ᱫᱷᱩᱵᱤ ᱜᱟᱥ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱫᱷᱩᱵᱤ ᱜᱟᱥ
Cynodon dactylon 2.jpg
ᱥᱟᱬᱮᱥ ᱞᱮᱠᱟᱛᱮ ᱦᱟᱹᱴᱤᱧ
ᱡᱮᱜᱮᱛ: Plantae
ᱵᱟᱝᱛᱷᱚᱠ ᱟᱠᱟᱱ: Angiosperms
ᱵᱟᱝᱛᱷᱚᱠ ᱟᱠᱟᱱ: Monocots
ᱵᱟᱝᱛᱷᱚᱠ ᱟᱠᱟᱱ: Commelinids
ᱫᱷᱟᱹᱲ: Poales
ᱜᱷᱟᱨᱚᱡᱽ: Poaceae
ᱯᱨᱚᱡᱟᱹᱛᱤ: Cynodon
ᱡᱟᱹᱛ: C. dactylon
ᱵᱟᱭᱱᱚᱢᱤᱭᱟᱞ ᱧᱩᱛᱩᱢ
Cynodon dactylon
Carolus Linnaeus, Christian Hendrik Persoon

ᱫᱷᱩᱵᱤ ᱜᱟᱥ ᱫᱚ ᱢᱤᱫ ᱞᱮᱠᱟᱱ ᱜᱟᱥ ᱠᱟᱱᱟ ᱾ ᱱᱚᱶᱟ ᱨᱮᱱᱟᱜ ᱥᱟᱬᱮᱥᱤᱭᱟᱹ ᱧᱩᱛᱩᱢ ᱦᱩᱭᱩᱜ ᱠᱟᱱᱟ ᱥᱟᱭᱱᱚᱰᱚᱱ ᱰᱚᱠ ᱴᱟᱭᱞᱚᱱ ᱾ ᱥᱟᱭᱱᱚᱰᱚᱱ ᱨᱮᱱᱟᱜ ᱢᱮᱱᱮᱛ ᱦᱩᱭᱩᱜ ᱠᱟᱱᱟ ᱥᱮᱛᱟ ᱰᱟᱴᱟ ᱟᱨ ᱰᱚᱠᱴᱟᱭᱞᱚᱱ ᱨᱮᱱᱟᱜ ᱢᱮᱱᱮᱛ ᱦᱩᱭᱩᱜ ᱠᱟᱱᱟ ᱠᱟᱹᱴᱩᱵ ᱞᱮᱠᱟᱱ ᱨᱮᱦᱮᱫ ᱾ ᱱᱚᱶᱟ ᱫᱚ ᱵᱟᱹᱲᱛᱤ ᱠᱟᱛᱮ ᱱᱟᱥᱮ ᱩᱨᱜᱩᱢ ᱟᱨ ᱚᱫᱟ ᱫᱷᱟᱨᱟ ᱴᱷᱟᱶ, ᱡᱮᱢᱚᱱ ᱥᱤᱧᱚᱛ ᱟᱨ ᱥᱟᱢᱟᱝ ᱟᱯᱷᱨᱤᱠᱟ ᱮᱞᱟᱠᱟ ᱨᱮ ᱧᱮᱞᱚᱜᱼᱟ ᱾ ᱢᱮᱱᱠᱷᱟᱱ ᱚᱛᱮᱛ ᱨᱮᱱᱟᱜ ᱜᱚᱴᱟ ᱫᱷᱟᱨᱟ ᱨᱮᱜᱮ ᱧᱮᱞᱚᱜᱼᱟ ᱾ ᱥᱤᱧᱚᱛ ᱨᱮᱱᱟᱜ ᱟᱭᱢᱟ ᱴᱷᱟᱶ ᱨᱮ ᱜᱮ ᱱᱚᱶᱟ ᱜᱟᱥ ᱧᱮᱞᱚᱜᱼᱟ ᱾ ᱱᱚᱶᱟ ᱜᱟᱥ ᱫᱚ ᱞᱮᱢᱮᱧ, ᱥᱤᱵᱤᱞ ᱟᱨ ᱨᱟᱥᱟᱦᱟᱱᱟ ᱢᱮᱱᱛᱮ ᱰᱟᱺᱜᱽᱨᱤ, ᱢᱮᱨᱚᱢ, ᱵᱷᱤᱰᱤ ᱟᱨ ᱠᱩᱞᱟᱹᱭ ᱮᱢᱟᱱ ᱠᱚᱣᱟᱜ ᱠᱩᱥᱤᱭᱟᱜ ᱡᱚᱢᱟᱜ ᱠᱟᱱᱟ ᱾

ᱵᱟᱞᱮ ᱫᱷᱩᱵᱤ ᱜᱟᱥ ᱨᱮ ᱑᱔ ᱵᱷᱟᱜᱽ ᱟᱨ ᱯᱟᱠᱚᱲ ᱫᱷᱩᱵᱤ ᱜᱟᱥ ᱨᱮ ᱘᱓ ᱵᱷᱟᱜᱽ ᱯᱨᱚᱴᱤᱱ ᱢᱮᱱᱟᱜ ᱛᱮ ᱒᱕ ᱠᱷᱚᱱ ᱓᱐ ᱥᱟᱭᱠᱚᱨᱟ ᱯᱷᱟᱭᱵᱚᱨ ᱧᱟᱢᱚᱜ ᱠᱟᱱᱟ ᱾[᱑]

ᱫᱷᱩᱵᱤ ᱪᱟᱥ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱭᱢᱟ ᱫᱤᱥᱚᱢ ᱠᱚᱨᱮ ᱯᱩᱲᱤᱭᱟᱹ ᱚᱛ ᱨᱮ ᱥᱟᱨᱚ ᱠᱷᱚᱛ ᱮᱢ ᱠᱟᱛᱮ ᱜᱟᱹᱭ ᱰᱟᱺᱜᱽᱨᱤ ᱠᱚᱣᱟᱜ ᱡᱚᱢᱟᱜ ᱞᱮᱠᱟᱛᱮ ᱠᱚ ᱪᱟᱥ ᱮᱫᱟ ᱾ ᱢᱚᱴᱟᱢᱩᱴᱤ ᱑᱕᱐ ᱠᱷᱚᱱ ᱓᱕᱐ ᱥᱮᱱᱴᱤᱜᱨᱮᱰ ᱞᱚᱞᱚᱥᱚᱝ ᱨᱮ ᱫᱷᱩᱵᱤ ᱜᱟᱥ ᱫᱚ ᱵᱷᱟᱹᱜᱤ ᱦᱟᱨᱟ ᱟ ᱾ ᱟᱹᱰᱤ ᱵᱟᱹᱲᱛᱤ ᱞᱚᱞᱚ ᱟᱨ ᱟᱨᱟᱵᱟᱝ ᱨᱮ ᱫᱚ ᱱᱚᱶᱟ ᱵᱟᱭ ᱦᱟᱨᱟ ᱫᱷᱟᱨᱟ ᱟ ᱾ ᱢᱤᱫ ᱦᱮᱠᱴᱚᱨ ᱥᱚᱝᱟᱱ ᱴᱷᱟᱶ ᱠᱷᱚᱱ ᱥᱮᱨᱢᱟ ᱨᱮ ᱑᱐᱐ ᱠᱸᱭᱴᱟᱞ ᱦᱟᱹᱵᱤᱡ ᱫᱷᱩᱵᱤ ᱜᱟᱥ ᱟᱨᱡᱟᱣᱜᱼᱟ ᱾

ᱜᱩᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱶᱟ ᱫᱚ ᱰᱟᱺᱜᱽᱨᱤ ᱡᱚᱢᱟᱜ ᱵᱮᱜᱚᱨ ᱥᱟᱪᱟᱨᱦᱮ ᱨᱟᱱᱟᱠᱷᱟ ᱨᱮᱦᱚᱸ ᱟᱹᱰᱤ ᱢᱟᱨᱟᱝ ᱮᱱᱮᱢ ᱢᱮᱱ ᱟᱜ ᱛᱟᱭᱟ ᱾ ᱡᱟᱦᱟᱸ ᱨᱮ ᱮᱴᱟᱜ ᱜᱟᱥ ᱵᱟᱭ ᱚᱢᱚᱱ ᱫᱟᱲᱮᱭᱟᱜᱼᱟ ᱚᱸᱰᱮ ᱫᱷᱩᱵᱤ ᱜᱟᱥ ᱵᱮᱥ ᱞᱮᱠᱟ ᱚᱢᱚᱱᱚᱜᱼᱟ ᱾ ᱦᱟᱥᱟ ᱪᱮᱛᱟᱱ ᱨᱮ ᱱᱚᱶᱟ ᱟᱴᱮᱫ ᱟᱠᱟᱫ ᱞᱮᱠᱟ ᱯᱟᱨᱪᱟᱣᱜ ᱠᱷᱟᱹᱤᱨ ᱥᱚᱡᱷᱮ ᱪᱟᱸᱫᱚ ᱛᱟᱨᱟᱥ ᱦᱟᱥᱟᱨᱮ ᱵᱟᱭ ᱧᱩᱨᱩᱜᱼᱟ , ᱚᱱᱟᱛᱮ ᱚᱛ ᱫᱚ ᱨᱮᱭᱟᱲ ᱥᱟᱶᱛᱮ ᱚᱫᱟ ᱜᱮ ᱛᱟᱦᱮᱸᱱᱟ ᱾ ᱥᱤᱛᱩᱝ ᱫᱤᱱ ᱠᱷᱚᱱ ᱮᱦᱚᱵ ᱠᱟᱛᱮ ᱡᱟᱹᱯᱩᱫ ᱫᱤᱱ ᱨᱮᱱᱟᱜ ᱢᱩᱪᱟᱹᱫ ᱦᱟᱹᱵᱤᱡ ᱟᱭᱢᱟ ᱴᱷᱟᱶ ᱨᱮ ᱧᱮᱞᱚᱜᱼᱟ ᱾ ᱱᱚᱶᱟ ᱫᱚ ᱡᱚᱛᱚ ᱰᱟᱹᱨ ᱠᱷᱚᱱ ᱨᱮᱦᱮᱫ ᱚᱰᱚᱠᱚᱜ ᱠᱷᱟᱹᱛᱤᱨ ᱦᱟᱥᱟ ᱫᱚ ᱠᱮᱴᱮᱡ ᱛᱮᱭ ᱦᱟᱹᱲᱩᱵ ᱫᱚᱦᱚ ᱠᱟᱜᱼᱟ ᱾ ᱚᱱᱟᱛᱮ ᱫᱟᱜ ᱫᱤᱱ ᱨᱮ ᱡᱟᱹᱯᱩᱫ ᱛᱮ ᱦᱟᱥᱟ ᱵᱟᱭ ᱟᱹᱛᱩ ᱫᱟᱲᱮᱭᱟᱜᱼᱟ ᱾ ᱱᱚᱶᱟ ᱫᱚ ᱦᱟᱥᱟ ᱠᱷᱤᱭᱟᱹᱣ ᱮ ᱨᱩᱠᱷᱤᱭᱟᱹ ᱭᱟ ᱾ ᱦᱟᱥᱟ ᱪᱮᱛᱟᱱ ᱨᱮ ᱫᱷᱩᱵᱤ ᱜᱟᱥ ᱠᱷᱟᱹᱛᱤᱨ ᱡᱟᱹᱲᱤ ᱫᱟᱜ ᱥᱡᱷᱮ ᱵᱟᱝ ᱞᱤᱸᱡᱤ ᱜᱩᱰᱨᱟᱹᱣ ᱠᱟᱛᱮ ᱦᱟᱥᱟ ᱵᱷᱤᱛᱤᱨ ᱛᱮ ᱵᱚᱞᱚᱱᱟ, ᱡᱟᱦᱟᱸ ᱫᱚ ᱚᱱᱟ ᱴᱷᱟᱶ ᱨᱮᱱᱟᱜ ᱫᱟᱜ ᱞᱮᱵᱮᱞ ᱵᱟᱹᱲᱛᱤ ᱭᱟᱭ ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. ᱢᱚᱦᱟᱯᱟᱛᱨᱚ, ᱠᱮᱥᱚᱵᱽ ᱠᱩᱢᱟᱨ. "ᱫᱷᱩᱵᱤ ᱜᱟᱥ ᱨᱮᱱᱟᱜ ᱜᱩᱱ" (in ᱳᱰᱤᱭᱟ). ᱫᱷᱚᱨᱤᱛᱨᱤ. Retrieved 16 ᱡᱟᱱᱩᱣᱟᱨᱤ 2017.