ᱪᱮᱫ ᱠᱟᱱᱟ ᱡᱟᱦᱮᱨ ᱜᱟᱲ
ᱡᱟᱦᱮᱨ ᱜᱟᱲ ᱡᱟᱦᱮᱨ ᱜᱟᱲ ᱫᱚ ᱟᱹᱛᱩ ᱥᱤᱢᱟᱹ ᱨᱮᱭᱟᱜ ᱮᱴᱮᱫ ᱥᱤᱢᱟᱹ ᱠᱟᱱᱟ ᱾ ᱡᱟᱦᱮᱨ ᱟᱭᱳ, ᱵᱟᱵᱟ ᱞᱤᱴᱟᱹ, ᱵᱟᱵᱟ ᱢᱚᱬᱮᱠᱚ ᱛᱩᱨᱩᱭᱠᱚ, ᱵᱚᱸᱜᱟ ᱢᱟᱺᱡᱷᱤ ᱦᱟᱲᱟᱢ, ᱢᱟᱺᱡᱷᱤ ᱵᱩᱰᱦᱤ, ᱛᱮᱸᱜᱮᱱ ᱢᱟᱺᱡᱷᱤ ᱦᱟᱲᱟᱢ, ᱟᱹᱛᱩ ᱯᱟᱴ, ᱴᱷᱟᱹᱠᱨᱟᱹᱱ, ᱫᱷᱚᱨᱚᱢ ᱜᱚᱨᱟᱢ, ᱜᱩᱛᱤ ᱠᱟᱹᱲᱢᱤ, ᱟᱹᱛᱩ ᱥᱤᱢᱟᱹ ᱨᱤᱱ ᱨᱟᱠᱟᱵ ᱟᱨ ᱥᱤᱢᱟᱹ ᱥᱟᱲᱮᱨᱤᱱ ᱦᱟᱸᱦᱟ ᱜᱮ ᱢᱮᱱᱟᱜᱠᱚ ᱵᱚᱸᱜᱟ ᱠᱚ, ᱚᱱᱟ ᱟᱹᱛᱩ ᱥᱩᱨ ᱠᱚᱨᱮᱱ ᱵᱩᱨᱩ ᱵᱚᱸᱜᱟᱠᱚ, ᱦᱩᱛᱤ ᱪᱟᱭᱟ ᱵᱚᱸᱜᱟ ᱞᱩᱜᱩ ᱦᱟᱲᱟᱢ ᱟᱨ ᱡᱟᱦᱟᱸᱜᱮ ᱵᱚᱱ ᱯᱟᱨᱚᱢ ᱦᱮᱡ ᱟᱠᱟᱱ ᱜᱷᱟᱹᱴᱤᱲ ᱵᱚᱸᱜᱟ ᱠᱚ ᱾ ᱱᱩᱠᱩ ᱵᱚᱸᱜᱟ ᱠᱚ ᱟᱛᱮᱜ ᱡᱟᱦᱮᱨ ᱜᱟᱲ ᱮᱴᱮᱫ ᱮᱥᱮᱫ ᱛᱟᱸᱦᱮᱱᱟ ᱾ ᱱᱩᱠᱩ ᱵᱚᱸᱜᱟ ᱠᱚ ᱱᱟᱭᱠᱮ ᱵᱟᱵᱟᱭ ᱥᱮᱴᱮᱨ ᱞᱮᱠᱚ ᱟᱨᱮ ᱠᱩᱥᱤ ᱚᱪᱚ ᱞᱮᱠᱚ ᱠᱷᱟᱱ, ᱵᱟᱹᱲᱤᱡᱟᱜ ᱟᱹᱛᱩ ᱛᱮᱫᱚ ᱵᱟᱝ ᱵᱚᱞᱚᱱᱟ ᱾ [[ᱢᱟᱹᱱᱢᱤ ᱡᱤᱣᱤ ᱡᱟᱹᱛᱤ, ᱠᱟᱰᱟ, ᱰᱟᱺᱜᱽᱨᱤ, ᱥᱤᱢ, ᱥᱩᱠᱨᱤ, ᱢᱮᱨᱚᱢ, ᱵᱷᱤᱰᱤ, ᱫᱷᱚᱱ ᱫᱩᱨᱤᱵᱽ ᱡᱚᱛᱚᱣᱟᱜ ᱨᱮᱭᱟᱜ ᱜᱮ ᱨᱟᱹᱥ ᱧᱟᱢᱚᱜᱼᱟ]] ᱾ ᱦᱚᱭ ᱫᱟᱜ ᱡᱟᱹᱲᱤ ᱫᱟᱜ ᱦᱚᱸᱭ ᱦᱚᱭ ᱟᱹᱜᱮ ᱪᱟᱯᱮ ᱟᱹᱜᱩᱭᱟ᱾ ᱫᱷᱟᱹᱨᱛᱤ ᱥᱟᱱᱟᱢ ᱨᱮᱭᱟᱲ ᱜᱚᱫᱚᱜᱼᱟ ᱾ ᱡᱩᱫᱤ ᱵᱟᱭ ᱥᱮᱴᱮᱨ ᱞᱮᱫ ᱠᱚᱣᱟ ᱮᱱᱠᱷᱟᱱ ᱟᱹᱛᱩ ᱥᱤᱢᱟᱹᱨᱮ ᱠᱟᱨᱟᱡᱽ ᱪᱮᱴᱨᱟ ᱠᱚ ᱨᱟᱜ ᱟᱛᱮᱜ ᱠᱚ ᱟᱨᱫᱟᱥ ᱚᱪᱚ ᱠᱚᱣᱟ ᱡᱮ ᱵᱚᱸᱜᱟ ᱵᱟᱭ ᱥᱮᱴᱮᱨ ᱞᱮᱱᱟ ᱾ ᱵᱟᱰᱟᱭ ᱦᱟᱲᱟᱢ ᱦᱚᱲ ᱠᱚᱦᱚᱸ ᱱᱚᱝᱠᱟᱱ ᱨᱟᱜ ᱠᱚ ᱟᱸᱡᱚᱢ ᱞᱮᱠᱷᱟᱱ ᱯᱟᱭᱛᱟᱨ ᱛᱟᱸᱦᱮ ᱠᱟᱱᱟ ᱚᱠᱟᱨᱮᱪᱚ ᱵᱚᱸᱜᱟ ᱵᱩᱨᱩ ᱫᱮᱵᱟ ᱥᱮᱵᱟ ᱯᱮᱨᱮᱡ ᱩᱢᱟᱹᱲ ᱨᱮ ᱵᱟᱭ ᱥᱮᱴᱮᱨ ᱞᱮᱱᱟ᱾ ᱚᱱᱟᱛᱮ ᱠᱟᱨᱟᱡᱽ ᱠᱩᱞ ᱠᱚᱠᱚ ᱦᱩᱫᱩᱨᱮᱫᱼᱟ ᱾ ᱮᱱᱠᱷᱟᱱ ᱦᱟᱲᱟᱢ ᱦᱚᱲ ᱠᱚᱫᱟ ᱵᱟᱝ ᱜᱷᱟᱹᱲᱤᱠ ᱠᱟᱛᱮ, ᱱᱟᱭᱠᱮ ᱵᱟᱵᱟ ᱡᱟᱦᱮᱨ ᱵᱚᱸᱜᱟ ᱠᱚ ᱫᱟᱜᱼᱮ ᱫᱩᱞ ᱟᱠᱚᱣᱟ ᱟᱨ ᱠᱚ ᱚᱛᱟ ᱛᱟᱵᱮᱨᱚᱜᱼᱟ ᱾ ᱵᱟᱠᱷᱮᱲᱟᱠᱚ "ᱡᱚᱦᱟᱨ ᱜᱚᱥᱟᱸᱭ ᱡᱟᱦᱮᱨ ᱟᱹᱭᱳ ᱢᱟ ᱚᱠᱟ ᱠᱚᱨᱮ ᱪᱚ ᱵᱟᱞᱮ ᱥᱮᱴᱮᱨ ᱞᱮᱫ ᱯᱮᱭᱟ ᱾ ᱟᱞᱮ ᱢᱟ ᱠᱟᱬᱟ ᱢᱟᱹᱱᱢᱤ ᱵᱟᱹᱲᱤᱪ ᱟᱠᱟᱫ ᱠᱷᱟᱱ ᱞᱮ ᱥᱟᱦᱟᱣ ᱠᱟᱜ ᱞᱟᱦᱟᱣ ᱠᱟᱜ ᱟᱯᱮ ᱾ ᱟᱹᱛᱩ ᱥᱤᱢᱟᱹ ᱨᱮ ᱠᱟᱨᱟᱡᱽ ᱟᱨ ᱵᱤᱨ ᱵᱩᱨᱩ ᱨᱮ ᱠᱩᱞ ᱠᱚ ᱟᱞᱚ ᱠᱚ ᱦᱩᱫᱩᱲᱢᱟ ᱾ ᱡᱤᱭᱤ ᱡᱟᱹᱛᱤ ᱨᱮ ᱱᱤᱨᱟᱹᱭ ᱞᱮ ᱧᱟᱢ ᱢᱟ" ᱾ ᱱᱤᱭᱟᱹᱠᱚ ᱠᱟᱹᱢᱤ ᱵᱟᱲᱟ, ᱱᱮᱦᱚᱨ ᱵᱟᱲᱟ ᱞᱮᱠᱷᱟᱱ ᱜᱮ ᱡᱚᱛᱚ ᱠᱚ ᱦᱟᱹᱯᱤᱫᱚᱜᱼᱟ ᱾
ᱟᱵᱚ ᱡᱟᱦᱟᱸ ᱞᱮᱠᱟ, ᱵᱟᱲᱜᱮ ᱵᱮᱥ ᱞᱮᱠᱟ ᱵᱚᱱ ᱮᱴᱮᱫ ᱠᱟᱜ ᱠᱷᱟᱱ ᱵᱟᱲᱜᱮ ᱵᱷᱤᱛᱨᱤ ᱛᱮ ᱰᱟᱺᱜᱽᱨᱤ ᱢᱤᱦᱩᱸ, ᱢᱮᱨᱚᱢ ᱟᱨᱦᱚᱸ ᱮᱴᱟᱜ ᱡᱤᱵᱽ ᱡᱤᱭᱟᱹᱞᱤ ᱠᱚᱦᱚᱸᱮᱴᱮᱫ ᱫᱚᱱ ᱯᱟᱨᱚᱢ ᱠᱟᱛᱮᱜ ᱵᱟᱝ ᱠᱚ ᱯᱟᱨᱚᱢ ᱫᱟᱲᱮᱭᱟᱜᱼᱟ ᱾ ᱮᱴᱮᱫ ᱵᱷᱤᱛᱨᱤ ᱨᱮ ᱪᱟᱥ ᱟᱠᱟᱫ ᱮᱢᱟᱱ ᱛᱮᱢᱟᱱ ᱡᱚ ᱵᱟᱦᱟ ᱫᱟᱨᱮ ᱠᱚ ᱵᱟᱝ ᱠᱚ ᱡᱚᱢ ᱩᱡᱟᱹᱲ ᱫᱟᱲᱮᱭᱟᱜᱼᱟ ᱾ ᱡᱩᱫᱤ ᱮᱴᱮᱫ ᱜᱮ ᱵᱮᱥ ᱵᱟᱝ ᱛᱟᱸᱦᱮᱱᱟ, ᱮᱱᱠᱷᱟᱱ ᱚᱱᱟ ᱵᱟᱲᱜᱮ ᱨᱮᱫᱚ ᱪᱟᱥ ᱨᱮᱦᱚᱢ ᱚᱦᱚᱢ ᱟᱨᱡᱟᱣ ᱠᱮᱣᱟ ᱾ ᱚᱱᱟ ᱠᱷᱟᱹᱛᱤᱨ ᱱᱟᱭᱠᱮ ᱫᱚ ᱵᱟᱰᱟᱭ ᱦᱚᱲ ᱜᱮᱵᱚ ᱱᱟᱭᱠᱮᱜᱼᱟ ᱟᱨ ᱵᱟᱝ ᱡᱩᱜᱽ ᱡᱩᱜᱽ ᱠᱷᱚᱱ ᱡᱟᱦᱟᱸᱭ ᱜᱮᱠᱚ ᱱᱟᱭᱠᱮ ᱦᱤᱡᱩᱜ ᱠᱟᱱᱟ, ᱩᱱᱠᱩ ᱚᱲᱟᱜ ᱨᱮᱱ ᱜᱮᱠᱚ ᱱᱟᱭᱠᱮ ᱞᱮᱱᱠᱷᱟᱱ ᱟᱹᱰᱤ ᱱᱟᱯᱟᱭᱟ ᱾
ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱡᱟᱦᱮᱨ ᱜᱟᱲ ᱫᱚ ᱪᱮᱫ ᱠᱟᱱᱟ-ᱜᱚᱡᱮᱱᱫᱨᱚ ᱠᱤᱥᱠᱩ, ᱯᱟᱸᱡᱟ ᱯᱟᱛᱷᱟᱢ, ᱥᱟᱠᱟᱢ -᱒, Nov-Dec, 2014 Vol. 4, No. 1