ᱫᱩᱞᱟᱹᱲ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
Drawn love hearts.svg

ᱫᱩᱞᱟ.ᱲ ᱫᱚ ᱢᱤᱫ ᱟ.ᱭᱠᱟ.ᱣ ᱠᱟᱱᱟ ᱾ ᱫᱩᱞᱟ.ᱲ ᱫᱚ ᱟ.ᱰᱤ ᱞᱮᱠᱟᱱ ᱩᱭᱦᱺ.ᱨ, ᱵᱷᱟᱵᱽᱱᱟ ᱟᱨ ᱵᱮᱵᱷᱟᱨ ᱨᱮᱭᱟᱜ ᱢᱮᱥᱟᱥᱮᱱᱟ ᱠᱟᱱᱟ ᱾ ᱢᱤᱫ ᱦᱚᱲ ᱟᱨ ᱢᱤᱫ ᱦᱚᱲᱟᱜ ᱫᱩᱞᱟ.ᱲ ᱠᱷᱚᱱ ᱮᱛᱚᱦᱚᱵ ᱠᱟᱛᱮ ᱠᱩᱥᱤ ᱨᱟ.ᱥᱠᱟ. ᱯᱟᱥᱱᱟᱣ ᱨᱮᱭᱟᱜ ᱠᱟᱱᱟ ᱾ ᱱᱚᱣᱟ ᱫᱚ ᱢᱤᱫ ᱟ.ᱰᱤ ᱠᱮᱴᱮᱡ ᱢᱩᱦᱤᱛ ᱟᱨ ᱟᱯᱱᱟᱨ ᱛᱮ ᱡᱩᱲᱟ.ᱭ ᱢᱤᱫᱩᱜ ᱨᱮᱭᱟᱜ ᱢᱤᱫ ᱵᱷᱟᱵᱽᱱᱟ ᱠᱟᱱᱟ ᱾ ᱢᱤᱫ ᱦᱚᱲᱟᱜ ᱫᱟᱭᱟ, ᱵᱷᱟᱵᱽᱱᱟ, ᱟᱨ ᱜᱚᱨᱚᱡᱽ ᱥᱚᱫᱚᱨ ᱨᱮᱭᱟᱜ ᱛᱚᱦᱚᱨ ᱦᱚᱸ ᱢᱟᱱᱟᱣ ᱵᱟᱛᱟᱣ ᱦᱩᱭ ᱫᱟᱲᱮᱭᱟᱜᱼᱟ ᱾ ᱱᱤᱡᱚᱨ ᱞᱟ.ᱜᱤᱫ ᱟᱨᱵᱟᱝ ᱢᱤᱫ ᱡᱟᱱᱣᱟ ᱞᱟ.ᱜᱤᱫ ᱟᱨ ᱵᱟᱝ ᱢᱤᱫ ᱢᱟ.ᱱᱢᱤ ᱞᱟ.ᱜᱤᱫ ᱜᱮ ᱜᱚᱨᱚᱡᱽ ᱯᱮᱨᱮᱡ ᱠᱟ.ᱢᱤ ᱛᱚᱨᱟᱣ ᱟᱨᱵᱟᱝ ᱥᱚᱫᱚᱨ ᱟᱭ ᱜᱮ ᱫᱩᱞᱟ.ᱲ ᱵᱚᱱ ᱢᱮᱱ ᱫᱟᱲᱮᱭᱟᱜᱼᱟ ᱾ ᱠᱟᱛᱷᱟ ᱨᱮᱠᱚ ᱢᱮᱱᱟ ᱫᱚ ᱡᱩᱫᱤ ᱡᱤᱭᱚᱱ ᱨᱮ ᱫᱩᱞᱟ.ᱲ ᱛᱟᱦᱮᱸᱱᱟ ᱮᱱᱠᱷᱟᱱ ᱡᱤᱭᱚᱱ ᱟ.ᱨᱩᱯᱷᱮᱨᱟᱣ ᱩᱛᱟ.ᱨᱚᱜᱼᱟ ᱾

ᱥᱮᱫᱟᱭ ᱜᱨᱤᱠ ᱫᱚ ᱯᱮ ᱞᱮᱠᱟᱱᱟᱜ ᱫᱩᱞᱟᱹᱲ ᱠᱚ ᱪᱤᱱᱦᱟ.ᱣ ᱟᱠᱟᱜᱼᱟ : ᱯᱮᱲᱟ ᱥᱟ.ᱜᱟ.ᱭ, ᱡᱚᱴᱟᱣ, ᱫᱩᱞᱟᱹᱲ ᱨᱟ.ᱥᱠᱟ. ᱟᱸᱥ, ᱟᱨ ᱵᱚᱸᱜᱟ ᱵᱳᱨᱳ ᱞᱟ.ᱜᱤᱫ ᱫᱩᱞᱟ.ᱲ ᱾ ᱫᱩᱞᱟᱹᱲ ᱫᱚ ᱟ.ᱰᱤ ᱵᱮᱲᱟᱨᱮ ᱵᱟᱥᱱᱟ ᱥᱟᱶ ᱠᱚ ᱛᱩᱞᱟ.ᱡᱚᱠᱷᱟᱭᱟ ᱾ ᱫᱩᱞᱟᱹᱲ ᱫᱚ ᱡᱚᱴᱟᱣ ᱢᱮᱱ ᱞᱮᱠᱷᱟᱱ ᱜᱟᱺᱦᱤᱨ ᱡᱚᱴᱟᱣ ᱥᱟᱶ ᱦᱚᱸ ᱠᱚ ᱛᱩᱞᱟ.ᱡᱚᱠᱷᱟᱭᱟ ᱾ ᱚᱱᱠᱟ ᱢᱮᱱ ᱞᱮᱠᱷᱟᱱ ᱫᱩᱞᱟᱹᱲ ᱫᱚ ᱢᱤᱫ ᱟ.ᱭᱠᱟ.ᱣ ᱠᱟᱱᱟ ᱡᱟᱦᱟᱸ ᱫᱚ ᱢᱤᱫ ᱢᱟ.ᱱᱢᱤ ᱟᱨ ᱢᱤᱫ ᱢᱟ.ᱱᱢᱤ ᱞᱟ.ᱜᱤᱫ ᱮ ᱟ.ᱭᱠᱟᱣᱟ ᱾ ᱡᱩᱫᱤ ᱟᱵᱚ ᱫᱩᱞᱟᱹᱲ ᱨᱮᱭᱟᱜ ᱵᱚᱱ ᱠᱟᱛᱷᱟᱭ ᱠᱷᱟᱱ ᱫᱩᱞᱟᱹᱲ ᱡᱤᱭᱚᱱ ᱨᱮᱭᱟᱜ ᱡᱟᱦᱟᱸ ᱞᱮᱠᱟ H+o2 =H2o ᱦᱩᱭᱩᱜᱼᱟ ᱴᱷᱤᱠ ᱚᱱᱠᱟ ᱜᱮ ᱫᱩᱞᱟᱹᱲ ᱦᱚᱸ ᱵᱟᱨ ᱦᱚᱲ ᱛᱟᱞᱟᱨᱮ ᱢᱮᱥᱟ ᱠᱟᱛᱮ ᱡᱤᱭᱚᱱ ᱠᱤᱱ ᱜᱚᱲᱦᱚᱱᱟ ᱾

ᱫᱩᱞᱟᱹᱲ ᱨᱮᱭᱟᱜ ᱨᱩᱯ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱤᱫ ᱦᱚᱲᱟᱜ ᱫᱩᱞᱟᱹᱲ

ᱢᱤᱫ ᱦᱚᱲ ᱡᱟᱦᱟᱸ ᱜᱮ ᱢᱤᱫ ᱡᱤᱱᱤᱥ, ᱠᱟ.ᱢᱤ ᱟᱨᱵᱟᱝ ᱡᱚᱥ ᱦᱚᱸᱭ ᱫᱩᱞᱟᱹᱲ ᱫᱟᱲᱮᱭᱟᱜᱼᱟ ᱡᱟᱦᱟᱸ ᱥᱟᱶ ᱩᱱᱤ ᱡᱩᱲᱟ.ᱭ ᱮ ᱛᱟᱦᱮᱸᱱᱟ ᱟᱨᱵᱟᱝ ᱡᱟᱦᱟᱸ ᱫᱚ ᱩᱱᱤᱭ ᱦᱮᱛᱟ ᱦᱟᱜᱼᱟ ᱾ ᱢᱟ.ᱱᱢᱤ ᱢᱤᱫ ᱡᱟᱭ, ᱡᱟᱱᱣᱟ ᱟᱨᱵᱟᱝ ᱠᱟ.ᱢᱤ ᱦᱚᱸᱭ ᱫᱩᱞᱟᱹᱲ ᱫᱟᱲᱮᱭᱟᱜᱼᱟ ᱡᱟᱦᱟᱸ ᱥᱟᱶ ᱩᱱᱤ ᱟᱡᱟᱜ ᱡᱩᱲᱟ.ᱭ ᱛᱟᱦᱮᱸᱱ ᱮ ᱟ.ᱭᱠᱟ.ᱣ ᱫᱟᱲᱮᱭᱟᱜᱼᱟ ᱟᱨ ᱟᱡ ᱱᱤᱡᱮ ᱚᱱᱟ ᱥᱟᱶ ᱡᱩᱲᱟ.ᱭ ᱛᱟᱦᱮᱸᱱ ᱮ ᱨᱤᱠᱟ.ᱭᱟ ᱾ ᱢᱤᱫ ᱦᱚᱲᱟᱜ ᱫᱩᱞᱟᱹᱲ ᱫᱚ ᱥᱟᱫᱷᱟᱨᱚᱱ ᱫᱩᱞᱟᱹᱲ ᱞᱮᱠᱟ ᱫᱚ ᱵᱟᱝ ᱠᱟᱱᱟ ᱱᱚᱣᱟ ᱫᱚ ᱢᱟ.ᱱᱢᱤᱭᱟᱜ ᱚᱱᱛᱚᱨ ᱨᱮᱭᱟᱜ ᱢᱤᱫ ᱞᱮᱠᱟᱱ ᱱᱚᱡᱚᱨ ᱵᱮᱵᱷᱟᱨ ᱠᱟᱱᱟ ᱡᱟᱦᱟᱸ ᱫᱚ ᱫᱩᱥᱨᱟ. ᱞᱟ.ᱜᱤᱫ ᱱᱮᱢᱚᱥ ᱯᱮᱨᱮᱡ ᱢᱚᱱᱮ ᱨᱮᱭᱟᱜ ᱵᱮᱵᱷᱟᱨ ᱥᱟᱨᱥᱟᱣᱜᱼᱟ ᱡᱟᱦᱟᱸ ᱫᱟᱭᱟ, ᱥᱟᱦᱟᱣ, ᱤᱠᱟ. ᱟᱨ ᱜᱚᱨᱚᱡᱽ ᱟ.ᱰᱤ ᱞᱮᱠᱟᱱ ᱵᱮᱵᱷᱟᱨ ᱛᱮ ᱥᱚᱫᱚᱨ ᱥᱟᱢᱟᱝ ᱚᱜᱼᱟ ᱾ ᱡᱩᱫᱤ ᱢᱟᱢᱩᱞᱤ ᱟ.ᱭᱟ.ᱛ ᱛᱮᱵᱚᱱ ᱢᱮᱱ ᱠᱷᱟᱱ ᱢᱤᱫ ᱦᱚᱲᱟᱜ ᱫᱩᱞᱟᱹᱲ ᱫᱚᱥᱟᱨ ᱪᱮᱛᱟᱱ ᱨᱮ ᱵᱮᱵᱷᱟᱨ ᱵᱚᱱ ᱢᱮᱱ ᱫᱟᱲᱮᱭᱟᱜᱼᱟ ᱾ ᱚᱱᱟᱛᱮ ᱢᱤᱫ ᱦᱚᱲ ᱮᱠᱞᱟ ᱟᱜ ᱫᱩᱞᱟᱹᱲ ᱫᱚ ᱢᱤᱫ ᱞᱟ.ᱜᱤᱫ ᱢᱟ.ᱱᱢᱤᱭᱟᱜ ᱩᱭᱦᱟ.ᱨ ᱪᱮᱛᱟᱱ ᱨᱮ ᱞᱟᱫᱮ ᱛᱟᱦᱮᱸᱱᱟ ᱾

ᱫᱩᱯᱩᱞᱟ.ᱲ

ᱢᱤᱫ ᱦᱚᱲ ᱟᱨ ᱢᱤᱫ ᱦᱚᱲ ᱮ ᱫᱩᱞᱟᱹᱲ ᱮ ᱱᱚᱣᱟ ᱜᱮ ᱫᱩᱯᱩᱞᱟ.ᱲ ᱫᱚᱠᱚ ᱢᱮᱛᱟᱜᱼᱟ ᱾ ᱱᱚᱣᱟ ᱫᱚ ᱠᱷᱟ.ᱞᱤ ᱢᱤᱫ ᱦᱚᱲᱟᱜ ᱠᱷᱚᱡᱽ ᱟᱨ ᱢᱤᱫ ᱦᱚᱲ ᱞᱟ.ᱜᱤᱫ ᱥᱩᱢᱩᱝ ᱫᱚ ᱵᱟᱝ ᱠᱟᱱᱟ ᱢᱤᱫ ᱟ.ᱰᱤ ᱫᱚᱲᱦᱚ ᱟ.ᱭᱠᱟ.ᱣ ᱠᱟᱱᱟ ᱾ ᱡᱟᱦᱟᱸ ᱫᱩᱞᱟᱹᱲ ᱨᱮᱭᱟᱜ ᱩᱭᱦᱟ.ᱨ ᱵᱟᱝ ᱵᱚᱫᱚᱞᱚᱜᱼᱟ ᱚᱱᱟ ᱫᱚ ᱜᱟᱺᱦᱤᱨ ᱚᱨᱥᱚᱝ ᱫᱩᱞᱟ.ᱲ ᱠᱚ ᱢᱮᱛᱟᱜᱼᱟ ᱾ ᱱᱚᱝᱠᱟᱱ ᱫᱩᱞᱟᱹᱲ ᱫᱚ ᱜᱷᱟᱨᱚᱸᱡᱽ ᱨᱮ ᱜᱷᱟᱨᱚᱸᱡᱤᱭᱟ., ᱡᱚᱴᱟᱣ ᱟᱨ ᱫᱩᱯᱩᱞᱟ.ᱲ ᱠᱟᱱ ᱠᱚ ᱛᱟᱞᱟᱨᱮ ᱧᱮᱞ ᱧᱟᱢᱚᱜᱼᱟ ᱾ ᱢᱤᱫ ᱦᱚᱲ ᱟᱨ ᱢᱤᱫ ᱦᱚᱲᱟᱜ ᱥᱟ.ᱜᱟ.ᱭ ᱵᱟᱨᱭᱟ ᱢᱟ.ᱱᱢᱤ ᱥᱟᱶ ᱫᱚᱲᱦᱚ, ᱜᱟᱺᱦᱤᱨ ᱟᱨ ᱥᱩᱯᱩᱨ ᱞᱟ.ᱜᱤᱫ ᱜᱚᱲᱚ ᱜᱚᱯᱚᱲᱚ ᱛᱟᱦᱮᱸᱱᱟ ᱾ ᱱᱚᱝᱠᱟᱱ ᱥᱟ.ᱜᱟ.ᱭ ᱫᱚ ᱡᱩᱢᱤᱫᱽ, ᱵᱮᱯᱟᱨ ᱵᱟ.ᱱᱤᱡ ᱞᱟ.ᱜᱤᱫ ᱜᱟᱞᱢᱟᱨᱟᱣ, ᱥᱟᱶᱛᱟ ᱞᱟ.ᱜᱤᱫ ᱟᱺᱜᱤᱵᱷᱟᱨ ᱠᱷᱟ.ᱛᱤᱨ ᱵᱮᱱᱟᱣᱜᱼᱟ ᱾ ᱱᱚᱣᱟ ᱫᱚ ᱥᱟᱶᱛᱟᱨᱤ, ᱞᱟ.ᱭᱞᱟᱠᱪᱟᱨ, ᱟᱨ ᱮᱴᱟᱜ ᱮᱛᱮᱫ ᱠᱷᱚᱱ ᱦᱚᱸ ᱵᱟ.ᱲᱛᱤ ᱚᱨᱥᱚᱝ ᱛᱟᱦᱮᱸᱱᱟ ᱾ ᱱᱚᱣᱟ ᱥᱟ.ᱜᱟ.ᱭ ᱫᱚ ᱜᱷᱟᱨᱚᱸᱡᱽ, ᱯᱮᱲᱟ ᱯᱟ.ᱦᱬᱟ., ᱡᱚᱴᱟᱣ, ᱠᱟ.ᱢᱤ, ᱵᱟᱯᱞᱟ, ᱚᱲᱟᱜ ᱥᱩᱨ ᱥᱟ.ᱜᱟ.ᱭ ᱟᱨ ᱢᱩᱫᱽᱨᱤ, ᱡᱟᱦᱮᱨ ᱞᱮᱠᱟᱛᱮ ᱟ.ᱨᱩ ᱟᱠᱟ ᱛᱟᱦᱮᱸᱱᱟ ᱾ ᱱᱚᱣᱟ ᱫᱚ ᱠᱟᱱᱩᱱ ᱦᱚᱛᱮᱛᱮ ᱟᱨᱵᱟᱝ ᱨᱟᱭᱨᱤᱛ ᱞᱮᱠᱟᱛᱮ ᱟᱨᱵᱟᱝ ᱟᱯᱱᱟᱨ ᱵᱩᱯᱩᱡᱷᱟ.ᱣ ᱦᱚᱛᱮᱛᱮ ᱥᱚᱞᱦᱮ ᱥᱟᱶᱟᱨ ᱥᱟ.ᱜᱟ.ᱭ ᱦᱩᱭ ᱫᱟᱲᱮᱭᱟᱜᱼᱟ ᱾ ᱱᱚᱣᱟ ᱫᱚ ᱥᱟᱶᱛᱟᱨᱤ ᱡᱩᱢᱤᱫᱽ ᱟᱨ ᱥᱟᱶᱛᱟ ᱨᱮᱭᱟᱜ ᱛᱚᱦᱚᱨ ᱠᱟᱱᱟ ᱾

ᱫᱩᱯᱩᱞᱟ.ᱲ ᱨᱮᱭᱟᱜ ᱟ.ᱰᱤ ᱞᱮᱠᱟᱱ ᱰᱟᱦᱟᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱩᱣᱟ.ᱱ ᱚᱠᱛᱚ ᱨᱮᱭᱟᱜ ᱫᱩᱞᱟ.ᱲ ᱫᱚ ᱨᱮᱸᱜᱮᱡ ᱟᱨ ᱛᱮᱛᱟᱝ ᱞᱮᱠᱟᱛᱮ ᱥᱚᱫᱚᱨ ᱟᱠᱟᱱᱟ ᱾ ᱦᱮᱞᱮᱱ ᱯᱷᱤᱥᱳᱨ ᱫᱚ ᱫᱩᱞᱟ.ᱲ ᱨᱤᱱᱤᱡ ᱟ.ᱰᱤ ᱢᱟᱨᱟᱝ ᱯᱟ.ᱨᱩᱠᱷᱤᱭᱟ. ᱠᱟᱱᱟᱭ ᱾ ᱩᱱᱤ ᱫᱩᱞᱟᱹᱲ ᱨᱮᱭᱟᱜ ᱮᱠᱥᱯᱮᱨᱤᱭᱮᱱᱥ ᱫᱚ ᱯᱮ ᱦᱟ.ᱴᱤᱧ ᱨᱮᱭ ᱦᱟ.ᱴᱤᱧ ᱟᱠᱟᱜᱼᱟ : ᱞᱩᱥᱴ, ᱟᱴᱨᱟᱠᱥᱳᱱ ᱟᱨ ᱟᱴᱟᱪᱢᱮᱸᱴ ᱾

ᱟᱨ ᱦᱚᱸ ᱧᱮᱞ ᱢᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

https://en.m.wikipedia.org/wiki/Love_at_first_sight

https://en.m.wikipedia.org/wiki/Polyamor

https://en.m.wikipedia.org/wiki/Romance_(love)

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

https://en.m.wikipedia.org/wiki/Oxford_English_Dictionary

https://en.m.wikipedia.org/wiki/Cambridge_Advanced_Learner%27s_Dictionary

http://www.merriam-webster.com/dictionary/love

https://web.archive.org/web/20120530043739/http://www.slideshare.net/azharabbas/just-love

https://web.archive.org/web/20070930072056/http://www.trueopenlove.org/reference/AncientLovePoetry.html

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

http://www.iep.utm.edu/love-his/

https://curlie.org/Society/Relationships/Friendship/

https://curlie.org/Society/Philanthropy/

https://curlie.org/Society/Relationships/Romance/