ᱟᱯᱱᱟᱨ ᱠᱮᱫᱟ । ᱱᱚᱨ ᱱᱟᱨᱟᱭᱚᱱ ᱦᱚ ᱥᱚᱝᱠᱚᱨ ᱫᱮᱵᱟᱜ ᱯᱟᱱᱰᱤᱛᱛᱚ ᱜᱩᱱ ᱩᱨᱩᱢ ᱠᱟᱛᱮ ᱨᱟᱡᱽ ᱥᱚᱵᱷᱟ ᱨᱮ ᱫᱚᱦᱚ ᱠᱮᱝᱮᱭᱟ। ᱤᱱᱟ. ᱛᱟᱭᱚᱢ, ᱩᱝᱠᱚᱣᱟᱜ ᱜᱚᱲᱚ ᱛᱮ ᱵᱚᱭᱥᱱᱚᱵᱽ ᱫᱷᱚᱨᱚᱢᱮ ᱯᱨᱚᱪᱟᱨ ᱠᱮᱫᱟ।

ᱜᱚᱡ ᱜᱩᱨ

1571 ᱥᱮᱨᱢᱟ ᱨᱮ ᱜᱚᱝᱜᱟ ᱟᱲᱮ ᱨᱮᱭᱟᱜ ᱵᱟᱠᱷᱚᱞ ᱨᱮ ᱵᱚᱥᱚᱱᱛᱚ ᱟᱡᱟᱨ ᱛᱮ ᱡᱟ.ᱵᱽᱲᱤ ᱠᱟᱛᱮ ᱪᱤᱞᱟᱨᱟᱭ ᱫᱚ ᱱᱚᱣᱟ ᱫᱷᱩᱲᱤ ᱫᱷᱟ.ᱨᱛᱤ ᱵᱟ.ᱜᱤᱭᱟᱫᱟ |