ᱪᱮᱴᱨᱟ ᱨᱟ.ᱱᱤ ᱠᱷᱚᱭᱨᱤ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ

ᱪᱮᱴᱨᱟ ᱨᱟ.ᱱᱤ ᱠᱷᱚᱭᱨᱤ-:ᱥᱤᱢᱲᱤᱯᱟᱲ ᱵᱤᱨ ᱨᱮ ᱮᱸᱜᱟᱛ ᱥᱟᱶ ᱡᱚᱢᱟᱜ ᱯᱟᱱᱛᱮ ᱛᱩᱞᱩᱡ ᱮᱸᱜᱟᱛ ᱠᱚᱞᱮ ᱠᱷᱚᱱ ᱪᱷᱩᱰᱟ.ᱨ ᱮᱱ ᱪᱮᱴᱨᱟ ᱦᱚᱯᱚᱱ ᱫᱚ ᱵᱩᱨᱩ ᱨᱮ ᱥᱟᱦᱟᱱ ᱥᱟᱠᱟᱢ ᱫᱟ.ᱛᱟᱣᱱᱤ ᱯᱮᱴᱮᱡ ᱡᱷᱚᱜ ᱠᱷᱟᱰᱭᱟ ᱠᱚ ᱠᱷᱚᱭᱨᱤ ᱜᱟᱰᱟ ᱟᱲᱮ ᱨᱚ ᱕ ᱚᱠᱴᱚᱵᱚᱨ ᱑᱙᱗᱔ ᱥᱟᱞᱮ ᱨᱮᱠᱚ ᱧᱟᱢ ᱠᱮᱫᱮᱭᱟ|ᱠᱷᱚᱭᱨᱤ ᱜᱟᱰᱟ ᱧᱩᱛᱩᱢ ᱞᱮᱠᱟᱛᱮ ᱩᱱᱤᱭᱟᱜ ᱧᱩᱛᱩᱢ ᱫᱚ ᱠᱷᱚᱭᱨᱤ ᱠᱚ ᱫᱚᱦᱚ ᱠᱮᱫ-ᱟ|ᱩᱱᱤ ᱠᱷᱚᱭᱨᱤ ᱪᱮᱴᱨᱟ ᱦᱚᱯᱚᱱ ᱜᱮ ᱥᱤᱢᱲᱤᱯᱟᱲ ᱴᱟᱭᱜᱟᱨ ᱨᱤᱡᱚᱨᱵᱷᱚᱨ ᱯᱷᱤᱞᱰ ᱰᱟᱭᱨᱮᱠᱴᱚᱨ ᱯᱚᱫᱢᱚᱥᱨᱤ ᱥᱚᱨᱳᱡ ᱨᱟᱡ ᱪᱚᱣᱫᱷᱩᱨᱤ ᱥᱟᱦᱮᱵ ᱮ ᱟ.ᱥᱩᱞ ᱠᱮᱫᱮᱭᱟ|ᱟᱡᱨᱤᱱ ᱜᱤᱫᱨᱟ. ᱯᱤᱫᱨᱟ. ᱠᱚ ᱛᱟᱠᱚ ᱛᱟᱦᱮᱸᱠᱟᱱᱛᱮ ᱩᱱᱤ ᱠᱷᱚᱭᱨᱤ ᱪᱮᱴᱨᱟ ᱦᱚᱯᱚᱱ ᱫᱚ ᱟᱡᱤᱡ ᱦᱚᱯᱚᱱ ᱮᱨᱟ ᱞᱮᱠᱟᱭ ᱡᱚᱛᱚᱱ ᱫᱩᱞᱟ.ᱲ ᱞᱮᱫᱮᱭᱟ|ᱠᱷᱚᱭᱨᱤ ᱫᱚ ᱠᱩᱲᱤ ᱡᱟᱱᱟᱝ ᱮ ᱛᱟᱦᱮᱸ ᱠᱟᱱᱟ| ᱠᱷᱚᱭᱨᱤ ᱧᱟᱢ ᱠᱟᱛᱮ ᱟ.ᱰᱤ ᱦᱟᱦᱟᱲᱟ ᱞᱮᱱᱟᱭ ᱪᱮᱣᱫᱷᱩᱨᱤ ᱥᱟᱦᱮᱵ|ᱩᱱᱫᱚ ᱥᱤᱢᱲᱤᱯᱟᱲ ᱨᱮ ᱱᱟᱶᱟ ᱜᱮᱴᱟᱭᱜᱟᱨ ᱯᱨᱚᱡᱮᱠᱴ ᱮᱦᱚᱵ ᱜᱚᱫ ᱟᱠᱟᱱᱟ|ᱚᱱᱟ ᱛᱮ ᱢᱚᱱᱮ ᱢᱩᱠᱨᱩᱲ ᱠᱟᱛᱮ ᱪᱚᱣᱫᱷᱩᱨᱤ ᱥᱟᱦᱮᱵ ᱟᱨ ᱟᱡ ᱵᱟ.ᱦᱩ ᱱᱤᱦᱟᱨ ᱥᱣᱟᱸᱭ ᱵᱟᱧᱪᱟᱣ ᱮ ᱞᱟ.ᱜᱤᱫ ᱠᱤᱱ ᱠᱩᱨᱩᱢᱩᱴᱩ ᱞᱮᱜ-ᱟ|ᱟᱨ ᱥᱤᱧ ᱧᱸᱫᱟ. ᱜᱤᱫᱨᱟ. ᱞᱮᱠᱟ ᱠᱤᱱ ᱡᱮᱛᱚᱱ ᱞᱮᱫᱮᱭᱟ|ᱛᱚᱣᱟ,ᱚᱢᱩᱞ ᱛᱚᱣᱟ,ᱥᱚᱢᱵᱤᱞᱤ, ᱱᱟᱯᱟᱭ ᱱᱟᱯᱟᱭ ᱡᱚᱢ ᱧᱩ ᱦᱚᱲ ᱞᱮᱠᱟ ᱠᱤᱱ ᱮᱢᱟᱫᱮᱭᱟ|ᱠᱟ.ᱴᱤᱡ ᱮ ᱥᱮᱬᱟ ᱮᱱᱠᱷᱟᱱᱛᱤᱤ ᱥᱤᱢᱡᱤᱞ ᱥᱟᱶ ᱚᱢᱩᱞ ᱛᱮᱣᱟ ᱠᱱ ᱮᱢᱟᱫᱮᱭᱟ|ᱥᱟᱨᱞᱮᱛᱟᱲ ᱦᱚᱲ ᱥᱟᱶ ᱦᱮ ᱛᱟᱦᱮᱸ ᱮᱱᱛᱮ ᱯᱟᱲᱚᱠ ᱮᱱᱟᱭ ᱟᱨ ᱱᱚᱶᱟ ᱠᱷᱚᱵᱚᱨ ᱜᱚᱴᱟ ᱫᱤᱥᱚᱢ ᱪᱟᱢᱯᱟᱴᱟᱣ ᱮᱱ ᱥᱟᱶᱛᱮ ᱵᱤᱫᱟ.ᱥ ᱨᱮᱦᱚᱸ ᱪᱟᱨᱪᱟ ᱮᱱᱟ|ᱜᱚᱴᱟ ᱯᱟᱲᱟ ᱠᱷᱚᱱ ᱵᱤᱫᱟ.ᱥ ᱦᱚᱲ ᱧᱮᱧᱮᱞ ᱠᱚ ᱦᱮᱡ ᱮᱱᱟ| ᱢᱤᱫ ᱵᱟᱨ ᱥᱮᱨᱢᱟ ᱩᱢᱟ.ᱨ ᱦᱩᱭᱮᱱ ᱛᱮᱜᱮ ᱵᱟᱨ ᱠᱩᱸᱭᱴᱟᱞ ᱠᱷᱚᱱ ᱡᱟᱥᱛᱤ ᱦᱟᱢᱟᱞ ᱳᱡᱚᱱ ᱦᱩᱭ ᱮᱱᱟ|ᱠᱷᱚᱭᱨᱤ ᱫᱚᱭ ᱡᱩᱣᱟ.ᱱ ᱮᱱᱟ|ᱚᱱᱟ ᱵᱮᱲᱟ ᱨᱮ ᱥᱤᱢᱲᱤᱯᱟᱲ ᱨᱮᱱᱟᱜ ᱪᱚᱦᱞᱟ,ᱠᱟᱲᱤᱭᱟᱠᱚᱪᱟ,ᱮᱢᱟᱱ ᱠᱚᱨᱮ ᱟ.ᱰᱜᱟᱱ ᱟᱺᱰᱤᱭᱟ. ᱪᱮᱴᱨᱟ ᱠᱚ ᱛᱟᱦᱮᱸ ᱠᱟᱱᱟ|ᱩᱱᱠᱩ ᱥᱟᱶ ᱡᱚᱲᱚᱜ ᱥᱟ.ᱜᱟ.ᱭ ᱞᱟ.ᱜᱤᱫ ᱵᱩᱨᱩ ᱨᱮᱠᱚ ᱟᱲᱟᱜ ᱠᱮᱫᱮᱭᱟ,ᱢᱮᱱᱠᱷᱟᱱ ᱫᱤᱱᱟ.ᱢ ᱦᱤᱞᱚᱜ ᱥᱟᱵᱚᱱ ᱥᱟᱱᱯᱩ ᱛᱮᱩᱢ ᱟ.ᱨᱩᱵ ᱛᱮ ᱟᱡᱟᱜ ᱦᱚᱲᱢᱚ ᱨᱮ ᱡᱚᱲᱚᱜ ᱥᱚ ᱵᱟᱥᱱᱟ ᱛᱟᱭ ᱢᱟ.ᱞᱪᱷᱟ. ᱪᱟᱵᱟ ᱞᱮᱱᱟ,ᱟᱨ ᱟᱡ ᱥᱟᱞᱟᱜ ᱟᱺᱰᱤᱭᱟ. ᱠᱚ ᱵᱟᱠᱚ ᱡᱚᱲ ᱫᱟᱲᱮᱭᱟᱫ-ᱟ|ᱟᱡ ᱥᱟᱶ ᱮᱱᱮᱡ ᱡᱚᱝ ᱞᱟ.ᱜᱤᱫ ᱪᱚᱣᱫᱷᱩᱨᱤ ᱥᱟᱦᱮᱵ ᱫᱚ ᱢᱤᱫ ᱵᱟᱱᱟ,᱒ ᱥᱚᱢᱵᱚᱨ,ᱦᱟᱰᱜᱟᱨ ᱮ ᱟ.ᱥᱩᱞ ᱞᱮᱫ ᱠᱮᱣᱟ|ᱥᱚᱢᱵᱚᱨ ᱫᱚᱭ ᱜᱮᱨ ᱠᱤᱱᱟᱟᱨ ᱵᱟᱱᱟ ᱥᱟᱞᱟᱜ ᱫᱚᱭ ᱮᱱᱮᱡ ᱡᱚᱝ-ᱟ|ᱠᱷᱚᱭᱨᱤ .ᱥᱩᱞ ᱥᱟᱶᱛᱮ ᱪᱚᱣᱫᱷᱩᱨᱩ ᱥᱟᱦᱮᱵ ᱫᱚᱠᱷᱚᱸᱫᱽᱨᱚᱸᱫᱽ ᱮ ᱪᱟ.ᱞᱩ ᱟᱠᱟᱫ ᱛᱟᱦᱮᱸᱫ ᱟᱨ ᱪᱮᱴᱨ ᱦᱟᱜ ᱡᱟᱸᱜᱟ ᱯᱟᱸᱡᱟ ᱪᱤᱱᱦᱟ. ᱠᱷᱚᱱ ᱵᱤᱨ ᱨᱤᱱ ᱪᱮᱴᱨᱟ ᱦᱟᱜ ᱞᱮᱠᱷᱟ ᱠᱚ ᱨᱮᱱᱟᱜ ᱫᱷᱟ.ᱲ ᱥᱩᱛᱩᱨ ᱮ ᱯᱟᱸᱡᱟ ᱧᱟᱢ ᱞᱮᱜ-ᱟ| ᱢᱤᱫ ᱫᱷᱟᱣ ᱥᱟᱦᱮᱵᱫᱚ ᱯᱨᱚᱡᱮᱠᱴ ᱢᱤᱴᱤᱝ ᱫᱤᱞᱞᱤ ᱪᱟᱞᱟᱣ ᱟᱠᱟᱱ ᱚᱠᱛᱚ ᱠᱷᱚᱭᱨᱤ ᱛᱟᱦᱮᱸᱱ ᱛᱟᱨ ᱡᱟ.ᱞᱤ ᱵᱷᱤᱛᱨᱟ. ᱛᱮ ᱢᱤᱫ ᱫᱟᱲᱟᱱ ᱥᱮᱛᱟᱭ ᱵᱚᱞᱚ ᱦᱮᱡ ᱞᱮᱱᱟ ᱟᱨ ᱩᱱᱤ ᱥᱮᱛᱟ ᱜᱮ ᱟᱡᱤᱡ ᱪᱟᱨᱟᱭ ᱦᱩᱭᱮᱱᱟ|ᱥᱮᱛᱟ ᱟᱨ ᱠᱷᱚᱭᱨᱤ ᱠᱤᱱ ᱜᱮᱯᱮᱨ ᱛᱟᱯᱟᱢ ᱮᱱ ᱛᱟᱭᱚᱢ ᱥᱮᱛᱟ ᱦᱚᱲᱢᱚ ᱨᱮ ᱛᱟᱦᱮᱸ ᱠᱟᱱ ᱡᱚᱲᱟᱛᱚᱝᱠᱚ ᱡᱤᱵᱟᱬᱩ ᱠᱷᱚᱭᱨᱤ ᱦᱚᱲᱢᱚ ᱨᱮᱠᱚ ᱩᱪᱟ.ᱲ ᱮᱱᱟ|᱖ ᱛᱟᱸᱫᱚ ᱛᱟᱭᱚᱢ ᱩᱱᱠᱩ ᱡᱤᱵᱟᱬᱩ ᱠᱷᱟ.ᱛᱤᱨ ᱟᱡᱟᱨ ᱨᱮ ᱯᱟᱲᱟᱣ ᱮᱱᱟᱭ|ᱚᱱᱟ ᱵᱮᱲᱟ ᱨᱮ ᱨᱟᱱ ᱢᱩᱨᱜᱟ.ᱱ ᱠᱚᱴᱚᱠ ,ᱵᱟᱞᱮᱥᱭᱚᱨ, ᱵᱟ.ᱨᱯᱟᱫᱟ ᱴᱟᱴᱟ ᱚᱠᱟᱨᱮᱦᱚᱸ ᱵᱟᱝ ᱧᱟᱢ ᱞᱮᱱᱟ| ᱟ.ᱰᱤ ᱵᱤᱞᱚᱢ ᱛᱮ ᱨᱟᱧᱪᱤ ᱠᱷᱚᱱ ᱨᱟᱱ ᱡᱩᱜᱟ.ᱲ ᱠᱟᱠᱮ ᱟ.ᱜᱩᱭᱮᱱᱟ,ᱛᱚᱵᱮ ᱟ.ᱰᱤ ᱛᱮᱫ ᱵᱤᱞᱚᱢ ᱞᱮᱱ ᱠᱷᱟ.ᱛᱤᱨ ᱡᱚᱲᱟᱛᱚᱝᱠᱚ ᱟᱡᱟᱨ ᱛᱮ ᱠᱷᱚᱭᱨᱤᱭᱟᱜ ᱫᱤᱵᱚᱱ ᱫᱚ ᱵᱟᱝ ᱵᱟᱧᱪᱟᱣ ᱞᱮᱱᱟ|᱒᱘ ᱢᱟᱺᱦᱤᱛ ᱢᱟᱨᱪ ᱪᱟᱸᱫᱚ ᱑᱙᱘᱑ ᱥᱟᱞᱮ ᱨᱮ ᱜᱩᱨ ᱮᱱᱟᱭ| ᱪᱮᱴᱨᱟ ᱨᱟ.ᱱᱤ ᱠᱷᱚᱭᱨᱤ ᱫᱚ ᱛᱮᱦᱮᱸᱧ ᱵᱟ.ᱱᱩᱜ ᱮ ᱨᱮᱦᱚᱸ ᱟᱡᱟᱜ ᱧᱩᱛᱩᱢ ᱱᱟᱜᱟᱢ ᱥᱟᱦᱴᱟ ᱨᱮ ᱡᱩᱜᱮ ᱡᱩᱜᱮ ᱠᱷᱚᱫᱟ ᱛᱟᱦᱮᱸ ᱮᱱᱟ|ᱟᱡᱟᱜ ᱩᱱᱩᱭᱦᱟ.ᱨ ᱞᱮᱠᱟᱛᱮ ᱡᱚᱥᱤᱯᱩᱨ ᱵᱟᱡᱟᱨ ᱫᱷᱚᱵᱟᱰᱤᱭᱟ. ᱪᱸᱚᱠᱚ ᱨᱮ ᱠᱷᱚᱭᱨᱤ ᱵᱟᱝᱞᱟ ᱛᱮᱦᱮᱧ ᱦᱚᱸ ᱱᱤᱥᱚᱱ ᱟᱠᱟᱱ ᱛᱮ ᱛᱮᱦᱮᱧ ᱦᱚᱸᱭ ᱩᱭᱦᱟ.ᱨ ᱮ ᱠᱟᱱᱟ|ᱚᱱᱟ ᱫᱚ ᱛᱤᱥ ᱦᱚᱸ ᱵᱟᱝ ᱦᱤᱲᱤᱧᱚᱜ-ᱟ...|