ᱪᱤᱸᱰᱩ (ᱯᱷᱩᱴᱵᱚᱞ)

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Shunsuke1 20080622

ᱪᱤᱸᱰᱩ (ᱯᱷᱩᱴᱵᱚᱞ)

ᱮᱥᱚᱥᱤᱭᱮᱥᱚᱱ ᱯᱷᱩᱴᱵᱚᱞ, ᱡᱟᱦᱟᱸ ᱫᱚ ᱠᱷᱟᱹᱞᱤ ᱯᱷᱩᱴᱵᱚᱞ ᱟᱨᱵᱟᱝ ᱥᱟᱠᱚᱨ ᱠᱚ ᱢᱮᱛᱟᱜᱼᱟ ᱾ ᱱᱚᱶᱟ ᱫᱚ ᱫᱩᱱᱤᱭᱟᱹ ᱨᱮ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱦᱚᱲ ᱠᱚ ᱠᱩ ᱤᱭᱟᱜ ᱠᱷᱮᱞ ᱠᱷᱚᱱ ᱢᱤᱫᱴᱟᱹᱝ ᱠᱟᱱᱟ ᱾ ᱱᱚᱶᱟ ᱫᱚ ᱜᱟᱫᱮᱞ ᱠᱷᱮᱞ ᱠᱟᱱᱟ ᱟᱨ ᱟᱨ ᱵᱟᱨ ᱜᱟᱫᱮᱞ ᱛᱟᱞᱟᱨᱮ ᱠᱷᱮᱞᱚᱸᱰ ᱫᱚ ᱦᱩᱭᱩᱜᱼᱟ ᱾ ᱢᱤᱫ ᱜᱟᱫᱮᱞ ᱨᱮ ᱜᱮᱞ ᱢᱤᱫ ᱠᱷᱮᱞᱚᱸᱰᱤᱭᱟᱹ ᱠᱚ ᱮᱱᱮᱡᱼᱟ ᱾ ᱪᱤᱸᱰᱩ ᱫᱚ ᱢᱮᱱ ᱞᱮᱠᱷᱟᱱ ᱢᱤᱫ ᱯᱩᱱ ᱠᱚᱬ ᱜᱚᱰᱟ, ᱡᱟᱦᱟᱸᱨᱮ ᱥᱟᱹᱨᱤ ᱛᱟᱥᱟᱫ ᱟᱨᱵᱟᱝ ᱨᱚᱦᱚᱭ ᱟᱠᱟᱫ ᱛᱟᱥᱟᱫ ᱟᱴᱮᱫ ᱠᱚᱜᱼᱟ, ᱚᱱᱠᱟᱱ ᱜᱚᱰᱟ ᱨᱮᱠᱚ ᱠᱷᱮᱞᱚᱸᱰ ᱟ ᱾ ᱚᱱᱟ ᱯᱩᱲᱭᱟᱹ ᱨᱮᱭᱟᱜ ᱵᱟᱱᱟᱨ ᱯᱟᱦᱴᱟ ᱨᱮ ᱵᱟᱨᱭᱟ ᱠᱟᱛᱮ ᱜᱳᱞ ᱠᱷᱩᱱᱴᱤ ᱛᱟᱦᱮᱸᱱᱟ ᱾

ᱠᱷᱮᱞᱚᱸᱰᱤᱭᱟᱹ ᱠᱚ ᱫᱟᱨᱟᱭ ᱛᱮ ᱵᱤᱨᱩᱫᱷᱤ ᱜᱟᱫᱮᱞ ᱨᱮᱭᱟᱜ ᱜᱳᱞ ᱥᱮᱫ ᱪᱟᱞᱟᱠ ᱛᱮ ᱵᱚᱞ ᱠᱚ ᱛᱷᱟᱹᱭᱟᱹ ᱵᱚᱞᱚᱭᱟ, ᱱᱚᱶᱟ ᱜᱮ ᱮᱱᱮᱡ ᱨᱮᱭᱟᱜ ᱦᱩᱫᱤᱥ ᱫᱚ ᱾ ᱠᱷᱮᱞ ᱨᱮ ᱜᱳᱞ ᱫᱩᱫᱩᱜᱤᱡ ᱜᱮ ᱢᱤᱫ ᱦᱚᱲ ᱱᱚᱝᱠᱟᱱ ᱠᱷᱮᱞᱚᱸᱰᱤᱭᱟᱹ ᱠᱟᱱᱟᱭ, ᱡᱟᱦᱟᱸᱭ ᱵᱚᱞ ᱫᱟᱨᱟᱢ ᱞᱟᱹᱜᱤᱫ ᱟᱡᱟᱜ ᱛᱤᱭ ᱵᱮᱵᱷᱟᱨ ᱫᱟᱲᱮᱭᱟᱜ ᱨᱮᱭᱟᱜ ᱫᱟᱣ ᱢᱮᱱᱟᱜ ᱛᱟᱭᱟ ᱾ ᱜᱟᱫᱮᱞ ᱨᱤᱱ ᱮᱴᱟᱜ ᱠᱷᱮᱞᱚᱸᱰᱤᱭᱟᱹ ᱠᱚ ᱫᱚ ᱵᱟᱹᱲᱛᱤ ᱞᱮᱠᱟᱛᱮ ᱵᱚᱞ ᱠᱚ ᱵᱟᱡᱟᱣ (ᱛᱷᱟᱹᱭᱟᱹ) ᱞᱟᱹᱜᱤᱫ ᱛᱮᱫᱚ ᱟᱠᱚᱣᱟᱜ ᱡᱟᱸᱜᱟ ᱠᱚ ᱵᱮᱵᱷᱟᱨᱟ ᱟᱨ ᱢᱤ-ᱢᱤᱫ ᱵᱮᱲᱟ ᱫᱚ ᱦᱟᱣᱟ ᱨᱮ ᱵᱚᱞ ᱠᱚ ᱟᱴᱠᱟᱣ ᱞᱟᱹᱜᱤᱫ ᱟᱠᱚᱣᱟᱜ ᱵᱚᱦᱚᱜ ᱦᱚᱸ ᱠᱚ ᱵᱮᱵᱷᱟᱨᱟ ᱾ ᱡᱟᱦᱟᱸᱭ ᱜᱟᱫᱮᱞ ᱠᱷᱮᱞ ᱢᱩᱪᱟᱹᱫᱚᱜ ᱟᱨᱵᱟᱝ ᱚᱠᱛᱚ ᱪᱟᱵᱟᱜ ᱫᱷᱟᱹᱵᱤᱡ ᱵᱟᱹᱲᱛᱤᱭ ᱜᱳᱞ ᱠᱟᱜᱼᱟ, ᱩᱱᱤ ᱜᱟᱫᱮᱞ ᱜᱮᱭ ᱡᱤᱛᱠᱟᱹᱨᱚᱜᱼᱟ ᱾ ᱠᱷᱮᱞ ᱛᱷᱩᱠᱟᱹᱢᱚᱜ ᱟᱨᱵᱟᱝ ᱚᱠᱛᱚ ᱪᱟᱵᱟᱜ ᱛᱮ ᱡᱩᱫᱤ ᱥᱠᱚᱨ ᱵᱟᱨᱟᱵᱟᱹᱨᱤ ᱛᱟᱦᱮᱸᱱᱟ ᱮᱱᱠᱷᱟᱱ ᱚᱱᱟ ᱫᱚ ᱵᱟᱨᱟᱵᱟᱹᱨᱤ ᱟᱨᱵᱟᱝ ᱰᱨᱚ ᱢᱮᱱᱛᱮ ᱠᱚ ᱵᱤᱠᱱᱟᱹᱣᱟ ᱾ ᱟᱨᱵᱟᱝ ᱠᱷᱟᱱ ᱠᱷᱮᱞ ᱟᱹᱰᱤ ᱚᱠᱛᱚᱭ ᱦᱟᱛᱟᱣᱟ ᱾ ᱟᱨ ᱵᱟᱝ ᱠᱷᱟᱱ ᱢᱤ-ᱢᱤᱫ ᱵᱮᱲᱟ ᱫᱚ ᱯᱮᱱᱟᱞᱴᱤ ᱥᱩᱴ ᱟᱣᱩᱴ ᱦᱚᱛᱮᱛᱮ ᱦᱟᱨᱟᱣ ᱡᱤᱛᱠᱟᱹᱨ ᱴᱷᱟᱹᱣᱠᱟᱹᱭ ᱫᱚ ᱡᱚᱛᱚ ᱦᱮᱯᱨᱟᱣᱤᱭᱟᱹ ᱪᱮᱛᱟᱱ ᱨᱮ ᱞᱟᱫᱮ ᱛᱟᱦᱮᱸᱱᱟ ᱾

ᱟᱫᱷᱩᱱᱤᱠ ᱯᱷᱩᱴᱵᱚᱞ ᱫᱚ ᱤᱸᱜᱽᱞᱚᱰ ᱨᱮ ᱫᱤ ᱯᱷᱩᱴᱵᱚᱞ ᱮᱥᱚᱥᱤᱭᱮᱥᱚᱱ ᱜᱟᱶᱛᱟ ᱞᱟᱹᱜᱤᱫ ᱢᱤᱫ ᱨᱤᱛ ᱮ ᱵᱮᱱᱟᱣ ᱠᱮᱜᱼᱟ, ᱟᱨ ᱡᱟᱦᱟᱸ ᱫᱚ ᱑᱘᱖᱓ ᱨᱮ ᱵᱮᱱᱟᱣ ᱮᱱ ᱞᱚᱡᱽ ᱛᱯ ᱫᱤ ᱜᱮᱢ (laws of the game) /(ᱠᱷᱮᱞᱚᱸᱰ ᱞᱟᱹᱜᱤᱫ ᱨᱤᱛ) ᱞᱮᱠᱟ ᱛᱮᱜᱮ ᱯᱷᱩᱴᱵᱚᱞ ᱫᱚ ᱮᱱᱮᱡ ᱦᱩᱭᱩᱜ ᱠᱟᱱᱟ ᱾ ᱡᱮᱜᱮᱛᱟᱹᱨᱤ ᱞᱮᱠᱟᱛᱮ ᱯᱷᱩᱴᱵᱚᱞ ᱫᱚ Federation internationale de football Association ᱟᱨᱵᱟᱝ ᱮᱥᱚᱥᱤᱭᱮᱥᱚᱱ ᱯᱷᱩᱴᱵᱚᱞ ᱨᱮᱭᱟᱜ ᱡᱟᱦᱟᱸ ᱫᱚ ᱡᱮᱜᱮᱛᱟᱹᱨᱤ ᱢᱟᱨᱟᱝ ᱜᱟᱶᱛᱟ ᱡᱟᱦᱟᱸ ᱫᱚ ᱠᱷᱟᱴᱚ ᱛᱮ FIFA ᱥᱮ ᱯᱷᱤᱯᱟ ᱠᱚ ᱢᱮᱛᱟᱜ ᱠᱟᱱᱟ ᱾ ᱯᱷᱩᱴᱵᱚᱞ ᱠᱷᱮᱞ ᱨᱮᱭᱟᱜ ᱡᱚᱛᱚ ᱠᱷᱚᱱ ᱧᱩᱛᱩᱢᱟᱜ ᱫᱚ ᱡᱮᱜᱮᱛᱟᱹᱨᱤ ᱟᱨᱵᱟᱝ ᱵᱟᱹᱲᱛᱤ ᱦᱚᱲ ᱠᱚ ᱠᱩᱥᱤᱭᱟᱜ ᱫᱚ ᱯᱷᱤᱯᱟ ᱣᱟᱞᱰ ᱠᱚᱯ ᱠᱟᱱᱟ ᱾ ᱡᱟᱦᱟᱸ ᱠᱷᱮᱞᱚᱸᱰ ᱨᱮᱭᱟᱜ ᱥᱟᱯᱲᱟᱣ ᱫᱚ ᱡᱚᱛᱚ ᱯᱩᱱ ᱥᱮᱨᱢᱟ ᱨᱮ ᱢᱤᱫ ᱫᱷᱟᱣ ᱦᱩᱭᱩᱜᱼᱟ ᱾ ᱱᱚᱶᱟ ᱦᱮᱯᱨᱟᱣ ᱫᱚ ᱵᱟᱹᱲᱛᱤ ᱠᱷᱚᱱ ᱵᱟᱹᱲᱛᱤ ᱯᱩᱨᱟᱹ ᱡᱮᱜᱮᱛ ᱨᱮᱠᱚ ᱧᱮᱞᱟ ᱟᱨ ᱱᱚᱶᱟ ᱠᱚ ᱧᱮᱞᱮᱫ ᱧᱮᱱᱮᱞᱤᱭᱟᱹ ᱠᱚᱫᱚ ᱥᱤᱛᱩᱝ ᱫᱤᱱ ᱦᱩᱭᱩᱜ ᱚᱞᱤᱢᱯᱤᱠ ᱠᱚ ᱧᱮᱞᱮᱫ ᱧᱮᱧᱮᱞᱤᱭᱟᱹ ᱠᱷᱚᱱ ᱦᱚᱸ ᱵᱟᱨ ᱜᱟᱵᱟᱬ ᱵᱟᱹᱲᱛᱤ ᱠᱚ ᱛᱟᱦᱮᱸᱱᱟ ᱾

ᱠᱷᱮᱞᱚᱸᱰ ᱨᱮᱭᱟᱜ ᱥᱟᱹᱨᱤᱛᱮᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱷᱩᱴᱵᱚᱞ ᱛᱤᱱᱟᱹᱝ ᱜᱟᱱ ᱨᱤᱛ ᱥᱟᱶᱛᱮ ᱮᱱᱮᱡ ᱦᱩᱭᱩᱜᱼᱟ ᱡᱟᱦᱟᱸ ᱫᱚ ᱠᱷᱮᱞ ᱨᱮᱭᱟᱜ ᱱᱤᱭᱚᱢ (laws of the game) ᱠᱚ ᱢᱮᱛᱟᱜᱼᱟ ᱾ ᱱᱚᱶᱟ ᱠᱷᱮᱞ ᱫᱚ ᱢᱤᱫ ᱜᱩᱞ ᱢᱟᱪᱷᱟ ᱵᱚᱞ ᱵᱮᱵᱷᱟᱨ ᱥᱟᱶᱛᱮ ᱠᱚ ᱮᱱᱮᱡᱼᱟ ᱾ ᱡᱟᱦᱟᱸ ᱫᱚ (ᱪᱤᱸᱰᱩ) ᱯᱷᱩᱴᱵᱚᱞ ᱧᱩᱛᱩᱢ ᱛᱮ ᱵᱟᱱᱟᱰᱟᱭ ᱢᱮᱱᱟᱜᱼᱟ ᱾ ᱜᱮᱞ ᱢᱤᱫ ᱠᱮᱞᱚᱸᱰᱤᱭᱟᱹ ᱠᱚᱣᱟᱜ ᱢᱤᱫ ᱜᱟᱫᱮᱞ ᱛᱟᱦᱮᱸᱱᱟ, ᱡᱟᱦᱟᱸᱭ ᱫᱚ ᱡᱚᱛᱚ ᱠᱷᱮᱞᱚᱸᱰᱤᱭᱟᱹ ᱜᱮ ᱮᱴᱟᱜ ᱜᱟᱫᱮᱞ ᱯᱟᱦᱴᱟ ᱜᱳᱞ ᱨᱮ ᱵᱚᱞ ᱛᱷᱟᱹᱭᱟᱹ ᱠᱷᱟᱹᱲ ᱞᱟᱹᱜᱤᱫ ᱠᱩᱨᱩᱢᱩᱴᱩ ᱨᱮᱠᱚ ᱛᱟᱦᱮᱸᱱᱟ ᱟᱨ ᱜᱳᱞ ᱠᱚ ᱟᱢᱮᱴ ᱡᱚᱝᱟ ᱾ ᱡᱟᱦᱟᱸᱭ ᱴᱤᱢ ᱠᱷᱮᱞ ᱛᱟᱞᱟᱨᱮ ᱵᱟᱹᱲᱛᱤ ᱠᱚ ᱜᱳᱞ ᱟ, ᱩᱱᱠᱩ ᱜᱮᱠᱚ ᱡᱤᱛᱠᱟᱹᱨᱚᱜᱼᱟ ᱾ ᱡᱩᱫᱤ ᱵᱟᱱᱟᱨ ᱴᱤᱢ ᱢᱤᱫ ᱥᱚᱢᱟᱱ ᱠᱤᱱ ᱜᱳᱞ ᱠᱷᱟᱱ ᱠᱷᱮᱞ ᱫᱚ ᱰᱨᱚᱜᱼᱟ ᱾

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]