ᱫᱷᱚᱨᱞᱟ ᱜᱟᱰᱟ
| ᱫᱷᱚᱨᱞᱟ ᱜᱟᱰᱟ | |
|---|---|
 | |
| ᱫᱤᱥᱚᱢ ᱠᱚ | ᱥᱤᱧᱚᱛ, ᱵᱷᱩᱴᱟᱱ ᱟᱨ ᱵᱟᱝᱞᱟᱫᱮᱥ |
| ᱦᱚᱱᱚᱛ ᱠᱚ | ᱥᱟᱢᱟᱝ ᱥᱤᱠᱤᱢ ᱥᱤᱧᱚᱛ, ᱥᱟᱢᱛᱥᱮ ᱦᱚᱱᱚᱛ ᱵᱷᱩᱴᱟᱱ, ᱠᱟᱞᱤᱢᱯᱚᱝ ᱥᱤᱧᱚᱛ, ᱡᱚᱞᱯᱟᱭᱜᱩᱲᱤ ᱥᱤᱧᱚᱛ, ᱠᱚᱪ ᱵᱤᱦᱟᱨ ᱥᱤᱧᱚᱛ, ᱞᱟᱞᱢᱚᱱᱤᱨᱦᱟᱴ ᱵᱟᱝᱞᱟᱫᱮᱥ, ᱠᱩᱲᱤᱜᱨᱟᱢ ᱵᱟᱝᱞᱟᱫᱮᱥ᱾ |
| ᱯᱚᱱᱚᱛ ᱠᱚ | ᱥᱤᱠᱠᱤᱢ (ᱥᱤᱧᱚᱛ), ᱯᱚᱪᱷᱤᱢ ᱵᱟᱝᱞᱟ (ᱥᱤᱧᱚᱛ), ᱯᱟᱨᱳ ᱯᱨᱚᱫᱮᱥ (ᱵᱷᱩᱴᱟᱱ), ᱨᱚᱝᱯᱩᱨ ᱠᱷᱚᱸᱰ (ᱵᱟᱝᱞᱟᱫᱮᱥ)᱾ |
| Physical characteristics | |
| Main source | ᱠᱩᱯᱩᱯ ᱥᱮ ᱵᱤᱛᱟᱝ ᱫᱟᱨᱦᱟ ᱠᱩᱯᱩᱯ ᱥᱮ ᱵᱤᱛᱟᱝ ᱫᱟᱨᱦᱟ, ᱥᱟᱢᱟᱝ ᱥᱤᱠᱠᱤᱢ ᱥᱤᱧᱚᱛ |
| ᱜᱟᱰᱟ ᱰᱟᱦᱟᱨ | ᱵᱨᱚᱦᱢᱚᱯᱩᱛᱨᱚ ᱜᱟᱰᱟ ᱞᱟᱞᱢᱚᱱᱤᱨᱦᱟᱴ ᱦᱚᱱᱚᱛ, ᱵᱟᱝᱞᱟᱫᱮᱥ |
ᱫᱷᱚᱨᱞᱟ ᱜᱟᱰᱟ (ᱵᱟᱝᱞᱟ: ধরলা নদী, ᱨᱳᱢᱟᱱᱤᱡᱽ: Dhorola nodi) ᱫᱚ ᱵᱨᱚᱦᱢᱚᱯᱩᱛᱨᱚ ᱜᱟᱰᱟ ᱨᱮᱭᱟᱜ ᱢᱤᱫᱴᱮᱱ ᱜᱟᱰᱟ ᱠᱟᱱᱟ᱾ ᱱᱚᱣᱟ ᱫᱚ ᱥᱤᱧᱚᱛ, ᱵᱷᱩᱴᱟᱱ ᱟᱨ ᱵᱟᱝᱞᱟᱫᱮᱥ ᱛᱟᱞᱟ ᱛᱮ ᱞᱤᱸᱜᱤᱱ ᱟᱠᱟᱱ ᱢᱤᱫᱴᱮᱱ ᱜᱟᱰᱟ ᱠᱟᱱᱟ᱾ ᱱᱤᱭᱟᱹ ᱫᱚ ᱠᱚᱯᱩᱯ/ᱵᱤᱴᱟᱝ ᱫᱟᱨᱦᱟ ᱠᱷᱚᱱ ᱦᱮᱡ ᱟᱠᱟᱱᱟ, ᱡᱟᱦᱟᱸ ᱫᱚ ᱦᱤᱢᱟᱞᱚᱭ ᱨᱮ ᱥᱟᱢᱟᱝ ᱥᱤᱠᱠᱤᱢ ᱨᱮᱱᱟᱜ ᱯᱮᱝᱜᱳᱞᱚᱠᱷᱟ ᱵᱤᱨ ᱡᱤᱭᱟᱹᱞᱤ ᱨᱟᱠᱷᱟ ᱵᱤᱨ ᱨᱮ ᱢᱮᱱᱟᱜᱼᱟ, ᱡᱟᱦᱟᱸ ᱨᱮ ᱱᱤᱭᱟᱹ ᱫᱚ ᱡᱚᱞᱰᱷᱟᱠᱟ ᱜᱟᱰᱟ ᱢᱮᱱᱛᱮ ᱵᱟᱰᱟᱭᱚᱜᱼᱟ, ᱟᱨ ᱚᱱᱟ ᱛᱟᱭᱚᱢ ᱱᱤᱭᱟᱹ ᱫᱚ ᱥᱟᱢᱟᱝ ᱥᱤᱠᱠᱤᱢ, ᱥᱤᱧᱚᱛ ᱠᱷᱚᱱ ᱥᱚᱢᱛᱥᱮ ᱦᱚᱱᱚᱛ, ᱵᱷᱩᱴᱟᱱ ᱛᱮ ᱪᱟᱞᱟᱜᱼᱟ ᱟᱨ ᱠᱟᱞᱤᱢᱯᱚᱝ ᱦᱚᱱᱚᱛ ᱥᱤᱧᱚᱛ ᱛᱮ ᱨᱩᱣᱟᱲᱚᱜᱼᱟ, ᱚᱱᱟ ᱛᱟᱭᱚᱢ ᱱᱤᱭᱟᱹ ᱫᱚ ᱯᱚᱪᱷᱤᱢ ᱵᱟᱝᱞᱟ ᱨᱮᱱᱟᱜ ᱡᱚᱞᱯᱟᱭᱜᱩᱲᱤ ᱟᱨ ᱠᱚᱪ ᱵᱤᱦᱟᱨ ᱦᱚᱱᱚᱛ ᱥᱮᱫ ᱛᱮ ᱪᱟᱞᱟᱜᱼᱟ, ᱱᱚᱣᱟ ᱱᱚᱝᱠᱟ ᱞᱤᱸᱜᱤᱱ ᱟᱠᱟᱱ ᱗ ᱜᱚᱴᱟᱝ ᱢᱩᱬᱩᱛ ᱜᱟᱰᱟ ᱠᱚ ᱢᱩᱸᱫᱽ ᱨᱮ ᱢᱤᱫᱴᱟᱹᱝ ᱠᱟᱱᱟ᱾ ᱱᱚᱰᱮ ᱞᱟᱞᱢᱚᱱᱤᱨᱦᱟᱴ ᱦᱚᱱᱚᱛ ᱠᱷᱚᱱ ᱫᱟᱨᱞᱟ ᱜᱟᱰᱟ ᱞᱮᱠᱟ ᱛᱮ ᱵᱟᱝᱞᱟᱫᱮᱥ ᱨᱮ ᱥᱮᱱᱚᱜᱼᱟ ᱟᱨ ᱠᱩᱲᱤᱜᱨᱟᱢ ᱦᱚᱱᱚᱛ ᱥᱩᱨ ᱨᱮ ᱵᱨᱚᱦᱢᱚᱯᱩᱛᱨᱚ ᱜᱟᱰᱟ ᱛᱮ ᱞᱤᱸᱡᱤᱱ ᱦᱟᱹᱵᱤᱡ ᱫᱷᱟᱨᱞᱟ ᱜᱟᱰᱟ ᱞᱮᱠᱟᱛᱮ ᱞᱤᱸᱜᱤᱱᱟ᱾ ᱯᱟᱴᱜᱨᱟᱢ ᱩᱯᱚᱡᱮᱞᱟ ᱥᱩᱨ ᱨᱮ, ᱱᱤᱭᱟᱹ ᱫᱚ ᱥᱟᱢᱟᱝ ᱥᱮᱫ ᱥᱤᱧᱚᱛ ᱨᱮ ᱞᱤᱸᱜᱤᱱ ᱵᱚᱞᱚᱱᱟ᱾ ᱛᱟᱭᱚᱢ ᱱᱚᱣᱟ ᱜᱟᱰᱟ ᱠᱚᱧᱮ ᱥᱮᱫ ᱵᱟᱝᱞᱟᱫᱮᱥ ᱨᱮᱭᱟᱜ ᱯᱷᱩᱞᱵᱟᱲᱤ ᱩᱯᱚᱡᱮᱞᱟ ᱥᱮᱫ ᱛᱮ ᱵᱟᱝᱞᱟᱫᱮᱥ ᱨᱮ ᱥᱮᱱᱚᱜ ᱠᱟᱱᱟ ᱟᱨ ᱵᱟᱹᱭᱻᱵᱟᱹᱭ ᱛᱮ ᱞᱟᱦᱟ ᱥᱮᱫ ᱞᱤᱸᱜᱤᱱ ᱪᱟᱞᱟᱣ ᱟᱠᱟᱱᱟ᱾[᱑]
ᱠᱩᱨᱤᱜᱨᱟᱢ ᱴᱷᱮᱱ ᱱᱚᱶᱟ ᱜᱟᱰᱟ ᱨᱮᱱᱟᱜ ᱜᱩᱴ ᱠᱷᱟᱞ ᱑᱒ ᱯᱷᱩᱴ (᱓.᱗ ᱢᱤᱴᱚᱨ) ᱟᱨ ᱥᱟᱱᱟᱢ ᱠᱷᱚᱱ ᱡᱟᱹᱥᱛᱤ ᱫᱚ ᱓᱙ ᱯᱷᱩᱴ (᱑᱒ ᱢᱤᱴᱚᱨ) ᱢᱮᱱᱟᱜᱼᱟ᱾
ᱫᱷᱟᱨᱞᱟ ᱟᱨ ᱡᱚᱢᱩᱱᱟ ᱜᱟᱰᱟ ᱨᱮᱱᱟᱜ ᱜᱟᱰᱟ ᱟᱲᱮ ᱫᱷᱥᱟᱣ ᱫᱚ ᱒᱐᱐᱗ ᱨᱮ ᱞᱟᱞᱢᱚᱱᱤᱨᱦᱟᱴ ᱨᱮ ᱟᱹᱰᱤ ᱰᱷᱮᱨ ᱞᱮᱱᱟ᱾ ᱞᱟᱞᱢᱚᱱᱤᱨᱦᱟᱴ ᱨᱮ, ᱫᱷᱚᱨᱞᱟ ᱜᱟᱰᱟ ᱦᱚᱛᱮᱛᱮ ᱗ ᱠᱤᱞᱳᱢᱤᱴᱟᱨ (᱔.᱓ ᱢᱟᱭᱤᱞ) ᱡᱤᱞᱤᱧ ᱰᱩᱵᱟᱹ ᱟᱠᱚᱴ ᱵᱟᱸᱫᱷ ᱨᱮᱭᱟᱜ ᱒ ᱠᱤᱞᱳᱢᱤᱴᱟᱨ ᱜᱟᱱ ᱞᱮ ᱫᱷᱟᱥᱟᱣ ᱪᱟᱵᱟ ᱞᱮᱱᱟ᱾ ᱓ ᱜᱚᱴᱟᱝ ᱢᱚᱥᱡᱤᱫᱽ, ᱵᱟᱨᱭᱟ ᱢᱩᱱᱫᱤᱞ, ᱢᱤᱫ ᱴᱟᱝ ᱢᱟᱫᱽᱨᱟᱥᱟ ᱟᱨ ᱢᱤᱫ ᱯᱨᱟᱭᱢᱮᱨᱤ ᱟᱥᱲᱟ, ᱟᱨ ᱢᱤᱫ ᱢᱟᱨᱟᱝ ᱡᱟᱭᱜᱟ ᱡᱟᱦᱟᱸ ᱫᱚ ᱪᱟᱥ ᱡᱟᱭᱜᱟ ᱠᱚ ᱛᱟᱦᱮ ᱠᱟᱱᱟ ᱚᱱᱟ ᱠᱚ ᱫᱟᱜ ᱛᱮ ᱵᱚᱦᱮᱞ ᱞᱮᱱᱟ, ᱚᱱᱠᱟ ᱛᱮ ᱓᱐᱐᱐ ᱜᱟᱱ ᱦᱚᱲ ᱚᱲᱟᱜ ᱫᱚ ᱟᱫ ᱞᱮᱫᱟ᱾[᱒]
ᱠᱩᱨᱲᱜᱨᱟᱢ ᱨᱮ ᱫᱷᱟᱨᱞᱟ ᱟᱲᱮ ᱨᱮ ᱢᱤᱫ ᱯᱟᱨᱠ ᱢᱮᱱᱟᱜᱼᱟ᱾ ᱥᱟᱠᱳ ᱦᱚᱸ ᱢᱮᱱᱟᱜᱼᱟ᱾ ᱫᱟᱜᱼᱡᱟᱹᱲᱤ ᱚᱠᱛᱚ ᱨᱮ ᱱᱚᱶᱟ ᱜᱟᱰᱟ ᱫᱚ ᱵᱟᱹᱲᱛᱤ ᱜᱮ ᱯᱮᱨᱮᱡᱚᱜᱼᱟ, ᱢᱮᱱᱠᱷᱟᱱ ᱥᱤᱛᱩᱝ ᱫᱤᱱ ᱨᱮ ᱱᱚᱶᱟ ᱜᱟᱰᱟ ᱨᱮ ᱟᱹᱰᱤ ᱠᱚᱢ ᱫᱟᱜ ᱞᱤᱸᱜᱤᱱᱟ᱾ ᱯᱩᱞᱤ ᱨᱮᱱᱟᱜ ᱵᱚᱦᱮᱞ ᱛᱮ ᱟᱹᱰᱤ ᱜᱟᱱ ᱦᱩᱰᱤᱧ ᱦᱩᱰᱤᱧ ᱰᱷᱤᱞ (ᱪᱚᱨ) ᱠᱚ ᱵᱮᱱᱟᱣ ᱟᱠᱟᱱᱟ᱾[᱓]
ᱰᱩᱵᱟᱹ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱫᱷᱟᱨᱞᱟ ᱟᱨ ᱛᱤᱥᱛᱟ ᱜᱟᱰᱟ ᱫᱚ ᱡᱩᱱ ᱠᱷᱚᱱ ᱥᱮᱯᱴᱮᱢᱵᱚᱨ ᱦᱟᱹᱵᱤᱡ ᱢᱚᱱᱥᱩᱱ ᱚᱠᱛᱚ ᱨᱮ ᱵᱟᱝᱞᱟᱫᱮᱥ ᱨᱮ ᱟᱹᱰᱤ ᱜᱟᱱ ᱰᱩᱵᱟᱹ ᱨᱮᱭᱟᱜ ᱮ ᱥᱤᱨᱡᱟᱹᱣᱟ᱾[᱔]
ᱵᱟᱨᱦᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Chowdhury, Masud Hasan (2012). "Dharla River". In Islam, Sirajul; Jamal, Ahmed A. (eds.). Banglapedia: National Encyclopedia of Bangladesh (Second ed.). Asiatic Society of Bangladesh.
- ↑ "Erosion of Dharla, Jamuna worsens". Archived from the original on 2007-09-27. Retrieved 2007-07-17.
- ↑ Khokon, Leaquat Hossain, 64 Jela Bhraman, 2007, pp.14-15, Anindya Prokash, Dhaka, ISBN 984-8740-19-8
- ↑ "Several thousand houses inundated in Kurigram". 28 August 2021.