ᱭᱚᱢᱞᱮᱢᱵᱚᱢ ᱜᱟᱸᱵᱷᱤᱱᱤ ᱫᱮᱵᱤ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
ᱭᱚᱢᱞᱮᱢᱵᱚᱢ ᱜᱟᱢᱵᱷᱤᱱᱤ ᱫᱮᱵᱤ
ᱡᱟᱱᱟᱢ ᱟᱨ ᱡᱟᱱᱟᱢ ᱴᱷᱟᱶ ᱑ ᱡᱟᱱᱩᱣᱟᱨᱤ ᱑᱙᱔᱕ (1945-01-01) (᱗᱕ ᱥᱮᱨᱢᱟ)
ᱭᱟᱥᱠᱩᱞ ᱦᱤᱨᱩᱦᱟᱸᱵᱟ ᱞᱮᱠᱟᱭᱤ, ᱢᱚᱬᱤᱯᱩᱨ, ᱥᱤᱧᱚᱛ
ᱠᱟᱹᱢᱤ ᱥᱮᱨᱮᱧᱤᱭᱟᱹ, ᱱᱟᱪᱚᱱᱤᱭᱟᱹ
ᱧᱩᱢᱱᱟᱢ ᱱᱟᱴᱚ ᱥᱚᱝᱠᱤᱨᱛᱚᱱᱚ, ᱢᱚᱬᱤᱯᱩᱨᱤ ᱮᱱᱮᱡ
ᱡᱤᱭᱚᱱ ᱥᱚᱦᱮᱫ ᱠᱚᱱᱥᱟᱢ ᱛᱷᱳᱯᱤ ᱥᱤᱝ
ᱟᱯᱟᱛ ᱮᱸᱜᱟᱛ ᱭ. ᱜᱩᱞᱟᱯ ᱥᱤᱝ
ᱥᱤᱨᱯᱷᱟᱹ ᱯᱚᱫᱽᱢᱚᱥᱨᱤ
ᱥᱚᱝᱜᱤᱛ ᱱᱟᱴᱚᱠ ᱮᱠᱟᱰᱮᱢᱤ ᱮᱣᱟᱨᱰ
ᱱᱨᱩᱛᱭᱚ ᱨᱚᱛᱱᱚ ᱮᱣᱟᱨᱰ
Nat Sangeet Award

ᱭᱚᱢᱞᱮᱢᱵᱚᱢ ᱜᱟᱢᱵᱷᱤᱱᱤ ᱫᱮᱵᱤ ᱫᱚ ᱱᱟᱴᱭᱚ ᱥᱚᱝᱠᱤᱨᱛᱚᱱ ᱟᱨ ᱢᱚᱬᱤᱯᱩᱨᱤ ᱨᱟᱥ ᱱᱟᱪᱚᱱᱤᱭᱟᱹ ᱠᱟᱱᱟᱭ ᱾ [᱑],[᱒] ᱥᱤᱧᱚᱛ ᱥᱚᱨᱠᱟᱨ ᱫᱚ ᱢᱚᱬᱤᱯᱩᱨᱤ ᱮᱱᱮ ᱟᱨ ᱥᱮᱨᱮᱧ ᱨᱮ ᱟᱡᱟᱜ ᱮᱱᱮᱢ ᱠᱷᱟᱹᱛᱤᱨ ᱒᱐᱐᱕ ᱥᱟᱞᱮ ᱨᱮ ᱩᱱᱤ ᱫᱚ ᱯᱚᱫᱽᱢᱚ ᱥᱨᱤ ᱭᱟᱜ ᱯᱩᱱᱟᱹᱜ ᱡᱚᱛᱚ ᱠᱷᱚᱱ ᱞᱟᱯᱷᱟᱝ ᱱᱟᱜᱟᱨᱤᱭᱟᱹ ᱥᱚᱱᱢᱟᱱ ᱮ ᱪᱟᱞ ᱟᱠᱟᱱᱟ ᱾ [᱓]

ᱡᱤᱭᱚᱱᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱭᱚᱢᱞᱮᱢᱵᱚᱢ ᱜᱟᱢᱵᱷᱤᱱᱤ ᱫᱮᱵᱤᱭᱟᱜ ᱡᱟᱱᱟᱢ ᱫᱚ ᱑᱙᱔᱕ ᱥᱟᱞᱮ ᱨᱮ ᱱᱟᱶᱟ ᱥᱮᱨᱢᱟ ᱨᱮ ᱯᱩᱨᱩᱵᱽ-ᱩᱛᱚᱨ ᱥᱤᱧᱚᱛᱤᱭᱟᱹ ᱯᱚᱱᱚᱛ ᱢᱚᱬᱤᱯᱩᱨ ᱨᱮᱱᱟᱜ ᱭᱟᱥᱠᱩᱞ ᱦᱤᱨᱩᱦᱚᱱᱚᱵᱟ ᱞᱤᱠᱟᱭᱤ ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱩᱱᱤ ᱨᱤᱱ ᱤᱨᱟᱹᱞ ᱜᱤᱫᱽᱨᱟᱹ ᱨᱮ ᱯᱩᱱ ᱟᱹᱱᱤᱡ ᱧᱩᱛᱩᱢ ᱨᱩᱯ ᱨᱮ ᱱᱟᱛᱟ ᱥᱚᱝᱠᱤᱨᱛᱚᱱ ᱮ ᱠᱚᱨᱟᱣ ᱮᱫ ᱵᱟᱰᱚᱦᱤᱭᱟᱹ ᱜᱩᱞᱚᱯ ᱥᱤᱝ ᱟᱜ ᱧᱩᱛᱩᱢ ᱛᱟᱦᱮᱸ ᱠᱟᱱᱟ ᱾ [᱔] ᱩᱱᱤ ᱫᱚ ᱢᱚᱬᱮ ᱥᱮᱨᱢᱟ ᱵᱚᱭᱚᱥ ᱨᱮ ᱥᱮᱨᱮᱧ ᱟᱨ ᱮᱱᱮᱡ ᱪᱮᱫᱚᱜ ᱮ ᱮᱛᱚᱦᱚᱵ ᱠᱮᱫ-ᱟ ᱟᱨ ᱛᱟᱭᱚᱢ ᱛᱮ, ᱡᱚᱵᱟᱦᱚᱨᱞᱟᱞ ᱱᱮᱦᱨᱩ ᱢᱚᱬᱤᱯᱩᱨ ᱰᱟᱱᱥ ᱮᱠᱟᱰᱮᱢᱤ (JNMDA) ᱨᱮᱭ ᱥᱮᱞᱮᱫ ᱮᱱᱟ, ᱡᱟᱦᱟᱸ ᱠᱷᱚᱱ ᱩᱱᱤ ᱫᱚ 'ᱨᱟᱥ' ᱨᱮ ᱥᱚᱱᱮᱨᱥᱤᱫᱽ ᱰᱤᱯᱞᱚᱢᱟ ᱟᱢᱮᱴ ᱠᱮᱫ ᱟᱭ ᱾

ᱮᱠᱟᱰᱮᱢᱤ ᱨᱮ, ᱩᱱᱤ ᱫᱚ ᱚᱢᱩᱫᱚᱱ ᱥᱚᱨᱢᱟ, ᱢᱮᱥᱱᱚᱢ ᱚᱢᱩᱵᱤ ᱥᱤᱝ, ᱠᱷᱮᱭᱰᱮᱢ ᱞᱳᱠᱮᱥᱳᱨ ᱥᱤᱝ, ᱠᱷᱭᱚᱛᱨᱤᱛᱳᱢᱵᱚᱨᱤ ᱫᱮᱵᱤ, ᱱᱚᱝᱜᱚᱢᱳᱢ ᱡᱳᱜᱮᱸᱫᱽᱨᱚ ᱥᱤᱝ, ᱟᱨ ᱤᱵᱳᱯᱷᱤᱥᱚᱠ ᱥᱚᱨᱢᱟ, ᱢᱚᱬᱤᱯᱩᱨᱤ ᱮᱱᱮᱡ ᱟᱨ ᱱᱚᱸᱜᱽᱢᱟᱛᱷᱮᱢ ᱛᱩᱢᱵᱟ ᱥᱤᱝ, ᱠᱷᱚᱸᱰᱟ ᱢᱳᱭᱱᱟ ᱫᱟᱱ , ᱱᱜᱟᱱᱜᱳᱢ ᱡᱳᱜᱮᱸᱫᱽᱨᱚ ᱥᱤᱝ, ᱟᱨ ᱥᱮᱨᱮᱧ ᱨᱮ ᱛᱷᱳᱠᱪᱳᱢ ᱜᱳᱯᱟᱞ ᱥᱤᱝ (ᱢᱚᱱᱚᱦᱚᱨᱥᱟᱭᱤ ᱠᱤᱨᱛᱚᱱ) ᱡᱟᱦᱟᱸ ᱞᱮᱠᱟ ᱧᱩᱛᱩᱢᱟᱱ ᱜᱟᱹᱠᱷᱳᱲ ᱜᱩᱨᱩ ᱠᱚ ᱴᱷᱮᱱ ᱠᱷᱚᱱ ᱥᱮᱪᱮᱫ ᱮ ᱟᱢᱮᱴ ᱞᱮᱫ-ᱟ ᱾[᱑]

ᱢᱚᱴᱷᱮ ᱮᱭᱟᱭ ᱵᱚᱨᱥᱚ ᱵᱚᱭᱚᱥ ᱠᱷᱚᱱ ᱥᱤᱧᱚᱛ ᱟᱨ ᱥᱤᱧᱚᱛ ᱵᱟᱦᱨᱮ ᱨᱮᱦᱚᱸ ᱟᱹᱰᱤ ᱜᱟᱱ ᱢᱮᱞᱟᱝᱠᱤ ᱨᱮ ᱩᱱᱤ ᱟᱡᱟᱜ ᱦᱩᱱᱟᱹᱨ ᱮ ᱩᱫᱩᱜ ᱥᱚᱫᱚᱨ ᱞᱮᱫ-ᱟ ᱟᱨ ᱚᱱᱟ ᱩᱱ ᱡᱚᱦᱚᱜ ᱠᱷᱚᱱ ᱜᱮ ᱪᱟᱞᱟᱣ ᱦᱮᱡ ᱟᱠᱟᱱᱟ ᱾ [᱔] ᱟᱡᱟᱜ ᱢᱟᱪᱮᱛᱟᱱᱤ ᱡᱤᱭᱚᱱ ᱫᱚ ᱟᱡᱟᱜ ᱟᱭᱳ ᱜᱟᱶᱛᱟ ᱨᱮ ᱮᱛᱚᱦᱚᱵ ᱞᱮᱱ ᱛᱟᱭᱟ, ᱡᱟᱦᱟᱸ ᱨᱮ ᱩᱱᱤ ᱫᱚ ᱯᱷᱮᱠᱚᱞᱴᱤ ᱥᱚᱦᱮᱛ ᱞᱮᱠᱟᱛᱮ ᱥᱮᱨᱢᱟ ᱒᱐᱐᱕ ᱨᱮ ᱡᱤᱨᱟᱹᱣᱜ ᱫᱷᱟᱹᱵᱤᱡ ᱮ ᱠᱟᱹᱢᱤ ᱞᱮᱫ ᱛᱟᱦᱮᱸᱫ ᱾ ᱮᱠᱟᱰᱮᱢᱤ ᱨᱮ ᱩᱱᱤ ᱫᱚ ᱯᱮᱲᱟ ᱢᱟᱨᱟᱝ ᱜᱩᱨᱩ ᱞᱮᱠᱟᱛᱮ ᱠᱟᱹᱢᱤᱭ ᱪᱟᱞᱟᱣ ᱤᱫᱤ ᱠᱮᱫ-ᱟ ᱟᱨ ᱚᱞ ᱤᱱᱰᱤᱭᱟ ᱨᱮᱰᱤᱭᱳ ᱨᱮ (All India Redio) ᱤᱢᱯᱷᱟᱞ ᱥᱴᱮᱥᱚᱱ ᱨᱮ ᱩᱱᱤ ᱫᱚ ᱴᱚᱯ ᱜᱽᱨᱮᱰ ᱵᱟᱰᱚᱦᱤᱭᱟᱹ ᱨᱮᱱᱟᱜ ᱢᱟᱹᱱ ᱮ ᱧᱟᱢ ᱞᱮᱫ-ᱟ ᱡᱟᱦᱟᱸ ᱫᱚ ᱚᱱᱟ ᱚᱠᱛᱚ ᱨᱮ ᱯᱩᱭᱞᱩ ᱛᱤᱨᱞᱟᱹ ᱞᱮᱠᱟᱛᱮᱭ ᱧᱟᱢ ᱞᱮᱫ-ᱟ ᱾ [᱑] ᱩᱱᱤ ᱫᱚ ᱣᱟᱭᱫᱤᱭᱟᱨᱚ, ᱱᱟᱴᱚ ᱥᱚᱝᱠᱤᱨᱛᱚᱱ ᱥᱮᱭᱤᱱᱚᱢ ᱥᱟᱸᱜᱽ ᱧᱩᱛᱩᱢᱟᱱ ᱢᱤᱫ ᱥᱮᱨᱮᱧ ᱥᱮᱪᱮᱫ ᱱᱤᱠᱮᱛᱚᱱ ᱨᱤᱱᱤᱡ ᱛᱷᱟᱯᱚᱱᱤᱭᱟᱹ ᱞᱮᱠᱟᱭ ᱛᱟᱦᱮᱸ ᱠᱟᱱᱟ ᱾ [᱔] ᱨᱚᱵᱤᱱᱫᱽᱨᱚ ᱵᱷᱟᱨᱚᱛᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮᱱᱟᱜ ᱵᱟᱪᱷᱱᱟᱣ ᱠᱩᱢᱩᱴ, ᱫᱩᱨᱫᱚᱨᱥᱚᱱ ᱚᱰᱤᱥᱚᱱ ᱵᱚᱨᱰ, ᱥᱤᱧᱚᱛᱤᱭᱟᱹ ᱧᱮᱮᱞᱚᱢ ᱱᱮᱴᱣᱚᱨᱠ ᱨᱮᱱᱤᱡ ᱟᱭᱟᱨ ᱥᱚᱦᱮᱛ ᱮ ᱛᱟᱦᱮᱸ ᱠᱟᱱᱟ ᱾ ᱵᱟᱨᱭᱟ ᱟᱞᱵᱚᱢ ᱨᱮ ᱟᱡᱟᱜ ᱥᱮᱨᱮᱧ ᱛᱩᱢᱟᱹᱞ ᱠᱟᱛᱮ ᱢᱮᱱᱟᱜ-ᱟ ᱟᱨ ᱢᱤᱫ ᱵᱚᱥᱚᱠ ᱥᱮᱨᱮᱧ ᱪᱮᱛᱟᱱ ᱨᱮ ᱢᱮᱱᱟᱜ ᱢᱤᱫ ᱯᱩᱛᱷᱤ ᱵᱚᱥᱚᱠ ᱧᱩᱛᱩᱢ ᱨᱮ ᱯᱟᱨᱥᱟᱞ ᱟᱠᱟᱱᱟ ᱾ [᱕]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. ᱑.᱐ ᱑.᱑ ᱑.᱒ Donny Luwang Meisnam (2015). "Yumlembam Gambhini Devi - Padmashree Awardee - 2005". E Pao. Retrieved 4 ᱰᱤᱥᱮᱢᱵᱚᱨ 2015. 
  2. "JNMDA - Present Teaching Staff". Sangeet Natak Akademi. 2015. Retrieved 4 ᱰᱤᱥᱮᱢᱵᱚᱨ 2015. 
  3. "Padma Awards". Ministry of Home Affairs, Government of India. 2015. Archived from the original (PDF) on 15 ᱱᱚᱵᱷᱮᱢᱵᱚᱨ 2014. Retrieved 21 ᱡᱩᱞᱟᱭ 2015.  Unknown parameter |url-status= ignored (help)
  4. ᱔.᱐ ᱔.᱑ ᱔.᱒ "Yumlembam Gambhini Devi - India Online". India Online. 2015. Retrieved 5 ᱰᱤᱥᱮᱢᱵᱚᱨ 2015. 
  5. Ẏuṃlembama Gambhinī Debī (2012). Bāsaka. p. 135. OCLC 813301482.