ᱫᱷᱚᱱᱚᱱᱡᱚᱭᱟᱱ ᱠᱤᱱ
| V.P Dhananjayan & Shanta Dhananjayan | |
|---|---|
 The Dhananjayans performing at a concert in 2009 | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | Vannadil Pudiyaveettil Dhananjayan, Shantha Dhananjayan ᱮᱯᱨᱤᱞ ᱑᱗, ᱑᱙᱓᱙ ᱚᱜᱚᱥᱴ ᱑᱒, ᱑᱙᱔᱓ Payyanur, Kerala, India |
| ᱣᱮᱵᱽᱥᱟᱭᱤᱴ | bharatakalaanjali |
ᱵᱷᱟᱱᱟᱫᱤᱞ ᱯᱩᱰᱤᱭᱟᱵᱷᱮᱛᱤᱞ ᱫᱷᱚᱱᱚᱱᱡᱚᱭᱟᱱ (ᱡᱟᱱᱟᱢ-᱑᱓ ᱮᱯᱨᱤᱞ ᱑᱙᱓᱙ ᱥᱟᱞ) ᱟᱨ ᱥᱟᱱᱛᱟ ᱫᱷᱚᱱᱚᱱᱡᱚᱭᱟᱱ (ᱡᱟᱱᱟᱢ- ᱑᱒ ᱚᱜᱚᱥᱴ ᱑᱙᱔᱓ ᱥᱟᱞ) ᱫᱚ ᱵᱟᱨᱭᱟ ᱥᱤᱧᱚᱛ ᱠᱞᱟᱥᱤᱠᱟᱞ ᱰᱮᱱᱥ/ᱮᱱᱮᱡ ᱛᱤᱨᱤ-ᱯᱩᱨᱩᱥ ᱠᱟᱱᱟᱠᱤᱱ ᱾ ᱒᱐᱐᱙ ᱥᱟᱞ ᱨᱮ ᱯᱚᱫᱽᱢᱚᱵᱷᱩᱥᱚᱬ ᱥᱤᱨᱯᱷᱟ. ᱠᱤᱱ ᱟᱢᱮᱴ ᱟᱠᱟᱫᱟ ᱾ ᱵᱷᱳᱰᱟᱯᱷᱳᱱ ᱨᱮᱭᱟᱜ ᱟᱰᱵᱷᱮᱴᱮᱡᱽ ᱟᱥᱟ (Ahsa) ᱟᱨ ᱵᱟᱞᱟ (Bala) ᱨᱮᱦᱚᱸ ᱠᱤᱱ ᱠᱟ.ᱢᱤ ᱟᱠᱟᱫᱟ ᱾
ᱱᱤᱡᱚᱨ ᱡᱤᱭᱚᱱ ᱛᱟ.ᱠᱤᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱷᱤ.ᱯᱤ ᱫᱷᱚᱱᱚᱱᱡᱚᱭᱟᱱ ᱫᱚ ᱑᱗ ᱮᱯᱨᱤᱞ ᱑᱙᱓᱙ ᱥᱟᱞ ᱠᱮᱨᱚᱲ,ᱥᱤᱧᱚᱛ ᱨᱮᱭᱟᱜ ᱠᱟᱱᱱᱩᱨ ᱦᱚᱱᱚᱛ (Kannur District) ᱯᱟᱭᱟᱱᱩᱨ (Payyanur) ᱨᱮ ᱢᱟᱞᱟᱭᱟᱞᱤ ᱯᱳᱰᱩᱵᱷᱟᱞ (Malayali Poduval) ᱜᱷᱟᱨᱚᱸᱡᱽ ᱨᱮᱭ ᱡᱟᱱᱟᱢ ᱞᱮᱱᱟ ᱾ ᱟᱡ ᱫᱚ ᱜᱷᱟᱨᱚᱸᱡᱽ ᱨᱮ ᱤᱨᱟ.ᱞ ᱟᱱᱟᱜ ᱜᱤᱫᱟ.ᱨ ᱛᱟᱦᱮᱸ ᱠᱟᱱᱟ ᱾ ᱡᱚᱠᱷᱚᱱ ᱠᱚᱞᱟᱠᱷᱮᱛᱨᱚ (Kalakshetra) ᱨᱤᱱᱤᱡ ᱠᱚᱛᱷᱚᱠᱚᱞᱤ ᱢᱟᱪᱮᱛ ᱜᱩᱨᱩ ᱪᱟᱱᱫᱩ ᱯᱟᱱᱤᱠᱠᱚᱨ (Chandu Panicker) ᱥᱟᱶ ᱧᱟᱯᱟᱢ ᱦᱩᱭᱮᱱᱟ, ᱟᱯᱟᱛ ᱛᱮᱫ ᱫᱚ ᱠᱚᱛᱷᱚᱠᱚᱞᱤ ᱮᱱᱮᱡ ᱴᱨᱮᱱᱤᱝ ᱞᱟ.ᱜᱤᱫ ᱵᱷᱤ.ᱵᱟᱞᱟᱜᱳᱯᱟᱞᱚᱱ (V.Balagopalan) ᱥᱟᱶ ᱠᱚᱞᱟᱠᱷᱮᱛᱨᱚ ᱵᱷᱮᱡᱟ ᱞᱮᱫᱮᱭᱟ ᱾ ᱫᱷᱚᱱᱚᱱᱡᱚᱭᱟᱱ ᱫᱚ ᱕ ᱚᱠᱴᱚᱵᱚᱨ ᱑᱙᱕᱓ ᱥᱟᱞᱨᱮ ᱠᱚᱞᱟᱠᱷᱮᱛᱨᱚ ᱨᱮᱭ ᱵᱷᱩᱨᱛᱤ ᱞᱮᱱᱟ ᱟᱨ ᱑᱙᱕᱕ ᱠᱷᱚᱱ ᱑᱙᱖᱗ ᱦᱟ.ᱵᱤᱡ ᱯᱩᱭᱞᱩ ᱫᱷᱟ.ᱲ ᱨᱤᱱᱤᱡ ᱠᱚᱲᱟ ᱱᱟᱪᱚᱱᱤᱭᱟ. ᱛᱟᱦᱮᱸ ᱠᱟᱱᱟ ᱾ ᱟᱡ ᱫᱚ ᱱᱚᱣᱟ ᱠᱚᱞᱟᱠᱷᱮᱠᱛᱨᱚ ᱠᱷᱚᱱᱜᱮ ᱰᱮᱱᱥ ᱨᱮ ᱯᱳᱥᱴ ᱜᱨᱟᱡᱩᱭᱮᱴ ᱰᱤᱯᱞᱳᱢᱟ ᱰᱤᱥᱴᱤᱱᱠᱥᱚᱱ ᱥᱟᱶ ᱥᱟ.ᱛ ᱟᱠᱟᱫᱟᱭ, ᱚᱱᱟ ᱥᱟᱶᱛᱮ ᱨᱟᱡᱽᱟ.ᱨᱤ ᱥᱟᱬᱮᱥ ᱟᱨ ᱤᱠᱳᱱᱚᱢᱤᱠᱥ ᱨᱮᱦᱚᱸ ᱥᱚᱱᱮᱨ (BA) ᱰᱤᱜᱽᱨᱤ ᱥᱟ.ᱛ ᱟᱠᱟᱫᱟᱭ ᱾
ᱥᱟᱱᱛᱟ ᱫᱷᱚᱱᱚᱱᱡᱚᱭᱟᱱ ᱫᱚ ᱑᱒ ᱚᱜᱚᱥᱴ ᱑᱙᱔᱓ ᱥᱟᱞᱨᱮ ᱢᱟᱞᱮᱥᱤᱭᱟ ᱢᱟᱞᱟᱭᱟᱱᱤ ᱱᱮᱨ ᱜᱷᱟᱨᱚᱸᱡᱽ ᱨᱮ ᱡᱟᱱᱟᱢ ᱞᱮᱱᱟᱭ,ᱛᱟᱭᱚᱢ ᱟᱭᱚ-ᱵᱟᱵᱟ ᱥᱟᱶᱛᱮ ᱠᱮᱨᱚᱲ ᱛᱮᱠᱚ ᱨᱩᱣᱟ.ᱲ ᱦᱮᱡ ᱞᱮᱱᱟ ᱾ ᱜᱷᱟᱨᱚᱸᱡᱽ ᱨᱮ ᱟᱡᱫᱚ ᱛᱮᱥᱟᱨ ᱟᱱᱟᱜ ᱜᱤᱫᱟ.ᱨ ᱛᱟᱦᱮᱸ ᱠᱟᱱᱟᱭ | ᱜᱤᱫᱟ.ᱨ ᱠᱷᱚᱱᱜᱮ ᱟᱡ ᱫᱚ ᱯᱨᱚᱛᱤᱵᱷᱟᱵᱟᱱ ᱛᱟᱦᱮᱸ ᱠᱟᱱᱟᱭ,ᱚᱱᱟᱛᱮ ᱟᱭᱚ-ᱵᱟᱵᱟ ᱠᱤᱱ ᱰᱮᱱᱥ ᱨᱮ ᱜᱚᱨᱚᱡᱽ ᱧᱮᱞᱛᱮ,ᱮᱱᱮᱡᱽ ᱟᱨ ᱥᱤᱠᱷᱱᱟ.ᱛ ᱞᱟ.ᱜᱤᱫ ᱥᱤᱧᱚᱛ ᱫᱤᱥᱚᱢ ᱛᱮ ᱵᱷᱮᱡᱟ ᱠᱮᱫᱮᱭᱟᱠᱤᱱ ᱾ ᱟᱡᱟᱜ ᱤᱨᱟ.ᱞ ᱥᱟᱞ ᱩᱢᱮᱨ ᱨᱮ ᱠᱟᱞᱚᱠᱷᱮᱥᱛᱨᱚ (Kalakshetra) ᱨᱮ ᱵᱷᱩᱨᱛᱤ ᱞᱮᱫᱮᱭᱟᱠᱚ ᱾ ᱛᱟᱭᱚᱢ ᱱᱚᱸᱰᱮ ᱠᱷᱚᱱᱜᱮ ᱟᱡᱟᱜ ᱥᱚᱱᱮᱨ ᱟᱨ ᱟ.ᱠᱤᱞᱢᱟᱱ ᱥᱤᱠᱷᱱᱟ.ᱛ ᱥᱟ.ᱛ ᱠᱮᱫᱟᱭ ᱾ ᱟ.ᱠᱤᱞᱢᱟᱱ ᱫᱚ 'ᱵᱷᱟᱨᱚᱛᱱᱟᱴᱭᱚᱢ' ᱮᱱᱮᱡᱽ ᱨᱮ ᱰᱤᱥᱴᱤᱱᱠᱥᱚᱱ ᱥᱟᱶ ᱥᱟ.ᱛ ᱟᱠᱟᱫᱟᱭ ᱥᱟᱶᱛᱮ ᱠᱚᱛᱷᱚᱠᱚᱞᱤ ᱟᱨ ᱠᱟᱨᱱᱟᱴᱤᱠ ᱢᱤᱸᱣᱡᱤᱠ ᱦᱚᱸᱭ ᱥᱮᱬᱟ ᱞᱮᱫᱟ ᱾ ᱠᱚᱞᱟᱠᱷᱮᱥᱛᱨᱚ ᱨᱮ ᱑᱙᱕᱕ ᱠᱷᱚᱱ ᱑᱙᱖᱖ ᱦᱟ.ᱵᱤᱡ ᱯᱩᱭᱞᱩ ᱫᱷᱟ.ᱲ ᱨᱤᱱᱤᱡ ᱠᱩᱲᱤ ᱱᱟᱪᱚᱱᱤᱭᱟ. ᱛᱟᱦᱮᱸ ᱠᱟᱱᱟ ᱾
ᱟ.ᱠᱤᱱ ᱨᱤᱱ ᱫᱚ ᱵᱟᱨᱭᱟ ᱠᱚᱲᱟ ᱫᱤᱫᱟ.ᱨ ᱢᱮᱱᱟᱜ ᱠᱤᱱᱟ ᱾ ᱥᱚᱱᱡᱚᱭ ᱫᱚ ᱢᱟᱨᱟᱝ -ᱟᱭ, ᱭᱩ.ᱮᱥ.ᱮ(USA) ᱢᱮᱱᱟᱭᱟ ᱾ ᱦᱩᱰᱤᱧᱤᱡᱽ ᱫᱚ ᱥᱚᱛᱭᱚᱡᱤᱛ,ᱢᱤᱫ ᱚᱴᱳᱢᱳᱵᱟᱭᱤᱞ ᱯᱷᱳᱴᱳᱜᱨᱟᱯᱷᱚᱨ ᱟᱨ ᱰᱮᱱᱥᱚᱨ ᱮᱨᱟ-ᱩᱨᱩ ᱠᱚ ᱥᱟᱶ ᱪᱮᱱᱱᱟᱭ,ᱥᱤᱧᱚᱛ ᱨᱮ ᱜᱤᱨᱟ.ᱵᱟᱥ ᱟᱠᱟᱱᱟᱭ ᱾
ᱥᱤᱨᱯᱷᱟ.ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱭᱢᱟ ᱜᱚᱴᱟᱝ ᱥᱤᱨᱯᱷᱟ. ᱠᱤᱱ ᱟᱛᱟᱝ ᱟᱠᱟᱫᱟ,ᱚᱱᱟ ᱠᱚᱫᱚ ᱦᱩᱭᱩᱜ ᱠᱟᱱᱟ ᱾
- ᱒᱐᱐᱙ ᱥᱟᱞᱨᱮ, ᱯᱚᱫᱽᱢᱚ ᱵᱷᱩᱥᱚᱬ ᱥᱤᱨᱯᱷᱟ.,ᱥᱤᱧᱚᱛ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ ᱾
- ᱒᱐᱐᱙ ᱥᱟᱞᱨᱮ, ᱱᱨᱤᱛᱭᱟ ᱨᱟᱛᱷᱱᱟᱠᱟᱨᱟ, ᱠᱞᱮᱵᱷᱮᱞᱟᱸᱰ, ᱭᱩ.ᱮᱥ.ᱮ ᱨᱮ ᱾