ᱫᱟᱥᱟᱸᱭ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
ᱫᱟᱸᱥᱟᱭ ᱫᱟᱬᱟᱱ, ᱯᱩᱨᱩᱞᱤᱭᱟ, ᱥᱤᱧᱚᱛ

ᱫᱟᱥᱟᱸᱭ ᱮᱱᱮᱡ ᱥᱮᱨᱮᱧ ᱦᱚᱸ ᱥᱟᱱᱛᱟᱲᱟᱜ ᱥᱮᱨᱼᱳᱭᱟ ᱥᱮ ᱞᱟᱭ ᱞᱟᱠᱪᱟᱨ ᱜᱮ ᱾ ᱢᱮᱱᱠᱷᱟᱱ ᱥᱟᱱᱛᱟᱲ ᱡᱟᱹᱛᱤ ᱠᱷᱮᱨᱣᱟᱲ ᱦᱚᱯᱚᱱᱟᱜ ᱢᱤᱫ ᱫᱩᱠ ᱨᱮᱭᱟᱜ ᱱᱟᱜᱟᱢ ᱫᱚ ᱫᱟᱥᱟᱸᱭ ᱵᱚᱸᱜᱟ ᱨᱮ ᱫᱟᱥᱟᱸᱭ ᱮᱱᱮᱡ ᱥᱮ ᱫᱟᱥᱟᱸᱭ ᱫᱚᱱ ᱾ ᱱᱤᱭᱟᱹ ᱫᱚ ᱫᱤᱠᱩ ᱟᱜ ᱫᱩᱨᱜᱟᱹ ᱯᱩᱡᱟᱹ ᱚᱠᱛᱮ (ᱥᱚᱯᱛᱚᱢᱤ, ᱚᱥᱴᱚᱢᱤ, ᱱᱚᱵᱚᱢᱤ ᱟᱨ ᱵᱤᱡᱚᱭᱟ) ᱱᱤᱭᱟᱹ ᱯᱳᱱ ᱫᱤᱱ ᱟᱹᱛᱩ ᱟᱹᱛᱩ ᱦᱟᱭ ᱦᱟᱭ ᱟᱲᱟᱝᱛᱮ ᱮᱱᱮᱡ ᱥᱮᱨᱮᱧ ᱛᱟᱞᱟᱛᱮ ᱫᱩᱣᱟᱹᱨ ᱫᱩᱣᱟᱹᱨ ᱠᱚ ᱠᱷᱚᱭ ᱟ ᱾ ᱱᱤᱣᱟ ᱨᱮᱭᱟᱜ ᱟᱭᱢᱟ ᱜᱟᱱ ᱠᱟᱹᱦᱤᱱᱤ ᱢᱮᱱᱟᱜ ᱜᱮᱭᱟ ᱾ ᱚᱠᱚᱭ ᱠᱚ ᱫᱚ ᱠᱚ ᱞᱟᱹᱭᱟ ᱦᱩᱫᱩᱬ ᱫᱩᱨᱜᱟᱹ ᱧᱩᱛᱩᱢᱟᱱ ᱢᱤᱫ ᱵᱤᱨ ᱨᱟᱡ ᱮ ᱛᱟᱦᱮ ᱠᱟᱱᱟ ᱥᱟᱱᱛᱟᱲ ᱡᱟᱹᱛᱤ ᱨᱮᱱ, ᱟᱨᱡᱚ ᱨᱮᱱ ᱫᱮᱵᱽᱨᱟᱡᱽ ᱤᱱᱫᱨᱚ ᱦᱟᱹᱵᱤᱡ ᱚᱠᱚᱭ ᱦᱚᱸ ᱵᱟᱠᱚ ᱫᱟᱲᱮᱜ ᱛᱟᱦᱮᱸᱫ, ᱩᱱᱤ ᱵᱤᱨ ᱨᱟᱡ ᱦᱩᱫᱩᱬ ᱫᱩᱨᱜᱟᱹ ᱥᱟᱶ ᱾ ᱵᱤᱨ ᱨᱟᱡᱽ ᱦᱩᱫᱩᱬ ᱫᱩᱨᱜᱟᱹ ᱠᱩᱲᱤ ᱦᱚᱯᱚᱱ ᱥᱟᱞᱟᱜ ᱵᱟᱭ ᱞᱟᱹᱲᱦᱟᱹᱭ ᱟ ᱱᱚᱣᱟ ᱠᱟᱛᱷᱟ ᱫᱤᱠᱩ ᱨᱮᱱ ᱫᱮᱵᱚᱛᱟ ᱠᱚ ᱵᱟᱰᱟᱭ ᱧᱟᱢ ᱠᱮᱫᱟ ᱟᱨ ᱫᱮᱵᱤ ᱢᱚᱦᱟᱢᱟᱭᱟ ᱥᱟᱞᱟᱜ ᱵᱟᱯᱞᱟ ᱠᱚ ᱴᱷᱟᱹᱠᱭᱟᱹᱞᱮᱫ ᱛᱟᱭᱟ ᱾ ᱟᱨ ᱢᱚᱦᱟᱢᱟᱭᱟ ᱠᱚ ᱢᱮᱛᱟᱫᱮᱭᱟ ᱩᱱᱤᱢ ᱜᱚᱡ ᱞᱮᱠᱷᱟᱱ ᱟᱨᱡᱚ ᱥᱚᱢᱟᱡ ᱨᱮ ᱯᱩᱡᱟᱹᱢ ᱧᱟᱢ ᱟ ᱾ ᱚᱱᱟ ᱛᱟᱭᱚᱢ ᱪᱷᱚᱞᱚᱱᱟ ᱠᱟᱛᱮ ᱵᱟᱯᱞᱟ ᱧᱩᱛᱩᱢ ᱛᱮ ᱮᱠᱞᱟ ᱨᱮ ᱤᱫᱤ ᱠᱟᱛᱮ ᱮ ᱜᱚᱡ ᱠᱮᱫᱮᱭᱟ, ᱥᱟᱱᱛᱟᱲ ᱦᱚᱲ ᱨᱮᱱ ᱵᱤᱨ ᱨᱟᱡᱽ ᱦᱩᱫᱩᱬ ᱫᱩᱨᱜᱟᱹ ᱾ ᱱᱚᱣᱟ ᱠᱟᱛᱷᱟ ᱵᱟᱠᱚ ᱵᱟᱲᱟᱭ ᱛᱟᱦᱮ ᱫᱟᱥᱟᱸᱭ ᱨᱮᱱ ᱜᱮᱞ ᱵᱟᱨ ᱜᱚᱴᱟᱝ ᱜᱩᱨᱩ ᱾ ᱩᱱᱠᱩ ᱜᱩᱨᱩᱣᱟᱜ ᱧᱩᱛᱩᱢ ᱫᱚ

᱑.ᱫᱷᱚᱨᱚᱢ ᱜᱩᱨᱩ

᱒.ᱠᱟᱨᱢᱩ ᱜᱩᱨᱩ

᱓.ᱵᱷᱩᱣᱟᱹᱝ ᱜᱩᱨᱩ

᱔.ᱥᱤᱫᱳ ᱜᱩᱨᱩ

᱕.ᱛᱩᱞᱥᱤ ᱜᱩᱨᱩ

᱖.ᱱᱟᱨᱥᱤᱝ ᱜᱩᱨᱩ

᱗.ᱜᱟᱱᱠᱳ ᱜᱩᱨᱩ

᱘.ᱵᱷᱟᱭᱨᱳ ᱜᱩᱨᱩ

᱙.ᱡᱤᱛᱩ ᱜᱩᱨᱩ

᱑᱐.ᱨᱳᱦᱚᱲ ᱜᱩᱨᱩ

᱑᱑.ᱞᱳᱦᱚᱵᱤᱨ ᱜᱩᱨᱩ, ᱟᱨ

᱑᱒.ᱜᱟᱱᱰᱳ ᱜᱩᱨᱩ ᱾

ᱱᱩᱠᱩ ᱜᱩᱨᱩ ᱜᱮ ᱯᱩᱭᱞᱩ ᱠᱩᱲᱤ ᱦᱚᱯᱚᱱᱟᱜ ᱥᱟᱡ ᱛᱮ ᱥᱟᱡᱟᱣ ᱠᱟᱛᱮ ᱟᱹᱛᱩ ᱟᱹᱛᱩ ᱫᱮᱥ ᱫᱤᱥᱚᱢ ᱵᱷᱩᱣᱟᱹᱝ ᱥᱟᱵ ᱠᱟᱛᱮ ᱦᱟᱭ ᱦᱟᱭ ᱟᱲᱟᱝ ᱛᱮ ᱠᱚ ᱯᱟᱸᱡᱟ ᱞᱮᱫᱮᱭᱟ, ᱟᱨ ᱱᱤᱛ ᱦᱟᱹᱵᱤᱡ ᱛᱮ ᱟᱵᱚ ᱦᱚᱵᱚ ᱯᱟᱸᱡᱟ ᱮ ᱠᱟᱱ ᱜᱮᱭᱟ ᱟᱵᱚ ᱟᱜ ᱫᱟᱸᱥᱟᱭ ᱫᱚᱱ ᱮᱱᱮᱡ ᱥᱮᱨᱮᱧ ᱛᱟᱞᱟ ᱛᱮ ᱾ ᱟᱨ ᱱᱤᱭᱟᱹ ᱜᱮ ᱥᱟᱱᱛᱟᱲ ᱡᱟᱹᱛᱤ ᱠᱷᱮᱨᱣᱟᱲ ᱦᱚᱯᱚᱱ ᱟᱵᱚ ᱟᱜ ᱥᱮᱨᱭᱟ ᱨᱮ ᱢᱮᱱᱟᱜ ᱜᱮᱭᱟ, ᱫᱟᱥᱟᱸᱭ ᱫᱟᱲᱟᱱ ᱥᱮ ᱫᱟᱥᱟᱸᱭ ᱮᱱᱮᱡ ᱾