ᱪᱷᱤᱸᱫᱽᱣᱟᱲᱟ ᱡᱚᱸᱠᱥᱚᱱ ᱨᱮᱞᱣᱮ ᱥᱴᱮᱥᱚᱱ
ᱪᱷᱤᱸᱫᱽᱣᱟᱲᱟ ᱡᱚᱸᱠᱥᱚᱱ | |
|---|---|
| ᱥᱤᱧᱚᱛᱤᱭᱟᱹ ᱨᱮᱞ ᱡᱚᱸᱠᱥᱚᱱ ᱥᱴᱮᱥᱚᱱ | |
 | |
| ᱢᱮᱱᱮᱞᱟ ᱠᱟᱛᱷᱟ | |
| ᱴᱷᱟᱶ | ᱪᱷᱤᱸᱫᱽᱣᱟᱲᱟ, ᱪᱷᱤᱸᱫᱽᱣᱟᱲᱟ ᱦᱚᱱᱚᱛ, ᱢᱚᱫᱷᱭᱚ ᱯᱨᱚᱫᱮᱥ ᱥᱤᱧᱚᱛ |
| ᱚᱛᱱᱚᱜ ᱴᱷᱟᱶ | 22°03′29″N 78°57′10″E / 22.0581°N 78.9528°ECoordinates: 22°03′29″N 78°57′10″E / 22.0581°N 78.9528°E |
| ᱩᱥᱩᱞ | 675 metres (2,215 ft) |
| ᱢᱟᱹᱞᱤᱠ ᱛᱟᱹᱨᱤ ᱨᱮ | ᱥᱤᱧᱚᱛᱤᱭᱟᱹ ᱨᱮᱞ |
| ᱞᱟᱭᱤᱱ (ᱠᱚ) | ᱱᱟᱜᱽᱯᱩᱨ–ᱪᱷᱤᱸᱫᱽᱣᱟᱲᱟ ᱪᱟᱸᱜᱟ ᱞᱟᱭᱤᱱ, ᱪᱷᱤᱸᱫᱽᱣᱟᱲᱟ–ᱟᱢᱞᱟ ᱞᱤᱸᱠ, ᱥᱚᱛᱯᱩᱲᱟ ᱨᱮᱞᱣᱮ |
| ᱯᱞᱮᱴᱯᱷᱚᱨᱢ | ᱖ |
| ᱴᱨᱮᱠ | ᱖ |
| ᱵᱮᱱᱟᱣ | |
| ᱜᱚᱲᱦᱚᱱ ᱨᱮᱭᱟᱜ ᱫᱷᱚᱨᱚᱱ | ᱚᱛ ᱨᱮ |
| ᱯᱟᱨᱠᱤᱝ | ᱢᱮᱱᱟᱜᱼᱟ |
| ᱥᱟᱭᱠᱮᱞ ᱨᱮᱭᱟᱜ ᱥᱩᱵᱤᱫᱷᱟ | ᱢᱮᱱᱟᱜᱼᱟ |
| ᱮᱴᱟᱜ ᱠᱟᱛᱷᱟ ᱠᱚ | |
| ᱦᱟᱞᱚᱛ | ᱠᱟᱹᱢᱤᱦᱚᱨᱟ |
| ᱥᱴᱮᱥᱚᱱ ᱠᱳᱰ | CWA |
| ᱴᱚᱴᱷᱟ (ᱠᱚ) | ᱮᱛᱚᱢ ᱥᱟᱢᱟᱝ ᱛᱟᱞᱢᱟ ᱨᱮᱞᱣᱮ |
| ᱦᱟᱹᱴᱤᱧ(ᱠᱚ) | ᱱᱟᱜᱽᱯᱩᱨ ᱮᱥ.ᱤ.ᱥᱤ. |
| ᱱᱟᱜᱟᱢ | |
| ᱪᱟᱹᱞᱩ | ᱑᱙᱐᱔ |
| ᱵᱮᱱᱟᱣ ᱨᱩᱣᱟᱹᱲ | ᱒᱐᱑᱒ |
| ᱤᱞᱮᱠᱴᱨᱤᱯᱷᱤᱠᱮᱥᱚᱱ | ᱢᱮᱱᱟᱜᱼᱟ |
| ᱢᱟᱨᱮ ᱧᱩᱛᱩᱢ | ᱵᱮᱸᱜᱚᱞ ᱱᱟᱜᱽᱯᱩᱨ ᱨᱮᱞᱣᱮ |
| ᱯᱟᱥᱮᱱᱡᱚᱨ | |
| ᱫᱤᱱᱟᱹᱢ ᱜᱮ ᱕᱐᱐᱐ | |
| ᱴᱷᱟᱶ | |
  ᱪᱷᱤᱸᱫᱽᱣᱟᱲᱟ ᱢᱚᱫᱷᱭᱚ ᱯᱨᱚᱫᱮᱥ ᱨᱮ ᱴᱷᱟᱶ  ᱪᱷᱤᱸᱫᱽᱣᱟᱲᱟ ᱥᱤᱧᱚᱛ ᱨᱮ ᱴᱷᱟᱶ | |
ᱪᱷᱤᱸᱫᱽᱣᱟᱲᱟ ᱡᱚᱸᱠᱥᱚᱱ ᱨᱮᱞᱣᱮ ᱥᱴᱮᱥᱚᱱ ᱫᱚ ᱥᱤᱧᱚᱛᱤᱭᱟᱹ ᱯᱚᱱᱚᱛ ᱢᱚᱫᱷᱭᱚ ᱯᱨᱚᱫᱮᱥ ᱨᱮᱱᱟᱜ ᱪᱷᱤᱸᱫᱽᱣᱟᱲᱟ ᱦᱚᱱᱚᱛ ᱨᱮ ᱪᱷᱤᱸᱫᱽᱣᱟᱲᱟ ᱨᱮ ᱠᱟᱹᱢᱤᱭᱟ ᱾
ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱪᱷᱤᱸᱫᱽᱣᱟᱲᱟ ᱫᱚ ᱥᱚᱛᱯᱩᱲᱟ ᱨᱮᱞᱣᱮ ᱨᱮᱱᱟᱜ ᱢᱤᱫ ᱦᱟᱹᱴᱤᱧ ᱛᱟᱦᱮᱸ ᱠᱟᱱᱟ ᱾ ᱱᱚᱣᱟ ᱫᱚ ᱑᱙᱐᱔ ᱥᱟᱞᱮ ᱨᱮ ᱱᱮᱨᱳ-ᱜᱮᱡᱽ ᱨᱮᱞᱣᱮ ᱨᱮᱱᱟᱜ ᱛᱟᱞᱢᱟ ᱴᱷᱟᱶ ᱱᱟᱜᱽᱯᱩᱨ ᱠᱷᱚᱱ ᱡᱚᱲᱟᱣ ᱞᱮᱱᱟ ᱾ ᱑᱙᱐᱖-᱑᱙᱐᱗ ᱨᱮ ᱪᱷᱤᱸᱫᱽᱣᱟᱲᱟ-ᱯᱮᱸᱪ ᱠᱚᱞᱯᱷᱤᱞᱰ ᱞᱟᱭᱤᱱ ᱵᱮᱱᱟᱣ ᱞᱮᱱᱟ ᱾[᱑][᱒]
ᱜᱮᱡᱽ ᱵᱚᱫᱚᱞ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
᱑᱔᱗ ᱠᱤᱞᱚᱢᱤᱴᱚᱨ (᱙᱑ ᱢᱟᱭᱤᱞ) ᱡᱤᱞᱤᱧ ᱱᱟᱜᱽᱯᱩᱨ-ᱪᱷᱤᱸᱫᱽᱣᱟᱲᱟ ᱦᱟᱹᱴᱤᱧ ᱟᱨ ᱑᱘᱐ ᱠᱤᱞᱚᱢᱤᱴᱚᱨ (᱑᱑᱒ ᱢᱟᱭᱤᱞ) ᱡᱤᱞᱤᱧ ᱪᱷᱤᱸᱫᱽᱣᱟᱲᱟ-ᱱᱟᱭᱱᱯᱩᱨᱼᱢᱟᱱᱰᱞᱟ ᱦᱟᱹᱴᱤᱧ ᱫᱚ ᱦᱩᱭ ᱟᱠᱟᱱᱟ ᱜᱮᱡᱽ ᱵᱚᱫᱚᱞ ᱵᱮᱵᱚᱥᱛᱟ ᱯᱨᱚᱡᱮᱠᱴ ᱨᱮ ᱾ ᱯᱷᱚᱸᱰ ᱠᱚᱢ ᱠᱷᱟᱹᱛᱤᱨ ᱛᱮ ᱱᱚᱣᱟ ᱯᱨᱚᱡᱮᱠᱴ ᱨᱮ ᱛᱟᱭᱚᱢᱚᱜ ᱠᱟᱱᱟ ᱾
ᱱᱟᱣᱟ ᱨᱮᱞ ᱞᱟᱭᱤᱱ ᱪᱷᱤᱸᱫᱽᱣᱟᱲᱟ-ᱠᱮᱨᱮᱞᱤ-ᱥᱟᱜᱳᱣᱨ ᱨᱮᱞ ᱞᱟᱭᱤᱱ ᱨᱮᱱᱟᱜ ᱥᱟᱨᱵᱷᱮ ᱪᱟᱞᱟᱜ ᱠᱟᱱᱟ ᱾ ᱱᱚᱣᱟ ᱦᱚᱛᱮᱛᱮ ᱪᱷᱤᱸᱫᱽᱣᱟᱲᱟ, ᱱᱚᱨᱥᱤᱝᱯᱩᱨ ᱟᱨ ᱥᱟᱜᱚᱨ ᱦᱚᱱᱚᱛ ᱨᱮᱱᱟᱜ ᱟᱹᱛᱩ ᱠᱚ ᱡᱚᱲᱟᱣ ᱨᱮ ᱜᱚᱲᱚ ᱮᱢᱚᱜᱼᱟ ᱟᱨ ᱥᱚᱛᱯᱩᱲᱟ, ᱢᱚᱦᱟᱠᱳᱥᱟᱞ ᱟᱨ ᱵᱩᱱᱫᱮᱞᱠᱷᱚᱸᱰ ᱴᱚᱴᱷᱟ ᱨᱮᱱᱟᱜ ᱥᱟᱱᱟᱢ ᱞᱮᱠᱟᱛᱮ ᱵᱷᱟᱹᱞᱟᱹᱭ ᱨᱮ ᱜᱚᱲᱚ ᱮᱢᱚᱜᱼᱟ ᱾ ᱱᱚᱣᱟ ᱞᱚᱞᱤᱛᱯᱩᱨ-ᱥᱟᱜᱚᱨ-ᱱᱟᱨᱥᱤᱝᱯᱩᱨ-ᱪᱷᱤᱸᱫᱽᱣᱟᱲᱟ-ᱱᱟᱜᱽᱯᱩᱨ ᱰᱟᱦᱟᱨ ᱤᱫᱤ ᱠᱟᱛᱮ ᱵᱤᱱᱟ-ᱵᱷᱚᱯᱟᱞ-ᱤᱴᱟᱨᱥᱤ-ᱟᱢᱞᱟ-ᱵᱟᱴᱩᱞ-ᱱᱟᱜᱽᱯᱩᱨ ᱰᱟᱦᱟᱨ ᱨᱮᱱᱟᱜ ᱵᱮᱵᱚᱥᱛᱟ ᱞᱮᱠᱟᱛᱮ ᱠᱚᱧᱮ-ᱮᱛᱚᱢ ᱰᱟᱦᱟᱨ ᱮᱢᱚᱜᱼᱟ, ᱡᱟᱦᱟᱸ ᱛᱮ ᱠᱚᱧᱮ ᱟᱨ ᱮᱛᱚᱢ ᱛᱟᱞᱟ ᱨᱮᱱᱟᱜ ᱥᱟᱺᱜᱤᱧ ᱓᱐᱐ ᱠᱤᱞᱚᱢᱤᱴᱚᱨ ᱠᱚᱢᱚᱜᱼᱟ ᱾ ᱠᱟᱨᱮᱞᱤ ᱨᱮᱞᱣᱮ ᱥᱴᱮᱥᱚᱱ ᱫᱚ ᱤᱴᱟᱨᱥᱤ ᱡᱚᱸᱠᱥᱚᱱ ᱨᱮᱱᱟᱜ ᱵᱮᱵᱚᱥᱛᱟ ᱞᱮᱠᱟᱛᱮ ᱠᱟᱹᱢᱤᱭᱟ ᱾ ᱱᱚᱣᱟ ᱨᱮᱞᱣᱮ ᱞᱟᱭᱤᱱ ᱫᱚ ᱯᱟᱪᱮ ᱛᱟᱞᱢᱟ ᱨᱮᱞᱣᱮ ᱨᱮᱱᱟᱜ ᱤᱴᱟᱨᱥᱤ-ᱱᱚᱨᱥᱤᱝᱯᱩᱨ-ᱡᱟᱵᱟᱞᱯᱩᱨ-ᱠᱟᱴᱱᱤ ᱦᱟᱹᱴᱤᱧ ᱟᱨ ᱤᱴᱟᱨᱥᱤ-ᱵᱷᱚᱯᱟᱞ-ᱵᱤᱱᱟ-ᱥᱚᱣᱜᱳᱨ-ᱠᱟᱴᱱᱤ ᱦᱟᱹᱴᱤᱧ ᱡᱚᱲᱟᱣ ᱨᱮ ᱜᱚᱲᱚ ᱮᱢᱚᱜᱼᱟ ᱾ ᱱᱮᱛᱟᱨ ᱜᱮ CCEA ᱫᱚ ᱵᱩᱫᱽᱱᱤ ᱦᱚᱛᱮᱛᱮ ᱜᱟᱰᱚᱨᱣᱟᱲᱟ-ᱤᱱᱫᱳᱨ ᱱᱟᱣᱟ ᱨᱮᱞ ᱞᱟᱭᱤᱱ ᱦᱚᱸᱭ ᱥᱮᱞᱮᱫ ᱟᱠᱟᱫᱟ ᱾ ᱱᱚᱣᱟ ᱵᱟᱱᱟᱨ ᱨᱮᱞ ᱞᱟᱭᱤᱱ ᱫᱚ ᱡᱟᱵᱟᱞᱯᱩᱨ, ᱱᱚᱨᱥᱤᱝᱯᱩᱨ, ᱦᱳᱥᱚᱝᱜᱟᱵᱟᱫᱽ, ᱥᱟᱜᱚᱨ, ᱪᱷᱤᱸᱫᱽᱣᱟᱲᱟ ᱞᱮᱠᱟᱱ ᱦᱚᱱᱚᱛ ᱠᱷᱚᱱ ᱥᱟᱺᱜᱤᱧ ᱠᱚᱢᱚᱜᱼᱟ, ᱡᱟᱦᱟᱸ ᱫᱚ ᱱᱚᱣᱟ ᱴᱚᱴᱷᱟ ᱨᱮᱱᱟᱜ ᱤᱱᱰᱟᱥᱴᱨᱤᱭᱟᱞ ᱟᱨ ᱠᱟᱹᱣᱰᱤ ᱟᱹᱨᱤ ᱩᱛᱱᱟᱹᱣ ᱨᱮ ᱜᱚᱲᱚ ᱮᱢᱚᱜᱼᱟ ᱾[᱓]
ᱤᱞᱮᱠᱴᱨᱤᱯᱷᱤᱠᱮᱥᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
᱒᱐᱑᱒ ᱥᱮᱨᱢᱟ ᱫᱷᱟᱹᱨᱤᱡ ᱟᱢᱞᱟ-ᱪᱷᱤᱸᱫᱽᱣᱟᱲᱟ ᱦᱟᱹᱴᱤᱧ ᱨᱮᱱᱟᱜ ᱤᱞᱮᱠᱴᱨᱤᱠᱮᱥᱚᱱ ᱫᱚ ᱢᱟᱨᱪ ᱒᱐᱑᱘ ᱥᱮᱨᱢᱟ ᱨᱮ ᱯᱩᱨᱟᱹᱣ ᱞᱮᱱᱟ ᱾[᱔]
ᱥᱮᱵᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱪᱷᱤᱸᱫᱽᱣᱟᱲᱟ ᱡᱚᱸᱠᱥᱚᱱ ᱨᱮᱞᱣᱮ ᱥᱴᱮᱥᱚᱱ ᱠᱷᱚᱱ ᱥᱮᱱᱚᱜ ᱠᱟᱱ ᱨᱮᱞ ᱠᱚᱫᱚ ᱦᱩᱭᱩᱜ ᱠᱟᱱᱟ:
- ᱯᱟᱸᱪᱵᱷᱮᱞᱤ ᱮᱠᱥᱯᱨᱮᱥ
- ᱯᱟᱛᱟᱞᱠᱚᱴ ᱮᱠᱥᱯᱨᱮᱥ
ᱨᱮᱞᱣᱮ ᱠᱚᱞᱚᱱᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱱᱟᱜᱽᱯᱩᱨ ᱰᱤᱵᱤᱡᱚᱱ ᱨᱮ ᱢᱮᱱᱟᱜ ᱪᱷᱤᱸᱫᱽᱣᱟᱲᱟ ᱦᱟᱹᱴᱤᱧ ᱫᱚ ᱮᱛᱚᱢ ᱥᱟᱢᱟᱝ ᱛᱟᱞᱢᱟ ᱨᱮᱞᱣᱮ ᱨᱮ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱠᱟᱹᱣᱰᱤ ᱦᱟᱛᱟᱣ ᱟᱠᱟᱱ ᱦᱟᱹᱴᱤᱧ ᱠᱟᱱᱟ ᱾
ᱨᱮᱞᱣᱮ ᱠᱚᱞᱚᱱᱤ ᱨᱮ ᱣᱟᱨᱰ ᱱᱚᱢᱵᱚᱨ ᱔ ᱟᱨ ᱕ ᱢᱮᱱᱟᱜᱼᱟ ᱾ ᱠᱚᱞᱚᱱᱤ ᱫᱚ ᱪᱷᱤᱸᱫᱽᱣᱟᱲᱟ ᱥᱚᱦᱚᱨ ᱨᱮᱱᱟᱜ ᱢᱤᱫ ᱢᱟᱨᱟᱝ ᱦᱟᱹᱴᱤᱧ ᱨᱮ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ NH-69A ᱨᱮᱱᱟᱜ ᱮᱛᱚᱢ-ᱥᱟᱢᱟᱝ ᱦᱟᱹᱴᱤᱧ ᱨᱮ ᱢᱮᱱᱟᱜᱼᱟ ᱾ ᱠᱚᱞᱚᱱᱤ ᱫᱚ ᱵᱨᱤᱴᱤᱥ ᱚᱠᱛᱚ ᱨᱮ ᱵᱮᱱᱟᱣ ᱞᱮᱱ ᱛᱟᱦᱮᱸᱫ ᱾ ᱱᱚᱣᱟ ᱫᱚ ᱢᱤᱫ ᱱᱟᱯᱟᱭ ᱥᱚᱦᱚᱨ ᱠᱟᱱᱟ, ᱡᱟᱦᱟᱸ ᱨᱮ ᱱᱟᱯᱟᱭ ᱥᱩᱵᱤᱫᱷᱟ ᱟᱨ ᱵᱤᱡᱽᱞᱤ ᱨᱮᱱᱟᱜ ᱵᱮᱵᱚᱥᱛᱟ ᱢᱮᱱᱟᱜᱼᱟ ᱾ ᱠᱚᱞᱚᱱᱤ ᱫᱚ ᱱᱟᱯᱟᱭ ᱛᱮ ᱥᱮᱱᱮᱨᱮᱧ ᱟᱠᱟᱱᱟ ᱟᱨ ᱥᱟᱡᱟᱣ ᱟᱠᱟᱱᱟ ᱾ ᱨᱮᱞᱣᱮ ᱨᱮᱱᱟᱜ ᱡᱚᱛᱚ ᱚᱛᱱᱚᱜ ᱱᱚᱸᱰᱮ ᱢᱮᱱᱟᱜᱼᱟ ᱾ ᱱᱚᱸᱰᱮ ᱑᱐᱐᱐ ᱥᱴᱟᱯ ᱠᱣᱟᱴᱚᱨ ᱢᱮᱱᱟᱜᱼᱟ ᱾ ᱯᱩᱨᱤ ᱠᱚᱞᱚᱱᱤ ᱫᱚ ᱵᱷᱮᱜᱟᱨ ᱵᱷᱮᱜᱟᱨ ᱠᱚᱞᱚᱱᱤ ᱨᱮ ᱦᱟᱹᱴᱤᱧ ᱟᱠᱟᱱᱟ ᱡᱮᱢᱚᱱ ᱮᱭᱮᱱ ᱚᱯᱷᱤᱥ ᱟᱨ ᱠᱚᱞᱚᱱᱤ, ᱞᱳᱠᱳ ᱠᱚᱞᱚᱱᱤ, ᱨᱟᱱᱤᱝ ᱥᱴᱟᱯ ᱠᱚᱞᱚᱱᱤ, ᱰᱨᱟᱭᱵᱟᱨ ᱠᱚᱞᱚᱱᱤ ᱟᱨ ᱵᱟᱨ ᱜᱟᱵᱟᱬ ᱠᱚᱞᱚᱱᱤ ᱮᱢᱟᱱ ᱾
ᱡᱚᱛᱚ ᱞᱮᱠᱟᱱ ᱨᱮᱞᱣᱮ ᱥᱩᱵᱤᱫᱷᱟ ᱡᱮᱞᱮᱠᱟ ᱨᱟᱱᱤᱝ ᱨᱩᱢ, ᱨᱮᱞᱣᱮ ᱥᱠᱩᱞ, ᱨᱮᱞᱣᱮ ᱟᱥᱯᱟᱛᱟᱞ, ᱟᱨ.ᱯᱤ.ᱮᱯᱷ. ᱵᱟᱨᱟᱠ, ᱥᱚᱨᱠᱟᱨᱤ ᱾ ᱨᱮᱞᱣᱮ ᱯᱩᱞᱤᱥ ᱥᱴᱮᱥᱚᱱ, ᱨᱮᱞᱣᱮ ᱯᱟᱣᱟᱨ ᱜᱨᱤᱰ ᱟᱨ ᱮᱴᱟᱜ ᱵᱤᱡᱽᱞᱤ ᱥᱟᱵᱽ ᱥᱴᱮᱥᱚᱱ, ᱮᱴᱤᱮᱢ ᱠᱚᱣᱩᱱᱴᱟᱨ, ᱨᱮᱞᱣᱮ ᱪᱤᱞᱰᱨᱮᱱ ᱯᱟᱨᱠ ᱨᱮᱱᱟᱜ ᱥᱩᱵᱤᱫᱷᱟ ᱮᱢ ᱟᱠᱟᱱᱟ ᱾
ᱵᱨᱤᱴᱤᱥ ᱚᱠᱛᱚ ᱨᱮ ᱱᱚᱸᱰᱮ ᱨᱮᱞᱣᱮ ᱤᱱᱥᱴᱤᱴᱭᱩᱴ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱫᱚ ᱵᱨᱤᱴᱤᱥ ᱠᱚ ᱛᱷᱤᱭᱮᱴᱚᱨ ᱟᱨ ᱮᱱᱮᱡ ᱠᱞᱟᱵᱽ ᱞᱮᱠᱟᱛᱮ ᱠᱚ ᱵᱮᱵᱷᱟᱨᱮᱫ ᱛᱟᱦᱮᱸᱫ ᱾ ᱱᱤᱛᱚᱜ ᱫᱚ ᱱᱚᱣᱟ ᱠᱚ ᱵᱟᱯᱞᱟ ᱟᱨ ᱮᱴᱟᱜ ᱯᱟᱨᱴᱤ ᱟᱨ ᱠᱟᱞᱪᱟᱨᱟᱞ ᱠᱟᱹᱢᱤᱦᱚᱨᱟ ᱠᱚ ᱞᱟᱹᱜᱤᱫ ᱵᱮᱵᱷᱟᱨᱚᱜ ᱠᱟᱱᱟ ᱾
ᱱᱚᱸᱰᱮ ᱚᱰᱤᱴᱚᱨᱤᱭᱚᱢ, ᱤᱱᱰᱚᱨ ᱵᱮᱰᱢᱤᱱᱴᱚᱱ ᱠᱚᱨᱴ, ᱴᱮᱵᱟᱞ ᱴᱮᱱᱤᱥ ᱠᱚᱨᱴ, ᱪᱮᱥ ᱠᱚᱨᱴ, ᱠᱮᱨᱚᱢ ᱵᱳᱨᱰ ᱨᱩᱢ, ᱡᱤᱢ, ᱣᱚᱞᱤᱵᱚᱞ ᱠᱚᱨᱴ ᱟᱨ ᱞᱟᱭᱵᱨᱮᱨᱤ ᱮᱢᱟᱱ ᱥᱩᱵᱤᱫᱷᱟ ᱢᱮᱱᱟᱜᱼᱟ ᱾ ᱪᱮᱬᱮ ᱟᱨ ᱠᱮᱨᱚᱢ ᱫᱚ ᱱᱚᱣᱟ ᱴᱚᱴᱷᱟ ᱨᱮ ᱟᱹᱰᱤ ᱧᱩᱛᱩᱢᱟᱱ ᱠᱷᱮᱞᱚᱸᱰ ᱠᱟᱱᱟ ᱾ ᱱᱚᱸᱰᱮ ᱟᱭᱢᱟ ᱜᱤᱫᱽᱨᱟᱹ ᱟᱨ ᱢᱟᱨᱟᱝ ᱦᱚᱲ ᱠᱚ ᱥᱮᱞᱮᱫ ᱟᱠᱟᱱᱟ ᱾ ᱟᱨ ᱵᱷᱮᱜᱟᱨ ᱵᱷᱮᱜᱟᱨ ᱛᱷᱚᱠ ᱨᱮ ᱡᱤᱛᱠᱟᱹᱨ ᱮ ᱟᱢᱮᱴ ᱠᱮᱫᱼᱟ ᱾
ᱨᱮᱞᱣᱮ ᱫᱚ ᱨᱮᱞᱣᱮ ᱠᱟᱹᱢᱤᱭᱟᱹ, ᱩᱱᱠᱩᱣᱟᱜ ᱜᱷᱟᱨᱚᱸᱡᱽ ᱨᱤᱱ ᱦᱚᱲ ᱠᱚ ᱥᱟᱶᱛᱮ ᱪᱷᱤᱸᱫᱽᱣᱟᱲᱟ ᱥᱚᱦᱚᱨ ᱨᱤᱱ ᱮᱴᱟᱜ ᱦᱚᱲ ᱠᱚᱣᱟᱜ ᱩᱫᱩᱜ ᱥᱚᱫᱚᱨ ᱞᱟᱹᱜᱤᱫ ᱛᱮ ᱨᱮᱞᱣᱮ ᱫᱚ ᱚᱠᱛᱚ-ᱚᱠᱛᱚ ᱨᱮ ᱠᱨᱤᱠᱮᱴ, ᱠᱮᱨᱚᱢ, ᱵᱮᱰᱢᱤᱱᱴᱚᱱ, ᱪᱮᱥ, ᱣᱚᱞᱤᱵᱚᱞ ᱨᱮ ᱟᱭᱢᱟ ᱞᱮᱠᱟᱱ ᱴᱩᱨᱱᱟᱢᱮᱱᱴ ᱠᱚᱭ ᱮᱛᱚᱦᱚᱵ ᱟᱠᱟᱫᱟ ᱾
ᱵᱮᱸᱜᱚᱞᱤ ᱮᱥᱳᱥᱤᱭᱮᱥᱚᱱ ᱑᱙᱔᱓ ᱥᱟᱞᱮ ᱨᱮ ᱵᱮᱱᱟᱣ ᱞᱮᱱᱟ ᱾ ᱚᱱᱟ ᱛᱟᱭᱚᱢ ᱱᱚᱣᱟ ᱫᱚ ᱫᱩᱨᱜᱟ ᱯᱩᱡᱟ ᱠᱚ ᱢᱟᱱᱟᱣᱮᱫ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ ᱞᱚᱠᱷᱢᱤ, ᱥᱚᱨᱥᱚᱣᱚᱛᱤ ᱟᱨ ᱠᱟᱞᱤ ᱯᱩᱡᱟ ᱠᱚ ᱢᱟᱱᱟᱣᱮᱫ ᱛᱟᱦᱮᱸᱫ ᱾ ᱱᱚᱣᱟ ᱫᱚ ᱥᱚᱦᱚᱨ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱮ ᱫᱩᱨᱜᱟ ᱯᱩᱡᱟ ᱠᱟᱱᱟ ᱾ ᱠᱩᱢᱟᱨᱴᱳᱞᱤ-ᱠᱚᱞᱠᱟᱛᱟ ᱠᱷᱚᱱ ᱢᱩᱨᱛᱤ ᱵᱮᱱᱟᱣᱤᱡ ᱠᱚ ᱦᱤᱡᱩᱜ ᱥᱮᱱᱚᱜ ᱠᱟᱱ ᱛᱟᱦᱮᱸᱫ ᱟᱨ ᱢᱩᱨᱛᱤ ᱠᱚᱭ ᱛᱮᱭᱟᱨᱮᱫ ᱠᱚ ᱛᱟᱦᱮᱸᱫ ᱾ ᱫᱷᱚᱨᱚᱢ ᱥᱟᱶ ᱥᱟᱶᱛᱮ ᱱᱚᱣᱟ ᱫᱚ ᱢᱤᱫ ᱥᱟᱶᱛᱟᱨᱤ ᱜᱟᱶᱛᱟ ᱞᱮᱠᱟᱛᱮ ᱦᱚᱸᱭ ᱠᱟᱹᱢᱤᱭᱟ ᱾ ᱱᱚᱣᱟ ᱫᱚ ᱵᱮᱝᱜᱚᱞᱤ ᱱᱟᱶᱟ ᱥᱮᱨᱢᱟ, ᱨᱚᱵᱤᱸᱫᱽᱨᱚᱱᱟᱛᱷ ᱴᱮᱜᱳᱨ, ᱵᱷᱤᱵᱮᱠᱟᱱᱚᱱᱫᱚ, ᱨᱟᱢᱠᱨᱩᱥᱱᱚ ᱯᱚᱨᱚᱢᱦᱚᱱᱥ ᱮᱢᱟᱱ ᱧᱩᱛᱩᱢᱟᱱ ᱦᱚᱲᱟᱜ ᱡᱟᱱᱟᱢ ᱟᱨ ᱜᱩᱨ ᱨᱮᱱᱟᱜ ᱥᱮᱨᱢᱟ ᱯᱩᱨᱟᱹᱣ ᱢᱟᱦᱟᱸ ᱠᱚ ᱢᱟᱱᱟᱣᱟ ᱾
ᱨᱮᱞᱣᱮ ᱢᱟᱱᱮᱡᱽᱢᱮᱱᱴ ᱯᱨᱚᱵᱷᱟᱵᱽ ᱨᱮ ᱨᱮᱞᱣᱮ ᱨᱮᱱᱟᱜ ᱜᱚᱴᱟ ᱴᱚᱴᱷᱟ ᱨᱮᱱᱟᱜ ᱟᱨᱦᱚᱸ ᱵᱟᱹᱲᱛᱤ ᱱᱟᱯᱟᱭ ᱛᱮ ᱵᱮᱱᱟᱣ ᱞᱟᱹᱜᱤᱫ ᱠᱚ ᱢᱟᱱᱟᱣ ᱵᱟᱛᱟᱣ ᱮᱫᱟ ᱾
ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ "Nagpur Division" (PDF). South East Central Railway. Archived from the original (PDF) on 2 April 2012. Retrieved 2012-11-10.
- ↑ "Major Events in the Formation of S.E. Railway". South Eastern Railway. Archived from the original on 17 March 2015. Retrieved 2012-11-10.
- ↑ "Funds crunch hits gauge conversion work". The Times of India. 27 April 2012. Archived from the original on 12 February 2013. Retrieved 2012-12-25.
- ↑ "Amla–Chhindwara railway line electrification to start soon". The Times of India. 5 September 2012. Archived from the original on 26 January 2013. Retrieved 2012-12-25.
ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ᱪᱷᱤᱸᱫᱽᱣᱟᱲᱟ ᱨᱮᱞ ᱰᱟᱦᱟᱨ Archived ᱒᱐᱑᱙-᱐᱘-᱑᱒ at the Wayback Machine.