ᱫᱷᱟ.ᱨᱛᱤ ᱥᱤᱨᱡᱚᱱ

ᱫᱷᱟ.ᱨᱛᱤ ᱥᱤᱨᱡᱚᱱ

ᱟ.ᱫᱽᱨᱮ ᱱᱚᱣᱟ ᱫᱷᱟ.ᱨᱛᱤ ᱯᱩᱨᱤ ᱫᱚ ᱥᱟᱱᱟᱢ ᱯᱟᱠᱟᱲ ᱫᱟᱜ ᱛᱮᱜᱮ ᱯᱮᱨᱮᱡ ᱢᱮᱱ ᱢᱮ ᱡᱚᱞᱚᱠᱟᱨ ᱜᱮ ᱛᱟᱦᱮᱸ ᱠᱟᱱᱟ ᱾ ᱡᱤᱣᱤ ᱡᱤᱱᱛᱩ ᱠᱚᱫᱚ ᱢᱮᱱ ᱞᱮᱠᱷᱟᱱ ᱮᱠᱷᱮᱱ ᱫᱚᱨᱮᱭᱟ ᱫᱟᱜ ᱛᱟᱞᱟᱨᱮ ᱛᱟᱦᱮᱸᱱ ᱞᱮᱠᱟᱱ ᱡᱤᱣᱤ ᱡᱤᱱᱛᱩᱠ ᱜᱮᱠᱚ ᱛᱟᱦᱮᱸ ᱠᱟᱱᱟ ᱾ ᱥᱮᱨᱢᱟ ᱯᱩᱨᱤ ᱨᱮ ᱴᱷᱟ.ᱠᱩᱨ ᱵᱟᱵᱟ (ᱪᱟᱸᱫᱚ ᱵᱚᱸᱜᱟ) ᱱᱩᱠᱩ ᱡᱤᱣᱤ ᱡᱤᱱᱛᱩᱠ ᱥᱤᱨᱡᱟ.ᱣ ᱠᱮᱫ ᱠᱚ ᱨᱮᱦᱚᱸ ᱟᱡᱟᱜ ᱢᱚᱱᱮ ᱨᱮ ᱠᱩᱥᱤ ᱵᱟᱭ ᱟᱴᱠᱟᱨ ᱞᱮᱜᱼᱟ ᱾ ᱪᱤᱠᱟ. ᱛᱮᱪᱚᱝ ᱱᱩᱠᱩ ᱡᱤᱣᱤ ᱡᱤᱱᱛᱩᱠ ᱢᱟ ᱟᱠᱚᱣᱟᱜ ᱥᱮ ᱪᱟᱸᱫᱚ ᱵᱚᱸᱜᱟ ᱦᱟᱜ ᱠᱟᱛᱷᱟ ᱦᱚᱸ ᱵᱟᱠᱚ ᱩᱭᱦᱟ.ᱨ ᱛᱤᱭᱩᱜ ᱫᱟᱲᱮᱭᱟᱜ ᱠᱟᱱᱟ ᱾ ᱚᱱᱟᱛᱮ ᱴᱷᱟ.ᱠᱩᱨ ᱵᱟᱵᱟ ᱫᱚ ᱫᱤᱱ ᱦᱤᱞᱚᱜ ᱟ.ᱵᱤᱵᱷᱟ.ᱵᱤᱜ ᱟᱭ ᱾ ᱚᱠᱟ ᱞᱮᱠᱟᱱ ᱡᱤᱣᱤ ᱠᱚᱧ ᱥᱤᱨᱡᱚᱱ ᱞᱮᱠᱚ ᱠᱷᱟᱱ ᱤᱧ ᱠᱚ ᱫᱤᱥᱟ. ᱧᱟᱢ ᱤᱧᱟ ᱾

ᱪᱮᱬᱮ ᱵᱮᱱᱟᱣ

ᱟ.ᱫᱽ ᱨᱮᱫᱚ ᱥᱮᱨᱢᱟ ᱯᱩᱨᱤ ᱫᱚ ᱠᱟᱛᱷᱟᱡ ᱟ.ᱰᱤ ᱥᱩᱨ ᱨᱮ ᱛᱟᱦᱮᱸ ᱠᱟᱱᱟ ᱾ ᱱᱟᱦᱟᱜ ᱞᱮᱠᱟ ᱩᱱᱟ.ᱜ ᱪᱚᱴ ᱨᱮᱫᱚ ᱵᱟᱝ ᱛᱟᱦᱮᱸ ᱠᱟᱱᱟ ᱾ ᱥᱟᱱᱟᱢ ᱫᱮᱵᱽ ᱜᱩᱱ ᱠᱚ ᱥᱮᱨᱢᱟ ᱯᱩᱨᱤ ᱠᱷᱚᱱ ᱫᱷᱟ.ᱨᱛᱤ ᱯᱩᱨᱤ ᱛᱮ ᱛᱚᱲᱮ ᱥᱩᱛᱟ.ᱢ ᱛᱮᱠᱚ ᱟᱬᱜᱚ ᱦᱟ.ᱡᱩᱜᱼᱟ ᱩᱢ ᱱᱟᱲᱠᱟᱜ ᱞᱟ.ᱜᱤᱫ ᱾ ᱢᱤᱫ ᱫᱤᱱ ᱫᱚ ᱚᱱᱠᱟ ᱜᱮ ᱴᱷᱟ.ᱠᱩᱨ ᱟᱭᱳ ᱩᱢ ᱱᱟᱲᱠᱟ ᱛᱟᱭᱚᱢ ᱧᱮᱞᱟᱭ ᱛᱤᱱᱟ.ᱝ ᱜᱟᱱ ᱪᱚ ᱱᱟᱲᱠᱟ ᱦᱟᱥᱟ ᱵᱟ.ᱲᱛᱤ ᱟᱠᱟᱱᱟ ᱾ ᱪᱮᱫ ᱠᱷᱮᱭᱟᱞ ᱛᱮ ᱪᱚᱝ ᱚᱱᱟ ᱱᱟᱲᱠᱟ ᱦᱟᱥᱟ ᱛᱮᱜᱮ ᱵᱟᱨᱭᱟ ᱪᱮᱬᱮᱭ ᱵᱮᱱᱟᱣ ᱠᱮᱫ ᱠᱤᱱᱟ ᱟᱨ ᱛᱤᱱᱟ.ᱜ ᱜᱟᱱ ᱪᱚ ᱥᱩᱱᱩᱢ ᱥᱟᱨᱮᱡ ᱞᱮᱱᱟ, ᱚᱱᱟᱭ ᱚᱡᱚᱜ ᱟᱫ ᱠᱤᱱᱟ ᱾ ᱥᱟᱥᱟᱝ ᱚᱡᱚᱜ ᱵᱤᱫᱟ.ᱞ ᱫᱚ ᱧᱮᱞ ᱟᱭ ᱡᱚᱛᱚ ᱥᱟᱥᱟᱝ ᱪᱟᱵᱟ ᱟᱠᱟᱱᱟ ᱾ ᱟᱡᱟᱜ ᱦᱚᱴᱚᱜ ᱞᱟᱛᱟᱨ ᱨᱮᱭᱟᱜ ᱦᱟᱸᱥ ᱦᱟᱺᱥᱞᱤ ᱡᱟᱝ ᱴᱷᱮᱱ ᱛᱤᱱᱟ.ᱝ ᱜᱟᱱ ᱪᱚ ᱥᱟᱥᱟᱝ ᱫᱟ.ᱨᱤᱭᱟ. ᱥᱟᱺᱦᱤᱡ ᱞᱟᱴᱠᱟᱣ ᱞᱮᱱᱟ ᱾ ᱚᱱᱟᱜᱮ ᱚᱪᱚᱜ ᱠᱟᱛᱮ ᱩᱱᱠᱤᱱ ᱦᱟᱥᱟ ᱨᱤᱱ ᱪᱮᱬᱮᱭ ᱚᱡᱚᱜ ᱟᱫ ᱠᱤᱱᱟ ᱾ ᱟᱫᱚ ᱚᱱᱟ ᱜᱷᱟᱴ ᱨᱮᱜᱮ ᱫᱚᱦᱚ ᱦᱚᱴᱚ ᱠᱟᱛᱮ ᱥᱮᱨᱢᱟ ᱯᱩᱨᱤ ᱛᱮᱭ ᱨᱩᱣᱟ.ᱣ ᱥᱮᱱ ᱮᱱᱟ ᱾

ᱪᱮᱬᱮ ᱠᱤᱱ ᱡᱤᱣᱤ ᱪᱟᱞ

ᱚᱱᱟ ᱛᱟᱭᱚᱢ ᱚᱱᱟ ᱜᱷᱟᱴ ᱛᱮᱜᱮ ᱥᱮᱨᱢᱟ ᱯᱩᱨᱤ ᱠᱷᱚᱱ ᱴᱷᱟ.ᱠᱩᱨ ᱵᱟᱵᱟᱭ ᱟᱬᱜᱚ ᱦᱮᱡ ᱮᱱᱟ ᱩᱢ ᱱᱟᱲᱠᱟᱜ ᱞᱟ.ᱜᱤᱫ ᱾ ᱧᱮᱞ ᱠᱤᱱᱟᱭ ᱦᱟᱥᱟ ᱨᱤᱱ ᱵᱟᱨᱭᱟ ᱱᱟᱯᱟᱭ ᱪᱮᱬᱮ ᱫᱟᱜ ᱨᱮ ᱠᱤᱱ ᱵᱚᱦᱮᱞ ᱵᱟᱲᱟᱜ ᱠᱟᱱᱟ ᱾ ᱟᱫᱚ ᱩᱢ ᱱᱟᱲᱠᱟ ᱮᱱᱛᱮ ᱟ.ᱵᱤ ᱵᱷᱟ.ᱵᱤᱜ ᱠᱟᱱᱟᱭ ᱚᱠᱚᱭ ᱵᱷᱟᱞᱟ ᱱᱚᱝᱠᱟᱱ ᱱᱟᱯᱟᱭ ᱪᱮᱬᱮ ᱫᱚᱭ ᱵᱮᱱᱟᱣ ᱠᱮᱫ ᱠᱤᱱᱟ ᱾ ᱦᱟᱯᱮ ᱡᱤᱣᱤ ᱫᱟᱱ ᱤᱧ ᱮᱢᱟ ᱠᱤᱱ ᱜᱮ ᱾ ᱟᱫᱚ ᱱᱩᱠᱤᱱ ᱦᱟᱥᱟ ᱨᱤᱱ ᱪᱮᱬᱮ ᱫᱚ ᱡᱤᱣᱤ ᱫᱟᱱ ᱮ ᱮᱢᱟᱦᱟᱫ ᱠᱤᱱᱟ ᱾ ᱟᱫᱚ ᱥᱮᱨᱢᱟ ᱯᱩᱨᱤ ᱛᱮᱭ ᱨᱩᱣᱟ.ᱲ ᱮᱱᱟ ᱾ ᱱᱩᱠᱤᱱ ᱪᱮᱬᱮ ᱫᱚ ᱡᱤᱣᱤ ᱠᱤᱱ ᱧᱟᱢ ᱠᱮᱫ ᱠᱷᱟᱱ ᱥᱤᱧ ᱧᱤᱫᱟ. ᱡᱟᱞᱟ ᱫᱟᱜ ᱪᱮᱛᱟᱱ ᱨᱮ ᱩᱰᱟ.ᱣ ᱟᱠᱟ ᱠᱤᱱ ᱛᱟᱦᱮᱸ ᱮᱱᱟ ᱾ ᱚᱠᱟ ᱨᱮᱦᱚᱸ ᱟᱵᱚᱜ ᱞᱟ.ᱜᱤᱫ ᱴᱷᱟᱶ ᱜᱮ ᱵᱟ.ᱠᱤᱱ ᱧᱟᱢ ᱞᱮᱜᱼᱟ ᱾ ᱟᱫᱚ ᱫᱟᱭᱟ ᱜᱮ ᱠᱤᱱ ᱨᱟᱜ ᱡᱚᱝᱼᱟ ᱾ ᱱᱩᱠᱤᱱᱟᱜ ᱨᱟᱜ ᱥᱮᱨᱢᱟ ᱯᱩᱨᱤ ᱨᱮ ᱛᱟᱨᱠᱚ ᱮᱱᱟ ᱾ ᱠᱷᱟᱱ ᱜᱮ ᱴᱷᱟ.ᱠᱩᱨ ᱟᱭᱳᱭ ᱟᱸᱡᱚᱢ ᱠᱮᱜᱼᱟ ᱾ ᱠᱷᱟᱱ ᱜᱮ ᱴᱷᱟ.ᱠᱩᱨ ᱵᱟᱵᱟ ᱜᱮᱭ ᱠᱩᱞᱤ ᱮ ᱠᱟᱱᱟ, ᱮᱛᱮ ᱜᱳ! ᱫᱷᱟ.ᱨᱛᱤ ᱯᱩᱨᱤ ᱨᱮᱫᱚ ᱪᱤᱞᱤ ᱠᱤᱱ ᱨᱟᱜ ᱡᱚᱝ ᱠᱟᱱᱟ? ᱠᱷᱟᱱ ᱜᱮ ᱵᱩᱰᱷᱤ ᱛᱟᱭ ᱮ ᱢᱮᱛᱟᱭ ᱠᱟᱱᱟ, ᱫᱩᱥᱮ ᱟᱢ ᱜᱮ ᱧᱮᱞ ᱟ.ᱜᱩ ᱠᱤᱱ ᱢᱮ ᱾ ᱪᱤᱞᱤ ᱠᱤᱱ ᱨᱟᱜ ᱡᱚᱝ ᱠᱟᱱᱟ ᱾ ᱴᱷᱟ.ᱠᱩᱨ ᱟᱭᱳ ᱫᱷᱟ.ᱨᱛᱤ ᱯᱩᱨᱤ ᱛᱮ ᱦᱮᱡ ᱠᱟᱛᱮ ᱧᱮᱞ ᱠᱤᱱᱟᱭ ᱵᱟᱨᱮᱭᱟ ᱪᱮᱬᱮ ᱫᱟᱜ ᱪᱮᱛᱟᱱ ᱨᱮ ᱟᱬᱜᱚ ᱨᱟᱠᱟᱵ ᱠᱤᱱ ᱩᱰᱟ.ᱣ ᱟ.ᱪᱩᱨᱚᱜ ᱠᱟᱱᱟ ᱟᱨ ᱫᱟᱭᱟ ᱜᱮ ᱠᱤᱱ ᱨᱟᱜ ᱡᱚᱝ ᱠᱟᱱᱟ ᱾ ᱠᱷᱟᱱ ᱜᱮ ᱴᱷᱟ.ᱠᱩᱨ ᱟᱭᱳ ᱫᱚ ᱥᱮᱱ ᱨᱩᱣᱟ.ᱲ ᱠᱟᱛᱮ ᱴᱷᱟ.ᱠᱩᱨ ᱵᱟᱵᱟᱭ ᱢᱮᱛᱟ ᱫᱮᱭᱟ, ᱮᱜᱳ! ᱩᱱᱠᱤᱱ ᱡᱮ ᱦᱟᱥᱟ ᱨᱤᱱ ᱵᱟᱨᱮᱭᱟ ᱪᱮᱬᱮᱧ ᱵᱮᱱᱟᱣ ᱞᱮᱫ ᱠᱤᱱᱟ, ᱩᱱᱠᱤᱱ ᱜᱮ ᱚᱠᱚᱭ ᱪᱚᱝ ᱡᱤᱣᱤ ᱫᱟᱲᱮᱭ ᱮᱢᱟᱫ ᱠᱤᱱᱟ ᱾ ᱩᱱᱠᱤᱱ ᱪᱮᱬᱮ ᱜᱮ ᱩᱰᱟ.ᱣ ᱟ.ᱪᱩᱨ ᱟᱛᱮ ᱠᱤᱱ ᱨᱟᱜ ᱡᱚᱝ ᱠᱟᱱᱟ ᱾ ᱠᱷᱟᱱ ᱜᱮ ᱴᱷᱟ.ᱠᱩᱨ ᱵᱟᱵᱟ ᱩᱭᱦᱟ.ᱨ ᱟ.ᱪᱩᱨ ᱠᱟᱛᱮᱭ ᱢᱮᱱ ᱠᱮᱜᱼᱟ, ᱚᱦᱚ ! ᱩᱱᱠᱤᱱ ᱪᱮᱬᱮ ᱫᱚ ᱟᱢ ᱜᱮᱢ ᱵᱮᱱᱟᱣ ᱞᱮᱫ ᱠᱤᱱᱟ ? ᱱᱟᱯᱟᱭ ᱧᱮᱞ ᱛᱮ ᱤᱧ ᱜᱮ ᱡᱤᱣᱤ ᱫᱟᱱ ᱤᱧ ᱮᱢᱟᱦᱟᱫ ᱠᱤᱱᱟ ᱾ ᱱᱤᱛᱚᱜ ᱫᱚ ᱪᱮᱫ ᱞᱟᱝ ᱪᱤᱠᱟ.ᱭᱟ ? ᱚᱠᱟᱨᱮ ᱱᱩᱠᱤᱱ ᱪᱮᱬᱮ ᱟᱵᱚᱜ ᱞᱟ.ᱜᱤᱫ ᱴᱷᱟᱶ ᱞᱟᱝ ᱧᱟᱢᱟ ? ᱜᱷᱟ.ᱲᱤᱠ ᱧᱚᱜ ᱟ.ᱵᱤ ᱵᱷᱟ.ᱵᱤ ᱠᱟᱛᱮ ᱢᱮᱱ ᱠᱮᱜ ᱟᱭ, ᱦᱟᱯᱮ, ᱛᱮᱦᱮᱧ ᱥᱤᱸᱜᱟ.ᱲ ᱚᱠᱛᱚ ᱥᱟᱱᱟᱢ ᱫᱮᱵᱽ ᱜᱩᱱ ᱠᱚ ᱡᱟᱣᱨᱟ ᱠᱟᱛᱮ ᱵᱩᱡᱷᱟ.ᱣ ᱞᱮᱜᱮ ᱞᱮ ᱪᱮᱫ ᱪᱤᱠᱟ. ᱛᱮ ᱦᱩᱭᱩᱜᱼᱟ ᱾ ᱤᱱᱟ. ᱦᱤᱞᱚᱜ ᱥᱤᱸᱜᱟ.ᱲ ᱚᱠᱛᱚ ᱥᱮᱨᱢᱟ ᱯᱩᱨᱤ ᱨᱮ ᱥᱟᱱᱟᱢ ᱫᱮᱵᱽ ᱜᱩᱱ ᱠᱚ ᱢᱮᱱ ᱢᱮ ᱥᱤᱧ ᱪᱟᱸᱫᱚ, ᱧᱤᱫᱟ. ᱪᱟᱸᱫᱚ, ᱞᱤᱴᱟ. ᱜᱚᱰᱮᱛ ᱮᱢᱟᱱ ᱡᱟᱣᱨᱟ ᱠᱚ ᱫᱩᱲᱩᱵ ᱮᱱᱟ ᱾ ᱴᱷᱟ.ᱠᱩᱨ ᱵᱟᱵᱟ ᱱᱩᱠᱤᱱ ᱛᱮᱭᱟᱜ ᱠᱟᱛᱷᱟᱭ ᱞᱟ.ᱭ ᱠᱮᱜᱼᱟ ᱟᱨ ᱫᱮᱵᱽ ᱜᱩᱱ ᱠᱚᱭ ᱠᱩᱞᱤ ᱠᱮᱫ ᱠᱚᱣᱟ ᱼ ᱪᱮᱫ ᱪᱤᱠᱟ. ᱛᱮ ᱦᱩᱭᱩᱜᱼᱟ ? ᱠᱷᱟᱱ ᱜᱮ ᱫᱮᱵᱽ ᱜᱩᱱ ᱠᱚ ᱢᱮᱱ ᱠᱮᱜᱼᱟ, ᱜᱚᱥᱟᱸᱭ, ᱞᱚᱜᱚᱱ ᱛᱮ ᱡᱟᱦᱟᱸᱨᱮ ᱴᱷᱟᱶ ᱧᱟᱢ ᱛᱮ ᱦᱩᱭ ᱟᱵᱚᱱᱟ ᱾ ᱵᱟᱝᱠᱷᱟᱱ ᱛᱤᱱᱟ.ᱜ ᱫᱤᱱ ᱱᱩᱠᱤᱱ ᱪᱮᱬᱮ ᱫᱚ ᱱᱚᱝᱠᱟᱱ ᱦᱟᱞᱟᱠ ᱨᱮ ᱠᱤᱱ ᱛᱟᱦᱮᱸᱱᱟ ᱾

ᱪᱮᱬᱮ ᱠᱤᱱ ᱧᱩᱢ ᱪᱷᱟ.ᱴᱭᱟ.ᱨ

ᱫᱚᱥᱟᱨ ᱦᱤᱞᱚᱜ ᱠᱷᱟᱱ ᱜᱮ ᱴᱷᱟ.ᱠᱩᱨ ᱵᱟᱵᱟ, ᱴᱷᱟ.ᱠᱩᱨ ᱟᱭᱳ ᱟᱨ ᱥᱟᱱᱟᱢ ᱫᱮᱵᱽ ᱜᱩᱱ ᱠᱚ ᱡᱟᱞᱟᱯᱩᱨᱤ ᱛᱮᱠᱚ ᱟᱬᱜᱚ ᱦᱮᱡ ᱮᱱᱟ ᱾ ᱱᱩᱠᱤᱱ ᱪᱮᱬᱮ ᱠᱚ ᱧᱮᱞ ᱠᱮᱫ ᱠᱤᱱᱟ ᱾ ᱴᱷᱟ.ᱠᱩᱨ ᱟᱭᱳ ᱟᱡᱟᱜ ᱦᱟᱺᱥᱞᱤ ᱡᱟᱝ ᱴᱷᱮᱱ ᱞᱟᱴᱠᱟᱣ ᱞᱮᱱ ᱥᱟᱥᱟᱝ ᱛᱮ ᱚᱡᱚᱜ ᱞᱮᱫ ᱠᱤᱱᱟᱭ ᱱᱩᱠᱤᱱ ᱪᱮᱬᱮ ᱾ ᱚᱱᱟᱛᱮ ᱩᱱ ᱡᱚᱠᱷᱟᱜ ᱠᱷᱚᱱ ᱜᱮ ᱱᱩᱠᱤᱱ ᱪᱮᱬᱮ ᱫᱚ "ᱦᱟᱸᱥ ᱦᱟᱺᱥᱞᱤ" ᱪᱮᱬᱮ ᱢᱮᱱᱛᱮ ᱠᱚ ᱧᱩᱢ ᱪᱷᱟ.ᱴᱭᱟ.ᱨ ᱠᱮᱫ ᱠᱤᱱᱟ ᱾ ᱟᱫᱚ ᱠᱚ ᱩᱭᱦᱟ.ᱨ ᱵᱟᱲᱟ ᱠᱮᱜᱼᱟ, ᱡᱟᱞᱟ ᱯᱩᱨᱤ ᱨᱮᱢᱟ ᱟ.ᱰᱤ ᱞᱟᱛᱟᱨ ᱨᱮ ᱚᱛ ᱢᱮᱱᱟᱜᱼᱟ, ᱪᱮᱫ ᱞᱮᱠᱟᱨᱮ ᱦᱟᱥᱟ ᱫᱚᱵᱚᱱ ᱨᱟᱠᱟᱵᱚ ?

ᱚᱛ ᱵᱮᱱᱟᱣ ᱦᱟᱥᱟ ᱨᱟᱠᱟᱵ

ᱤᱱᱟ. ᱠᱷᱟᱱ ᱜᱮ ᱫᱮᱵᱽ ᱜᱩᱱ ᱠᱚᱠᱚ ᱢᱮᱱ ᱠᱮᱜᱼᱟ, ᱡᱟᱞᱟᱯᱩᱨᱤ ᱚᱛᱨᱮ ᱪᱤᱞᱤ ᱪᱤᱞᱤ ᱠᱚ ᱢᱮᱱᱟᱜ ᱠᱚᱣᱟ, ᱧᱮᱞ ᱠᱚᱢᱟ ᱾ ᱠᱷᱟᱱ ᱜᱮ ᱥᱤᱧ ᱵᱚᱸᱜᱟ ᱦᱚᱯᱚᱱ ᱮᱨᱟ ᱥᱤᱨᱟ. ᱜᱟᱸᱰᱚ ᱯᱟᱴᱟ ᱜᱟᱸᱰᱚ ᱪᱮᱛᱟᱱ ᱨᱮ ᱫᱩᱲᱩᱵ ᱠᱟᱛᱮ ᱚᱛ ᱵᱷᱤᱛᱨᱤᱭ ᱟᱛᱮᱱ ᱠᱮᱜᱼᱟ ᱾ ᱧᱮᱞᱮᱭᱟᱭ ᱢᱤᱫ ᱰᱟᱺᱴᱠᱟ. ᱦᱟ.ᱠᱩ ᱾ ᱠᱷᱟᱱ ᱜᱮ ᱩᱱᱤ ᱠᱚ ᱦᱚᱦᱚ ᱟᱫᱮᱭᱟ ᱟᱨ ᱠᱚ ᱠᱩᱞᱤ ᱠᱮᱫᱮᱭᱟ,ᱡᱟᱞᱟᱯᱩᱨᱤ ᱞᱟᱛᱟᱨ ᱚᱛ ᱠᱷᱚᱱ ᱦᱟᱥᱟᱢ ᱨᱟᱠᱟᱵ ᱫᱟᱲᱮᱭᱟᱜᱼᱟ ? ᱩᱱ ᱡᱚᱦᱚᱜ ᱰᱟᱺᱴᱠᱟ. ᱦᱟ.ᱠᱩᱭ ᱢᱮᱱ ᱠᱮᱜᱼᱟ, ᱜᱳᱥᱟᱸᱭ, ᱩᱱᱟ.ᱜ ᱞᱟᱛᱟᱨ ᱠᱷᱚᱱ ᱦᱟᱥᱟ ᱢᱟ.ᱧ ᱨᱟᱠᱟᱵᱽ ᱜᱮᱭᱟ, ᱢᱮᱱᱠᱷᱟᱱ ᱵᱚᱦᱮᱞ ᱜᱤᱰᱤᱜ ᱠᱷᱟᱱ ᱪᱮᱫ ᱤᱧ ᱪᱤᱠᱟ.ᱭᱟ ? ᱠᱷᱟᱱ ᱜᱮ ᱫᱮᱵᱽᱜᱩᱱ ᱠᱚ ᱢᱮᱱ ᱠᱮᱜᱼᱟ, ᱨᱟᱠᱟᱵ ᱜᱮᱞᱟ ᱞᱮᱢ ᱧᱮᱞ ᱟᱵᱚᱱ ᱾ ᱠᱷᱟᱱ ᱜᱮ ᱰᱟᱺᱴᱠᱟ. ᱦᱟ.ᱠᱩ ᱦᱟᱥᱟᱭ ᱨᱟᱠᱟᱵ ᱠᱮᱜᱼᱟ ᱾ ᱥᱟ.ᱨᱤ ᱩᱛᱟ.ᱨ ᱜᱮ, ᱡᱚᱛᱚ ᱦᱟᱥᱟ ᱟᱛᱨᱟ ᱨᱮᱜᱮ ᱵᱚᱦᱮᱞ ᱪᱟᱵᱟ ᱮᱱᱟ ᱾ ᱚᱸᱰᱮ ᱠᱷᱚᱱ ᱪᱟᱸᱫᱟᱵᱤᱞᱟ. ᱦᱟ.ᱠᱩ ᱠᱚ ᱢᱮᱛᱟ ᱫᱮᱭᱟ ᱾ ᱩᱱᱤ ᱵᱤᱫᱟ.ᱞ ᱦᱚᱸ ᱚᱱᱠᱟ ᱜᱮ ᱡᱚᱛᱚ ᱦᱟᱥᱟ ᱟᱛᱨᱟ ᱨᱮᱜᱮ ᱵᱚᱦᱮᱞ ᱪᱟᱵᱟ ᱮᱱᱟ ᱾ ᱚᱸᱰᱮ ᱠᱷᱚᱱ ᱤᱪᱟ.ᱜ ᱦᱟ.ᱠᱩ ᱠᱚ ᱢᱮᱛᱟ ᱫᱮᱭᱟ ᱾ ᱩᱱᱤ ᱵᱤᱫᱟ.ᱞ ᱦᱚᱸ ᱚᱱᱠᱟ ᱜᱮ ᱡᱚᱛᱚ ᱦᱟᱥᱟ ᱟᱛᱨᱟ ᱨᱮᱜᱮ ᱵᱚᱦᱮᱞ ᱪᱟᱵᱟ ᱮᱱᱟ ᱾

ᱚᱸᱰᱮ ᱠᱷᱚᱱ ᱠᱟᱴᱠᱚᱢ ᱠᱚ ᱦᱚᱦᱚ ᱟᱫᱮᱭᱟ ᱾ ᱩᱱᱤ ᱵᱤᱫᱟ.ᱞ ᱦᱚᱸ ᱚᱱᱠᱟ ᱜᱮ ᱟᱛᱨᱟ ᱨᱮᱜᱮ ᱵᱚᱦᱮᱞ ᱪᱟᱵᱟ ᱮᱱᱟ ᱾ ᱢᱩᱪᱟ.ᱫ ᱨᱮ ᱠᱤᱪᱩᱣᱟ. ᱠᱚ ᱦᱚᱦᱚ ᱟᱫᱮᱭᱟ ᱟᱨ ᱦᱟᱥᱟ ᱨᱟᱠᱟᱵ ᱠᱚ ᱢᱮᱛᱟ ᱫᱮᱭᱟ ᱾ ᱩᱱᱤ ᱫᱚ ᱦᱟᱥᱟ ᱵᱩᱨᱩᱡ ᱠᱟᱛᱮ ᱪᱚᱴ ᱫᱷᱟ.ᱵᱤᱡ ᱮ ᱨᱟᱠᱟᱵ ᱠᱮᱜᱼᱟ ᱾ ᱢᱮᱱᱠᱷᱟᱱ ᱚᱱᱟ ᱦᱟᱥᱟ ᱫᱚ ᱪᱮᱫ ᱨᱮᱠᱚ ᱫᱚᱦᱚᱭᱟ ᱾ ᱠᱷᱟᱱ ᱜᱮ ᱴᱷᱟ.ᱠᱩᱨ ᱵᱟᱵᱟᱭ ᱢᱮᱱ ᱠᱮᱜᱼᱟ, ᱦᱟᱯᱮ ᱦᱚᱨᱚ ᱨᱟᱡᱽ ᱤᱧ ᱦᱚᱦᱚ ᱟᱭ ᱜᱮ ᱾ ᱩᱱᱤᱭᱟᱜ ᱫᱮᱭᱟ ᱪᱮᱛᱟᱱ ᱨᱮ ᱦᱟᱥᱟ ᱵᱚᱱ ᱫᱚᱦᱚᱭᱟ ᱾ ᱦᱚᱨᱚ ᱨᱟᱡᱟ ᱦᱚᱦᱚ ᱠᱟᱛᱮ ᱠᱚ ᱢᱮᱛᱟᱭ ᱠᱟᱱᱟ ᱼ ᱮᱜᱳ ᱦᱚᱨᱚ ᱨᱟᱡᱟ ᱟᱢ ᱜᱮ ᱫᱷᱟ.ᱨᱛᱤ ᱯᱩᱨᱤ ᱫᱚᱢ ᱫᱤᱯᱤᱞ ᱫᱟᱲᱮᱭᱟᱜᱼᱟ ᱾ ᱠᱟᱛᱷᱟᱡ ᱮᱛᱚᱢ ᱠᱚᱧᱮ ᱥᱟᱢᱟᱝ ᱯᱟᱪᱷᱮ ᱯᱩᱱ ᱠᱚᱬᱨᱮ ᱯᱩᱱᱭᱟ. ᱠᱟᱴᱟ ᱫᱚᱦᱚ ᱠᱟᱛᱮ ᱚᱵᱚᱨ ᱛᱷᱤᱨᱩᱜ ᱢᱮ ᱾ ᱥᱚᱱᱮᱨ ᱥᱤᱠᱲᱤ ᱛᱮ ᱟᱢᱟᱜ ᱠᱟᱴᱟ ᱞᱮ ᱛᱚᱞ ᱠᱟᱜᱼᱟ ᱾ ᱟᱢᱟᱜ ᱫᱮᱭᱟ ᱪᱮᱛᱟᱱ ᱨᱮ ᱥᱚᱱᱟ ᱛᱷᱟ.ᱨᱤ ᱫᱚᱦᱚ ᱠᱟᱛᱮ ᱚᱱᱟ ᱪᱮᱛᱟᱱ ᱨᱮ ᱠᱤᱪᱩᱣᱟ. ᱨᱟᱡᱟ ᱦᱟᱥᱟ ᱵᱚᱱ ᱨᱟᱠᱟᱵ ᱦᱚᱪᱚ ᱮᱭᱟ ᱾ ᱚᱱᱠᱟ ᱢᱮᱱ ᱠᱟᱛᱮ ᱴᱷᱟ.ᱠᱩᱨ ᱵᱟᱵᱟ ᱥᱚᱱᱮᱨ ᱥᱤᱠᱲᱤ ᱟ.ᱜᱩ ᱠᱟᱛᱮ ᱦᱚᱨᱚ ᱨᱟᱡᱽ ᱯᱩᱱᱭᱟ. ᱠᱟᱴᱟ ᱨᱮ ᱠᱚ ᱛᱚᱞ ᱠᱮᱫᱮᱭᱟ ᱫᱟᱜ ᱵᱷᱤᱛᱨᱤ ᱨᱮ ᱾ ᱩᱱ ᱡᱚᱦᱚᱜ ᱦᱚᱨᱚ ᱨᱟᱡᱟᱭ ᱢᱮᱱ ᱠᱮᱜᱼᱟ, ᱜᱚᱥᱟᱸᱭ ᱤᱧ ᱢᱟ ᱥᱚᱱᱮᱨ ᱥᱤᱠᱲᱤ ᱛᱮᱢ ᱛᱚᱞᱤᱧ ᱠᱟᱱᱟ, ᱠᱟᱛᱷᱟᱡ ᱫᱷᱟ.ᱨᱛᱤ ᱦᱟᱢᱟᱞ ᱵᱟ.ᱧ ᱥᱟᱸᱵᱽᱲᱟᱣ ᱫᱟᱲᱮᱭᱟᱜ ᱠᱷᱟᱱ ᱪᱮᱫ ᱤᱧ ᱪᱤᱠᱟ.ᱭᱟ ? ᱴᱷᱟ.ᱠᱩᱨ ᱵᱟᱵᱟᱭ ᱢᱮᱱ ᱠᱮᱜᱼᱟ, ᱢᱤᱫ ᱠᱚᱬ ᱨᱮᱭᱟᱜ ᱥᱤᱠᱲᱤ ᱫᱚ ᱰᱷᱤᱞ ᱧᱚᱜ ᱤᱧ ᱛᱚᱞ ᱠᱟᱜᱼᱟ ᱾ ᱚᱠᱟ ᱡᱚᱦᱚᱜ ᱦᱟᱢᱟᱞ ᱮᱢ ᱵᱩᱡᱷᱟ.ᱣᱟ, ᱦᱤᱞᱟ.ᱣ ᱞᱮᱱ ᱠᱷᱟᱱ ᱜᱮᱢ ᱨᱟᱣᱟᱞ ᱮᱢ ᱵᱩᱡᱷᱟ.ᱣᱟ ᱾ ᱚᱱᱟᱛᱮ ᱩᱱ ᱡᱚᱦᱚᱜ ᱠᱷᱚᱱ ᱜᱮ ᱦᱚᱨᱚᱭ ᱦᱤᱞᱟ.ᱣ ᱞᱮᱱ ᱠᱷᱟᱱ ᱜᱮ ᱛᱟᱞᱟᱨᱮ ᱛᱟᱞᱟᱨᱮ ᱚᱛ ᱦᱚᱸ ᱞᱟᱲᱟᱣᱜᱼᱟ ᱾

ᱠᱤᱪᱣᱟ. ᱨᱟᱡᱟ ᱦᱟᱥᱟ ᱨᱟᱠᱟᱵ

ᱦᱚᱨᱚ ᱨᱟᱡᱟ ᱫᱮᱭᱟ ᱪᱮᱛᱟᱱ ᱨᱮ ᱥᱚᱱᱟ ᱛᱷᱟ.ᱨᱤ ᱠᱚ ᱫᱚᱦᱚ ᱠᱮᱜᱼᱟ ᱾ ᱟᱫᱚ ᱠᱤᱪᱣᱟ. ᱨᱟᱡᱟ ᱚᱱᱟ ᱛᱷᱟ.ᱨᱤ ᱪᱮᱛᱟᱱ ᱨᱮ ᱦᱟᱥᱟ ᱵᱩᱨᱩᱡ ᱠᱚ ᱢᱮᱛᱟ ᱫᱮᱭᱟ ᱾ ᱵᱩᱨᱩᱡ ᱵᱩᱨᱩᱡ ᱛᱮ ᱟ.ᱰᱤ ᱜᱟᱱ ᱦᱟᱥᱟᱭ ᱵᱩᱨᱩᱡ ᱠᱮᱫ ᱠᱷᱟᱱ ᱚᱱᱟ ᱜᱮ ᱚᱛ ᱵᱮᱱᱟᱣ ᱮᱱᱟ ᱾ ᱢᱮᱱᱠᱷᱟᱱ ᱫᱟᱜ ᱚᱦᱮᱞ ᱵᱚᱦᱮᱞ ᱠᱷᱟ.ᱛᱤᱨ ᱛᱮ ᱵᱟᱝ ᱛᱟᱦᱮᱸ ᱛᱷᱤᱨ ᱞᱮᱱᱟ ᱾ ᱠᱷᱟᱱ ᱜᱮ ᱴᱷᱟ.ᱠᱩᱨ ᱟᱭᱳ ᱥᱩᱞᱩᱡ ᱠᱟᱛᱮ ᱫᱟᱜ ᱨᱮᱭ ᱤᱨᱪᱤ ᱜᱚᱫ ᱠᱟᱫᱼᱟ ᱾ ᱚᱱᱟ ᱥᱩᱞᱩᱡ ᱜᱮ ᱥᱮᱭᱟᱞᱚᱢ ᱯᱟᱞᱴᱟᱣ ᱮᱱᱛᱮ ᱚᱱᱟ ᱦᱟᱥᱟ ᱫᱷᱟᱨᱮ ᱫᱷᱟᱨᱮ ᱛᱮ ᱞᱟᱴᱠᱟᱣ ᱮᱱᱟ ᱾ ᱮᱱ ᱦᱚᱸ ᱚᱱᱟ ᱦᱟᱥᱟ ᱵᱟᱝ ᱛᱟᱦᱮᱸ ᱛᱷᱤᱨᱩᱜ ᱠᱟᱱᱟ ᱧᱮᱞ ᱠᱟᱛᱮ ᱴᱷᱟ.ᱠᱩᱨ ᱟᱭᱳ ᱮᱫᱽᱨᱮ ᱛᱮ ᱢᱚᱪᱟ ᱩᱵ ᱚᱨ ᱛᱩᱫ ᱠᱟᱛᱮ ᱫᱟᱜ ᱨᱮᱭ ᱪᱟᱯᱟᱫ ᱜᱚᱫ ᱠᱟᱫᱼᱟ ᱾ ᱚᱱᱟ ᱩᱵ ᱜᱮ ᱮᱢᱟᱱ ᱛᱮᱢᱟᱱ ᱛᱟᱥᱟᱫ ᱯᱟᱞᱴᱟᱣ ᱮᱱᱛᱮ ᱦᱟᱥᱟ ᱫᱷᱟᱨᱮ ᱛᱮ ᱞᱟᱴᱠᱟᱣ ᱛᱷᱤᱨ ᱮᱱᱟ ᱾ ᱠᱷᱟᱱ ᱜᱮ ᱫᱷᱟ.ᱨᱛᱤ ᱯᱩᱨᱤ ᱨᱮ

ᱚᱛ ᱵᱮᱱᱟᱣ ᱮᱱᱟ ᱾ ᱚᱱᱟ ᱚᱛ ᱨᱮ ᱦᱟᱸᱥ ᱦᱟᱺᱥᱞᱤ ᱠᱤᱱ ᱟᱵ ᱮᱱᱟ ᱾ 

ᱛᱩᱢᱟ.ᱞ

ᱯᱩᱛᱷᱤ ᱼ ᱠᱷᱮᱨᱣᱟᱲ ᱜᱟᱫᱮᱞ ᱦᱚᱲ ᱠᱚᱣᱟᱜ ᱢᱟᱨᱮ ᱠᱟ.ᱦᱱᱤ ᱟᱨ ᱱᱟᱜᱟᱢ ᱾

ᱚᱱᱚᱞᱤᱭᱟ. - ᱵᱷᱟᱜᱽᱵᱚᱛ ᱢᱩᱨᱢᱩ ᱾

ᱥᱟᱛᱟᱢ ᱼ ᱫᱷᱟ.ᱨᱛᱤ ᱥᱤᱨᱡᱚᱱ ᱟᱨ ᱢᱟ.ᱱᱢᱤ ᱥᱤᱨᱡᱚᱱ ᱠᱟᱛᱷᱟ ᱾

ᱥᱟᱦᱴᱟ ᱼ ᱑ ᱠᱷᱚᱱ ᱕ ᱾