ᱪᱤᱯᱯᱤ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
ᱥᱤᱞᱯᱟ
Chippy.jpg
ᱡᱟᱱᱟᱢ ᱟᱨ ᱡᱟᱱᱟᱢ ᱴᱷᱟᱶ ᱛᱷᱤᱨᱩᱵᱚᱱᱚᱱᱛᱯᱩᱨᱚᱢ, ᱠᱮᱨᱚᱞ, ᱥᱤᱧᱚᱛ
ᱠᱟᱹᱢᱤ ᱯᱷᱤᱞᱤᱢ ᱟᱠᱴᱨᱮᱥ
ᱠᱟᱹᱢᱤ ᱚᱠᱛᱚ 1993–2002 (film)
2002–2013 (TV)
2017–present (TV)

ᱠᱚᱱᱚᱰᱰᱚ ᱥᱤᱱᱮᱢᱟ ᱟᱨ ᱯᱷᱤᱞᱤᱢ ᱨᱤᱱᱤᱡ ᱪᱤᱯᱯᱤ (ᱵᱟᱹᱲᱛᱤᱠᱟᱭ ᱛᱮ ᱥᱤᱞᱯᱟ ᱧᱩᱛᱩᱢ ᱛᱮᱠᱚ ᱵᱟᱰᱟᱭ ᱟᱠᱟᱫᱮᱭᱟ ᱾ ᱠᱚᱧᱮ ᱥᱤᱧᱚᱛ ᱯᱷᱤᱞᱤᱢ ᱤᱱᱰᱚᱥᱴᱨᱤ ᱨᱤᱱᱤᱡ ᱯᱷᱤᱞᱤᱢ ᱵᱟᱰᱚᱦᱤ ᱢᱩᱲ ᱫᱚ ᱢᱟᱞᱟᱭᱟᱞᱚᱢ, ᱠᱚᱱᱚᱰᱚ ᱯᱟᱹᱨᱥᱤ ᱥᱤᱱᱮᱢᱟ ᱨᱮ ᱥᱮᱞᱮᱫ ᱢᱮᱱᱟᱭᱟ ᱾ ᱟᱡ ᱟᱡᱟᱜ ᱡᱟᱱᱩᱢᱫᱟ ᱡᱳᱰᱤ (᱑᱙᱖᱖) ᱨᱮᱱᱟᱜ ᱯᱷᱤᱞᱤᱢ ᱨᱮ ᱥᱚᱨᱮᱥ ᱠᱟᱹᱢᱤ ᱞᱟᱹᱜᱤᱫ ᱠᱚᱱᱚᱰᱚ ᱯᱷᱤᱞᱤᱢ ᱯᱷᱮᱭᱟᱨ ᱟᱣᱟᱨᱰ ᱟᱨ ᱠᱚᱨᱱᱟᱴᱚᱠᱚ ᱯᱚᱱᱚᱛ ᱯᱷᱤᱞᱤᱢ ᱟᱣᱟᱨᱰ ᱮ ᱧᱟᱢ ᱟᱠᱟᱫᱟ ᱾[᱑] ᱟᱡ ᱠᱚᱱᱚᱰᱚ ᱨᱮᱱᱟᱜ ᱟᱹᱰᱤᱜᱟᱱ ᱥᱩᱯᱚᱦᱤᱴ ᱯᱷᱤᱞᱤᱢ ᱨᱮ ᱠᱟᱹᱢᱤ ᱟᱠᱟᱫᱟᱭ ᱡᱮᱢᱚᱱ ᱵᱷᱩᱢᱤ ᱛᱷᱟᱭᱤᱭᱟ ᱪᱳᱪᱚᱪᱟᱞᱟ ᱢᱟᱜᱟ (᱑᱙᱙᱘), ᱢᱩᱱᱜᱟᱨᱤᱱᱟ ᱢᱤᱱᱪᱦᱩ (᱑᱙᱙᱗) ᱟᱨ ᱤᱰᱷᱩ ᱮᱱᱛᱷᱟ ᱯᱨᱮᱢᱟᱶᱟᱵᱷᱭᱟ (᱑᱙᱙᱙) ᱠᱚᱱᱚᱰᱚ ᱥᱤᱱᱮᱢᱟ ᱨᱮᱱᱟᱜ ᱯᱚᱨᱫᱟ ᱨᱮ ᱥᱤᱞᱯᱟ ᱟᱨ ᱨᱚᱢᱮᱥ ᱟᱨᱚᱵᱷᱤᱱᱫᱼᱟ ᱡᱩᱰᱤ ᱟᱹᱰᱤ ᱥᱚᱨᱮᱥ ᱛᱟᱦᱮᱸ ᱢᱮᱱᱛᱮᱫ ᱠᱚ ᱞᱟᱹᱭᱟ ᱾ ᱟᱡ ᱟᱹᱰᱤᱜᱟᱱ ᱢᱟᱞᱟᱭᱟᱞᱚᱢ ᱥᱤᱨᱤᱭᱮᱞ ᱨᱮᱦᱚᱸᱭ ᱠᱟᱹᱢᱤ ᱟᱠᱟᱫᱟ ᱡᱮᱢᱚᱱ ᱥᱛᱷᱨᱤᱡᱚᱱᱢᱚᱢ, ᱥᱛᱷᱨᱤ ᱚᱨᱩ ᱥᱟᱱᱛᱷᱣᱟᱱᱟᱢ, ᱟᱠᱟᱥᱚᱫᱩᱛᱷᱩ

ᱠᱮᱨᱤᱭᱚᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱪᱤᱯᱯᱤ ᱟᱡ ᱯᱩᱭᱞᱩ ᱯᱷᱤᱞᱤᱢ ᱑᱙᱙᱓ ᱥᱟᱞ ᱨᱮ ᱢᱟᱢᱩᱴᱤ ᱥᱟᱞᱟᱜ "ᱵᱷᱚᱨᱛᱷᱚᱱ" ᱟ ᱫᱤᱥᱟᱹᱩᱫᱩᱜ ᱛᱮ ᱯᱟᱫᱷᱮᱭᱟᱢ ᱯᱷᱤᱞᱤᱢ ᱮ ᱠᱚᱨᱟᱣ ᱞᱮᱫᱟ ᱾ ᱟᱡ ᱟᱹᱰᱤᱜᱟᱱ ᱢᱟᱞᱟᱭᱟᱞᱚᱢ ᱯᱷᱤᱞᱤᱢ ᱨᱮ ᱥᱚᱦᱚᱫ ᱨᱚᱞ ᱟᱨ ᱟᱫᱷᱟᱱ ᱨᱮᱫᱚ ᱢᱩᱲᱩᱛ ᱨᱚᱞ ᱮ ᱯᱟᱨᱴ ᱟᱠᱟᱫᱟ ᱾ ᱑᱙᱙᱖ ᱥᱟᱞ ᱨᱮ ᱠᱚᱱᱱᱚᱰᱚ ᱵᱞᱚᱠ ᱵᱚᱥᱴᱚᱨ ᱯᱷᱤᱞᱢ "ᱡᱟᱱᱩᱢᱫᱟ ᱡᱳᱰᱤ" ᱨᱮ ᱯᱟᱨᱴ ᱞᱮᱫᱟᱭ, ᱱᱚᱣᱟ ᱯᱷᱤᱞᱤᱢ ᱠᱚᱱᱱᱚᱰᱚ ᱯᱷᱤᱞᱤᱢ ᱤᱱᱰᱚᱥᱴᱨᱤ ᱨᱮᱱᱟᱜ ᱟᱹᱰᱤᱜᱟᱱ ᱨᱮᱠᱚᱨᱰ ᱮ ᱨᱟᱹᱯᱩᱫ ᱞᱮᱫᱼᱟ ᱟᱨ ᱕᱐᱐ ᱢᱟᱦᱟᱸ ᱯᱚᱨᱫᱟ ᱨᱮ ᱪᱟᱹᱞᱩ ᱞᱮᱱᱟ ᱾ ᱚᱱᱟ ᱯᱷᱤᱞᱤᱢ ᱞᱟᱹᱜᱤᱫ ᱜᱮ ᱟᱡ ᱥᱚᱨᱮᱥ ᱠᱩᱲᱤ ᱵᱟᱰᱚᱦᱤ ᱞᱟᱹᱜᱤᱫ ᱠᱚᱨᱱᱟᱴᱚᱠ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ ᱠᱚᱨᱱᱟᱴᱚᱠ ᱯᱚᱱᱚᱛ ᱯᱷᱤᱞᱤᱢ ᱟᱣᱟᱨᱰ ᱮ ᱧᱟᱢ ᱞᱮᱫᱟ ᱾ ᱚᱱᱟ ᱯᱷᱤᱞᱤᱢ ᱛᱮ ᱟᱡ ᱠᱚᱱᱱᱚᱰᱚ ᱯᱷᱤᱞᱤᱢ ᱤᱱᱰᱚᱥᱴᱨᱤ ᱨᱮ ᱪᱮᱛᱟᱱ ᱛᱷᱟᱨ ᱨᱤᱱᱤᱡ ᱵᱟᱰᱚᱦᱤ ᱞᱮᱠᱟᱛᱮ ᱧᱩᱛᱩᱢ ᱮ ᱟᱨᱡᱟᱣ ᱞᱮᱫᱟ ᱾ ᱡᱟᱶᱟᱭᱮᱱ ᱛᱟᱭᱚᱢ ᱟᱡ ᱢᱟᱞᱟᱭᱟᱞᱚᱢ ᱴᱤᱵᱷᱤ ᱥᱤᱨᱤᱭᱮᱞ ᱥᱮᱫ ᱮ ᱢᱚᱦᱰᱟ ᱮᱱᱟᱭ ᱾ ᱥᱛᱷᱨᱤᱡᱚᱱᱚᱢ ᱨᱮ ᱢᱟᱭᱚᱢᱢᱟ ᱨᱳᱞ ᱠᱷᱟᱹᱛᱤᱨ ᱟᱹᱰᱤᱜᱮ ᱧᱩᱛᱩᱢ ᱞᱮᱱᱟᱭ ᱾ ᱚᱱᱟ ᱛᱟᱭᱚᱢ ᱟᱡᱟᱜ ᱱᱤᱡᱚᱨᱟᱜ ᱯᱨᱚᱰᱚᱠᱥᱚᱱ ᱦᱟᱣᱥ (ᱚᱵᱚᱱᱛᱤᱠᱟ ᱠᱨᱤᱭᱮᱥᱚᱱ) ᱨᱮ ᱟᱹᱰᱤᱜᱟᱱ ᱥᱤᱨᱤᱭᱮᱞ ᱨᱮ ᱯᱟᱨᱴ ᱠᱮᱫᱟᱭ ᱾ ᱥᱳᱯ ᱚᱯᱮᱨᱥ ᱞᱟᱹᱜᱤᱫ ᱟᱡ ᱟᱰᱤᱜᱟᱱ ᱥᱟᱨᱦᱟᱣ ᱮ ᱧᱟᱢ ᱟᱠᱟᱫᱟ ᱟᱨ ᱢᱟᱞᱟᱭᱟᱞᱚᱢ ᱥᱤᱨᱤᱭᱮᱞ ᱤᱱᱰᱚᱥᱴᱨᱤ ᱨᱤᱱ ᱡᱚᱛᱚ ᱠᱷᱚᱱ ᱥᱚᱨᱮᱥ ᱠᱩᱤ ᱵᱟᱰᱚᱦᱤ ᱠᱷᱚᱱ ᱢᱤᱫᱴᱟᱜ ᱠᱟᱱᱟᱭ ᱾ ᱥᱤᱨᱤᱭᱮᱞ ᱥᱟᱶ ᱛᱤᱱᱟᱹᱜ ᱜᱟᱱ ᱮᱰᱵᱷᱟᱨᱴᱟᱭᱤᱡᱢᱮᱱᱴ ᱨᱮᱦᱚᱸᱭ ᱯᱟᱨᱴ ᱟᱠᱟᱫᱟ ᱾ ᱱᱤᱛᱚᱜ ᱟᱡ ᱵᱷᱚᱱᱚᱢᱵᱟᱫᱤ ᱟᱨ ᱢᱳᱣᱱᱟ ᱨᱟᱜᱚᱢ ᱥᱤᱨᱤᱭᱮᱞ ᱨᱮ ᱯᱟᱨᱴ ᱮᱫᱟᱭ ᱾[᱒]

ᱱᱤᱡᱽ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱪᱤᱯᱯᱤ ᱠᱮᱨᱚᱞᱟ ᱨᱮᱱᱟᱜ ᱛᱷᱤᱨᱩᱱᱚᱱᱚᱸᱛᱯᱩᱨᱚᱢ ᱨᱮ ᱥᱟᱡᱤ ᱟᱨ ᱛᱷᱟᱱᱠᱚᱢᱼᱟ ᱠᱚᱞᱮ ᱨᱮ ᱡᱟᱱᱢᱟ ᱞᱮᱱᱟᱭ ᱾ ᱟᱡ ᱤᱡ ᱵᱚᱠᱚᱛᱠᱩᱲᱤ ᱫᱨᱤᱥᱭᱟ [᱓] ᱧᱩᱛᱩᱢᱟᱱ ᱯᱨᱚᱰᱩᱥᱚᱨ ᱮᱢ ᱨᱟᱡᱱᱤᱛᱷ ᱥᱟᱶ ᱮ ᱡᱟᱶᱟᱭ ᱟᱠᱟᱱᱟᱭ ᱾ ᱟᱡ ᱤᱡ ᱢᱤᱫ ᱦᱚᱯᱚᱱᱮᱨᱟ ᱢᱮᱱᱟᱭᱟ ᱡᱟᱦᱟᱸᱭᱟᱜ ᱧᱩᱛᱩᱢ ᱚᱵᱚᱱᱛᱤᱠᱟ ᱠᱟᱱᱟ ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. "Best actress". Filmfare. 1998-07-05. Archived from the original on 5 ᱡᱩᱞᱟᱭ 1998. Retrieved 2012-08-15.  Unknown parameter |url-status= ignored (help)
  2. "Chippy says she signed 'Vanambadi' impressed by its story and music – Times of India". The Times of India. Retrieved 2017-09-26. 
  3. "Interview with Chippy". amritatv.com. Retrieved 26 ᱢᱟᱨᱪ 2014. 

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]