ᱮᱰᱟ ᱞᱚᱵᱷᱞᱮᱥ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search

ᱚᱜᱚᱥᱴᱟ ᱮᱰᱟ ᱠᱤᱝ, ᱠᱟᱣᱱᱴᱮᱥ ᱚᱯᱷ ᱞᱚᱵᱷᱞᱮᱥ (᱑᱐ ᱰᱤᱥᱮᱢᱵᱚᱨ ᱑᱘᱕᱒- ᱒᱗ ᱱᱚᱵᱷᱮᱢᱵᱚᱨ ᱑᱘᱕᱒, ᱡᱟᱱᱟᱢ ᱧᱩᱢ - ᱚᱜᱚᱥᱴᱟ ᱮᱰᱟ ᱵᱟᱭᱨᱚᱱ) ᱫᱚ ᱢᱤᱫ ᱵᱨᱤᱴᱤᱥ ᱮᱞᱠᱷᱟ ᱯᱟᱹᱨᱩᱠᱷᱤᱭᱟᱹ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱮᱰᱟ ᱞᱚᱵᱷᱞᱮᱥ ᱢᱮᱱᱛᱮ ᱠᱚ ᱢᱮᱛᱟᱭ ᱠᱟᱱ ᱛᱟᱦᱮᱸᱫ ᱾ ᱩᱱᱤ ᱫᱚ ᱵᱟᱹᱲᱛᱤ ᱠᱟᱛᱮ ᱪᱟᱨᱞᱥ ᱵᱟᱵᱮᱡᱽ ᱦᱚᱛᱮᱛᱮ ᱵᱮᱱᱟᱣ ᱞᱮᱱ ᱠᱚᱲ ᱠᱚᱢᱯᱩᱴᱚᱨ ᱟᱱᱟᱞᱤᱴᱤᱠᱟᱞ ᱤᱧᱡᱤᱱ ᱪᱮᱛᱟᱱ ᱨᱮ ᱟᱹᱰᱤ ᱜᱟᱱ ᱮ ᱠᱟᱹᱢᱤ ᱞᱮᱫᱼᱟ ᱾ ᱟᱡ ᱦᱚᱛᱮᱛᱮ ᱚᱞ ᱞᱮᱱ ᱱᱚᱴ ᱟᱨᱵᱟᱝ ᱠᱳᱰᱤᱝ ᱫᱚ ᱠᱚᱲ ᱵᱟᱝᱢᱟ ᱢᱤᱥᱤᱱ ᱞᱟᱹᱜᱤᱫ ᱵᱮᱱᱟᱣ ᱟᱠᱟᱱ ᱯᱩᱭᱞᱩ ᱟᱞᱜᱚᱨᱤᱫᱚᱢ ᱢᱮᱱᱛᱮ ᱢᱟᱱᱚᱛ ᱮ ᱧᱟᱢ ᱟᱠᱟᱫᱼᱟ, ᱚᱱᱟᱛᱮ ᱱᱩᱭ ᱫᱚ ᱡᱮᱜᱮᱛ ᱨᱤᱱᱤᱡ ᱯᱩᱭᱞᱩ ᱠᱚᱢᱯᱩᱴᱚᱨ ᱯᱨᱚᱜᱽᱨᱟᱢᱚᱨ ᱢᱮᱱᱛᱮ ᱠᱚ ᱢᱮᱛᱟᱭ ᱠᱟᱱᱟ ᱾[᱑][᱒][᱓]

ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱮᱰᱟ ᱞᱚᱵᱷᱞᱮᱥ ᱫᱚ ᱑᱐ ᱰᱤᱥᱮᱢᱵᱚᱨ ᱑᱘᱑᱕ ᱨᱮ ᱧᱩᱛᱩᱢᱟᱱ ᱤᱝᱜᱽᱞᱤᱥ ᱚᱱᱚᱬᱦᱤᱭᱟᱹ ᱞᱚᱨᱰ ᱵᱟᱭᱨᱚᱱ ᱟᱨ ᱟᱱᱮ ᱤᱡᱟᱵᱮᱞᱟ ᱵᱟᱭᱨᱚᱱ ᱛᱤᱠᱤᱱᱟᱜ ᱠᱚᱞᱮ ᱨᱮ ᱡᱟᱱᱟᱢ ᱞᱮᱱ ᱛᱟᱦᱮᱸᱫ ᱾[᱔] ᱮᱰᱟ ᱦᱟᱜ ᱡᱟᱱᱟᱢ ᱨᱮᱱᱟᱜ ᱢᱤᱫ ᱪᱟᱸᱫᱚ ᱛᱟᱭᱚᱢ ᱟᱯᱟᱛ ᱫᱚ ᱮᱸᱜᱟᱛ ᱴᱷᱮᱱ ᱠᱷᱚᱱ ᱮ ᱥᱟᱦᱟ ᱞᱮᱱ ᱛᱟᱦᱮᱸᱫ ᱟᱨ ᱯᱩᱱ ᱪᱟᱸᱫᱚ ᱛᱟᱭᱚᱢ ᱤᱝᱞᱚᱸᱰ ᱵᱟᱹᱜᱤ ᱠᱟᱛᱮ ᱪᱟᱞᱟᱣ ᱮᱱᱟᱭ ; ᱟᱨ ᱢᱩᱪᱟᱹᱫ ᱨᱮ "ᱜᱨᱤᱠ ᱯᱷᱩᱨᱜᱟᱹᱞ ᱞᱟᱲᱟᱣᱱᱟ" ᱚᱠᱛᱚ ᱨᱮ ᱟᱡᱟᱨ ᱨᱮ ᱧᱩᱨ ᱮᱱ ᱛᱟᱭᱚᱢ ᱮᱰᱟ ᱦᱟᱜ ᱘ ᱥᱮᱨᱢᱟ ᱦᱩᱭ ᱟᱠᱟᱱ ᱵᱮᱲᱟ ᱨᱮ ᱜᱩᱨ ᱞᱮᱱ ᱛᱟᱦᱮᱸᱫ ᱮ ᱾ ᱮᱰᱟ ᱟᱡ ᱮᱸᱜᱟᱛ ᱟᱨ ᱟᱯᱟᱛ ᱛᱟᱞᱟ ᱨᱮ ᱚᱯᱚᱴ ᱠᱷᱟᱹᱛᱤᱨ ᱛᱮ, ᱮᱸᱜᱟᱛ ᱫᱚ ᱥᱟᱹᱜᱤᱧ ᱨᱮ ᱫᱚᱦᱚ ᱠᱟᱛᱮ ᱮᱰᱟ ᱫᱚ ᱮᱞᱠᱷᱟ ᱟᱨ ᱡᱩᱠᱛᱤ ᱯᱟᱲᱦᱟᱣ ᱞᱟᱹᱜᱤᱫ ᱵᱟᱹᱲᱛᱤ ᱩᱫᱽᱜᱟᱹᱣ ᱮ ᱮᱢᱟᱭ ᱠᱟᱱ ᱛᱟᱦᱮᱸᱫ ᱾ ᱮᱱᱛᱮ ᱨᱮᱦᱚᱸ ᱮᱰᱟ ᱫᱚ ᱟᱡ ᱵᱟᱵᱟ ᱛᱩᱞᱩᱡ ᱜᱚᱨᱚᱡᱽ ᱮ ᱫᱚᱦᱚ ᱞᱮᱫ ᱜᱮᱭᱟ ᱾ ᱮᱰᱟ ᱫᱚ ᱦᱟᱨᱟᱵᱩᱨᱩ ᱠᱟᱛᱮ ᱘ ᱡᱩᱞᱟᱭ ᱑᱘᱓᱕ ᱨᱮ ᱣᱤᱞᱤᱭᱚᱢ ᱠᱤᱽ ᱥᱟᱶᱛᱮ ᱵᱟᱯᱞᱟ ᱞᱮᱱ ᱛᱟᱦᱮᱸᱫ ᱾[᱕]

ᱜᱩᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

Ada Lovelace in 1852.jpg

᱒᱗ ᱵᱚᱵᱦᱮᱢᱵᱚᱨ ᱑᱘᱕᱒ ᱨᱮ ᱓᱖ ᱵᱚᱪᱷᱚᱨ ᱵᱚᱭᱚᱥ ᱨᱮ ᱮᱰᱟ ᱫᱚ ᱜᱩᱨᱵᱷᱤᱱ ᱛᱷᱟᱹᱭᱞᱟᱹᱜ ᱠᱮᱱᱥᱚᱨ ᱛᱮ ᱜᱚᱡ ᱞᱮᱱ ᱛᱦᱟᱮᱸᱫ ᱾[᱖] ᱜᱚᱡ ᱨᱮᱱᱟᱜ ᱚᱡᱮ ᱰᱟᱠᱛᱚᱨ ᱠᱟᱛᱷᱟ ᱛᱮ ᱵᱟᱹᱲᱛᱤ ᱢᱟᱭᱟᱢ ᱞᱤᱸᱡᱤ ᱛᱮᱜᱮ ᱦᱩᱭ ᱮᱱᱟ ᱢᱮᱱᱛᱮ ᱠᱚ ᱢᱚᱱᱮᱭᱮᱫᱼᱟ ᱾[᱗] ᱜᱩᱡᱩᱜ ᱞᱟᱦᱟ ᱨᱮ ᱮᱰᱟ ᱫᱚ ᱟᱹᱰᱤ ᱫᱤᱱᱦᱟᱹᱵᱤᱡ ᱟᱡᱟᱨ ᱨᱮ ᱧᱩᱨ ᱞᱮᱱ ᱛᱟᱦᱮᱸᱫ ᱾ ᱮᱰᱟ ᱫᱚ ᱟᱡ ᱟᱭᱚ ᱣᱟᱜ ᱚᱨᱥᱚᱝ ᱞᱮᱠᱟᱛᱮ ᱫᱷᱟᱨᱚᱢᱤᱭᱟᱹᱭ ᱵᱮᱱᱟᱣ ᱞᱮᱱ ᱛᱟᱦᱮᱸᱫ ᱾ ᱓᱐ ᱚᱜᱚᱥᱴ ᱨᱮ ᱟᱡ ᱡᱟᱶᱟᱭ ᱴᱷᱮᱱ ᱠᱷᱚᱱ ᱛᱤᱢᱤᱱ ᱜᱟᱱ ᱫᱚᱥ ᱢᱟᱱᱟᱣ ᱛᱟᱭᱚᱢ ᱩᱱᱠᱤᱱᱟᱜ ᱥᱟᱹᱜᱟᱹᱭ ᱛᱚᱯᱟᱜ ᱞᱮᱱ ᱛᱟᱦᱮᱸᱫ ᱾ ᱟᱹᱠᱤᱱᱟᱜ ᱮᱯᱮᱨᱦᱮᱸᱰᱮ ᱨᱮᱱᱟᱜ ᱵᱷᱤᱛᱨᱤ ᱠᱟᱛᱷᱟ ᱫᱚ ᱱᱤᱛ ᱦᱟᱹᱵᱤᱡ ᱵᱟᱝ ᱟᱵᱟᱰᱟᱭ ᱟᱠᱟᱱᱟ ᱾[᱘] ᱮᱰᱟ ᱦᱟᱜ ᱱᱮᱸᱦᱚᱨ ᱟᱨ ᱟᱸᱥ ᱞᱮᱠᱟᱛᱮ ᱟᱡ ᱵᱟᱵᱟ ᱦᱟᱜ ᱛᱚᱯᱟ ᱥᱩᱨ ᱨᱮ ᱠᱚ ᱛᱚᱯᱟ ᱞᱮᱫᱮ ᱛᱟᱦᱮᱸᱫ ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. Fuegi & Francis 2003, pp. 16–26.
  2. Phillips, Ana Lena (ᱱᱚᱵᱷᱮᱢᱵᱚᱨ–ᱰᱤᱥᱮᱢᱵᱚᱨ 2011). "Crowdsourcing gender equity: Ada Lovelace Day, and its companion website, aims to raise the profile of women in science and technology". American Scientist. 99 (6): 463. 
  3. "Ada Lovelace honoured by Google doodle". The Guardian. 10 ᱰᱤᱥᱮᱢᱵᱚᱨ 2012. Retrieved 10 ᱰᱤᱥᱮᱢᱵᱚᱨ 2012. 
  4. Ada Lovelace Biography, biography.com
  5. "Ada Augusta Byron", The Peerage .
  6. "December 1852 1a * MARYLEBONE – Augusta Ada Lovelace", Register of Deaths, GRO 
  7. Baum 1986, pp. 99–100.
  8. Woolley 1999, p. 369.