ᱪᱤᱞᱤᱠᱟ ᱡᱚᱞᱟ

ᱪᱤᱞᱤᱠᱟ ᱨᱮ ᱠᱮᱶᱴᱟ

ᱪᱤᱞᱤᱠᱟ ᱡᱚᱞᱟ ᱫᱚ ᱳᱰᱤᱥᱟ ᱯᱚᱱᱚᱛ ᱨᱮᱱᱟᱜ ᱠᱷᱳᱨᱫᱟ, ᱯᱩᱨᱤ ᱟᱨ ᱜᱚᱧᱡᱟᱢ ᱦᱚᱱᱚᱛ ᱨᱮ ᱯᱟᱥᱱᱟᱣ ᱟᱠᱟᱱ ᱵᱩᱞᱩᱝ ᱡᱚᱞᱟ ᱠᱟᱱᱟ ᱾ ᱱᱚᱶᱟ ᱫᱚ ᱳᱰᱤᱥᱟ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱡᱚᱞᱟ ᱠᱟᱱᱟ ᱾ ᱚᱝᱥᱩᱯᱟ ᱟᱨ ᱥᱚᱨᱚ ᱨᱮ ᱫᱚ ᱦᱮᱲᱮᱢ ᱫᱟᱜ ᱢᱮᱱᱟᱜᱼᱟ ᱢᱮᱱᱠᱷᱟᱱ ᱪᱤᱞᱤᱠᱟ ᱨᱮ ᱫᱚ ᱵᱩᱞᱩᱝᱢᱮᱥᱟ ᱫᱟᱜ ( Brackish Water) ᱢᱮᱱᱟᱜᱼᱟ ᱾ ᱱᱚᱸᱰᱮᱱᱟᱜ ᱱᱚᱬᱚᱵᱚᱬᱚ ᱫᱚ ᱵᱤᱫᱮᱥᱤ ᱪᱮᱬᱮ ᱠᱚᱣᱟᱜ ᱵᱟᱥᱟ ᱛᱷᱟᱱ ᱠᱟᱱᱟ ᱾ ᱪᱤᱞᱤᱠᱟ ᱨᱮ ᱨᱟᱵᱟᱝ ᱫᱤᱱ ᱵᱤᱛᱟᱹᱣ ᱞᱟᱹᱜᱤᱫ ᱱᱩᱠᱩ ᱫᱚ ᱦᱟᱡᱟᱨ ᱦᱟᱡᱟᱨ ᱢᱟᱭᱤᱞ ᱩᱰᱟᱹᱣ ᱠᱟᱛᱮ ᱥᱟᱭᱵᱮᱨᱤᱭᱟ ᱠᱚᱨᱮ ᱠᱷᱚᱱ ᱠᱚ ᱦᱤᱡᱩᱜ ᱠᱟᱱᱟ ᱾ ᱱᱚᱱᱰᱮ ᱢᱮᱱᱟᱜ ᱯᱚᱨᱤᱠᱩᱫᱚ ᱟᱨ ᱢᱟᱞᱩᱫᱚ ᱰᱷᱤᱯ ᱨᱮ ᱢᱮᱱᱟᱜ ᱢᱩᱸᱫᱽᱨᱤ ᱧᱮᱧᱮᱞᱤᱭᱟᱹ ᱠᱚᱣᱟᱜ ᱢᱚᱱᱮ ᱴᱟᱱᱟᱣᱟ ᱾ ᱥᱤᱥᱤᱨᱡᱟᱹᱲᱤ ᱭᱟᱜ ᱵᱦᱮᱯᱮᱫ ᱥᱤᱨᱡᱚᱱ ᱯᱷᱩᱴᱟᱹᱣ ᱧᱮᱞᱚᱜᱼᱟ ᱾ ᱟᱹᱰᱤ ᱞᱮᱠᱟᱱ ᱪᱮᱬᱮ, ᱥᱟᱹᱢᱩᱸᱫᱽ ᱡᱤᱭᱟᱹᱞᱤ, ᱦᱟᱹᱨᱭᱟᱹᱲᱤ ᱠᱚᱣᱟᱜ ᱰᱮᱨᱟ ᱠᱟᱱᱟ ᱾

ᱪᱤᱞᱤᱠᱟ ᱨᱮᱱᱟᱜ ᱛᱟᱸᱴᱷᱟ

ᱥᱤᱧᱚᱴ ᱨᱮᱱᱟᱜ ᱥᱟᱢᱟᱝ ᱫᱷᱟᱨᱮ ᱨᱮ ᱢᱮᱱᱟᱜ ᱪᱤᱞᱤᱠᱟ ᱫᱚ ᱳᱰᱤᱥᱟ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱡᱚᱞᱟ ᱢᱮᱱᱛᱮ ᱵᱟᱰᱟᱭᱚᱜᱼᱟ ᱾ ᱤᱥᱴ-ᱠᱚᱥᱴ ᱨᱮᱞ ᱛᱮ ᱪᱟᱞᱟᱣ ᱞᱮᱱ ᱠᱷᱟᱱ ᱱᱚᱶᱟ ᱨᱮᱱᱟᱜ ᱥᱩᱨ ᱴᱮᱥᱚᱱ ᱫᱚ ᱦᱩᱭᱩᱜ ᱠᱟᱱᱟ ᱵᱟᱹᱞᱩᱜᱟᱸ ᱟᱨ ᱨᱚᱢᱵᱷᱟ ᱾ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱕ ᱛᱮ ᱥᱮᱱ ᱞᱮᱱᱠᱷᱟᱱ ᱵᱟᱹᱞᱩᱜᱟᱸ, ᱵᱚᱨᱠᱩᱲᱚ ᱟᱨ ᱨᱚᱢᱵᱷᱟ ᱨᱮ ᱟᱬᱜᱚ ᱠᱟᱛᱮ ᱪᱤᱞᱤᱠᱟ ᱥᱮᱱ ᱜᱟᱱᱚᱜᱼᱟ ᱾ ᱳᱰᱤᱥᱟ ᱨᱮᱱᱟᱜ ᱨᱟᱡᱽᱜᱟᱲ ᱵᱷᱩᱵᱚᱱᱮᱥᱚᱨ ᱠᱷᱚᱱ ᱵᱟᱹᱞᱩᱜᱟᱸ ᱫᱚ ᱑᱐᱐ ᱠᱤᱞᱚᱢᱤᱴᱚᱨ ᱟᱨ ᱨᱚᱢᱵᱷᱟ ᱫᱚ ᱑᱓᱐ ᱠᱤᱞᱚᱢᱤᱴᱚᱨ ᱦᱩᱭᱩᱜᱼᱟ ᱾ ᱯᱩᱨᱤ ᱦᱚᱨ ᱛᱮ ᱪᱟᱞᱟᱶ ᱞᱮᱱ ᱠᱷᱟᱱ ᱥᱟᱛᱚᱯᱚᱰᱟ ᱥᱮᱫᱛᱮ ᱥᱮᱱ ᱦᱩᱭᱩᱜᱼᱟ ᱾ ᱯᱩᱨᱤ ᱠᱷᱚᱱ ᱥᱟᱛᱚᱯᱚᱰᱟ ᱫᱚ ᱕᱐ ᱠᱤᱞᱚᱢᱤᱴᱚᱨ ᱾ ᱫᱟᱬᱟ ᱡᱚᱝ ᱞᱟᱹᱜᱤᱫ ᱡᱚᱛᱷᱟᱛ ᱚᱠᱛᱚ ᱫᱚ ᱦᱩᱭᱩᱜ ᱠᱟᱱᱟ ᱚᱠᱴᱚᱵᱚᱨ ᱠᱷᱚᱱᱟ ᱯᱷᱮᱵᱽᱨᱩᱣᱟᱨᱤ, ᱢᱮᱱᱠᱷᱟᱱ ᱨᱚᱢᱚᱡᱽ ᱞᱟᱹᱜᱤᱫ ᱚᱠᱛᱚ ᱫᱚ ᱰᱤᱥᱮᱢᱵᱚᱨ ᱠᱷᱚᱱ ᱡᱟᱱᱩᱣᱟᱨᱤ ᱜᱮ ᱾ ᱯᱩᱨᱤ, ᱠᱷᱳᱨᱫᱟ ᱟᱨ ᱜᱚᱧᱡᱟᱢ ᱦᱚᱱᱚᱛ ᱨᱮ ᱱᱚᱶᱟ ᱫᱚ ᱵᱷᱤᱲᱟᱹᱣ ᱟᱠᱟᱱᱟ ᱾

ᱜᱩᱱ ᱪᱟᱨᱪᱟ

ᱚᱛᱮᱛ ᱨᱮ ᱢᱮᱱᱟᱜ ᱡᱚᱞᱟ ᱠᱚᱨᱮ ᱠᱷᱚᱱ ᱪᱤᱞᱤᱠᱟ ᱨᱮᱱᱟᱜ ᱜᱩᱱ ᱪᱟᱨᱪᱟ ᱦᱚᱸ ᱟᱥᱚᱠᱟᱭ ᱜᱮᱭᱟ ᱾ ᱚᱱᱟ ᱨᱮᱱᱟᱜ ᱚᱡᱮ ᱫᱚ ᱦᱩᱭᱩᱜ ᱠᱟᱱᱟ ᱺ-

• ᱢᱤᱫ ᱢᱟᱨᱟᱝ ᱵᱩᱞᱩᱝᱢᱮᱥᱟ ᱡᱚᱞᱟ ᱟᱨᱵᱟᱝ ᱞᱚᱜᱩᱱ ᱾
• ᱪᱤᱞᱤᱠᱟ ᱫᱚ ᱥᱤᱧᱚᱛ ᱢᱟᱦᱟᱫᱮᱥ ᱨᱮ ᱟᱥᱨᱟᱜ ᱪᱮᱬᱮ ᱠᱚ ᱞᱟᱹᱜᱤᱫ ᱢᱤᱫ ᱢᱟᱨᱟᱝ ᱟᱨ ᱱᱟᱯᱟᱭ "ᱨᱟᱵᱟᱝ ᱴᱷᱟᱹᱶ"(wintering ground)᱾
• ᱥᱤᱧᱚᱛ ᱨᱮᱱᱟᱜ ᱡᱤᱣᱤᱵᱷᱮᱯᱮᱫ (biodiversity) ᱨᱮᱱᱟᱜ ᱢᱤᱫ ᱢᱟᱨᱟᱝ "ᱩᱨᱜᱩᱢ ᱴᱷᱟᱶ" ᱟᱨᱵᱟᱝ ᱦᱚᱴ ᱥᱯᱚᱴ (hot spot)᱾
• ᱵᱩᱞᱩᱝᱫᱟᱜ ᱫᱤᱛᱮ ᱦᱟᱹᱠᱩ ᱠᱚᱣᱟᱜ ᱦᱟᱨᱟᱜ ᱞᱟᱹᱜᱤᱫ ᱱᱟᱯᱟᱭ ᱴᱷᱟᱹᱶ ᱠᱟᱱᱟ ᱾
• ᱠᱟᱥᱯᱤᱭᱟᱱ ᱥᱟᱹᱢᱩᱸᱫᱽ, ᱵᱮᱭᱠᱟᱞ ᱡᱚᱞᱟ, ᱟᱨᱚᱞ ᱥᱟᱹᱢᱩᱸᱫᱽ (Aral Sea), ᱢᱚᱝᱜᱚᱞᱤᱭᱟ ᱨᱮᱱᱟᱜ ᱠᱤᱨᱜᱤᱡᱽ ᱵᱩᱫᱟᱹᱣᱚᱛ, ᱛᱟᱞᱢᱟ ᱟᱨ ᱠᱚᱧᱮ ᱥᱟᱢᱟᱝ ᱮᱥᱤᱭᱟ, ᱞᱚᱫᱟᱠᱷ ᱟᱨ ᱦᱤᱢᱟᱞ ᱵᱩᱨᱩ ᱮᱢᱟᱱ ᱡᱤᱞᱤᱧ ᱡᱤᱞᱤᱧ ᱴᱷᱟᱶ ᱠᱷᱚᱱ ᱪᱮᱬᱮ ᱠᱚ ᱦᱤᱡᱩᱜᱼᱟ ᱪᱮᱫᱟᱜ ᱥᱮ ᱨᱟᱵᱟᱝ ᱚᱠᱛᱚ ᱨᱮᱦᱚᱸ ᱱᱚᱸᱰᱮ ᱪᱟᱨᱟ ᱨᱮᱱᱟᱜ ᱚᱵᱷᱟᱵᱽ ᱵᱟᱭ ᱧᱮᱞᱚᱜᱼᱟ ᱾
• ᱪᱤᱞᱤᱠᱟ ᱨᱤᱱ ᱥᱤᱵᱤᱞ ᱦᱟᱹᱠᱳ,ᱤᱪᱟᱹᱜ ᱟᱨ ᱠᱟᱴᱠᱚᱢ ᱚᱮᱛ ᱨᱮ ᱠᱚ ᱧᱩᱢᱟᱱᱟ ᱾

ᱵᱟᱨᱦᱮ ᱡᱚᱱᱚᱲ

• Irrawaddy dolphin — India Archived ᱒᱐᱐᱙-᱐᱓-᱒᱖ at the Wayback Machine.
• Tourist information on Chilka Lake Travel
• Opening of new mouth and IRS 1D LISS III Image of Chilika Lagoon Archived ᱒᱐᱐᱘-᱑᱒-᱐᱗ at the Wayback Machine.
• Figure 1 Chilika Lagoon Basin
• Tourist locations in the lagoon Archived ᱒᱐᱐᱖-᱐᱕-᱐᱔ at the Wayback Machine.
• Birds of Chilika
• The journey from Puri to Chilika lake Archived ᱒᱐᱑᱒-᱑᱐-᱑᱑ at the Wayback Machine. brings alive the rustic life of Orissa