ᱫᱟᱥᱟᱸᱭ
ᱫᱟᱥᱟᱸᱭ ᱮᱱᱮᱡ ᱥᱮᱨᱮᱧ ᱦᱚᱸ ᱥᱟᱱᱛᱟᱲᱟᱜ ᱥᱮᱨᱣᱟ ᱥᱮ ᱞᱟᱹᱭ ᱞᱟᱠᱪᱟᱨ ᱠᱟᱱᱟ ᱾[᱑] ᱢᱮᱱᱠᱷᱟᱱ ᱥᱟᱱᱛᱟᱲ ᱡᱟᱹᱛᱤ ᱠᱷᱮᱨᱣᱟᱲ ᱦᱚᱯᱚᱱᱟᱜ ᱢᱤᱫ ᱫᱩᱠ ᱨᱮᱭᱟᱜ ᱱᱟᱜᱟᱢ ᱫᱚ ᱫᱟᱥᱟᱸᱭ ᱵᱚᱸᱜᱟ ᱨᱮ ᱫᱟᱥᱟᱸᱭ ᱮᱱᱮᱡ ᱥᱮ ᱫᱟᱥᱟᱸᱭ ᱫᱚᱱ ᱾ ᱱᱤᱭᱟᱹ ᱫᱚ ᱫᱤᱠᱩ ᱟᱜ ᱫᱩᱨᱜᱟᱹ ᱯᱩᱡᱟᱹ ᱚᱠᱛᱚ (ᱵᱮᱞ ᱵᱚᱨᱚᱱ ᱦᱤᱞᱚᱜ ᱠᱷᱚᱱ ᱵᱤᱡᱚᱭᱟ) ᱱᱤᱭᱟᱹ ᱢᱚᱬᱮ ᱢᱟᱦᱟᱸ ᱟᱹᱛᱩ ᱟᱹᱛᱩ ᱦᱟᱭ ᱦᱟᱭ ᱟᱲᱟᱝ ᱟᱛᱮ ᱮᱱᱮᱡ ᱥᱮᱨᱮᱧ ᱛᱟᱞᱟᱛᱮ ᱫᱩᱣᱟᱹᱨ ᱫᱩᱣᱟᱹᱨ ᱠᱚ ᱠᱚᱭᱟ ᱾ ᱱᱚᱣᱟ ᱨᱮᱭᱟᱜ ᱟᱭᱢᱟ ᱜᱟᱱ ᱠᱟᱹᱦᱤᱱᱤ ᱢᱮᱱᱟᱜ ᱜᱮᱭᱟ ᱾ ᱚᱠᱚᱭ ᱠᱚᱫᱚ ᱠᱚ ᱞᱟᱹᱭᱟ ᱦᱩᱫᱩᱲ ᱫᱩᱨᱜᱟᱹ ᱧᱩᱛᱩᱢᱟᱱ ᱢᱤᱫ ᱵᱤᱨ ᱨᱟᱡᱽ ᱮ ᱛᱟᱦᱮᱸ ᱠᱟᱱᱟ ᱥᱟᱱᱛᱟᱲ ᱡᱟᱹᱛᱤ ᱨᱤᱱᱤᱡ, ᱟᱨᱡᱚ ᱨᱮᱱ ᱫᱮᱵᱽᱨᱟᱡᱽ ᱤᱱᱫᱨᱚ ᱦᱟᱹᱵᱤᱡ ᱚᱠᱚᱭ ᱦᱚᱸ ᱵᱟᱠᱚ ᱫᱟᱲᱮᱜ ᱛᱟᱦᱮᱸᱫ, ᱩᱱᱤ ᱵᱤᱨ ᱨᱟᱡᱽ ᱦᱩᱫᱩᱲ ᱫᱩᱨᱜᱟᱹ ᱥᱟᱶ ᱾ ᱵᱤᱨ ᱨᱟᱡᱽ ᱦᱩᱫᱩᱲ ᱫᱩᱨᱜᱟᱹ ᱠᱩᱲᱤ ᱦᱚᱯᱚᱱ ᱥᱟᱞᱟᱜ ᱵᱟᱭ ᱞᱟᱹᱲᱦᱟᱹᱭ ᱟ ᱱᱚᱣᱟ ᱠᱟᱛᱷᱟ ᱫᱤᱠᱩ ᱨᱤᱱ ᱫᱮᱵᱚᱛᱟ ᱠᱚ ᱵᱟᱰᱟᱭ ᱧᱟᱢ ᱠᱮᱫᱟ ᱟᱨ ᱫᱮᱵᱤ ᱢᱚᱦᱟᱢᱟᱭᱟ ᱥᱟᱞᱟᱜ ᱵᱟᱯᱞᱟ ᱠᱚ ᱴᱷᱟᱹᱠᱭᱟᱹᱞᱮᱫ ᱛᱟᱭᱟ ᱾ ᱟᱨ ᱢᱚᱦᱟᱢᱟᱭᱟ ᱠᱚ ᱢᱮᱛᱟᱫᱮᱭᱟ ᱩᱱᱤᱢ ᱜᱚᱡ ᱞᱮᱠᱷᱟᱱ ᱟᱨᱡᱚ ᱥᱚᱢᱟᱡᱽ ᱨᱮ ᱯᱩᱡᱟᱹᱢ ᱧᱟᱢ ᱟ ᱾ ᱚᱱᱟ ᱛᱟᱭᱚᱢ ᱪᱷᱚᱞᱚᱱᱟ ᱠᱟᱛᱮ ᱵᱟᱯᱞᱟ ᱧᱩᱛᱩᱢ ᱛᱮ ᱮᱠᱞᱟ ᱨᱮ ᱤᱫᱤ ᱠᱟᱛᱮ ᱮ ᱜᱚᱡ ᱠᱮᱫᱮᱭᱟ, ᱥᱟᱱᱛᱟᱲ ᱦᱚᱲ ᱨᱮᱱ ᱵᱤᱨ ᱨᱟᱡᱽ ᱦᱩᱫᱩᱲ ᱫᱩᱨᱜᱟᱹ ᱾
ᱱᱚᱣᱟ ᱠᱟᱛᱷᱟ ᱵᱟᱠᱚ ᱵᱟᱲᱟᱭ ᱛᱟᱦᱮᱱ ᱫᱟᱥᱟᱸᱭ ᱨᱮᱱ ᱜᱮᱞ ᱵᱟᱨ ᱜᱚᱴᱟᱝ ᱜᱩᱨᱩ ᱾ ᱩᱱᱠᱩ ᱜᱩᱨᱩᱣᱟᱜ ᱧᱩᱛᱩᱢ ᱫᱚ;
᱑.ᱫᱷᱚᱨᱚᱢ ᱜᱩᱨᱩ
᱒.ᱠᱟᱨᱢᱩ ᱜᱩᱨᱩ
᱓.ᱵᱷᱩᱣᱟᱹᱝ ᱜᱩᱨᱩ
᱔.ᱥᱤᱫᱳ ᱜᱩᱨᱩ
᱕.ᱛᱩᱞᱥᱤ ᱜᱩᱨᱩ
᱖.ᱱᱟᱨᱥᱤᱝ ᱜᱩᱨᱩ
᱗.ᱜᱟᱱᱠᱳ ᱜᱩᱨᱩ
᱘.ᱵᱷᱟᱭᱨᱳ ᱜᱩᱨᱩ
᱙.ᱡᱤᱛᱩ ᱜᱩᱨᱩ
᱑᱐.ᱨᱳᱦᱚᱲ ᱜᱩᱨᱩ
᱑᱑.ᱞᱳᱦᱚᱵᱤᱨ ᱜᱩᱨᱩ, ᱟᱨ
᱑᱒.ᱜᱟᱱᱰᱳ ᱜᱩᱨᱩ ᱾ ᱱᱩᱠᱩ ᱜᱩᱨᱩ ᱜᱮ ᱯᱩᱭᱞᱩ ᱠᱩᱲᱤ ᱦᱚᱯᱚᱱᱟᱜ ᱥᱟᱡᱽ ᱛᱮ ᱥᱟᱡᱟᱣ ᱠᱟᱛᱮ ᱟᱹᱛᱩ ᱟᱹᱛᱩ ᱫᱮᱥ ᱫᱤᱥᱚᱢ ᱵᱷᱩᱣᱟᱹᱝ ᱥᱟᱵ ᱠᱟᱛᱮ ᱦᱟᱭ ᱦᱟᱭ ᱟᱲᱟᱝ ᱛᱮ ᱠᱚ ᱯᱟᱸᱡᱟ ᱞᱮᱫᱮᱭᱟ, ᱟᱨ ᱱᱤᱛ ᱦᱟᱹᱵᱤᱡ ᱛᱮ ᱟᱵᱚ ᱦᱚᱵᱚ ᱯᱟᱸᱡᱟ ᱮ ᱠᱟᱱ ᱜᱮᱭᱟ ᱟᱵᱚ ᱟᱜ ᱫᱟᱥᱟᱸᱭ ᱫᱚᱱ ᱮᱱᱮᱡ ᱥᱮᱨᱮᱧ ᱛᱟᱞᱟ ᱛᱮ ᱾ ᱟᱨ ᱱᱤᱭᱟᱹ ᱜᱮ ᱥᱟᱱᱛᱟᱲ ᱡᱟᱹᱛᱤ ᱠᱷᱮᱨᱣᱟᱲ ᱦᱚᱯᱚᱱ ᱟᱵᱚ ᱟᱜ ᱥᱮᱨᱭᱟ ᱨᱮ ᱢᱮᱱᱟᱜ ᱜᱮᱭᱟ, ᱫᱟᱥᱟᱸᱭ ᱫᱟᱬᱟᱱ ᱥᱮ ᱫᱟᱥᱟᱸᱭ ᱮᱱᱮᱡ ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ সংবাদ উদ্ধৃতি |শেষাংশ1=মিত্র |প্রথমাংশ1=শুভ্র |শিরোনাম=আলতা আর নূপুর পায়ে হুঁদুরদুর্গা খোঁজেন ভরতরা |ইউআরএল=https://www.anandabazar.com/west-bengal/purulia-birbhum-bankura/article-on-traditional-dance-of-bishnupur-1.1055978 |সংগ্রহের-তারিখ=১০ মার্চ ২০২১ |কর্ম=আনন্দবাজার পত্রিকা |তারিখ=৮ অক্টোবর ২০১৯