ᱫᱷᱚᱢᱛᱚᱨᱤ ᱦᱚᱱᱚᱛ
ᱫᱷᱚᱢᱛᱚᱨᱤ ᱦᱚᱱᱚᱛ ᱫᱚ ᱥᱤᱧᱚᱛ ᱫᱤᱥᱚᱢ ᱪᱷᱚᱛᱛᱤᱥᱜᱚᱲ ᱯᱚᱱᱚᱛ ᱨᱮᱱᱟᱜ ᱢᱤᱫ ᱦᱚᱱᱚᱛ ᱠᱟᱱᱟ ᱾ ᱱᱚᱶᱟ ᱨᱮᱱᱟᱜ ᱦᱮᱰ ᱠᱩᱣᱟᱴᱚᱨ ᱫᱚ ᱫᱷᱚᱢᱛᱚᱨᱤ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱦᱚᱱᱚᱛ ᱫᱚ ᱖ ᱡᱩᱞᱟᱭ ᱑᱙᱙᱘ ᱥᱟᱹᱦᱤᱛ ᱨᱮ ᱨᱟᱭᱯᱩᱨ ᱦᱚᱱᱚᱛ ᱦᱟᱹᱴᱤᱧ ᱠᱟᱛᱮ ᱵᱮᱱᱟᱣ ᱞᱮᱱᱟ ᱾ ᱒᱐᱑᱑ ᱥᱟᱹᱦᱤᱛ ᱦᱚᱲ ᱞᱮᱠᱷᱟ ᱞᱮᱠᱟᱛᱮ ᱱᱚᱶᱟ ᱦᱚ ᱚᱛ ᱨᱮ ᱗᱙᱙,᱗᱘᱑ ᱦᱚᱲ ᱢᱮᱱᱟᱜ ᱠᱚᱣᱟ ᱾
ᱚᱛᱱᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱱᱚᱶᱟ ᱦᱚᱱᱚᱛ ᱨᱮ ᱢᱟᱨᱟᱝ ᱜᱟᱰᱟ (ᱢᱚᱦᱟᱱᱚᱫᱤ) ᱜᱮ ᱢᱩᱬ ᱜᱟᱰᱟ ᱠᱟᱱᱟ ᱟᱨ ᱱᱚᱶᱟ ᱮᱞᱟᱠᱟ ᱫᱚ ᱠᱚᱝᱠᱚᱱᱟᱰᱤ, ᱪᱤᱛᱨᱚᱛᱯᱚᱞᱚ, ᱱᱤᱞᱚᱛᱯᱚᱞᱚ, ᱢᱟᱱᱫᱽᱵᱟᱦᱤᱱ, ᱡᱟᱭᱨᱟᱛᱷ ᱮᱢᱟᱱ ᱠᱚ ᱾ ᱱᱚᱶᱟ ᱜᱟᱰᱟ ᱨᱮᱱᱟᱜ ᱪᱟᱸᱜᱟ ᱜᱟᱰᱟ ᱠᱚ ᱫᱚ ᱦᱩᱭᱩᱜ ᱠᱟᱱᱟ ᱺ ᱥᱤᱭᱚᱱᱟᱛᱷ, ᱯᱮᱨᱤ, ᱥᱚᱱᱫᱩᱨ ᱜᱟᱰᱟ, ᱡᱟᱣᱱ, ᱠᱷᱟᱨᱩᱱ ᱟᱨ ᱥᱤᱵᱱᱟᱛᱷ (ᱜᱟᱰᱟ ᱮᱢᱟᱱ ᱠᱚ ᱾ ᱱᱚᱶᱟ ᱮᱞᱟᱠᱟ ᱨᱮᱱᱟᱜ ᱢᱩᱬ ᱪᱟᱥ ᱫᱚ ᱦᱳᱲᱳ ᱜᱮ ᱾ ᱢᱟᱨᱟᱝᱜᱟᱰᱟ ᱫᱚ ᱛᱟᱞᱟ ᱥᱤᱧᱚᱛ ᱨᱮᱱᱟᱜ ᱢᱟᱨᱟᱝ ᱚᱩᱴᱟᱹᱨ ᱜᱟᱰᱟ ᱠᱟᱱᱟ ᱡᱟᱦᱟᱸ ᱫᱚ ᱥᱤᱦᱟᱣᱟ ᱵᱩᱨᱩ ᱠᱷᱚᱱ ᱞᱤᱸᱡᱤ ᱟᱬᱜᱚ ᱠᱟᱛᱮ ᱵᱚᱝᱜᱚᱯ ᱥᱟᱹᱢᱩᱫᱽ ᱨᱮ ᱫᱩᱞ ᱢᱤᱫ ᱟᱠᱟᱱᱟ ᱾ ᱡᱟᱹᱛᱤᱭᱟᱹᱨᱤ ᱨᱟᱡᱽ ᱰᱟᱦᱟᱨ ᱗ ᱨᱟᱭᱯᱩᱨ-ᱵᱤᱡᱤᱭᱟᱱᱟᱜᱽᱨᱟᱢ ᱫᱚ ᱫᱷᱚᱢᱛᱚᱨᱤ ᱥᱮᱫ ᱛᱮ ᱯᱟᱨᱚᱢ ᱟᱠᱟᱱᱟ ᱾ ᱫᱷᱚᱢᱛᱚᱨᱤ ᱠᱷᱚᱱ ᱪᱷᱚᱛᱤᱥᱜᱚᱰ ᱯᱚᱱᱚᱛ ᱨᱟᱡᱽᱜᱟᱲ ᱨᱟᱭᱯᱩᱨ ᱫᱚ ᱗᱘ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾
ᱠᱟᱹᱣᱰᱤᱭᱟᱹᱨᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱫᱷᱚᱢᱛᱚᱨᱤ ᱨᱮ ᱑᱓᱖ ᱜᱚᱴᱟᱝ ᱠᱷᱚᱱ ᱵᱟᱹᱲᱛᱤ ᱦᱳᱲᱳ ᱢᱤᱞᱥ ᱢᱮᱱᱟᱜᱼᱟ ᱾[᱑] ᱨᱚᱵᱤᱥᱚᱝᱠᱚᱨ ᱥᱟᱜᱚᱨ ᱰᱮᱢ (ᱜᱟᱝᱽᱨᱮᱞ ᱰᱮᱢ) ᱫᱚ ᱕᱗᱐ ᱜᱟᱺᱴ ᱠᱤᱞᱚᱢᱤᱴᱚᱨ ᱮᱞᱟᱠᱟ ᱛᱮ ᱫᱟᱜ ᱮ ᱯᱟᱴᱟᱱ (irrigates) ᱮᱫᱼᱟ ᱟᱨ ᱥᱟᱶᱛᱮ ᱧᱩ ᱫᱟᱜ ᱞᱮᱠᱟᱛᱮ ᱦᱚᱸ ᱵᱮᱵᱷᱟᱨᱚᱜ ᱠᱟᱱᱟ ᱾ ᱯᱚᱱᱚᱛ ᱨᱟᱡᱽᱜᱟᱲ ᱨᱟᱭᱯᱩᱨ ᱟᱨ ᱵᱷᱤᱞᱟᱭ ᱤᱥᱴᱤᱞ ᱯᱞᱟᱸᱴ ᱞᱟᱹᱜᱤᱫ ᱦᱚᱸ ᱫᱟᱜ ᱱᱳᱱᱰᱮ ᱠᱷᱚᱱ ᱜᱮ ᱥᱮᱱᱚᱜ ᱠᱟᱱᱟ ᱾ ᱵᱟᱨᱭᱟ ᱦᱟᱭᱰᱚ ᱯᱟᱣᱟᱨ ᱯᱞᱟᱸᱴ ᱑᱐ ᱢᱮᱜᱟᱣᱟᱴ (MW) ᱟᱨ ᱑᱒ ᱢᱮᱜᱟᱣᱟᱴ ᱟᱜ ᱦᱚᱸ ᱠᱚ ᱵᱟᱹᱭᱥᱟᱹᱣ ᱟᱠᱟᱫᱼᱟ ᱱᱚᱸᱰᱮ ᱾ ᱮᱥᱤᱭᱟ ᱨᱮᱱᱟᱜ ᱯᱩᱭᱞᱩ ᱥᱟᱭᱯᱷᱮᱱ (Syphen) ᱰᱮᱢ ᱫᱚ ᱢᱟᱰᱟᱢᱥᱤᱞᱤ ᱨᱮ ᱠᱚ ᱵᱮᱱᱟᱣ ᱞᱮᱫᱼᱟ ᱑᱙᱔᱑ ᱥᱟᱹᱦᱤᱛ ᱨᱮ ᱾ ᱚᱱᱟ ᱥᱟᱶᱛᱮ ᱥᱚᱱᱫᱩᱨ ᱰᱮᱢ ᱟᱨ ᱫᱩᱫᱷᱷᱚᱣᱟ ᱰᱮᱢ ᱢᱟᱨᱟᱝ ᱯᱨᱚᱡᱮᱠᱴ ᱞᱮᱠᱟᱛᱮ ᱞᱮᱠᱷᱟᱜ ᱠᱟᱱᱟ ᱾ ᱦᱚᱱᱚᱛ ᱨᱮᱱᱟᱜ ᱕᱒% ᱮᱞᱟᱠᱟ ᱫᱚ ᱵᱤᱨ ᱵᱩᱨᱩ ᱛᱮ ᱯᱮᱨᱮᱡ ᱟᱠᱟᱱᱟ ᱾ ᱱᱚᱶᱟ ᱦᱚᱱᱚᱛ ᱨᱮ ᱴᱨᱚᱯᱤᱠᱟᱞ ᱦᱚᱭᱦᱤᱥᱫ (tropical climate) ᱛᱟᱦᱮᱸᱱᱟ ᱾[᱒]
ᱰᱮᱢᱚᱜᱽᱨᱟᱯᱷᱤᱠ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
᱒᱐᱑᱑ ᱥᱟᱹᱦᱤᱛ ᱥᱤᱧᱚᱛ ᱦᱚᱲ ᱞᱮᱠᱷ ᱞᱮᱠᱟᱛᱮ ᱱᱚᱶᱟ ᱦᱚᱱᱚᱛ ᱨᱮ ᱗᱙᱙,᱗᱘᱑[᱓] ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱫᱚ ᱠᱚᱢᱚᱨᱚᱥ (Comoros)[᱔] ᱫᱤᱥᱚᱢ ᱟᱨᱵᱟᱝ ᱡᱩᱢᱤᱫᱽ ᱫᱤᱥᱚᱢ ᱠᱚᱧᱮ ᱰᱟᱠᱚᱴᱟ (South Dakota)[᱕] ᱨᱤᱱ ᱦᱚᱲ ᱞᱮᱠᱷᱟ ᱥᱟᱶ ᱠᱚ ᱥᱚᱢᱟᱱᱚᱜ ᱠᱟᱱᱟ ᱾
ᱥᱤᱧᱚᱛ ᱨᱮᱱᱟᱜ ᱔᱕᱘ ᱦᱚᱱᱚᱛ ᱠᱷᱚᱱ ᱱᱚᱶᱟ ᱫᱚ ᱕᱔᱐ ᱟᱱᱟᱜ ᱴᱷᱟᱶ (ᱨᱮᱸᱠ) ᱨᱮ ᱢᱮᱱᱟᱜᱼᱟ ᱾[᱓] ᱱᱳᱱᱰᱮ ᱦᱚᱲ ᱵᱟᱹᱰᱚᱜ ᱠᱟᱱ ᱫᱚ ᱫᱚ ᱑᱓ᱹ᱑᱑% ᱛᱟᱦᱮᱸ ᱠᱟᱱᱟ ᱒᱐᱐᱑ ᱠᱷᱚᱱ ᱒᱐᱑᱑ ᱥᱟᱹᱦᱤᱛ ᱢᱟᱹᱫᱽ ᱨᱮ ᱾[᱓] ᱱᱚᱸᱰᱮ ᱡᱟᱱᱟᱝ ᱡᱟᱹᱱᱤ ᱫᱚ ᱑᱐᱑᱐ ᱠᱩᱲᱤ ᱨᱮ ᱑᱐᱐᱐ ᱠᱚᱲᱟ ᱢᱮᱱᱟᱜ ᱠᱚᱣᱟ ᱟᱨ ᱥᱮᱪᱮᱫ ᱫᱚ ᱙᱐ᱹ᱐% ᱛᱟᱦᱮᱸ ᱠᱟᱱᱟ ᱾[᱓]
᱒᱐᱑᱑ ᱥᱟᱹᱦᱤᱛ ᱦᱚᱲ ᱞᱮᱠᱷᱟ ᱚᱠᱛᱚ ᱨᱮ ᱙᱘ᱹ᱑᱒% ᱦᱚᱲ ᱫᱚ ᱦᱤᱱᱫᱤ ᱯᱟᱹᱨᱥᱤ, ᱐ᱹ᱕᱗% ᱢᱟᱨᱟᱴᱷᱤ ᱯᱟᱹᱨᱥᱤ ᱟᱨ ᱐ᱹ᱔᱙% ᱦᱚᱲ ᱫᱚ ᱥᱤᱱᱫᱷᱤ ᱯᱟᱹᱨᱥᱤ ᱟᱠᱚᱣᱟᱜ ᱯᱩᱭᱞᱩ ᱯᱟᱹᱨᱥᱤ ᱞᱮᱠᱟᱛᱮ ᱠᱚ ᱵᱮᱵᱷᱟᱨᱮᱫᱼᱟ ᱾[᱖]
ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ "Dhamtari Government Website". Retrieved 2006-09-22.
- ↑ "Dhamtari District NCCR". Archived from the original on 2007-09-28. Retrieved 2006-09-22.
- ↑ ᱓.᱐ ᱓.᱑ ᱓.᱒ ᱓.᱓ "District Census 2011". Census2011.co.in. 2011. Retrieved 2011-09-30.
- ↑ US Directorate of Intelligence. "Country Comparison:Population". Archived from the original on 2011-09-27. Retrieved 2011-10-01.
Comoros 794,683 July 2011 est.
- ↑ "2010 Resident Population Data". U. S. Census Bureau. Archived from the original on 2013-10-19. Retrieved 2011-09-30.
South Dakota 814,180
- ↑ 2011 Census of India, Population By Mother Tongue