ᱮᱥ ᱥᱳᱢᱟᱱᱟᱛ

S. Somanath
Somanath in 2019
10th Chairman of the Indian Space Research Organisation
ᱵᱟᱭᱴᱷᱮᱨ ᱟᱠᱟᱱᱤᱡ
Assumed office ᱑᱕ ᱡᱟᱱᱩᱣᱟᱨᱤ ᱒᱐᱒᱒ (2022-01-15)
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ	K. Sivan
Director of Vikram Sarabhai Space Centre
ᱟᱹᱢᱟᱹᱞᱤ ᱨᱮ 22 January 2018 – 14 January 2022
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ	K. Sivan
ᱛᱟᱭᱚᱢ ᱟᱹᱢᱟᱹᱞᱤᱭᱟᱹ	S. Unnikrishnan Nair
Director of Liquid Propulsion Systems Centre
ᱟᱹᱢᱟᱹᱞᱤ ᱨᱮ 1 January 2015 – 23 January 2018
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ	K. Sivan
ᱛᱟᱭᱚᱢ ᱟᱹᱢᱟᱹᱞᱤᱭᱟᱹ	V. Narayanan
ᱯᱟᱨᱥᱚᱱᱟᱞ ᱵᱤᱵᱚᱨᱚᱱ
ᱡᱟᱱᱟᱢ	ᱡᱩᱞᱟᱭ 1963 (age 61) Cherthala, Kerala, India
ᱡᱤᱭᱚᱱ ᱥᱚᱦᱮᱫ	Valsalakumari
ᱦᱚᱯᱚᱱ	2
ᱥᱮᱪᱮᱫ ᱟᱠᱷᱲᱟ	TKM College of Engineering, Kollam (B.Tech.) Indian Institute of Science, Bengaluru (M.E.)

ᱥᱨᱤᱫᱷᱚᱨᱟ ᱯᱟᱱᱤᱠᱟᱨ ᱥᱳᱢᱟᱱᱟᱛ (ᱡᱟᱱᱟᱢ 1963 ᱥᱟᱞ ᱨᱮᱱᱟᱜ ᱡᱩᱞᱟᱭ ᱨᱮ ᱦᱩᱭ ᱟᱠᱟᱱᱟ), ᱡᱟᱦᱟᱸᱭ ᱫᱚ ᱮᱥ ᱥᱳᱢᱟᱱᱟᱛ ᱧᱩᱛᱩᱢ ᱛᱮ ᱩᱯᱨᱩᱢᱚᱜᱼᱟ , ᱩᱱᱤ ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱮᱭᱨᱟᱥᱯᱮᱥ ᱤᱝᱜᱤᱱᱤᱭᱟᱨ , ᱡᱟᱦᱟᱸᱭ ᱫᱚ ᱵᱷᱟᱨᱚᱛᱤᱭᱚ ᱥᱯᱮᱥ ᱨᱤᱥᱟᱨᱪ ᱚᱰᱳᱜᱽᱱᱟᱮᱥᱚᱱ ᱤᱥᱨᱳ ᱨᱮᱱ ᱪᱤᱭᱟᱨᱢᱮᱱ ᱞᱮᱠᱟᱛᱮ ᱠᱟᱹᱢᱤ ᱠᱟᱱᱟᱭ ᱾ ᱩᱱᱤᱭᱟᱜ ᱪᱤᱭᱟᱨᱥᱚᱱ ᱨᱮ , ᱤᱥᱨᱳ ᱫᱚ ᱪᱚᱱᱫᱨᱚᱱᱼ3 ᱧᱩᱛᱩᱢ ᱛᱮ ᱛᱮᱥᱟᱨ ᱵᱷᱟᱨᱚᱛ ᱨᱮᱭᱟᱜ ᱪᱚᱱᱫᱨᱚ ᱛᱚᱞᱟᱥ ᱥᱟᱸᱜᱷᱟᱨ ᱠᱚᱭ ᱪᱟᱞᱟᱣ ᱞᱮᱫᱟ ᱾ ᱵᱤᱠᱠᱨᱟᱢ ᱞᱮᱱᱰᱟᱨ ᱟᱨ ᱯᱨᱚᱜᱤᱭᱟᱱ ᱧᱩᱛᱩᱢ ᱛᱮ ᱨᱳᱵᱷᱟᱨ 23 ᱟᱜᱚᱥᱴ 2023 ᱥᱟᱞ ᱨᱮ 18:04 ᱴᱟᱲᱟᱝ ᱨᱮ ᱪᱚᱱᱫᱚᱨ ᱨᱮᱭᱟᱜ ᱫᱚᱠᱷᱤᱱ ᱚᱛ ᱴᱚᱴᱷᱟ ᱴᱷᱮᱱ ᱥᱮᱴᱮᱨ ᱞᱮᱱᱟ , ᱡᱟᱦᱟᱸ ᱫᱚ ᱵᱷᱟᱨᱚᱛ ᱫᱚ ᱯᱳᱭᱞᱳ ᱫᱤᱥᱚᱢ ᱨᱮ ᱪᱚᱱᱫᱚᱨ ᱫᱚᱠᱷᱤᱱ ᱚᱛ ᱴᱷᱮᱱ ᱟᱬᱜᱚᱦᱤᱡ ᱞᱮᱠᱟᱛᱮ ᱢᱤᱫᱴᱟᱝ ᱥᱚᱯᱚᱨᱚᱥᱚᱱᱛ ᱨᱮ ᱥᱮᱴᱮᱨ ᱮᱱᱟ ᱟᱨ ᱯᱩᱱ ᱟᱱᱟᱜ ᱫᱤᱥᱚᱢ ᱮ ᱪᱟᱸᱫᱚ ᱨᱮ ᱵᱷᱟ.ᱜᱤ ᱥᱟᱺᱦᱤᱡ ᱟᱬᱜᱚ ᱩᱫᱩᱜ ᱥᱚᱫᱚᱨ ᱠᱮᱫᱟ ᱾

ᱥᱳᱢᱟᱱᱟᱛ ᱫᱚ ᱵᱤᱠᱠᱨᱚᱢ ᱥᱨᱟᱵᱷᱟᱭ ᱥᱯᱮᱥ ᱥᱮᱱᱴᱟᱨ , ᱛᱤᱨᱩᱣᱚᱱᱚᱱᱛᱯᱩᱨᱚᱢ ᱨᱮᱱ ᱥᱟᱯᱲᱟᱣᱤᱡ ᱟᱨ ᱞᱤᱠᱭᱤᱰ ᱯᱨᱳᱯᱚᱞᱥᱚᱱ ᱥᱤᱥᱴᱮᱢ ᱥᱮᱱᱴᱟᱨ , ᱛᱤᱨᱩᱣᱚᱱᱚᱱᱛᱯᱩᱨᱚᱢ ᱨᱮᱱ ᱥᱟᱯᱲᱟᱣᱤᱡ ᱞᱮᱠᱟᱛᱮ ᱠᱟᱹᱢᱤ ᱟᱠᱟᱫᱟᱭ ᱾ ᱥᱳᱢᱟᱱᱟᱛ ᱫᱚ ᱜᱟᱹᱰᱤ ᱨᱮᱭᱟᱜ ᱱᱚᱠᱚᱞ ᱮᱛᱚᱦᱚᱵ ᱨᱮ ᱟᱡᱟᱜ ᱮᱱᱮᱢ ᱞᱟᱹᱜᱤᱫ ᱩᱯᱨᱩᱢᱚᱜᱼᱟ , ᱵᱤᱥᱮᱥᱠᱟᱭᱛᱮ ᱮᱛᱚᱦᱚᱵ ᱜᱟᱹᱰᱤ ᱨᱮᱭᱟᱜ ᱦᱚᱨᱟ ᱤᱝᱜᱤᱱᱮᱨᱤᱝ , ᱥᱴᱚᱨᱠ ᱮᱞ ᱰᱤᱡᱟᱭᱱ , ᱥᱴᱚᱨᱠᱚᱨᱠᱮᱞ ᱰᱤᱱᱟᱭᱱᱤᱠᱥ ᱟᱨ ᱯᱮᱨᱟᱴᱤᱠᱱᱤᱠ ᱨᱮᱭᱟᱜ ᱴᱚᱴᱷᱟ ᱨᱮ ᱾

ᱮᱛᱚᱦᱚᱵ ᱡᱤᱭᱚᱱ ᱟᱨ ᱥᱮᱪᱮᱫ

ᱥᱳᱢᱱᱟᱛᱷ ᱫᱚ ᱢᱤᱫ ᱢᱟᱞᱟᱭᱟᱞᱤ ᱜᱷᱟᱨᱚᱸᱡᱽ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱥᱨᱤᱫᱷᱚᱨᱟ ᱯᱟᱱᱤᱠᱚᱨ, ᱩᱱ ᱚᱠᱛᱚ ᱨᱮ ᱢᱤᱫ ᱧᱩᱛᱩᱢᱟᱱ ᱦᱤᱱᱫᱤ ᱢᱟᱪᱮᱛ ᱮ ᱛᱟᱦᱮᱸ ᱠᱟᱱᱟ ᱛᱷᱟᱱᱠᱚᱢᱢᱟ ᱛᱩᱨᱟᱵᱩᱨ, ᱠᱮᱨᱟᱞᱟ ᱨᱮ ᱾

ᱥᱳᱢᱟᱱᱟᱛ ᱫᱚ ᱥᱮᱱᱴ ᱚᱜᱟᱥᱴᱤᱱᱥ ᱦᱟᱭᱥᱠᱩᱞ ' ᱟᱨᱩᱨ ' ᱼᱨᱮ ᱥᱮᱪᱮᱫ ᱮ ᱦᱟᱛᱟᱣ ᱞᱮᱫᱟ ᱟᱨ ᱢᱚᱦᱟᱨᱟᱥᱴᱨᱚ ᱨᱮᱭᱟᱜ ᱢᱚᱦᱟᱡᱚᱥ ᱢᱟᱦᱟ ᱵᱤᱨᱫᱟᱹᱜᱟᱲ ᱠᱷᱚᱱ ᱟᱡᱟᱜ ᱢᱟᱲᱟᱝ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱨᱮᱱᱟᱜ ᱠᱟᱹᱢᱤ ᱦᱚᱨᱟ ᱢᱩᱪᱟᱹᱫ ᱞᱮᱫᱟ ᱾ ᱩᱱᱤ ᱫᱚ ᱛᱷᱟᱝᱜᱟᱞ ᱠᱩᱱᱡᱩ ᱢᱚᱥᱟᱞᱤᱭᱟᱨ ᱠᱚᱞᱮᱡᱽ ᱚᱯᱷ ᱤᱱᱡᱤᱱᱤᱭᱟᱨᱤᱝ ᱠᱳᱞᱞᱟᱢ ᱠᱮᱨᱟᱞᱟ ᱡᱮᱜᱮᱫ ᱵᱤᱨᱫᱟᱹᱜᱟᱲ ᱠᱷᱚᱱ ᱢᱮᱠᱱᱤᱠᱮᱞ ᱤᱱᱡᱤᱱᱤᱭᱟᱨᱤᱝ ᱨᱮ ᱜᱨᱟᱡᱤᱭᱩᱴ ᱰᱤᱜᱽᱨᱤ ᱟᱨ ᱵᱷᱟᱨᱚᱛᱤᱭᱚ ᱤᱱᱥᱴᱤᱭᱩᱴ ᱚᱯᱷ ᱥᱟᱭᱮᱱᱥ ᱵᱟᱝᱞᱟ ᱠᱷᱚᱱ ᱰᱤᱱᱟᱢᱤᱠ ᱟᱨ ᱠᱚᱱᱴᱨᱳᱞ ᱨᱮ ᱠᱷᱟᱥ ᱥᱟᱶᱛᱮ ᱮᱭᱟᱨᱥᱯᱮᱥ ᱤᱱᱡᱤᱱᱤᱭᱟᱨᱤᱝ ᱨᱮ ᱢᱟᱨᱥᱴᱥ ᱰᱤᱜᱽᱨᱤ ᱦᱟᱢᱮᱴ ᱞᱮᱫᱟᱭ ᱾

ᱠᱟ.ᱢᱤ

ᱥᱮᱪᱮᱫ ᱢᱩᱪᱟᱹᱫ ᱛᱟᱭᱚᱢ , ᱥᱳᱢᱟᱱᱟᱛ 1985 ᱥᱟᱹᱦᱤᱛ ᱨᱮ ᱵᱤᱠᱠᱨᱚᱢ ᱥᱟᱨᱟᱵᱷᱟᱭ ᱥᱯᱮᱥ ᱥᱮᱱᱴᱟᱨ ᱨᱮᱭ ᱥᱮᱞᱮᱫ ᱞᱮᱱᱟ ᱾ ᱮᱛᱚᱦᱚᱵ ᱚᱠᱛᱮ ᱩᱱᱤ ᱫᱚ ᱯᱳᱞᱟᱨ ᱥᱮᱴᱮᱞᱟᱭᱴ ᱞᱳᱱᱪ ᱵᱷᱤᱠᱮᱞ ᱯᱟᱱᱛᱷᱟ ᱥᱟᱞᱟᱜ ᱮ ᱥᱮᱞᱮᱫ ᱞᱮᱱᱟ ᱾ 2010 ᱥᱟᱹᱦᱤᱛ ᱨᱮ ᱩᱱᱤ ᱫᱚ ᱵᱤᱠᱠᱨᱟᱢ ᱥᱟᱨᱟᱵᱷᱟᱭ ᱥᱯᱮᱥ ᱥᱮᱱᱴᱟᱨ ᱨᱮᱱ ᱮᱥᱳᱥᱤᱭᱮᱴ ᱰᱤᱨᱟᱭᱠᱮᱴ ᱟᱨ ᱜᱤᱭᱳᱥᱤᱱᱠᱨᱚᱱᱚᱥ ᱥᱮᱴᱮᱞᱟᱭᱤᱴ ᱞᱳᱱᱪ ᱵᱷᱤᱠᱮᱞ ᱢᱟᱨᱠ 3 ᱟᱱᱟᱜ ᱮᱛᱚᱦᱚᱵ ᱜᱟᱹᱰᱤ ᱨᱮᱱ ᱯᱟᱱᱛᱷᱟ ᱰᱤᱨᱟᱭᱠᱮᱴ ᱮ ᱦᱩᱭ ᱞᱮᱱᱟ ᱾ ᱩᱱᱤ ᱫᱚ 2014 ᱥᱟᱹᱦᱤᱛ ᱨᱮᱭᱟᱜ ᱱᱚᱵᱷᱮᱢᱵᱚᱨ ᱦᱟᱹᱵᱤᱡ ᱯᱨᱳᱯᱟᱞᱥᱚᱱ ᱮᱱᱰ ᱥᱯᱮᱥ ᱚᱰᱤᱱᱮᱱᱥ ᱮᱱᱴᱤᱴᱤ ᱨᱮᱱ ᱩᱯᱚᱼᱫᱚᱭᱟᱨᱚᱱ ᱮ ᱛᱟᱦᱮᱸᱠᱟᱱᱟ ᱾