ᱮᱢᱹᱠᱮᱹ ᱱᱟᱨᱟᱭᱟᱱᱟᱱ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search

ᱮᱢᱹᱠᱮᱹ ᱱᱟᱨᱟᱭᱟᱱᱟᱱ (ᱡᱟᱱᱟᱢᱺ ᱑᱙ ᱢᱟᱨᱪ ᱑᱙᱓᱔) ᱫᱚ ᱢᱤᱫᱴᱮᱱ ᱟᱭᱹᱯᱤᱹᱮᱥᱹ ᱚᱯᱷᱤᱥᱟᱨ ᱟᱨ ᱥᱤᱧᱚᱛ ᱨᱟᱡᱟᱨᱤ ᱠᱷᱟᱱᱫᱟᱱ ᱠᱷᱚᱱ ᱠᱟᱱᱟᱭ| ᱩᱱᱤ ᱫᱚ ᱒᱐᱐᱕ ᱠᱷᱚᱱ ᱒᱐᱑᱐ ᱥᱮᱨᱢᱟ ᱦᱟᱹᱵᱤᱡ ᱥᱤᱧᱚᱛ ᱡᱟᱹᱛᱨᱤᱭᱟᱹ ᱫᱩᱜ ᱫᱟᱨᱟᱢ ᱥᱚᱥᱚᱞᱦᱟᱭᱤᱡ-ᱮ ᱛᱟᱦᱮᱸ ᱠᱟᱱᱟ, ᱩᱱᱤ ᱫᱚ ᱟᱡ ᱞᱟᱦᱟ ᱨᱮᱱ ᱥᱤᱧᱚᱛ ᱫᱩᱜ ᱫᱟᱨᱟᱢ ᱥᱚᱥᱚᱞᱦᱟᱭᱤᱡ ᱡᱭᱚᱛᱤᱱᱫᱽᱨᱟ ᱱᱟᱛᱷ ᱫᱤᱠᱥᱤᱛ ᱒᱐᱐᱕ ᱨᱮᱭᱮ ᱜᱩᱨᱮᱱ ᱛᱟᱭᱚᱢ ᱱᱚᱣᱟ ᱫᱟᱭᱤᱠ ᱫᱚᱭ ᱦᱟᱛᱟᱣ ᱞᱮᱫᱟ| ᱤᱱᱟᱹ ᱛᱟᱭᱚᱢ ᱩᱱᱤ ᱰᱚ ᱒᱐᱑᱐ ᱠᱷᱚᱱ ᱒᱐᱑᱔ ᱥᱮᱨᱢᱟ ᱦᱟᱹᱵᱤᱡ ᱯᱟᱪᱷᱮ ᱵᱟᱝᱞᱟ ᱨᱮᱱ ᱯᱚᱱᱚᱛ ᱜᱚᱢᱠᱮ ᱞᱮᱠᱟ ᱛᱮ ᱦᱚᱸᱭ ᱠᱟᱹᱢᱤ ᱞᱮᱫᱟ| ᱥᱤᱧᱚᱛ ᱫᱤᱥᱚᱢ ᱨᱮᱭᱟᱜ ᱱᱟᱜᱟᱨᱤᱭᱟᱹ ᱥᱤᱨᱯᱟᱹ ᱯᱚᱫᱽᱢᱤ ᱥᱨᱤ ᱛᱮ ᱑᱙᱙᱒ ᱥᱮᱨᱢᱟ ᱠᱚ ᱢᱟᱱᱚᱛ ᱞᱮᱫᱮᱭᱟ|

ᱮᱛᱚᱦᱚᱵ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱮᱢᱹᱠᱮᱹ ᱱᱟᱨᱟᱭᱟᱱᱟᱱ ᱫᱚ ᱠᱮᱨᱟᱞᱟ ᱯᱚᱱᱚᱛ ᱨᱮᱭᱟᱜ ᱯᱟᱞᱟᱠᱠᱟᱲ ᱦᱚᱱᱚᱛ ᱨᱮᱭᱟᱜ ᱚᱴᱴᱟ ᱯᱟᱞᱟᱢ ᱨᱮᱱ ᱠᱟᱱᱟᱭ, ᱩᱱᱠᱩ ᱣᱟᱜ ᱜᱷᱟᱨᱚᱧᱡᱽ ᱫᱚ ᱢᱤᱫᱴᱮᱱ ᱠᱮᱞᱟᱛᱷ ᱜᱷᱟᱨᱚᱧᱡᱽ ᱛᱟᱦᱮᱸ ᱠᱟᱱ ᱛᱟᱠᱚᱣᱟ|

ᱱᱟᱨᱟᱭᱟᱱᱟᱱ ᱫᱚ ᱪᱮᱱᱱᱟᱭ ᱨᱮᱭᱟᱜ ᱞᱚᱭᱚᱞᱟ ᱠᱚᱞᱮᱡᱽ ᱠᱷᱚᱱ ᱟᱡᱟᱜ ᱵᱮᱪᱞᱚᱨ ᱰᱤᱜᱽᱨᱤ ᱫᱚᱭ ᱦᱟ,ᱢᱮᱴ ᱞᱮᱫᱟ| ᱩᱱᱤ ᱫᱚ ᱯᱟᱫᱽᱢᱤᱱᱤ ᱱᱟᱨᱟᱭᱟᱱᱟᱱ ᱥᱟᱶᱮ ᱵᱟᱯᱞᱟ ᱞᱮᱱᱟ ᱟᱨ ᱩᱠᱤᱱ ᱨᱮᱱ ᱫᱚ ᱢᱤᱫᱴᱮᱱ ᱠᱚᱲᱟ ᱦᱚᱯᱚᱱ ᱧᱩᱛᱩᱢ ᱫᱚ ᱵᱤᱡᱟᱭ ᱟᱨ ᱢᱤᱫᱴᱮᱱ ᱠᱩᱲᱤ ᱦᱚᱯᱚᱱ ᱧᱩᱛᱩᱢ ᱫᱚ ᱢᱤᱱᱟ ᱢᱮᱱᱟᱜ ᱠᱤᱱ ᱛᱟᱹᱠᱤᱱᱟ| ᱩᱱᱤ ᱨᱮᱱ ᱡᱟᱶᱟᱭ ᱜᱚᱢᱠᱮᱛ ᱟᱜ ᱧᱩᱛᱩᱢ ᱫᱚ ᱠᱟᱱᱟ ᱟᱡᱤᱛ ᱱᱟᱢᱵᱟᱭᱟᱨ, ᱚᱠᱚᱭ ᱫᱚ ᱵᱤᱹᱯᱤᱹᱮᱞᱹ ᱞᱤᱢᱤᱴᱮᱰ ᱨᱮ ᱥᱩᱛᱨᱮᱛ ᱟᱨ ᱢᱮᱱᱮᱡᱤᱝ ᱰᱟᱭᱨᱮᱠᱴᱚᱨ ᱞᱮᱠᱟ ᱛᱮᱭᱮ ᱠᱟᱹᱢᱤ ᱠᱟᱱ|

ᱠᱮᱨᱤᱭᱟᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱮᱢᱹᱠᱮᱹ ᱱᱟᱨᱟᱭᱟᱱᱟᱱ ᱫᱚ ᱥᱤᱧᱚᱛᱤᱭᱟᱹ ᱯᱚᱞᱤᱥ ᱥᱮᱣᱟ ᱨᱮ ᱑᱙᱕᱕ ᱥᱮᱨᱢᱟ ᱨᱮᱭᱮ ᱵᱚᱞᱚ ᱞᱮᱱᱟ ᱟᱨ ᱟᱠᱚ ᱵᱮᱪ ᱨᱮ ᱡᱚᱛᱚ ᱠᱦᱚᱱ ᱥᱚᱨᱚᱥ ᱚᱞ ᱨᱟᱣᱩᱱᱰᱟᱨ ᱟᱢᱞᱟ ᱞᱮᱠᱟ ᱛᱮᱭᱮ ᱚᱰᱚᱠ ᱡᱤᱨᱟᱹᱣ ᱮᱱᱟ| ᱢᱟᱫᱽᱨᱟᱥ ᱨᱮᱭᱟᱜ ᱩᱱ ᱚᱠᱛᱮ ᱨᱮᱭᱟᱜ ᱢᱤᱫᱴᱮᱱ ᱥᱟᱵᱽ ᱰᱤᱵᱤᱡᱚᱱᱟᱞ ᱯᱚᱞᱤᱥ ᱟᱢᱞᱟ ᱞᱮᱠᱟ ᱛᱮ ᱟᱭᱢᱟ ᱥᱮᱨᱢᱟ ᱜᱮᱭᱮ ᱠᱟᱹᱢᱤ ᱞᱮᱫᱟ, ᱤᱱᱟᱹ ᱛᱟᱭᱱᱚᱢ ᱩᱱᱤ ᱫᱚ ᱑᱙᱕᱙ ᱥᱮᱨᱢᱟ ᱨᱮ ᱤᱱᱴᱮᱞᱤᱡᱮᱱᱥ ᱵᱤᱣᱨᱩ ᱨᱮᱭᱮ ᱵᱚᱞᱚ ᱞᱮᱱᱟ| ᱩᱱᱤ ᱫᱚ ᱟᱡᱟᱜ ᱠᱟᱹᱢᱤ ᱠᱟᱹᱥᱢᱤ ᱡᱤᱭᱚᱱ ᱫᱚ ᱥᱤᱧᱚᱛ ᱥᱚᱨᱠᱟᱨ ᱛᱟᱹᱨᱤ ᱠᱟᱹᱢᱤ ᱞᱮᱫᱟ, ᱟᱥᱚᱠᱟᱭ ᱛᱮ ᱤᱱᱴᱮᱞᱤᱡᱮᱱᱥ ᱵᱤᱣᱨᱩ ᱛᱟᱵᱮ ᱨᱮ, ᱚᱠᱟ ᱨᱮ ᱩᱱᱤ ᱫᱚ ᱟᱥᱚᱠᱟᱭ ᱛᱮ ᱥᱤᱧᱚᱛ ᱚᱲᱟᱜ ᱟᱨ ᱵᱟᱦᱨᱮ ᱡᱟᱹᱛᱨᱤᱭᱟᱹ ᱫᱩᱜ ᱫᱟᱨᱟᱢ ᱥᱟᱛᱷᱟᱢ ᱨᱮ ᱵᱟᱹᱲᱛᱤ ᱥᱟᱢᱟᱝ ᱫᱟᱯᱟᱨᱟᱢᱮᱫ ᱠᱟᱱ ᱛᱟᱦᱮᱸᱱᱟ|

ᱩᱱᱤ ᱫᱚ ᱤᱱᱴᱮᱞᱤᱡᱮᱱᱥ ᱵᱤᱣᱨᱩ ᱨᱮᱱ ᱢᱩᱠᱷᱭᱟᱹ ᱞᱮᱠᱟ ᱛᱮ ᱑᱙᱗᱘ ᱥᱮᱨᱢᱟ ᱠᱷᱚᱱ ᱑᱙᱙᱐ ᱥᱮᱨᱢᱟ ᱦᱟᱹᱵᱤᱡ ᱫᱟᱭᱤᱠᱮ ᱜᱚᱜ ᱞᱮᱫᱟ, ᱚᱱᱟ ᱫᱚ ᱛᱟᱦᱮᱸ ᱠᱟᱱᱟ ᱤᱱᱴᱮᱞᱤᱡᱮᱱᱥ ᱠᱚᱢᱤᱴᱤ ᱨᱮ ᱵᱚᱞᱚᱜ ᱢᱤᱫ ᱥᱮᱨᱢᱟ ᱢᱟᱲᱟᱝ|

ᱯᱚᱱᱚᱛ ᱜᱚᱢᱠᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱔ ᱡᱟᱱᱩᱣᱟᱨᱤ ᱒᱐᱑᱐ ᱢᱟᱹᱦᱤᱛ ᱨᱮ ᱱᱟᱨᱟᱭᱟᱱᱟᱱ ᱫᱚ ᱯᱟᱪᱷᱮ ᱵᱟᱝᱞᱟ ᱨᱮᱱ ᱯᱚᱱᱚᱛ ᱜᱚᱢᱠᱮ ᱞᱮᱠᱟ ᱛᱮ ᱠᱚ ᱚᱡᱚᱜ ᱵᱟᱦᱟᱞ ᱞᱮᱫᱮᱭᱟ| ᱩᱱᱤ ᱫᱚ ᱜᱚᱯᱟᱞ ᱠᱨᱤᱥᱱᱚ ᱜᱟᱱᱫᱷᱤ ᱛᱟᱭᱚᱢ ᱯᱚᱱᱚᱛ ᱜᱚᱢᱠᱮ ᱞᱮᱠᱟ ᱛᱮ ᱠᱚ ᱵᱟᱪᱷᱟᱣ ᱵᱟᱦᱟᱞ ᱞᱮᱫᱮᱭᱟ|

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]