ᱫᱚᱨᱵᱟᱨ ᱪᱟᱹᱴᱟᱹᱱᱤ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱫᱚᱨᱵᱟᱨ ᱪᱟᱹᱴᱟᱹᱱᱤ
ᱫᱤᱥᱚᱢ  ᱥᱤᱧᱚᱛ
ᱡᱤᱞᱞᱟᱹ ᱢᱚᱭᱩᱨᱵᱷᱚᱸᱡᱽ
ᱯᱟᱹᱨᱥᱤ ᱥᱟᱱᱛᱟᱲᱤ, ᱳᱰᱤᱭᱟ
ᱥᱩᱨ ᱥᱟᱦᱟᱨ ᱱᱟᱜᱟᱨ ᱵᱚᱦᱚᱲᱫᱟ (ᱡᱟᱢᱥᱮᱫᱽᱯᱩᱨ - ᱨᱟᱭᱨᱚᱝᱯᱩᱨ ᱦᱚᱨ ᱨᱮ)
ᱥᱮᱱᱚᱜ ᱦᱚᱨ ᱵᱚᱦᱚᱲᱫᱟ ᱠᱷᱚᱱ ᱪᱟᱸᱫᱚ ᱨᱟᱠᱟᱵ ᱦᱚᱨ ᱛᱮ ᱜᱤᱫᱤᱜᱷᱟᱹᱴᱤ 10km

ᱫᱚᱨᱵᱟᱨ ᱪᱟᱹᱴᱟᱹᱱᱤ ᱫᱚ ᱠᱷᱮᱨᱣᱟᱲ ᱥᱟᱶᱛᱟ ᱨᱮᱱᱟᱝ ᱢᱤᱫ ᱧᱩᱢ ᱦᱟᱞᱟᱝ ᱴᱷᱟᱶ ᱠᱟᱱᱟ ᱾ ᱱᱚᱶᱟ ᱫᱚ ᱳᱰᱤᱥᱟ ᱯᱚᱱᱚᱛ ᱨᱮᱱᱟᱜ ᱢᱚᱭᱩᱨᱵᱷᱚᱸᱡ ᱡᱤᱞᱞᱟᱹ ᱨᱮᱱᱟᱜ ᱯᱚᱲᱥᱟ ᱯᱤᱲ ᱨᱮ ᱢᱮᱱᱟᱜ-ᱟ ᱾ ᱵᱚᱦᱚᱲᱫᱟ ᱠᱷᱚᱱ ᱵᱚᱞᱚ ᱠᱟᱛᱮ ᱜᱤᱫᱤᱜᱷᱟᱹᱴᱤ , ᱚᱸᱰᱮ ᱠᱷᱚᱱ ᱵᱟᱝᱠᱟ_ᱵᱩᱨᱩ ᱥᱮᱱ ᱦᱩᱭᱩᱜ-ᱟ ᱾ ᱚᱱᱟ ᱫᱚᱨᱵᱟᱨ ᱪᱟᱹᱴᱟᱹᱱᱤ ᱫᱚ ᱵᱟᱝᱠᱟ ᱵᱩᱨᱩ ᱥᱩᱨ ᱨᱮᱜᱮ ᱢᱮᱱᱟᱜ-ᱟ ᱿


ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱮᱫᱟᱭ ᱢᱟᱨᱮ_ᱦᱚᱲ(ᱦᱟᱯᱲᱟᱢ) ᱠᱚᱣᱟᱜ ᱞᱟᱹᱭ ᱠᱟᱛᱷᱟ ᱵᱟᱝ ᱢᱟ, ᱚᱱᱟ ᱵᱟᱝᱠᱟ ᱵᱩᱨᱩ ᱥᱩᱨ ᱨᱮᱱᱟᱜ ᱪᱟᱹᱴᱟᱹᱱᱤ ᱨᱮ ᱥᱮᱫᱟᱭ, ᱚᱱᱟ ᱪᱟᱹᱴᱟᱹᱱᱤ ᱨᱤᱱ ᱵᱚᱝᱜᱟ-ᱵᱩᱨᱩ ᱪᱮᱫ ᱠᱚ ᱪᱚ ᱠᱚ ᱟᱱᱟᱴ ᱞᱮᱱ ᱛᱟᱦᱮᱸᱫ, ᱟᱫᱚ ᱚᱱᱟ ᱞᱟᱹᱜᱤᱫ ᱛᱮ ᱜᱮ ᱢᱤᱫ ᱫᱚᱨᱵᱟᱨ(ᱵᱤᱪᱟᱹᱨ) ᱠᱚ ᱫᱩᱲᱩᱵ ᱞᱮᱱ ᱛᱟᱦᱮᱸᱫ ᱾ ᱩᱱ ᱠᱷᱚᱱ ᱜᱮ ᱱᱚᱶᱟ ᱫᱚ ᱫᱚᱨᱵᱟᱨ ᱪᱟᱹᱴᱟᱹᱱᱤ ᱢᱮᱱᱛᱮ ᱠᱚ ᱧᱩᱢ ᱞᱮᱜ-ᱟ ᱟᱨ ᱱᱤᱛ ᱦᱚᱸ ᱢᱮᱱᱟᱜ ᱜᱮᱭᱟ ᱾ ᱛᱚᱵᱮ ᱚᱱᱟ ᱫᱚᱨᱵᱟᱨ ᱥᱤᱧ ᱧᱤᱫᱟᱹ ᱠᱚ ᱫᱩᱲᱩᱵ ᱞᱮᱱ ᱨᱮᱦᱚᱸ ᱵᱟᱝ ᱠᱚ ᱛᱚᱯᱟᱜ ᱫᱟᱲᱮᱭᱟᱜ ᱠᱟᱱ ᱛᱟᱦᱮᱸᱫ ᱾ ᱢᱤᱫ ᱫᱤᱱ ᱫᱚ ᱚᱱᱟ ᱪᱟᱹᱴᱟᱹᱱᱤ ᱥᱩᱨ ᱨᱮᱜᱮ ᱢᱤᱫ ᱢᱟᱹᱱᱢᱤ_ᱦᱚᱯᱚᱱ(ᱦᱚᱲ) ᱥᱤᱭᱩᱜ ᱠᱟᱱ ᱛᱟᱦᱮᱫ-ᱮ ᱾ ᱟᱫᱚ ᱩᱱᱤ ᱢᱟᱹᱱᱢᱤ ᱦᱚᱯᱚᱱ ᱠᱚ ᱦᱚᱦᱚᱣᱟᱫ ᱫᱮᱭᱟ ᱟᱨ ᱟᱠᱚᱣᱟᱜ ᱵᱤᱪᱟᱹᱨ ᱦᱚᱸᱭ ᱛᱚᱯᱟᱜ ᱟᱫ ᱠᱚᱣᱟ ᱛᱟᱦᱮᱸᱱ ᱾ ᱩᱱ ᱚᱠᱛᱚ ᱨᱮ ᱵᱚᱝᱜᱟ ᱨᱟᱹᱥᱠᱟᱹᱭᱮᱱ ᱛᱮ, ᱩᱱᱤ ᱢᱟᱹᱱᱢᱤ ᱦᱚᱯᱚᱱᱟᱜ ᱟᱸᱥ ᱠᱚ ᱯᱩᱨᱩᱱ ᱛᱟᱭᱟ ᱢᱮᱱᱛᱮ ᱠᱚ ᱢᱮᱛᱟᱫ ᱫᱮᱭᱟ ᱾ ᱱᱚᱶᱟ ᱠᱟᱛᱷᱟ ᱟᱧᱡᱚᱢ ᱠᱟᱛᱮ ᱩᱱᱤ ᱢᱟᱹᱱᱢᱤ ᱦᱚᱯᱚᱱ ᱫᱚ, ᱯᱚᱲᱥᱟ ᱯᱤᱲ ᱟᱞᱚᱭ ᱟᱠᱟᱞ ᱢᱟ ᱱᱚᱶᱟ ᱜᱮ ᱟᱡᱟᱜ ᱟᱸᱥ ᱢᱮᱱᱛᱮᱭ ᱞᱟᱹᱭᱟᱫ ᱠᱚᱣᱟ ᱾ ᱩᱱ ᱡᱷᱚᱜ ᱠᱷᱚᱱ ᱯᱚᱲᱥᱟ ᱯᱤᱲ ᱫᱚ ᱛᱤᱥ ᱦᱚᱸ ᱵᱟᱭ ᱟᱠᱟᱞᱟ ᱟᱨ ᱫᱟᱜ ᱡᱟᱹᱲᱤ ᱠᱚ ᱵᱟᱝ ᱦᱤᱡᱩᱜ ᱠᱷᱟᱱ ᱚᱸᱰᱮᱱ ᱠᱚ ᱵᱚᱝᱜᱟ ᱠᱚ ᱨᱩᱢ ᱰᱟᱠᱟᱣ ᱞᱮᱠᱚ ᱠᱷᱟᱱ ᱡᱟᱨᱜᱮ ᱡᱟᱹᱲᱤ ᱦᱚᱸ ᱡᱟᱣ ᱜᱮ ᱦᱤᱡᱩᱜ-ᱟ ᱿

ᱱᱚᱶᱟ ᱨᱮᱱᱟᱝ ᱚᱨᱥᱚᱝ ᱞᱚᱠᱟᱛᱮ ᱩᱱᱠᱩ ᱵᱟᱝᱜᱟ ᱵᱩᱨᱩ ᱠᱚ ᱢᱟᱱᱟᱣ ᱠᱟᱛᱮ ᱟᱭᱢᱟ ᱴᱚᱴᱷᱟ ᱠᱚ ᱨᱮ ᱚᱠᱛᱚ ᱨᱮ ᱫᱟᱜ ᱡᱟᱹᱲᱤ ᱠᱚ ᱵᱟᱝ ᱦᱤᱡᱩᱜ ᱠᱷᱟᱱ ᱩᱱᱠᱩ ᱵᱟᱝᱜᱟ ᱵᱩᱨᱩ ᱧᱩᱛᱩᱢ ᱛᱮ ᱨᱩᱢ ᱰᱟᱠᱟᱣ ᱦᱩᱭᱩᱜ ᱠᱟᱱ ᱜᱮᱭᱟ ᱾ ᱟᱨ ᱡᱟᱨᱜᱮ ᱡᱟᱹᱲᱤ ᱦᱚᱸ ᱠᱚ ᱥᱮᱴᱮᱨᱟᱠᱚ ᱠᱟᱱ ᱟᱹᱰᱤ ᱟᱭᱢᱟ ᱥᱚᱛ ᱧᱮᱞ ᱟᱠᱟᱱᱟ ᱾ ᱱᱚᱶᱟ ᱵᱚᱝᱜᱟ ᱵᱩᱨᱩ ᱫᱚ ᱫᱟᱜ ᱥᱮᱸᱫᱽᱨᱟ / ᱫᱟᱜ ᱡᱟᱠᱟᱣ ᱢᱮᱱ ᱛᱮᱦᱚᱸ ᱠᱚ ᱢᱮᱛᱟᱜ ᱠᱟᱱᱟ ᱾

ᱜᱩᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱫᱚᱨᱵᱟᱨ ᱪᱟᱹᱴᱟᱹᱱᱤ ᱫᱚ ᱵᱟᱝᱜᱟ ᱵᱩᱨᱩ ᱠᱚᱣᱟᱜ ᱛᱷᱟᱱ ᱠᱟᱱᱟ ᱾ ᱱᱚᱰᱮ ᱵᱚᱝᱜᱟ ᱵᱩᱨᱩ ᱟᱨ ᱧᱮᱞ ᱡᱚᱝ ᱵᱟᱲᱟ ᱞᱟᱹᱜᱤᱫ ᱦᱚᱸ ᱟᱭᱢᱟ ᱠᱷᱮᱨᱣᱟᱲ ᱢᱟᱹᱱᱢᱤ ᱜᱚᱴᱟ ᱫᱤᱥᱚᱢ ᱠᱷᱚᱱ ᱜᱮ ᱠᱚ ᱥᱚᱦᱚᱨ ᱥᱮᱴᱮᱨᱚᱜ ᱠᱟᱱᱟ ᱿