ᱮᱰᱟᱢ ᱤᱥᱢᱤᱛᱷ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
Adam Smith

ᱮᱰᱟᱢ ᱥᱢᱤᱛᱷ (᱕ ᱡᱩᱱ ᱑᱗᱒᱓ ᱠᱷᱚᱱ ᱑᱗ ᱡᱩᱞᱟᱭ ᱑᱗᱙᱐ ) ᱫᱚ ᱢᱤᱫ ᱥᱠᱟᱴᱤᱥ ᱨᱟᱡᱽᱼᱠᱟ.ᱣᱰᱤ ᱟ.ᱨᱤᱭᱟ., ᱥᱟᱱᱟᱥᱤᱭᱟ., ᱟᱨ ᱨᱟᱡᱽᱼᱟ.ᱨᱤᱭᱟ.ᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱠᱟ.ᱣᱰᱤ ᱟ.ᱨᱤ ᱨᱤᱱᱤᱡ ᱡᱟᱱᱟᱢ ᱫᱟᱛᱟ ᱢᱮᱱᱛᱮ ᱦᱚᱸ ᱠᱚ ᱢᱮᱛᱟᱭᱟ ᱾ ᱦᱟ.ᱞᱤ ᱠᱟ.ᱣᱰᱤ ᱟ.ᱨᱤ ᱨᱤᱱᱤᱡ ᱥᱤᱨᱡᱚᱱᱤᱭᱟ. ᱠᱚ ᱛᱟᱞᱟᱨᱮ ᱮᱰᱟᱢ ᱥᱢᱤᱛᱷ ( ᱡᱩᱱ ᱕, ᱑᱗᱒᱓ ᱼ ᱡᱩᱞᱟᱭ ᱑᱗, ᱑᱗᱙᱐ ) ᱟᱜ ᱧᱩᱛᱩᱢ ᱫᱚ ᱡᱚᱛᱚ ᱠᱷᱚᱱ ᱯᱩᱭᱞᱩ ᱨᱮ ᱛᱟᱦᱮᱸᱱᱟ ᱾ ᱟᱡᱟᱜ ᱯᱚᱛᱚᱵ ᱡᱟ.ᱛᱤᱭᱟ.ᱨᱤ ᱥᱚᱢᱯᱚᱛᱤ (The Wealth of Nations ) ᱫᱚ ᱜᱮᱨᱟ.ᱞ ᱟᱱᱟᱜ ᱥᱚᱛᱟᱵᱽᱫᱷᱤ ᱨᱤᱱ ᱱᱟᱜᱟᱢᱤᱭᱟᱹ ᱟᱨ ᱠᱟ.ᱣᱰᱤᱼᱟ.ᱨᱤᱭᱟ. ᱠᱚ ᱪᱮᱛᱟᱱ ᱨᱮ ᱟ.ᱰᱤ ᱡᱩᱨ ᱚᱨᱥᱚᱝ ᱯᱟᱲᱟᱣ ᱞᱮᱱᱟ ᱾ ᱠᱟᱨᱞ ᱢᱟᱨᱠᱥ ᱠᱷᱚᱱ ᱮᱛᱚᱦᱚᱵ ᱠᱟᱛᱮ ᱰᱮᱵᱤᱰ ᱨᱤᱠᱟᱨᱰᱚ ᱫᱷᱟ.ᱵᱤᱡ ᱟ.ᱰᱤᱜᱟᱱ ᱧᱩᱛᱩᱢ ᱟᱨᱡᱟᱣ ᱟᱠᱟᱫ ᱠᱟ.ᱣᱰᱤᱼᱟ.ᱨᱤᱭᱟ., ᱥᱟᱶᱛᱟᱼᱥᱟᱬᱮᱥᱤᱭᱟ. ᱟᱨ ᱨᱟᱡᱽᱱᱮᱛᱟ ᱮᱰᱟᱢ ᱥᱢᱤᱛᱷ ᱠᱷᱚᱱ ᱫᱤᱥᱼᱩᱫᱤᱥ ᱦᱟᱛᱟᱣ ᱟᱠᱟ ᱠᱚ ᱛᱟᱦᱮᱸ ᱟᱠᱟᱱᱟ ᱾ ᱵᱟᱜᱮ ᱟᱱᱟᱜ ᱥᱚᱛᱟᱵᱽᱫᱷᱤ ᱨᱤᱱᱤᱡ ᱠᱟ.ᱣᱰᱤᱼᱟ.ᱨᱤᱭᱟ. ᱨᱮ ᱡᱟᱦᱟᱸᱭ ᱫᱚ ᱮᱰᱟᱢ ᱥᱢᱤᱛᱷ ᱟᱜ ᱩᱭᱦᱟ.ᱨ ᱠᱷᱚᱱ ᱫᱤᱥᱼᱩᱫᱤᱥ ᱮ ᱦᱟᱛᱟᱣ ᱟᱠᱟᱜᱼᱟ ᱾ ᱩᱱᱠᱩ ᱠᱚ ᱛᱟᱞᱟᱨᱮ ᱢᱟᱨᱠᱥ, ᱤᱸᱜᱮᱞᱥ, ᱢᱟᱞᱛᱷᱚᱥ, ᱢᱤᱞ, ᱠᱮᱸᱱᱥ (keynes) ᱟᱨ ᱯᱷᱨᱟᱭᱤᱰᱢᱮᱱ (Friedman) ᱠᱚᱣᱟᱜ ᱧᱩᱛᱩᱢ ᱠᱚᱫᱚ ᱯᱩᱭᱞᱩ ᱨᱮ ᱾ ᱱᱤᱡᱮ ᱮᱰᱟᱢ ᱥᱢᱤᱛᱷ ᱴᱷᱮᱱ ᱟᱨᱤᱥᱴᱚᱴᱚᱞ, ᱡᱟᱱ ᱞᱟᱠ, ᱦᱟᱵᱽᱥ, ᱢᱮᱰᱵᱤᱞᱮ, ᱯᱷᱨᱟᱱᱥᱤᱥ ᱦᱚᱪᱥᱚᱱ, ᱦᱭᱩᱢ, ᱟᱨ ᱦᱚᱸ ᱵᱩᱫᱷᱤᱢᱟᱱ ᱠᱚᱣᱟᱜ ᱚᱨᱥᱚᱝ ᱛᱟᱦᱮᱸ ᱠᱟᱱᱟ ᱾ ᱥᱢᱤᱛᱷ ᱫᱚ ᱠᱟ.ᱣᱵᱤ ᱟ.ᱨᱤ, ᱨᱟᱡᱽᱼᱟ.ᱨᱤ ᱥᱟᱱᱟᱥ, ᱟᱨ ᱦᱚᱸ ᱨᱤᱛᱼᱟ.ᱨᱤᱭᱟᱜ ᱴᱷᱟᱶᱨᱮ ᱫᱟᱢᱼᱟᱱᱟᱜ ᱮ ᱠᱟ.ᱢᱤ ᱟᱠᱟᱜᱼᱟ ᱾ ᱤᱠᱷᱟ.ᱱ ᱩᱱᱤ ᱵᱟ.ᱲᱛᱤ ᱢᱟᱱᱟᱣ ᱫᱚ ᱠᱟ.ᱣᱰᱤᱼᱟ.ᱨᱤ ᱞᱟ.ᱜᱤᱫ ᱜᱮᱭ ᱧᱟᱢ ᱟᱠᱟᱜᱼᱟ ᱾

ᱡᱟᱱᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱮᱰᱟᱢ ᱥᱢᱤᱛᱷ ᱟᱜ ᱡᱟᱱᱟᱢ ᱚᱠᱛᱚ ᱫᱚ ᱴᱷᱟ.ᱣᱠᱟ. ᱵᱟ.ᱱᱩᱜᱼᱟ ᱾ ᱛᱤᱱᱟᱹᱜ ᱜᱟᱱ ᱜᱮᱭᱟᱱᱤᱭᱟ. ᱩᱱᱤᱭᱟᱜ ᱡᱟᱱᱟᱢ ᱫᱚ ᱕ ᱡᱩᱱ ᱑᱗᱒᱓ ᱟᱨ ᱛᱤᱱᱟᱹᱜ ᱜᱟᱱ ᱫᱚ ᱤᱱᱟ. ᱥᱮᱨᱢᱟ ᱨᱮᱭᱟᱜ ᱑᱖ ᱡᱩᱱ ᱠᱚ ᱢᱟᱱᱟᱣᱼᱟ ᱾ ᱡᱟᱦᱟᱸᱱᱟᱜ ᱜᱮ ᱦᱩᱭ ᱠᱚᱜ ᱤᱠᱷᱟ.ᱱ ᱩᱱᱤᱭᱟᱜ ᱡᱟᱱᱟᱢ ᱫᱚ ᱥᱠᱳᱴᱞᱮᱸᱰ ᱨᱮᱭᱟᱜ ᱢᱤᱫ ᱟ.ᱛᱩ ᱠᱤᱨᱠᱟᱞᱫᱤ (kirkaldy, fife, Scotland) ᱨᱮ ᱦᱩᱭ ᱞᱮᱱᱟ ᱾ ᱮᱰᱟᱢ ᱤᱡ ᱵᱟᱵᱟ ᱫᱚ ᱠᱟᱥᱴᱚᱢ ᱵᱤᱵᱷᱟᱜᱽᱨᱮ ᱤᱱᱪᱟᱨᱡᱽ ᱞᱮᱠᱟᱛᱮᱭ ᱛᱟᱦᱮᱸ ᱦᱩᱭ ᱟᱠᱟᱱᱟ ᱾ ᱤᱠᱷᱟ.ᱱ ᱩᱱᱤᱭᱟᱜ ᱜᱩᱨ ᱫᱚ ᱥᱢᱤᱛᱷ ᱟᱜ ᱡᱟᱱᱟᱢ ᱨᱮᱭᱟᱜ ᱥᱩᱨᱥᱩᱯᱩᱨ ᱛᱩᱨᱩᱭ ᱪᱟᱸᱫᱚ ᱢᱟᱬᱟᱝ ᱨᱮᱜᱮ ᱦᱩᱭ ᱴᱷᱤᱠ ᱟᱠᱟᱱ ᱛᱟᱦᱮᱸᱫ ᱾ ᱮᱰᱟᱢ ᱟᱡ ᱨᱤᱱ ᱟᱭᱳ ᱵᱟᱵᱟ ᱨᱤᱱ ᱫᱚ ᱦᱩᱭ ᱫᱟᱲᱮᱭᱟᱜᱼᱟ ᱢᱤᱫᱴᱟᱹᱝ ᱜᱮ ᱦᱚᱯᱚᱱ ᱮ ᱛᱟᱦᱮᱸ ᱠᱟᱱᱟ ᱾

ᱩᱱᱤ ᱯᱩᱱ ᱥᱮᱨᱢᱟ ᱜᱮᱭ ᱦᱩᱭ ᱟᱠᱟᱱ ᱛᱟᱦᱮᱸᱫ, ᱟ.ᱰᱤ ᱢᱟᱨᱟᱝ ᱟᱜᱷᱟᱛ ᱥᱟᱢᱟᱝ ᱛᱮ ᱦᱩᱭ ᱟᱫᱮ ᱛᱟᱦᱮᱸᱫ ᱾ ᱡᱤᱯᱥᱤ ᱧᱩᱛᱩᱢ ᱟᱱ ᱢᱤᱫ ᱜᱟᱶᱛᱟ ᱦᱚᱛᱮᱛᱮ ᱮᱰᱟᱢ ᱠᱚ ᱠᱩᱸᱵᱽᱲᱩ ᱠᱮᱫᱮᱭᱟ ᱾ ᱩᱱ ᱡᱚᱦᱚᱜ ᱟᱡ ᱦᱚᱯᱚᱱ ᱵᱟ ᱟᱡ ᱟᱭᱳᱭ ᱜᱚᱲᱚ ᱟᱫᱮᱭᱟ ᱾ ᱚᱨᱡᱚ ᱞᱮᱠᱟᱛᱮ ᱮᱰᱟᱢ ᱱᱟᱯᱟᱭ ᱛᱮᱠᱚ ᱟ.ᱜᱩ ᱨᱩᱣᱟ.ᱲ ᱠᱮᱫᱮᱭᱟ ᱾


ᱚᱞ ᱯᱚᱲᱦᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟᱵᱟᱦᱟᱜ ᱜᱩᱨ ᱛᱟᱭᱚᱢ ᱥᱢᱤᱛᱷ ᱫᱚ ᱟᱡ ᱟᱭᱳ ᱜᱮ ᱜᱞᱟᱥᱜᱳ ᱡᱮᱜᱮᱛ ᱵᱤᱨᱫᱟ.ᱜᱟᱲ ᱨᱮ ᱯᱟᱲᱦᱟᱣᱜ ᱞᱟ.ᱜᱤᱫ ᱮ ᱵᱷᱮᱡᱟ ᱠᱮᱫᱮᱭᱟ ᱾ ᱩᱱ ᱡᱚᱦᱚᱜ ᱥᱢᱤᱛᱷ ᱟᱜ ᱵᱚᱭᱚᱥ ᱫᱚ ᱠᱷᱟ.ᱞᱤ ᱜᱮᱯᱩᱱ ᱥᱮᱨᱢᱟ ᱜᱮ ᱦᱩᱭ ᱟᱠᱟᱱ ᱛᱟᱦᱮᱸᱫ ᱾ ᱟ.ᱰᱤ ᱱᱟᱯᱟᱭ ᱵᱩᱫᱷᱤ ᱛᱟᱦᱮᱸ ᱠᱟᱱ ᱛᱟᱭ ᱠᱷᱟ.ᱛᱤᱨ ᱩᱱᱤ ᱟᱥᱲᱟ ᱨᱮᱭᱟᱜ ᱯᱚᱲᱦᱚᱱ ᱫᱚ ᱟ.ᱰᱤ ᱱᱟᱯᱟᱭ ᱮᱞᱮᱞ ᱚᱨᱡᱚ ᱛᱮᱭ ᱥᱟ.ᱛ ᱠᱮᱜᱼᱟ ᱾ ᱡᱟᱦᱟᱸ ᱠᱷᱟ.ᱛᱤᱨ ᱩᱱᱤ ᱥᱠᱳᱞᱟᱨᱥᱤᱯ ᱮ ᱧᱟᱢ ᱮᱫ ᱛᱟᱦᱮᱸᱫ ᱾ ᱱᱤᱭᱟ. ᱛᱟᱭᱚᱢ ᱯᱟᱲᱦᱟᱣ ᱞᱟ.ᱜᱤᱫ ᱫᱚ ᱚᱠᱥᱯᱷᱚᱨᱰ ᱡᱮᱜᱮᱛ ᱵᱤᱨᱫᱟ.ᱜᱟᱲ ᱥᱮᱱᱚᱜ ᱨᱮᱭᱟᱜ ᱦᱚᱨ ᱡᱷᱤᱡ ᱮᱱᱟ ᱾ ᱚᱸᱰᱮ ᱩᱱᱤ ᱥᱮᱫᱟᱭ ᱢᱟᱨᱮ ᱭᱩᱨᱚᱯᱤᱭᱟ. ᱯᱟ.ᱨᱥᱮ ᱨᱮᱭᱟᱜ ᱥᱮᱪᱮᱫ ᱮ ᱟᱢᱮᱴ ᱠᱮᱜᱼᱟ ᱾ ᱩᱱ ᱚᱠᱛᱚ ᱫᱷᱟ.ᱵᱤᱡ ᱱᱚᱣᱟ ᱴᱷᱟ.ᱣᱠᱟ. ᱵᱟᱝ ᱦᱩᱭ ᱫᱟᱲᱮ ᱟᱠᱟᱱ ᱛᱟᱦᱮᱸᱫ ᱯᱟ.ᱨᱥᱤ ᱥᱟᱬᱮᱥ ᱨᱮᱱᱤᱡ ᱩᱱᱤ ᱪᱮᱛᱮᱫᱤᱭᱟ. ᱢᱟᱬᱟᱝ ᱪᱟᱞᱟᱣ ᱠᱟᱛᱮ ᱠᱟ.ᱣᱰᱤ ᱟ.ᱨᱤ ᱴᱷᱟᱶᱨᱮ ᱠᱷᱟ.ᱞᱤ ᱩᱱᱤ ᱧᱩᱛᱩᱢ ᱥᱩᱢᱩᱝ ᱵᱟᱝ ᱟᱢᱮᱴ ᱠᱟᱛᱮ ᱟᱡᱟᱜ ᱢᱩᱬ ᱛᱷᱟᱯᱚᱱ ᱨᱮᱭᱟᱜ ᱫᱟᱲᱮᱛᱮ ᱥᱮᱨᱢᱟᱠᱤᱭᱟ. ᱠᱟ.ᱣᱰᱤ ᱵᱮᱵᱚᱥᱛᱟ ᱴᱷᱟᱶ ᱨᱮᱦᱚᱸ ᱡᱩᱜᱽ ᱟ.ᱨᱩᱯᱷᱮᱨᱟᱣᱤᱭᱟ. ᱞᱮᱠᱟᱛᱮ ᱮᱱᱮᱢ ᱦᱚᱸᱛᱟᱭ ᱛᱟᱦᱮᱸᱱᱟ ᱾ ᱑᱗᱓᱘ ᱥᱟᱞᱮᱨᱮ ᱥᱢᱤᱛᱷ ᱫᱚ ᱡᱚᱛᱚ ᱠᱷᱚᱱ ᱧᱩᱛᱩᱢᱟᱱ ᱜᱟ.ᱠᱷᱩᱲ ᱼ ᱥᱟᱱᱟᱥᱤᱭᱟ. ᱯᱷᱨᱟᱱᱥᱤᱥ ᱦᱚᱪᱤᱥᱚᱱ ᱟᱨ ᱧᱮᱞ ᱡᱚᱛᱚᱱ ᱨᱮ ᱥᱟᱱᱟᱥ ᱟ.ᱨᱤ ᱨᱤ ᱥᱚᱱᱮᱨ ᱵᱤᱱᱤᱰ ᱮ ᱥᱟ.ᱛ ᱠᱮᱜᱼᱟ ᱾ ᱩᱱᱤ ᱯᱷᱨᱟᱱᱥᱤᱥ ᱨᱤᱱᱤᱡ ᱢᱮᱫᱷᱟ ᱴᱷᱮᱱ ᱟ.ᱰᱤ ᱡᱩᱨ ᱮ ᱚᱨᱥᱚᱝ ᱮᱱᱟ ᱥᱟᱶᱛᱮ ᱩᱱᱤ ᱟᱨ ᱩᱱᱤ ᱥᱟᱶ ᱯᱟᱲᱦᱟᱣ ᱠᱟᱛᱮᱭ ᱠᱷᱮᱢᱟᱣ ᱟᱠᱟᱪ ᱚᱠᱛᱚ ᱠᱚ ᱵᱟᱝ ᱦᱤᱲᱤᱧᱚᱜᱼᱟ ᱢᱮᱱᱛᱮᱭ ᱢᱟᱱᱟᱣᱟ ᱾ ᱟ.ᱰᱤ ᱵᱟ.ᱲᱛᱤ ᱵᱩᱫᱷᱤ ᱛᱟᱭ ᱛᱟᱦᱮᱸ ᱠᱟᱱ ᱠᱷᱟ.ᱛᱤᱨ ᱥᱢᱤᱛᱷ ᱟᱜ ᱜᱮᱭᱟᱱ ᱫᱚ ᱵᱤᱨᱫᱟ.ᱜᱟᱲ ᱯᱟᱲᱦᱟᱣᱜ ᱚᱠᱛᱚ ᱠᱷᱚᱱ ᱜᱮ ᱩᱯᱨᱩᱢ ᱮ ᱮᱢᱮᱫ ᱛᱟᱦᱮᱸᱫ ᱾ ᱚᱱᱟᱛᱮ ᱯᱟᱲᱦᱟᱣ ᱥᱟ.ᱛ ᱛᱟᱭᱚᱢ ᱡᱩᱣᱟ.ᱱ ᱥᱢᱤᱛᱷ ᱛᱤᱱ ᱡᱚᱦᱚᱜ ᱨᱩᱣᱟ.ᱲ ᱠᱟᱛᱮ ᱟᱡ ᱨᱤᱱ ᱦᱟᱯᱲᱟᱢ ᱠᱚᱣᱟᱜ ᱱᱟᱜᱟᱨ ᱥᱠᱳᱴᱞᱮᱸᱰ ᱮ ᱥᱮᱴᱮᱨ ᱮᱱᱟ, ᱤᱱᱟ.ᱜ ᱛᱮᱫᱚ ᱩᱱᱤ ᱟ.ᱰᱤᱜᱟᱱ ᱫᱟᱢᱟᱱ ᱜᱟᱞᱚᱪ ᱮ ᱮᱢ ᱦᱩᱭ ᱟᱠᱟᱫ ᱛᱟᱦᱮᱸᱫ ᱾ ᱡᱟᱦᱟᱸ ᱠᱷᱟ.ᱛᱤᱨ ᱟᱡᱟᱜ ᱱᱟᱯᱟᱭ ᱩᱯᱨᱩᱢ ᱯᱟᱥᱱᱟᱣ ᱤᱫᱤᱜ ᱠᱟᱱ ᱛᱟᱦᱮᱸᱫ ᱾


ᱟᱨ ᱦᱚᱸ ᱧᱮᱞ ᱢᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

https://en.m.wikipedia.org/wiki/Organizational_capital

https://en.m.wikipedia.org/wiki/List_of_abolitionist_forerunners

https://en.m.wikipedia.org/wiki/List_of_Fellows_of_the_Royal_Society_of_Arts

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

http://journals.cambridge.org/action/displayAbstract?fromPage=online&aid=7824760&fileId=S1474691300001062

https://books.google.com/?id=pUmfjlAfM3kC

https://en.m.wikipedia.org/wiki/The_Journal_of_Law_and_Economics

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

http://www.adamsmith.org/adam-smith/

https://openlibrary.org/authors/OL39302A

https://en.m.wikipedia.org/wiki/Project_Gutenberg

https://archive.org/search.php?query=%28%28subject%3A%22Smith%2C%20Adam%22%20OR%20subject%3A%22Adam%20Smith%22%20OR%20creator%3A%22Smith%2C%20Adam%22%20OR%20creator%3A%22Adam%20Smith%22%20OR%20title%3A%22Adam%20Smith%22%20OR%20description%3A%22Smith%2C%20Adam%22%20OR%20description%3A%22Adam%20Smith%22%29%20OR%20%28%221723-1790%22%20AND%20Smith%29%29%20AND%20%28-mediatype:software%29