ᱫᱚᱢᱚᱠ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱫᱚᱢᱚᱠ

ᱫᱚᱢᱚᱠ (ᱤᱝᱞᱤᱥᱺ Damak) ᱫᱚ ᱱᱮᱯᱟᱞ ᱨᱮᱱᱟᱜ ᱯᱩᱨᱩᱵ(ᱥᱟᱢᱟᱝ ᱱᱟᱠᱷᱟ) ᱨᱮᱱᱟᱜ ᱢᱤᱫ ᱵᱤᱠᱚᱥᱤᱛ ᱥᱚᱦᱚᱨ ᱠᱟᱱᱟ | ᱑᱙ ᱜᱚᱴᱟᱝ ᱣᱟᱲ ᱨᱮ ᱦᱟ.ᱴᱤᱧ ᱠᱟᱛᱮ ᱱᱚᱜᱚᱨᱯᱟᱞᱤᱠᱟ ᱵᱮᱱᱟᱣ ᱠᱟᱱᱟ, ᱥᱟᱣᱛᱮ ᱱᱟᱱᱟᱦᱩᱱᱟ.ᱨ ᱡᱟ.ᱛᱤ ᱠᱚ ᱛᱟᱦᱮᱱ ᱠᱟᱱᱟ | ᱡᱮᱞᱮᱠᱟ :- ᱞᱤᱢᱵᱩ,ᱨᱟᱭ,ᱥᱚᱱᱛᱷᱟᱞ, ᱢᱚᱜᱚᱨ,ᱛᱟᱢᱟᱝ,ᱫᱷᱤᱢᱟᱞ,ᱪᱷᱮᱛᱨᱤ,ᱵᱟᱦᱩᱱ,ᱨᱟᱡᱵᱚᱱᱥᱤ,ᱛᱷᱟᱨᱩ,ᱫᱚᱢᱟᱭ ᱟᱨ ᱠᱟᱢᱤ ᱠᱚ ᱮᱢᱟᱱ ᱛᱟᱦᱮᱱ ᱠᱟᱱᱟ |

ᱪᱷᱟ.ᱴᱭᱟ.ᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱫᱚᱢᱚᱠ ᱧᱩᱛᱩᱢ ᱞᱟᱦᱟ ᱨᱮ ᱫᱚᱞᱠᱤ ᱧᱩᱛᱩᱢ ᱨᱮᱱᱟᱜ ᱠᱷᱟᱥ ᱡᱟᱱᱟᱢᱚᱜ ᱠᱟᱱ ᱛᱟᱦᱮᱜᱚ-ᱟ | ᱩᱱᱟ ᱫᱷᱟᱥ ᱫᱚ ᱫᱩᱰᱩᱯ ᱞᱟ.ᱜᱤᱫ ᱜᱟᱰᱩ ᱞᱤᱠᱟᱛᱮ ᱠᱚ ᱵᱟᱰᱟᱭᱮ ᱠᱟᱱ ᱛᱟᱦᱮᱜᱚ-ᱟ | ᱱᱚᱱᱰᱮ ᱨᱮᱱ ᱜᱮ ᱢᱤᱫ ᱚᱱᱩᱢᱟᱱ ᱰᱚᱢᱵᱚᱨ ᱵᱚᱨᱟᱞ ᱮ "ᱫᱚᱞᱠᱤ" ᱧᱩᱛᱩᱢ ᱚᱪᱚᱞ ᱠᱟᱛᱮ "ᱫᱚᱢᱚᱠ" ᱧᱩᱛᱩᱢ ᱮ ᱫᱚᱦᱚ ᱠᱤᱫᱟ| ᱱᱚᱱᱰᱮ ᱱᱟ ᱞᱟ.ᱵᱤᱛ ᱦᱟᱥᱟ ᱠᱚ ᱰᱚᱵᱚᱠ ᱰᱚᱵᱚᱠ ᱦᱤᱞᱟ. ᱠᱟᱱ ᱛᱟᱦᱮᱜ ᱠᱟᱱᱛᱮ ᱫᱚᱢᱚᱠ ᱠᱚ ᱢᱮᱱ ᱠᱚ ᱮᱦᱚᱵᱱᱟ |

ᱵᱷᱩᱢᱤᱡᱚᱢᱟᱱ ᱨᱮᱱᱟᱜ ᱚᱵᱚᱥᱛᱟ ᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱫᱚᱢᱚᱠ ᱨᱮᱱᱟᱜ ᱯᱩᱨᱩᱵ ᱨᱮ ᱨᱚᱛᱩᱣᱟ ᱜᱟᱰᱟ ᱟᱨ ᱯᱟ.ᱥᱪᱤᱢ ᱨᱮ ᱢᱟᱣᱟ ᱜᱟᱰᱟ ᱢᱮᱱᱟᱜ-ᱟ | ᱫᱚᱢᱚᱠ ᱨᱮᱱᱟᱜ ᱯᱩᱨᱩᱵ ᱱᱟᱠᱷᱟ ᱨᱮ ᱢᱮᱱᱟᱜ ᱨᱚᱛᱩᱣᱟ ᱯᱩᱱ ᱡᱷᱟᱯᱟ ᱨᱮᱱᱟᱜ ᱜᱮ ᱡᱤᱞᱤᱝ ᱯᱩᱞ ᱠᱟᱱᱟ | ᱡᱟᱦᱟᱸ ᱨᱮᱱᱟᱜ ᱞᱚᱢᱵᱟᱭ ᱫᱚ ᱕᱘᱕ ᱢᱤᱴᱚᱨ ᱢᱮᱱᱟᱜ-ᱟ | ᱥᱚᱱ ᱒᱐᱐᱑ ᱥᱮᱨᱢᱟ ᱨᱮᱱᱟᱜ ᱞᱮᱠᱷᱟ ᱚᱱᱩᱥᱟᱨ ᱫᱚᱢᱚᱠ ᱨᱮ ᱗᱙᱘᱒ ᱜᱚᱴᱟᱝ ᱚᱲᱟᱜ ᱛᱟᱦᱮᱠᱟᱱᱟ ᱟᱨ ᱔᱓᱐᱐᱐(ᱯᱩᱱᱜᱮᱞᱯᱮ ᱦᱟᱡᱟᱨ) ᱦᱚᱲ ᱠᱚ ᱛᱟᱦᱮᱠᱟᱱᱟ | ᱥᱚᱱ ᱑᱙᱘᱒ ᱥᱮᱨᱢᱟ ᱠᱷᱚᱱ ᱫᱚᱢᱚᱠ ᱱᱚᱜᱚᱨᱯᱟᱞᱤᱠᱟ ᱢᱮᱱᱟᱣ ᱠᱟᱱᱟ | ᱱᱩᱣᱟ ᱥᱚᱦᱚᱨ ᱨᱮᱱᱟᱜ ᱡᱟᱢᱢᱟ ᱡᱟᱜᱟ ᱖᱕᱑᱓.᱓᱐ ᱦᱮᱠᱴᱚᱨ ᱢᱮᱱᱟᱜ-ᱟ, ᱑᱔᱐᱖.᱗ ᱦᱮᱠᱴᱚᱨ ᱨᱮ ᱚᱲᱟᱜ ᱢᱯᱱᱟᱜ-ᱟ ᱟᱨ ᱕᱕᱘᱖.᱓᱐ ᱦᱮᱠᱴᱚᱨ ᱨᱮ ᱪᱟᱥ ᱢᱮᱱᱟᱜ-ᱟ | ᱵᱟᱡᱟᱨ ᱟᱨ ᱫᱚᱠᱟᱱ ᱛᱮ ᱔᱐᱐ ᱦᱮᱠᱴᱚᱨ ᱮ ᱮᱥᱮᱫ ᱠᱟᱫᱟ | ᱐᱕᱖/᱐᱕᱗ ᱨᱮᱱᱟᱜ ᱞᱮᱠᱷᱟ ᱛᱮ ᱫᱚᱢᱚᱠ ᱨᱮ ᱢᱤᱫ ᱦᱮᱞᱛᱷ ᱯᱳᱥᱴ(Health Post), ᱢᱤᱫ ᱦᱟᱥᱯᱤᱴᱚᱞ(Hospital)(ᱟᱢᱽᱫᱟ) ᱢᱤᱫ ᱱᱚᱨᱥᱤᱝ ᱦᱳᱢ (Nursing Home)(ᱞᱟᱤᱯᱷ ᱞᱟᱤᱱ) ᱡᱟᱢᱢᱟ ᱕᱐ ᱜᱚᱴᱟᱝ ᱠᱳᱴᱟ ᱢᱮᱱᱟᱜ-ᱟ | ᱒᱐᱖᱔/᱐᱔᱘ ᱥᱮᱨᱢᱟ ᱨᱮᱱᱟᱜ ᱡᱚᱱᱚᱥᱚ°ᱠᱷᱤᱭᱟ ᱞᱮᱠᱷᱟ ᱡᱩᱠᱷᱟ ᱨᱮ ᱕.᱑᱓%   ᱦᱚᱲ ᱠᱩᱣᱟ ᱮᱞᱥᱚᱝ ᱢᱮᱱᱟᱜ-ᱟ |

ᱱᱚᱜᱚᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱜᱚᱨᱯᱟᱞᱤᱠᱟ ᱱᱮᱯᱟᱞᱤ ᱢᱟ.ᱦᱤᱛ ᱨᱮᱱᱟᱜ (ᱵᱤᱠᱨᱚᱢ ᱥᱚᱢᱵᱚᱛ) ᱵᱤ. ᱥᱚ. ᱑᱐᱔᱙ ᱥᱮᱨᱢᱟ ᱨᱮ ᱱᱤᱨᱵᱟᱪᱚᱱ ᱪᱩᱱᱟᱵ ᱨᱮᱱ ᱯᱨᱚᱢᱩᱠᱷ ᱮᱢᱟᱞᱮ ᱯᱟᱨᱴᱤ ᱨᱮᱱ ᱤᱫᱨᱚ ᱵᱩᱰᱷᱟᱛᱷᱟᱠᱤ(Indra Budhathoki)ᱟᱨ ᱩᱱᱟ ᱯᱟᱨᱴᱤ ᱨᱮᱱ ᱩᱯᱚᱯᱨᱚᱢᱩᱠᱷ ᱫᱚᱞᱚᱠᱟ ᱢᱳᱦᱚᱱ ᱫᱷᱤᱢᱟᱞ(Dalaka Mohan Dhimal), ᱵᱤ. ᱥᱚ. ᱒᱐᱕᱒ ᱥᱮᱨᱢᱟ ᱨᱮ ᱱᱤᱨᱵᱟᱪᱚᱱ (ᱮᱢᱟᱞᱮ ᱯᱟᱨᱴᱤ) ᱠᱷᱚᱱ ᱜᱮ ᱨᱳᱢᱱᱟᱛᱷ ᱳᱞᱤ (Romnath Oli) ᱟᱨ ᱞᱳᱠᱵᱟᱦᱟᱫᱩᱨ ᱫᱷᱤᱢᱟᱞ (Lokbahadur Dhimal) : ᱱᱚᱜᱚᱨ ᱯᱨᱚᱢᱩᱠᱷ ᱟᱨ ᱩᱯᱚᱯᱨᱚᱢᱩᱠᱷ ᱠᱤᱱ ᱛᱟᱦᱮᱠᱟᱱᱟ | ᱟᱨ ᱵᱤ. ᱥᱚ. ᱒᱐᱖᱐ ᱥᱮᱨᱢᱟ ᱨᱮ ᱢᱤᱫ ᱥᱮᱨᱢᱟ ᱞᱟ.ᱜᱤᱫ ᱜᱮ ᱱᱮᱯᱟᱞ ᱡᱟ.ᱛᱤᱭᱟ.ᱨᱤᱭᱟ ᱨᱮᱱᱟᱜ ᱯᱨᱟᱛᱚᱱᱛᱨᱚ ᱯᱟᱨᱴᱤ ᱠᱷᱚᱱ ᱨᱟᱢᱠᱩᱢᱟᱨ ᱛᱷᱟᱯᱟ(Ramkumar Thapa) ᱟᱨ ᱱᱟᱨᱚᱫᱚᱢᱩᱱᱤ ᱫᱷᱤᱢᱤᱨᱮ(Naradamuni Ghimire) : ᱱᱚᱜᱚᱨ ᱯᱨᱚᱢᱩᱠᱷ ᱟᱨ ᱩᱯᱚᱯᱨᱚᱢᱩᱠᱷ ᱠᱤᱱ ᱦᱩᱭᱞᱮᱱᱟ |

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

[http:// ᱢᱩᱠᱷᱭᱟᱹ ᱣᱮᱵᱽᱥᱟᱭᱤᱴ]

ᱪᱷᱟᱸᱪ:Jhapa District ᱪᱷᱟᱸᱪ:Province No. 1