ᱫᱷᱚᱨᱚᱢᱵᱤᱨ ᱱᱟᱭᱤᱱ
 ᱱᱟᱭᱤᱱ ᱒᱐᱒᱔ ᱨᱮ | ||||||||||||||||||||||||||||||||
| ᱠᱷᱮᱞᱚᱸᱰᱤᱭᱟᱹ ᱩᱯᱩᱨᱩᱢ | ||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| ᱡᱟᱱᱟᱢ | ᱑᱘ ᱡᱟᱱᱩᱣᱟᱨᱤ ᱑᱙᱘᱙ ᱨᱳᱦᱛᱟᱠ, ᱦᱚᱨᱤᱭᱟᱬᱟ, ᱥᱤᱧᱚᱛ | |||||||||||||||||||||||||||||||
| ᱠᱷᱮᱞᱚᱸᱰ | ||||||||||||||||||||||||||||||||
| ᱠᱷᱮᱞ | ᱯᱟᱨᱟ ᱟᱛᱷᱞᱮᱴᱤᱠᱥ | |||||||||||||||||||||||||||||||
| Disability class | F51 | |||||||||||||||||||||||||||||||
| ᱵᱤᱵᱷᱟᱜᱽ(ᱠᱚ) | ᱠᱞᱚᱵᱽ ᱛᱷᱨᱳ | |||||||||||||||||||||||||||||||
| ᱢᱟᱹᱱ ᱟᱨ ᱥᱤᱨᱯᱷᱟᱹ | ||||||||||||||||||||||||||||||||
| ᱯᱟᱨᱥᱚᱱᱟᱞ ᱥᱚᱨᱮᱥ(s) | ᱓᱔.᱙᱒ ᱢᱤᱴᱚᱨ ᱪᱷᱟᱸᱪ:AthAbbr (᱒᱐᱒᱔) | |||||||||||||||||||||||||||||||
ᱥᱤᱨᱯᱷᱟᱹ ᱨᱮᱭᱟᱜ ᱠᱟᱛᱷᱟ
| ||||||||||||||||||||||||||||||||
.svg){kind=small}
.svg){kind=logo}
ᱫᱷᱚᱨᱚᱢᱵᱤᱨ ᱱᱟᱭᱤᱱ (ᱡᱟᱱᱟᱢ ᱑᱘ ᱡᱟᱱᱩᱣᱟᱨᱤ ᱑᱙᱘᱙) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱯᱟᱨᱟ ᱠᱞᱚᱵᱽ ᱛᱷᱨᱳᱣᱟᱨ ᱠᱟᱱᱟᱭ᱾[᱑] ᱩᱱᱤ ᱫᱚ ᱒᱐᱒᱔ ᱥᱤᱛᱩᱝ ᱯᱟᱨᱟᱞᱤᱢᱯᱤᱠ ᱨᱮ ᱥᱤᱧᱚᱛ ᱫᱤᱥᱚᱢ ᱨᱤᱱᱤᱡ ᱯᱨᱚᱛᱤᱱᱤᱫᱷᱤ ᱛᱟᱦᱮᱸ ᱠᱟᱱᱟᱭ, ᱡᱟᱦᱟᱸᱨᱮ ᱩᱱᱤ ᱫᱚ ᱠᱚᱲᱟ ᱠᱚᱣᱟᱜ ᱠᱞᱚᱵᱽ ᱛᱷᱨᱳ F51 ᱦᱮᱯᱨᱟᱣ ᱨᱮ ᱓᱔.᱙᱒ ᱢᱤᱴᱚᱨ ᱪᱟᱯᱟᱫ ᱠᱟᱛᱮ ᱥᱚᱱᱟ ᱢᱮᱰᱟᱞ ᱮ ᱡᱤᱛᱠᱟᱹᱨ ᱟᱠᱟᱱᱟ ᱟᱨ ᱱᱟᱣᱟ ᱮᱥᱤᱭᱟᱱ ᱨᱮᱠᱚᱨᱰ ᱮ ᱵᱮᱱᱟᱣ ᱟᱠᱟᱫᱟ᱾[᱒]
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱟᱭᱤᱱ ᱫᱚ ᱨᱳᱦᱛᱟᱠ, ᱦᱚᱨᱤᱭᱟᱬᱟ ᱨᱮᱱᱟᱜ ᱵᱚᱰᱟᱱᱟ ᱟᱹᱛᱩ ᱨᱮᱭ ᱡᱟᱱᱟᱢ ᱞᱮᱱᱟ᱾[᱑] ᱩᱱᱤ ᱫᱚ ᱥᱳᱱᱤᱯᱚᱛ ᱨᱮᱱᱟᱜ ᱥᱤ.ᱟᱨ.ᱡᱮᱰ. ᱥᱤᱱᱤᱭᱚᱨ ᱥᱮᱠᱮᱱᱰᱟᱨᱤ ᱥᱠᱩᱞ ᱨᱮ ᱟᱡᱟᱜ ᱯᱟᱲᱦᱟᱣ ᱮ ᱯᱩᱨᱟᱹᱣ ᱟᱠᱟᱫᱟ᱾ ᱒ ᱡᱩᱱ ᱒᱐᱑᱒ ᱨᱮ ᱟᱡ ᱦᱟᱛᱚᱢ ᱚᱲᱟᱜ ᱥᱩᱨ ᱨᱮ ᱢᱮᱱᱟᱜ ᱢᱤᱫ ᱠᱮᱱᱟᱞ ᱨᱮ ᱫᱟᱜ ᱫᱚᱱ ᱚᱠᱛᱚ ᱫᱷᱤᱨᱤ ᱨᱮ ᱵᱟᱡᱟᱣ ᱠᱟᱛᱮ ᱩᱱᱤᱭᱟᱜ ᱰᱟᱸᱰᱟ ᱠᱷᱚᱱ ᱞᱟᱛᱟᱨ ᱦᱟᱹᱛᱤᱭᱟᱹᱲ ᱮᱱ ᱛᱟᱭᱟ᱾[᱒] ᱒᱐᱑᱑ ᱨᱮ ᱟᱡ ᱵᱟᱵᱟ ᱵᱚᱸᱜᱟ ᱛᱟᱞᱟ ᱞᱮᱱᱟᱭ, ᱟᱨ ᱚᱱᱟ ᱛᱟᱭᱚᱢ ᱜᱮ ᱦᱩᱭ ᱞᱮᱱ ᱱᱚᱣᱟ ᱜᱷᱚᱴᱚᱱᱟ ᱩᱱᱤ ᱫᱚ ᱟᱹᱰᱤ ᱛᱮᱫ ᱮ ᱨᱟᱹᱯᱩᱫ ᱠᱮᱫᱮᱭᱟ᱾ ᱢᱤᱫ ᱥᱮᱨᱢᱟ ᱠᱷᱚᱱ ᱦᱚᱸ ᱵᱟᱹᱲᱛᱤ ᱚᱠᱛᱚ ᱩᱱᱤ ᱯᱟᱨᱠᱚᱢ ᱨᱮᱜᱮ ᱛᱟᱦᱮᱸ ᱠᱟᱱᱟᱭ ᱟᱨ ᱱᱚᱣᱟ ᱚᱠᱛᱚ ᱨᱮ, ᱚᱢᱤᱛ ᱠᱩᱢᱟᱨ ᱥᱚᱨᱳᱦᱟ ᱟᱡ ᱨᱮᱱ ᱢᱤᱫ ᱜᱟᱛᱮ ᱥᱟᱶ ᱩᱱᱤᱭᱟᱜ ᱚᱲᱟᱜ ᱮ ᱦᱮᱡ ᱞᱮᱱᱟ ᱟᱨ ᱩᱱᱤᱭᱟᱜ ᱡᱤᱭᱚᱱ ᱮ ᱵᱚᱫᱚᱞ ᱠᱮᱫᱟ ᱪᱮᱫᱟᱜ ᱥᱮ ᱥᱚᱨᱳᱦᱟ ᱜᱮ ᱩᱱᱤ ᱠᱷᱮᱞᱚᱸᱰ ᱥᱟᱞᱟᱜ ᱮ ᱩᱯᱨᱩᱢ ᱠᱮᱫᱮᱭᱟ᱾[᱒]
ᱠᱮᱨᱤᱭᱚᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱟᱭᱤᱱ ᱫᱚ ᱒᱐᱑᱔ ᱥᱟᱞᱮ ᱨᱮ ᱯᱟᱨᱟ ᱟᱛᱷᱞᱮᱴᱤᱠᱥ ᱮ ᱮᱛᱚᱦᱚᱵ ᱞᱮᱫᱟ, ᱟᱨ ᱚᱢᱤᱛ ᱠᱩᱢᱟᱨ ᱥᱚᱨᱳᱦᱟ ᱫᱚ ᱰᱤᱥᱠᱚᱥ ᱛᱷᱨᱳ ᱨᱮ ᱩᱱᱤᱭᱟᱜ ᱜᱩᱨᱩ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟᱭ᱾ ᱩᱱᱤ ᱫᱚ ᱥᱳᱱᱤᱯᱚᱛ ᱨᱮᱱᱟᱜ ᱥᱯᱳᱨᱴᱥ ᱚᱛᱷᱚᱨᱤᱴᱤ ᱚᱯᱷ ᱤᱱᱰᱤᱭᱟ (SAI) ᱨᱮ ᱛᱟᱦᱮᱸ ᱠᱟᱛᱮ ᱦᱮᱣᱟᱭ ᱦᱟᱛᱟᱣᱟ᱾[᱑]
ᱱᱟᱭᱤᱱ ᱫᱚ ᱨᱤᱭᱳ ᱰᱤ ᱡᱮᱱᱮᱨᱤᱭᱳ ᱨᱮ ᱒᱐᱑᱖ ᱥᱤᱛᱩᱝ ᱯᱟᱨᱟᱞᱤᱢᱯᱤᱠ ᱨᱮ ᱥᱤᱧᱚᱛ ᱨᱮᱱᱟᱜ ᱯᱨᱚᱛᱤᱱᱤᱫᱷᱤ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟᱭ, ᱡᱟᱦᱟᱸᱨᱮ ᱩᱱᱤ ᱙ ᱟᱱᱟᱜ ᱴᱷᱟᱶ ᱮ ᱧᱟᱢ ᱞᱮᱫᱟ᱾[᱓] ᱩᱱᱤ ᱫᱚ ᱯᱩᱭᱞᱩ ᱫᱷᱟᱣ ᱒᱐᱑᱗ ᱨᱮ ᱞᱚᱱᱰᱚᱱ ᱣᱟᱨᱞᱰ ᱪᱟᱢᱯᱤᱭᱟᱱᱥᱤᱯ ᱨᱮ ᱥᱮᱞᱮᱫ ᱞᱮᱱᱟᱭ᱾[᱑] ᱒᱐᱑᱘ ᱮᱥᱤᱭᱟᱱ ᱯᱟᱨᱟ ᱜᱮᱢᱥ ᱨᱮ ᱩᱱᱤ ᱫᱚ ᱨᱩᱯᱟᱹ ᱢᱮᱰᱟᱞ ᱮ ᱡᱤᱛᱠᱟᱹᱨ ᱞᱮᱱᱟ᱾[᱔][᱕]
ᱩᱱᱤ ᱫᱚ ᱒᱐᱑᱙ ᱨᱮ ᱫᱩᱵᱟᱭ ᱨᱮ ᱟᱨ ᱒᱐᱒᱓ ᱨᱮ ᱯᱮᱨᱤᱥ ᱨᱮ ᱦᱩᱭ ᱞᱮᱱ ᱣᱟᱨᱞᱰ ᱪᱟᱢᱯᱤᱭᱟᱱᱥᱤᱯ ᱨᱮ ᱥᱤᱧᱚᱛ ᱨᱮᱱᱟᱜ ᱯᱨᱚᱛᱤᱱᱤᱫᱷᱤ ᱛᱟᱦᱮᱸ ᱠᱟᱱᱟᱭ᱾[᱑] ᱴᱳᱠᱤᱭᱳ ᱨᱮ ᱒᱐᱒᱐ ᱥᱤᱛᱩᱝ ᱯᱟᱨᱟᱞᱤᱢᱯᱤᱠ ᱨᱮ ᱩᱱᱤ ᱫᱚ ᱟᱡᱟᱜ ᱤᱵᱷᱮᱱᱴ ᱨᱮ ᱘ ᱟᱱᱟᱜ ᱴᱷᱟᱶ ᱮ ᱧᱟᱢ ᱞᱮᱫᱟ᱾[᱔]
᱒᱐᱒᱒ ᱨᱮ, ᱑᱓ ᱟᱱᱟᱜ ᱯᱷᱟᱡᱟ ᱤᱱᱴᱚᱨᱱᱮᱥᱱᱟᱞ ᱟᱛᱷᱞᱮᱴᱤᱠᱥ ᱪᱟᱢᱯᱤᱭᱟᱱᱥᱤᱯ ᱨᱮ ᱠᱞᱚᱵᱽ ᱛᱷᱨᱳ ᱟᱨ ᱰᱤᱥᱠᱚᱥ ᱛᱷᱨᱳ ᱵᱟᱱᱟᱨ ᱨᱮᱜᱮ ᱵᱟᱨᱭᱟ ᱨᱩᱯᱟᱹ ᱢᱮᱰᱟᱞ ᱮ ᱡᱤᱛᱠᱟᱹᱨ ᱞᱮᱱᱟ ᱟᱨ ᱪᱤᱱ ᱨᱮᱱᱟᱜ ᱦᱟᱝᱡᱩ ᱨᱮ ᱒᱐᱒᱒ ᱮᱥᱤᱭᱟᱱ ᱯᱟᱨᱟ ᱜᱮᱢᱥ ᱨᱮ ᱠᱞᱚᱵᱽ ᱛᱷᱨᱳ F51 ᱨᱮ ᱨᱩᱯᱟᱹ ᱢᱮᱰᱟᱞ ᱮ ᱧᱟᱢ ᱞᱮᱫᱟ᱾[᱑] ᱚᱱᱟ ᱥᱮᱨᱢᱟ ᱜᱮ ᱩᱱᱤ ᱫᱚ ᱵᱷᱤᱢ ᱟᱣᱟᱨᱰ (Bhim Award) ᱦᱚᱸᱭ ᱧᱟᱢ ᱞᱮᱫᱟ, ᱡᱟᱦᱟᱸ ᱫᱚ ᱥᱤᱧᱚᱛ ᱨᱮᱱᱟᱜ ᱦᱚᱨᱤᱭᱟᱬᱟ ᱯᱚᱱᱚᱛ ᱥᱚᱨᱠᱟᱨ ᱦᱚᱛᱮᱛᱮ ᱮᱢᱚᱜ ᱠᱟᱱ ᱡᱚᱛᱚ ᱠᱷᱚᱱ ᱢᱟᱨᱟᱝ ᱠᱷᱮᱞᱚᱸᱰ ᱥᱤᱨᱯᱷᱟᱹ ᱠᱟᱱᱟ᱾[᱖]
ᱡᱟᱯᱟᱱ ᱨᱮᱱᱟᱜ ᱠᱳᱵᱮ ᱨᱮ ᱒᱐᱒᱔ ᱣᱟᱨᱞᱰ ᱯᱟᱨᱟ ᱟᱛᱷᱞᱮᱴᱤᱠᱥ ᱪᱟᱢᱯᱤᱭᱟᱱᱥᱤᱯ ᱨᱮ ᱩᱱᱤ ᱫᱚ ᱵᱨᱳᱸᱡᱽ (ᱠᱟᱸᱥᱟ) ᱢᱮᱰᱟᱞ ᱮ ᱡᱤᱛᱠᱟᱹᱨ ᱟᱠᱟᱱᱟ᱾[᱗]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- 1 2 3 4 5 6 "DHARAMBIR". Paris 2024 Paralympics. (alternate link)
- 1 2 3 "Paris Paralympics: Club throwers Dharambir Nain & Amit Kumar Saroha – competing together and pushing each other to excellence". The Indian Express (in ᱟᱝᱜᱽᱨᱮᱡᱤ). 2024-09-05. Retrieved 2024-09-07.
- ↑ "Paralympics: Amit Kumar Saroha narrowly misses out on bronze medal in club throw". Scroll.in (in ᱟᱝᱜᱽᱨᱮᱡᱤ). 2016-09-16. Retrieved 2024-08-27.
- 1 2 "Tokyo Paralympics 2021: Full list of 54 Indian competitors". ESPN (in ᱟᱝᱜᱽᱨᱮᱡᱤ). 2021-08-26. Retrieved 2024-08-27.
- ↑ PTI (2021-09-01). "Amit, Dharambir end without medal at club throw competition". thebridge.in (in ᱟᱝᱜᱽᱨᱮᱡᱤ). Retrieved 2024-08-27.
- ↑ https://www.indusind.com/in/en/for-sports/Programs/para-champions/dharambir.html
- ↑ "World Para Athletic C'ships 2024: Sachin Khilari defends gold, Dharambir bags bronze; India surpasses best-ever tally". Sportstar (in ᱟᱝᱜᱽᱨᱮᱡᱤ). PTI. 2024-05-22. Retrieved 2024-08-27.