ᱪᱮᱢᱮᱧ ᱟᱨ ᱵᱤᱧ
-: ᱪᱮᱢᱮᱧ ᱟᱨ ᱵᱤᱧ :-
ᱟᱹᱰᱤ ᱟᱹᱰᱤ ᱞᱟᱦᱟ ᱨᱮᱱᱟᱜ ᱠᱟᱛᱷᱟ ᱾ᱵᱤᱨ ᱨᱮ ᱢᱤᱫ ᱵᱤᱧ ᱮᱛᱟᱸᱦᱮ ᱠᱟᱱᱟ ᱾ᱩᱱ ᱚᱠᱛᱚ ᱨᱮ ᱵᱤᱧ ᱟᱜ ᱵᱤᱥ ᱫᱚ ᱵᱟᱝ ᱛᱟᱸᱦᱮ ᱠᱟᱱᱟ ᱾ᱵᱤᱧ ᱫᱚ ᱵᱤᱨ ᱨᱮᱠᱚ ᱛᱟᱸᱦᱮᱱ ᱠᱟᱱ ᱡᱚᱡᱚᱢᱟᱱ ᱡᱤᱭᱟᱹᱞᱤ ᱴᱷᱮᱱ ᱠᱷᱚᱱ ᱵᱟᱱᱪᱟᱣ ᱞᱟᱹᱜᱤᱫ ᱠᱷᱟᱱ ᱦᱟᱱᱰᱮ ᱱᱟᱱᱰᱮ ᱠᱚᱭ ᱩᱠᱩᱱ ᱠᱟᱱ ᱛᱟᱸᱦᱮᱫ ᱾ᱵᱤᱧ ᱫᱚ ᱵᱤᱞᱤ ᱞᱟᱹᱜᱤᱫ ᱚᱠᱛᱚ ᱥᱮᱴᱮᱨᱮᱱ ᱛᱟᱭ ᱠᱷᱟᱱ ᱵᱤᱞᱤ ᱞᱟᱹᱜᱤᱫ ᱴᱷᱟᱸᱣ ᱠᱚᱭ ᱯᱟᱱᱛᱮ ᱠᱮᱫᱼᱟ ᱾ᱯᱟᱱᱛᱮ ᱯᱟᱱᱛᱮ ᱢᱤᱫ ᱪᱮᱢᱮᱧᱟᱜ ᱜᱚᱝᱜᱷᱚᱨ ᱮ ᱧᱟᱢ ᱠᱮᱫᱼᱟ ᱾ᱟᱫᱚ ᱵᱤᱧ ᱫᱚ ᱵᱤᱞᱤ ᱞᱟᱹᱜᱤᱫ ᱪᱮᱢᱮᱧ ᱴᱷᱮᱱᱟᱥᱨᱟᱭ ᱠᱷᱚᱡ ᱠᱮᱫᱼᱟ ᱾ᱮᱱᱠᱷᱟᱱ ᱟᱥᱨᱟ ᱮᱢ ᱞᱟᱹᱜᱤᱫ ᱪᱮᱢᱮᱧ ᱦᱟᱸᱭ ᱨᱮᱵᱮᱱ ᱮᱱᱟ ᱾ᱠᱤᱪᱷᱤ ᱫᱤᱱ ᱯᱚᱞᱚᱢᱮᱱ ᱛᱟᱭᱚᱢ ᱵᱤᱧ ᱫᱚᱭ ᱵᱤᱞᱤ ᱠᱮᱫᱼᱟ ᱾ᱟᱫᱟ ᱪᱮᱢᱮᱧᱟᱜ ᱜᱚᱝᱜᱷᱚᱨ ᱨᱮ ᱵᱤᱞᱤ ᱛᱟᱭᱱᱟᱯᱟᱭ ᱨᱮ ᱛᱟᱸᱦᱮ ᱮᱱᱟ ᱾ᱥᱤᱧ ᱵᱮᱲᱟ ᱫᱚ ᱵᱤᱧ ᱟᱨ ᱪᱮᱢᱮᱧ ᱡᱚᱢᱟᱜ ᱠᱤᱱ ᱯᱟᱱᱛᱮ ᱡᱚᱝᱟ ᱟᱨ ᱟᱹᱭᱩᱵ ᱵᱮᱲᱟ ᱫᱚ ᱡᱚᱴᱟᱣ ᱠᱟᱛᱮ ᱠᱤᱱᱨᱩᱟᱹᱲᱟ ᱟᱨ ᱜᱚᱝᱜᱷᱚᱨ ᱨᱮᱠᱤᱱ ᱡᱟᱹᱯᱤᱫ ᱡᱚᱝᱟ ᱾ᱢᱤᱫ ᱫᱤᱱ ᱫᱚ ᱧᱤᱫᱟᱹᱟᱝᱟᱭᱮᱱ ᱠᱷᱟᱱ ᱵᱤᱧ ᱟᱨ ᱪᱮᱢᱮᱧ ᱫᱚ ᱡᱚᱢᱟᱜ ᱯᱟᱱᱛᱮ ᱠᱤᱱ ᱥᱮᱱ ᱟᱠᱟᱱᱟ ᱾ᱚᱱᱟ ᱚᱠᱛᱚ ᱨᱮ ᱢᱤᱫ ᱛᱚᱨᱦᱚᱫ ᱫᱚᱪᱮᱢᱮᱧᱟᱜ ᱜᱚᱝᱜᱷᱚᱨ ᱨᱮ ᱵᱚᱞᱚᱭᱮᱱᱟᱭ ᱟᱨ ᱵᱤᱧᱟᱜ ᱵᱤᱞᱤ ᱫᱚᱭ ᱡᱚᱢ ᱠᱟᱛᱮ ᱩᱠᱩ ᱩᱠᱩ ᱛᱮ ᱨᱩᱣᱟᱹᱲ ᱮᱱᱟᱭ ᱾