ᱮᱥᱠᱟᱨᱞᱮᱴ ᱡᱳᱦᱟᱱᱥᱚᱱ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
ᱮᱥᱠᱟᱨᱞᱮᱴ ᱡᱳᱦᱟᱱᱥᱚᱱ
Scarlett Johansson in Kuwait 01b.jpg
Johansson at the 2019 San Diego Comic-Con
ᱡᱟᱱᱟᱢ ᱟᱨ ᱡᱟᱱᱟᱢ ᱴᱷᱟᱶ ᱮᱥᱠᱟᱨᱞᱮᱴ ᱤᱱᱜᱨᱤᱰ ᱡᱳᱦᱟᱱᱥᱚᱱ
ᱱᱚᱵᱷᱮᱢᱵᱚᱨ ᱒᱒, ᱑᱙᱘᱔ (1984-11-22) (᱓᱕ ᱥᱮᱨᱢᱟ)
New York City, New York, U.S.
ᱱᱟᱹᱜᱟᱹᱨᱤᱭᱟᱹ
  • United States
  • Denmark
ᱠᱟᱹᱢᱤ
  • Actress
  • singer
ᱠᱟᱹᱢᱤ ᱚᱠᱛᱚ ᱑᱙᱙᱔ ᱠᱷᱚᱱ ᱱᱤᱛ ᱫᱷᱟᱹᱵᱤᱡ
Works On screen and stage
ᱡᱤᱭᱚᱱ ᱥᱚᱦᱮᱫ
  • Ryan Reynolds
    (m. 2008; div. 2011)
  • Romain Dauriac
    (m. 2014; div. 2017)
ᱦᱚᱯᱚᱱ
ᱥᱤᱨᱯᱷᱟᱹ Full list
ᱥᱩᱦᱤ
Scarlett Johansson's signature.svg

ᱮᱥᱠᱟᱨᱞᱮᱴ ᱤᱱᱜᱨᱤᱰ ᱡᱳᱦᱟᱱᱥᱚᱱ (ᱡᱟᱱᱟᱢ:᱒᱒ ᱱᱚᱵᱷᱮᱢᱵᱚᱨ ᱑᱙᱘᱔)ᱫᱚ ᱢᱟᱨᱠᱤᱱ ᱥᱤᱱᱮᱢᱟ ᱠᱷᱮᱞᱚᱰᱤᱭᱟᱹ ᱟᱨ ᱥᱮᱨᱮᱧ ᱵᱟᱰᱚᱦᱤ ᱠᱟᱱᱟᱭ᱾ ᱩᱱᱤ ᱫᱚ ᱒᱐᱑᱔ ᱠᱷᱚᱱ ᱒᱐᱑᱖ ᱫᱷᱟᱹᱵᱤᱡ ᱫᱷᱟᱹᱨᱛᱤ ᱨᱮᱱ ᱡᱚᱛᱚ ᱠᱷᱚᱱ ᱡᱟᱹᱥᱛᱤ ᱵᱮᱛᱚᱱ ᱧᱟᱢ ᱚᱵᱷᱤᱱᱚᱭ ᱠᱷᱮᱞᱚᱰᱤᱭᱟᱹ ᱠᱟᱱᱟᱭ᱾ ᱯᱷᱳᱵᱳᱨᱥ ᱢᱮᱜᱟᱡᱤᱱ ᱨᱮ ᱠᱚᱭᱮᱠ ᱫᱷᱟᱣ ᱞᱮᱠᱟᱛᱮ ᱩᱱᱤ ᱥᱮᱨᱟ ᱑᱐᱐ ᱥᱟᱭ ᱦᱚᱲ ᱵᱷᱤᱛᱨᱤ ᱨᱮᱭ ᱛᱟᱸᱦᱮᱸᱠᱟᱱᱟ᱾ ᱠᱟᱹᱴᱤᱡ ᱠᱷᱚᱱ ᱜᱮ ᱚᱵᱷᱤᱱᱚᱭ ᱪᱮᱛᱟᱱ ᱨᱮ ᱟᱸᱥ ᱴᱟᱸᱦᱮᱸᱠᱟᱱᱛᱟᱭᱟ᱾ ᱩᱱᱤᱭᱟᱜ ᱯᱟᱹᱦᱤᱞ ᱥᱤᱱᱮᱢᱟ ᱫᱚ ᱦᱩᱭᱩᱜ ᱠᱟᱱᱟ ᱱᱚᱨᱛᱷ (᱑᱙᱙᱔) ᱧᱩᱛᱩᱢᱟᱱ ᱥᱤᱱᱮᱢᱟ᱾ ᱑᱙᱙᱖ ᱥᱮᱨᱢᱟ ᱨᱮ ᱩᱱᱤ ᱢᱮᱱᱤ ᱮᱱᱰ ᱞᱳ ᱥᱤᱱᱮᱢᱟ ᱨᱮ ᱚᱵᱷᱤᱱᱚᱭ ᱞᱟᱹᱜᱤᱛ ᱤᱱᱰᱤᱯᱮᱱᱰᱮᱱᱴ ᱤᱥᱯᱤᱨᱤᱴ ᱥᱤᱨᱯᱟᱹ ᱞᱟᱹᱜᱤᱛ ᱢᱚᱱᱚᱱᱚᱭᱚᱱᱮ ᱧᱟᱢ ᱞᱮᱫᱟ᱾ ᱡᱳᱦᱟᱱᱥᱚᱱ ᱫᱟ ᱦᱚᱨᱥ ᱦᱩᱭᱤᱥᱯᱟᱨ (᱑᱙᱙᱘) ᱥᱤᱱᱮᱢᱟ ᱛᱟᱞᱟᱛᱮ ᱱᱩᱤ ᱫᱚ ᱧᱩᱛᱩᱢᱟᱱ ᱚᱵᱷᱤᱱᱚᱭ ᱠᱷᱮᱞᱚᱰᱤᱭᱟᱹ ᱦᱤᱥᱟᱹᱵᱛᱮ ᱧᱩᱛᱩᱢ ᱯᱟᱥᱱᱟᱣ ᱫᱷᱩᱨᱟᱹᱣᱮᱱ ᱛᱟᱭᱟ᱾ ᱩᱱᱤᱭᱟᱜ ᱯᱟᱹᱦᱤᱞ ᱥᱚᱯᱷᱚᱞ ᱥᱤᱱᱮᱢᱟ ᱫᱚ ᱦᱩᱭᱩᱜ ᱠᱟᱱᱟ ᱜᱷᱳᱥᱴ ᱚᱣᱟᱨᱞᱰ(᱒᱐᱐᱑), ᱡᱟᱸᱦᱟᱸ ᱨᱮ ᱩᱱᱤᱭᱟᱜ ᱪᱚᱨᱤᱛ ᱨᱮᱱᱟᱜ ᱧᱩᱛᱩᱢ ᱛᱟᱸᱦᱮᱸᱠᱟᱱᱟ ᱨᱮᱵᱮᱠᱟ᱾

ᱮᱛᱦᱚᱵ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱮᱥᱠᱟᱨᱞᱮᱴ ᱤᱱᱜᱨᱤᱰ ᱡᱳᱦᱟᱱᱥᱚᱱ ᱫᱚ ᱑᱙᱘᱔ ᱥᱮᱨᱢᱟ ᱨᱮᱱᱟᱜ ᱒᱒ ᱱᱚᱵᱷᱮᱢᱵᱚᱨ ᱱᱤᱣ ᱤᱭᱚᱨᱠ ᱥᱤᱴᱤ ᱨᱮᱱᱟᱜ ᱢᱮᱱᱦᱟᱴᱚᱱ ᱵᱚᱨᱟ ᱨᱮᱭ ᱡᱟᱱᱟᱢ ᱟᱠᱟᱱᱟ᱾ ᱟᱡ ᱵᱟᱵᱟ ᱠᱟᱥᱴᱨᱮᱱ ᱳᱞᱟᱯᱷ ᱡᱳᱦᱟᱱᱥᱚᱱ ᱫᱚ ᱢᱤᱫᱴᱮᱱ ᱟᱨᱠᱤᱴᱮᱠᱪᱟᱨ ᱠᱟᱱᱟᱭ, ᱩᱱᱤ ᱫᱚ ᱰᱮᱹᱱᱢᱟᱨᱠ ᱨᱮᱱᱟᱜ ᱠᱳᱯᱮᱹᱱᱦᱮᱹᱜᱮᱹᱱ ᱨᱮᱭ ᱡᱟᱱᱟᱢᱞᱮᱱᱟ᱾ ᱟᱡ ᱜᱚᱲᱚᱢ ᱵᱟᱵᱟ ᱮᱭᱱᱟᱨ ᱡᱳᱦᱟᱱᱥᱚᱱ ᱫᱚ ᱱᱟᱜᱟᱢᱤᱭᱟᱹ, ᱱᱟᱴᱴᱚᱠᱟᱨ, ᱥᱤᱱᱮᱢᱟ ᱯᱚᱨᱤᱪᱟᱞᱚᱠ ᱮ ᱛᱟᱸᱦᱮᱸᱠᱟᱱᱟ᱾ ᱮᱥᱠᱟᱨᱞᱮᱴ ᱟᱡ ᱜᱚᱜᱚ ᱢᱮᱞᱟᱱᱤ ᱥᱞᱳᱣᱟᱱ ᱫᱚ ᱯᱨᱳᱡᱳᱡᱳᱠᱮ ᱛᱟᱸᱦᱮᱸᱠᱟᱱᱟ, ᱩᱱᱤ ᱫᱚ ᱤᱦᱩᱫᱤ ᱜᱷᱟᱸᱨᱚᱡᱽ ᱨᱮᱭ ᱡᱟᱱᱟᱢᱞᱮᱱᱟ᱾ ᱚᱱᱟᱛᱮ ᱮᱥᱠᱟᱨᱞᱮᱴ ᱫᱚ ᱤᱦᱩᱫᱤ ᱦᱤᱥᱟᱹᱵᱛᱮ ᱦᱚᱸ ᱟᱭᱟᱜ ᱩᱯᱨᱩᱢᱮ ᱮᱢ ᱵᱟᱲᱟᱭᱟ᱾ ᱩᱱᱤ ᱟᱡ ᱫᱤᱫᱤ ᱵᱷᱟᱱᱮᱥᱟᱣ ᱦᱚᱸ ᱢᱤᱫᱴᱮᱱ ᱠᱷᱮᱞᱚᱰᱤᱭᱟᱹ ᱠᱟᱱᱟᱭ᱾ ᱟᱡ ᱫᱟᱫᱟ ᱟᱫᱨᱤᱭᱟᱱ ᱟᱨ ᱡᱟᱣᱟ ᱵᱚᱭᱦᱟ ᱫᱚᱭ ᱦᱩᱭᱩᱜ ᱠᱟᱱᱟ ᱦᱟᱱᱴᱟᱨ᱾ ᱮᱥᱠᱟᱨᱞᱮᱴ ᱟᱡ ᱵᱟᱵᱟ ᱨᱮᱱ ᱯᱟᱹᱦᱤᱞ ᱵᱟᱹᱦᱩ ᱛᱚᱨᱚᱯᱷ ᱨᱮᱱ ᱢᱤᱫ ᱵᱚᱭᱦᱚ ᱠᱷᱨᱤᱥᱪᱤᱭᱟᱱ ᱢᱮᱱᱟᱭᱟ᱾ ᱮᱥᱠᱟᱨᱞᱮᱴ ᱟᱜ ᱫᱚ ᱢᱟᱨᱠᱤᱱ ᱟᱨ ᱰᱮᱹᱱᱤᱥ ᱵᱟᱱᱟᱨ ᱫᱤᱥᱟᱹᱢ ᱨᱮᱱᱟᱜ ᱜᱮ ᱱᱟᱜᱚᱨᱤᱠᱚᱛᱛᱚ ᱢᱮᱱᱟᱜ ᱛᱟᱭᱟ᱾

ᱠᱟᱹᱢᱤ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱐᱓ ᱥᱮᱨᱢᱟ ᱨᱮ ᱮᱥᱠᱟᱨᱞᱮᱴ ᱥᱮᱢᱟ ᱦᱚᱲᱟᱜ ᱪᱚᱨᱤᱛ ᱨᱮ ᱚᱵᱷᱤᱱᱚᱭᱮ ᱫᱷᱩᱨᱟᱹᱣ ᱞᱮᱱᱟ᱾ ᱚᱱᱟ ᱥᱮᱨᱢᱟ ᱩᱱᱤ ᱞᱚᱥᱴ ᱤᱱ ᱴᱨᱟᱱᱥᱞᱮᱥᱚᱱ ᱟᱨ ᱜᱟᱨᱞ ᱣᱤᱭᱛᱷ ᱟ ᱯᱟᱨᱞ ᱤᱭᱟᱨ ᱨᱤᱝ ᱧᱩᱛᱩᱢᱟᱱ ᱥᱤᱱᱮᱢᱟ ᱨᱮ ᱚᱵᱷᱤᱱᱚᱭ ᱠᱟᱛᱮ ᱜᱳᱞᱰᱮᱹᱱ ᱜᱞᱳᱵᱽ ᱥᱤᱨᱯᱟᱹ ᱞᱟᱹᱜᱤᱛ ᱢᱚᱱᱚᱱᱚᱭᱚᱱᱮ ᱧᱟᱢ ᱞᱮᱫᱟ᱾ ᱤᱱᱟᱹ ᱛᱚᱭᱚᱢ ᱒᱐᱐᱔ ᱥᱮᱨᱢᱟ ᱨᱮ ᱟ ᱞᱟᱵᱷ ᱥᱚᱝ ᱯᱷᱚᱨ ᱵᱚᱵᱤ ᱞᱚᱝ (᱒᱐᱐᱔) ᱨᱮ ᱢᱤᱫᱴᱮᱱ ᱠᱩᱲᱤ ᱜᱤᱫᱨᱟᱹ ᱟᱜ ᱪᱚᱨᱤᱛ ᱨᱮ ᱟᱨ ᱢᱮᱪ ᱯᱚᱭᱮᱱᱴ ᱧᱩᱛᱩᱢᱟᱱ ᱢᱤᱫᱴᱮᱱ ᱥᱤᱱᱮᱢᱟ ᱨᱮ ᱚᱵᱷᱤᱱᱚᱭ ᱞᱟᱹᱜᱤᱛ ᱫᱚᱲᱦᱟᱛᱮ ᱜᱳᱞᱰᱮᱹᱱ ᱜᱞᱳᱵᱽ ᱥᱤᱨᱯᱟᱹ ᱞᱟᱹᱜᱤᱛ ᱢᱚᱱᱚᱱᱚᱭᱚᱱᱮ ᱧᱟᱢ ᱞᱮᱫᱟ᱾ ᱩᱱ ᱚᱠᱛᱚᱨᱮᱜᱮ ᱦᱚᱱ ᱫᱟ ᱯᱨᱮᱥᱴᱤᱡᱽ (᱒᱐᱐᱖), ᱵᱷᱤᱠᱤ ᱠᱷᱨᱤᱥᱴᱤᱱᱟ ᱵᱟᱨᱥᱮᱞᱳᱱᱟ (᱒᱐᱐᱘) ᱩᱰᱩᱝ ᱞᱮᱱᱟ᱾ ᱤᱱᱟᱹ ᱵᱟᱫᱮ ᱮᱱᱤᱦᱚᱭᱟᱨ ᱟᱭ ᱞᱮᱹ ᱢᱟᱭ ᱦᱮᱹᱰ (᱒᱐᱐᱘) ᱟᱨ ᱵᱨᱮᱠ ᱟᱯ (᱒᱐᱐᱙) ᱧᱩᱛᱩᱢᱟᱱ ᱵᱟᱨᱮᱭᱟ ᱥᱮᱨᱮᱧ ᱠᱮᱥᱮᱴ ᱮ ᱩᱰᱩᱝ ᱞᱮᱫᱟ᱾

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱷᱮᱰᱟᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]