ᱮᱰᱥ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Red Ribbon
Symptoms of acute HIV infection
Symptoms of AIDS

ᱮᱰᱥ ᱫᱚ ᱵᱷᱩᱛᱟᱬᱩ ᱫᱟᱨᱟᱭ ᱛᱮ ᱦᱩᱭᱩᱜ ᱠᱟᱱ ᱢᱤᱫᱴᱟᱝ ᱟᱡᱟᱨ ᱠᱟᱱᱟ । ᱟᱡᱟᱨ ᱮᱦᱚᱵᱚᱦᱜ ᱡᱷᱚᱜ ᱫᱚ ᱞᱚᱪᱷᱱᱟ ᱵᱟᱭ ᱧᱮᱞᱚᱜ-ᱟ ᱾ ᱟᱹᱰᱤ ᱫᱤᱱ ᱦᱟᱹᱵᱤᱡ ᱦᱚᱸ ᱞᱚᱪᱷᱱᱟ ᱵᱟᱭ ᱧᱮᱞᱚᱜ-ᱟ ᱾ ᱵᱟᱹᱭ ᱵᱟᱹᱭ ᱛᱮ ᱱᱚᱶᱟ ᱟᱡᱟᱟᱨ ᱢᱟᱹᱱᱢᱤᱭᱟᱜ ᱫᱩᱜ ᱫᱟᱨᱟᱢ ᱫᱟᱲᱮᱭ ᱠᱚᱢ ᱛᱮ ᱴᱤᱹᱵᱤᱹ ᱮᱢᱟᱱ ᱵᱮᱢᱟᱨ ᱮ ᱵᱮᱱᱟᱶ ᱚᱪᱚᱭᱟ ᱾ ᱞᱚᱪᱷᱱᱟ ᱧᱮᱞ ᱞᱮᱱᱠᱷᱟᱱ ᱮᱰᱥ ᱦᱩᱭ ᱟᱠᱟᱱᱟ ᱢᱮᱱᱛᱮ ᱞᱟᱹᱭ ᱜᱟᱱᱚᱜ-ᱟ ᱟᱨ ᱢᱟᱹᱱᱢᱤᱭᱟᱜ ᱚᱡᱚᱱ ᱠᱚᱢᱚᱜ-ᱟ ᱾

ᱫᱟᱨᱟᱢ ᱟᱨ ᱛᱤᱠᱪᱷᱟᱹ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱮᱪᱹ ᱟᱭᱹ ᱵᱷᱤᱹ ᱵᱷᱩᱛᱟᱬᱩ ᱫᱚ ᱛᱤᱨᱤᱯᱩᱨᱩᱥ, ᱢᱟᱭᱟᱢ ᱦᱟᱛᱟᱶ, ᱤᱧᱡᱮᱠᱥᱚᱱ, ᱮᱢᱟᱱ ᱛᱮ ᱩᱪᱟᱹᱲᱚᱜ-ᱟ ᱾ ᱦᱚᱲᱢᱚ ᱠᱷᱚᱱ ᱚᱰᱚᱠ ᱟᱠᱟᱱ ᱢᱮᱫ ᱫᱟᱜ ᱟᱨ ᱩᱞᱤ ᱫᱟᱜ ᱛᱮᱫᱚ ᱱᱚᱶᱟ ᱟᱡᱟᱨ ᱵᱟᱭ ᱩᱪᱟᱲᱚᱜ-ᱟ ᱾ ᱱᱚᱶᱟ ᱟᱡᱟᱨ ᱨᱮᱭᱟᱜ ᱛᱤᱠᱪᱷᱟᱹ ᱫᱚ ᱱᱤᱛ ᱦᱟᱹᱵᱤᱡ ᱟᱶᱨᱤ ᱚᱰᱚᱠᱚᱜ-ᱟ ᱾ ᱤᱠᱷᱟᱹᱱ ᱟᱭᱳ ᱟᱨ ᱜᱤᱫᱟᱹᱨᱟᱜ ᱛᱤᱠᱪᱷᱟᱹ ᱞᱮᱠᱷᱟᱱ ᱟᱡᱟᱨ ᱫᱟᱵᱚᱱ ᱛᱟᱦᱮᱸᱱᱟ ᱾ ᱟᱡᱟᱨ ᱪᱤᱱᱦᱟᱶ ᱛᱟᱨᱟ ᱜᱮ ᱛᱤᱠᱪᱷᱟᱹ ᱫᱚ ᱥᱚᱝᱜᱮ ᱮᱦᱚᱵᱚᱜ-ᱟ ᱾ ᱢᱤᱫ ᱦᱚᱲ ᱟᱡᱟᱨ ᱧᱟᱢ ᱠᱟᱭ ᱨᱮᱦᱚᱸ ᱵᱤᱱᱟᱹ ᱛᱤᱠᱪᱷᱟᱹ ᱛᱮ ᱑᱑ ᱥᱮᱨᱢᱟ ᱦᱟᱹᱵᱤᱡ ᱵᱟᱧᱪᱟᱶ ᱮ ᱛᱟᱦᱮᱸ ᱫᱟᱲᱮᱭᱟᱜ-ᱟ ᱾

ᱱᱟᱜᱟᱢ ᱟᱨ ᱟᱡᱟᱨ ᱯᱚᱲᱦᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱑᱔ ᱥᱟᱞ ᱨᱮ ᱓᱖ᱹ᱙ ᱢᱤᱞᱤᱭᱚᱱ ᱦᱚᱲᱟᱜ ᱮᱪᱹ ᱟᱭᱹ ᱵᱷᱤᱹ ᱛᱟᱦᱮᱸ ᱠᱟᱱᱟ ᱩᱱᱠᱩ ᱠᱷᱚᱱ ᱑ᱹ᱒ ᱢᱤᱞᱤᱭᱚᱱ ᱦᱚᱲ ᱫᱚᱠᱚ ᱜᱚᱡ ᱞᱮᱱᱟ ᱾ ᱱᱩᱠᱩ ᱠᱷᱚᱱ ᱵᱟᱹᱲᱛᱤ ᱦᱚᱲ ᱫᱚ ᱟᱯᱷᱨᱤᱠᱟ ᱨᱮᱭᱟᱜ ᱥᱟᱦᱟᱨᱟ ᱤᱞᱟᱹᱠᱟ ᱨᱮᱱ ᱠᱚ ᱛᱟᱦᱮᱱ ᱠᱟᱱᱟ ᱾ ᱱᱚᱶᱟ ᱟᱡᱟᱨ ᱧᱟᱢ ᱟᱠᱟᱱ ᱦᱤᱞᱚᱜ ᱠᱷᱚᱱ ᱒᱐᱑᱔ ᱥᱩᱫᱷᱟᱹ ᱛᱮ ᱓᱙ ᱢᱤᱞᱤᱭᱚᱱ ᱦᱚᱲ ᱠᱚ ᱜᱚᱡ ᱟᱠᱟᱱᱟ ᱾ ᱱᱚᱶᱟ ᱟᱡᱟᱨ ᱫᱚ ᱱᱮᱛᱟᱨ ᱯᱟᱱᱰᱮᱢᱤᱠ ᱛᱷᱚᱠ ᱨᱮᱠᱚ ᱫᱚᱦᱚ ᱟᱠᱟᱫᱟ ᱡᱟᱦᱟᱸ ᱨᱮᱭᱟᱜ ᱢᱮᱱᱮᱫ ᱫᱚ ᱟᱰᱤ ᱢᱟᱨᱟᱝ ᱤᱞᱟᱹᱠᱟ ᱨᱮ ᱛᱟᱦᱮᱸᱱᱟ ᱟᱨ ᱞᱚᱜᱚᱱ ᱯᱟᱥᱱᱟᱜ-ᱟ ᱾ ᱜᱮᱟᱨᱮ ᱥᱟᱭᱟᱝ ᱨᱮᱭᱟᱜ ᱢᱩᱪᱟᱹᱫ ᱟᱨ ᱵᱟᱨ ᱜᱮᱞ ᱥᱟᱭᱟᱝ ᱵᱷᱤᱛᱨᱤ ᱨᱮ ᱱᱚᱶᱟ ᱟᱡᱟᱨ ᱫᱚ ᱵᱮᱱᱟᱶ ᱟᱠᱟᱱᱟ ᱢᱮᱱᱛᱮ ᱵᱟᱰᱟᱭᱚᱜ-ᱟ ᱾ ᱥᱮᱞᱮᱫ ᱫᱤᱥᱚᱢ ᱟᱢᱮᱨᱤᱠᱟ ᱨᱮᱭᱟᱜ ᱥᱮᱱᱴᱟᱨ ᱯᱷᱚᱨ ᱰᱤᱡᱤᱡᱽ ᱠᱚᱱᱴᱨᱚᱞ ᱮᱱᱰ ᱯᱨᱤᱵᱷᱮᱱᱥᱚᱱ ᱫᱟᱨᱟᱭ ᱛᱮ ᱱᱚᱶᱟ ᱟᱡᱟᱨ ᱑᱙᱘᱑ ᱥᱟᱞ ᱨᱮ ᱪᱤᱱᱦᱟᱹᱶ ᱮᱱᱟ ᱾ ᱛᱟᱭᱚᱢ ᱛᱮ ᱱᱚᱶᱟ ᱨᱮ ᱭᱟᱜ ᱞᱚᱪᱷᱱᱟ ᱦᱚᱸ ᱪᱤᱱᱦᱟᱹᱶ ᱮᱱᱟ ᱾

ᱥᱚᱢᱟᱡᱽ ᱟᱨ ᱥᱚᱸᱥᱠᱨᱩᱛᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱚᱢᱟᱡᱽ ᱪᱮᱛᱟᱱ ᱨᱮ ᱱᱚᱶᱟ ᱟᱡᱟᱨ ᱨᱮᱭᱟᱜ ᱚᱨᱥᱚᱝ ᱯᱟᱲᱟᱜ ᱠᱟᱱᱟ ᱾ ᱱᱚᱶᱟ ᱟᱡᱟᱨ ᱨᱮᱭᱟᱜ ᱚᱨᱥᱚᱝ ᱠᱟᱹᱶᱰᱤ ᱟᱹᱨᱤ ᱪᱮᱛᱟᱱ ᱨᱮᱦᱚᱸ ᱧᱩᱨᱩᱜ ᱠᱟᱱᱟ ᱾ ᱡᱚᱴᱮᱫ ᱛᱮᱦᱚᱸ ᱱᱚᱶᱟ ᱟᱡᱟᱨ ᱩᱪᱟᱹᱲᱚᱜ-ᱟ ᱢᱮᱱᱛᱮ ᱦᱚᱲᱟᱜ ᱟᱱᱫᱷᱟ ᱯᱟᱹᱛᱭᱟᱹᱶ ᱢᱮᱱᱟᱜ-ᱟ ᱾

ᱯᱷᱮᱰᱟᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

https://or.wikipedia.org/wiki/%E0%AC%8F%E0%AC%9A%E0%AC%86%E0%AC%87%E0%AC%AD%E0%AC%BF/%E0%AC%8F%E0%AC%A1%E0%AC%B8

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

https://en.wikipedia.org/wiki/HIV/AIDS